الدراسه عن بعد.

[style]

السلام عليكم
في ظل الاوضاع الحاليه ،،هل هناك نيه من الوزاره للدراسه عن بعد،،ولا ينتظرون لمًا يطيح الفاس بالراس؟

شكرا

[معماري قطري]

عليكم السلام ورحمة الله وبركاته

بيجربون وبينتظرون الحدث والناس تشتكي بعدين بيقررون

المشكلة للي تحت 12 ولا تطعموا .. الكبار والمتطعمين بإذن الله ما عليهم خوف .. وأتوقع يحافظون على إجراءات احترازية أبسط ويكون فيه نوع من التباعد .. ثرى الوضع وايد أحسن من قبل بس الخوف والشكوك من المتحورات وقدرة التطعيم عليها ومدى تأثيرها على الصغار .. خلصنا 99% وتعمقنا في نسبة ال 99% واليوم تراجعنا خلال الأيام اللي راحت وصلنا ل 99% وفوقها شيء بسيط .. هذا يعني 99% من المصابين خلصت حالاتهم لشفاء أو وفاة .. ويعني عندنا 601 وفيات على إجمالي مصابين يساوي 227899 ويمثلون نسبة 0.2637% أو 26 وفاة في كل 10000 إصابة وهو رقم متدني كثير مقارنة ببقية دول العالم

مثال أمريكا 173 وفاة لكل 10000 إصابة .. الكنغدم اللي غربينا 156 وفاة لكل 10000 إصابة .. الكنغدم الصغيرة بلاد دلمون 51 وفاة لل 10000 .. الصين وايد الوفيات عالية والظاهر يخشون الأرقام الحقيقية للإصابات

الناس وايد يطالبون بانفتاح وتخفيف قيود ولين جات السالفة للمدارس وللعمل يبغون الراحة

[Rider]

اتمنى الدراسة تكون في المدارس خلآص يكفي عيالنا تعودو على الكسل وقل التحصيل العلمي لكن باجراءات احترازية

[SouthK]

الدراسة عن بُعد ما يصلح لمن هم في مرحلة اتاسيس التعليمي .. صحيح ان التعليم عندنا ضايع لكن على الاقل ينقذون ما يمكن انقاذه!

بالامكان اعتماد الحضور في المدارس مع بعض الاحترازات!

[@north_star@]

فعلا نتمنى يكون التعليم بالمدارس والاجراءات الاحترازية أصبحت معروفة للجميع والله يحفظ الجميع

[sara jsm]

غالبا الترتيبات بتكون على الدوام المباشر ..
لكن مايندرى عن الاوضاع لين قربت المدارس ..
والناس ارجعوا من السفر والحالات في ازدياد سواء طلاب او معلمين ..
لكن اتمنى من صميم قلبي ان المدارس تفتح :this:

[style]

توه الان نازل تعميم ان الجامعه عن بعد مبدئيا اعتبارا من 15 اغسطس ،،،،اعتقد بدينا

[Rider]

غالبا الترتيبات بتكون على الدوام المباشر ..
لكن مايندرى عن الاوضاع لين قربت المدارس ..
والناس ارجعوا من السفر والحالات في ازدياد سواء طلاب او معلمين ..
لكن اتمنى من صميم قلبي ان المدارس تفتح :this:

لي قرينه اليوم في الجريده الجامعه بيكون الدوام عن بعد وهذا شي غريب يعني المفروض الكل في الجامعة متطعم ليش التعليم عن بعد يعني هم مب أطفال ماتقدر تتحكم فيهم

[sara jsm]

حسب المرحلة اللي فاتحينها في هالوقت فبيكون التعليم مدمج 50 / 50

الجامعه مومشكله .. انت الحين عندك اجيال ومراحل قاعدة تتأسس ..
وللاسف هالمرحلة ضايعين بالطوشه .. الله يعين

[Rider]

حسب المرحلة اللي فاتحينها في هالوقت فبيكون التعليم مدمج 50 / 50

الجامعه مومشكله .. انت الحين عندك اجيال ومراحل قاعدة تتأسس ..
وللاسف هالمرحلة ضايعين بالطوشه .. الله يعين

فعلا ياختي مرحلة التأسيس هي الهم ولا كيف طفل توه داخل الروضة عن بعد وحتى في المرحلة الابتدائية طفل مايستوعب

[style]

وتم الموضوع ،،،مدمج

[khaldoon]

الله يكون في عون الاطفال و طلاب الثانوية العامة و في عون اهاليهم هم اكثر فئة متضررة

و طبعا الجميع بلا شك

[سالم الزهران]

الطالب حتى بعدما يتخرج وبامتياز بيتضرر من التعيين ومن الادارة اللي بتشغله في المستقبل، فما يمنع انه يدخل في دوامة القرارات من بدري عشان يتعود.

الله يعلم انني ما ربيت اولادي ولا علمتهم عشان يحصل له مرتب شهري فقط، لكن نعلمهم ونربيهم عشان يشيلون الحمل حق البلاد و انا اقسم اني ادرك هذا الأمر أو على الأقل مخلص فيه أنا وكثير من الآباء أكثر من الوزير نفسه.

[sara jsm]

الله يكون في عون الاطفال و طلاب الثانوية العامة و في عون اهاليهم هم اكثر فئة متضررة

و طبعا الجميع بلا شك

الثانويه العامة ليش متضررين !؟
هالسنه نسبه اللي جايبين 100% في الثانويه العامة فوق الخيال ..
في حياتي كلها ماشفت هالعدد الله يوفقهم ويبارك فيهم ..

[khaldoon]

الثانويه العامة ليش متضررين !؟
هالسنه نسبه اللي جايبين 100% في الثانويه العامة فوق الخيال ..
في حياتي كلها ماشفت هالعدد الله يوفقهم ويبارك فيهم ..

التعليم عن بعد صعب جدا مب مثل التعليم وجها لوجه و التفاعل المباشر بين المدرس و الطالب...... هذا التفاعل المباشر المفقود يتم تعويضه عن طريق تدريس الوالدين لاولادهم و لو الوالدين غير قادرين على هالشي بيروحون الى التدريس الخصوصي اللي يقص الظهر ..... الدرس الواحد/ساعة لا يقل عن 250 ريال

اما ليش النسبة صارت 100% فأنا اتحفظ عن شرح السبب

[SouthK]

اما ليش النسبة صارت 100% فأنا اتحفظ عن شرح السبب

رد دبلوماسي!