نصيحة دراسة هندسة معمارية ام تصميم داخلي ام ادارة أعمال

[Neverland_Qa]

السلام عليكم ياجماعة الخير

ياريت تفيدوني وتنصحوني برايكم بهلموضوع بعدة توجهات



اول تخصص :هندسة معمارية
-----------------

انا حابة أدرس الهندسة المعمارية في جامعة قطر
لكني للأسف خريجة شهادة أدبية في الثانوية العامة من 2011
توقفت عن الدراسة كل هلسنين لظروف قاهرة ونسبتي الحمدالله فوق النسبة المطلوبة لدخول الجامعة

ولما تيسر الحال اصدموني الجامعة بقرار جديد ان لازم شهادة ثانوي علمية يعني أعيد الصف الثاني ثانوي من جديد واضيع سنتين زيادة من عمري
رغم ان قبل كانو بس يطلبون شهادة ايلتز وايسيتي للي شهادته ادبية ويقبلونه في تخصص علمي

فقدامي خيار اني اعيد الثانوية لأقدر ادرس التخصص الي اطمح له
----------------------------



التصميم الداخلي
---------------------------


الخيار الثاني اني ادرس التصميم الداخلي فقط في جامعة فيرجينيا
وهو تخصص محصور أكثر من هندسة العمارة فمادري لو له مستقبل وهل شهادة فيرجينيا بلقوة الي تخلي اي مكان يقبلني ؟

وهل راتب هلوظيفة زين لي كقطرية وهل له ترقيات؟
لأن كل المواقع فلنت توضح رواتب غير القطريين في هلمجال

--------------------




إدارة الأعمال

قدامي خيار اما دراسة هلتخصص في جامعة قطر او الشمال الاطلنطي وطبعا باكلريوس
لكن هلتخصص راح يكون اخر لجوء لانه مش مجال أميل له شغفي أكثر فلمجال الفني والإبداعي
لكن قد يكون هلمجال أحسن واقوى وظيفياً كراتب وترقيات
اذا كان فعلا هذا التخصص اقوى راح اتوكل على الله




ماعندي من استشيره فكلامكم وايد بفيدني والله يجزاكم خير دنيا وأخرة😢


------------------

[بوعابد7]

وعليكم السلام


انا دايما انصح بالتخصصات العلمية النادرة اذا عندج امكانية ولغة ورغبة ،،
لكن يعتمد على ظروفك
اذا موظفة فانصحج بتخصص ماتتطلب دراسته جهد كبير مثل الادارة أو المالية

بالنسبه للراتب اذا حكومي الراتب مايفرق لان جميع التخصصات رواتبها متقاربه الا اذا كنت طبيب أو مدرس .
اذا قطاع خاص يمديك تفاوض على راتبك على حسب قوة تخصصك وجامعتك وخبرتك والواو :)



اتمنى افدتج ولو بشكل بسيط والله يوفقج

[مرتبش]

الله يوفقج اختي والدراسة الجامعية مهمة للكل.. اخوي بوعابد نصيحته ممتازة وحبيت اضيف بعض النقاط.. اعادة الثانوية اشوفه مضيعة للوقت يمكن الدراسة في مكان اخر والتحويل للجامعة متاح والساعات المكتسبة ماتضيع عليج اشوفه خيار احسن.
التصميم الداخلي لانه من المدينة التعليمية اعتقد الحكومة ملتزمة بالتوظيف ومجاله دامه حكومي مايفرق الكثير من جهة لاخرى.
دراسة ادارة الاعمال اذا قدرتي تنسقين بين الدراسة والعمل بيكون الافضل بينهم.

[معماري قطري]

إختي من التخصصات المهمة واللي تحتاجها الدولة المحاسبة ولو تقدرين تتعمقين فيها أفضل وكذلك إدارة المستشفيات .. مستغرب ما ادري ليش ما فيه جهة تحث الطلبة القطريين للتخصصات المحتاجين لها

لو حابة التصميم الداخلي زين بس التخصص صعب ودراسته مرهقة ومطلوب تعب كبير ومجهود

المحاسبة سهلة وحساباتها سهلة وكلها برامج حسابية وكمبيوتر

علوم الكمبيوتر كذلك مهمة ولها حاجة كبيرة في الدولة

أخيراً الله ييسر ويسهل هذا الطريق ويوفق كل عيالنا وبناتنا فيه

[SouthK]

عليكم السلام و رحمة الله و بركاته
كل تخصصات الهندسة تحتاج التخصص الثانوي العلمي و إن كان هناك خريجين أدبي درسوا تخصصات هندسة لكن هذي شيء ثاني و ما انصح به!

هذا رابط متطلبات الدراسة في كل تخصصات الجامعة:

http://www.qu.edu.qa/students/admission/undergraduate/college-requirements

التخصص يعتمد على ميول الشخص .. الهندسة المعمارية تخصص جميل و للأسف على ايامي ما كان موجود في الجامعة و حتى الآن متوفر فقط للبنات و السبب مجهول!

التصميم الداخلي تخصص للبنات بإمتياز و احنا نفشل فيه فشل صريح لأن ذوقنا في الالوان الله بالخير (ما له علاقة بعبدالله بلخير) .. ما اعرف إذا التخصص شهادته قوية لكن العمل الحُر أفضل لهذا التخصص!

بخصوص إدارة الاعمال تخصص له مستقبل واعد و حاضر جميل .. انصح به لمن لهم رغبة في وظيفة مستقرة.

إذا كنتي موظفة فكل اللي فوق عمليا ما له داعي .. نسقي مع جهة العمل و ممكن يبعثونج لأي تخصص حتى لو كان علمي .. عندي صديق كان يدرس تخصص كيمياء و هو خريج أدبي لكن تم ابتعاثه عن طريق جهة العمل!

نسأل الله لكم التوفيق

[سالم الزهران]

الأسهل والأنسب التصميم اذا الواحد عرف ان عنده الموهبة، تخصصات الهندسة صعبة و ادارة الاعمال ما عندي خلفية. اللي يمتلك موهبة التصميم الداخلي يقدر يشتغل من الانتسجرام، اقصد انها تخصص عملي اذا عندك موهبة

[معماري قطري]

الأسهل والأنسب التصميم اذا الواحد عرف ان عنده الموهبة، تخصصات الهندسة صعبة و ادارة الاعمال ما عندي خلفية. اللي يمتلك موهبة التصميم الداخلي يقدر يشتغل من الانتسجرام، اقصد انها تخصص عملي اذا عندك موهبة

سامحني إخوي سالم فكرتك وفكرة الكثيرين يمكن إن التصميم الداخلي هواية أكثر منه علم وتخصص قوي يخلي اللي فيه يدوخ ويتعب وكثيرين ما يكملون خاطئة .. هذا بسبب الدخلاء وكثرتهم على التخصص بدون شهادات والنظام عندنا يساعد

لازم فيه برامج تعريفية في الجامعات عندنا خصوصاً الدولية والقوية منها الواحد يتعرف على متطلبات التخصص وشرح للكورسات وحتى لو أمكن يحصل كتاب لكورس معين يشوف شعليه يدرس وبيعرف بعدين شالأنسب له

تخصص حساب الكميات بعد صعب وياخذ 5 الى 6 سنين وكثيرين يحسبونه بيس اوف كيك .. العمارة أو الهندسة المعمارية .. العمارة هي الفنيات الأساسية ومن أقدم الدراسات وأصعبها وتركز على الرسم وأساسياته خصوصاً اليدوي وعلى خيال المعماري ودراستها أقل شيء 5 سنين .. الهندسة المعمارية تخصص مدمج فيه شوية عمارة وفيه شوية هندسة مدنية وكهربية وميكانيكية وتكييف ومدته توصل 4 سنين

[سالم الزهران]

سامحني إخوي سالم فكرتك وفكرة الكثيرين يمكن إن التصميم الداخلي هواية أكثر منه علم وتخصص قوي يخلي اللي فيه يدوخ ويتعب وكثيرين ما يكملون خاطئة .. هذا بسبب الدخلاء وكثرتهم على التخصص بدون شهادات والنظام عندنا يساعد


حياك الله اخوي بو عبدالله، يمكن اني ركزت على الموهبة بحكم تجربة، مع كل ما ذكر ما يمكن نقارن دراسة التصميم الداخلي بدراسة أي فرع في الهندسة، فالتصميم انا مرشحة أمام الهندسة لسهولته و أيضاََ أمام ادارة الأعمال للجدوي منه فهو أفضل من أدارة الأعمال في نظري المتواضع.

انت ممكن تكون دارس تصميم داخلي ومتخرج بممتاز لكن ما تملك الموهبة وعينك مب عين تستشعر اللمسات الجمالية ممكن تكون أنسان نمطي تابع للآخرين ما عندك ثقة في نفسك فهذيلا مكثرهم.

قبل يومين مر علينا ناس شغلتهم الديكور وجايبين لوحة جمالية فيها إضاءة بنفسها و مركبينها بالضبط تحت الاسبوت لايت لدرجة أنك بالكاد تشوف معالم اللوحة من شدة الإضاءة.
فاقترحنا عليهم يغيرون مكانها و كان الأمر في نظرهم صعب... هذا اللي لا قالوا لك حافظ مش فاهم.

معليه انحرفت يمكن بالموضوع لكن عسى انه يكون مفيد للمتابع، شنو المجال والشغلة اللي تحبها وممكن تشدك في أي وقت.. هدي الشغلة اللي تصلح لك.

والله يوفق الجميع

[بوعابد7]

في نقطه بعد مهمه
في جهات كثيره ماتفضل انها توظف اصحاب التخصصات العلمية القطريين
بحكم انه هالوظائف حساسه وتحتاج اصحاب خبره وكفاءة عالية في المهنة

"ما أعمم" لكن اكيد في جهات تفكيرهم بهالطريقة

والنقطة الثانية
ان الي تخصصه أدبي سهل انه يتوظف في غير تخصصه أو مجاله
لكن الي تخصصه علمي صعب جدا يرضى ولا بيكون ما استفاد من تميز تخصصه

والي اللاحظه حولي من الشباب خريجيين التخصصات العلمية مثل الهندسة والكيمياء يطولون على مايلاقون وظيفة مناسبة

[SouthK]

في نقطه بعد مهمه
في جهات كثيره ماتفضل انها توظف اصحاب التخصصات العلمية القطريين
بحكم انه هالوظائف حساسه وتحتاج اصحاب خبره وكفاءة عالية في المهنة

"ما أعمم" لكن اكيد في جهات تفكيرهم بهالطريقة

والنقطة الثانية
ان الي تخصصه أدبي سهل انه يتوظف في غير تخصصه أو مجاله
لكن الي تخصصه علمي صعب جدا يرضى ولا بيكون ما استفاد من تميز تخصصه

والي اللاحظه حولي من الشباب خريجيين التخصصات العلمية مثل الهندسة والكيمياء يطولون على مايلاقون وظيفة مناسبة

كلامك صح و اتفق معاك لكن من وين القطري بيحصل خبرة إذا ما اشتغل في هالمناصب الحساسا اللي دامها حساسة مب المفروض يكون فيها مواطن؟؟؟؟؟

[الجـــوديّ]

- كوني واقعية جداً وانتي تختارين التخصص

- ادرسي تخصص يخليج من بعد ماتشتغلين في وظيفة حكومية تقدرين تفتحين بزنس وتكونين انتي راعية الحلال

- ادرسي شي يخليج تحصلين على وظيفة فلوسها وايد وتعبها منسي ...

- التصميم الداخلي مطلوب جداً ... فلوس القطريين طايرة للشركات التركية والشركات اللبنانية

والأولى تكون هنيه ...

سوي مسح على المصممين الداخليين القطريين .. تلقين حساباتهم على الانستغرام

تصاميمهم زينة ... ولو تشتغلين معاهم في الصيف .. تقوين نفسج وتكونين علاقات تساعدج اذا تخرجتي

- ادرسي واشتغلي بذكاء وليس بمجهود فلاتعيدين الثانوية

وأخيراً خلج فهلوية ولا تكونين تقليدية




كل التوفيق :fight:

[SouthK]

- كوني واقعية جداً وانتي تختارين التخصص

- ادرسي تخصص يخليج من بعد ماتشتغلين في وظيفة حكومية تقدرين تفتحين بزنس وتكونين انتي راعية الحلال

- ادرسي شي يخليج تحصلين على وظيفة فلوسها وايد وتعبها منسي ...

- التصميم الداخلي مطلوب جداً ... فلوس القطريين طايرة للشركات التركية والشركات اللبنانية

والأولى تكون هنيه ...

سوي مسح على المصممين الداخليين القطريين .. تلقين حساباتهم على الانستغرام

تصاميمهم زينة ... ولو تشتغلين معاهم في الصيف .. تقوين نفسج وتكونين علاقات تساعدج اذا تخرجتي

- ادرسي واشتغلي بذكاء وليس بمجهود فلاتعيدين الثانوية

وأخيراً خلج فهلوية ولا تكونين تقليدية




كل التوفيق :fight:



كلام و لا اروع!!!

[معماري قطري]

حياك الله اخوي بو عبدالله، يمكن اني ركزت على الموهبة بحكم تجربة، مع كل ما ذكر ما يمكن نقارن دراسة التصميم الداخلي بدراسة أي فرع في الهندسة، فالتصميم انا مرشحة أمام الهندسة لسهولته و أيضاََ أمام ادارة الأعمال للجدوي منه فهو أفضل من أدارة الأعمال في نظري المتواضع.

انت ممكن تكون دارس تصميم داخلي ومتخرج بممتاز لكن ما تملك الموهبة وعينك مب عين تستشعر اللمسات الجمالية ممكن تكون أنسان نمطي تابع للآخرين ما عندك ثقة في نفسك فهذيلا مكثرهم.

قبل يومين مر علينا ناس شغلتهم الديكور وجايبين لوحة جمالية فيها إضاءة بنفسها و مركبينها بالضبط تحت الاسبوت لايت لدرجة أنك بالكاد تشوف معالم اللوحة من شدة الإضاءة.
فاقترحنا عليهم يغيرون مكانها و كان الأمر في نظرهم صعب... هذا اللي لا قالوا لك حافظ مش فاهم.

معليه انحرفت يمكن بالموضوع لكن عسى انه يكون مفيد للمتابع، شنو المجال والشغلة اللي تحبها وممكن تشدك في أي وقت.. هدي الشغلة اللي تصلح لك.

والله يوفق الجميع

شيء أكيد الهواية واندفاع الواحد وحبه لتعلم المهنة وإحتمال توسعه فيها لتكون مصدر رزق وأقل شيء تنفعه في اسلوب تفكيره .. يمكن انا حبيت اوضح الجانب العلمي وصعوبة الدراسة والكورسات .. عرفت ناس يدرسونها في جامعة فرجينيا عندنا ولمست الصعوبة منهم وشاركتهم بعض الأفكار وزرت الجامعة أشوف معروضاتهم ومشاريعهم وللأسف كنت تيبكل قطري لابس ثوب وغترة محد عرفني كلهم أجانب أو متمثلين بالأجانب .. أما مشاريعهم تضحك بس مشاريع طلاب وفيها خيال بعيد عن الواقع .. تحصل قطعة كرتون معلقة بخيوط وورق معفس ملصقينه بغراء .. المشكلة كاتبين معرض تصميم داخلي ورحت متوقع باشوف شغل يمثل تصاميم حقيقية

[معماري قطري]

كلامك صح و اتفق معاك لكن من وين القطري بيحصل خبرة إذا ما اشتغل في هالمناصب الحساسا اللي دامها حساسة مب المفروض يكون فيها مواطن؟؟؟؟؟

أعتقد حساسة تحتاج مهندس محترف ومتمرس وصاحب خبرة والخطأ فيها لو وجد يكون مكلف وكبير

بعض إخواننا المهندسين واللي لهم سنين طويلة يخطئون مثل هذي الأخطاء الساذجة وبعضهم له تجاوز اداري هندسي المفروض يتحاسب عليه ويسجن لو في دولة صارمة .. المشكلة مثل ذيلا يتم استغلالهم من الأجانب هو يكون البغ بوس والمهندسين تحته لو يبون يلعبون وهم ما ركز ولا فهم لعبتهم شغله يوقع بعدين المسؤولية تطيح في راسه ولا يكون هذا بعد يوم أو سنة يمكن فترة بعد انتهاء المشروع وعودة من يسمون مهندسين لبلدانهم سالمين غانمين .. أكثر ما يطال البغ بوس هو ممكن لوم وممكن واحد يذكر إنه كان مسؤول هذا المشروع والبغ بوس تطور واستوى يدير مشاريع أكثر وممكن كبر وسمن واستوى فري بغ بوس

[معماري قطري]

في نقطه بعد مهمه
في جهات كثيره ماتفضل انها توظف اصحاب التخصصات العلمية القطريين
بحكم انه هالوظائف حساسه وتحتاج اصحاب خبره وكفاءة عالية في المهنة

"ما أعمم" لكن اكيد في جهات تفكيرهم بهالطريقة

والنقطة الثانية
ان الي تخصصه أدبي سهل انه يتوظف في غير تخصصه أو مجاله
لكن الي تخصصه علمي صعب جدا يرضى ولا بيكون ما استفاد من تميز تخصصه

والي اللاحظه حولي من الشباب خريجيين التخصصات العلمية مثل الهندسة والكيمياء يطولون على مايلاقون وظيفة مناسبة

الدولة تخسر كثير والسبب حقد القطري البغ بوس على الشباب الصغار وعدم إعطاءهم فرصة التدريب حتى .. تدري إن كل عقد استشارات دولية قريته فيه بند يقول على الاستشاري تدريب عدد معين من المهندسين حتى يكونون حلقة وصل بين الاستشاري والجهة المستفيدة ويتابعون ويفهمون حيثيات المشروع

عندنا مختلف المشاريع من طرق لمستشفيات لمطارات بكم تخصص .. وعندنا مشاريع مستمرة لها 20 و لها 30 سنة وتحتاج طواقم ما اقول مهندس .. طواقم هندسية مساعدة ويفترض شغلها مستمر مع هذي المشاريع .. مثل المطار والميناء لم يكونوا وليدي السنة أو العام بل بدت فكرتهم من إستلام سمو الأمير الوالد مقاليد الحكم .. ولا انكر وجود قوى هندسية مثل بارسونز وسوديتيغ ووايت ينغ وغيرهم

هذي خلاصة مرئياتي لثلاثة عقود مضت .. المهندس القطري مظلوم إدارياً والعقود واضحة بس ولا واحد يروح تدريب .. يختارون واحد من المنتهية صلاحيتهم يروح زيارات بس ويخلون اللي لهم التدريب

أذكر اشتكيت لأحد كبار المسؤولين موضوع التدريب الهندسي وكان رده شلون مهندس وتتدرب تدريب هندسي .. أنا رديت شلون طيار وتتدرب على كل جديد في الطيران وتاخذ دورات تأهيلية وشلون طبيب ونفس الشيء .. طأطأ براسه حسيت اني هزمته بس ذيلا ما يهزمهم شيء .. سعيد إني رحت دورة هندسية وحدة مطولة 5 شهور من ضمن عشرات الدورات العملية والإدارية وبطلبة وبمشقة .. وطالبنا مرة بدورة دراسية مكثفة في جامعة قطر لمدة ثلاث أيام من صبح لين العصر أيام التقشف ما عطونا مقابل الدورة ولا دفعوا لنا قال لنا مسؤولنا باعطيكم اجازة وكلم مسؤول الدورة يخصم لنا عطانا 3 بمقابل شخص واحد يعني واحد يدفع واثنين ببلاش وكانت بحدود 1000 ريال أو 1500 ووقتها رواتبنا 11000 مبلغ مؤثر دفعناها بالمشاركة وداومنا ما نطلع مصححين ومفتحين ومعانا اثنين أو ثلاثة من البلدية والبلدية تدفع عن موظفيها .. يوم التكريم والشهادات حضر جمهور كبير كلهم مهندسي البلدية مدفوع عنهم بس جاوا يستلمون شهادات دورة ما يدرون حتى وين تنعقد

[معماري قطري]

من السوالف المضحكة استشاري فرنسي مصمم مشروع كبير فيه وفيه ومن ضمن المشروع مسجد .. المسجد شكلهم تعبوا في تخيله في النهاية سووا ممر بطول 100 متر من كل جهة مظلل وكله أقواس وخرسانات خيالية والمسجد حطوه في الوسط صغير .. الممر مربع كل ضلع طوله 100 متر .. وإحنا ندرس المشروع انا ومهندس معماري هندي قديم نفكر ليش سووا جذيه ووين المواقف اللي هي ضرورية مسوين عشب حول المسجد وزراعة .. بعدين فهمت انا شمبررهم وهو إنهم متخيلين الكعبة المشرفة وشلون الطواف حولها وقالوا بنسوي لهم ممر مظلل يطوفون حول المسجد

العيوب كثيرة وهذا أحدها وأسهلها .. حتى منسق المشروع حاطين لبناني مسيحي بعيد عن الهندسة بس مبلتع والعقد واضح تدريب 3 مهندسين قطريين وصرف مستحقاتهم ومعيشتهم في فرنسا والمواصلات ما خلوا شيء في العقد بس ما تم تنفيذه من صوبنا .. يعني الاستشاري حط في تسعيره التدريب وخذ فلوسه بدون ما يدرب ولا يساهمون مهندسين قطريين في المشروع من بداياته
شاطرين بس ربعنا الكبار يروحون كم واحد يتمتعون ويتابعون ويهزون راسهم كل شيء زين

[khaldoon]

اهم شي لا تعيدين الثانوية العامة و بس

[معماري قطري]

https://www.youtube.com/watch?v=5BkzCB05a0E