السلام .... لله يابشر

[MAZEN37]

السلام عليكم ورحمة الله
موقف اليوم ذكرني بمواقف
طلعت الصبح من البيت وكان جاري المقابل طالع من بيته بنفس الوقت انتبه علي وتدارى عني بسرعه وركب سيارته بدون سلام ولا كلام (جاري من خمس سنوات )
دايما اشوف جيران او اشخاص بالشارع ويحاولون البعد وعدم السلام مع انه مافي شيء بينا
حتى في السفر خارج البلاد العرب عينه بعينك مايسلم والاجانب يصبح عليك مع ابتسامه وطاقتهم ايجابيه دائما
اتمنى نرجع وتفهم تعاليمنا الاسلاميه دين السلام ونعلم اولادنا السلام على الجميع والسلام الداخلي

[عاهد بن علي]

صباح اخي الكريم
بادر بالسلام
وأيضا ارسل لهم من طعامكم
سوف يتغير الحال بأذن الله تعالى

[SouthK]

عليكم السلام و رحمة الله و بركاته
الاطباع تختلف و ظروف الناس ما تدري عنها .. للعلم عندي نفس جارك و ما يندرى وشو عنده!

[Dana’1]

و عليكم السلام رحمة الله و بركاته

صـادق..بعضهم اذا تسلم يظن تبغى منه شي!
سياسة أفشوا السلام بينكم شبه غايبه إن كان بأبسط أشكالها وهي إلقاء التحيه أو محاولة الإخاء بين المتخاصمين ..إلخ
الأخلاق تجاريه .

[sara jsm]

هالنوع تلقاه في السوشل ميديا يدعي المثاليه :funny:

للاسف وايد ناس جذي يحسسونك انك تبي منهم شي ..
ترى السلام لويه الله .. مانبي منكم شي ..

احنا ماندري شنهي ظروفه لكن ان كان نفسيه كنت هرنت له ( سلام الشباب )
ترى مب بس الجار يسوي جذي .. حتى مرات في المسجد يتصددون ( ينخشون كانهم حريم ) :tooth:

[معماري قطري]

هالنوع تلقاه في السوشل ميديا يدعي المثاليه :funny:

للاسف وايد ناس جذي يحسسونك انك تبي منهم شي ..
ترى السلام لويه الله .. مانبي منكم شي ..

احنا ماندري شنهي ظروفه لكن ان كان نفسيه كنت هرنت له ( سلام الشباب )
ترى مب بس الجار يسوي جذي .. حتى مرات في المسجد يتصددون ( ينخشون كانهم حريم ) :tooth:

شعرفج بما يدور داخل المساجد

لو بتصلين في جانب الحريم بتكونين

بالعكس في المساجد لاحظت تقريباً الكل يسلم

[معماري قطري]

انا أذكر أحد إخواننا كنا نجتمع كثير في مكتبه في العمل الحكومي وطلع واستوى مدير شركة مقاولات كبرى هو وإخوانه يملكونها .. بالصدفة رايحين دبي معرض وشفناه انا وزميل معاي .. انا مشيت صوبه وسلمت ووقفت معاه زميلي يسوي نفسه ما يشوفه واستغربت الحركة من زميلي وهو اللي نبهني له .. الإثنين طيبين وخلوقين ولا أتوقع بينهم شيء

[sara jsm]

شعرفج بما يدور داخل المساجد

لو بتصلين في جانب الحريم بتكونين

بالعكس في المساجد لاحظت تقريباً الكل يسلم

اكيد مب عايشه في الفضاء :spider: واسمع عن اللي يستوي بالارض ..
وفي امثال كثيرة طبعا ..*

[Rider]

الزمن تغير وماحد يبغي حد إذا سلمت بيقول اكيد يبغي شي خل ينصلح الدين بتنصلح الأخلاق

[سالم الزهران]

لو تفتش بداخله هالجار تلقاه انسان بسيط بس العادة عند الناس اليوم تغيرت مثل ما قالوا الزملاء.

[معماري قطري]

لو تفتش بداخله هالجار تلقاه انسان بسيط بس العادة عند الناس اليوم تغيرت مثل ما قالوا الزملاء.

وأوقات الواحد سرحان وناسي نفسه

تجيني أوقات امر على شخص عادي والا لابس بنطلون وقميص ما ادري شديانته وتصير كثير لو سلمت حتى ما يطالعني ولا يرد وأوقات هو يبادرني بالسلام وأعرف إنه مسلم واستانس .. إحنا ابتلينا في مجتمعنا بعمالة أغلبهم غير مسلم بعضهم يبدأ بالسلام كفتح باب من ترد يقول باباه كسل سيارة .. ويطلع السلام كلمة تعلمها وهو بعيد عنها

[فيصل99]

أصبح السلام اليوم يكال بالمكيال، ويوزن بالوزن، فالسلام عليك ورده بحسب طبيعة عملك ، وقدر مالك ، وثقلك في المجتمع ، وقدر الحاجة إليك ، ومدى المعرفة ، مع أنه جاء في الحديث غير ذلك تماماً ، لو تأملناه ، أن رَجُلاً سأل النبي صلى الله عليه وسلم قال : أيُّ الإسلامِ خيرٌ ؟ قال : " تُطعِمُ الطعامَ ، وتَقْرَأُ السلامَ على مَنْ عَرَفْتَ ومَنْ لم تَعرِف.
والحديث الثاني
و الذي نَفسي بيدِهِ ! لا تَدْخُلوا الجنةَ حتى تُسْلِمُوا ، ولا تُسْلِمُوا حتى تَحابُّوا ، و أَفْشُوا السلامَ تَحابُّوا ، و إِيَّاكُمْ و البُغْضَةَ ؛ فإنَّها هيَ الحالِقَةُ ، لا أَقُولُ لَكُمْ : تَحْلِقُ الشَّعْرَ ، و لكنْ تَحْلِقُ الدِّينَ.
وإيَّاكم والبِغضةَ"،
التفسير؟؟
البغضة وهي الكُرهُ والعَداوةُ؛ "فإنَّها هي الحالقةُ، هي الخَصلةُ الَّتي شأنُها أنْ تُهلِكَ وتَستأصِلَ الدِّينَ كما يَستأصِلُ المُوس الشَّعرَ.
رأيي
أنا لو منك أسلم عليه وأحرجه يا ينحرج ويرد أو مايرد متعمد ويتحمل الإثم لانه رد السلام واجب .ومنها خذت أجر بدون مجهود .:shy:
وترا الناس أنواع في الي ينحرج مب إجتماعي وفي الي ماتربى على هالشي وفي المصلحجي أذا له مصلحه او يعرفك يسلم وفي المتكبر

[المحاميه]

صح كلامك اخوي وهالشي ملاحظته وايد
انا للامانه ساعات انسى اسلم
لكن اذا تذكرت دايما اسلم عالي اعرفه والي ماعرفه
لان فعلاً السلام لله والواحد يدور حسنات
ترا مابيطيح نصك لو سلمت ..

[المحاميه]

بنات الدوام للاسف يمرون ومايسلمون وانا قلت اكبر عقلي وامر واسلم عالجميع :)

[تاجر كشخة]

ممممم ذكرتني بفئة من الناس ما يسلم عليك واذا سلمت عليه يرد عليك بخياس طالعة من كبده لانك مب من نفس فئتهم مع انهم يدعون انهم راعيين سلوم وواجب

[معماري قطري]

أوقات امشي في اسباير ويخجلوني اللي يبدون بالسلام شبابنا وايد فيهم الخير والموضوع مهم لتنبيه الباقين

[sara jsm]

أوقات امشي في اسباير ويخجلوني اللي يبدون بالسلام شبابنا وايد فيهم الخير والموضوع مهم لتنبيه الباقين

عاد ترد عليهم ولا تسوي ان السالفه مب لك نفس اللي بالمسايد :pic:

[المحاميه]

^

هههههه

[المحاميه]

انا نظامي اسلم وامشي الي يرد فيه الخير والي مايرد كيفه

[معماري قطري]

عاد ترد عليهم ولا تسوي ان السالفه مب لك نفس اللي بالمسايد :pic:

ارد في قلبي صوتي يخرع

[معماري قطري]

انا نظامي اسلم وامشي الي يرد فيه الخير والي مايرد كيفه

حي الله المحامية وين هالغيبة الطويلة