الدوام الجزئي

[Rider]

السلام عليكم ورحمه الله وبركانه قرار الدوام الجزئي وفرحة الكثير من الناس وخاصه النساء هو قرار جيد ولكن للاسف ناقص يعني اطلب من عملي ان ابغي اشتغل دوام جزئي واخر شي ينقص الراتب وش استفدنا من القرار اتمنى فيه شي يفرح القطريين تعبنا والله كل شي توقف بدل الاجازة السلفيات وغيرها ترى البلد غاليه لي عايش على الراتب مايقدر على امور الحياة واخر شي تعال دوام جزئي وراتب ناقص كانك يابو زيد ماغزيت

[sara jsm]

وعليكم السلام ورحمة الله وبركاته :pic:
اخوي الحين الحريم دوام كامل ومايداومون نصهم .. تبينهم دوام جزئي يداومون :happy:
اكيد القرار مدروس قبل لا يحطونه وينفذونه .. والواحد لازم يحلل الريال اللي ياخذه ..
تفائلوا شوي والخير جايكم :)

[سعود.]

القانون ماذكر اي امور مالية ؟؟؟

[Rider]

القانون ماذكر اي امور مالية ؟؟؟

لأ ياخوي فيه أمور مالية وإذا مافيه بتحصل كل الموظفين دوام جزئي

[Rider]

وعليكم السلام ورحمة الله وبركاته :pic:
اخوي الحين الحريم دوام كامل ومايداومون نصهم .. تبينهم دوام جزئي يداومون :happy:
اكيد القرار مدروس قبل لا يحطونه وينفذونه .. والواحد لازم يحلل الريال اللي ياخذه ..
تفائلوا شوي والخير جايكم :)

اختي نعم فيه ناس مع الدوام الكامل مايدامون من الجنسين لكن هذا وضميره إذا يبغي ياكل حرام لكن اختي عن اتكلم الدوام الجزئي إذا أنا ملتزم بالدوام ليش تنقص الراتب عتبرها دعم للموظف الملتزم الخير بيد الله اختي قاعدين ننطر أتمنى الخير مايكون للأشخاص الشبعانيين

[سعود.]

لأ ياخوي فيه أمور مالية وإذا مافيه بتحصل كل الموظفين دوام جزئي

معك وهذا المتوقع . بس ما انذكر شي بخصوص الامور الماليه

[Rider]

معك وهذا المتوقع . بس ما انذكر شي بخصوص الامور الماليه

يعني انت ياخوي سعود تتوقع فيه شي بدون مقابل مصدر موثوق يقولون نعم فيه خصم من الراتب

[سعود.]

يعني انت ياخوي سعود تتوقع فيه شي بدون مقابل مصدر موثوق يقولون نعم فيه خصم من الراتب


الله يعين

[معماري قطري]

المفروض تقدير حاجة الموظف لدوام جزئي يكون في يد المدير والمفروض المدير يكون حقاني والمفروض هذا النظام يكون مثل ما ذكروا القصد منه المحافظة على الأُسرة والجو الأُسري وبدون نقصان في الراتب .. كفاية الفلوس اللي نشوفها تروح لبلاد الهند والسند واليمن والشام وكأننا مجبورين بهموم العالم

[Rider]

المفروض تقدير حاجة الموظف لدوام جزئي يكون في يد المدير والمفروض المدير يكون حقاني والمفروض هذا النظام يكون مثل ما ذكروا القصد منه المحافظة على الأُسرة والجو الأُسري وبدون نقصان في الراتب .. كفاية الفلوس اللي نشوفها تروح لبلاد الهند والسند واليمن والشام وكأننا مجبورين بهموم العالم

وآلله كلامك ذهب اخوي معماري نعم القطري أولى بخير بلاده

[معماري قطري]

وآلله كلامك ذهب اخوي معماري نعم القطري أولى بخير بلاده

شوف بس محلات سوق واقف رايحة حق من ومحلات أسواق الفرجان منهم ملاكها وبتعرف من اللي ماكل الجو .. تحصله عنده اراضي في الصناعية وفي الغالب يشتغل في البلدية أو كان يشتغل في البلدية أو في منصب متنفذ أو يعرف شخص يسفط له والقرعة يمكن يحصلون من وراها بس 10% والقرعة ظلم وإعطاء من لا يستحق ظلم

[Dana’1]

و عليكم السلام و رحمة الله و بركاته
الفرضيات و البديهيات شي و اللي يصير بالواقع شي ثاني
لكن
كمصطلح و نظام عمل جزئي .. طبيعي يكون الراتب جزئي.
بالمقابل
لو الموظف أخذ ساعات عمل إضافيه يكون مضاف عالراتب مبلغ بعدد الساعات و غالبا تكون حسبة القيمة المضافه مرتفعه عن قيمة عدد ساعات العمل العاديه.

إلا إذا كان مطلبك زيادة الرواتب أو إن الموظف ياخذ راتب كامل بعمل جزئي
ما أتوقع تصير
هالأمور ما تصير إلا مع فئة معينه منتقاه بمعايير معينه ف تلاقي له أكثر من مسمى و أكثر من راتب من كل صوب
و إذا زادت المعايير عنده مثلا كاريزما و سوالف حسب منظور الشخصيه اللي مخاويها ( مو شرط مخاوي من الملوك او من الأمراء و الشيوخ ) عادي الانسباء أو المدراء من أصحاب الواسطات إلى آخره. فتلاقي عادي حتى يمشي راتبه كامل وهو يتمشى برا مخاوي...
و العادي ينظرون عليه و يطبقون القانون بحذافيره.
هذا هو الواقع و هذا هو الموجود.

[sara jsm]

شوف بس محلات سوق واقف رايحة حق من ومحلات أسواق الفرجان منهم ملاكها وبتعرف من اللي ماكل الجو .. تحصله عنده اراضي في الصناعية وفي الغالب يشتغل في البلدية أو كان يشتغل في البلدية أو في منصب متنفذ أو يعرف شخص يسفط له والقرعة يمكن يحصلون من وراها بس 10% والقرعة ظلم وإعطاء من لا يستحق ظلم

الازراق مقسومة من قبل لانطلع على هالدنيا .. كل واحد نصيبه بياخذه ..
شوفوا الامور بنظرة ثانيه .. لكل مجتهد نصيب .. والخيره لما اختاره الله لنا ..
خلوا الواسطات على جنب .. محد بياخذ رزقك لو هو مكتوب لك ..
اش في خاطرك ؟ مطعم كيما ؟ انا باعطيك واحد :funny:

[معماري قطري]

الازراق مقسومة من قبل لانطلع على هالدنيا .. كل واحد نصيبه بياخذه ..
شوفوا الامور بنظرة ثانيه .. لكل مجتهد نصيب .. والخيره لما اختاره الله لنا ..
خلوا الواسطات على جنب .. محد بياخذ رزقك لو هو مكتوب لك ..
اش في خاطرك ؟ مطعم كيما ؟ انا باعطيك واحد :funny:

الحمد لله راتبي التقاعدي فوق الزين انا كلامي قاصد به الناس اللي ما توفقوا في شغل زين وانا ما استحق لكن غيري وايد مستحقين

انتي تواعديني بسندويش وللحين ما شميت ريحته بتعطيني مطعم بس في الحلم سلسلة مطاعمج بتغزو الدول المجاورة وأكيد محصله في أسواق الفرجان وفي سوق وائف

[Rider]

شوف بس محلات سوق واقف رايحة حق من ومحلات أسواق الفرجان منهم ملاكها وبتعرف من اللي ماكل الجو .. تحصله عنده اراضي في الصناعية وفي الغالب يشتغل في البلدية أو كان يشتغل في البلدية أو في منصب متنفذ أو يعرف شخص يسفط له والقرعة يمكن يحصلون من وراها بس 10% والقرعة ظلم وإعطاء من لا يستحق ظلم

والله ياخوي كأنك تقول لي ابغي اقوله شهد انه كلامك صحيح ولي يقول غير هذا الكلام ينافق

[Rider]

و عليكم السلام و رحمة الله و بركاته
الفرضيات و البديهيات شي و اللي يصير بالواقع شي ثاني
لكن
كمصطلح و نظام عمل جزئي .. طبيعي يكون الراتب جزئي.
بالمقابل
لو الموظف أخذ ساعات عمل إضافيه يكون مضاف عالراتب مبلغ بعدد الساعات و غالبا تكون حسبة القيمة المضافه مرتفعه عن قيمة عدد ساعات العمل العاديه.

إلا إذا كان مطلبك زيادة الرواتب أو إن الموظف ياخذ راتب كامل بعمل جزئي
ما أتوقع تصير
هالأمور ما تصير إلا مع فئة معينه منتقاه بمعايير معينه ف تلاقي له أكثر من مسمى و أكثر من راتب من كل صوب
و إذا زادت المعايير عنده مثلا كاريزما و سوالف حسب منظور الشخصيه اللي مخاويها ( مو شرط مخاوي من الملوك او من الأمراء و الشيوخ ) عادي الانسباء أو المدراء من أصحاب الواسطات إلى آخره. فتلاقي عادي حتى يمشي راتبه كامل وهو يتمشى برا مخاوي...
و العادي ينظرون عليه و يطبقون القانون بحذافيره.
هذا هو الواقع و هذا هو الموجود.

كلام سليم مشكلة الكثير مفكر الدوام الجزئي مافيه نقص من الراتب اما محسوبيات وغيرها موجوده اعرف واحد معطينه تفرغ من عمله وراتب ينزل كامل بس لانه اخوه يعرف شخصيه مهمه

[Rider]

الازراق مقسومة من قبل لانطلع على هالدنيا .. كل واحد نصيبه بياخذه ..
شوفوا الامور بنظرة ثانيه .. لكل مجتهد نصيب .. والخيره لما اختاره الله لنا ..
خلوا الواسطات على جنب .. محد بياخذ رزقك لو هو مكتوب لك ..
اش في خاطرك ؟ مطعم كيما ؟ انا باعطيك واحد :funny:

نعم الأرزاق مكتوبه لكن ياختي فيه ظالم ومظلوم وهذا موجود وفيه ناس يأكلون حلال غيرهم الرزق ياختي مش معناه اني اقعد في البيت وقول رزقي مكتوب من الله وبيجيني لازم تسعى لكن يطلع لك المفسدون في الأرض ويأخذون شي مب من حقهم هنيه المصيبة يعني مثلا اختي لي ياخذ شي بالحيله والواسطات بنقول هذا رزقه الله كتبه له طبعا لا هو تعداء على شي مب من حقه

[ابو عبدالله.]

مساء الخير

مولع الموضوع

اكيد بيخصمون نصف الاساسي. لكن العلاوات هي نفسها. بالمنطق يعني

من كم سنه كنت بجهه عمل خاصه و فيها هالنظام. بنات تخلوا عن نصف الراتب الاساسي. لدوام جزئي

هم يبون جذي ينقص عشره او عشرين و تداوم اربع ساعات

البعض يمشي معاه الحال. و يحسب انه يقضي خدمه للتقاعد و الاقدميه للترقي

السؤال

هل بعد التقاعد بيمشي نصف الراتب الاساسي
او بيخصم خمسه بالميه من كامل الراتب الاساسي اثناء الخدمه حتى لو كان يستلم النص طوال سنوات العمل و بالنهايه يمشي الراتب كامل للتقاعد

و سالفه بدل سكن للمتقاعد

هل بيمشي بدل ثابت للكل. اربع الاف للمتقاعد حاليا
ماذا عن الي يداوم هل بيخصم منه خمسه بالميه من علاوته
بدل سكن للدرجه الخاصه ست الاف هل بيمشي له بعد التقاعد نفس الرقم

هل الي بالبترول بيخصمون منه خمسه بالميه من علاوه السكن 14 الف و بالتقاعد بيستلم نفس العلاوه

ما نعرف شي للحين و نتمنى تطلع الاخبار قريبا ان شاء الله

[Rider]

مساء الخير

مولع الموضوع

اكيد بيخصمون نصف الاساسي. لكن العلاوات هي نفسها. بالمنطق يعني

من كم سنه كنت بجهه عمل خاصه و فيها هالنظام. بنات تخلوا عن نصف الراتب الاساسي. لدوام جزئي

هم يبون جذي ينقص عشره او عشرين و تداوم اربع ساعات

البعض يمشي معاه الحال. و يحسب انه يقضي خدمه للتقاعد و الاقدميه للترقي

السؤال

هل بعد التقاعد بيمشي نصف الراتب الاساسي
او بيخصم خمسه بالميه من كامل الراتب الاساسي اثناء الخدمه حتى لو كان يستلم النص طوال سنوات العمل و بالنهايه يمشي الراتب كامل للتقاعد

و سالفه بدل سكن للمتقاعد

هل بيمشي بدل ثابت للكل. اربع الاف للمتقاعد حاليا
ماذا عن الي يداوم هل بيخصم منه خمسه بالميه من علاوته
بدل سكن للدرجه الخاصه ست الاف هل بيمشي له بعد التقاعد نفس الرقم

هل الي بالبترول بيخصمون منه خمسه بالميه من علاوه السكن 14 الف و بالتقاعد بيستلم نفس العلاوه

ما نعرف شي للحين و نتمنى تطلع الاخبار قريبا ان شاء الله

هو ياخوي اسرع قرار تم الموافقه عليه وللأسف قرار من غير توضيح بس شخبار التأمين الصحي للقطريين؟؟؟

[ابو عبدالله.]

يا ليل ما اطولك هههههه