ظاهره مزعجه جدا لفتت انتباهي

[غير عنهم]

لفت انتباهي تجمع المئات والعشرات وبذات من ابناء الجاليه العربيه امام مداخل المجمعات التجاريه اثناء الويكند في منظر غير حضاري واصدار اصوات مزعجه كا الضحك بسخريه وارتفاع الاصوات الخاليه من الادب مما يسبب ازعاج للاخرين اتمنى ان يكون لهذا التصرف اجراء حازم من الجهات المختصه يستطيعون التجمع في استراحه او في مكان خاص بهم ولكن بهذي الصوره المنظر جدا مزعج هذا ماشدني مساء البارحه في فيلاجيو

[Rider]

لفت انتباهي تجمع المئات والعشرات وبذات من ابناء الجاليه العربيه امام مداخل المجمعات التجاريه اثناء الويكند في منظر غير حضاري واصدار اصوات مزعجه كا الضحك بسخريه وارتفاع الاصوات الخاليه من الادب مما يسبب ازعاج للاخرين اتمنى ان يكون لهذا التصرف اجراء حازم من الجهات المختصه يستطيعون التجمع في استراحه او في مكان خاص بهم ولكن بهذي الصوره المنظر جدا مزعج هذا ماشدني مساء البارحه في فيلاجيو

وآلله كنت أتوقع انه فيلاجيو فعلا للأسف هالاشكال منهم وايد كنت اتصلت على الفزعه خل يروحون بلدهم إذا فيهم خير يجون عندنا ويسون لي يبغونه والله البعض من الوافدين العرب والاسيوين والاجاتب تعدو الخطوط الحمراء اتمنى ماينسكت عليهم بحجة كأس العالم لي جاب لنا المصايب اي حقوق انسان وكرامتنا تنهان

[sara jsm]

وعليكم السلام :unsure:

اغلب اللي يوقفون برع حق التدخين ..
المفروض امن المول نفسه يمنع هالتجمعات ويمنعون التدخين مرة وحدة ..

[سالم الزهران]

في جنسيات مالهم سنع.

[معماري قطري]

بعضهم قليل ذوق تحصله معاه كم واحد مثله يمشون سادين الطريق ويسولفون وانت ياللي مقابلنا وخر عن طريقنا وانتبه لنا .. هذي يحصل حتى مع بعض عائلات الدول الآسيوية .. اللي برا واللي داخل لازم يتأدبون وتأديبهم بالأمن لين انحجزوا في المركز كم ساعة لين يجي ابوهم يشيلهم وإنذار بعدم التكرار الوضع بيكون كسيف .. بيفشلونا في كاس العالم واحنا عاد كل شيء ولا الفشيلة

[مرتبش]

مراهقين ومتجمعين تحسهم كل واحد يبي يستعرض برفع صوته وبحركاته الغريبة.. يبي لهم يركدون شوي

[Rider]

مراهقين ومتجمعين تحسهم كل واحد يبي يستعرض برفع صوته وبحركاته الغريبة.. يبي لهم يركدون شوي

والله يبغي لهم سجن علشان يتأدبون وخاصه انهم من الوافدين

[sara jsm]

والله يبغي لهم سجن علشان يتأدبون وخاصه انهم من الوافدين

بل بل .. ترى مراهقين مب مجرمين ..
ولا نسيتوا وانتو صغار عالدجة ولا عند الدكاكين والخبابيز ضحك وسوالف :sneaky:
كله نفس الشي بس هذولا اخر اصدار :secret:

[Rider]

بل بل .. ترى مراهقين مب مجرمين ..
ولا نسيتوا وانتو صغار عالدجة ولا عند الدكاكين والخبابيز ضحك وسوالف :sneaky:
كله نفس الشي بس هذولا اخر اصدار :secret:

يأختي يازين زمانا قبل والسياكل كنا ندور في الفرجان لكن محترمين نفسنا اما الي تقولين عنهم مراهقين اختي انتي شفتيهم أعمارهم من العشرين وطالع هذوال مراهقين لازم الضرب من حديد على هالاشكال ولا بتتمادى وياغريب كون أديب

[معماري قطري]

بل بل .. ترى مراهقين مب مجرمين ..
ولا نسيتوا وانتو صغار عالدجة ولا عند الدكاكين والخبابيز ضحك وسوالف :sneaky:
كله نفس الشي بس هذولا اخر اصدار :secret:

عادي كنا نفلع سواق السيارة الغريبة نكسر جامته وتجي الإصابة في راسه

[معماري قطري]

يأختي يازين زمانا قبل والسياكل كنا ندور في الفرجان لكن محترمين نفسنا اما الي تقولين عنهم مراهقين اختي انتي شفتيهم أعمارهم من العشرين وطالع هذوال مراهقين لازم الضرب من حديد على هالاشكال ولا بتتمادى وياغريب كون أديب

ذكرتني بالسياكل .. كان فريجنا بر حوله وزروع والغالبية يربون حلال بقر وغنم وبعضهم مطايا .. من ضمن المغامرات اللي كان البعض يسويها يربط قواطي وراء السيكل ويمر مسرع جدام البقر ويجن جنونهم يلحقونه يدوسون القواطي اللي تطلع صوت .. أوقات ما ينجي المغامر ينداس

[sara jsm]

ذكرتني بالسياكل .. كان فريجنا بر حوله وزروع والغالبية يربون حلال بقر وغنم وبعضهم مطايا .. من ضمن المغامرات اللي كان البعض يسويها يربط قواطي وراء السيكل ويمر مسرع جدام البقر ويجن جنونهم يلحقونه يدوسون القواطي اللي تطلع صوت .. أوقات ما ينجي المغامر ينداس

يالله خذ :funny::funny::funny: الحين عرفنا سبب جنون البقر

[معماري قطري]

يالله خذ :funny::funny::funny: الحين عرفنا سبب جنون البقر

هذا مكتشفينه من زمان قبل جنون البقر

كان فريجنا حلو بمبانيه القديمة وبالأبواب الخشبية العالية وبعيون الماي وفيه برجة سبيل للماي يتسبحون فيها الشباب .. كانت مقابلة بيت جدي ابو أمي نطلع مشي حول 50 متر نوصلها .. وكانت في بيت جدي عين ومساحة زراعة صغيرة

[كتكوت الوحش]

بل بل .. ترى مراهقين مب مجرمين ..
ولا نسيتوا وانتو صغار عالدجة ولا عند الدكاكين والخبابيز ضحك وسوالف :sneaky:
كله نفس الشي بس هذولا اخر اصدار :secret:
👍 اتفق معاك بهالكلام اخرتهم مراهقين

[أبوماجد]

أنا مَعَ العُقوبة وأنها تكون بالتدَرُّج ، مثل الإنذار الشفوي ثم الإنذار الخطي ثم تطبيق العقوبة مَعَ مبدأ الإصرار والترصُّد :)

إلا إذا كانت توجد للمُجمعات لافتات يُوضح فيها كل ما هُوَ ممنوع ، وبعضها فعلا مطبقته مثل مَنع اللبس الغير مُحتشم وإدخال الحيوانات وغيرها

في حال وُجِد أي تصَرُّف غير لائق فالمسؤولية تقع علينا نحن أبناء البلد بشكل خاص ، وفي حال عدم الرغبة بمواجهة مُسيئي التصرف

فإن الحَل يكون مِن خلال إبلاغ مُشرفي الأمن ومفروض أنهم يكونون متخصصين ومحترفين ويقدرون عواقب أي تصرّف سيء ؛