موضوع الساعة إستضافة مشجعين في بيوتنا

[معماري قطري]

هل يعقل يكون عندنا ناس تفكيرهم ساذج لهالدرجة ويعتبرون خبراء ومخططين؟

هل نحن بحاجة لحلول سريعة بهذه الطريقة؟

على فرض إننا محتاجين لغرف فندقية ولزيادة الوحدات السكنية ألم يكن من الأولى توجيه كل مقدرات البلاد من فترة وتسهيل الحلول لمن يرغب في تأجير عقاره وترتيبه وحتى لنكن حقانيين لتقسيمه؟

كثير منا طلعوا من بيوت قديمة هذي كان ممكن تصان وتقسم تقسيم قانوني وبرقابة هندسية وبشروط معقولة وليست تعجيزية حتى تناسب لسكن من يحتاج لسكن رخيص وهم كثر .. فلان أجر بيت على أجنبي وجاء هذا وقسمه وفلان ما يدري الحكومة ما تخالف الساكن تخالف المالك .. وكذلك لو خرب ودمر البيت قبل ليطلع محد يطلع حق المالك بسهولة

نرجع للتوثيق وللتدقيق من قبل مدققين قبل السكن وبعد انتهاء العقد ونية الساكن الرحيل يطلع مدقق يدقق حال المبنى ويقارنه بالحال الأساسي الموثق .. هشكل بتزيد عندنا الوحدات السكنية وبيكون استغلال جيد لكل العقارات والمباني .. وبارجع لبيوت أهل قطر وقصتها بعدين

المهم يكون عندنا تقسيم قانوني وتوزيع سكني للعوائل وقانون ملزم ويجرم العزاب والعمال الساكنين في مناطق العائلات مب القانون بس كله على القطري

[معماري قطري]

عندنا بيت قديم يكفي ل 100 مشجع وأكثر وكان مطلوب منا صيانته أو هدمه .. بداية طلبوا هدمة والا هم بيهدمونه بمقابل + 25% عمولة إدارية وحطوا أسمائنا في الجريدة بداية بإسم الوالدة وكأننا أطفال معها وهي أرملة مسؤولة عنا وفي الواقع هي كبيرة سن ولا تقرأ جرايد وإحنا رجال وآباء .. أُسلوب فيه ما فيه من الإساءة والأذية .. وتعال وقدم طلب للصيانة بدل الهدم والصيانة مزاجية وبتعقيد وهدم أجزاء وفي وقت صعب وقت كورونا .. فوق هذا ما فيه مقاول فاضي وفوق هذا التعقيدات الإدارية تعال سو مسح جديد وجدد ملكية البيت مع إنها من 2017 المفروض محدثة قالوا لا لازم تسوون مساحة حتى نعطيكم رخصة الصيانة .. رخصة الصيانة عذاب والمساحة لنا شهور وتوهم مخلصينها

المشكلة فاجئونا بثلاث عقارات قديمة بيتين وبناية 3 أدوار ألحين بصعوبة قدرنا نطلع رخصة صيانتها وجاري عمل اللازم وبتكاليف عالية .. هذي بتجهز للمشجعين والمشجعات الأحياء منهم والأموات وكل شقة بعداد لكن ببلاش صعبة وصعبة وايد ونفضل مؤجر دايم على مؤجر مؤقت

أحد البيوت ساكنينه باكستانيين مقسمينه 5 أقسام وتوافقنا مع ممثلهم والبلدية على هدم جزء منه .. المشكلة هذا بنيان قديم من دنجل قبل لتستوي البلدية عندنا من ما يزيد على 55 سنة ومرتب زين ومسكون .. الباكستاني يلف ويدور على الهدم وجاب استشاري مصري فهلوي أوي قال بيكلم البلدية وبيحل الموضوع بدون هدم وانا معين استشاري غيره وبمقابل وهذا اللي وصلنا له وصراحة ما قصروا البلدية طلبهم معقول وبسيط .. بعد أيام جاني المؤجر يقول لازم توقع أوراق للبلدية قريت الورقة تعهد اني مسؤول عن البيت وعن المخالفات وعن هدم أي شيء مخالف .. قلت له إنت فاهم شمكتوب؟ يعني يدورون حد ضحية وهذا الاستشاري يبغي يخلي البنيان مثل ما هو فترة وانا اتحمل متى ما قرروا كل المسؤولية وبيشيلها عن الساكن ويحطها على المالك بس أسهل شيء المالك المضيوم في كعبة المضيوم

السؤال شلون الواحد يكون مسؤول عن بنيان انبنى من 55 سنة ؟ ما يصدقوني يجيبون خبراء الآثار من المتحف لو حصلوا كلامي فيه مبالغة قابل بالمسؤولية

[ابو عبدالله.]

خلهم يستضيفون ايش المشكله

عندي و عندك و عند البعض. نعم مشكله لكن في ناس ممكن يقبلون استضافه الجماهير.

لما كنت طالب ما كان في بيوت تستضيف طلبه بمقابل في امريكا و اوروبا

الحين يبون يسوونها للجمهور الضيف. وللي يبي يستضيف

في. عوايل منفتحه للفكره و عاداتهم تسمح

مش كلنا بنفس الثقافه القطريه بعضنا حاصل ع الجنسيه وهو ثقافته تسمح بهالشي

في الي عنده مكان سواء مجلس و ملحق بغرف ممكن يبي ياجره للضيوف

في الي بيسافر طول فتره الاستضافه و موافق ياجر بيته كم غرفه لعائله مستضافه او عنده كذا بيت جنب بعض و بيقلطهم عنده

على فكره

مش كل الضيوف مكسيكيات اشلخ او بنات اوروبيات او شباب سكيره ولا بمجبور تسمح بشراب ببيتك او ملحقك

ترى في مسلمين و ناس محترمه ما تشرب و عوايل

عموما هم طرحوا الفكره. سواء ستطبق او لا هذا بيعتمد على ردود الافعال و نوعيه الضيوف المقبولين لدى البيوت المستضيفه

هي تجربه طرحت و ممكن ناس كثيره تعرف عن ثقافتنا و ديننا و ممكن حد يسلم على يد احد المواطنين او المقيمين

[بوجبر]

عندي ثلاث ملاحق فاضين مستعد لاستفاضتهم بس بفلوووووس!!!!

[Rider]

الموضوع فيه شي غامض لانه مستحيل القصد الاستضافة في المنزل

[تاجر كشخة]

مراقب من بعيد
انا أشوفه عادي اذا كان في ملحق لكن وجب الحذر
وقبل كل هذا لازم تكون في لجنة تشوف وضع البيت هل يصلح لاستقبال الضيوف والسجل الامني لاصحاب البيت ومن بعدها تعطي التصاريح .

[معماري قطري]

خلهم يستضيفون ايش المشكله

عندي و عندك و عند البعض. نعم مشكله لكن في ناس ممكن يقبلون استضافه الجماهير.

لما كنت طالب ما كان في بيوت تستضيف طلبه بمقابل في امريكا و اوروبا

الحين يبون يسوونها للجمهور الضيف. وللي يبي يستضيف

في. عوايل منفتحه للفكره و عاداتهم تسمح

مش كلنا بنفس الثقافه القطريه بعضنا حاصل ع الجنسيه وهو ثقافته تسمح بهالشي

في الي عنده مكان سواء مجلس و ملحق بغرف ممكن يبي ياجره للضيوف

في الي بيسافر طول فتره الاستضافه و موافق ياجر بيته كم غرفه لعائله مستضافه او عنده كذا بيت جنب بعض و بيقلطهم عنده

على فكره

مش كل الضيوف مكسيكيات اشلخ او بنات اوروبيات او شباب سكيره ولا بمجبور تسمح بشراب ببيتك او ملحقك

ترى في مسلمين و ناس محترمه ما تشرب و عوايل

عموما هم طرحوا الفكره. سواء ستطبق او لا هذا بيعتمد على ردود الافعال و نوعيه الضيوف المقبولين لدى البيوت المستضيفه

هي تجربه طرحت و ممكن ناس كثيره تعرف عن ثقافتنا و ديننا و ممكن حد يسلم على يد احد المواطنين او المقيمين

كل شيء بخطة وترتيب مب فجأة هشكل سجل وبتجيك لجنة تشيك وبنسمح لك أو لا وإحتمال المقابل وارد بس ما يبون يقولون أو ما عندهم صلاحية .. اللجنة أجرت مجمعات وعمارات وشقق لمدة خمس سنين من البعض وكان الأفضل قبل فترة يكونون مأهلين البقية .. للبيوت مثل ما ذكرت انت وانا ذكرت قبل إن أهم تكون مصلحة دائمة للمواطن المحتاج وحتى المقيم مالك البيت المحتاج هو بيستثمر في تعديلات وترتيبات لازم يستفيد منها مثل أي مشروع واستفادة دائمة

بخصوص الشرب حول 49 فندق في قطر ما فيها شراب وبتستضيف جزء كبير من المشجعين .. لكن أي مواطن استضاف مشجع لو صار شيء أمني بيلومونه ويقولون تعال قدم بلاغ في المركز وليش انت استضفته

نجي لتسهيل الإجراءات وتطبيق قوانين بناء حديثة تراعي حاجة المجتمع وتمكن المواطن والمقيم من إستغلال جزء من بيته لصالحه .. ألحين انت تسوي بيسمنت حق بيتك وتسوي له مدخل خاص من الحوش ولا لك نية تأجره يدخلون التخطيط خشومهم فيه ويشكون إنك بتأجر ويقولون ممنوع والمسئلة مزاجية .. زين شيصير لو أي شخص أجر وشيصير لو الإيجار قانوني ولو لصاحب العقار الحق في طرد المستأجر بالقانون في حالة تسبب بازعاج أو خالف شروط معينة وممكن شروط طالبها صاحب العقار

في 2006 أعتقد رحت الأردن دراسة معلومات جغرافية فترة خمس شهور ودورت شقة قريبة من كلية العلوم والهندسة حصلت بصعوبة وملاصقة لشقة المالك أو المالك تحت وانا فوق نسيت بالضبط بس المدخل واحد .. ذلني بشروط عجيبة لا تدخل حد وتم يراقب كأنه رادار ومجبور أجاريه تلفون واحد احصل نفسي في الشارع قانونهم صارم واجراءاتهم مع إنها دولة من القرون الوسطى الا إنها أسهل من إجراءاتنا وتوثيق للعقد وتحويل سهل للتلفون وللكهرب والماي حتى لو باسكن شهر .. كل هذا تم في يوم بس البهدلة يوم بغيت أطلع روح يمين وروح يسار شحططوني من مكان لمكان لتخليص المعاملات والدفع للجهات الحكومية

عارفين كل ناس لهم طبعهم وأخلاقهم وعادي يدخل 10 يسكنهم بيته بس بقانون مفروض ويتطبق خلال دقايق معدودة وبعدين ذيلا يتقبلون كل شخص الخصوصية عندهم معدومة

هذا اللي صاير أثار فيني هذي التساؤلات بس لفائدة المواطن وخل نقول المقيم المالك لبيته والفائدة المفروض دائمة ومستمرة مب شهر تصرف عليه تجهيزات وتجيبه تراويه العادات القطرية .. كنت من زمان مقترح تعديل قوانين البناء والتخطيط بما يجعل الاراضي تستوعب عدد أكبر من الناس .. ثرى بلادنا توها تحت ال 3 مليون نسمة وغالبهم عمال لو وصلت 3 مليون مواطن وجزء منهم بيحتاج بيت أو على الاقل شقة فوق بيت ابوه بنشوف الوضع وايد صعب ولازم نطور تخطيطنا وخدماتنا لهذا الشيء ونشوف دول حولنا وقريبة مثل الكويت شسوت .. والكويت فيها قانون تأجير البنتهاوس وله مدخل معزول في بعض الأحوال ممر ضيق متر يوصل له

[معماري قطري]

مراقب من بعيد
انا أشوفه عادي اذا كان في ملحق لكن وجب الحذر
وقبل كل هذا لازم تكون في لجنة تشوف وضع البيت هل يصلح لاستقبال الضيوف والسجل الامني لاصحاب البيت ومن بعدها تعطي التصاريح .

بعد واجب الدولة لو اتصل صاحب البيت يشتكي من اعتداء أو محاولة اعتداء أو وضع غلط من المستأجر يجون سرعة ما يقولون له تعال المركز والا جيبه

[معماري قطري]

الموضوع فيه شي غامض لانه مستحيل القصد الاستضافة في المنزل

قالها بوضوح صاحب الإقتراح وقال باتكلم عن الضوابط في برنامج المجلس وبحاول احط الحلقة لو حصلتها

[معماري قطري]

عندي ثلاث ملاحق فاضين مستعد لاستفاضتهم بس بفلوووووس!!!!

واجب اللجنة تطلب التأجير ومثل ما أجرت من كبار الملاك 5 سنين تأجر من من يرغب سنة

[معماري قطري]

ما حصلت حلقة الأمس من برنامج المجلس واللي يحصلها يضيفها مشكوراً

[سعود.]

سمعت كثير سواء هنا او هناك يتكلم عن الملاحق !!!!! اغلب بيوتنا ملاحقها
( مطبخ + مخزن + غرفة غسيل + غرفة الخادمات )
المجالس موضوع اخر

[Rider]

ما حصلت حلقة الأمس من برنامج المجلس واللي يحصلها يضيفها مشكوراً

هو يقصد حلقة اليوم انا متابع لبرنامج المجلس امس واليوم الحبيب ماطلع الظاهر سكتوه مابعد مالعالم طاحوا في بطنه
هالمجنسين عندهم افكر غريبه هم متعود على حياته الخاص ويبغي ناس تسوي نفسه

[معماري قطري]

هو يقصد حلقة اليوم انا متابع لبرنامج المجلس امس واليوم الحبيب ماطلع الظاهر سكتوه مابعد مالعالم طاحوا في بطنه
هالمجنسين عندهم افكر غريبه هم متعود على حياته الخاص ويبغي ناس تسوي نفسه

كنت أحاول أعرف شمبرراته ووشي التفاصيل والشروط اللي بيتكلم عنها

بعدين طبيعي اللي بيجونه زوار قراب ومن هله من دول الخليج الوضع يختلف وكذلك من الدول العربية وغيرها حتى الأجنبية لو يعرفون شخص في قطر وبيستضيفهم أكيد هذا موضوع خاص والناس أحرار في بيوتهم وملاحقهم ومجالسهم

سؤالي ليش ما يكون تخطيطنا مبني على احتياجات المواطن والمقيم بكافة فئاته وليش نركز على طبقة وننسى طبقة ؟

كان عندنا خباز باكستاني يسوي خبز عجيب وهدموا مخبزه لسبب التجديد وبناء بنيان حديث .. تمينا فترة نتذكر ذاك الخبز وكنا ناكله خالي شوي محروق أو مع روب أو جبن لين جانا الفرج وفتحوا مخبز مثله قريب .. ممكن مالك العقار ياخذ 1000 ريال أجار في داعوس من دواعيس الفريج وغيره بياخذ 14000 على باب في شارع يعتبر تجاري .. هذا يخدم وذاك يخدم بس المجتمع محتاج لهذي النوعيات من الخدمات والمواطن محتاج لمدخول اضافي

[معماري قطري]

سمعت كثير سواء هنا او هناك يتكلم عن الملاحق !!!!! اغلب بيوتنا ملاحقها
( مطبخ + مخزن + غرفة غسيل + غرفة الخادمات )
المجالس موضوع اخر

صح العدد قليل والسبب صعوبة القوانين .. واحد ارتداد بيته 5 متر أمامي في عرض 30 والا 40 والا 25 وأوقات يحتاج يستغل جزء منها لملحق شبه بيت مستقل لأحد أبناءه والا يأجره والا حتى يبيعه المفروض يسهلون له العملية حتى ببيسمنت ودور أول حتى لو ارتفاع محدود مثلاً مثل ما أقروا ارتفاع للمجالس 6 أمتار يخلونه يبني طابقين وبيسمنت لو احتاج ولو عنده مساحة في الشارع وتخطيطياً سهل يسوي خدمة عامة صالون أو خياط أو مغسلة أو غيرها من الخدمات الضرورية وفيه حتى لو موقفين للسيارات يعطونه ترخيص محدد وبقوانين محددة

أشوف شارع طويل وارتداده واسع وانا اشتغلت عليه على أيام شغلي بطلب من أشغال لعمل مواقف جانبية لبيت كنا نستعمله عيادة علاج طبيعي .. إستوت المواقف وفي طرفها كان دكان وهو الوحيد في هالمنطقة يوفر مشاوير كثيرة على الكثيرين وقف وخذ غرضك وإمش .. عيادة العلاج الطبيعي طلعوا منها خلاص بس بقى المكان وبقت المواقف موجودة للمستخدمين وهذا شيء أشوفه نافع ومفيد بشرط ما يجيبون لي حضانة هو هو يهوهوون على روس السكان حولهم

[هداف]

افكار غبيه ماتصلح لبلادنا وللاهالي يبون يجيبون المشجعين ويسكنونهم في بيوتنا وفرجانا وبين الاسر القطريه

احنا نكافح ظاهرة سكن العزاب بين بيوت الاهالي وازعاجهم اخرتها يبون يسكنون مشجعين اجانب من كل حدب وصوب

داخلين وطالعين بين بيوتنا بالاعلام ويروح الملعب صاحي ويرجع لنا سكران ولا زعلان مهزوم فريقهم او العكس فايزين

وتشجيع وازعاج فوق روسنا الا يفارقونا في السعه ويسكنون في الفنادق والمجمعات المخصصه لهم مالهم مكان يسكنون

بين بيوتنا واهالينا ... فكره غبيه ومزعجه جدا للاهالي الاغلبيه وقت البطوله يبون يهجون من العاصمه بسبب الزحمه والازعاج

اللي بيصير اللي بيروح بيت البر او الاستراحه او بيوتهم في القرى الخارجيه بعيد من سندارة هالعالم ترى فينا ناس واجد واهالي

كثير مادروا عن الكوره ولا عن هل الكوره ويبون بس الفكه من هالسالفه على خير

[سالم الزهران]

العجيب في الموضوع شنو المصلحة اللي بتحقق؟
هل يمكن لك ان تتصرف في بيتك من ناحية التأجير والتقسيم من قبل هالاقتراح؟ الحين بتلتوي الانظمة او بتستقيم عشان هالفعالية؟

هذي من ناحية؟ أما من ناحية ثانية فاعتقد اصاب البعض سوا مجنس ولا مواطن داء الأمم وصار هويته ذائبه ويظن نفسه أن العالم الخارجي بعد يشوفه متميز وعنده موروث.

يمكن في نطاق الاسلام والمسلمين نحترم ثقافتنا وموروثنا وطبائعنا.. لكن الغربي يكره تفكيرنا وديننا وعاداتنا... فعموماََ طاح المتعوس على خايب الرجا واقصد اللجنة وبقية اللوبيات اللي خمت من هب ودب.

والله لو اننا في الواقع ليسمعون مني ومن غيري كلام أكثر من هذا...واحب اذكر كل من يمر بهذه المشاركة بحقيقة انكم من بين الافضل و الأميز في الخليج والعالم العربي كله واذا نطق رويبضة هنا او هناك فما يمثل الا نفسه والجهة اللي رزته او جنسته.

[sara jsm]

والله الموضوع يضحك .. قبل لاتخسرون هالمبالغ وهالكثر وقت على تصوير هالاعلان ..
كان وضحتوا الفكرة قبل الاعلان الرسمي .. الحين السالفه ماتترقع ..
لو بس خذوا راي (( واحد بدوي وواحد حضري وواحد متجنس وواحد مقيم )) كان انحسم الموضوع قبل هالبلبله اللي صارت ..
المشكله هالناس ماتقيس الموضوع نفسه وبيته ومحيطه ..
اهم شي يتفرد بفكرة ( خالف تعرف ) :thumbdown:

:
عموما انا استقبل الايطاليين الحلوين فقط :shy: :D

[monatee]

انزلت الحلقة

يبي يكحلها عماها :pic:

[Rider]

انزلت الحلقة

يبي يكحلها عماها :pic:

عادي يبغي يعيش خلي يستضيف المشجعين في بيته ويثبت الجواز

[sara jsm]

انزلت الحلقة

يبي يكحلها عماها :pic:

وين انزلت الحلقه ؟ مالت اي قناة ؟

[معماري قطري]

افكار غبيه ماتصلح لبلادنا وللاهالي يبون يجيبون المشجعين ويسكنونهم في بيوتنا وفرجانا وبين الاسر القطريه

احنا نكافح ظاهرة سكن العزاب بين بيوت الاهالي وازعاجهم اخرتها يبون يسكنون مشجعين اجانب من كل حدب وصوب

داخلين وطالعين بين بيوتنا بالاعلام ويروح الملعب صاحي ويرجع لنا سكران ولا زعلان مهزوم فريقهم او العكس فايزين

وتشجيع وازعاج فوق روسنا الا يفارقونا في السعه ويسكنون في الفنادق والمجمعات المخصصه لهم مالهم مكان يسكنون

بين بيوتنا واهالينا ... فكره غبيه ومزعجه جدا للاهالي الاغلبيه وقت البطوله يبون يهجون من العاصمه بسبب الزحمه والازعاج

اللي بيصير اللي بيروح بيت البر او الاستراحه او بيوتهم في القرى الخارجيه بعيد من سندارة هالعالم ترى فينا ناس واجد واهالي

كثير مادروا عن الكوره ولا عن هل الكوره ويبون بس الفكه من هالسالفه على خير

طلعوا ناس يرقعون ما يمكن ترقيعه ويقولون هو يقصد خلوا مجالسكم مفتوحة للضيافة ولاستقبال الجماهير ومجالس اهل قطر طبيعي مفتوحة للجميع ما بيردون حد .. بس الإقتراح واضح من الأساس قال انا مدير استضافة مشجع وبنمر بنشوف المكان اللي بتستضيفون فيه فخامة المشجع وقال فيه ضوابط بنتطرق لها ولا حضر الحلقة الظاهر قالوا له ارتاح أي ضوابط بتقول عنها

عندي اقتراح حلو .. ليش ما يفرشون لهم في المجمعات وإذا فيه محل فاضي يخلونهم فيه بنتبرع لهم ببرانيص قديمة وثياب

[معماري قطري]

العجيب في الموضوع شنو المصلحة اللي بتحقق؟
هل يمكن لك ان تتصرف في بيتك من ناحية التأجير والتقسيم من قبل هالاقتراح؟ الحين بتلتوي الانظمة او بتستقيم عشان هالفعالية؟

هذي من ناحية؟ أما من ناحية ثانية فاعتقد اصاب البعض سوا مجنس ولا مواطن داء الأمم وصار هويته ذائبه ويظن نفسه أن العالم الخارجي بعد يشوفه متميز وعنده موروث.

يمكن في نطاق الاسلام والمسلمين نحترم ثقافتنا وموروثنا وطبائعنا.. لكن الغربي يكره تفكيرنا وديننا وعاداتنا... فعموماََ طاح المتعوس على خايب الرجا واقصد اللجنة وبقية اللوبيات اللي خمت من هب ودب.

والله لو اننا في الواقع ليسمعون مني ومن غيري كلام أكثر من هذا...واحب اذكر كل من يمر بهذه المشاركة بحقيقة انكم من بين الافضل و الأميز في الخليج والعالم العربي كله واذا نطق رويبضة هنا او هناك فما يمثل الا نفسه والجهة اللي رزته او جنسته.

شيء أكيد الأجنبي والبعيد عن هويتنا يركز على أُمور سلبية فينا وفي تصرفنا وبعضهم يمكن قلة منهم حقانيين ويشوفون واقع غير

كان الأجدر والأفضل للجنة لو حابة تنشر الثقافة القطرية والفكر العربي والإسلامي تجهز مجموعة متطوعين بعدة لغات حتى يخاطبون هؤلاء ولازم هذيلا المساهمين يكون لهم تفرغ من أعمالهم وليش لا ممكن حتى مكافأة تشجيعية .. سحب على سيارات مب كل السيارات تتوزع على موظفي اللجنة أو مبالغ مالية هم بيأدون عمل بعد ويحتاجون تدريب واعداد

[معماري قطري]

والله الموضوع يضحك .. قبل لاتخسرون هالمبالغ وهالكثر وقت على تصوير هالاعلان ..
كان وضحتوا الفكرة قبل الاعلان الرسمي .. الحين السالفه ماتترقع ..
لو بس خذوا راي (( واحد بدوي وواحد حضري وواحد متجنس وواحد مقيم )) كان انحسم الموضوع قبل هالبلبله اللي صارت ..
المشكله هالناس ماتقيس الموضوع نفسه وبيته ومحيطه ..
اهم شي يتفرد بفكرة ( خالف تعرف ) :thumbdown:

:
عموما انا استقبل الايطاليين الحلوين فقط :shy: :D

أحلى ايطالي في قطر مدير ومالك مطعم شاو شاو

صج السالفة ما تترقع كلش

[معماري قطري]

انزلت الحلقة

يبي يكحلها عماها :pic:

لو حطيتي رابط الحلقة كان سهلتي علينا دورت كل اللي حصلته هجوم العرب وتحليلاتهم للي صاير ( من خارج قطر طبعاً ) وتشكيك وكلام كله ضد قطر .. ما يقولون اقترح واحد بتفكير سطحي يقولون الحكومة طلبت وهو منتمي لجهة حكومية وواجب يتحاسب لأن اللي صار صراحة فضيحة وتخبط

البطولة بإذن الله بتتم وبتكون من أفضل البطولات والمشجعين محد يقدر يمنعهم وين يسكنون ومتى يرحلون وأكيد سكن بحجز فندقي سواء في قطر أو غيرها .. محد بيتفضل من اللي حولنا علينا بتسكينهم هم بيجون بلاده وهم بيطلعون بحريتهم وكأي سياح غير

[monatee]

الحلقة انزلت على قناة قطر برنامج حياتنا

دورتها ع اليوتيوب ( حلقة يوم الثلاثه ) مالقيتها ، للحين مانزلت :whistling:

ماعرف اشلون ارفعها اهنيه لانها موجوده عندي في الجهاز

[monatee]

بعد اذن الادارة ، موجودة الحلقة في انستقرام شبكة أهل قطر ahalqatar

[Rider]

مادري عندي إحساس أثناء كأس العالم سوف يمنع الأذان وسوف يقتصر على الأذان داخل المساجد علشان لا يزعجون الضيوف ويقولون شنو هذا الصوت يصدح في كل مكان

[معماري قطري]

واضح إن السالفة ما مشت وانقلبت على صاحب الفكرة

لو النية صافية نشر الثقافة القطرية الموضوع سهل يجهزون شباب من أهل قطر ومن المقيمين اللي لهم فترة طويلة سواء من العرب أو غيرهم لسهولة التفاهم حسب لغة كل بلاد وهذيلا يكونون مرافقين للوفود يسهلون معاملاتهم ويعلمونهم المفاهيم والعادات القطرية .. لكن واضح ان النية يحملون البلاد أكبر من طاقتها من أعداد الزوار في هذا الحدث

[معماري قطري]

مادري عندي إحساس أثناء كأس العالم سوف يمنع الأذان وسوف يقتصر على الأذان داخل المساجد علشان لا يزعجون الضيوف ويقولون شنو هذا الصوت يصدح في كل مكان

ما اظن توصل لهالمواصيل كل بلاد ولها طبيعتها وعاداتها .. بس أكيد فيه تسهيلات للمشجعين والوفود

[ابو عبدالله.]

عطوهم فرصه لين يشرحون و يحطون ضوابط

الفكره جديده و اول مره تنطرح لكاس العالم

اذا ما شفتوا ناس تصور سناب و تتكلم عن الضيوف الي ببيتهم بتشوفون

في ناس بالمجتمع عادي عندهم مش مثلكم بالضبط في كل شي

اعرف عوايل باكستانيه مجنسه و عيالهم كبروا و اطلعوا من البيت خلاص و هم متقاعدين و ممكن يقبلون الاستضافه

انتطروا شوي و بنعرف الاشتراطات و الرؤيه كامله


وين دخلتونا في سوالف التقسيم و سيئات الضيوف

تدرون ان البطوله في روسيا شيكوا على الضيوف عبر دولهم عن سجلاتهم الجنائيه لما قدموا فيز لدخول روسيا

ترى في تعاون دولي بهالامور و الفيفا عندها تنظيم قوي. و قطر تتعاون مع روسيا بالمواضيع الامنيه عشان تطبق نفس القوه الامنيه مستضيف سابق للبطوله

الموضوع اكبر مما تظنون يعني مب لازم نتخوف من نوعيه الضيوف كلهم

من الحين ضيوف المكسيك عندي بالعزبه هههههه

[sara jsm]

والله كلامك عجيب يابوعبدالله ..
عيل جذي الايطالين خلاص عندي :shy: عشان اوديهم مطعم تشاو بعد لازم نكرم الضيوف .. :ok:
الله يعينهم اللي بينقطون في العزب :funny:

[معماري قطري]

عطوهم فرصه لين يشرحون و يحطون ضوابط

الفكره جديده و اول مره تنطرح لكاس العالم

اذا ما شفتوا ناس تصور سناب و تتكلم عن الضيوف الي ببيتهم بتشوفون

في ناس بالمجتمع عادي عندهم مش مثلكم بالضبط في كل شي

اعرف عوايل باكستانيه مجنسه و عيالهم كبروا و اطلعوا من البيت خلاص و هم متقاعدين و ممكن يقبلون الاستضافه

انتطروا شوي و بنعرف الاشتراطات و الرؤيه كامله


وين دخلتونا في سوالف التقسيم و سيئات الضيوف

تدرون ان البطوله في روسيا شيكوا على الضيوف عبر دولهم عن سجلاتهم الجنائيه لما قدموا فيز لدخول روسيا

ترى في تعاون دولي بهالامور و الفيفا عندها تنظيم قوي. و قطر تتعاون مع روسيا بالمواضيع الامنيه عشان تطبق نفس القوه الامنيه مستضيف سابق للبطوله

الموضوع اكبر مما تظنون يعني مب لازم نتخوف من نوعيه الضيوف كلهم

من الحين ضيوف المكسيك عندي بالعزبه هههههه

لأن سوالف التقسيم تشتت حولها الكل وكان الحلقة الأضعف المالك القطري .. ولأن سوالف التقسيم تعني وحدات كثيرة موجودة غير مستغلة كنا نقدر نستغلها استغلال جيد وخلها بضوابط وقوانين تخطيطية صحيحة .. هذا صاير في كل العالم إحنا بس اللي ضد مصلحة القلة

[معماري قطري]

تابعت بعض الفيديوهات صراحة بث حقد وحصلوا سالفة يتندرون بها على قطر وعلى كل شيء قطري

سيئة جداً والردود أسوأ ولا أقدر احطها باكون مروج لها .. أحاول قد ما اقدر تحليل الفكرة تحليل منطقي وأفكر في جميع جوانبها .. ورايي بخصوص استغلال أي وحدة سكنية موجودة بترتيبها بسرعة وتسهيل القوانين للصيانة ولإستغلال هذي الوحدات فترات طويلة بيكون هو الحل الأنسب

حلول ثانية عارفها إن الحكومة مسيطرة على الوضع وعندها مباني كثيرة محجوزة لكاس العالم وعندها خطط لتهيئة وتجهيز كامبات سكن كبيرة للزوار والمشجعين لكن تمنيت النظر لما هو موجود عند المواطنين ومساعدتهم في هذا الإتجاه .. تجهيز القديم

[سالم الزهران]

اتصور يبو عبدالله ان فعالية عالمية مثل كاس العالم تسلط أضواء كاشفة على البلاد، فلا تستغرب يطلع مثل صاحب الاقتراح وغيره من اصحاب الافكار العجيبة.

[معماري قطري]

اتصور يبو عبدالله ان فعالية عالمية مثل كاس العالم تسلط أضواء كاشفة على البلاد، فلا تستغرب يطلع مثل صاحب الاقتراح وغيره من اصحاب الافكار العجيبة.

وصلني مقطع على الوتس أب يقول إن 500 طلب استضافة وصلهم الآن وبيتم التطبيق في كأس العرب

يمكن توجد بيوت عندهم أماكن معزولة ولا فيها شخص .. أتكلم مع واحد توهم طالعين من بيت كبير يعتبر قصر على مساحة 15000 متر مربع وهذا بعد رحيل والده يرحمه الله والبيت فاضي وسهل تحويله لفندق .. بيستفيدون منه واحتمال بسهولة يطلعون الرخصة كلش ما اقتنع .. انا لو عطوني رخصة الصيانة لبيتين باجهزهم بس شهور ركضة وراهم وللحين ما طلع شيء .. البناية نجت وألحين صيانتها ماشية لين خلصت بنأجرها على من يرغب من المشجعين والمشجعات

[ابو عبدالله.]

والله كلامك عجيب يابوعبدالله ..
عيل جذي الايطالين خلاص عندي :shy: عشان اوديهم مطعم تشاو بعد لازم نكرم الضيوف .. :ok:
الله يعينهم اللي بينقطون في العزب :funny:

يقول لك الي بيروحون العزبه بيستانسون و بتسمعين كلمات مثل. واااو. هاو كيوت فيري تراديشينال ههههههه. عادي العامل البنغالي تلقينه جالس معاهم يعلق التيس و يحط الطلي الصغير بحضونهم. تذاكر العزبه ب 50 ريال و التصوير باليورو

[ابو عبدالله.]

لأن سوالف التقسيم تشتت حولها الكل وكان الحلقة الأضعف المالك القطري .. ولأن سوالف التقسيم تعني وحدات كثيرة موجودة غير مستغلة كنا نقدر نستغلها استغلال جيد وخلها بضوابط وقوانين تخطيطية صحيحة .. هذا صاير في كل العالم إحنا بس اللي ضد مصلحة القلة

انا مع التقسيم اذا باشتراطات سليمه و عدادات منفصله. شغل عدل يعني

يمكن يسمحون به خلال كاس العالم الله اعلم

[ابو عبدالله.]

سؤال

قطر و المجتمع قبل كاس اسيا 2006 نفس المجتمع بعد 2006

تتوقعون مع كاس العالم بنضل بنفس الثقافه و العقليات ولا بتتغير

انا مش موافق على تغير المجتمع بشكل كبير

لكن كل الشواهد تدل على ان التغيير قادم

كوريا الجنوبيه رحتها سنه 1992 و كان مجتمع منغلق جدا ولا حد يرد عليك اذا سالت عن مكان او شارع

لكن قال لي واحد ان بعد كاس اسيا عندهم في 1998 المجتمع تغير تماما و انفتحوا على الضيوف الاجانب

الاستضافات هي نوع من فتح المجتمع على العالم و تطوير ثقافته و تقبله للاخر

شئنا ام ابينا التغيير وارد جدا

[sara jsm]

اكيد صار تغير كلي عن قبل .. لكن الموضوع او الاقتراح يبي له اسلوب ..
مايصير تسوي استفتاء بين ربعك لعدد محدود 2000 شخص ..
اقل شي كان سوا استفتاء عام على بعض وسائل السوشيل ميديا ..
كـ فكرة بدون تفاصيل كثيرة ..
في النهايه احنا مجتمع محافظ ودايما ننظر للجوانب السلبيه من الموضوع :tooth:
:
امس قلت ان في روسيا يشوفون سجل الشخص قبل الموافقه على الفيزا ..
اوكي هذا امر حلو ..
لكن هل تضمن المستضيف يكون بنفس السجل ؟
تخيل عاد المكسيكان في عزبتك والله بتصير حرب صوبك :funny:

:
قمت ادور عن الفيديو الترويجي ماحصلته ماادري انحذف من حساباتهم ولا ماعرفت اطلعه ..

[معماري قطري]

انا مع التقسيم اذا باشتراطات سليمه و عدادات منفصله. شغل عدل يعني

يمكن يسمحون به خلال كاس العالم الله اعلم

الوقت متأخر وين تحصل اللي يشتغلون والمواد .. يبي لهم توجيه قوي من اللجنة وتسهيلات .. تدري المعاملات الإدارية لو حصلت موافقة تخلي الولد يشيب .. هذا بيكون حل مناسب وفيه فايدة القطري والدولة والسياحة والزوار وحل لمشكلة موجودة وانا معاك شغل قانوني .. والمفروض يكون بتوثيق لحالة المبنى قبل السكن وحالته بعد ما يقرر سعادة المستأجر يطلع وكل واحد ياخذ حقه

حل ثاني بعد ممكن لو يشجعون عليه .. فيه أبراج وعمارات إدارية شبه خالية أو أدوار معينة خالية .. هذي ليش ما يستغلونها بعمل أقسام سكنية فيها ؟

انا افكر بصوت عالي وبحلول تنفع الجميع وكلها معقولة .. زين الكامبات اللي كانت مبنية في بعض الزروع بعضها مرتبة وممكن تترتب أكثر هدموها وخسروها وكان الأولى تركها وتحويلها لأي غرض حتى مخازن أو حضائر وممكن تطوير جزء منها لسكن محترم

[معماري قطري]

سؤال

قطر و المجتمع قبل كاس اسيا 2006 نفس المجتمع بعد 2006

تتوقعون مع كاس العالم بنضل بنفس الثقافه و العقليات ولا بتتغير

انا مش موافق على تغير المجتمع بشكل كبير

لكن كل الشواهد تدل على ان التغيير قادم

كوريا الجنوبيه رحتها سنه 1992 و كان مجتمع منغلق جدا ولا حد يرد عليك اذا سالت عن مكان او شارع

لكن قال لي واحد ان بعد كاس اسيا عندهم في 1998 المجتمع تغير تماما و انفتحوا على الضيوف الاجانب

الاستضافات هي نوع من فتح المجتمع على العالم و تطوير ثقافته و تقبله للاخر

شئنا ام ابينا التغيير وارد جدا

الله يفتح علينا أبواب الخير

وقت كاس آسيا أتذكر الزحمة والناس اللي افترشوا الكورنيش والحدائق بعد بيسمحون لهالأشكال تشوه منظر الدوحة الحضاري .. وقتها سووا كامبات مؤقتة للفرق والمشجعين بس فئة تخرب على مجموعة .. عاد البعض في قلبه حرة على قطر وعلى كل شيء قطري وذيلا بيسعون سعي للفوضى وهم بطبيعتهم فوضويين

[معماري قطري]

اكيد صار تغير كلي عن قبل .. لكن الموضوع او الاقتراح يبي له اسلوب ..
مايصير تسوي استفتاء بين ربعك لعدد محدود 2000 شخص ..
اقل شي كان سوا استفتاء عام على بعض وسائل السوشيل ميديا ..
كـ فكرة بدون تفاصيل كثيرة ..
في النهايه احنا مجتمع محافظ ودايما ننظر للجوانب السلبيه من الموضوع :tooth:
:
امس قلت ان في روسيا يشوفون سجل الشخص قبل الموافقه على الفيزا ..
اوكي هذا امر حلو ..
لكن هل تضمن المستضيف يكون بنفس السجل ؟
تخيل عاد المكسيكان في عزبتك والله بتصير حرب صوبك :funny:

:
قمت ادور عن الفيديو الترويجي ماحصلته ماادري انحذف من حساباتهم ولا ماعرفت اطلعه ..

المشكلة الفكرة والاقتراح طالع بإسم اللجنة وشيء رسمي مب اقتراح شخصي من اللي طلع في الواجهة وبأنه هو المقترح وفيه تفاصيل ما نعرفها بعدين بيقولها .. بعدين قاموا يقولون فهمتوا السالفة غلط وناس دخلوا على الخط يترجمون لنا اللي سمعناه ويقولون هو يقصد استقبلوهم في مجالسكم وأكرموهم كزوار يعني لساعة أو ثنتين .. إنسحاب تكتيكي

[سالم الزهران]

بعض البشر لا يصلح أنك تسأله أو تأخذ رأيه أو توكله على شغلة ولا هم يحزنون، منهم صاحب الاقتراح.

هو ما فكر أن الناس بتفسر كلامه على وجود عجز في الاستيعاب؟ يعني مجهود الجهات المعنية مشيت عليه باستيكه يا عضو اللجنة.

[ابو عبدالله.]

الوقت متأخر وين تحصل اللي يشتغلون والمواد .. يبي لهم توجيه قوي من اللجنة وتسهيلات .. تدري المعاملات الإدارية لو حصلت موافقة تخلي الولد يشيب .. هذا بيكون حل مناسب وفيه فايدة القطري والدولة والسياحة والزوار وحل لمشكلة موجودة وانا معاك شغل قانوني .. والمفروض يكون بتوثيق لحالة المبنى قبل السكن وحالته بعد ما يقرر سعادة المستأجر يطلع وكل واحد ياخذ حقه

حل ثاني بعد ممكن لو يشجعون عليه .. فيه أبراج وعمارات إدارية شبه خالية أو أدوار معينة خالية .. هذي ليش ما يستغلونها بعمل أقسام سكنية فيها ؟

انا افكر بصوت عالي وبحلول تنفع الجميع وكلها معقولة .. زين الكامبات اللي كانت مبنية في بعض الزروع بعضها مرتبة وممكن تترتب أكثر هدموها وخسروها وكان الأولى تركها وتحويلها لأي غرض حتى مخازن أو حضائر وممكن تطوير جزء منها لسكن محترم

صباح الورد

المواد و الشغل لاتحمل هم. اسبوعين و اسوي لك الفيلا نظام فندقي سبع نجوم مع بوفيه مفتوح و واي فاي و كل غرفه بج سكرين تي في و قنوات بي ان سبورت
ولو تبي بروجكتر بالصاله الكبيره بحط لهم

اما سالفه الاشتراطات فما اعتقد بيعقدونها وايد لانهم يبون الناس تقسم بسرعه حتى لو فتره كاس العالم فقط

تصد ان اعرف واحد تواصل مع الشركه الي قدمت وجبات الطعام في كاس العالم الي سووه بامريكا اللاتينيه لتوفير مليون ونص وجبه حق 2022

الي وقفه ان المخاطره كبيره جدا لو ما باع اغلب الوجبات يعني لو ما مشت التجربه بتترتب ديون فوق سبع مليون

خلنا انا و انت احنا على قد حالنا ما نعرف هالسوالف ولا نقدر نمشيها. اصلا ما نقدر نفكر فيها هههه

[ابو عبدالله.]

نرجع لموضوع الاستضافه

اعتقد ان في ناس بتقبل تستضيف اما من باب الربح او ان يعيش اجواء البطوله و قدوم ضيوف لقطر و مشاركه الفرحه التاريخيه

او حتى استقبال حد من موطنه الاصلي كمعارف او مسؤولي حكومات معروفين

بعض القطريين ايضا. لهم صداقات مع دبلوماسيين بحكم عملهم او تجارتهم و منهم من يستضيفهم في بيته سابقا ولا تفرق عنده يستضيفهم مع كاس العالم

حياتهم جذي اصلا حتى عيالهم مثلهم. يقبلون هالشي

عشان جذي من البدايه قلت ان الناس تختلف و البعض ممكن يقبل الاستضافه و البعض لا

[khaldoon]

يا جامعه مين قال انه الاستضافة في بيوتنا تعني انهم يقعدون مع اهلنا و شوفاتنا

ممكن تكون استضافة في بيوت لكم خاليه من السكان يعني ببيوت زياده لكم تملكونها و ممكن تستضيف فيها صديقك او حتى انت تتكفل بتذاكر السفر و كل شيء خلال الشهر من a-z

اما فكرة استضافة في بيوتنا اللي تسكنها فأكيد صعبه و غير مقبوله عند الكثير و انا منهم

[sara jsm]

شوف خلدون لاتقعد ترقع لهم هههههههه
الفيديو يبين ان الحرمة قاعدة تبخر البيت وتطيبه والرجال يجهز الشاي والطاوله ..
ويفتحون باب البيت للضيوف .. يعني اشكره تستضيف في البيت نفسه ..
:whistling::whistling::whistling:

[معماري قطري]

بعض البشر لا يصلح أنك تسأله أو تأخذ رأيه أو توكله على شغلة ولا هم يحزنون، منهم صاحب الاقتراح.

هو ما فكر أن الناس بتفسر كلامه على وجود عجز في الاستيعاب؟ يعني مجهود الجهات المعنية مشيت عليه باستيكه يا عضو اللجنة.

صادق .. إحنا حسينا بهالشيء فما بالك باللي خارج الحدود

[معماري قطري]

صباح الورد

المواد و الشغل لاتحمل هم. اسبوعين و اسوي لك الفيلا نظام فندقي سبع نجوم مع بوفيه مفتوح و واي فاي و كل غرفه بج سكرين تي في و قنوات بي ان سبورت
ولو تبي بروجكتر بالصاله الكبيره بحط لهم

اما سالفه الاشتراطات فما اعتقد بيعقدونها وايد لانهم يبون الناس تقسم بسرعه حتى لو فتره كاس العالم فقط

تصد ان اعرف واحد تواصل مع الشركه الي قدمت وجبات الطعام في كاس العالم الي سووه بامريكا اللاتينيه لتوفير مليون ونص وجبه حق 2022

الي وقفه ان المخاطره كبيره جدا لو ما باع اغلب الوجبات يعني لو ما مشت التجربه بتترتب ديون فوق سبع مليون

خلنا انا و انت احنا على قد حالنا ما نعرف هالسوالف ولا نقدر نمشيها. اصلا ما نقدر نفكر فيها هههه

إيه والله صحيح انا مخي ما يحب الشربكة والدربكة

بالنسبة لرخصة الصيانة بس بروحها مأساة لو دخلت فيها بتكره نفسك ومع استشاري الحمد لله اكتفى بالمعاينة ولا قال يبي فحوصات لو قال يبي فحوصات بيوصلونا للهدم عارف محد ياخذ مسؤولية .. هذا شجاع شجاعة هندسية ويعطي الشغلة حجمها بس

بعدين شفايدة انا اسوي صيانة وأوقع تعهدات اني ما اطالب بشيء لو طلبوا هدم أي وقت وإني أتقبل المسؤولية عن كل المخالفات اللي أصلاً صايرة من المستأجرين وانا أحد الورثة لبيوت قديمة .. واحد كله مبني برخص وأكثر البنيان على الحكومة وواحد مبني قبل لا تتأسس البلدية والتخطيط .. تدري إني للبناية اللي مشت رخصة صيانتها قعدت في حوسة معاهم من 2019 للحين وألحين الأُمور ماشية بس لو طلع المفتش وما عجبته شغلة بيضيفها .. وصلت مكتب الوزير بشكوى بخصوص التعهد هذا .. إن لو بيهدمون أي وقت ما اطالب بشيء .. شباب هناك قطريين توهم في سن الورود مثل ما يقولون يقولون لي وقع ولا عليك هذا روتين يوم رحت مكتب الوزير قالوا شلون هذا أول مرة يمر علينا عاد بالصدفة حصلت شيبة موقعينه على بيت بر وهدموه بعد سنتين يوم طالب بتعويض رفعوا التوقيع في ويهه .. عاد مثلوا انهم بيحاسبون المهندس العربي اللي حاط الطلب هذا ولا أظن بيطاله شيء

ألحين في إجراءات البيوت والله ييسر عاد بيت واحد مسكون بالكامل والمجرين طيبين ونبغيهم ولا نبغي سوالف يمكن ايه ويمكن لا .. الثاني مؤجر نصه وفيه أجزاء ضروري تزال وأبواب كثيرة على الشارع لازم تغلق هذا اللي انا اشوفه صح عاد هم شيشوفون الله أعلم إجراءاتهم دهور

[معماري قطري]

يا جامعه مين قال انه الاستضافة في بيوتنا تعني انهم يقعدون مع اهلنا و شوفاتنا

ممكن تكون استضافة في بيوت لكم خاليه من السكان يعني ببيوت زياده لكم تملكونها و ممكن تستضيف فيها صديقك او حتى انت تتكفل بتذاكر السفر و كل شيء خلال الشهر من a-z

اما فكرة استضافة في بيوتنا اللي تسكنها فأكيد صعبه و غير مقبوله عند الكثير و انا منهم

خلنا نلحق على تذاكر الخدم وسعر البترول والمواد الغذائية .. اللوز الكيلو ب 200 ريال

[معماري قطري]

شوف خلدون لاتقعد ترقع لهم هههههههه
الفيديو يبين ان الحرمة قاعدة تبخر البيت وتطيبه والرجال يجهز الشاي والطاوله ..
ويفتحون باب البيت للضيوف .. يعني اشكره تستضيف في البيت نفسه ..
:whistling::whistling::whistling:

هم قالوها بوضوح استضافة وبنعلمكم بالتفاصيل لا وبنجي نشيك على بيوتكم لا وقالوا إنهم حصلوا 500 بيت يعني 500 غرفة كافية لحول 1000 شخص .. ألحين نبغي نعرف التفاصيل .. يذكروني بمدرب كورة يسوي خطة ولا يقول التفاصيل ووقت اللعب تستوي مآسي

[khaldoon]

شوف خلدون لاتقعد ترقع لهم هههههههه
الفيديو يبين ان الحرمة قاعدة تبخر البيت وتطيبه والرجال يجهز الشاي والطاوله ..
ويفتحون باب البيت للضيوف .. يعني اشكره تستضيف في البيت نفسه ..
:whistling::whistling::whistling:

:looking::looking::looking::looking::looking::look ing:

هو طلع في فيديو بالموضوع و انا ما ادري ... اما فشيلة :secret::secret::secret:

escapeescapeescape

[khaldoon]

خلنا نلحق على تذاكر الخدم وسعر البترول والمواد الغذائية .. اللوز الكيلو ب 200 ريال

crazycrazycrazy

الله المستعان

[معماري قطري]

crazycrazycrazy

الله المستعان

آمين .. الكل ينهب يا اخوي هنا من المواطن والمقيم .. خصوصاً ذوي الدخل المحدود من الفئتين بعض المواطنين والمقيمين كذلك كل شيء موفر لهم ضمان صحي وتذاكر بأعلى سعر أو بدل وبعضهم مرتين في السنة .. بعض المقيمين سكن غالي وفي أغلى المناطق مدفوع القيمة حتى الكهرباء والماء

والغالبية أزمة عندهم من ضيق المكان بسبب التخطيط المقتر على الناس .. العوائل تكبر وتحب تتقارب وانا اتكلم عن العموم وأكيد في حالات شاذة .. بعضهم يتمنون مناخ مناسب للإستثمار ويحصلون الحق في شغل أرضهم بالكامل والإرتفاع ارتفاع يكون يضمن لهم وحدات إضافية ومدخول إضافي .. لو يشوفون الناس بهذي العين بيحققون استقرار أكثر وأسعار مناسبة للإيجارات بسبب كثرة المعروض

السكان في إزدياد مستمر وهذي سنة الله عز وجل في خلقه .. وقطر عادي توقعها في سنوات بسيطة يكون عندها نمو سكاني ضعف الموجود وإحتمال يكون في كاس العالم

نجي للقواعد والقوانين للسكن للزوار .. لو تركوا الزوار يدخلون البلاد بدون حجز فندق مدفوع بنشوف شوارع الدوحة منامات لناس كثيرين وبنشوف زحمة على الفاضي تعرف فيه ناس شغل السيارة وشيل ربعك ويحلها رب العالمين .. الوضع صعب والله يعينهم حتى اللي بيدخل البلاد يبغي يشوف مباراة وبيروح بيكون ساكن إحدى الدول المجاورة مثلاً هذا ضروري تكون عنده أقل شيء تذكرة المباراة .. بعدين لازم تسن قوانين وتنفذ بقوة وصرامة مثل عدم النوم في السيارة أو الحدائق وقوانين الالتزام بعدم الإزعاج والإحتشام وعدم الشرب في الأماكن العامة

مؤكد هذي الأُمور ناقشوها حتى مع الفيفا ولازم لكل شيء ترتيب

[مرتبش]

غلطة الشاطر بألف.. في البداية حسبتهم يشجعون المواطنين على التفاعل مع زوار كاس العالم مثلا تشجيعهم على فتح مجالسهم وتقديم القهوة العربية والتمر كنوع من الاحتفال بتنظيم كاس العالم وهذي فكرة جميلة لكنهم يبون استضافة فندقية وهذا ماله داعي لانهم من زمان مقدمين خدمة استئجار العقارات من المواطنين .. يعني ماله داعي تطلب اسكانهم والسكن متوفر باشكال وانواع كثيرة.
بالاضافة الى ان هذا الطلب الغريب بالاستضافة وضع جهود الدولة واللجنة المنظمة محل انتقاد واحراج وتشكيك في قدرة الدولة .. كيف فاتتهم !

[Rider]

غلطة الشاطر بألف.. في البداية حسبتهم يشجعون المواطنين على التفاعل مع زوار كاس العالم مثلا تشجيعهم على فتح مجالسهم وتقديم القهوة العربية والتمر كنوع من الاحتفال بتنظيم كاس العالم وهذي فكرة جميلة لكنهم يبون استضافة فندقية وهذا ماله داعي لانهم من زمان مقدمين خدمة استئجار العقارات من المواطنين .. يعني ماله داعي تطلب اسكانهم والسكن متوفر باشكال وانواع كثيرة.
بالاضافة الى ان هذا الطلب الغريب بالاستضافة وضع جهود الدولة واللجنة المنظمة محل انتقاد واحراج وتشكيك في قدرة الدولة .. كيف فاتتهم !

��كلامك عين العقل

[khaldoon]

غلطة الشاطر بألف.. في البداية حسبتهم يشجعون المواطنين على التفاعل مع زوار كاس العالم مثلا تشجيعهم على فتح مجالسهم وتقديم القهوة العربية والتمر كنوع من الاحتفال بتنظيم كاس العالم وهذي فكرة جميلة لكنهم يبون استضافة فندقية وهذا ماله داعي لانهم من زمان مقدمين خدمة استئجار العقارات من المواطنين .. يعني ماله داعي تطلب اسكانهم والسكن متوفر باشكال وانواع كثيرة.
بالاضافة الى ان هذا الطلب الغريب بالاستضافة وضع جهود الدولة واللجنة المنظمة محل انتقاد واحراج وتشكيك في قدرة الدولة .. كيف فاتتهم !

في ناس كثير ما عندها استعداد انها تفوت حضور كأس العالم في اي بلد بالعالم و موطنين انفسهم على فكرة النوم في الشارع و لا عندهم اي نية انهم يستأجرون و لا يدفعون درهم واحد على ايجار سكن و الله اعلم... انا لا ادافع عن الفكرة نهائيا بس اعتقد انه هذا احد الاسباب..... اصلا فكروا فيها مين يقبل على نفسه انه يجلس في بيت ناس ما يعرفهم و لا يعرفونه نايم جالس ماكل شارب ببلاش و يروح معهم المبارة كمان او على حسابهم بحكم الاستضافة .... الا لو كان بخيل او ما معاه فلوس

الدولة بتوفر اماكن لاقامة الضيوف بفلوس بس في ناس ما عندها استعداد تدفع !!!

[مرتبش]

اليوم تم الاعلان عن تحديد سقف اعلى لاسعار الفنادق وقت كاس العالم... اعتقد الكثير ممايثار في وسائل التواصل فيه مبالغات ونسبة كبيرة من الاشاعات وعند الدولة وسائل وخطط للتحكم بالمشجعين والزوار .

[معماري قطري]

غلطة الشاطر بألف.. في البداية حسبتهم يشجعون المواطنين على التفاعل مع زوار كاس العالم مثلا تشجيعهم على فتح مجالسهم وتقديم القهوة العربية والتمر كنوع من الاحتفال بتنظيم كاس العالم وهذي فكرة جميلة لكنهم يبون استضافة فندقية وهذا ماله داعي لانهم من زمان مقدمين خدمة استئجار العقارات من المواطنين .. يعني ماله داعي تطلب اسكانهم والسكن متوفر باشكال وانواع كثيرة.
بالاضافة الى ان هذا الطلب الغريب بالاستضافة وضع جهود الدولة واللجنة المنظمة محل انتقاد واحراج وتشكيك في قدرة الدولة .. كيف فاتتهم !

متفق معاك فيما قلت خطأ من الأخطاء الإدارية الغير محسوبة وهي كثيرة .. أكيد سبب إحراج وتندرات من الداخل ومن الخارج وصاحب الاقتراح يتمنى لو ما اقترح بالكامل

إقتراحي انا اللي عنده بيت قديم ويحتاج تجديد وشقة حتى لو وحدة ويبغي يأجرها المفروض الحكومة تحجزها وتأجرها لين كاس العالم وبدون شروط مجحفة مثل اللي صار مع رفيجنا

[معماري قطري]

اليوم تم الاعلان عن تحديد سقف اعلى لاسعار الفنادق وقت كاس العالم... اعتقد الكثير ممايثار في وسائل التواصل فيه مبالغات ونسبة كبيرة من الاشاعات وعند الدولة وسائل وخطط للتحكم بالمشجعين والزوار .

زين وان كشفوا فندق أو موظف في فندق مأجر بأضعاف السقف هذا اللي حاطينه شبيسون فيه؟

ما اعتقد بيسوون شيء قوانين شكثر تسن بدون تطبيق

[معماري قطري]

والله أتمنى ما يتأخرون في القوانين التنظيمية للمجتمع .. مثل النظافة العامة وعدم البصق وشروط اللبس المحتشم وفرضها على الواقع بغرامات ومتابعة وتطبيق .. عدم التدخين وتجهيز أماكن معينة ومغلقة للمدخنين ما يتركونهم جدام بوابات المجمعات التجارية .. بدء تطبيق رقابة الكاميرات وكشف أي تجاوز أمني أو قانوني حتى في الفرجان

سن قوانين مرور خاصة بمن يمشون بطيء جداً وبمن يتجاوزون تجاوزات مرورية خطرة ومن يقتربون من السيارة اللي أمامهم بصورة خطرة وضبطهم بسهولة بالكاميرات

سن قوانين لدخول البلاد .. بعض الداخلين ممكن يقولون بنسوي زيارة ساعات ولا نحتاج فندق هذيلا يسجل دخولهم وملاحظة تحفظ في الكمبيوتر ولو تأخر خروجهم تكون عليهم غرامة وتكون تصاعدية .. أعرف واحد عربي داخل بفيزة زيارة وله حول 4 سنين وهو يدور من شغل لشغل وحاول يحصل شغل مناسب وحكومي وتعب ولا شغلوه لأن عليه غرامة وما طلع .. ومثله وايد وكل شوي نشوف إعلان مسامحينكم بس سلموا نفسكم وطلعوا ولا حد يبغي يطلع .. قطر نعمة لهم ولو يقعدون لاجئين ما تهمهم دولهم

[Ahmed86]

انا ضد الفكره قلبا و قالبا

لكن

ردة الفعل تحسسني انهم واقفين على ابواب بيوتكم يبونكم تفتحونها بالغصب تستضيفون

عادي ياخي لا تستضيف محد جابرك ! ليش الزعل؟ ولا حد اصلا بيجي يقلك استضيف، تبي تستضيف استضيف ، ما تبي عادي طنش.

[سالم الزهران]

لو يخصصون سيارة وغرفة لكل مشجع ما فيه مفر من الانتقادات وخصوصاََ من بعض الشخصيات الكرتونية المعروفة في الخليج.

لكن اذا انت تعطيهم مادة للفكاهة فهذا هو بيت القصيد.

[معماري قطري]

انا ضد الفكره قلبا و قالبا

لكن

ردة الفعل تحسسني انهم واقفين على ابواب بيوتكم يبونكم تفتحونها بالغصب تستضيفون

عادي ياخي لا تستضيف محد جابرك ! ليش الزعل؟ ولا حد اصلا بيجي يقلك استضيف، تبي تستضيف استضيف ، ما تبي عادي طنش.

أكيد عادي بس الكلام عن ردات الفعل وشسوى هذا الإقتراح

البلاد في خير وبنيان فنادق كثيرة مستمر وتجهيز مباني قديمة مستمر وأكيد محد بيجي بدون حجز وبدون ما يضمن سكن الا اللي عادي عندهم يفرش تحت سيارته وينام

[معماري قطري]

لو يخصصون سيارة وغرفة لكل مشجع ما فيه مفر من الانتقادات وخصوصاََ من بعض الشخصيات الكرتونية المعروفة في الخليج.

لكن اذا انت تعطيهم مادة للفكاهة فهذا هو بيت القصيد.

متفق معاك .. وحتى لو فرضاً قرروا هالقرار كان المفروض يستطلعون آراء البعض أو يسوون بحث ميداني للي عندهم مكان فاضي .. مثلاً يعرفون إن فلان ساكن في بيت كبير معاه شخص واحد يعرضون عليه تأجير بيته شهر أو شهرين وهو يوفرون له فندق .. وإحتمال حتى ذي ما تمشي .. مقترح الإقتراح مذيع في البرنامج العلمي الإبتكارات وفكر يبتكر حل خارج عن الصندوق ولو ما تم الإعلان عنه رسمي في وسائل التواصل ما ناقشناه

[Rider]

لأ يحطون لهم خيام في البر الجو بيكون حلو هههههه

[معماري قطري]

لأ يحطون لهم خيام في البر الجو بيكون حلو هههههه

التنويع ضروري وبس لازم توضيح هالشيء للي بيسكن ولازم ما يجي الا حاجز ودافع بعد

بيكون وقت تخييم والشباب اللي يطلعون مستعدين يكونون مثل مرشدين سياحيين حتى المواصلات مب مقصرين بها من المخيم للملعب .. يعني انا اطلب وأهيء مثل ذيلا الشباب اللي لهم الرغبة حتى بعضهم بيسوون هالشيء خدمة بدون مقابل وبعضهم مستعدين يسجلون هالخدمة بمقابل .. وهذا إقتراح وايد أفضل من دخول البيوت والأجانب وحتى العرب يحبون يعيشون هالنوع من المغامرات