اسكريم الاقماع .........سؤال على السريع [الأرشيف]

مشاهدة النسخة كاملة : اسكريم الاقماع .........سؤال على السريع

بوNasser

14-10-2021, 06:06 PM

السلام عليكم ورحمة الله

باختصار انا على وشك شراء ماكينة اسكريم (لا احد يفرح بتاخذ شهرين في البحر لين توصل من الصين) للإستخدام المنزلي والجيران بس.

السؤال:

هل بودرة الاسكريم السوفت متوفره محليا؟ او لا زم اطلبها من امازون وغيره، وهل عادي تنشحن والا سالفة بعد باعتبار انها أغذية.

https://doha2010.com/muntada/Soft%20Ice%20cream.png

فيه في الجمعيات خلطات اسكريم بس للنوع الصلب (المثلج)

تحياتي للجميع

sara jsm

15-10-2021, 01:59 PM

انا فرحت :happy: وعادي بننطر شهرين ..
اهم شي نجرب مكينتك :dance

Azizuk

15-10-2021, 05:29 PM

عندك كدي كي علب خاصه لمكائن الايسكريم يجي شوكلاته وفانيلا

وتقدر تتواصل مع هالشخص ممكن يوفر لك سائل حليب الايسكريم

https://e.top4top.io/p_2114pjaru0.jpeg (https://top4top.io/)

sara jsm

15-10-2021, 05:37 PM

الحين يكلم من فيهم ؟
ايمن ولا كومار :happy:

Azizuk

15-10-2021, 06:41 PM

الحين يكلم من فيهم ؟
ايمن ولا كومار :happy:

اي واحد فيهم كومار والا ايمن اهم شي الايسكريم :thumbup:

المكينه عندي من سنة وحليب الايسكريم عندي بس للأسف والا مره استخدمتها :yes:

بوNasser

15-10-2021, 08:00 PM

اي واحد فيهم كومار والا ايمن اهم شي الايسكريم :thumbup:

المكينه عندي من سنة وحليب الايسكريم عندي بس للأسف والا مره استخدمتها :yes:

الله يجزاك خير ان شاء الله باكلمه،

بس اللي مستغرب منه أني من نزلت الموضوع، اشوف وحده متحمسه للعسكريم اكثر مني،

مع انه ما راح يكون فيه توصيل للخور والمناطق الشمالية.

بس عن خاطرها باحط صورة المكينة اللي شريتها وبتوصل ان شاء الله على بداية 2022.

https://sc02.alicdn.com/kf/Ha18f39e9c918432b9c8f4f13dba0a3bdL/222369737/Ha18f39e9c918432b9c8f4f13dba0a3bdL.jpg

تحياتي لك وللجميع

sara jsm

15-10-2021, 08:48 PM

الله يعز ماك
بريال ولذيذ :weeping:

بوNasser

16-10-2021, 01:19 PM

الله يعز ماك
بريال ولذيذ :weeping:

كسرتي خاطري......:cry2:

على كل حال اذا مريتي على ماك اسأليهم من وين يجيبون خلطة اسكريمهم :)

sara jsm

16-10-2021, 01:36 PM

وجم المقابل ؟؟ ولا ليكون اشتغل عندكم !! :anger3:

بوNasser

14-12-2021, 08:03 PM

السلام عليكم ورحمة الله
أخيرا وصلت المكينة
بس ننطر الصيف حتى نجرب الأسكريم

https://doha2010.com/muntada/ice%20cream.png

تحياتي للجميع

سالم الزهران

14-12-2021, 08:17 PM

الف مبروك و اذا بقي شي عسكريم طرشوا لنا :dance

sara jsm

14-12-2021, 08:55 PM

السلام عليكم ورحمة الله
أخيرا وصلت المكينة
بس ننطر الصيف حتى نجرب الأسكريم

https://doha2010.com/muntada/ice%20cream.png

تحياتي للجميع

شهالمذله بعد :waiting:
كان خليتها بكرتونها بدال ماتحرق قلبي وقلب اليهال :waiting:

سعود.

14-12-2021, 11:15 PM

السلام عليكم ورحمة الله
أخيرا وصلت المكينة
بس ننطر الصيف حتى نجرب الأسكريم

https://doha2010.com/muntada/ice%20cream.png

تحياتي للجميع

خن نجرب معك :thumbup: كي يعم الفرح والسرور على اعضاء المنتدى :thumbup:

معماري قطري

15-12-2021, 02:01 AM

الاسكريم يمشي صيف وشتاء لتنطر الصيف يجي جرب أول بأول

انا طحت في نوع سعودي يجيبه ولدي على تمر وبدون سكر والتمر فيه خفيف

معماري قطري

15-12-2021, 02:02 AM

عاد الله يستر من معاملهم تحصلون معمل اسكريم قرب مصنع طابوق والنظافة مب حولهم

بوNasser

15-12-2021, 06:09 PM

السلام عليكم ورحمة الله

اليوم تحمست شوي وسويت ستكرات للمكينة، مثل ما تشوفون

https://doha2010.com/muntada/ic1.png

https://doha2010.com/muntada/ic2.png

https://doha2010.com/muntada/ic3.png

وسوينا الخلطة الأسكريمية، وهذي النتيجة والحمد لله

https://doha2010.com/muntada/ic5.png

https://doha2010.com/muntada/i4c.png

سعود وسالم وساره تمنيتكم تذوقون معاي لكن للأسف ما عندنا (توصيل سفري) خيرها بغيرها.

اما معماري فأخاف عليك من السكر ، بس اذا تبي بخلي لك بسكوت لأنه خالي من السكر وسلامتك من كل شر.

تحياتي للجميع

سعود.

15-12-2021, 06:23 PM

بما انك حاط ( مجاني ) :dance
نرجو من سيادتكم ارسال موقع المنزل لستلام العسكريم

sara jsm

15-12-2021, 07:20 PM

سعود وسالم وساره تمنيتكم تذوقون معاي لكن للأسف ما عندنا (توصيل سفري) خيرها بغيرها.

لا شنو خيرها في غيرها .. طرش اللوكيشن بنجيك ركض :fight:

سالم الزهران

15-12-2021, 08:31 PM

لازم تعلمنا بسالفتها وتكلفتها ولا بنخلي واحد يقبس عليها وتحول مكينة فشار ههه

بوNasser

16-12-2021, 10:15 AM

بما انك حاط ( مجاني ) :dance
نرجو من سيادتكم ارسال موقع المنزل لستلام العسكريم

للأسف استخدم نوكيا بو ليت، مافيه لوكيشن

لا شنو خيرها في غيرها .. طرش اللوكيشن بنجيك ركض :fight:

نفس الرد السابق وزياده عليه اخاف احد من المنافسين يشتكي على عند حماية المستهلك واتوهق.

لازم تعلمنا بسالفتها وتكلفتها ولا بنخلي واحد يقبس عليها وتحول مكينة فشار ههه

يا مرحبا

لا تكفى لا احد يقبس على المكينة، توها جديدة واليهال مستانسين.

السالفة بأختصار مطول اني ادمنت النت والتسوق الالكتروني من امازون امريكا وبريطانيا وغيره ومن علي بابا الصين.

كنت اتسكع في موقع علي بابا، انفتحت لي المغارة ولقيت مكاين الايسكريم وشفت الاسعار رخيصة، خاصة ان العيال يقولون ان اسعار تأجير المكاين عندنا بين 800 - 1200 ريال لأقل من ست ساعات وكمية محدودة من الايسكريم.

طلبت هذي المكينة مع التوصيل للبيت وطلعت علي تقريبا اقل من 5000 ريال.

الخلطة حصلت في الدوحة الكيس حوالي 70 ريال نخلطه معا ماي يعطينا 7.5 لتر وهذي كمية محترمة تسوي لك بالراحة اكثر من 70 كوب من الحجم المتوسط.

الطعم ما شاء الله ممتاز وكريمي والسكر خفيف مش نفس المعاصر مثلج وكله شكر.

اخيرا

العيوب:
الوزن حوالي 100 كلغ

صوت الماكينة شوي عالي مثل برادات الماي السبيل

كمية الايسكريم كبيرة اذا ما عندكم يهال وايد وناس اكيله بتوهق بها (ما تقدر تحط كمية بسيطة لان المكينة لها حوضين ايس كريم لازم تتعبا بالخلطة، واحد فانيلا والثاني فراولة او شوكليت اذا تبون المكس) طبعا الباقي ممكن نصبه في وعاء ونخليه في الثلاجة يذوب ونستخدمه مرة ثانية خلال 4-5 ايام.

التنظيف آخر النهار او عقب ماتنتهي الحفلة ويخلص الايسكريم لازم، وهو بسيط بس ممل، عبارة عن تفريغ المكينة من الاسكريم من خلال المقابض، صب كمية من الماء في احواض الخليط، تشغيل المكينة على وضع التنظيف، تفريغ الماي، اعادة الكره مرتين او ثلاث.

الخلاصة:
اللي عنده يهال او فعاليات مستمرة، بتكون هذي المكينة (so much fun)

وسلامتكم

sara jsm

16-12-2021, 12:12 PM

بوNasser

16-12-2021, 01:33 PM

اشوفك سكت عن اهم نقطه بالسالفه كلها !!!!
من وين جبت الايسكريم ؟؟ من اللي ساعدك وعطاك رقم كومار ؟؟؟
ترى انا مطرشه حق عزيز عشان يكتب لك .. لان هو بعد عنده مكينة ايسكريم ..

لكن مومشكله ..

دار السلام يعزك ولا بوناصر يذلك :oops:

هههههه ، الله يسامحك

أولا: انا ما خذت من كومار ولا كلمته، لقيت المورد بكبره.

ثانيا: هذا يختلف عن اسكريم دار السلام ، تقريبا نفس او الذ من اسكريم ماكدونالدز (فعلا وبدون مبالغة)

بس اذا تحبين الشماتة بقول لك سالفة:

قبل ما اكتشف المورد ومن الشطه والعجلة الزايدة، قلت باطلب خلطة اسكريم من امازون من باب الاحتياط،

كيسين واحد فانيليا والثاني شوكليت ب 40$ ( حوالي 150 ريال) والشحن عن طريق اراميكس.

المهم يوم وصل الطلب والا قيمة الشحن 287 ريال يعني دفعت 287 + 150 = 437 ريال .

يعني الحبة ب 218.5 ريال واهنية الحبة بأقل من 70 ريال.

اصلح تاجر صح؟

تحياتي للجميع

sara jsm

16-12-2021, 01:37 PM

ههههههههه يبه مانبي منك شي ..عليكم بالعافيه ..
ماكندونالدز بريال ولذيذ .. :happy:

سالم الزهران

16-12-2021, 03:53 PM

مشكور على الايضاح يبو ناصر.. وبالهنا والعافية