اصحاب السيارات الصينية ممكن استفسار لو تكرمتوا؟

[khaldoon]

السلام عليكم و رحمة الله و بركاته

كم سؤال لو تكرمتوا لاصحاب السيارات الصينية......

ايش رأيكم فيها؟
تنصحون بها؟ و الا ندمتوا على هذه التجربة؟...... و اي نوع بالزبط شريتوا؟
هل هي كثيرة الاعطال و المشاكل المفاجئة؟
كيف وضع و تعامل الوكالة في حالات الصيانهو التصليح؟....... مريحه و الا متعبه؟
هل قطع الغيار متوفرة؟
لما تدخل الوكالة للتصليح بتطول السيارة عندهم و ما في قطع و الا الامور طيبة و سهلة؟
ما هي عيوبها و ما هي محاسنها بالنسبة لكم؟
هل هناك اي مفاجات غير سارة؟


و جزاكم الله كل خير سلفا

[sara jsm]

وعليكم السلام ..

شكله محد عنده صيني .. :tooth:
انا عندي بس ذي

https://h.top4top.io/p_2118d5bie4.jpeg (https://top4top.io/)

نزل موضوعك بالعام ابرك .. :playball:

[khaldoon]

وعليكم السلام ..

شكله محد عنده صيني .. :tooth:
انا عندي بس ذي

https://h.top4top.io/p_2118d5bie4.jpeg (https://top4top.io/)

نزل موضوعك بالعام ابرك .. :playball:

والله كلامك صحيح...... محد بيشوف الموضوع للاسف.....كل الشكر و الاحترام و التقدير على المرور و التعليق الجميل

[VX.R]

السلام عليكم
انا أخذت سيارة للبيت ( MG ) نوع rx8 سياره عائلية .
سبب الشراء سعرها المناسب أقل من 100 الف .
4 سلندر يعني صرفية البترول ممتازة ، مكيف ممتاز
ضمان 5 سنوات + 50 الف فل سيرفس يعني عليك البترول فقط.
كل هالعوامل شجعتني أخذه للعيال .
حالياً الموتر قاطع 10 الف (استخدام الدريول ) ولم نشتكي من اي شي والحمدلله.
أتمنى اني افدتك بالمشاركه.

[سعود.]

Mg كنها ( بريطانية )

[عازف]

Mg كنها ( بريطانية )

اشترتها شركة صينية واعادة صنعها في الصين بعد توقفها في بريطانية

[سعود.]

اشترتها شركة صينية واعادة صنعها في الصين بعد توقفها في بريطانية

شكرآ لتوضيح

[ابو عبدالله.]

ما جربتهم لكن كرأي شخصي

ما انصح بها

قيمتها السوقيه تسقط كثير مثل الاوروبي ولا اعرف احد يفكر يشتريها كجديدة فما بالك بمستعمله

البديل الكوري افضل حالا

انعدام بدائل قطع الغيار خارج الوكاله نفس الاوروبي و الكوري

المجتمع الى الان مش متقبل الصيني ولا احد يعرف اعتماديتها على كم سنه كتجربة او عيوب

[سالم الزهران]

الصيني يا خلدون داخل بقوة رخص السعر. (هذي ميزة).
مودلاته في المظهر نسخ ولصق من الاوروبي (وهذي ميزة)
استخدامه اشوف ناس كادينه كد وعايش.
لكن قطع الغيار (نار وغير متوفرة) يعني تخيل السفايف طلب من الصين ممكن تاخذ شهر ونت تنتظر!

[style]

كنت باخذ حق احد من العيال MG rx5..قلت خل اسال حد مجرب لانها مغامره ولكن السعر مغري ..76000 ريال مع تامين شامل وتسجيل مجاني وكذلك تركيب عازل كله مع السعر .هذا فعلا سعر صعب تحصله في اي وكاله مهما كان ..6 سنوات ضمان ..وسيرفس الى 20 الف كيلومتر ….رحت جربت السياره وبكل صراحه السياره ممتاز والثبات ممتاز ..لكن عزل الهواء من بعد 120 كيلومتر بالساعه فيه اصوات هواء من الابواب ..البريك جدا ممتاز من سرعه 100 كيلومتر وفل بريك السياره استجابتها جدا معقوله..السياره الفتحه بانوراما ..المكيف فوق الممتاز ..تبديل القير سلس جدا ..السياره 4 سلندر 225 حصان .2.5 ليتر مكينه توربو ..
الزبده والاهم من هذا كله حصلت اجنبي بالشارع وقفته وقلت له ايش راييك بالسياره وكم لها عندك الان.
المفاجاءه السياره لها عنده فوق سنتين ونص وماشيه الان قريب ال 50 الف كيلومتر ولا اشتكى من اي شي فقط ايل فلتر وتبديل بريك امامي فقط على 36000 كيلومتر ..وطبعا شاري السياره جديده من الوكاله .
صراحه كسعر للسياره سعر منافس ولا تحلم تحصل سعر بهذي المواصفات وبهذا الضمان .
لكن يبقى السؤال ماهو وضع السياره بعد 100 الف او 150 الف كيلو ..هل بتكون فيها مشاكل وهل قطع غيارها غالي ؟ هل متوفر ؟

شكرا

[سعود.]

السيارات الكورية أفضل وسعرها معقول
لو استثنينا ( جينيسيس )

( كيا و هيونداي ) اصبحت تنافس ولها سمعه طيبة في السنوات الاخيرة .

[khaldoon]

السلام عليكم
انا أخذت سيارة للبيت ( MG ) نوع rx8 سياره عائلية .
سبب الشراء سعرها المناسب أقل من 100 الف .
4 سلندر يعني صرفية البترول ممتازة ، مكيف ممتاز
ضمان 5 سنوات + 50 الف فل سيرفس يعني عليك البترول فقط.
كل هالعوامل شجعتني أخذه للعيال .
حالياً الموتر قاطع 10 الف (استخدام الدريول ) ولم نشتكي من اي شي والحمدلله.
أتمنى اني افدتك بالمشاركه.

جزاك الله كل خير على هذه المشاركة الطيبة .... كل الشكر و الاحترام و التقدير

[khaldoon]

mg كنها ( بريطانية )

هي كانت بريطانية و شرتها شركة صينينة يمكن من سنة 2012 ..... يقال انها ما لها علاقه ببريطانيا الا الاسم mg

[khaldoon]

اشترتها شركة صينية واعادة صنعها في الصين بعد توقفها في بريطانية

كلامك صحيح

[khaldoon]

ما جربتهم لكن كرأي شخصي

ما انصح بها

قيمتها السوقيه تسقط كثير مثل الاوروبي ولا اعرف احد يفكر يشتريها كجديدة فما بالك بمستعمله

البديل الكوري افضل حالا

انعدام بدائل قطع الغيار خارج الوكاله نفس الاوروبي و الكوري

المجتمع الى الان مش متقبل الصيني ولا احد يعرف اعتماديتها على كم سنه كتجربة او عيوب

الله يجزيك كل خير على هذه المشاركة القيمة ..... كل ما ذكرته صحيح مية بالمية .... فعلا قيمتها السوقية تسقط على طول و المشكلة انه البديل الكوري صار غالي بطريقة مبالغ فيها مثل هيونداي و كيا خصوصا

طبعا حضرتك اكدت لي مشكورا معلومة انعدام قطع الغيار لاني سمعت انه السيارة لو دخلت الوكالة للتصليح بتتأخر جدا بسبب عدم وجود قطع و هذا الكلام مش بس في قطر

ايضا بخصوص الاعتمادية على المدى البعيد...كل هذه امور مجهولة للأسف الشديد

كل الشكر و الاحترام و التقدير

[khaldoon]

الصيني يا خلدون داخل بقوة رخص السعر. (هذي ميزة).
مودلاته في المظهر نسخ ولصق من الاوروبي (وهذي ميزة)
استخدامه اشوف ناس كادينه كد وعايش.
لكن قطع الغيار (نار وغير متوفرة) يعني تخيل السفايف طلب من الصين ممكن تاخذ شهر ونت تنتظر!

يا للهول شهر للسفايف...... هالقطع الاستهلاكية لازم تكون متوفرة و بكثرة في الوكالة.....معلومة خطيرة

ذكرتني يوم انكسر غطاء العجل السبير الخلفي للميتستوبيشي الياباني اللي شكله ما تغير من منتصف سنة 2007 حتى الان ..... تدري كم انتظرت لحد ما جابوا غطاء جديد من الوكاله؟....... تسع او عشر شهور والله العظيم...... يومها الكراج صلح السياره و سلمها لي في شهر فبراير و رجعت له لما جاء الغطاء في شهر اكتوبر علشان يركبه و ملف التأمين مفتوح طول هالوقت ..... تخيل؟؟!!!

[ابو عبدالله.]

بل بل.

سوقنا مش سوق مكتمل الخدمه

ما يجيبون الا الي يمشي بيعه بسرعه بدون التفكير في رأي الزبون و الفيد باك حقه

المشكله منتشره بوكالات كثيره
وكيل واحد لسيارات اوروبيه الي قدر يمشي سياراته بشكل كبير بسبب توفيره لكل قطع الغيار حتى بالشحن الجوي. اعطى سياراته رغبه من الجمهور
البقيه للشركات الثانيه ما في حد اعرفه الا و انتقد الخدمه او قطع الغيار او الاسعار او تأخير طلب القطع اذا لم تتوفر بالوكاله

الكوري فيه قصور بقطع الغيار و الاسعار للقطع بها غلاء ما تتناسب مع قيمه السياره

الياباني فقط شركتين او ثلاث تحصل كل قطع الغيار اما البقيه فتحصل القطع الاساسيه فقط اما القطع الثانيه تتبهدل لين يجيبونها او تحصل قطع تجاريه او مستعمله

الاهم من هذا كله

حاجه الشخص هي من يحدد اي سياره يشتري
ما يصير شاب توه مشتغل شاري في اكس ار ولا بيحتاج اغلب ميزات السياره. او رب اسره كبيره يشتري صالون وهو يحمل طن من اغراض الجمعيه كل اسبوع

ايضا قياس الوضع مهم
شراء سياره صينيه مثلا. هل ممكن القى سياره يابانيه استعمال نظيف جدا بنفس سعر الصيني الجديد
هل الضمان للصيني سيوفر لي خمس سنوات بدون صيانه من جيبي الخاص الا للامور الاستهلاكيه مع ضمان توفر قطع الغيار بالوكيل و بسعر مقبول

كمثال. في هندي يسولف لي ان دوامه خارج الدوحه و موتره برادو جديد. و ما عنده الا طفلين
قلت له موترك بعد سنه بيمشي فوق الخمسين الف ولو انا مكانك ببيعه و باخذ صالون صغير لان العيله صغيره.
بعد فتره لقيته. الا بايع البرادو و ماخذ كورولا. و شاري شقه بالهند
قال انا قبل زوجتي قالت خلنا ناخذ البرادو اكشخ جدام اصدقائنا. اول ما قلت لها ببيعه و ندفع مقدم زين للشقه بالهند و يصير عندنا عقار ثاني. قالت اوكي و تفشر جدام اصدقائهم انهم يملكون عقارات استثماريه ههههه.
صارت الكورولا احسن لهم كوضع مادي بدل البرادو الي ما كان يحتاجونه سياره يوميه

كلن يقدر حاجته و ميزانيته وكم سنه بيستخدم السياره و تناسبها بحكم الصيانه و قيمه اعاده البيع بعد مده

[layth]

بل بل.

سوقنا مش سوق مكتمل الخدمه

ما يجيبون الا الي يمشي بيعه بسرعه بدون التفكير في رأي الزبون و الفيد باك حقه

المشكله منتشره بوكالات كثيره
وكيل واحد لسيارات اوروبيه الي قدر يمشي سياراته بشكل كبير بسبب توفيره لكل قطع الغيار حتى بالشحن الجوي. اعطى سياراته رغبه من الجمهور
البقيه للشركات الثانيه ما في حد اعرفه الا و انتقد الخدمه او قطع الغيار او الاسعار او تأخير طلب القطع اذا لم تتوفر بالوكاله

الكوري فيه قصور بقطع الغيار و الاسعار للقطع بها غلاء ما تتناسب مع قيمه السياره

الياباني فقط شركتين او ثلاث تحصل كل قطع الغيار اما البقيه فتحصل القطع الاساسيه فقط اما القطع الثانيه تتبهدل لين يجيبونها او تحصل قطع تجاريه او مستعمله

الاهم من هذا كله

حاجه الشخص هي من يحدد اي سياره يشتري
ما يصير شاب توه مشتغل شاري في اكس ار ولا بيحتاج اغلب ميزات السياره. او رب اسره كبيره يشتري صالون وهو يحمل طن من اغراض الجمعيه كل اسبوع

ايضا قياس الوضع مهم
شراء سياره صينيه مثلا. هل ممكن القى سياره يابانيه استعمال نظيف جدا بنفس سعر الصيني الجديد
هل الضمان للصيني سيوفر لي خمس سنوات بدون صيانه من جيبي الخاص الا للامور الاستهلاكيه مع ضمان توفر قطع الغيار بالوكيل و بسعر مقبول

كمثال. في هندي يسولف لي ان دوامه خارج الدوحه و موتره برادو جديد. و ما عنده الا طفلين
قلت له موترك بعد سنه بيمشي فوق الخمسين الف ولو انا مكانك ببيعه و باخذ صالون صغير لان العيله صغيره.
بعد فتره لقيته. الا بايع البرادو و ماخذ كورولا. و شاري شقه بالهند
قال انا قبل زوجتي قالت خلنا ناخذ البرادو اكشخ جدام اصدقائنا. اول ما قلت لها ببيعه و ندفع مقدم زين للشقه بالهند و يصير عندنا عقار ثاني. قالت اوكي و تفشر جدام اصدقائهم انهم يملكون عقارات استثماريه ههههه.
صارت الكورولا احسن لهم كوضع مادي بدل البرادو الي ما كان يحتاجونه سياره يوميه

كلن يقدر حاجته و ميزانيته وكم سنه بيستخدم السياره و تناسبها بحكم الصيانه و قيمه اعاده البيع بعد مده

ونعم النصيحة اخي الفاضل ،
ربي سبحانه يجعلها في ميزان حسناتك


Sent from my iPhone using Tapatalk

[khaldoon]

كنت باخذ حق احد من العيال MG rx5..قلت خل اسال حد مجرب لانها مغامره ولكن السعر مغري ..76000 ريال مع تامين شامل وتسجيل مجاني وكذلك تركيب عازل كله مع السعر .هذا فعلا سعر صعب تحصله في اي وكاله مهما كان ..6 سنوات ضمان ..وسيرفس الى 20 الف كيلومتر ….رحت جربت السياره وبكل صراحه السياره ممتاز والثبات ممتاز ..لكن عزل الهواء من بعد 120 كيلومتر بالساعه فيه اصوات هواء من الابواب ..البريك جدا ممتاز من سرعه 100 كيلومتر وفل بريك السياره استجابتها جدا معقوله..السياره الفتحه بانوراما ..المكيف فوق الممتاز ..تبديل القير سلس جدا ..السياره 4 سلندر 225 حصان .2.5 ليتر مكينه توربو ..
الزبده والاهم من هذا كله حصلت اجنبي بالشارع وقفته وقلت له ايش راييك بالسياره وكم لها عندك الان.
المفاجاءه السياره لها عنده فوق سنتين ونص وماشيه الان قريب ال 50 الف كيلومتر ولا اشتكى من اي شي فقط ايل فلتر وتبديل بريك امامي فقط على 36000 كيلومتر ..وطبعا شاري السياره جديده من الوكاله .
صراحه كسعر للسياره سعر منافس ولا تحلم تحصل سعر بهذي المواصفات وبهذا الضمان .
لكن يبقى السؤال ماهو وضع السياره بعد 100 الف او 150 الف كيلو ..هل بتكون فيها مشاكل وهل قطع غيارها غالي ؟ هل متوفر ؟

شكرا

لكن عزل الهواء من بعد 120 كيلومتر بالساعه فيه اصوات هواء من الابواب............... هذه معلومه جديدة علي .... ما شاء الله عليك خطير قدرت تسوق على هذه السرعه في تجربة الاداء رغم الزحمة.. شيء رائع

كلام جميل و ايجابي ...كل الشكر و الاحترام و التقدير

[khaldoon]

السيارات الكورية أفضل وسعرها معقول
لو استثنينا ( جينيسيس )

( كيا و هيونداي ) اصبحت تنافس ولها سمعه طيبة في السنوات الاخيرة .

كلامك صحيح..... طيب مثلا السيارات الاوروبيه الرخيصه مثل البيجو ....ما رأيكم بها

[سالم الزهران]

يا للهول شهر للسفايف...... هالقطع الاستهلاكية لازم تكون متوفرة و بكثرة في الوكالة.....معلومة خطيرة

ذكرتني يوم انكسر غطاء العجل السبير الخلفي للميتستوبيشي الياباني اللي شكله ما تغير من منتصف سنة 2007 حتى الان ..... تدري كم انتظرت لحد ما جابوا غطاء جديد من الوكاله؟....... تسع او عشر شهور والله العظيم...... يومها الكراج صلح السياره و سلمها لي في شهر فبراير و رجعت له لما جاء الغطاء في شهر اكتوبر علشان يركبه و ملف التأمين مفتوح طول هالوقت ..... تخيل؟؟!!!

حياك الله اخوي خلدون
لا استغرب اي شيء لان نظرتنا للشركات مهما ساءت ما تأثر عليهم. بالنسبة للبيجو ما تكاد تُرى في الشارع ولا أعلم ليش وكالتها باقي مفتوحة.. فما أنصحك فيها بالمرة.

بالنسبة لقطع الصيني مثلما ذكرت لك.. واعتقد أنك تحتاج لتأكيد هذه المعلومة من بعض المستخدمين.. المشكلة يقولون غالية القطع.

[معماري قطري]

بل بل.

سوقنا مش سوق مكتمل الخدمه

ما يجيبون الا الي يمشي بيعه بسرعه بدون التفكير في رأي الزبون و الفيد باك حقه

المشكله منتشره بوكالات كثيره
وكيل واحد لسيارات اوروبيه الي قدر يمشي سياراته بشكل كبير بسبب توفيره لكل قطع الغيار حتى بالشحن الجوي. اعطى سياراته رغبه من الجمهور
البقيه للشركات الثانيه ما في حد اعرفه الا و انتقد الخدمه او قطع الغيار او الاسعار او تأخير طلب القطع اذا لم تتوفر بالوكاله

الكوري فيه قصور بقطع الغيار و الاسعار للقطع بها غلاء ما تتناسب مع قيمه السياره

الياباني فقط شركتين او ثلاث تحصل كل قطع الغيار اما البقيه فتحصل القطع الاساسيه فقط اما القطع الثانيه تتبهدل لين يجيبونها او تحصل قطع تجاريه او مستعمله

الاهم من هذا كله

حاجه الشخص هي من يحدد اي سياره يشتري
ما يصير شاب توه مشتغل شاري في اكس ار ولا بيحتاج اغلب ميزات السياره. او رب اسره كبيره يشتري صالون وهو يحمل طن من اغراض الجمعيه كل اسبوع

ايضا قياس الوضع مهم
شراء سياره صينيه مثلا. هل ممكن القى سياره يابانيه استعمال نظيف جدا بنفس سعر الصيني الجديد
هل الضمان للصيني سيوفر لي خمس سنوات بدون صيانه من جيبي الخاص الا للامور الاستهلاكيه مع ضمان توفر قطع الغيار بالوكيل و بسعر مقبول

كمثال. في هندي يسولف لي ان دوامه خارج الدوحه و موتره برادو جديد. و ما عنده الا طفلين
قلت له موترك بعد سنه بيمشي فوق الخمسين الف ولو انا مكانك ببيعه و باخذ صالون صغير لان العيله صغيره.
بعد فتره لقيته. الا بايع البرادو و ماخذ كورولا. و شاري شقه بالهند
قال انا قبل زوجتي قالت خلنا ناخذ البرادو اكشخ جدام اصدقائنا. اول ما قلت لها ببيعه و ندفع مقدم زين للشقه بالهند و يصير عندنا عقار ثاني. قالت اوكي و تفشر جدام اصدقائهم انهم يملكون عقارات استثماريه ههههه.
صارت الكورولا احسن لهم كوضع مادي بدل البرادو الي ما كان يحتاجونه سياره يوميه

كلن يقدر حاجته و ميزانيته وكم سنه بيستخدم السياره و تناسبها بحكم الصيانه و قيمه اعاده البيع بعد مده

الكورولا تعيش أجيال عجيبة والبرادو عادي بيعبدونها في الهند .. أكره شيء لين جدامي برادو وتحصله واثق ويمشي شوي شوي والا لين وراك بيدعمك هو والباجيرو هالسيارتين أحقد عليهم تصيدني حساسية لين مريت قربهم تحصلني اشرد بسرعة

[معماري قطري]

كلامك صحيح..... طيب مثلا السيارات الاوروبيه الرخيصه مثل البيجو ....ما رأيكم بها

البيجو ياخذونها التوانسة والدول المجاورة حولهم لأنها عندهم ملكة وبعد فترة عادي يشحنها بلاده أو يروح فيها .. أحد الشباب من القرايب عنده 205 الصغيرة أو 206 باب واحد ونتفة خذها ب 45000 وخسر عليها تضبيط وتواير عراض وتنفيخ للجوانب مسكين أزعجوه الناس يوقفونه يبون يشترون وعنده سيارات غيرها بعضهم غالية هوايته جمع السيارات وتعديلهم بس يحب يسوق ذي

[معماري قطري]

البيجو عمرت عنده بس هو يعاملها كزوجة جديدة

[khaldoon]

بل بل.

سوقنا مش سوق مكتمل الخدمه

ما يجيبون الا الي يمشي بيعه بسرعه بدون التفكير في رأي الزبون و الفيد باك حقه

المشكله منتشره بوكالات كثيره
وكيل واحد لسيارات اوروبيه الي قدر يمشي سياراته بشكل كبير بسبب توفيره لكل قطع الغيار حتى بالشحن الجوي. اعطى سياراته رغبه من الجمهور
البقيه للشركات الثانيه ما في حد اعرفه الا و انتقد الخدمه او قطع الغيار او الاسعار او تأخير طلب القطع اذا لم تتوفر بالوكاله

الكوري فيه قصور بقطع الغيار و الاسعار للقطع بها غلاء ما تتناسب مع قيمه السياره

الياباني فقط شركتين او ثلاث تحصل كل قطع الغيار اما البقيه فتحصل القطع الاساسيه فقط اما القطع الثانيه تتبهدل لين يجيبونها او تحصل قطع تجاريه او مستعمله

الاهم من هذا كله

حاجه الشخص هي من يحدد اي سياره يشتري
ما يصير شاب توه مشتغل شاري في اكس ار ولا بيحتاج اغلب ميزات السياره. او رب اسره كبيره يشتري صالون وهو يحمل طن من اغراض الجمعيه كل اسبوع

ايضا قياس الوضع مهم
شراء سياره صينيه مثلا. هل ممكن القى سياره يابانيه استعمال نظيف جدا بنفس سعر الصيني الجديد
هل الضمان للصيني سيوفر لي خمس سنوات بدون صيانه من جيبي الخاص الا للامور الاستهلاكيه مع ضمان توفر قطع الغيار بالوكيل و بسعر مقبول

كمثال. في هندي يسولف لي ان دوامه خارج الدوحه و موتره برادو جديد. و ما عنده الا طفلين
قلت له موترك بعد سنه بيمشي فوق الخمسين الف ولو انا مكانك ببيعه و باخذ صالون صغير لان العيله صغيره.
بعد فتره لقيته. الا بايع البرادو و ماخذ كورولا. و شاري شقه بالهند
قال انا قبل زوجتي قالت خلنا ناخذ البرادو اكشخ جدام اصدقائنا. اول ما قلت لها ببيعه و ندفع مقدم زين للشقه بالهند و يصير عندنا عقار ثاني. قالت اوكي و تفشر جدام اصدقائهم انهم يملكون عقارات استثماريه ههههه.
صارت الكورولا احسن لهم كوضع مادي بدل البرادو الي ما كان يحتاجونه سياره يوميه

كلن يقدر حاجته و ميزانيته وكم سنه بيستخدم السياره و تناسبها بحكم الصيانه و قيمه اعاده البيع بعد مده

كلامك صحيح....... في وكالة سيارات يابانية بس ما تلاقي سياراتها في الشارع.... اعتقد العيب في الوكيل يعني سياراته غير مرغوب بها مع انها يابانية من صنع اليابان و ليس دول اخرى

الكوري مثل كيا و هيونداي خلاص صار مثل الماني ههههههه

اما موضوع حاجة الشخص هي من تحدد ما يشتري فالموضوع محزن هالايام....... تلاقي الشباب الصغار اللي مب متزوجين اول ما يشتغلون يطلعون سيارات مثل الوزير اللي تابعين له .....الحاجة لاقتناء سيارة فخمة اهم من الزواج عندهم و ايضا فخامة السيارة ام من فخامة البيت لان السياره هي اللي الناس تشوفها مب بيته من الداخل لانه ما في زيارات مثل ايام الطيبين

بخصوص البرادو........ يموتون عليها الهنود و السودانيين.......هذه كأنها كروزر بالنسبة لهم

[khaldoon]

حياك الله اخوي خلدون
لا استغرب اي شيء لان نظرتنا للشركات مهما ساءت ما تأثر عليهم. بالنسبة للبيجو ما تكاد تُرى في الشارع ولا أعلم ليش وكالتها باقي مفتوحة.. فما أنصحك فيها بالمرة.

بالنسبة لقطع الصيني مثلما ذكرت لك.. واعتقد أنك تحتاج لتأكيد هذه المعلومة من بعض المستخدمين.. المشكلة يقولون غالية القطع.

فعلا كلامك صحيح يا الغالي....... البيجو لا تكاد ترى .... بس سمعت انه وكيلها تغير مؤخرا و صار التيسير ...... نصحنوني الناس اني اروح الوكاله و اشوف سياراتهم و انها حلوه بس ما رحت و ما عندي اي فكره عنها

بالنسبة للصيني .... ملاحظتك جميله جدا...... فعلا مهم جدا انه نسأل عن قطع الغيار و خصوصا القطع المستهلكه بشده مثل السفايف و البلاكات و غيرها قبل الشراء و ايضا عن اسعار الصيانة الدورية و الاساسية

[khaldoon]

الكورولا تعيش أجيال عجيبة والبرادو عادي بيعبدونها في الهند .. أكره شيء لين جدامي برادو وتحصله واثق ويمشي شوي شوي والا لين وراك بيدعمك هو والباجيرو هالسيارتين أحقد عليهم تصيدني حساسية لين مريت قربهم تحصلني اشرد بسرعة

التويوتا زين و ممتاز بس اسعاره صارت فلكية ....الكورولا طافت ال 100000 ليش؟؟!!!

الباجيرو مغرق الشوارع و نفس الشكل من منتصف سنة 2007 حتى الان ....اشلون تهرب من الباجيرو.... علمني..... بين كل سيارة باجيرو و باجيرو في اثنين باجيرو بالنص:rolleyes2::rolleyes2:

[سالم الزهران]

كلامك صحيح....... في وكالة سيارات يابانية بس ما تلاقي سياراتها في الشارع.... اعتقد العيب في الوكيل يعني سياراته غير مرغوب بها مع انها يابانية من صنع اليابان و ليس دول اخرى

الكوري مثل كيا و هيونداي خلاص صار مثل الماني ههههههه

اما موضوع حاجة الشخص هي من تحدد ما يشتري فالموضوع محزن هالايام....... تلاقي الشباب الصغار اللي مب متزوجين اول ما يشتغلون يطلعون سيارات مثل الوزير اللي تابعين له .....الحاجة لاقتناء سيارة فخمة اهم من الزواج عندهم و ايضا فخامة السيارة ام من فخامة البيت لان السياره هي اللي الناس تشوفها مب بيته من الداخل لانه ما في زيارات مثل ايام الطيبين

بخصوص البرادو........ يموتون عليها الهنود و السودانيين.......هذه كأنها كروزر بالنسبة لهم

مشاركتي هذا ليست في صلب الموضوع لكنها تخص السودانيين وطريقتهم في تسمية السيارات..

البرادو عندهم علامة على الرفاهية.. لا تقول الماني ولا غيره.

الكروزر اسمها باسم ممثلة مصرية.. لانها منفوخة (لاتواخذونا).

التويوتا الشاص او بوحوض يسمونه (تاتشر) على اسم ريسة وزراء بريطانيا الملقبة بالمرأة الحديدية.

الوانيت يسمونه في السودان (بوكسي)... وهو قريب من تسمية المصريين.

الشاحنة المتوسطه (القلاب) يسمونها (لوري).

الشاحنة اللي أصغر منها يسمونها (دفّار).
الشاحنة المقطورة يسمونها (قوندرانو).

اي سيارة متوسطة او صغيرة يقولون لها (عربيه ظريفه)، وهذي الأخيرة من كيسي أو عياره المهم اللي قبلها أمان وضمان انها من عند ناس السودان.

[QaTaR_OnE]

التويوتا زين و ممتاز بس اسعاره صارت فلكية ....الكورولا طافت ال 100000 ليش؟؟!!!

الباجيرو مغرق الشوارع و نفس الشكل من منتصف سنة 2007 حتى الان ....اشلون تهرب من الباجيرو.... علمني..... بين كل سيارة باجيرو و باجيرو في اثنين باجيرو بالنص:rolleyes2::rolleyes2:

يمكن تقصد الكامري طافت الـ100000 .. وبعد مش كل الفئات فيه اقل

الكورولا لازالت في حدود السبعينات

[khaldoon]

يمكن تقصد الكامري طافت الـ100000 .. وبعد مش كل الفئات فيه اقل

الكورولا لازالت في حدود السبعينات

هي الكورولا بين 71000 و 81000 مع اني اعتقد اكثر بس الكورولا الهايبريد 104000..... اليوم كلمت الوكالة و تأكدت من الرقم

[QaTaR_OnE]

هي الكورولا بين 71000 و 81000 مع اني اعتقد اكثر بس الكورولا الهايبريد 104000..... اليوم كلمت الوكالة و تأكدت من الرقم

الهايبرد (الهجينه) بترول + بطارية ... تقريبا في كل انواع السيارات سعرها يكون مرتفع عن سيارات البترول فقط

لكن المستقبل لسيارات الكهرباء مع توجه معظم مصانع السيارات لانتاج سيارات كهربائيه

وبعض الشركات اعلنت ان بحلول عام 2030 بتكون جميع سياراتها كهربائيه

[khaldoon]

الهايبرد (الهجينه) بترول + بطارية ... تقريبا في كل انواع السيارات سعرها يكون مرتفع عن سيارات البترول فقط

لكن المستقبل لسيارات الكهرباء مع توجه معظم مصانع السيارات لانتاج سيارات كهربائيه

وبعض الشركات اعلنت ان بحلول عام 2030 بتكون جميع سياراتها كهربائيه

متفق تمامام معاك....حياك الله