الإشارات والزحمه

[Rider]

السلام عليكم ورحمة الله وبركاتة
كما هو واضح في العنوان الإشارات والزحمه فرحنا بالانفاق والجسور جات الإشارات قتلت الفرحه كنا ساكتين قبل عودة الدوامات والمدارس بشكل كامل لكن الحين نكشف المستور شوارع صارت أكثر من حاره لكن في النهاية تنصدم قدامك بعد كل 500 متر اشارة هل يعقل هذا مثلا الشارع الكورنيش الشارع المحاذي له حسبوا كم شاره وانت جاي من الصناعيه فرحنا تنصدم كم إشارة لين تواصل لو قلنا رايح صوب الدحيل لين كتارا شنو هذا التخطيط لازم تعرف وين تحط الإشارة طبعا غير المخارج لي عند بعض الشوارع مخرج ضيق يالله سيارة وحده تدخل ابغي اعرف من لي يخطط مهندس مختص وعارف البلد ولا بو عيون خضر

[سالم الزهران]

حياك الله اخوي رايدر، فعلاََ الاشارات تقتل المزاج.
بديت الاحظ ان الاشارة ابسط خيار للتنظيم. اظنهم يقدمون موضوع السلامة والتكلفة المادية على حساب العلم والتخطيط وراحة مستخدم الشارع.

عندي تساؤل يدور فبالي من اول، ليش ما يوزعون الحركة بانفاق ومخارج وطرق سريعه دون اشارات.

ويروحون للشوارع الفرعية ويخلون اشارات في التقاطعات المزحومة والكبيرة، اما بقية الشوارع يكفي العلامات الارضية و دعسات التنبية واشارات الأولوية.

ليش اصغر تقاطع او مدخل يحطون له إشارة؟

[sara jsm]

ابغي اعرف من لي يخطط مهندس مختص وعارف البلد ولا بو عيون خضر

وعليكم السلام ..
اتوقع بونقطة حمرة :looking:
دايما يسون مشاريع حق سنة جدام .. مايفكرون بالكثافه السكانيه اللي تزيد سنة ورى سنه ..

[Rider]

حتى لو بلعنا موضوع الإشارات على الأقل لازم يكون توقيت فتح الاشارة وقت كبير مب كم سيارة تطوف وتسكر واذا كانت الإشارات بينها 500 متر على الاقل تظل فاتحه كلها مب تطلع من إشارة توقف عند الثانيه

[مرتبش]

فعلا الاشارات الزايدة تقتل انسيابية الحركة.. كمثال لاشارة ازدان الجديدة اربكت حركة الشارع والغريب انها لاتسمح بالحركة في جميع الاتجاهات .. توقيتها وقربها من اشارات البريد يثير التساؤلات.

اشارة جديدة غريبة ايضا لم يتم افتتاحها الى الان في محور صباح الاحمد قبل تقاطع اللاندمارك .. الشارع اصبح سريع من المطار الى اشارة حديقة دحل الحمام والمنطقي استكماله الى الكورنيش ليصبح شارع دائري كامل حول الدوحة بدلا من اضافة اشارة قريبة من تقاطع اللاند مارك .

[Rider]

بلد الإشارات

[معماري قطري]

وعليكم السلام ..
اتوقع بونقطة حمرة :looking:
دايما يسون مشاريع حق سنة جدام .. مايفكرون بالكثافه السكانيه اللي تزيد سنة ورى سنه ..


الكثافة السكانية للحين ولا شيء شوفي شبيصير لين تضاعفت .. أمس رحت لوسيل الساعة 10 المفروض ما فيه زحمة وكانت الطرق سالكة بس تعجبت يوم وصلت مسكرين اشارة بحواجز .. اللي صوب المطاعم .. زين سويتوا منطقة حديثة وإشارات شكثر وتعتبر منظمة ( نوعاً ما ) ليش تسكرون تقاطع مرتب حطوا كيمرات وانتوا أصلاً حاطين وخالفوا اللي يغلق التقاطع .. كلش مب حضاري هالشيء .. لا وانا أمشي أحصل الحواجز مالت الطريق على الرصيف حق شجرة جديدة مزروعة والا قطعة بلاط فارطة .. إستووا شوي مهنيين وجيبوا مقاولين عندهم عدة تناسب رصيف يمشون عليه مشاة ولا تسوي منظر مقزز

الله يعين كعبة المضيوم بلادي مضيومة من هالأشكال اللي تدير هالشغلات وبعضهم مساكين ما في يدهم شيء من فوق مفروض عليهم ولا حد يسمع لهم

[معماري قطري]

بلد الإشارات

أعتقد الطرق الداخلية الفرعية تناسبها الإشارات وممكن تصير عليها زحمة لكن الكورنيش مثلاً المفروض جسور وتحويلات لأنه طريق رئيسي وحيوي .. فيه طرق طويلة كلها إشارات وناس يمشون بطيء جداً وبطريقة مملة يزيدون عبء الإشارات عبء بطء الحركة والبلادة .. الطريق اللي يمر من محطة بترول الجزيرة ويروح جنوب في عين خالد عليه يمكن 5 دورات ومن طريق سلوى يبدأ بتقاطع فخم وإشارات ممشية الحال لكن ضيق ودوارات وطويل وتستوي عليه زحمة خانقة ربع سوء على مهلك سوء بكرة الدنيا تروء مع إحترامي لشادية لكن ذيلا حنونين وايد على السيارات ولا يتحركون الا يتأكدون الدوار فاضي

مستغرب ليش ما وسعوه وحطوا اشارات صج ذكية مب غشمرة وفوق هذا نحتاج كيمرات رقابة اللي يلف من أقصى اليمين لليسار فجأة لين وصل التقاطع هذا يقطعون أذانيه واللي يمشي بطيء واللي يمشي بعد مكيم ويتلصق في الناس وزين يخلون السرعة 100 بدال 80

نفس الشيء ينطبق على الشارع المحوري في معيذر واللي يقطع مسافة طويلة من شرق لين غرب ويخدم عدة أحياء كله دوارات ومطبات شكبر وإشارات غثيثة وحفريات لها ثلاث سنين وأكثر ما انتهت ولا اظن بتنتهي

منطقة السيلية نفس الشيء .. شهالشغل الرديء

[Rider]

الله يعين الطرق الداخلية ماعليه ماقلنا شي حط إشارات بس مب بالمزاج حنا انتكلم عن الطرق السريعة ليش تخربها بالتوقفات عند الاشارات ليش ماكملتها جسور ونفاق هم لو يسألون اهل البلد هم اعرف ببلادهم مب العيون الملونه

[معماري قطري]

الله يعين الطرق الداخلية ماعليه ماقلنا شي حط إشارات بس مب بالمزاج حنا انتكلم عن الطرق السريعة ليش تخربها بالتوقفات عند الاشارات ليش ماكملتها جسور ونفاق هم لو يسألون اهل البلد هم اعرف ببلادهم مب العيون الملونه

العيب خليط ومكس عجيب من إداريين ما لهم خبرة كلش بالشغلة الى مهندسين إختصاصات ثانية وبعضهم حتى أبسط قواعد الطرق ما يعرفها وشوف التشويه بوضع جسم صلب على رصيف صغير في نفق والمفروض يبتعدون عن أي شيء يسبب اصطدام مباشر .. وليش ليتات النفق منورة ليل ونهار حد سأل نفسه؟ كله حتى الأمان وما تتغير الرؤية فجأة

ألحين محور صباح الأحمد الضخم خلصوه بسرعة بس تعال للمسارب التحتية اللي تشتغل فيها شركات حصية على حصية هذي يبي لها سنين ضوئية حتى تخلص وشغل غش .. تجي شارع نظيف وجزء ثاني نظيف وبينهم فاصل بس يمكن 10 سم يشق التاير شق .. مب كل الناس عندها سيارات فورويل

ما فيه تركيز على اصلاح الطرق صح والله الحكومة غلطانة لازم تتصرف سرعة وتجيب فريق صيني وفريق كوري وفريق تركي وتعطيهم الشغلات ذي التافهة وتشوف شلون الفرق .. أما التصميم بنعاني منه سنين خصوصاً مع النظام الجديد تصميم وتنفيذ ( قصاب والجلوة في يده مثل ما يقولون ) وتحصلون المنفذ يدور أرخص استشاري يمشي معاملاته ويغطي عيوبه

[معماري قطري]

الله يعين الطرق الداخلية ماعليه ماقلنا شي حط إشارات بس مب بالمزاج حنا انتكلم عن الطرق السريعة ليش تخربها بالتوقفات عند الاشارات ليش ماكملتها جسور ونفاق هم لو يسألون اهل البلد هم اعرف ببلادهم مب العيون الملونه

واجب يا اخوي يركزون على الداخل والخارج وخصوصاً المناطق اللي عليها زحمة .. صوب التنس والاسكواش مواقف كثيرة وتبي تطلع منها تتفاجأ إنك محاصر بالأرصفة وشكثر ناس تركب فوقها ومعذورين يجيك شارع وطريق ترابي وراه رصيف وطريق .. جهة بسيطة فيها فتحة والفتحة شلون حفرة تفصل الشارع الجديد والمواقف اللي هي أقدم .. هذي ليش المشرف ما ركز فيها وأصلحها ؟

انا ما اقدر والله اسوي زيارات وتصوير والا كان باطلع فضايح عمرها ما طلعت وبيكرهوني أكثر مما هم كارهيني ألحين دوم الحقيقة تؤلم

[Rider]

واجب يا اخوي يركزون على الداخل والخارج وخصوصاً المناطق اللي عليها زحمة .. صوب التنس والاسكواش مواقف كثيرة وتبي تطلع منها تتفاجأ إنك محاصر بالأرصفة وشكثر ناس تركب فوقها ومعذورين يجيك شارع وطريق ترابي وراه رصيف وطريق .. جهة بسيطة فيها فتحة والفتحة شلون حفرة تفصل الشارع الجديد والمواقف اللي هي أقدم .. هذي ليش المشرف ما ركز فيها وأصلحها ؟

انا ما اقدر والله اسوي زيارات وتصوير والا كان باطلع فضايح عمرها ما طلعت وبيكرهوني أكثر مما هم كارهيني ألحين دوم الحقيقة تؤلم

كلامك صحيح وفعلا دوم الحقيقة تؤلم

[مرتبش]

الشوارع فيها مشاكل هندسية فظيعة.. الحين طالعين بموضة تضييق الشوارع وتضييق حارات الشارع مثلا إشارات التلفزيون والمرخية الشارع كان 3 خطوط واصبح 4 حارات او خطوط ضيقة لما تمشي فيها تحس السيارات لاصقة في بعض.. واضح انه شي غير مدروس ولا اعتقد مسموح هندسيا. يمكن في بلاد ما سياراتهم صغيرة ينفع لهم لكن احنا شوارعنا باصات تاتا وكروة .. معامل الامان في شارع ضيق وماشي بسرعة المفروض يزيد وماتعامله كأنه موقف وتستعمل نفس القياسات.
ايضا لاحظت بعض الاشارات الجديدة يكون فيها الرصيف الوسطي واللي توقف فيه المارة بين الاشارتين عند العبور ضيق جدا ومايسع عرضه الا شخص واحد .. وين الامان السيارات تتحرك والمارة واقفين ماتفصل بينهم وبين السيارات الا سنتيمترات .. شي خطر ممكن يسبب حوادث .

[معماري قطري]

قلت لكم خلطة قاتلة

تقريباً 3 سنين صار لهم شغالين في شارع معيذر وللحين الحفر نفسها ما ادري شمكتشفين هناك .. وعارف شبيسوون بيرقعون كل شيء قبل كاس العالم بنشوف الشوارع نظيفة وتبرق وبيرجعون يكملون شغلهم بعد البطولة .. بالضبط مثل الشغل اللي سووه في منطقة الأبراج جدام مقر اللجنة الأولمبية قبل أسياد 2006

العيب في كثرة الإشارات ممكن نتعايش معاه لو كل سايق يتعب سيارته شوي ويدوس لها يتحرك حتى يتحرك أغلب الواقفين لكن اذا السواق ينتظر تهرين وتشجيع وبعدين يمسك السكان ويركز عدل يتأكد الإشارة خضراء لازم السيارات اللي بتمر أقل

[معماري قطري]

كذلك برمجة بعض الإشارات أتوقع ممكنة عن بعد ومركز التحكم يشوف كل اشارة ولازم عليها مراقب فاهم يضبط الإتجاه الأكثر سيارات يعطيه فترة أكبر

[Rider]

الشوارع فيها مشاكل هندسية فظيعة.. الحين طالعين بموضة تضييق الشوارع وتضييق حارات الشارع مثلا إشارات التلفزيون والمرخية الشارع كان 3 خطوط واصبح 4 حارات او خطوط ضيقة لما تمشي فيها تحس السيارات لاصقة في بعض.. واضح انه شي غير مدروس ولا اعتقد مسموح هندسيا. يمكن في بلاد ما سياراتهم صغيرة ينفع لهم لكن احنا شوارعنا باصات تاتا وكروة .. معامل الامان في شارع ضيق وماشي بسرعة المفروض يزيد وماتعامله كأنه موقف وتستعمل نفس القياسات.
ايضا لاحظت بعض الاشارات الجديدة يكون فيها الرصيف الوسطي واللي توقف فيه المارة بين الاشارتين عند العبور ضيق جدا ومايسع عرضه الا شخص واحد .. وين الامان السيارات تتحرك والمارة واقفين ماتفصل بينهم وبين السيارات الا سنتيمترات .. شي خطر ممكن يسبب حوادث .

وآلله ياخوي صادق بخصوص المسارات انا كم مره اقول ليش السيارات قربية من بعض انا موتري كبير ولا فيه شي غلط
بس مادام فيه شركات تلهف الملايين لانه شركة فلان وعلان لكن السلامه غير مهمه

[Rider]

قلت لكم خلطة قاتلة

تقريباً 3 سنين صار لهم شغالين في شارع معيذر وللحين الحفر نفسها ما ادري شمكتشفين هناك .. وعارف شبيسوون بيرقعون كل شيء قبل كاس العالم بنشوف الشوارع نظيفة وتبرق وبيرجعون يكملون شغلهم بعد البطولة .. بالضبط مثل الشغل اللي سووه في منطقة الأبراج جدام مقر اللجنة الأولمبية قبل أسياد 2006

العيب في كثرة الإشارات ممكن نتعايش معاه لو كل سايق يتعب سيارته شوي ويدوس لها يتحرك حتى يتحرك أغلب الواقفين لكن اذا السواق ينتظر تهرين وتشجيع وبعدين يمسك السكان ويركز عدل يتأكد الإشارة خضراء لازم السيارات اللي بتمر أقل

هههههه فعلا موضوع التشجيع وتهرن بعدين يستوعب هذي قضية ثانيه وطبعا إذا كان قطري ولا مب بعض الجاليات العربية طلعك في المرايه كأنه مب عاجبه ويقعد يناحس للأسف ثقافة السواقه فن وذوق وأخلاق ضايعه

[Rider]

كذلك برمجة بعض الإشارات أتوقع ممكنة عن بعد ومركز التحكم يشوف كل اشارة ولازم عليها مراقب فاهم يضبط الإتجاه الأكثر سيارات يعطيه فترة أكبر

نعم فيه تحكم وخاصه في التقطعات الكبيره بعض لي قاعد يراقب مب فاضي تحصله مشغول بالجوال

[معماري قطري]

هذا فلم توعوي عن الحوادث .. بعضها نقول غباء شلون يسوي جذيه ونفس الشيء عندنا لو حصل حادث نقول بسهولة كنت أقدر أتفاداه



https://www.youtube.com/watch?v=uwra-gTV-eE

[سعود.]

اغلب الاشارات مبرمجة وجاهزة ولها اوقات معينه ( الذروه ) واخر الليل تحصليها سريعة

[سالم الزهران]

هذا فلم توعوي عن الحوادث .. بعضها نقول غباء شلون يسوي جذيه ونفس الشيء عندنا لو حصل حادث نقول بسهولة كنت أقدر أتفاداه



https://www.youtube.com/watch?v=uwra-gTV-eE

اغلب اللي يسوون الحوادث هذي في الشوارع أجانب ما راح يتعلمون يسوقون لو مصدر ليسنه من مية سنة.

من أول شبابنا ما كانوا يسوون حوادث مثل هذي، لكن الحين صارت الحوادث غبية بسبب الانشغال بالجوال.

شوف اصحاب النياسين كلهم اماراتيين لكن ماسكين جوالاتهم.

[سالم الزهران]

بالنسبة لموضوع الاشارات فيه ناس ما راح تنظمهم لا اشارات ولا غيره، نازلين في الشوارع ابتلاء للعالم. غبي منه وفيه.

[Rider]

بالنسبة لموضوع الاشارات فيه ناس ما راح تنظمهم لا اشارات ولا غيره، نازلين في الشوارع ابتلاء للعالم. غبي منه وفيه.

مشكله البعض لو واقف على الإشارة وتفتح تعال حرك السلحفاه لي يدخله غير لي الإشارة توها خضراء لحد الحين ماتحولت للوان البرتقالي تلقاه مسك بريك في وجهك

[معماري قطري]

مشكله البعض لو واقف على الإشارة وتفتح تعال حرك السلحفاه لي يدخله غير لي الإشارة توها خضراء لحد الحين ماتحولت للوان البرتقالي تلقاه مسك بريك في وجهك

اللي قريب منه ومتوقعه يطوف بيصير له حادث في الغالب أما اللي تارك مسافة أمان بيلاحظ وبيوقف وراه وحتى ممكن بالتدريج مب فجأة

[معماري قطري]

اغلب اللي يسوون الحوادث هذي في الشوارع أجانب ما راح يتعلمون يسوقون لو مصدر ليسنه من مية سنة.

من أول شبابنا ما كانوا يسوون حوادث مثل هذي، لكن الحين صارت الحوادث غبية بسبب الانشغال بالجوال.

شوف اصحاب النياسين كلهم اماراتيين لكن ماسكين جوالاتهم.

كان معانا وقت الدراسة إماراتي للحين متواصل معاه عاد من اللي تعلموا يسوقون هناك سيارته كومارو يقول مرة دارت به كم لفة في الثلج وزين ما صار له حادث قوي .. عاد مرة طلعت معاه من مجمع كنا ساكنينه بس طلعنا من بوابة خلفية غير اللي هو متعود عليها .. الشارع وراء مسارين جايين لازم يقطعهم للمسارين الرايحين وبينهم خطين صفر فاصلين هذيلا يعتبرون مثل الرصيف وشوي متقطع في مكان الخروج يعني مسموح تقطع الخطوط حتى توصل للمسارات اللي في الإتجاه الرايح .. المهم الأخ طلع وسيدة لف يسار واستوى مقابل السيارات وجه بوجه .. وهو قصير عيونه بس تبين من فوق السكان ( الطارة عندكم ) ويغمض عيونه ويقول شت شت شت ينتظر الدعمة .. والله ما ابالغ مسكت السكان ولفيت يمين دخلته في المسارات اللي في الإتجاه الصح .. مسكين وقف البروسسر عنده وهناك ثيران بيدعمونه عادي

[معماري قطري]

بالنسبة لموضوع الاشارات فيه ناس ما راح تنظمهم لا اشارات ولا غيره، نازلين في الشوارع ابتلاء للعالم. غبي منه وفيه.

عندنا نظمت وايد بس العيب في بعض السواقين اللي يبالغون في الخوف تحصله بليد قبل ليوصل الإشارة يخفف بدال ما يمشي 80 بالسرعة المضبوطة عليها كاميرة السرعة في الإشارة تلقاه يخفف يمشي 60 والا اقل ويكون متحسب ويدقق مرات ومرات من ترمق برتقالية حاول يوقف .. وبعضهم يدوس خفيف كلش وبحنية على السيارة انا ما ابالغ إن كنت أول واحد تستوي بينهم مسافة طويلة 200 متر عادي وخلال ثواني والثواني هذي مهمة لإخلاء التقاطع وراهم ناس يبون يمشون .. كلامي عن كل سيارة اسوقها مهما كانت ضعيفة مثل الميني قبل والا الفورويل وما ازيد على السرعة القانونية بس دوستي تكون سريعة وقوية

[معماري قطري]

كان معانا وقت الدراسة إماراتي للحين متواصل معاه عاد من اللي تعلموا يسوقون هناك سيارته كومارو يقول مرة دارت به كم لفة في الثلج وزين ما صار له حادث قوي .. عاد مرة طلعت معاه من مجمع كنا ساكنينه بس طلعنا من بوابة خلفية غير اللي هو متعود عليها .. الشارع وراء مسارين جايين لازم يقطعهم للمسارين الرايحين وبينهم خطين صفر فاصلين هذيلا يعتبرون مثل الرصيف وشوي متقطع في مكان الخروج يعني مسموح تقطع الخطوط حتى توصل للمسارات اللي في الإتجاه الرايح .. المهم الأخ طلع وسيدة لف يسار واستوى مقابل السيارات وجه بوجه .. وهو قصير عيونه بس تبين من فوق السكان ( الطارة عندكم ) ويغمض عيونه ويقول شت شت شت ينتظر الدعمة .. والله ما ابالغ مسكت السكان ولفيت يمين دخلته في المسارات اللي في الإتجاه الصح .. مسكين وقف البروسسر عنده وهناك ثيران بيدعمونه عادي

هذا موقع السالفة اللي صارت والسهمين السهم اليسار الإتجاه اللي المفروض ياخذه وهناك الطرق خطوطها تبين واضحة وهو خذ اليمين .. هذي لو عندنا ربعنا يطلعون عادي من البداية يلف مقابل السير بعدين ينقل لذاك الجانب من الطريق والسبب ما فيه رصيف .. ولو شايفه شرطي وقتها حتى لو مخلص دوامه ولو ما له علاقة بالمرور في الإطفائية مثلاً بيمسكه وبيخالفه

https://i.imgur.com/TDYVROk.jpg?1

[سالم الزهران]

مشكله البعض لو واقف على الإشارة وتفتح تعال حرك السلحفاه لي يدخله غير لي الإشارة توها خضراء لحد الحين ماتحولت للوان البرتقالي تلقاه مسك بريك في وجهك
الدوريات منا وفينا وشايفين كل شيء لكن محد بيبادر ويطبق حدود السرعه الدنيا ويطبق ويراقب الناس اللي يتأخرون في الانطلاق من الاشارات. اخر واحد مر علي انا الي يمين الاشارة فالمفروض ما اوقف لكن بو هناد وقف وجلست اهرن له و يا جبل ما يهزك ريح.. ما دخل يمين حتى عطت الاشارة اخضر للشارع كله.

[Qtr37]

مظلمومين اللي الله رزقهم دوام بعيد عن بيتهم
فترة الكورونا كنت اوصل في نصف ساعة
الحين على الاقل ساعه غير اني اوصل بنتي المدرسة بسبب الزحمة
مب منطق اني اطلع من البيت ساعة ونصف قبل الدوام ولا حتى ساعة
الله كريم