ابي ابني بيتي بنفسي.. استفسار

[ممنوع اللمس]

السلام عليكم ورحمة الله وبركاته
انا ابي ابني تقريبا 5 بيوت
مريت على الشركات والتكلفه تختلف ( عظم بلاستر )
فقلت انا ابني البيوت بنفسي بما انهم جنب بعض
وعندي شركة مقاولات لكن ماعندي عماله

حد جرب يبني بيته بنفسه واذا يعرف حد يدير الموضوع
ويوفر الايدي العامله ويكون ثقه يرسل لي رقمه
وهل هالشي بيوفر علي او لا
وجزاكم الله خير

[معماري قطري]

تأسيس شركة يحتاج مصاريف لو شغل قانوني ووجع راس .. الإعتماد على الموجود والسوق بهدلة ما بعدها بهدلة وبتتعرض للابتزاز من كل شخص والشغل الرديء .. شعارهم نعرف كل شيء ومال عمهم ما يهمهم

الفورمن ضروري ومختص حساب الكميات ضروري .. بالنسبة لك لازم تشوف فورمن بس يطلبون أقل شيء 6000 شهري ويشتغل حسب قدرته وحسب المتوفر من العمالة السايبة .. فكر فيها صح الشغل مب قانوني ولو صار حادث أو وفاة تعتبر انت المسؤول الأول .. بعض الناس يعتمدون نظام الإعارة وشغلهم قانوني بتأمين وترتيب صح .. بعدين العمالة السايبة والفورمن الضايع الصايع اللي يدور في الشوارع يدور شغل تحصلهم غالبيتهم يمكن 90% منهم خبرة ضعيفة أو أصلاً تخصصات غير كلش بس داخلين مجال البناء ايزي موني ومن ما يعجبه الشغل يروح عنك ويبند تلفونه وقانونياً ما تقدر تلزمه لأن الشغلة من الأساس غير قانونية

[معماري قطري]

تبغي مهندس معماري يدير شغلك أعرف هندي متقاعد بس ياخذ مبلغ جيد .. هذا له علاقات ومعرفة ولد عمي حاول فيه ب 3000 ما وافق ومعاه حق

لو تحط إعلان أو تتفق بسعر المتر المربع ما دام نيتك بنيان عظم ومع مقاول مرخص ويجيب لك لستة العمال اللي على كفالته وصور الجوازات والكفالات والفورمن اللي بيعينه ويحدد لك كم سعره ووشي الأعمال اللي بيسويها بالضبط وجدول الدفعات بيكون أفضل لك .. ولو تشوف مكتب استشاري يرتب لك العملية أفضل هذي نصيحتي والله يوفقك

[ممنوع اللمس]

الله يجزاك خير عالرد
واحتاج رقم الهندي
وباقي الاخوان الي عنده تجربه او يعرف حد يرسل رقمه اذا ماعليكم امر