استفسار مستعجل بخصوص قروض الاسكان لبناء فلة

[مــاي ورد]

السلام عليكم

ياجماعة عندنا بيت في الدفنه اعادة بناء يعطونه الاسكان مليون للبنيان

المهم الحين المليون موزعه على دفعات كل دفعة 120 الف

وكل دفعه مسجل عليها عند انتهاء شغله معينه

سؤالي انا الحين مابي اسوي بلاستر وتكملة التشطيب لان ابي ابيع البيت عظم

بس تكلفه البيت عظم 860 الف

الحين يحق لي اخذ من البنك المتبقي ؟ ولا لا بما اني ماراح اسوي بلاستر ولكن تكلفة العظم اصلا غاليه

شسوي ادفعها من جيبي؟ ولا يحق لي اطالب فيها؟


ياريت تساعدوني لان انا مش موظفه ولاشي والمبلغ المتبيقي كبير علي وتوهقت

[sara jsm]

وعليكم السلام ..

اللي اعرفه ماينزلون لج الدفعه اذا ماخلصتي الجزء المطلوب ..
طبعا الاستشاري يصور المرحلة عقب الانتهاء منها ويرفعها عالسستم ..
وعقبها تنزل الدفعه اللي وراها ..
هاللي اعرفه .. لكن يمكن القانون تغير ماادري ..

في ناس كانوا يغشون ويرفعون صور من فلل ثانيه وانصادوا وتوقفت عنهم الدفعات .. :nop:

ان شاءالله باقي الاخوان يفيدونج ..

[Rider]

اختي الموضوع بسيط اتصلي في بنك التنمية وسأليهم بصراحة الاخوان متعاونين في الرد على الاستفسارات

[ابو عبدالله.]

اتفق مع رايدر

احتمال منحه البناء تختلف شروطها لانها منحه لا تسترجع. اما قرض الاسكان فهو سلفه

حتى لو نفس الشروط

ممكن تتفقين مع الشاري بعقد ان العقار يضل باسمك وهو يشطب لين تستلمين كامل المبلغ من المنحه و بعدها تبيعين و تنقلين الملكيه له

بالتوفيق