القطري مايحتاج تأمين صحي

[Rider]

شكرا يادكتور المسلماني القطري مايحتاج تأمين صحي سؤالي لك من وين عرفت وهل سألت اهل قطر وش يحتاجونه بسألك المركز الصحية هل فيها تخصص عيون طبعا لااا هل عيادات الأسنان في المراكز الصحية تسوي كل الخدمات تقويم وغيرها من بعض العمليات طبعا لااااا بتقول روحوا العيادات الخارجية لمستشفى حمد بقولك العيادات بتكون فاضية بتدخل من غير موعد مثلا وللعلم يادكتور اهل قطر مب كلهم هوامير ناس على قد حاله ماظن الهامور اصلا بيتعالج هنيه يعني مستخسر تأمين في اهل قطر بس ماقول الا الله يزينها

[ابو عبدالله.]

متابع للموضوع و لي تعليق لاحقآ ان شاء الله

[سالم الزهران]

صباح الخير
لكن تتوقع اخ رايدر المسؤول يتركك تستفيد من القطاع الصحي الحكومي ومن التأمين في نفس الوقت؟
أو يقلص ميزانية الحكومي ويوظفها للتأمين! مع الأخذ بعين الاعتبار ان القطاع الصحي العام (بحسناته وسيئاته) قطاع كبير وفيه وظائف والمساس به مب سهل؟
التساؤل الأخير، ان يحول القطاع الصحي العمومي الى قطاع شبه عمومي أو خاص بحيث يتعالج فيه الجميع برسوم رمزية في مقابل رفع جودة الخدمة (هذا الخيار الأخير في وجهة نظري مزلق خطير وهو مطبق في بعض المستشفيات في الجارة السعودية).

تركت هذه التساؤلات للإثراء سواء من اخونا بو عبدالله اللي ننطر مشاركته او من بقية الزملاء.

في النهاية كلنا نبحث عن التأمين لراحة البال لكن وزارة الصحة وش بيكون موقفها واقصد انها تنظر للتأمين الصحي كأنه منافس لها أو إدانة لعملها ومستواها.

وشكراََ

[مووظف حكومي]

ترا اخطاء مراكز كثيرة

[الدوحه1]

وهل الموضوع اصلا بيد الدكتور المسلماني؟؟؟
الموضوع صار الحين بيد مجلس الشورى المنتخب(السلطه الرقابيه و التشريعيه) .

[مرتبش]

اهم الشي النتيجة النهائية.. سرعة مواعيد ومتابعة فعالة مجانية للمواطنين.. يسوونها بتأمين صحي والا تخصيص مستشفيات للمواطنين هذا المهم .
الوضع الحالي المواطن بشكل عام مايقدر يتعالج الا في المستشفيات الحكومية لان العلاج في غيرها مكلف جدا . اما اللي عنده تامين يتعالج في اي مكان ومنهم الحكومة لانهم الافضل تجهيزا.

[Rider]

ردودكم تثري الموضوع ممكن مسؤول يوصل صوتنا له

[sara jsm]

وعليكم السلام :yawn:

عندي رأيين ..
الاول ان مالنا غنى عن المستشفيات الحكومية .. لان الاجهزة احدث ومتكاملة ..
وكـ مثال ( الوحدة اللي تربي في الخاص ) اذا صارت في وضع حرج سيده ينقلونها طواري حمد ..
واغلب المستشفيات الخاصه تقول للمريض هالشي .. لانهم مايقدرون يتحملون بعض الامور الطارئة ..
:
:
الرأي الثاني .. عن شركات التامين في الوقت الحالي ( ماراح ارجع للبوق اللي صار قبل )
موضوع صار من شهر فقط ..
تكلفه علاجية في مستشفى الاهلي .. انا دفعت 1500 ريال .. بدون تامين*..
وبنت اختي عالجت نفس الشي وعند نفس الطبيب ولكن هي عالتامين وطلع المبلغ 3000 ريال .. :)
هي صح ماادفعت لكن المبلغ المكتوب لها جذي ..
من اللي يبوق من ماادري بالضبط !!!؟
ويمكن هالسبب اللي متاجل عندنا التامين بشكل عام ..

[Rider]

وعليكم السلام :yawn:

عندي رأيين ..
الاول ان مالنا غنى عن المستشفيات الحكومية .. لان الاجهزة احدث ومتكاملة ..
وكـ مثال ( الوحدة اللي تربي في الخاص ) اذا صارت في وضع حرج سيده ينقلونها طواري حمد ..
واغلب المستشفيات الخاصه تقول للمريض هالشي .. لانهم مايقدرون يتحملون بعض الامور الطارئة ..
:
:
الرأي الثاني .. عن شركات التامين في الوقت الحالي ( ماراح ارجع للبوق اللي صار قبل )
موضوع صار من شهر فقط ..
تكلفه علاجية في مستشفى الاهلي .. انا دفعت 1500 ريال .. بدون تامين*..
وبنت اختي عالجت نفس الشي وعند نفس الطبيب ولكن هي عالتامين وطلع المبلغ 3000 ريال .. :)
هي صح ماادفعت لكن المبلغ المكتوب لها جذي ..
من اللي يبوق من ماادري بالضبط !!!؟
ويمكن هالسبب اللي متاجل عندنا التامين بشكل عام ..

كلامك صحيح اختي بخصوص بعض الحالات تحول حق مستشفى حمد حنا نقول تأمين من باب الاحتياط مثلا حق الأسنان العيون الأشياء البسيطه على الاقل خفف شوي عنا اما البوق سوف يستمر

[ابو عبدالله.]

مرحبا

القضيه اكبر مما نتوقع

التامين حدد لتغطيه العمال و الخدم و الموظفين الخ

اعتبرها طريقه لتحميل القطاع الخاص لتكاليف العلاج بدلا من العلاج الحكومي

ايضا دعم لقطاعات خاصه مثل شركات التامين و المستشفيات الخاصه

هذا المسار يحرم المواطن من امتيازات العلاج المجاني بالخاص تحت غطاء التامين

منها سرعه العلاج و التشخيص السليم احيانا

صحيح عند الحكومي تطور اكثر في الاجهزه و الادويه. لكن ايضا له سلبيات

طول المواعيد و اخطاء التشخيص و قله الخبرات لتشغيل الاجهزه الحديثه

ايضا الهدر في العلاج. منها تقديم العلاج لاشخاص يدخلون البلاد للعلاج فقط يعني ان يصل بحجه زياره و يدخل الطوارئ ثاني يوم و بعمليات خطيره و مكلفه. يحتاج المقيم او المواطن شهور لكل موعد او عمليه لهذا النوع من العلاج. بخلاف تكاليف الادويه. مثل ادويه السرطان بعشرات الالاف للحقنه او الحبوب. الخ

السؤال

هل يتغير نمط الخدمه في الحكومي للمواطنين للافضل بعد هذا التغيير و فصل المقيمين تحت العلاج الخاص

هل فعلا ستتحول المراكز الحكوميه لاستقبال المواطن فقط. ام سيستقبل المقيم و يدفع بالتامين قيمه العلاج في المركز الصحي الحكومي و يضل الزحام كما هو و طول المواعيد في العيادات الخارجيه

اذا ضل الوضع كما هو فلن يستفيد المواطن شيء

يضل الزحام و الفرق هو تغطيه مصاريف الحكومي عبر العلاج بمضله التامين للمقيم

نقطه اخيره

هل سيحافظ القطاع شبه الحكومي على امتياز موظفيه بالتامين الصحي و استقطاب مواطنين اكثر من القطاع الحكومي كامتياز وظيفي

ام سيلغى هذا الامتياز الصحي عن المواطن و يعطى للمقيم بنفس جهه العمل

ان حصل فهو تراجع حقوقي للمواطن كامتيازات وظيفيه اضافه لتراجع امتياز العلاج لكل المواطنين بعد حرمانهم من التامين الصحي الحكومي


سواء اصبح الوضع افضل للمواطن كنظام صحي بعد هذا القرار ام لا

يبقى رايي في انحسار الطفره للمواطن قائما

مع الوقت تتغير الامور و يزيد الضغط على الكاحل و الرفاهيه تنحصر و نصير مثل هونغ كونغ كل شي بفلوس و ضرائب و غلاء معيشي

و تقل الطبقه المتوسطه بالمجتمع

[معماري قطري]

وعليكم السلام :yawn:

عندي رأيين ..
الاول ان مالنا غنى عن المستشفيات الحكومية .. لان الاجهزة احدث ومتكاملة ..
وكـ مثال ( الوحدة اللي تربي في الخاص ) اذا صارت في وضع حرج سيده ينقلونها طواري حمد ..
واغلب المستشفيات الخاصه تقول للمريض هالشي .. لانهم مايقدرون يتحملون بعض الامور الطارئة ..
:
:
الرأي الثاني .. عن شركات التامين في الوقت الحالي ( ماراح ارجع للبوق اللي صار قبل )
موضوع صار من شهر فقط ..
تكلفه علاجية في مستشفى الاهلي .. انا دفعت 1500 ريال .. بدون تامين*..
وبنت اختي عالجت نفس الشي وعند نفس الطبيب ولكن هي عالتامين وطلع المبلغ 3000 ريال .. :)
هي صح ماادفعت لكن المبلغ المكتوب لها جذي ..
من اللي يبوق من ماادري بالضبط !!!؟
ويمكن هالسبب اللي متاجل عندنا التامين بشكل عام ..

هذا عيب في نظام المحاسبة والتدقيق .. من عندهم غير العوي والمنكسر .. ونقص في القوانين في بعض الدول لو حصلوا تلاعب الغرامة تكون كبيرة غرامة مالية ولو زاد التلاعب تعتبر جريمة وقضية ومحكمة وبهدلة وممكن ينتهي شغل المستشفى أو الشخص المتلاعب

الحكومة نجحت نوعاً ما في ضبط تسعيرات المطاعم حسب فئاتها وإستغربت إنهم محددين أسعار محد يتجاوزها وألحين الدور جاي على الفنادق .. زين الباقي لازم لهم تصنيفات وحدود .. حتى السيارات اللي استوت عادة كله من الوكيل للمعارض ومزايدة بالسعر

[sara jsm]

بوعبدالله قبل ( سنين طويله ) كان الكل يتعالج بالمراكز الصحية او مستشفى حمد ببلاش ..
وعقب صاروا المقيمين يدفعون رسوم الدخول اظن والعلاج .. والعمليات ونومة المستشفى وكل شي يدفعون عليه حالياً ..
اما اللي يي زيارة ( فيزه مؤقته ) من برع واحتاج المستشفى يدفع دبل المقيم نفسه ..
كل شي صار بفلوس للمقيمين حتى المدارس والجامعة قبل عشرين سنه كانت ببلاش للكل ..

:
اتوقع كل شي بيتحول .. حاله حال الضرايب والصحة والكهرباء ..
بس ياريت ننظر للامور من جانب اخر .. الدولة ماقصرت في شي ..
احنا مرينا بـ ازمتين ( الحصار وكورونا ) طبعا تضررنا كلنا منها ..
وخاصه كورونا الدولة وفرت كل شي لكل الناس على هالارض الطيبه ..
لا مواطن ولا مقيم ولا اللي جاي زيارة انحرم من المستشفيات او فحوصات كورونا او حتى الابرة اللي كانت ببلاش ..

المفروض نحمد الله ونشكره على كل هالنعم اللي عندنا ..
ليش نطمع للزيادة .. اللي عندهم تأمين صحي من شركات البترول هذولا مب تبع الدولة ..
هذولا قطاعات خاصه ماتنحسب عالدولة حتى لو اللي شغالين فيه قطريين ..
شركات اجنبيه توفر هالتامين لكل عمالها في كل دول العالم ..

:

ترى عندنا مراكز صحية فيها قسم للعيون وقسم للاسنان ..
خاصه هذولا اللي تحولوا لمباني جديدة ..
عندنا وايد اشياء ولله الحمد ..

[Rider]

بوعبدالله قبل ( سنين طويله ) كان الكل يتعالج بالمراكز الصحية او مستشفى حمد ببلاش ..
وعقب صاروا المقيمين يدفعون رسوم الدخول اظن والعلاج .. والعمليات ونومة المستشفى وكل شي يدفعون عليه حالياً ..
اما اللي يي زيارة ( فيزه مؤقته ) من برع واحتاج المستشفى يدفع دبل المقيم نفسه ..
كل شي صار بفلوس للمقيمين حتى المدارس والجامعة قبل عشرين سنه كانت ببلاش للكل ..

:
اتوقع كل شي بيتحول .. حاله حال الضرايب والصحة والكهرباء ..
بس ياريت ننظر للامور من جانب اخر .. الدولة ماقصرت في شي ..
احنا مرينا بـ ازمتين ( الحصار وكورونا ) طبعا تضررنا كلنا منها ..
وخاصه كورونا الدولة وفرت كل شي لكل الناس على هالارض الطيبه ..
لا مواطن ولا مقيم ولا اللي جاي زيارة انحرم من المستشفيات او فحوصات كورونا او حتى الابرة اللي كانت ببلاش ..

المفروض نحمد الله ونشكره على كل هالنعم اللي عندنا ..
ليش نطمع للزيادة .. اللي عندهم تأمين صحي من شركات البترول هذولا مب تبع الدولة ..
هذولا قطاعات خاصه ماتنحسب عالدولة حتى لو اللي شغالين فيه قطريين ..
شركات اجنبيه توفر هالتامين لكل عمالها في كل دول العالم ..

:

ترى عندنا مراكز صحية فيها قسم للعيون وقسم للاسنان ..
خاصه هذولا اللي تحولوا لمباني جديدة ..
عندنا وايد اشياء ولله الحمد ..

نعم الحمدلله اختي لكن من حقيقي يكون عندي متياز نعم المراكز مب كلها عندها أسنان وعيون لكن هل يقدمون كل الخدمات ولا اخر شي يحولونك على العيادات الخارجية

[Rider]

ابو عبدالله عز الله كفيت ووفيت

[ابو عبدالله.]

اسمحي لي اختي ساره

من قال ان الزائر يدفع.

في ناس تعرف كيف تتجاوز القوانين و باحترافيه

والله ان سمعت وافد يقول ان صديقه جاب امه و ابوه بالليل و الصبح دخلهم الاثنين للطوارئ للعلاج. شي سرطان و الثاني بعد مرض خطير

التعليم تقولين يدفعون

البعض كان يشتغل بالحكومه و بعد انهاء خدامته. اشتغل بشركه تامين خاصه و غيره بشركات اخرى

الوزارات تتصل لهم تعالوا اخذو نهايه الخدمه. كم الف ريال

و ما يجون يستلمون. تعرفين ليش. لانهم مدخلين عيالهم مدارس حكوميه ايام عملهم بالحكومه. ولما اشتغلوا بالخاص كان واجب نقل عيالهم لمدارس خاصه. و طبعا بيدفعون رسوم بالشي الفلاني

لكن عدم اخذهم نهايه الخدمه يعطيهم فرصه ان يقولون انهم لا زالوا على كادر الحكومه و يبقى ابنائهم بمدارس الحكومه

تعرفين كم تتكلف الدوله على كل طفل من ابنائهم سنويا

عشرات الالاف لكل طفل

سويها انتي و شوفي كيف القانون يوديك ورى الشمس

هذا غير التلاعب بالعناوين عشان يدخلون ابنائهم بمدارس معينه مع انهم ساكنين بمناطق اخرى ضمن مدارس اخرى غير المسجلين بها

خلنا نفتح الطبق المستور دام نتكلم عن تنظيم المصاريف و الحد من الهدر و ما يحتاج المواطن. تامين صحي. ايضا المقيم لازم نحط له نفس التنظيم الصح

مع احترامي للجميع. مقيم و ومواطن. لكن الصح صح و الغلط غلط

[ابو عبدالله.]

سمعتوا عن كراسي دراسيه لجنسيات غير القطري

في جامعات تعطي كراسي عبر منح الدوله

سمعتوا عن مواطن اخذ كرسي منح دراسيه

غير الشركات طبعا. هذولا يوقعون على عقد للعمل بعد التخرج و دوام لا يقل عن مده الدراسه اذا تفكر تغير جهه العمل لاحقا

كم تكلفه السنه الدراسيه تتوقعون. بعضهم مئتين الف سنويا لو بتدفع من جيبك

كم شاب ما قدر يكمل دراسه و اشتغل جينير والوافد الي جاء من برع عبر منحه الدراسه قد يحصل على وظيفه سينير بأي قطاع بقطر

مش لازم ندرس هذا الوضع و نشوف امكانيه التوفير على الدوله عند تعديل موضوع المنح للكراسي التعليميه

[ابو عبدالله.]

بس خلاص بنخلي الطبق مستور

[sara jsm]

سويها انتي و شوفي كيف القانون يوديك ورى الشمس


لا يبه خلني على ضوء القمر ابرك :funny:

والله يابوعبدالله هالجوانب مرت عليك وانا حقيقة اول مرة اسمع فيها ..
لكن هل تتوقع الدولة ماتدري عن هالامور !؟ معقوله مافي اشخاص عايشين بينا يدرون باللي يصير ؟
اكيد الكل على علم ودرايه وهذي امور تعتبر صغيرة ..
:

خل الطابق مستور والله لايحوجنا لغيره ..:playball:

[Rider]

نعم اهم الشي الطباق المستور

[ابو عبدالله.]

لا يبه خلني على ضوء القمر ابرك :funny:

والله يابوعبدالله هالجوانب مرت عليك وانا حقيقة اول مرة اسمع فيها ..
لكن هل تتوقع الدولة ماتدري عن هالامور !؟ معقوله مافي اشخاص عايشين بينا يدرون باللي يصير ؟
اكيد الكل على علم ودرايه وهذي امور تعتبر صغيرة ..
:

خل الطابق مستور والله لايحوجنا لغيره ..:playball:

ما ابي اكثر بالتعليقات. الي قلته كفايه و الي يبي العلم يقرا التعليقات بالمنتدى و يوصل للي يقدر يبحث بالمواضيع و يعرف الحقائق و يعدل ان كان التعديل مطلوب

[Dana’1]

سمعتوا عن كراسي دراسيه لجنسيات غير القطري

في جامعات تعطي كراسي عبر منح الدوله

سمعتوا عن مواطن اخذ كرسي منح دراسيه

غير الشركات طبعا. هذولا يوقعون على عقد للعمل بعد التخرج و دوام لا يقل عن مده الدراسه اذا تفكر تغير جهه العمل لاحقا

كم تكلفه السنه الدراسيه تتوقعون. بعضهم مئتين الف سنويا لو بتدفع من جيبك

كم شاب ما قدر يكمل دراسه و اشتغل جينير والوافد الي جاء من برع عبر منحه الدراسه قد يحصل على وظيفه سينير بأي قطاع بقطر

مش لازم ندرس هذا الوضع و نشوف امكانيه التوفير على الدوله عند تعديل موضوع المنح للكراسي التعليميه

شلون تدرس و تشوف الوضع و الدوله على علم و ما فتحت الصروح من جامعات عالميه و مستشفيات الأبحاث مثل سدرة
إلا لاستقطاب المهتمين او المحتاجين لهالخدمات من جميع دول العالم بالمنح و غيرها و أيضا للمواطن اللي جهة عمل تبعثه لمثل هالجامعات
عاد يبغالها واسطه أو لا يعتمد على من هي الجهه الباعثه و من هو الموظف الطالب .
و نفس الكلام على اللي محتاجين للعلاج الله يشافي الجميع

[Rider]

شلون تدرس و تشوف الوضع و الدوله على علم و ما فتحت الصروح من جامعات عالميه و مستشفيات الأبحاث مثل سدرة
إلا لاستقطاب المهتمين او المحتاجين لهالخدمات من جميع دول العالم بالمنح و غيرها و أيضا للمواطن اللي جهة عمل تبعثه لمثل هالجامعات
عاد يبغالها واسطه أو لا يعتمد على من هي الجهه الباعثه و من هو الموظف الطالب .
و نفس الكلام على اللي محتاجين للعلاج الله يشافي الجميع

تعليق بسيط ممكن ابو عبدالله قصده الأفغان لي من كم يوم قرأنا خبر آلاف الأفغان يلتحقون بمنح دارسية في جامعات المدنية التعليمية يعني تجيبهم من بلادهم ودخلهم الجامعات والقطري صعب يدخل الا بواسطه

[ابو عبدالله.]

حتى قبل الافغان. في منح كراسي دراسيه

افتحوا صفحات الجامعات في قطر بتحصلون معلومات المنح. حتى جامعه قطر فيها هذا النظام

لها شروط طبعا. اما التميز او الاداء العالي الخ

و ايضا الجامعات الي بفلوس فيها منح

هذا السستم موجود. لكن يقابله ماذا
القطري لازم سبونسر
و الموظف غالبا يمش بوزه من الدعم الا من رحم ربي التركيز على خريجي الثانويه و مش كلهم بيحصلوا منح او سبونسر

في 2008 او 2009 قلت و انا اسولف مع الربع. ان التعليم مثل الروليت مش مثل ايام زمان. كان اي قطري يجيب 60% بالثانويه ضمن يدخل الجامعه بدون سنه تأسيسي
في 2009 قلت ان التعليم صار مثل لعبه الروليت. محد يعرف اي جامعه بيدخل او هل بيدخل الجامعه اصلا

واحد من الشباب بعد كم سنه من كلمتي. قال لي. تصدق ان زوجتي سنه ثالثه بالجامعه و الجامعه غيرت احتساب المعدل التراكمي و فصلوها مع مئات من الطلبه
و اضطرت تعيد الثانويه و تدخل الجامعه من جديد و بعد ثلاث سنوات يوم قربت تخلص البكالريوس. ارسلوا لها مسج من نفس الجامعه يقولون لها. ان الجامعه بتعطي فرصه للطلبه الي فصلوهم من اربع سنوات ان يدخلون الجامعه و يكملون مره ثانيه

هذه بالتاريخ ما حصلت ولا سمعت ان صارت بأي مكان بالعالم

سنه ثالثه و تنفصل مش لانها سقطت بالمواد. بس عشان الجامعه غيرت طريقه احتساب المعدل من خمسه. الى اربعه. تراكمي
و بعد اعاده الثانويه و الدراسه ثلاث سنوات و قبل سنه من التخرج. يقولون لها تعالي بنرجعك

حلوه. انت بالجامعه و يجيك مسج ارجع للجامعه

هذا مثال فقط عن نظريه الروليت وما نبي نتطرق لجامعات و اوضاع اخرى ولو تفتحون الباب للي مروا بتجارب التعليم الجامعي ما بنخلص من السالفه

و صباح الخير

[ابو عبدالله.]

عشان محد يعتقد اني انتقد التعليم

انا من الي يشوفون الايجابيه و سعيد ان في خيارات تعليميه كثيره بقطر حتى الي ما قدر يدخل جامعه بيحصل كليات قطريه و اجنبيه

و دعم للمدارس الخاصه بالكوبونات و جهات العمل للطلبه ابناء الموظفين

وايد امور ايجابيه
الي ما يعجبني ان الشاب القطري ما يحصل مثل غيره ببعض الامور
الموظف بجهات معينه لما يموت لين يوافقون له ع دراسه. يودونه كليه بشهاده ما تسويه سينير وخلوا حد من هالشباب يقرأ تعليقي و شوفوا ايش بيقول

مئات الطلبه خسروا مستقبلهم الجامعي عشان معدل تراكمي تم تغييره

قائمه جامعات اذا رحت لغيرها ما تقبل شهادتك ولا تترقى سينير. لكن غير القطري يجيب هالشهاده و يتوظف سينير حتى لو مواليد الدوحه و درس بجامعه غير معترف بها. يتوظف

هالامور اشوف يبي لها اعاده نظر و دراسه
الموظف يرسل للدارسه عشان ياخذ وظيفه السينسر الي شاغرها وافد مش عشان يرجع و يشتغل تحت الوافد. لان القانون يقول ان الوظيفه للقطري و يجوز ان يشغرها وافد لحيت تأهيل القطري لها

الوافد يشتغل لين يطوف الستين سنه ولا شفنا قطري اخذ وظيفته ليش كليه النورث اتلانتيك ليش مب جامعه قطر او غيرها و يرجع سينير و ياخذ هالوظيفه

مسؤوله وافد و المسؤول عن التطوير الي بيقول له وين يروح يدرس وافد و المرشد الاكاديمي وافد. روليت ولا مش روليت

الشباب الي يصير معاهم هالكلام*

يا ليت يعلقون

[سالم الزهران]

أحب اضيف نقطه بخصوص الطلاب اللي ما يقدرون يلتحقون بقسم يبونه نظراََ لتدني معدلهم. تحصل طلاب يبون طب وينقصهم كم درجة ولا تقبلهم الكلية، بعض هؤلاء يسافر يدرس ع حسابه.

ونفس الكلية أو وزارة الصحة اذا بغت تتعاقد مع أطباء (تنتقي أطباء يقبلون بأجور وامتيازات معينة) يعني أطباء عاديين ليسوا من النوابغ.

طيب هالجامعة ترد ولدي و ولدك لأنهم مب نوابغ واذا بغت تتعاقد جابت غير النوابغ؟

من انتم يا جامعة؟ من أنت أيه المسؤول؟

[Rider]

أحب اضيف نقطه بخصوص الطلاب اللي ما يقدرون يلتحقون بقسم يبونه نظراََ لتدني معدلهم. تحصل طلاب يبون طب وينقصهم كم درجة ولا تقبلهم الكلية، بعض هؤلاء يسافر يدرس ع حسابه.

ونفس الكلية أو وزارة الصحة اذا بغت تتعاقد مع أطباء (تنتقي أطباء يقبلون بأجور وامتيازات معينة) يعني أطباء عاديين ليسوا من النوابغ.

طيب هالجامعة ترد ولدي و ولدك لأنهم مب نوابغ واذا بغت تتعاقد جابت غير النوابغ؟

من انتم يا جامعة؟ من أنت أيه المسؤول؟

ايه دنيا عفسيه خلها على الله

[بوNasser]

السلام عليكم ورحمة الله

صدر القانون (( قانون تنظيم خدمات الرعاية الصحية ))

اهم المواد:

مادة (6)

تُقدم خدمات الرعاية الصحية للمواطنين في المنشآت الصحية الحكومية دون مقابل.
ويجوز بقرار من مجلس الوزراء، بناءً على اقتراح الوزير، تحديد فئة أو فئات تقدم لها خدمات الرعاية الصحية في المنشآت الصحية الحكومية دون مقابل، وحدود هذه الخدمات.


مادة (8)

يكون التأمين الصحي إلزاميًا، لضمان تقديم خدمات الرعاية الصحية الأساسية، للوافدين والزائرين.
وتحدد اللائحة خدمات الرعاية الصحية الأساسية التي تقدم للفئات المشار إليها.
ويجوز لصاحب العمل أو المستقدم توفير خدمات الرعاية الصحية الإضافية للعاملين لديه أو أفراد أسرهم، وذلك وفقًا لما تبيّنه اللائحة. ويصدر بتحديد بيانات ومواصفات بطاقة التأمين الصحي، قرار من الوزير.
-----------------------------------------

رابط القانون بجريدة الراية

اضغط هنا
(https://www.raya.com/2021/11/05/%D8%A7%D9%84%D8%AC%D8%B1%D9%8A%D8%AF%D8%A9-%D8%A7%D9%84%D8%B1%D8%B3%D9%85%D9%8A%D8%A9-%D8%AA%D9%86%D8%B4%D8%B1-%D9%82%D8%A7%D9%86%D9%88%D9%86-%D8%AA%D9%86%D8%B8%D9%8A%D9%85-%D8%AE%D8%AF%D9%85%D8%A7/)
نتفاءل بالخير ونتمنى الصحة والسلامة للجميع.

دمتم سالمين

[سالم الزهران]

التأمين للمواطن يلغي الحاجة للخدمات الصحية الحكومية المجانية، هذا واقع الأمر لكن لو طرح عليك السؤال وخيروك بينهم (تأمين صحي وتلغى مجانية العلاج في المرافق التابعة لوزارة الصحة؟ أو تبقى على وزارة الصحة؟ شنو تختار؟).

للاسف لو بحجز للوالدة بملفها اللي في وزارة الصحة أحصل موعد بعد شهرين، بس لو بيحجز لها أخوي بملفها (اللي على التأمين لانه يشتغل بشركة) حصلنا لها موعد بعد أسبوع؟

أي مواطن ممكن يدفع الف ريال ويودعها في حساب وزارة الصحة مقابل انه يحصل موعد قريب خلال اسبوع.

لكن بقدرة قادر الشيء اللي خلا الناس تطالب بالتأمين هو مثل هذي الوقائع اللي مجربينها أكثرنا.


رأي الشخصي : يجب أن يتم تطوير العمل الاداري في وزارات الصحة بدول الخليج.. نحن مجتمع صغير عددنا حول عشرة الاف (خارج قطر طبعاََ) واضرب مثال على وضعنا.. كان عندنا (ولا زال) مركز طبي عود تديره شركة ايطالية.. حصل على الايزو و كنا مرتاحين.

لين انهو عقد الشركة الاجنبية واستلمنا شركة وطنية ولعبت في حسبتنا.. البلاء يا اخوان فينا وفي قيمنا.

البلاء انك لم تطرد من وظيفتك بسبب اهمالك.. البلاء اننا ندير البلاد ادارة بيت.. اكثر الامور تتم بالمسامحة.

حتى الاجنبي العقلية الفذة اللي نجيبه ونعينه مدير يتعلم المجاملة منا ويكتفي بالراتب الكبير والاجازات ويترك الامر على مبنى الشايب.

اعذروا وضوحي في التعبير فربما نظلم او نتعدى من حيث لا ندري.


لكن يوم اشوف عيالنا متسدحين واخر همهم الدوام.. يوم انشد الولد ليش متأخر و وراك عمل يقول المدير أصلاََ معنا ونلعب ورقة في الشاليه.


لهذا السبب اقول مثل هالكلام، محد قضبهم الباب.. يبي لها القوي الأمين وهذا غير موجود.

[dammaj77]

حنا مانبي تامين حنا نبي توفير مستشفيات ومواعيد سريعة بنفس اليوم تخلص الاجراءات للمرضه وعلاج سريعا اذاكان عذرهم التامينات تلاعب

[معماري قطري]

حتى قبل الافغان. في منح كراسي دراسيه

افتحوا صفحات الجامعات في قطر بتحصلون معلومات المنح. حتى جامعه قطر فيها هذا النظام

لها شروط طبعا. اما التميز او الاداء العالي الخ

و ايضا الجامعات الي بفلوس فيها منح

هذا السستم موجود. لكن يقابله ماذا
القطري لازم سبونسر
و الموظف غالبا يمش بوزه من الدعم الا من رحم ربي التركيز على خريجي الثانويه و مش كلهم بيحصلوا منح او سبونسر

في 2008 او 2009 قلت و انا اسولف مع الربع. ان التعليم مثل الروليت مش مثل ايام زمان. كان اي قطري يجيب 60% بالثانويه ضمن يدخل الجامعه بدون سنه تأسيسي
في 2009 قلت ان التعليم صار مثل لعبه الروليت. محد يعرف اي جامعه بيدخل او هل بيدخل الجامعه اصلا

واحد من الشباب بعد كم سنه من كلمتي. قال لي. تصدق ان زوجتي سنه ثالثه بالجامعه و الجامعه غيرت احتساب المعدل التراكمي و فصلوها مع مئات من الطلبه
و اضطرت تعيد الثانويه و تدخل الجامعه من جديد و بعد ثلاث سنوات يوم قربت تخلص البكالريوس. ارسلوا لها مسج من نفس الجامعه يقولون لها. ان الجامعه بتعطي فرصه للطلبه الي فصلوهم من اربع سنوات ان يدخلون الجامعه و يكملون مره ثانيه

هذه بالتاريخ ما حصلت ولا سمعت ان صارت بأي مكان بالعالم

سنه ثالثه و تنفصل مش لانها سقطت بالمواد. بس عشان الجامعه غيرت طريقه احتساب المعدل من خمسه. الى اربعه. تراكمي
و بعد اعاده الثانويه و الدراسه ثلاث سنوات و قبل سنه من التخرج. يقولون لها تعالي بنرجعك

حلوه. انت بالجامعه و يجيك مسج ارجع للجامعه

هذا مثال فقط عن نظريه الروليت وما نبي نتطرق لجامعات و اوضاع اخرى ولو تفتحون الباب للي مروا بتجارب التعليم الجامعي ما بنخلص من السالفه

و صباح الخير

كلامك صحيح ووايد يطلعون يروحون كندا واستراليا ما تعجبهم كعبة المضيوم ولا يبغون ينضامون هنا كفت ووفت درستهم وعلمتهم ويقولون باي باي

[سالم الزهران]

التأمين فيه مستويات بعضها ممكن تتعالج في دول الخليج، بعضها في الخارج.

المواطن تامينه غالباََ في الفئة اللي تحت هذي، ويختلف خسب جهة العمل..
فئة (سي) من التأمين هذي حق العمال؟ مرة قلت لهم انا راضي بها، فكوني من مستشفاكم وهالطبيب المواطن اللي مشمر عن سواعده وهالطبيبة اللي حاطه اكسسوارات على البالطو.

وما اظن يوافقون لاني انا ومعي مئات الموظفين يصرفون على حسابنا ميزانية ويرفعون تقارير انهم مدلعينا على الآخر.

ما في شيء تكلمت فيه مع مسؤول عود الا الصحة ومشكلتنا مع المستشفى.. ما قلت له عن مشاكلي ولا اي شيء يخصنا في الادارة.. بس المستشفى لان راحتي كموظف من راحة عيالي. نحمد الله ونشكره نادراََ نحتاج المستشفى نحن كرجال لكن الاطفال والنساء مشكلة.

[معماري قطري]

التأمين فيه مستويات بعضها ممكن تتعالج في دول الخليج، بعضها في الخارج.

المواطن تامينه غالباََ في الفئة اللي تحت هذي، ويختلف خسب جهة العمل..
فئة (سي) من التأمين هذي حق العمال؟ مرة قلت لهم انا راضي بها، فكوني من مستشفاكم وهالطبيب المواطن اللي مشمر عن سواعده وهالطبيبة اللي حاطه اكسسوارات على البالطو.

وما اظن يوافقون لاني انا ومعي مئات الموظفين يصرفون على حسابنا ميزانية ويرفعون تقارير انهم مدلعينا على الآخر.

ما في شيء تكلمت فيه مع مسؤول عود الا الصحة ومشكلتنا مع المستشفى.. ما قلت له عن مشاكلي ولا اي شيء يخصنا في الادارة.. بس المستشفى لان راحتي كموظف من راحة عيالي. نحمد الله ونشكره نادراََ نحتاج المستشفى نحن كرجال لكن الاطفال والنساء مشكلة.

الله يبعد العوارض الصحية عنا وعنكم