هل انتهى عصر المنتديات ؟؟

[الدوحة قطر]

عدد قليل جدا من مواقع المنتديات الكتابية تم صامد لحد الأن منهم هذا المنتدى على سبيل المثال

والاسباب وايد .. اهمها تحول العالم الى وسائط التواصل الاجتماعي ( سوشيال ميديا ) تويتر / انستغرام / سناب شات / فيس بوك
الواحد صار عن طريق هالوسائط يحصل الاخبار + الترفيه + المعلومات ... ألخ وهو نفس ما كانت تقدم لنا المنتديات سابقا

طبعا ممكن المنتديات كانت تعطي تفاصل اكثر واشمل في المواضيع الي تنطرح فيها ولكن يبقى عامل سهولة وسرعة الوصل يصب في صالح وسائط التواصل

لكن السؤال هل تتوقعون المنتديات تتم موجودة او يجي اليوم الي تختفي فيه نهائياً ؟؟

قبل الكل كان يقول ان اجهزة الراديو والاذاعات راح تختفي مع الايام ولكن ابصراحة للحين صامدة ولها ماتبعينها

نفس الوضع مع الجرايد بالاخص الورقية ممكن عندنا قل الاهتمام فيها بنسبة كبيرة جدا ولكن يبقى عدد قليل لا زال ما يعرف يتابع اخبار العالم غير عن طريق الجرايد

[سالم الزهران]

حياك الله اخوي
انا من خلال هذا المنتدى تداخلت مع الناس، سولفنا وناقشنا وقلنا نكات و خطينا اسئلة تدور فبالنا وكتبنا مواضيع حوارية في القسم العام و اختلفنا مع البعض وقوت علاقتنا مع البعض الآخر من الزملاء.. كل هذه الميزات ما تجدها لا في تواصل ولاغيره. لذلك المنتدى يبقى من أهم المراجع اللي ممكن من خلاله ترصد شنو كان ينطرح في الحوار مثلاََ من مشاكل وغيرها كثير.

[Rider]

احس المنتدى اريح من كل وسائل التواصل وتحس لي يكتبون ناس فاهمه عكس الباقي فيه الساقط اللاقط

[sara jsm]

مااتوقع ممكن تتسكر في يوم من الايام ..
بعض المنتديات للحين الناس تشتغل وتشارك فيها لما لها فايدة كبيرة ..
:
لو اتكلم عن هالمنتدى بالذات ..
قبل الاخوان والخوات يسون لنا تقرير كامل عن بعض الفنادق او المطاعم بشكل عام ..
ويصورون مع الفاتورة وبكل وضوح وشفافيه .. حتى السفرات تلقى كل شي مكتوب فيه (( بمصداقيه )) ..

لكن الوسائل اللي طالعه الحين كل شي بفلوس ..
كل مكان يتكلمون عنه مستحيل يحطون فيه عذروب لان مدفوع لهم ..
والاهم ان المصداقيه زيرووو ..
فعشان جذي المنتديات لها طابع ثاني ( حتى لو كنا تحت اسماء مستعارة ) لكن مافينا زيف ومثاليه اللي بالسناب والانستغرام وتويتر ..

[سعود.]

احس المنتدى اريح من كل وسائل التواصل وتحس لي يكتبون ناس فاهمه عكس الباقي فيه الساقط اللاقط


مااتوقع ممكن تتسكر في يوم من الايام ..
بعض المنتديات للحين الناس تشتغل وتشارك فيها لما لها فايدة كبيرة ..
:
لو اتكلم عن هالمنتدى بالذات ..
قبل الاخوان والخوات يسون لنا تقرير كامل عن بعض الفنادق او المطاعم بشكل عام ..
ويصورون مع الفاتورة وبكل وضوح وشفافيه .. حتى السفرات تلقى كل شي مكتوب فيه (( بمصداقيه )) ..

لكن الوسائل اللي طالعه الحين كل شي بفلوس ..
كل مكان يتكلمون عنه مستحيل يحطون فيه عذروب لان مدفوع لهم ..
والاهم ان المصداقيه زيرووو ..
فعشان جذي المنتديات لها طابع ثاني ( حتى لو كنا تحت اسماء مستعارة ) لكن مافينا زيف ومثاليه اللي بالسناب والانستغرام وتويتر ..


كلام سليم

بالاضافة الى ان الغالبية +35 حسب اخر احصائية في المنتدي

[sara jsm]

كلام سليم

بالاضافة الى ان الغالبية +35 حسب اخر احصائية في المنتدي

تكلم عن نفسك :waiting: انا توني 18 :shy:

[Dana’1]

ما أتوقع بشكل نهائي هالفتره لأن بغض النظر عن المنتديات الموجوده حاليا .. مازالت شركات التكنو و الحمايه تصمم المنتديات بما يتوافق مع الأجهزه الحديثه الاندرويد او ال اي او اس و غيرها مجودين و عليهم شغل
يبقى للمنتدى جوه من بإختلاف الإهتمامات من تقسيمات و مواضيع و أعضاء إلخ
و إن صار و أختفت بشكل نهائي أتوقع بعد كم جيل لأن الأطفال و المراهقين حاليا ماهم صوب المنتديات عندهم برامجهم اللي ينشطون فيها حتى إن لهم صفحاتهم الخاصه يناقشون و يعلقون على بعض إن كان*بالفيس و التويتر و كثييير برامج ما تحضرني و حتى السناب تيك توك و غيرها ومساحة حريتهم أكبر إن كان بصناعة المحتوى اللي يبغونه أو حتى بالمواضيع و النقاشات اللي تتم بإختلاف البرامج سمعيه أو كتابيه
حتى السوني و الالعاب فيها مساحات للنقاش و الهواش و التفاهم!!!
الله يحفظنا و عيالنا من شر مايوجد بهالبرامج و الله يعطينا من خيرها

[ALKATARONI]

بالرغم من حبي لهذا المنتدي ، إلا إن أعتقد إن عصر المنتديات سيختفي قريبا. في السابق كان هناك العديد من المواضيع التي تطرح كل يوم ، و الكثير من الإجابات و ألاف المشاركات ، إلا إن اليوم تجد أكثر المواضيع ذات تواريخ قديمة.

الحقيقة إنه لا يمكن إنكار تأثير مواقع التواصل الإجتماعي ، و سهولة رفع الصور و الفيديو و عمل الجروبات ، و إستلام الرسائل و الإشعارات و الكثير من الخصائص التكنولوجية التي لا تتوافر بالجروبات.

[أبورودي]

المنتديات حاليا مثل جوال نوكيا وقت ظهور الايفون
اذا لم تسارع بتطوير ومواكبه التغيرات الحادثه فى عالم السوشيال ميديا
للاسف ستختفى تماما

[Qtr37]

من الاشياء الايجابية في المنتديات ان اذا احتجت ترجع حق اي موضوع تقدر تلقاه عكس اللي ينزل تقارير ع السناب
ما نقدر نحفظ كل شي فالجوال

[رجل تعليم]

جميع برامج الدنيا لا تساوي عندي ذرة واحدة من قيمة المنتدى...
المنتديات فضاء انيق جدا جدا عكس البرامج الأخرى
لكن اعتقد انها بحاجة لتطوير فقط

[جربوع]

من طفولتي افضل المنتديات. النقاش اعمق والتفاصيل اكثر.
لكن اهم شي الي ذكره احد المشاركين، الارشيف سواء فالمنتدى نفسه او قوقل.

انا كبرت على منتديات الاجانب؛ العاب، تكنولوجيا الخ.
اجوف المنتدى المستقل انتهى عصره مع الاسف.

في امريكا معظم المنتديات انتقلت الى موقع اسمه reddit اذ اوصفه كأنه منتدى يشمل منتديات هه
في منتدى او قروب لاي نشاط ممكن تتخيلونه.
في منتدى لقطر والدوحه بعض المقيمين سووه. انا مستغرب هذي الوسيله كلش ماحصلت سوق بالخليج

اسموح لي خرجت شوي بس حبيت اوصل انه نمط المنتدى لم موت بس تغير

[بوعابد7]

عصر المنتديات تقريبا انتهى وبينتهي تماما عقب عقد بالكثير

لان السبب الي كان يخلي الناس تشارك وتتفاعل ايام المنتديات انه الجوالات ماكانت تستخدم الا للاتصال فقط
فالواحد ماعنده مكان يعبر ويناقش فيه الا فالمنتديات هذاك الوقت
الحين مع تطور الجوالات صار النقاش اسهل واسرع في السوشيال ميديا فالسناب او تويتر

والمنتديات صعب النقاش فيها من خلال الجوال لازم تبطل اللاب توب وتقعد ،، النقاش فيه مب فوري!

وبعد من ناحية الحرية فالتعبير المنتدى فيه قيود وهاي ممكن تكون سلبية او ايجابية على حسب الشخص

الطريقة الوحيدة اللي ممكن ترجع التفاعل فالمنتديات انها تتحول لابلكيشن فالجوال

[sara jsm]

والمنتديات صعب النقاش فيها من خلال الجوال لازم تبطل اللاب توب وتقعد ،، النقاش فيه مب فوري!
وبعد من ناحية الحرية فالتعبير المنتدى فيه قيود وهاي ممكن تكون سلبية او ايجابية على حسب الشخص


بالعكس اخوي بوعابد هني تخاطب عدد كبير من الناس ..
عكس تويتر عندك عدد محدود من الحروف اللي تكتبها وبالتالي سالفتك تندرج تحت اكثر من مسج ..
او السناب ماتقدر تتناقش فيه الا بالخاص مب بالعام ..
واذا عن التعبير فالقيود موجوده سواء هني او هناك نفس الجهات تتابع من الصوبين ..
:
انا صارلي تقريبا فوق الثلاث سنين كله ادخل المنتدى بالجوال ..
وانزل مواضيع واحمل صور بشكل يومي واسوي تقارير مليانه صور كلها بالجوال ..
صار اسهل من سالفه افتح اللاب توب واشتغل عليه ..
:
هي وجهات نظر تختلف حسب ظروف وامكانيه كل شخص فينا ..
وان شاءالله ماراح تنتهي المنتديات .. هني المكان اصدق ومافيه كذب ونفاق ومثاليه ..

[khaldoon]

الموضوع متشعب جدا..... اولا و قبل كل شيء الوم مطوري المنتديات المبرمجين يعني اللي ما حاولوا يطوروا الفريم تبع المنتديات و لا يواكبوا التكنولوجيا و التغيرات اللي فيها...... كل المنتديات نفس الفريم بالزبط.... عباره عن تغير في شكل اللوحه و اسماء الاقسام الاساسية و الفرعيه
و الا هي نفسها في كل المنتديات من حيث الفريم و الشكل

ايضا الومهم انهم ما طوروا عملية تحميل الصور و الفيدوهات ........ انا ما اتكلم عن الصور اللي ما تختفي طول العمر مثل مواقع التواصل العالمية .... لانه كل شي بثمنه.... انا اتكلم عن مسألة انه ادخل على موقع و احمل الصور والفيدوهات و اخذ الرابط الخاص بالتحميل من اجل المنتديات..... سالفه طويله مب مريحه و لهالسبب نبي شي اسرع و اسهل

المنتديات بهذا الشكل بتظل كلاسيكية لها زباينها اللي يعشقونها و لا يستغنوا عنها بس الجيل الجديد لن يعلم عن هذا العالم اي شيء ولن يستهويه دخول هذا العالم .... مثل عالم السيارات الكلاسيك

شوفوا مثلا فيس بوك رغم انه موجود من سنة 2007 و حارب كثير من اجل البقاء على خارطة مواقع التواصل و اشترى الواتس اب و الانستغرام الا انه يعتبر بيحتضر تماما خصوصا بعد التيك توك الصيني و الان يبي يغير اسلوبه و شكله و حتى اسمه

اذا لم نتغير و نتطور فيستغير و يتطور العالم من حولنا

[توشيبا]

كنت بقول صامده عشاني يمكن مشارك فيها بكل ثقه

بس الواقع كنا مجبورين على المنتديات لتوصيل المعلومات والاستفاده من مواضيع ذات محتوى او نضيع وقت يعني كنا مجبورين عليها

بس فجاه طلعت مواقع وبرامج وتطبيقات للهواتف تنافس وتوصل المعلومه افضل من المنتديات

مثلا قبل ندخل موقع حق مكشات او حق المسافرون عشان نشوف تقرير مصور عن مقناص او*سفرة

الحين اليوتيوب اختصر الوضع شوي مونتاج مع التصوير يعيشك اجواء المقناص او السفره لايف

والاهم انها صارت مصدر دخل للناس يعني فيديو حق سفرة او طبخه المشاهدات توصل مليون يوصل في رصيده فوق عشرة الف ريال

واول اهنيه حبيبنا مطفرنا تحط موضوع في قسم السوق ادفع هههههههه

[بوعابد7]

بالعكس اخوي بوعابد هني تخاطب عدد كبير من الناس ..
عكس تويتر عندك عدد محدود من الحروف اللي تكتبها وبالتالي سالفتك تندرج تحت اكثر من مسج ..
او السناب ماتقدر تتناقش فيه الا بالخاص مب بالعام ..
واذا عن التعبير فالقيود موجوده سواء هني او هناك نفس الجهات تتابع من الصوبين ..
:
انا صارلي تقريبا فوق الثلاث سنين كله ادخل المنتدى بالجوال ..
وانزل مواضيع واحمل صور بشكل يومي واسوي تقارير مليانه صور كلها بالجوال ..
صار اسهل من سالفه افتح اللاب توب واشتغل عليه ..
:
هي وجهات نظر تختلف حسب ظروف وامكانيه كل شخص فينا ..
وان شاءالله ماراح تنتهي المنتديات .. هني المكان اصدق ومافيه كذب ونفاق ومثاليه ..

مثل ماقلتي هي امكانيات
مب الكل يقدر يتصفح المنتدى ويسولف فالرسائل الخاصة مثلا وهو طالع برا يتمشى او وهو يسوق!
الموضوع اصعب نوعا ما

بالنسة لاخر سطر حتى انا احب المنتديات اكثر واتمنى ترجع ايامها
لأن كان يغلب عليها طابع الجديه والفائدة اكثر .. السوشيال ميديا 90% منه ضحك ومحتوى كوميدي ولازم تلاقي فيه المصخره :)

[تاجر كشخة]

نعم للأسف