((9)) يوم رمضــــــــــــــــــاني مع ... المــــــ06ــــــخلب .. [الأرشيف]

المخلب

01-10-2006, 10:58 PM

السلام عليكم اجمعين

امبارك عليكم الشهر الفضيل (( شهر رمضان الكريم )) ..

اعاده الله علينا وعليكم السنه القادمه وكل عام ان شاء الله ..

رمــضان هذي السنه بقطــــر غير .. اجواء ثانيه ..

انماط متعدده .. اشخاص تعرفنا عليهم تونا هل اليومين ..

واشخاص اول مره يشاركونا فرحه هذا الشهر المميز على اهل الخليج وبذات اهل قطر الغاليين ..

اليوم اخترنا لكم موضوع .. متألق .. جديد .. غير معتاد (( ان شاء الله )) .. ولم يسبق ان وضع في منتدانا الغالي بهذي الطريقه وبهذا الشهر الفضيل ..

موضوعنا عن طلعه رمضانيه في دوحه الخير ..

طبعا الموضوع : عباره عن تقرير مفصل لاماكن زرتها مع مجموعه من الربع ..

وصورناها .. وحطيت عليها تعليقاتي البسيطه (( وان شاء الله يعجبكم الموضوع .. )) ..

ملاحظه : (( الصور لم تصور اليوم او بالامس .. انما من كذا يوم ! .. لذا وجب التنبيه )) .

بسم الله نبدأ ..

قمت من النوم .. في الصباح الباكر .. حيث وجدت العصافير تزقزق .. والاشجار تتهفهف يمينا وشمالا ..

(( الحين الربع بالمنتدى يقولون المخلب قلبها قصه ليلى والذيب :) )) ..

ولا يهمكم ..

زين .. غسلت وجهي حمدت ربي وتوضيت ..

وصلينا الصبح ..

طبعا اول ماتوصل الساعه 7 في رمضان هنا يومي ينقسم الى قسمين ! ..

ان كان يوم اجازه .. فأقدر ارقد على راحتي !!

وان كان يوم عادي .. فالله يعين .. قم للجامعه وانت ساكت .. :( ..

قمنا الجامعه .. اركب الموتر .. سم بسم الله .. وحط لك ذاك القراءن الكريم وادفع صدقه (( للفقير وربي مجرب الصدقه .. ترى الصدقه تدفع البلاء )) ..

زين .. نرجع لطلعتنا ..

واحنا مارين للجامعه .. طبعا اكيد زحمه كما اعتدنا وعودتنا شوارعنا المموجه ..

http://www.c5c6.com/File/1159729995.jpg

المهم .. طلعت من اشارات المطار الي للحين صايره ملخبطه !

(( مع ان كان بخاطري اروح من سلاح الجو .. لكن مسوين فيه حفريات وانا مو ناقص بهدله ! )) ..

وهذي صور للحفريات الي وهقتنا بذاك الشارع ..

http://www.c5c6.com/File/1159730796.jpg

http://www.c5c6.com/File/1159730799.jpg

http://www.c5c6.com/File/1159730991.jpg

فقلنا نحرك من اشارات المطار الجديده ! (( المطار الدولي )) ..

واذا بي افاجئ بحواجز جديده .. قلت خير ان شاء الله شسالفه توه الشارع جديد ماصارله شهر !

http://www.c5c6.com/File/1159731017.jpg

طلع اثر اشغال الله يعطيهم طولت البال والعمر متفهمين شعور الناس من ناحيه المجاري العاليه ! ..

http://www.c5c6.com/File/1159731023.jpg

http://www.c5c6.com/File/1159731043.jpg

فقرروا انهم يرسلون كم شخص علشان يقص ارقاب اغطيه البواليع ويرجعها لمستواها الاصلي ..

http://www.c5c6.com/File/1159731204.jpg

(( مع اني اعتقد ان الشارع يبيله طبقه زياده !! لان شبك المطر فوق !! ان طاح عندنا مطر عز الله الشوارع بتخق وبتغرق ولا في فايده من الي سووه ابد ! .. )) .

المهم .. ولكن لفت انتباهي شئ خطير .. قلت الله يكافي الشر ..

ليكون صار عندنا زلزال وانا مادري..

http://www.c5c6.com/File/1159731234.jpg

http://www.c5c6.com/File/1159731275.jpg

رحت شريت جريده وتفحصتها من اولها الى اخرها .. قبل ماروح الجامعه !! قلت يمكن صار عندنا شئ ..؟؟ ! وانا المشكله نومي ثقيل ان نمت ماجلست الا الصبح ! قلت يمكن بعد في الليل صار شئ وانا نايم ..

وبعد قراءه العناوين الرئيسيه والاطلاع على كافه الجرائد اليوميه طلع الحمد لله مافي الا العافيه ..

الله يحفظ بلادنا من كل شئ ..

قلت اجل وش صاير ؟؟ ليش العماره هذي بالارض وللحين ماشلوها ؟؟

سالت واحد عن العماره هذي .. قال هادينها من كم شهر وللحين ماشالوها .. !!

انا استغربت الصراحه بينها وبين المطار الدولي شارع واحد بس ! ..

لو فرضنا جاوا لنا ضيوف وشافوها كذا خافوا من البلاد قبل مايدشونها !!

مو كفايه علينا الحريق الي صاد البرجين الله يكافي الشر ..

(( في قراء بيقولون المخلب خانه التعبير يمكن .. يبي يقص علينا ! معقوله يمر هناك ولا شاف العماره الا اليوم !! )) ..

اقولكم لا يجماعه .. المساله مو جذي ! .. انا لين مريت ماعمري التفت على العماير وبذات هذي لانها صاير زاويه ! .. وانا بالعاده امر من صوب سلاح الجو .. يمكن اني شفتها من قبل ! واعتقد اذا ماخاب ضني هي كانت جريده العروبه الي تصكرت من كم سنه ! ..

زين .. خلونا نرد لموضوعنا ..

هذا منظر عام لكورنيش قطر والابراج ..

http://www.c5c6.com/File/1159731571.jpg

اعمـــــــــــــار ياقطر ..

وصلنا الجامعه .. بعد عناء وجهد .. وداومنا 5 ساعات تقريبا ! ..

ورديت البيت ..

صليت الظهر .. وقلت مالك الا الرقده ! ..

حطيت راسي على المخده ورقدت ! .. ساعه ساعتين ! ..

المهم .. جلسوني الاهل وقالوا قم رح جيب كم شئ للبيت ..

قلت حاظرين .. أمري لله .. بس تصدقون .. ماحب اتسوق ابد ! .. احسها كلافه ومغثه :looking:

http://www.c5c6.com/File/1159731284.jpg

http://www.c5c6.com/File/1159731471.jpg

وانا راجع ..

صفيت عند المطعم ..

المطعم الباسكتاني هذا .. ما شاء الله الزحمه عليه برمضان 24 ساعه ..

قلته شعندك .. قال عندي الي تبيه ..

زلابيه , نخي , سمبوسه فلفل !! , ..الخ ..

انا بيني وبينكم ماطيج هل الاكلات ابد ! .. مادري ليش ماتدش مزاجي !! ..

بعدينا وانا ماشي .. قلت دام انا قريب .. نمر على حقين السمبوسه العاديه عند ساحه الحمام الي ورى السوق ..

http://www.c5c6.com/File/1159731736.jpg

مريت هناك ! قلت خلنا نصور الحمام للربع (( :D )) ..

http://www.c5c6.com/File/1159731742.jpg

قلت بأكلهم .. بس طلعوا ماينعطون وجه ! ابي امسكهم واكلهم بيدي مب راضيين ! قلت حسافه فيكم ضياع الوقت تركتهم ورحنا لحبيبنا الرفيق حق السمبوسه ..

http://www.c5c6.com/File/1159731843.jpg

ناديناه وطلبت منه كم سمبوسه جاهزه للبيت ..

منها خضره .. ومنها جبن .. (( مكس )) ..

http://www.c5c6.com/File/1159731847.jpg

ها صديق كيف حالك : الحمد لله .. :strong

بس الصراحه لما كلناهم بالبيت (( في وقت الفطور اكيد ! )) طلع طعم الجبن مب شئ ابد ! اخترب اضاهر قام يحط جبن بو نص ريال ! وصاير طعمه ردئ ..

المهم نرجع لطلعتنا .. واحنا جايين ! .. نشوف لكم الاشارات الجديده الي حاطينها لنا البلديه صوب منطقه ثمامه !! وبهدلوا سكان الوكره المساكين ..:eek3:

http://www.c5c6.com/File/1159732202.jpg

عافسين الدنيا بس بيني وبينكم خففوا الزحمه بالاشاره ! .. عين العقل الي سووه ..

http://www.c5c6.com/File/1159732206.jpg

رحنا المسجد ..

زين اذن المغرب .. كبر المؤذن الله اكبر ..

سم بسم الله وعلى بكره الله .. وحط التمر وعلبه لبن قدامك وأكل ! ..

صلينا وخلصنا وردينا البيت ..

http://www.c5c6.com/File/1159732290.jpg

(( مسوي دعايه للمنتجات الوطنيه:funny: )) ..

ويازين الفيمتو والتمر واللبن وقت الفطور .. تحس انه تمره وحده ترجعك نشيط ! ..وتغنيك عن الفطور كله ..

بس تدرون الواحد من يشوف الاكل يقول ابي اكل حتى لو مو جوعان :D ..

زين صلينا المغرب وخلصنا ..

هنا الناس تنقسم قسمين !! ..

ناس تحب تفطر وهي تطالع تلفزيون ! ..

وناس تقول بلا هم بلا غيره !! التلفزيون بشهر رمضان ماايشتغل ابد .. !

دق علي واحد من الربع ..

ها المخلب وش حالك ..

والله بخير دامك بخير ..

قال قم تطلع ..

قلتله حاظرين .. مرني وله امرك ..

قال بمر عليك ..

مر علي .. وطلعنا نمشي على الكورنيش ..

وياحلاته الكورنيش الساعه 9 بالليل .. جو بديع .. لا رطوبه ولاغيره (( خاصه بهل يومين ))

والواحد لين صام .. وفطر يبي يمشي علشان يهضم ..

المشي مفيد .. لكن الي يتعب الواحد المناكر الي يشوفها قدامه ! ..

هالعرب للاسف الي جاوا عندنا ! (( مادري هم مسلمين ولالا )) كل وحده فاله الشعر وتتمشى على الكورنيش ولابسه مزلط ! ولا كان في حشمه للشهر الفضيل ..

طبعا مااناسى الاجانب من الاسيويات من البوفلبن وربعهم ..

للاسف الانجليز على حقارتهم لكنهم يلبسون احشم منهم ! ..

طبعا كلمن عليه بنفسه .. لكن المفروض فيه احترام لبلاد المسلمين ..

(( ومثل ماقالوا .. حريتك تنتهي مع تواجد الاخرين ! )) ..

زين ماعلينا .. قلتله دام احنا صوب الكورنيش .. شرايك أنكرك ..؟؟

قالي تم قدام ..

مرينا صوب كرك الشيرتون (( راس الشوعه ماغيره )) ..

وصورنالكم الصديق محمد فرناس ( والله مادري وش اسمه بالضبط بس كان هذا الي سمعته )) ..

http://www.c5c6.com/File/1159732288.jpg

ها صديق جيب 2 كرك ..

http://www.c5c6.com/File/1159732463.jpg

جلس الحبيب يسولف معنا .. على طاري السوالف سالفنا معه عن البورصه على الخفيف قلناله شرايك في بورصتنا ؟؟:deal:

يقول انه ناوي يدش البورصه .. :looking:

المهم الوقت تأخر ..

قالي خويي قم نروح شيشه .. نلعب بيلوت !! ..

قلتله يارجال صلى على النبي .. شهر رمضان وتضيع وقت بالشيشه ..

قطني البيت .. قطني البيت ..

وبسرعه على طول قلت قبل السحور وقبل كل شئ نقرى قرآن عسى الله يوفقنا دنيا واخره ..

http://www.c5c6.com/File/1159732553.jpg

حمدت الله وشكرته ...

تسحرتلي شئ خفيف .. وقلت يالله نستودعكم الله على امل اللقاء بكم ان شاء الله في القريب العاجل ..

حطيت راسي ورقد وانتهى هذا اليوم من ايام شهرنا الفضيل شهر رمضان ..

بالخير والعافيه ..

اتمنى ان يعجبكم الموضوع .. سامحوني على التصوير لان الكميرا كميرا جوال !

(( وذلك علشان مانزعل اخونا الزاجل – طلب موضوع وبسرعه بسرعه وماقدرنا الا ونصور بالجوال علشان السرعه - والموضوع صدقوني للاسف مختصر :( حبيت اضيف اشياء كثيره لكن مافي وقت ..وله كان ودنا نخليه موضوع متكامل .. لكن مالكامل الا وجهه .. تعالى .))

اهم شئ انه يحوز على رضى الجميع .. والله يعطيكم الصحه والعافيه ..

مره ثانيه سامحونا على القصور .. :o

اخوكم الـ 06 ــمخلب ..

تحياتي لكم :)..

المهاجر

01-10-2006, 11:08 PM

باين على موضوعك انه شيق الحين انا طالع ولما ارجع اقراه
يعطيك العافيه اخوي المخلب
ولي رجعه مره اخرى

ROSE

01-10-2006, 11:17 PM

تقرير عفوي ولا اروع يالمخلب

بصراحه روعه التقرير هههههههههههه والحمام ارووووووع شحلاتهم

اول مره ادري ان فيه مكان يتجمعون فيه الحمام هالكثر

اما بخصوص الشوارع والزحمه جان زين لو مصور لنا الزحمه

والعذاب اللي يصيد الواحد لما يروح شغله

والله الود وده يركب له طيارة :eek3:

يعطيك العافية يارب

بوحمد1

01-10-2006, 11:19 PM

الله يعطيــــــــــــــــك العافية أخوي المخلب وبصراحة شهادتي فيك مجروحة
(((((((((((((( طول عمرك مميز يامخلب ))))))))))))))

relaax

01-10-2006, 11:23 PM

تقرير عجيب :nice:

بس احلى شي عربانة الجمعيه ;)

{راشد}

01-10-2006, 11:38 PM

مشااااءالله

تقرير مميز وحلو,,,,

يعطيك العافيه

abo rashid

01-10-2006, 11:47 PM

الصراحة تقرير و لا اروع من كذية
يعطيك العافية اخوي و انشوفك معرس لابس البشت

abo rashid

01-10-2006, 11:48 PM

http://www.c5c6.com/File/1159731284.jpg
حفاضة حق منو

jajassim

01-10-2006, 11:57 PM

موضوع جميل ومرتب ومنسق بأسلوب ممتع وشيق

ماشاء الله كل شيء مفصل

والله تصلح حق التحريات

وهلا بك أخوى الغالي المخلب

jajassim

01-10-2006, 11:58 PM

http://www.c5c6.com/File/1159731284.jpg
حفاضة حق منو

crazy crazy crazy

;)

خاربه خاربه

02-10-2006, 12:09 AM

ما شاء الله عليك موضوعك رائع من قلب مو مجامله والله:strong

والحمام حلو عجبني واااااااايد :dance

ويعطيك العافيه يارب موضوع رائع من شخص مبدعنا دوووووووووم:D

والف شكر لك لأسلوبك الرائع:strong

المحبووووب

02-10-2006, 12:29 AM

الله يعطيــــــــــــــــك العافية أخوي المخلب

المهاجر

02-10-2006, 12:46 AM

حلوو حلوووووو يالمخلب
تقرير وااااااايد روووعه;)
عاد ما خليت شي طلعت كل الفضايح الحين من بينا في اجازة العيد:looking:
تعااااااااال باااااااااااقوووووووولك:deal:
كرررررررررررك وعصيررررررررر بوووووو ننننننننننننص:con2:

http://www3.0zz0.com/2006/10/01/21/62310889.jpg

يعطيك العافيه

winer57

02-10-2006, 01:30 AM

[
بسم الله ماشاء الله
نرجوا المزيد من هذي التقارير الرائعة عن دوحتنا الجميلة رغم كل مافيها من عفسة أخوي المخلب
مع تقديرنا لك[/CENTER]

ابن بطوطه

02-10-2006, 02:38 AM

http://www.city-love.com/up/Pictures/citylove/f2b2138ac5.gif

الرميحي

02-10-2006, 07:27 AM

فظييييييييييييييييييييييييع التقرير يا المخلب

http://www.syrialine.com/photos/smiles/data/22/36_1_391.gifhttp://www.syrialine.com/photos/smiles/data/22/36_1_391.gif

khaldoon

02-10-2006, 07:29 AM

ما شاء الله عليك يا المخلب
تقرير رائع ومتعوب عليه وجهد واضح مثل ما عودتنا دائما
احييك لانك شاركتنا في يوم من ايامك في الشهر الفضيل اعاده الله عليك وعلى الجميع بالخير والبركات
بانتظار جديدك دائما ...الله يعطيك الصحه والعافيه...بس تعرف اجمل شيء في التقرير....انك مثلي ايام الجامعه ما احتوى على اي وقت للمذاكره ههههههههههههههههههههه

قطر الندى

02-10-2006, 08:16 AM

موضوع حلو وسرد ممتع ويعطيك العافيه

http://www.syrialine.com/photos/smiles/data/15/a6rb_116.gif

A.L.I

02-10-2006, 08:22 AM

يعطيك العافية اخوي

Qa6ar

02-10-2006, 08:23 AM

يعطيك العافيه اخوي المخلب

غزلان

02-10-2006, 08:31 AM

موضوع ولا احلى اخوي المخلب

تسلم ويعطيك العافيه

M O 7 A M M E D

02-10-2006, 09:37 AM

ما شاء الله عليك اخوي المخلب طول عمرك مميز في طرحك للمواضيع ..

احييك على التقرير الرائع ..

والله يعطيك الصحة والعافية .. :)

_QTR_

02-10-2006, 09:52 AM

يعطيك العافيه

موضوع جميل ومميز

حفاضة حق من ???

المخلب

02-10-2006, 01:52 PM

باين على موضوعك انه شيق الحين انا طالع ولما ارجع اقراه
يعطيك العافيه اخوي المخلب
ولي رجعه مره اخرى

حياك الله دوم وناطرين ردك :)

المخلب

02-10-2006, 01:54 PM

تقرير عفوي ولا اروع يالمخلب

بصراحه روعه التقرير هههههههههههه والحمام ارووووووع شحلاتهم

اول مره ادري ان فيه مكان يتجمعون فيه الحمام هالكثر

اما بخصوص الشوارع والزحمه جان زين لو مصور لنا الزحمه

والعذاب اللي يصيد الواحد لما يروح شغله

والله الود وده يركب له طيارة :eek3:

يعطيك العافية يارب

الف الف الف شكر لك اختي روز .. وتسلمين على هل الطله هذي :)

المخلب

02-10-2006, 01:56 PM

الله يعطيــــــــــــــــك العافية أخوي المخلب وبصراحة شهادتي فيك مجروحة
(((((((((((((( طول عمرك مميز يامخلب ))))))))))))))

عزيز وغالي شهادتك وسام على صدري .. تحياتي لك .. وان شاء الله تشوفون المواضيع الجديده اول باول ..

تحياتي لك :)

المخلب

02-10-2006, 01:58 PM

تقرير عجيب :nice:

بس احلى شي عربانة الجمعيه ;)

تسلم والله ..

اهم شئ اعجبك :eek2:

بخصوص العربانه .. احم احم .. نقزر وقت ترى :funny:

المخلب

02-10-2006, 02:00 PM

مشااااءالله

تقرير مميز وحلو,,,,

يعطيك العافيه

المميز انت .

تسلم والله .. واشكرك على التبادل .. :nice: تحياتي لك .

المخلب

02-10-2006, 02:03 PM

الصراحة تقرير و لا اروع من كذية
يعطيك العافية اخوي و انشوفك معرس لابس البشت

ان شاء الله omen ..

والله يعافيك واشكرك على المرور :) والاضافه الحلوه ..

حفاضة حق منو

:looking: :looking: لاخوي الصغير .. :funny:

المخلب

02-10-2006, 02:05 PM

موضوع جميل ومرتب ومنسق بأسلوب ممتع وشيق

ماشاء الله كل شيء مفصل

والله تصلح حق التحريات

وهلا بك أخوى الغالي المخلب

تحريات مره وحده :looking: :looking: :funny: omen

عزيز وغالي ياجاسم .. واشكرك على المرور والاضافه الروعه :shy:

تحياتي لك :)

الزاجل

02-10-2006, 02:07 PM

:dance :dance :dance

موضوع ربشة بصراحة

تقرير مصور من بداية خروجك من البيت والمرور في الشوارع

بس كان ناقصه صورة سريرك :funny:

يعطيك العافية يا المخلب ..

تقرير محترم وشغل يد :looking:

هذا اللي احنا نطالب فيه ان التقارير او المواضيع تكون انتاج يدوي
بعيد عن الكوبي والبيست ..

وانت وفيت بالغرض وبالتوفيق لك وللجميع في التصويت ..

الزاجل

02-10-2006, 02:09 PM

يعطيك العافيه

موضوع جميل ومميز

حفاضة حق من ???

هاهاها
ضحكني اللي كان قاعد معاي
يوم اني ركزت على الحفاظة قال لي
الظاهر متزوج قلت له ما ادري :funny:

طلع حق اخوه
كوتشي كوتشي كوووووتشي
ربنا يخليه لهم ويطرح فيه البركة ..

المخلب

02-10-2006, 02:09 PM

ما شاء الله عليك موضوعك رائع من قلب مو مجامله والله:strong

والحمام حلو عجبني واااااااايد :dance

ويعطيك العافيه يارب موضوع رائع من شخص مبدعنا دوووووووووم:D

والف شكر لك لأسلوبك الرائع:strong

الف شكر وتحيه لك اختي القطوه خاربه .. :nice:

اشكرك على المرور والتعقيب الرائع هذا .. والله يعطيج طولت العمر ان شاء الله

تحياتي لك ..

(( ونااااااطرين يوممممك :deal: )) .. :eek2:

المخلب

02-10-2006, 02:12 PM

الله يعطيــــــــــــــــك العافية أخوي المخلب

الله يعافييييك .. شاكرلك مرورك .. :)

المخلب

02-10-2006, 02:15 PM

حلوو حلوووووو يالمخلب
تقرير وااااااايد روووعه;)
عاد ما خليت شي طلعت كل الفضايح الحين من بينا في اجازة العيد:looking:
تعااااااااال باااااااااااقوووووووولك:deal:
كرررررررررررك وعصيررررررررر بوووووو ننننننننننننص:con2:

http://www3.0zz0.com/2006/10/01/21/62310889.jpg

يعطيك العافيه

ههههههه .. زين انك مريت وقريته خفت تمشي ولا ترد علي :eek2:

اما الفضايح صدقني بعد هل التقرير بتتصلح الشوارع .. افا عليك بس :deal: ..

الكرك اي بس عصير بو نص هذا الظاهر طلب السوداني الي بالسياره الثانيه :looking:

(( خخخخخ الواحد لين جاء يصور يبله يشيل الاخطاء السبعه قبل مايحط شئ :funny: )) ..

تحياتي لك وشاكرلك المرور الكريم ..

يابعدهم كلهم

02-10-2006, 02:17 PM

يعـطــيك العافيـه اخوي المخــلــــب

ما شاء الله عليك تقرير رائع وممــتـــع :nice:

:) :)

المخلب

02-10-2006, 02:20 PM

[
بسم الله ماشاء الله
نرجوا المزيد من هذي التقارير الرائعة عن دوحتنا الجميلة رغم كل مافيها من عفسة أخوي المخلب
مع تقديرنا لك[/CENTER]

تحياتي لك .. والله لو علي كان كل يوم تقرير بس شسوي والله التصوير والتفكير بالمواضيع يتعب .. مو مجرد تعال وصور .. لازم في هدف من التصوير :) ..

لكن على العموم مثل ماوعدناكم وان شاء الله نتم وافيين به .. كل جديد وكل مفيد يوصلكم .. بعون الله ..

والف شكر للكل ..

المخلب

02-10-2006, 02:23 PM

http://www.city-love.com/up/Pictures/citylove/f2b2138ac5.gif

والله فرحتني .. تدري لو انك مب راد على تقريري انت بذات كنت بزعل !! ..

مدري ليه حطيت الموضوع وجلست اقول ان مارد علي ابن بطوطه بزعل عليه !!

وسبحان الله .. ماشوف الا ردك موجود :eek2: ..

عزيز وغالي يا بطوطه .. وتحياتي لك ..

المخلب

02-10-2006, 02:27 PM

فظييييييييييييييييييييييييع التقرير يا المخلب

http://www.syrialine.com/photos/smiles/data/22/36_1_391.gifhttp://www.syrialine.com/photos/smiles/data/22/36_1_391.gif

حاظرين للطيبين .. :nice: ..

تستاهلون .. افا عليك بس ..:nice:

تحياتي لك .. :)

المخلب

02-10-2006, 02:29 PM

ما شاء الله عليك يا المخلب
تقرير رائع ومتعوب عليه وجهد واضح مثل ما عودتنا دائما
احييك لانك شاركتنا في يوم من ايامك في الشهر الفضيل اعاده الله عليك وعلى الجميع بالخير والبركات
بانتظار جديدك دائما ...الله يعطيك الصحه والعافيه...بس تعرف اجمل شيء في التقرير....انك مثلي ايام الجامعه ما احتوى على اي وقت للمذاكره ههههههههههههههههههههه

عزيز وغالي يالمميز ..دائما اخونا خلدون :nice:

الله يعافيك وسامحنا على القصور .. :shy:

اما على طاري الجامعه .. يارجال خلها مستوره :funny:

المخلب

02-10-2006, 02:29 PM

موضوع حلو وسرد ممتع ويعطيك العافيه

http://www.syrialine.com/photos/smiles/data/15/a6rb_116.gif

الله يسعدك ان شاء الله .. :shy:

تسلمين على المرور :)

المخلب

02-10-2006, 02:31 PM

يعطيك العافية اخوي

الله يعافيك ...

:) ..

تحياتي لك ..

المخلب

02-10-2006, 02:33 PM

يعطيك العافيه اخوي المخلب

الله يعافيك .. شاكرلك المرور الطيب ذا ..:)

المخلب

02-10-2006, 02:34 PM

موضوع ولا احلى اخوي المخلب

تسلم ويعطيك العافيه

الله يعافيك .. اهم شئ انه اعجبكم ..:)

المخلب

02-10-2006, 02:35 PM

ما شاء الله عليك اخوي المخلب طول عمرك مميز في طرحك للمواضيع ..

احييك على التقرير الرائع ..

والله يعطيك الصحة والعافية .. :)

احرجتني يااخوي :shy: :shy: :shy:

انا الي احييك على التكرم والمرور الطيب ذا ..

والله يحفظك ان شاء الله :) ..

تحياتي لك ..

المخلب

02-10-2006, 02:37 PM

يعطيك العافيه

موضوع جميل ومميز

حفاضة حق من ???

الله يعافيك .. :) ..

حق اخوي الله يسلمك :) ..

المخلب

02-10-2006, 02:44 PM

:dance :dance :dance

موضوع ربشة بصراحة

تقرير مصور من بداية خروجك من البيت والمرور في الشوارع

بس كان ناقصه صورة سريرك :funny:

يعطيك العافية يا المخلب ..

تقرير محترم وشغل يد :looking:

هذا اللي احنا نطالب فيه ان التقارير او المواضيع تكون انتاج يدوي
بعيد عن الكوبي والبيست ..

وانت وفيت بالغرض وبالتوفيق لك وللجميع في التصويت ..

بغيت اصور السرير بعدين قلت stop :funny: ..

واهم شئ اني اكون واحد من الـ نومونيه <<< حلوه هذي النمونيه .. :eek2:

والباقي على الله ثم على تصويتات الربع والشباب ..

اشكرك على المرور الكريم .. وتحياتي لك :app:

المخلب

02-10-2006, 02:46 PM

هاهاها
ضحكني اللي كان قاعد معاي
يوم اني ركزت على الحفاظة قال لي
الظاهر متزوج قلت له ما ادري :funny:

طلع حق اخوه
كوتشي كوتشي كوووووتشي
ربنا يخليه لهم ويطرح فيه البركة ..

اظاهر متزوج افا تشكووون فيني :eek3: :eek3: :eek3: :eek:

ههههه الواحد يبيله يسويله رفريش للاشياء الي يصورها .. :funny:

:) :) :) :) :) :) :) :) :) :)

المخلب

02-10-2006, 02:46 PM

يعـطــيك العافيـه اخوي المخــلــــب

ما شاء الله عليك تقرير رائع وممــتـــع :nice:

:) :)

الامتع شوفتك بموضوعي ..

واشكرك على المرور والتعقيب الحلو ذا ..

تحياتي لك .. اخوك المخلب :)

شمعة الحب

02-10-2006, 02:57 PM

موضوع فضيع وحلووووووووو مره :D اخوي المخلب بس وينك انت ولاصوره لك http://www.osrty.com/smile/images/osrty112.gif ماتم هندي ولاشارع في الدوحة للتصليح ماصورته.....:eek2: الرسته يخوك شوارع جديده وكلها مطبات تحس السياره صايدتها نفضه:anger1: ..كل يوم اقتاض على السائق انت ليش ماتمشي عدل يقولي هذا شارع مافيه سيده:confused: .... عنبوك شارع رستته جديده وكل شوي في مطبه عجبي :deal: عاااد عاااااد انا ايه لين صورت لي شي وحبيت انزل الموضوع اول صورة بارزها صورتي http://www.osrty.com/smile/images/osrty109.gif . يعطيك العافيه ..وتسلم الايادي ..:nice:

خاربه خاربه

02-10-2006, 03:58 PM

الف شكر وتحيه لك اختي القطوه خاربه .. :nice:

اشكرك على المرور والتعقيب الرائع هذا .. والله يعطيج طولت العمر ان شاء الله

تحياتي لك ..

(( ونااااااطرين يوممممك :deal: )) .. :eek2:

http://upd.ara10.com/uploads/7367768df2.gif (http://upd.ara10.com/)

لاداعي

02-10-2006, 06:53 PM

الله يعطيــــــــــــــــك العافية أخوي المخلب على التقرير الرائع وفيه العافيه ((بخصوص السمبوسه))

المخلب

02-10-2006, 09:55 PM

موضوع فضيع وحلووووووووو مره :D اخوي المخلب بس وينك انت ولاصوره لك http://www.osrty.com/smile/images/osrty112.gif ماتم هندي ولاشارع في الدوحة للتصليح ماصورته.....:eek2: الرسته يخوك شوارع جديده وكلها مطبات تحس السياره صايدتها نفضه:anger1: ..كل يوم اقتاض على السائق انت ليش ماتمشي عدل يقولي هذا شارع مافيه سيده:confused: .... عنبوك شارع رستته جديده وكل شوي في مطبه عجبي :deal: عاااد عاااااد انا ايه لين صورت لي شي وحبيت انزل الموضوع اول صورة بارزها صورتي http://www.osrty.com/smile/images/osrty109.gif . يعطيك العافيه ..وتسلم الايادي ..:nice:

افا عليج بغيت اطلع بصوره !! بس قلت لاء وين .. خبرج خرابيط النت وبلاويه :eek2:

اما الشوارع فان شاء الله اذا الله اراد بنشوفهم عدلوها .. :funny: بس متى الله اعلم ؟:looking:

ناطرين نشوف صورتج ;) ..:strong :strong :strong يا سووبر شمعه :strong :strong

وتحياتي لج مسيو شمعه .. :)

المخلب

02-10-2006, 09:55 PM

http://upd.ara10.com/uploads/7367768df2.gif (http://upd.ara10.com/)

:D :D :D

المخلب

02-10-2006, 09:56 PM

الله يعطيــــــــــــــــك العافية أخوي المخلب على التقرير الرائع وفيه العافيه ((بخصوص السمبوسه))

الله يعافيك .. :) واشكرك على المرور يالغلا .. :strong

سراب الامل

02-10-2006, 11:22 PM

مشاءالله عليك تقرير يومي رائع جدا اخوي المخلب يعطيك يارب الف عافيه :D

الصور اللي حطيتها هي صور يوميه لي كل يوم اشوفها ولا من اقلبوا شارع المطار واعتفس كله صوب والشاحنات اللي صارت تلوث بشوارعنا صوب ثاني :mad:

بصراحه شارع المطار صار يخرع بسبة هالشاحنات :eek3:

خاطري بس امر على شارع ماتكون فيه حفريات والقهر تشوف الشارع شحلاته وانت ماشي ماتوعى الا حاطين لك هذاك العلم الاحمر والهندي اللي يأشر بالعلم يمين ويسار بوسط الشارع تعال شوف الربكه اللي تصير بالشارع :anger2:

طولنا عليك بس تقريرك والصور ضرب على الوتر الحساس والمعاناه اللي اعانيها كل يوم الصبح crazy

المخلب

03-10-2006, 12:22 AM

مشاءالله عليك تقرير يومي رائع جدا اخوي المخلب يعطيك يارب الف عافيه :D

الصور اللي حطيتها هي صور يوميه لي كل يوم اشوفها ولا من اقلبوا شارع المطار واعتفس كله صوب والشاحنات اللي صارت تلوث بشوارعنا صوب ثاني :mad:

بصراحه شارع المطار صار يخرع بسبة هالشاحنات :eek3:

خاطري بس امر على شارع ماتكون فيه حفريات والقهر تشوف الشارع شحلاته وانت ماشي ماتوعى الا حاطين لك هذاك العلم الاحمر والهندي اللي يأشر بالعلم يمين ويسار بوسط الشارع تعال شوف الربكه اللي تصير بالشارع :anger2:

طولنا عليك بس تقريرك والصور ضرب على الوتر الحساس والمعاناه اللي اعانيها كل يوم الصبح crazy

:D :D :D :strong ..

اي والله الهندي والعلم الاحمر والي يقهر يتمون سنتين ومب عارفين وش يسوون !! .. :deal:

وبالاخير بعد التعديل يرجع الشارع مثل ماكان ولا كأن شئ صار :eek3: .. crazy crazy crazy ..

على العموم الف الف شكر لك اختي سراب .. :) ..

وتحياتي لك .

خباز أفندي

03-10-2006, 12:40 AM

ما شاء الله عليك موضوع فعلا رائع جدا

يعطيك العافيه على المجهود الكبير

المخلب

03-10-2006, 12:47 AM

ما شاء الله عليك موضوع فعلا رائع جدا

يعطيك العافيه على المجهود الكبير

الله يعافيك .. :D .. وتحياتي لك .. :)

السوداني

03-10-2006, 01:51 AM

ماشالله عليك مواضيعك دوم مميزه ياالمميز

الله يعينا على الحفريات باقي شهرين على الاسياد

وللحين الحفريات موجوده اتوقع يبيلنا 20 سنه عشان تصير شوراعنا مكتمله

شمعة الحب

03-10-2006, 02:04 AM

افا عليج بغيت اطلع بصوره !! بس قلت لاء وين .. خبرج خرابيط النت وبلاويه :eek2:

اما الشوارع فان شاء الله اذا الله اراد بنشوفهم عدلوها .. :funny: بس متى الله اعلم ؟:looking:

ناطرين نشوف صورتج ;) ..:strong :strong :strong يا سووبر شمعه :strong :strong

وتحياتي لج مسيو شمعه .. :)

شباب وتخافون من النت ..:deal: ويه صورتي بتكون بغشوه صبر بس لاتخرع شوف نهاية موضوعي:nice:

بوخالد2

03-10-2006, 02:10 AM

يعطيك العافيه على التقرير الحلو يالمخلب

بـوصـالـح

03-10-2006, 06:03 AM

ما شاء الله عليك يالمخلب

10 على 10 على هالمواضيع الحلوه

(( اما سالفة الشوارع )) الله يصبرنا بس

(( انا اعتزلت الدوحه من بعد المغرب ))

ما ادري ايش الحكمه من تعديل جميع شوراع الدوحه في وقت واحد (( حتى شوارع الفرجان كسروووها ))

ويعطيك العافيه على هاليوم الرمضاني المميز (( ولا تكثر سمبوسه من المحلات ذيله ))

المخلب

03-10-2006, 01:52 PM

ماشالله عليك مواضيعك دوم مميزه ياالمميز

الله يعينا على الحفريات باقي شهرين على الاسياد

وللحين الحفريات موجوده اتوقع يبيلنا 20 سنه عشان تصير شوراعنا مكتمله

عزيز وغالي يالغلا .. والله يكون بعون الشوارع :funny: ..

المخلب

03-10-2006, 01:56 PM

شباب وتخافون من النت ..:deal: ويه صورتي بتكون بغشوه صبر بس لاتخرع شوف نهاية موضوعي:nice:

:nice: :nice: :nice: :nice: :nice:

المخلب

03-10-2006, 01:58 PM

يعطيك العافيه على التقرير الحلو يالمخلب

الله يعافيك :D

المخلب

03-10-2006, 02:01 PM

ما شاء الله عليك يالمخلب

10 على 10 على هالمواضيع الحلوه

(( اما سالفة الشوارع )) الله يصبرنا بس

(( انا اعتزلت الدوحه من بعد المغرب ))

ما ادري ايش الحكمه من تعديل جميع شوراع الدوحه في وقت واحد (( حتى شوارع الفرجان كسروووها ))

ويعطيك العافيه على هاليوم الرمضاني المميز (( ولا تكثر سمبوسه من المحلات ذيله ))

:D :D :D :D :D :D

الله يعافيك .. :nice:

احرجتنا يااخي :strong

الف شكر لك على المرور .. وان شاء الله الجايات احلى واحلى

تحياتي لك .. :)

حورية

04-10-2006, 02:52 AM

الله ايعافيك يا مخلب وبصراحة موضوعك روعة كأن قاعد تتكلم عن مأساتي اليومية في الزحمة واهم شي صدناك ساكن بالثمامة او المطار وهي فعلا منطقة حلوة بس دمروها الحين والله يعطيك العافية

alanood

04-10-2006, 04:13 AM

ماشالله عليك سرد مشوق للقصه و مثير الله يعطيك العافيه تصلح ااقصص البوليسيه و معاك نمر وردي

alkaabi

04-10-2006, 12:22 PM

ابدعت يا المخلب ....

ماشاء الله عليك موضوعك روعة بصراحة

يعطيك الف عافية

المخلب

04-10-2006, 10:31 PM

الله ايعافيك يا مخلب وبصراحة موضوعك روعة كأن قاعد تتكلم عن مأساتي اليومية في الزحمة واهم شي صدناك ساكن بالثمامة او المطار وهي فعلا منطقة حلوة بس دمروها الحين والله يعطيك العافية

الف شكر لك على المرور الطيب :) ..

تحياتي لك ..

المخلب

04-10-2006, 10:39 PM

ماشالله عليك سرد مشوق للقصه و مثير الله يعطيك العافيه تصلح ااقصص البوليسيه و معاك نمر وردي

الله يعافيك يا العنود .. وتحياتي لك .. :nice:

المخلب

04-10-2006, 10:41 PM

ابدعت يا المخلب ....

ماشاء الله عليك موضوعك روعة بصراحة

يعطيك الف عافية

الله يعافيك ..

وهذا الابداع كله بفضل الله ثم بفضل الشباب الطيبين امثالكم .. :)

تحياتي لك .. :)

الخطاب

11-10-2006, 11:18 PM

شغل عدل يالمخلب

يعطيك العافية على هال الموضوع

المخلب

11-10-2006, 11:36 PM

شغل عدل يالمخلب

يعطيك العافية على هال الموضوع

الله يعافيك .. واشكرك على ردك مع انه متأخر :court: :D