إدارة سوق واقف؟!

[Dana’1]

السلام عليكم
من المسؤل عن إدارة سوق واقف؟!
بصراحه ملاحظتين شفتها بنفسي و ما أتوقع أبدا إنها تمثل الموروث الديني و الثقافي للدولة
الأولى قبل سنه أو سنتين تقريبا صادف وجودي وقت أذان العشاء و الله إن الأذان يرفع و الفرقه تدور بمعازفها بنفس الوقت حتى مو بين الأذان و الاقامه .. ليش كل هذا معقوله الإدارة ما تعرف مواقيت الصلاة؟! طيب مايسمعون الأذان ليش ما وقفوها… اغلب المحلات التجاريه بالمجمعات يشغلون الموسيقى بس يرفع الأذان يسكرونها هذا وهم أجانب من الفلبين و الهند بس عارفين الضوابط
و اللي بسوق واقف ما أعرف جنسيتهم المشرفين عليه بس أشوف اللي يبارون الفرق من يمين و يسار رجال بالزي القطري ومعهم اللاسلكي
*****وبصراحه ما أجي كثير لسوق واقف بأوقات الصلاة فما أعرف هو حدث بشكل عارض أو هو بشكل دائم في حال وجود المهراجانات فيه

و الثانيه من زمان موجوده طبعا لكن أمس الجمعه لأن كنت هناك إلا اللي صوب المطاعم ردوا الشيشه أو المعسل أو الأركيله الخ من المسميات
و المكان ممر ضيق مليان بالعوائل من مواطنين و عرب و غيرهم أطفال و كبار سن
و المدخنين ينفخون من يمين و من يسار شي سيجار شكبر
و الريحة حشره
يعني لاهو رمز للبلد عشان يسمحون فيه بمكان مثل سوق واقف
و اللي يشوفها من الحقوق ..طيب وين حقوق الغير مدخنين ليش ما يمنعونها من سوق واقف .. الناس بتجي لسوق واقف لأن معلم و سوق عريق في البلد مو محتاجين للتدخين بكل*أنواعة عشان يستقطبون الزوار بمثل هالمطاعم اللي تقدم الأرجيله
حتى المطاعم الناس بتجيها وفود بعد الإجتماعات ينعزمون هناك و السياح يحبون يجربون الأكل بالأماكن التراثيه و نشوفهم عن المطاعم الشعبيه
فليش يعني إلا دخان و بها المكان؟!!
** غير ان العالم ما تجاوز جائحة كارونا مازال فيه حالات والمتعافين ممكن يتضررون من هالشي
اذا الي مافيه شي ينكتم و يتضرر صدره كيف هم أصحاب الحساسيه و المشكلات الصحيه الثانيه

أتمنى منع التدخين بجميع أنواعه بسوق واقف

[khaldoon]

متفق معاكي انه الوضع الحالي غير مقبول و يبيله ضوابط ...... هو وضع السوق كأنه منقسم الى قسمين رئيسيين.... قسم الاراجيل و الشيش في كل مكان و طوابير و زحمة و لا يمثل اي شي له علاقة بالتراث ... بل هو منطقة سياحية فقط موجوده في سوق واقف و هي سبب انتعاش هذا السوق شئنا ام ابينا و القسم الثاني هو سوق واقف الشعبي المغطى الحقيقي و اللي يمثل التراث و في قسم ثقافي جميل قليل الزوار لاننا شعوب تهرب من الثقافة

[Dana’1]

مرحبا خلدون
وين الحين يروحون يصورون بالمكتبه الوطنيه بصراحه كانت روعه الصور
لكن حتى لو أننا شعوب تهرب من الثقافه … الشعوب تضبطها القوانين و النظام المفروض من الدوله وكل دوله و قوانينها
و إذا على السياح و اللي داخل البلاد مو لازم كلهم يدخلون المكان الثقافي لأن مش من اهتمامهم التفاصيل يكفيهم اللي يشوفونه بالسوق نفسه عشان المحلات المتنوعه و مطاعمة وجلساته تفتح النفس .. لو ماكانت كذا ماكان شفنا السياح و الناس زحمة عند أم عبدالعزيز و اللي حولها الله يبارك لهم في رزقهم
ما عندهم أرجيلة والناس تجلس و تسولف بهالبرد و تحت هالسدرة .. وحتى داخل المطاعم اللي تقدم الشيشه بساحتها الخارجيه تكون مليانه داخل من الزوار يعني ما افتكروا بالأرجيله .. ما أظن بيتعطل شغلهم عشانها

****ما كتبت عن الدخان بسوق واقف إلا يوم شفت منظر اللي ينفخون الدخان بوجيه الماره و بعضهم أطفال ينفخ بوجهه حرفيا و الطفل مار من يمهم مش جالس معهم و المكان مليان أطفال
**ضروري يضبطون الوضع

[سالم الزهران]

الحل في منع التدخين في المكان المفتوح، مع ان المكان الخارجي حتى للجلسة ما يصلح مقابل الرايح والجاي.
موضوعك يا دانه يبي له خطبة جمعة مش بس موضوع في منتدى.. لكن خطباء ماميش

[Rider]

للأسف ياختي مع اقتراب كأس العالم بتشوفين لي عمرك ماشفتيه اهم شي أثناء كأس العالم نسمع الأذان مب يتم منع رفع الأذان ويكون الأذان داخلي علشان لا يخافون الاجانب اما التدخين ومشتقاته امحق كسب من ورى ضر تضر فيه نفسك والآخرين غير موضوع انه محرم

[Dana’1]

الحل في منع التدخين في المكان المفتوح، مع ان المكان الخارجي حتى للجلسة ما يصلح مقابل الرايح والجاي.
موضوعك يا دانه يبي له خطبة جمعة مش بس موضوع في منتدى.. لكن خطباء ماميش

مرحبا سالم
المكان الخارجي حلو بالهواء الطلق في جلسات صاده عن عيون الرايح و الجاي للي مايبغى يتفرج عليهم و يتفرجون عليه.. مع إن محد صوب أحد بالغالب.. مرات أشوف عجايز و شيبان يجلسون في مثل هالأماكن وماغير من سترهن شي اللي بالبطوله و اللي بالبرقع يجون مع عيالهم .و أحفادهم .. وطبعا اللي مايحب مثل هالأماكن براحته هو في سعه من أمره

[Dana’1]

للأسف ياختي مع اقتراب كأس العالم بتشوفين لي عمرك ماشفتيه اهم شي أثناء كأس العالم نسمع الأذان مب يتم منع رفع الأذان ويكون الأذان داخلي علشان لا يخافون الاجانب اما التدخين ومشتقاته امحق كسب من ورى ضر تضر فيه نفسك والآخرين غير موضوع انه محرم

مرحبا رايدر
يجوز بسبب 2022 كاس العالم .. مع العلم انه هالشي موجود من زماان من أول ما صار ترميم للسوق و ضبطوه تقريبا
لكن أغرب شي سمعته أو قرأته و بصراحة مو متأكده منه .. اللي هو مايقدرون يشيلون تكرمون الكلاب الضاله عشان حقوق الحيوان .. طيب وين حقوق الأنسان و الأطفال عن هالموضوع الكلاب مهدرده بالأحياء السكنيه
مع إن فيه طرق كثيره لحصر الأعداد بعيد عن قتلها و أنهم يشيلونها من الأحياء السكنيه.
و الله يعين إذا كل شي عشان هالكاس .

[Rider]

مرحبا رايدر
يجوز بسبب 2022 كاس العالم .. مع العلم انه هالشي موجود من زماان من أول ما صار ترميم للسوق و ضبطوه تقريبا
لكن أغرب شي سمعته أو قرأته و بصراحة مو متأكده منه .. اللي هو مايقدرون يشيلون تكرمون الكلاب الضاله عشان حقوق الحيوان .. طيب وين حقوق الأنسان و الأطفال عن هالموضوع الكلاب مهدرده بالأحياء السكنيه
مع إن فيه طرق كثيره لحصر الأعداد بعيد عن قتلها و أنهم يشيلونها من الأحياء السكنيه.
و الله يعين إذا كل شي عشان هالكاس .

مثل ماقلتي اختي وأنتي بكرامة حتى الكلاب الضالة مايقدرون يشلونها علشان حقوق الحيوان وايضا لو تشوفين حتى خدم المنزل كل يوم يطلعون لنا شي علشان حقوق العمال انا اقول وين حقوق القطري

[khaldoon]

مثل ماقلتي اختي وأنتي بكرامة حتى الكلاب الضالة مايقدرون يشلونها علشان حقوق الحيوان وايضا لو تشوفين حتى خدم المنزل كل يوم يطلعون لنا شي علشان حقوق العمال انا اقول وين حقوق القطري

بسبب حقوق العمال اللي صار العمال يستغلونها ضد الكفيل لغيت فكرة استقدام خادمة للبيت..... ادفع 15000 الف و بعدين تهرب و ما تكمل .... وين حقوقي ككفيل؟..... وقفت الخدم من اول هذه السنة بعد ما هربت الخادمة بعد شغل سنة واحده فقط .... لا للخدم بعد اليوم.... احضر كل اسبوع خادمة او اثنتين ينظفون البيت خمس ساعات و خلااااااااص كافي جدا

[khaldoon]

مرحبا خلدون
وين الحين يروحون يصورون بالمكتبه الوطنيه بصراحه كانت روعه الصور
لكن حتى لو أننا شعوب تهرب من الثقافه … الشعوب تضبطها القوانين و النظام المفروض من الدوله وكل دوله و قوانينها
و إذا على السياح و اللي داخل البلاد مو لازم كلهم يدخلون المكان الثقافي لأن مش من اهتمامهم التفاصيل يكفيهم اللي يشوفونه بالسوق نفسه عشان المحلات المتنوعه و مطاعمة وجلساته تفتح النفس .. لو ماكانت كذا ماكان شفنا السياح و الناس زحمة عند أم عبدالعزيز و اللي حولها الله يبارك لهم في رزقهم
ما عندهم أرجيلة والناس تجلس و تسولف بهالبرد و تحت هالسدرة .. وحتى داخل المطاعم اللي تقدم الشيشه بساحتها الخارجيه تكون مليانه داخل من الزوار يعني ما افتكروا بالأرجيله .. ما أظن بيتعطل شغلهم عشانها

****ما كتبت عن الدخان بسوق واقف إلا يوم شفت منظر اللي ينفخون الدخان بوجيه الماره و بعضهم أطفال ينفخ بوجهه حرفيا و الطفل مار من يمهم مش جالس معهم و المكان مليان أطفال
**ضروري يضبطون الوضع

كلامك صحيح...... هو سوق واقف ينفع لكل الاطياف اللي ذكرتيها .....بس فعلا لازم وقفة بخصوص اخر عبارة قولتيها.... التدخين السلبي و خصوصا على الاطفال..... اعتقد افضل شي هو انهم يخصصون مكان خاص لكل المطاعم و المقاهي اللي فيها اراجيل و شيشة.... يعني ما يروح جهتها احد الا اللي ناوي يشيش....مب تكون في الطريق العام

[سعود.]

كلامك صحيح...... هو سوق واقف ينفع لكل الاطياف اللي ذكرتيها .....بس فعلا لازم وقفة بخصوص اخر عبارة قولتيها.... التدخين السلبي و خصوصا على الاطفال..... اعتقد افضل شي هو انهم يخصصون مكان خاص لكل المطاعم و المقاهي اللي فيها اراجيل و شيشة.... يعني ما يروح جهتها احد الا اللي ناوي يشيش....مب تكون في الطريق العام


( المدخن السلبي ) هنا النقطة

المشكلة اغلب المطاعم معتمدة ع الشيشة للاسف . ويدرون لو ادارة السوق منعتها راح يقل الزبائن

الله يعين بس

[Dana’1]

مثل ماقلتي اختي وأنتي بكرامة حتى الكلاب الضالة مايقدرون يشلونها علشان حقوق الحيوان وايضا لو تشوفين حتى خدم المنزل كل يوم يطلعون لنا شي علشان حقوق العمال انا اقول وين حقوق القطري

هذا باب ثاني لو فتحنا مواضيع ما خلصنا منه و السفاره الفلبينيه ماهي هينه
و الفلبينيات عندهم صفحه بالفيس بوك كلن يخرب الثاني على مود حقوق و غيرها
مو مشكله اذا هالحقوق مكتوبه بالعقد اللي يوقعه المقدم على الطلب معناته راضي بالشروط والله يوفقهم
هذا باب لو بنتكلم فيه ماخلصنا و الله ان اعرف حالتين لخدم فلبن كل وحده قصه وحده عند اختي مالها الا اسبوع و هربت و عارفه كيف نظام الهروب
و الثانيه عند بنت عمي بس ماهربت هذي سالفتها سالفه

بس موضوع سوق واقف اسهل حتى لو فيها مافيها بس تبقى أسهل من سالفة الخدم اتوقع لأنه بيد المسؤلين إصدار أمر بمنع الأرجيله في أماكن مثل سوق واقف ولو يتم منعها نهائي أسعد و أبرك

شكرا رايدر

[Dana’1]

كلامك صحيح...... هو سوق واقف ينفع لكل الاطياف اللي ذكرتيها .....بس فعلا لازم وقفة بخصوص اخر عبارة قولتيها.... التدخين السلبي و خصوصا على الاطفال..... اعتقد افضل شي هو انهم يخصصون مكان خاص لكل المطاعم و المقاهي اللي فيها اراجيل و شيشة.... يعني ما يروح جهتها احد الا اللي ناوي يشيش....مب تكون في الطريق العام

مصطلح التدخين السلبي! مصطلح جديد بالنسبه لي !

طبعا الفرق شاسع بين المسكرات و التدخين المسكر من الكبائر.

بس تذكرت سالفه اللي أفتى وقال مع دخول المناهج الأجنبيه و للمستقله
قرطوع من الخمر ما يضر ..و بالفصحى ..قليل من النبيذ لا ضير فيه

شكرا خلدون

[سالم الزهران]

بس تذكرت سالفه اللي أفتى وقال مع دخول المناهج الأجنبيه و للمستقله
قرطوع من الخمر ما يضر ..و بالفصحى ..قليل من النبيذ لا ضير فيه

شكرا خلدون

هذا الكلام ناقل عن/ مخرج من الإسلام بلغة الفقهاء، لأن هو بكلامه يحلّ ما حرمه الله. المشكلة إذا قيل مثل هذا الكلام في الإعلام! حسبنا الله ونعم الوكيل.

[Dana’1]

هذا الكلام ناقل عن/ مخرج من الإسلام بلغة الفقهاء، لأن هو بكلامه يحلّ ما حرمه الله. المشكلة إذا قيل مثل هذا الكلام في الإعلام! حسبنا الله ونعم الوكيل.


ماهي فتوى من رجل دين على الشاشات لكن مثل ما وضحت كانت مكتوبه بأحد المناهج مع دخول المستقله و التوسع بالخيارات بالمناهج وكانت مكتوبه بأحد الكتب للصف السلدس او خامس وممكن رابع.. ناسيه مر عليها وقت هالسالفه بس ليش يسمحون لأنفسهم بدوخل هالمنهج و مع أطفال ما أعرف
و ناقشوها بوقتها بالراديو و حتى هنا بالمنتدى بحاول أجيب الرابط

[Dana’1]

هنا تم نقاش الموضوع بوقته

http://www.qatarshares.com/vb/archive/index.php/t-461006.html

[khaldoon]

( المدخن السلبي ) هنا النقطة

المشكلة اغلب المطاعم معتمدة ع الشيشة للاسف . ويدرون لو ادارة السوق منعتها راح يقل الزبائن

الله يعين بس

متفق تماما معاك

[khaldoon]

مصطلح التدخين السلبي! مصطلح جديد بالنسبه لي !

طبعا الفرق شاسع بين المسكرات و التدخين المسكر من الكبائر.

بس تذكرت سالفه اللي أفتى وقال مع دخول المناهج الأجنبيه و للمستقله
قرطوع من الخمر ما يضر ..و بالفصحى ..قليل من النبيذ لا ضير فيه

شكرا خلدون

المدخن السلبي هو اللي يشم ريحة الدخان و يستنشقه و هو ما يدخن بنفسه ....الحل انه يضل يشرب برتقال فريش على طول ....يعني لو الاب مثلا بدخن امام عيلته فبيكونوا افراد العيلة مدخنين سلبيين

اما التدخين المسكر فهذا دخان حشيش و ليس دخان عادي

اما قول قليل من النبيذ لا ضير فيه فهذا كلام خطيييييير و من افتى به يحاسب عليه و حلل ما حرمه الله و يخالف الفطرة السليمة

[Dana’1]

المدخن السلبي هو اللي يشم ريحة الدخان و يستنشقه و هو ما يدخن بنفسه ....الحل انه يضل يشرب برتقال فريش على طول ....يعني لو الاب مثلا بدخن امام عيلته فبيكونوا افراد العيلة مدخنين سلبيين

اما التدخين المسكر فهذا دخان حشيش و ليس دخان عادي

اما قول قليل من النبيذ لا ضير فيه فهذا كلام خطيييييير و من افتى به يحاسب عليه و حلل ما حرمه الله و يخالف الفطرة السليمة

جزاك الله خير خلدون .. و أرل مره أعرف معلومه ان البرتقال يفيد للي يجلس مع المدخنين
الله يحفظ الجميع
و شكرا