عذاب صيدلية سدره

[kitmat]

معقوله العذاب اللي الواحد ايواجهه لما يبي يستلم الدواء من صيدلية سدره معقوله الانتظار خمس ساعات علشان استلم دواء حق بنتي وكل مره هاي حالتنا الوحيده هي صيدلية سدره على هاي الوضع
بهدله مابعدها بهدله

[سعود.]

اوف 5 ساعات والله كارثه

طيب وش عذرهم !!!!

[R 7 A L]

تأخير ماله مبرر
اغلب اللي يستخدمون هالشي ( التاخير ) في تخليص المعاملات والاستلام والتسليم هدفهم واحد فقط هو انه طول اليوم مايشتغل الا كم شغله بسيطة حتى لو انه في مقر العمل 8 ساعات اسلوب عقيم ياليت المسئولين يحاسبونهم

[sara jsm]

^
^
اللي فعلا قاصد هالشي ترى راتبه مب حلال ..
:
:
مرات اقول ياريت ترجع عمليه الارقام البدائيه وايد احسن من التطور اللي مب قادرين يواكبونه ..
انا اشوف مستشفى حمد يطرشون الادويه بالبريد .. جربوا يمكن سدره عندهم نفس النظام ..
صح بيوصلك عقب شهر بس ابرك من الانتظار هالساعات كلها ..

[kitmat]

لا واذا سجلنا اون لاين وطرشت الدريول ايقولون له تسجيل الاون لاين مايستلم اليوم يستلم بكره طيب مب حرام هالمشوار وماعندهم توصيل عن طريق البريد

[SouthK]

الاذان في خرابة!

[kitmat]

اي والله الواحد ايأذن في خرابه اليوم مطرشه الدريول من الصبح والحين ثنتين الظهر لين الحين ماعطوه الحبوب لا والدوا شراب خلص من الصيدليه والحين قالو الدوا بيوصل الاحد وماوصل الدوا وبيعطونا حبوب هاي اللي بلغونا اياه يعطني الخطأ من مين الدوا غير متوفر وهوا دوا خطير لحالات الصرع يعني لو انقطع الدوا مصيبه احس اللي يشتغلون في صيدلية سدرا مهملين ومافي حد ايحاسبهم

[SouthK]

اي والله الواحد ايأذن في خرابه اليوم مطرشه الدريول من الصبح والحين ثنتين الظهر لين الحين ماعطوه الحبوب لا والدوا شراب خلص من الصيدليه والحين قالو الدوا بيوصل الاحد وماوصل الدوا وبيعطونا حبوب هاي اللي بلغونا اياه يعطني الخطأ من مين الدوا غير متوفر وهوا دوا خطير لحالات الصرع يعني لو انقطع الدوا مصيبه احس اللي يشتغلون في صيدلية سدرا مهملين ومافي حد ايحاسبهم

من أمن العقوبة أساء الادب

الله يعينكم

[معماري قطري]

يمكن مب فاضيين مشغولين مع كاس العرب

في مستشفى حكومي أمريكي في قاعدة جوية كانت صج زحمة على الصيدلية والمتقاعدين ياخذون الوصفة من برا ويصرفونها في الصيدلية وأوقات يصير تأخير حول الساعة وشوي أكثر بس زحمة صج وبالأرقام والدور ما عندهم لف ودوران .. للتكرار والأدوية الثانية تتصل وتاخذها من الدرايف ثرو بالسيارة وبسهولة لو جيت بعد موعدك والدرايف ثرو يمكن8 خراطيم وكم مسار للسيارات بحاول احط صورة لها

هذي صورة جوية للصيدلية الخارجية عن المستشفى وهي قريبة في القاعدة .. فيه سوق بعد ومطاعم كم مجمع مطاعم وفيه محطة بترول ومكان تصليح سيارات سفايف وآيل وهالسوالف محد له عذر للطلوع برا

https://i.imgur.com/9N6fNnA.png

https://i.imgur.com/mBE3rUK.jpg

هذي صورة مقربة لمسارات السيارات والخراطيم تبين ورا شوي معلقة تمر تحتها السيارات وتتكلم مع الموظفين بزر وميكروفون وتسلمهم بطاقتك تنشفط في الخرطوم ويردونها لك مع الدواء والعملية تاخذ دقايق ودور اللي وراك بس ضروري تتصل قبل تطلب دواك وتكون وصفتك في الكمبيوتر

https://i.imgur.com/FM3uzt3.jpg

عندنا مسوين في مدينة حمد الطبية في المواقف السفلية مكتب وفيه مدخل لسيارتين جنب بعض يعلمونهم بس يركبون كرسي الأطفال قلت ما تبيعون قالوا للعرض نشرح للي يبغي شلون التركيب ونركب له .. قلت زين من وين يشترون دلوني على بعض المحلات وسئلت هناك يركبون قالوا ايه .. والمكتب هذا لي حول سنتين وأكثر آمر عليه فيه وحدة كانت تكش الذبان من الملل وألحين مسكر وخارج الخدمة ليش ما يسوونه صيدلية لتسليم الأدوية حسب الطلب؟

[معماري قطري]

ما دامني فاتح قوقل ايرث دورت صيدلية عادية تجارية هي صيدلية ومحل لبيع أشياء كثيرة حتى المأكولات مثل السوبرماركت المفتوح في زاويته صيدلية .. تفتح لوقت متأخر من الليل بس الصيدلية تبقى 24 ساعة حتى لو سكر السوبرماكت تبقى شغالة بالدرايف ثرو والدرايف ثرو يبقى خيار لأوقات ما تكون فاتحة بالكامل .. المدخل الرئيسي هو الزاوية اليمنى فوق في الصورة للناس اللي تبي تنزل وتتسوق ومنصة التنزيل تحت في الصورة وسط والدرايف ثرو يسار تحت وعليه مظلة لوقت المطر ما يتأذى السايق ولا موظف المبيعات

https://i.imgur.com/hOgLoYF.jpg

هذا التخطيط الحضري الحديث ما نحصله في المدن القديمة مثل نيويورك ومثيلاتها لكن نحصله في المناطق المطورة حديثاً وفي ضواحي المدن الكبيرة هذي .. عندنا يسوون درايف ثرو غصب حق مطاعمهم وإحنا ما نتعلم منهم ونسوي صيدلية تسليم للسيارة خارجية تسهل على الناس والإستلام يكون سريع .. وربعنا من الأطباء وكبار المسؤولين ما يقعدون في قطر سنة كاملة كل شوي رايحين وشايفين الطرق الحديثة وتنظيم المستشفيات والصيدليات وانا نقلت لكم الصورة واضحة وأتمنى توصلهم

[معماري قطري]

هذا قسم التحميل الخلفي قربته أكثر الشاحنة ترجع ريوس وتنزل .. بعضهم يكون الباب عريض وتطلع قاعدة مرتفعة بارتفاع سطح تحميل السيارة وتنزل مباشرة باليد أو عن طريق فوركلفت .. هنا المواد أصغر وأتوقع تنشال باليد وتحمل على عربات تندفع .. وهذا مستخدم عندنا في كل المحلات التجارية تقريباً لازم فيه باب للتخزين والخدمات .. الغرفة الجانبية غريبة شوي وبارزة بروز غريب هذي لحاوية القمامة ومسكرة بباب بشبك مغطى بقماش عازل للرؤية يفتحونه ويسحبون الحاوية وسيارة نقل القمامة تفضيها ويرجعونها مكانها .. شوفوا الأرضية كيف منبسطة وكيف صمموا أرضية خرسانية للتحميل والتنزيل داخل القار متحسبين أكيد للهبوط البسيط اللي ممكن يأثر في الطريق من الشاحنات الثقيلة

https://i.imgur.com/dYmUE2D.jpg

[معماري قطري]

تحركت شوي يمين حصلت الوولغرين وهو بعد محل مختص بعدة خدمات ما اذكرها بالضبط بس أتوقع فيه صيدلية .. الشارع النازل مسمينه ساوث ماكديل أفنيو هذا يودي حق مدخل القاعدة الجوية الجنوبي ويعتبر تجاري عليه مساحات أصغر شوي لمطاعم وكراجات ومحطات بترول وبنوك أفرع لها بس أصغر وتوزيعها توزيع مرتب مع مواقف .. هنا حددت الارض بالأحمر ومساحتها 4600 متر تقريباً مساحة محترمة إحنا عندنا بيت 1000 متر يسوي دكاكين على الشارع وخدماتها من وراء جهة البيوت ومواقف قليلة ويقولون تخطيط .. الشارع الأكبر هو اللي جدام يمين يسار أفقي وعليه القطع الأكبر والشارع النازل للقاعدة هذا في الغالب القطع أصغر

حتى كانت في المواقع القريبة ورشة تصنيع محترمة حق أجزاء الجسور الخرسانية والهولوكور صحيح قرب السكن وقرب الشارع التجاري أو الشوارع التجارية والمدارس بس لها حيز بروحها ومحاطة بسور وأشجار وشغلهم بدون ضجة وطقطقة مثل اللي عندنا

https://i.imgur.com/7xtrzIa.jpg

[معماري قطري]

تركيز شوي على المنطقة المقابلة عندنا من اليمين محل اسمه يوغرتولوجي هذا شكله مختص بالأسكريم ومؤكد فيه درايف ثرو ويساره بعد التقاطع عندنا السفن الفن معروف سوبرماركت كان يفتح من 7 الصبح لين 11 الليل واخترب استوى على طول فاتح وطبيعته محل صغير وفيه غالبية الإحتياجات وجدامه المظلة الصغيرة هذي محطة بترول وبترولهم شوي ارخص من البقية .. يساره مغسلة سيارات

https://i.imgur.com/c8RkTFk.jpg

سامحوني استرسلت شوي بس للتوضيح هذي النوعية من الشوارع والتنظيم والمحلات هي ما نحتاج له وحولهم تدخل شوي في العمق تحصل كله فرجان ومساكن هادئة ومريحة .. بيتي كان قريب من هذا الشارع وست غاندي بوليفارد يسار مسافة معتبرة وهناك فندق على الطريق وراه بمسافة منطقتنا

[sara jsm]

عقب رد معماري اتوقع صاحب الموضوع يوقف بالانتظار عشرة أيام في الصيدليه ابرك له :strong:strong

[سالم الزهران]

شيء مؤسف، اذا بغيت تغسل السلم فابدأ من فوق، وطالما الضرر كبير ومنتشر فمعناته المرض وصل للنخاع.

لا ننسى اننا من كثر ما نسمع اخبار الخليجيين عن تقنية الروبوتات والجوائز، نتوقع الاسبوع القادم بيصرف لك علاجك روبوت! كان الله في عوننا جميعاََ

[kitmat]

والله صيدلية سدرة مالها حل امس طلبت الادويه اون لاين وطرشت السايق ايجيب الادويه ومن بينها دوا الصرع حق بنتي بعد ماخلس عندهم ماعينه بس فيتامين بي شي ايضحك واطرشه مسكين مره ثانيه علشان دوا الصرع واتصلو فيني قالو لازم ورقه من الدكتور قلت لهم الشهر اللي راح ماخليتوه يدخل وقلتو مش لازم ورقه وعطيتوه الدوا قالت الشهر اللي راح ماطلبنا ورقه لان اللي في الصيدليه كلهم كرونا قلت لها احنا مانعلم الغيب وطبعا الريول مارجع الا الساعه ثلاث العصر وهاذي حالتنا كل مره من الصبح لين العصر ولا بعد الحين ليفوتكم ايقولك لازم انت اتجي تاخذ دوا الصرع مايصير السايق عسى ماشر اهد بنتي المريضه واروح الصيدليه بنفسي وعاد يالله مايندرى متى بارجع البيت السايق بس هالمره خذ له ست ساعات ايش الحل معاهم كل مالهم من سئ الى اسوأ ترى كلها حبوب جاهزه يعني مافي شي بيصنعونه او بيركبونه حتى الدوا من اهمالهم شراب لين الحين ماتوفر في الصيدليه ويعطونه بداله حبوب شكلهم نسو يطلبون الدوا وهالكلام من ثلاث شهور