قطر في 1975

[bwor]

فيديو يوضح كيف كانت الشوارع والمباني والسيارات في قطر وتحديدا مدينة الدوحة عام 1975

https://youtu.be/R1Camxo34Dk

[SouthK]

الظاهر السواقة الغبية من ضمن التراث!!!

[bwor]

الظاهر السواقة الغبية من ضمن التراث!!!

الماضي جميل بكل مافيه من ايجابيات وسلبيات

[معماري قطري]

كنت وقتها 11 ويومياً في باص الفريج اللي مصدي ويخر من فوق لو طق المطر مع سواقنا وريا الصومالي كله معصب

[سالم الزهران]

كنت وقتها 11 ويومياً في باص الفريج اللي مصدي ويخر من فوق لو طق المطر مع سواقنا وريا الصومالي كله معصب

يا وريا ههههه الصومالي نشمي بطبعه

[سالم الزهران]

مرة كان عندي مرسيدس عجوزه بس احبها ورحت اجيبها من عند الميكانيكي، فوقفت تاكسي وطلعت معه وحنا نمشي والدريول صومالي ويطالعني.. قال لي انت ما عرفتني، قلت لا، قال انا احمد الصومالي، قلت ونعم بلحيتك يا احمد.. آمر! قال انت سالم اخو فلان؟ عندها عرفت ان السالفة جد والرجال يعرفني، قلت له نعم لكن ما عرفتك من انت، قال انا احمد، قلت غيرها من وين اعرفك، قال انا كنت اجي اخذ يدات حق بلايستيشن من اخوك فلان (طبعاََ الكلام هذا له حول عشرين سنة)، ونت كنت تخاصمنا؟ المهم عرفت الرجال وسألته عن اخ ه العود قال اخواني كلهم اغتربوا في اوروبا ونا بقيت مع امي عشان هي تبي هنا ولازم احد يجلس معها ويشوف طلباتها.

فهذا يدل علي معدن اهل الصومال الطيب.

[معماري قطري]

مرة كان عندي مرسيدس عجوزه بس احبها ورحت اجيبها من عند الميكانيكي، فوقفت تاكسي وطلعت معه وحنا نمشي والدريول صومالي ويطالعني.. قال لي انت ما عرفتني، قلت لا، قال انا احمد الصومالي، قلت ونعم بلحيتك يا احمد.. آمر! قال انت سالم اخو فلان؟ عندها عرفت ان السالفة جد والرجال يعرفني، قلت له نعم لكن ما عرفتك من انت، قال انا احمد، قلت غيرها من وين اعرفك، قال انا كنت اجي اخذ يدات حق بلايستيشن من اخوك فلان (طبعاََ الكلام هذا له حول عشرين سنة)، ونت كنت تخاصمنا؟ المهم عرفت الرجال وسألته عن اخ ه العود قال اخواني كلهم اغتربوا في اوروبا ونا بقيت مع امي عشان هي تبي هنا ولازم احد يجلس معها ويشوف طلباتها.

فهذا يدل علي معدن اهل الصومال الطيب.

شيء أكيد أهل الصومال والسودان ويمكن غالبية الدول الأفريقية طيبين لكن خصوصاً الصومال والسودان .. هذا كان نشمي من قلب وكانت لنا مواقف معاه وإحنا صغار ومعانا عيال عمنا الكبار .. كانت مدرسة أبو بكر الصديق وجنبها مدرسة الدوحة الإعدادية وجنبهم الثانوية الصناعية وفي نفس المحيط الصحة المدرسية هذي كلها بينها ممرات وأبواب .. كنا نسوي مشاكل ونحذف حصى على سيارات الناس وتستوي أوقات مطاردات وهذا سواق الباص معانا في الخير والشر

كنا معروفين بفوضويتنا لدرجة إن فيه مبنى في ساحة المدرسة نقعد نستظل في طرفه ولو دخل شخص غريب شدخناه .. عارف شيء محد يفتخر به بس ذكريات

[معماري قطري]

نسيت المعهد الديني بعد ومدرسة خالد بن الوليد شوي مسافة وشارع رئيسي يفصلها .. وإستاد الدوحة هناك .. كان كله حيز للتربية والتعليم والوزارة ما كانت بعيدة

[معماري قطري]

زرت المنطقة بقوقل ايرث وأشوفها تغيرت بالكامل المدرسة انهدمت وبقت الأرض خالية والله أعلم كم سنة لها .. حتى محل شبيب وعلي العطية جنوبي استاد الدوحة ينبني فيه فندق كبير

[سالم الزهران]

غلط كبير تنهدم المدرسة والمباني القديمة، لكن اي واحد عنده مبنى قديم ما عنده مانع ينهدم اذا بيتعاوض.. لذلك الواجب على الجهة المعنية تكون اكثر وعي من المواطن