التسول من جديد

[Rider]

السلام عليكم ورحمة الله وبركاته موضوع التسول واقصد فيه تسول النساء من الجنسيات العربية ظاهر عادت من جديد بعد اختفاها من أسبوع جاتني وحده عن الميره واليوم تفاجأت بوحده مع ولدها عن باب بيتي كيف رجعت هذي الظاهر هل هو فتح التأشيرات السياحية اتمنى من وزارة الداخلية تكثيف الدوريات في الأحياء السكنية وعند المجمعات نعم فيه رقم تبلغ فيه عن التسول لكن ممكن أبلغ توصل الدورية وقدها خارج من المنطقة اتمنى من الاخوان الأخوات ينتبهون ابواب بيوتنا دائما مفتوحه ماتدري شوي لي داخله عليك الصاله وماندري وش وراهم هم عصابة حرامية

[sara jsm]

وعليكم السلام ..

الظاهر افتحوا الفيز حق كاس العرب .. وتجمعوا نفس قبل يجون قبل رمضان ..
المشكله تنحرج منهم ويحرجونك بعد اذا ماعطيتهم المبلغ اللي على هواهم :looking:

[معماري قطري]

وعليكم السلام ..

الظاهر افتحوا الفيز حق كاس العرب .. وتجمعوا نفس قبل يجون قبل رمضان ..
المشكله تنحرج منهم ويحرجونك بعد اذا ماعطيتهم المبلغ اللي على هواهم :looking:


لتنحرجين قولي تبون زين ما تبون لتكشرون بويوهكم كفاية ضيعت وقتي سمعت سالفتكم

[sara jsm]

لتنحرجين قولي تبون زين ما تبون لتكشرون بويوهكم كفاية ضيعت وقتي سمعت سالفتكم

اي والله صح كلامك ..
باقولهم ماعندي وكلموا ابوي وباعطيهم رقمك escape

[Rider]

اي والله صح كلامك ..
باقولهم ماعندي وكلموا ابوي وباعطيهم رقمك escape


مشكلة يتشرطون عطيت وحده عند الميره المقسوم قالت انا طالبتك محتاجه 500 ريال قلت لها نعم إذا ماتبغين رجعي الفلوس انا اشوفها ظاهرة خطيره يعني هالمرأة كيف تجيبن عن بيت ممكن يكونون عزاب ويحدث شي مايكون في الحسبان هذا كأس العرب وطلعوا هؤلاء عيل كأس العالم من بيطلع لنا

[معماري قطري]

اي والله صح كلامك ..
باقولهم ماعندي وكلموا ابوي وباعطيهم رقمك escape


بو سعود عزيز يو كي وسالم الزهران إن عطتوها رقمي باشتكي عليكم

عاد شوفي انا ما اطول معاهم سيده بلوك .. واحد تونسي جارنا والبيت الظاهر فيه عشرين عائلة كله يتمشى برا ويسولف بالتلفون المشكلة يوقف مقابل باب البيت والا يمر وهو يمشي جدام الباب .. مساعة وانا داخل قلت له خلك جدام باب بيتكم والا داخل خذ راحتك مب حلوة تتطلل في بيوت الناس .. غثيثين ذيلا ولا أتوقع الشرطة يسوون شيء لو اشتكيت وسيايرهم لازم شبر والا شبرين في الشارع مضيقينه وهو بروحه ضيق

[معماري قطري]

مشكلة يتشرطون عطيت وحده عند الميره المقسوم قالت انا طالبتك محتاجه 500 ريال قلت لها نعم إذا ماتبغين رجعي الفلوس انا اشوفها ظاهرة خطيره يعني هالمرأة كيف تجيبن عن بيت ممكن يكونون عزاب ويحدث شي مايكون في الحسبان هذا كأس العرب وطلعوا هؤلاء عيل كأس العالم من بيطلع لنا

هذي حلاوة التنظيم يدخلونهم بتذكرة مباراة شارينها اونلاين ويتركونهم في قطر حتى السكن يكون عند ربعهم وبيتكرر نفس الشيء في كاس العالم ويمكن بزود والموجودين بيبقون فترة طويلة تايهين في الأرض يمتهنون الطرارة وممكن يحصلون شغل بسيط بدون إقامة

لحل هذي المشكلة يطلبون المفروض حجز مؤكد مدفوع مقدم لأحد الفنادق ويحددون قانون واضح وقوي للدخول للسياحة أو للزيارة أو للتشجيع والمفروض آلية لرقابتهم من الأمن لو سووا تجاوزات .. مثل الدخول في البيوت تعتبر تجاوز قوي

[Dana’1]

من زمان موجوده و ما نقطعت تماما بس خفت عن قبل و ممكن الحين ترد ترجع من جديد
من أربع سنوات تقريبا ممكن أكثر شوي كانت حتى بعض البيوت يطقون بابها و يدرعمون يطلبون أهلها
ما أعرف كيف إن الجهات المسؤله مااتقدر تقضي عالظاهره نهائي؟!
ما أتوقع بأن المتسولين جايين من الخارج مع هالبطوله .. أتوقعهم من المقيمين سابقا لكن نشاطهم يظهر وقت تنظيم البطولات و الفعاليات و ضروري يحمون الناس منهم.
هم و اللي يسرقون الخدم بطرق غير مباشره مثلا يحرضونهم عالهووب!
أو إذا هربت تلاقي عمل تشتغل وتجمع و عقب*تسافرعاديو في أسوأ حال تسافر ابعاد .. طيب و الكفيل؟!
المفروض تعوض الكفيل السابق بالمبلغ اللي دفعه لإستقدامها كاامل اذا ما تقدر تدفعه سفارتها عنها
هذا أقل إجراء ممكن يتبع
وقتها سفاراتهم هي اللي بتشتغل عليهم قبل حتى يجون للعمل

[سالم الزهران]

انا ما انحرج من المتسول لأني أكرهه واعرف واحلف الفقير والمسكين ما تسولوا لا بالخليج ولا بمصر ولا قط حصلنا فقير او مسكين يمد يده.
مدة اليد عيب عند ثقافات هذي المنطقة ولكنها انعكست الى ظاهرة استغلال الأوامر الدينية من صدقة واحسان والخ. فانتشرت في العالم الاسلامي اكثر من غيره.
برمضان شفت سوري يرسل ولد وبنت معه صغار يبيعون سجادات للصلاة. فاذا شفت الاطفال كيف يتمسكنون تعطف عليهم.. وتشتري منهم والمشكلة السجادة اللي بعشرين يبيعها بخمس وثلاثين او ثلاثين اذا ساومته.

الحين هل في مشكلة من ذكر الجنسية، انا بالنسبة لي ما عندي اي مشكلة وسوريا استغلوا نكبتها في الطرارة.

في خط الرياض في المحطات كنت احصل سعودي بسيارة عائلية وعياله معه ويطر واذا تجاهلته يقول لك صب لي بنزين طيب.

بعضهم يقول اعطني رقم حسابك وبردها لك.

في اوروبا لا مرة ولا مرتين قابلت خليجي يطر ولا تخيل يجيك في الشارع لكن على طاولة مطعم او مقهى و اللي يبي يحول تذاكر عشان يرد بلاده واللي يبي سبعين واللي يبي خمسين واللي يقول لك مبتعث.

فالشريحة التعبانة هذي موجودة في الناس كلهم، لانهم يعتبرونك ساذج وطيب وممكن استغفالك.

لذلك يبي لهم وقفة جاده ونا لو بيدي احط لوحة اللي يمد يده مد له يدك لكن على ساطره.

[khaldoon]

و اللي يسرقون الخدم بطرق غير مباشره مثلا يحرضونهم عالهووب!
أو إذا هربت تلاقي عمل تشتغل وتجمع و عقب*تسافرعاديو في أسوأ حال تسافر ابعاد .. طيب و الكفيل؟!
المفروض تعوض الكفيل السابق بالمبلغ اللي دفعه لإستقدامها كاامل اذا ما تقدر تدفعه سفارتها عنها
هذا أقل إجراء ممكن يتبع
وقتها سفاراتهم هي اللي بتشتغل عليهم قبل حتى يجون للعمل

المفروض تعوض الكفيل..... كلامك صحيح بس للاسف هالشي مب موجود..... الخادمة عندي هربت بعد سنة عمل و كنت مجدد لها الاقامة لسنة قبلها بكم يوم ...... و لما هربت بلغت الشرطه و بعدها بساعه اتصلت علي السفارة الفلبينية تقولي تعال خذها....طبعا هم يبون يتشرطون علي.... قولت لهم خلاص طلعت هروب ما ابيها و لا اثق فيها بعد اليوم.....و بلغت الشرطة انها في السفارة الفلبينية بس ما حاولت اتواصل بالابعاد مرة ثانية قولت بلاش يقولولي جيب تذكرتها و تعال ..... بعد شهر وصلني مسج من مطراش بخروجها و سمعت انه في طيران مخفض متفقين معاه السفارة الفلبينية لتسفير الخادمات الهاربات لانها ما يحق لها تذكره قبل سنتين لو هربت ...... تحريض و تسهيلات على كيف كيفك


اللي تهرب و تشتغل و لو انمسكت بعدين في أسوأ الحالات تسفير .... لا مب كذا تسفير.... المفروض انها تنحبس بنفس فترة هروبها و تتغرم و تعوض الكفيل و بعدين تسفير...... لما ندفع 15000 علشان نستقدم خادمة تشتغل سنتين و بعدين تهرب بعد سنة مين خسر نص المبلغ غير الكفيل؟

[khaldoon]

كل يوم و الثاني يوصلني مسج عن طريق الواتساب و يكون تسول...... ما اعرف يعني الناس كيف تفكر..... يعني بمجرد ما توصلني مسج من خارج قطر من شخص يطلب مساعده انا بصدق و على طول بحول له او لها الفلوس و الامور طيبه..... تحس اني قاعد مهموم و افكر اشلون اتخلص من الفلوس اللي معاي و على اول مسج واتساب وصلني اقول فرجت وعلى طول احول المبالغ لهم

[sara jsm]

كل يوم و الثاني يوصلني مسج عن طريق الواتساب و يكون تسول...... ما اعرف يعني الناس كيف تفكر..... يعني بمجرد ما توصلني مسج من خارج قطر من شخص يطلب مساعده انا بصدق و على طول بحول له او لها الفلوس و الامور طيبه..... تحس اني قاعد مهموم و افكر اشلون اتخلص من الفلوس اللي معاي و على اول مسج واتساب وصلني اقول فرجت وعلى طول احول المبالغ لهم

خوووش صيده :eek2: .. معماااري صووووبك :thumbup1:

[Rider]

حتى ياخوان الواحد يخاف منهم حنا في زمان كورونا وهذوال ماتدري عنهم فاحصين ماخذين اللقاح تحصله لاصق فيك

[معماري قطري]

خوووش صيده :eek2: .. معماااري صووووبك :thumbup1:

بس مشترط رقم خارجي كل يوم باطلب منه 1000 ريال خلاص بغطي نزول الراتب هشكل

[sara jsm]

حتى ياخوان الواحد يخاف منهم حنا في زمان كورونا وهذوال ماتدري عنهم فاحصين ماخذين اللقاح تحصله لاصق فيك

هالشي مرفوض من قبل كورونا .. انا مااحب اشوف حد يطر .. لا ويتشرط .. :omg:
:


بس مشترط رقم خارجي كل يوم باطلب منه 1000 ريال خلاص بغطي نزول الراتب هشكل

الارقام من عندي لاتحاتي .. بس لي نسبه لو سمحت :sneaky:

[السيف5]

فعلا شفت هالاسبوع اللي فات حرمتين يتسولون ...ومن دول الشام تحديدا

[Rider]

فعلا شفت هالاسبوع اللي فات حرمتين يتسولون ...ومن دول الشام تحديدا

نعم هم دول الشام سؤال هؤلاء كيف دخلوا البلد معقوله حرمه داخله مع أطفالها بروحها ام هم عصابة تدار من قبل جهة معينة

[سالم الزهران]

مرة جفت شيبة ومعه عجوز على شارع عام واقفين يتلفتون، وقفت لهم وطلعتهم معي ولاحظت الشيبة يطالع سيده ولا اظنه سلم ونا قلت باخذهم علي دربي، لكن قلت له كم بتعطوني مشوار؟
قالي لي الشيبه (لك نحنا جايين نشحت ونتا بدك نعطيك؟) ضحكت وقهقهت و العجوز من ورى تدخلت تبجبج وكنها الحين بتمثل علي.
لكن جلست اضحك من قوة عين الشيبة.. العجيب لابس جكيت ومعبي جيوبه خردة ويطلعهم يقول قديش بدك (ويطلع لي ريالات). هيا خذ

[Rider]

مرة جفت شيبة ومعه عجوز على شارع عام واقفين يتلفتون، وقفت لهم وطلعتهم معي ولاحظت الشيبة يطالع سيده ولا اظنه سلم ونا قلت باخذهم علي دربي، لكن قلت له كم بتعطوني مشوار؟
قالي لي الشيبه (لك نحنا جايين نشحت ونتا بدك نعطيك؟) ضحكت وقهقهت و العجوز من ورى تدخلت تبجبج وكنها الحين بتمثل علي.
لكن جلست اضحك من قوة عين الشيبة.. العجيب لابس جكيت ومعبي جيوبه خردة ويطلعهم يقول قديش بدك (ويطلع لي ريالات). هيا خذ

هههههههه عيل موعدنا كأس العالم بتشوف التسول على أصوله

[معماري قطري]

هالشي مرفوض من قبل كورونا .. انا مااحب اشوف حد يطر .. لا ويتشرط .. :omg:
:



الارقام من عندي لاتحاتي .. بس لي نسبه لو سمحت :sneaky:

لج 90% والباقي لي

[معماري قطري]

هههههههه عيل موعدنا كأس العالم بتشوف التسول على أصوله

طبيعي لو ما حطوا شروط لدخول البلاد مثل يكون عندك حجز مسبق وتطلع بعد إقامتك المحددة ويكون فيه عقاب رادع للي يتأخر في الخروج ولازم يحمل ضمان صحي وفي مستشفيات محددة .. أعرف واحد له سنين في قطر وعنده تلفون ويقضي أشغاله ويدور فرص وظيفية يعدل إقامته فترة ويرجع يخالف فترة طويلة وحاول كثير يشتغل شغلة حكومية كان يبغي الدفاع المدني ولا قبلوه فوق 35 وزائر ومصر يدور واسطة يحسب الواسطة هي اللي بتمشيه .. عربي وعقلية عنيدة

[معماري قطري]

مرة جفت شيبة ومعه عجوز على شارع عام واقفين يتلفتون، وقفت لهم وطلعتهم معي ولاحظت الشيبة يطالع سيده ولا اظنه سلم ونا قلت باخذهم علي دربي، لكن قلت له كم بتعطوني مشوار؟
قالي لي الشيبه (لك نحنا جايين نشحت ونتا بدك نعطيك؟) ضحكت وقهقهت و العجوز من ورى تدخلت تبجبج وكنها الحين بتمثل علي.
لكن جلست اضحك من قوة عين الشيبة.. العجيب لابس جكيت ومعبي جيوبه خردة ويطلعهم يقول قديش بدك (ويطلع لي ريالات). هيا خذ

استفزيته يا بو زيد .. اللي طلعه يمكن حصيلة ساعة وصارت تجارب عملية لناس كثيرين دخلوا هذا المجال تمثيل وتجربة وطلعوا بمبالغ خيالية ما كانوا يتوقعونها