~:: دليل اشتراطات البناء في دولة قطر 11-2021 ::~

[sara jsm]

السلام عليكم ورحمة الله وبركاته


بين ايدينكم (( دليل اشتراطات البناء )) لكل انواع المباني ( خاص / حكومي / تجاري / قصور …الخ )


https://www.mme.gov.qa/cui/view.dox?id=1611&siteID=1&contentID=7977


يتكون من اكثر من 2000 صفحة .. لكن الفهرس موجود لكل فئة ومنطقة ..

بانزل لكم بعض الصور من المحتوى ..

https://b.top4top.io/p_21625fg7j1.jpeg (https://top4top.io/)

:

https://c.top4top.io/p_21626rud22.jpeg (https://top4top.io/)

:

https://d.top4top.io/p_216286wbq3.jpeg (https://top4top.io/)

:
:

الدليل موجود بنسختين ( للجوال وللحاسوب ) ..

ان شاءالله يفيد الجميع ..

[سعود.]

خوش موضوع

يحبذ تثبيته لما فيه خير لراغبين في البناء .

[سعود.]

كما نرجو ارسل رابط الموضوع

[sara jsm]

كما نرجو ارسل رابط الموضوع

منزله الموضوع بدون رابط :happy: :happy: من كثر ماعيبت عليكم ..

:
تم تعديل الموضوع والكل ان شاءالله يستفيد بدون تثبيت ..

[SouthK]

بعد اشكثر بيعدلونه و يخربون بيوتنا؟؟
نقل موفق

[sara jsm]

بعد اشكثر بيعدلونه و يخربون بيوتنا؟؟
نقل موفق

هذا حق اللي بيبني جديد .. اتوقع

[معماري قطري]

مشكورة يا مهندسة سارة

مستغرب ليش خلوا الارتفاعات 13 متر وقالوا القصور 16 ولو عندك قبة توصل 20 .. شالحكمة يعني من تعريف القصور اللي تكون مساحتها 3000 متر مربع وتزيد

الفار اللي في الصفحة اللي نسختها الإخت سارة هو فلور ايريا ريشيو .. يعني عندك ارض 1000 تضربها في 1.65 تطلع أقصى مساحة بناء تقدر تبنيها 1650 بعد أشوفها زينة بس الإرتفاع لو يخلونه 20 للقصور و 15 للبيوت العادية أو 16 بيكون معقول .. ريحوا الناس في ارتفاعات الملحق والمجلس بس قتروا على الناس في الإرتفاع الكلي

[sara jsm]

العفو اخوي بوعبدالله ..
ياريت لو ياخذون راي المقاولين والمهندسين اللي بالميدان عن هالاشتراطات ..
وخاصة المخضرمين .. منها تتنوع الافكار وتنفك بعض القيود ..

[معماري قطري]

العفو اخوي بوعبدالله ..
ياريت لو ياخذون راي المقاولين والمهندسين اللي بالميدان عن هالاشتراطات ..
وخاصة المخضرمين .. منها تتنوع الافكار وتنفك بعض القيود ..

أكيد خذوا بعض الآراء وأكيد متمسكين بالإستثناءات وما ادري ليش متعودين على شغل المراجعات والواسطات .. كل الدول حولنا ينتجون تصاميم مبهرة واستخدام جيد للأرض الصغيرة وإحنا للحين ضغط على فئة المواطنين العاديين وتدليع أكثر للسوبر مواطنين

[sara jsm]

احنا مجتمع اسلامي ومحافظ .. دام مافي اي تعدي على الجار من اي جهه فالواحد ليش مايبني على كيفه ..
في بنود يبي لها اعادة نظر .. وفي امور ممنوعه للاغلب ومسموحة للبعض فليش هالاستثناءات ؟
اذا صار خطأ في المساحات لو عشرة cm يخلونك تكسر .. او مايعطونك اتمام بناء ..
يعني امور ماراح تضر حد ولا تتعدى على حق حد ليش التعقيدات ..

:

معماري لازم تسوي جمعيه للمهندسين القطريين ..
واشغلهم دام هم شاغلينا :strong

[معماري قطري]

احنا مجتمع اسلامي ومحافظ .. دام مافي اي تعدي على الجار من اي جهه فالواحد ليش مايبني على كيفه ..
في بنود يبي لها اعادة نظر .. وفي امور ممنوعه للاغلب ومسموحة للبعض فليش هالاستثناءات ؟
اذا صار خطأ في المساحات لو عشرة cm يخلونك تكسر .. او مايعطونك اتمام بناء ..
يعني امور ماراح تضر حد ولا تتعدى على حق حد ليش التعقيدات ..

:

معماري لازم تسوي جمعيه للمهندسين القطريين ..
واشغلهم دام هم شاغلينا :strong

الله يعافيج الوضع صعب قانوني ونقاش مع عقليات مختلفة .. صدقيني بعض كبار المسؤولين ما ادري شلون تخرجوا تكلمينهم بمصطلح علمي هندسي واضح ما يعرفون عن وشو تتكلمين ولو سئلوا فضيحة وبعضهم يسوونها.. واحد يذكر لي قال لمسؤول سووا ( Feasible Study ) يقول التفت لسكرتيره قال له وشي هذي اللي يتكلم عنها والمسؤول كان رئيس هيئة كبيرة تحته مئات المهندسين وهو يحمل لقب مهندس .. للأسف ما يتقبلون النقاش الحضاري وحتى ما يعطون الواحد فرصة يتكلم ومنفتحين على الطرارة والإستثناءات

تعالي للي صاير ألحين بعض الجيران ملاحقهم متلاصقة في ملاحق جيرانهم وغير مسموح يرفعون السور فوق فيضطرون يحطون حديد والا قماش والا غيره ساتر ويعتبر مخالف زين ليش مخالف وانا ابغي أحمي بيتي حتى لو جاري اخوي هو ما يضمن ولا انا أضمن حد يشقح من بيته لبيتي والا العكس .. هذا خلل أمني قوي

[sara jsm]

والله معماري ذاك اليوم كنت اتناقش ماادري مع من ..
المهم كنت اقوله دام ان الساتر مسموح فليش مايخلون السور مرتفع من الاساس ..
خاصه عالجوانب .. الحين حذاي اشوف بيتين مسوين برك سباحة واشوفهم مركبين حدايد للساتر ماادري كم ارتفاعه يمكن مترين ونص ..
ومن الاساس السور نقول ثلاث امتار .. فالشكل طالع ماادري اشلون خاصه عالشارع ..
ومكلف اكثر من الطابوق ..

[معماري قطري]

والله معماري ذاك اليوم كنت اتناقش ماادري مع من ..
المهم كنت اقوله دام ان الساتر مسموح فليش مايخلون السور مرتفع من الاساس ..
خاصه عالجوانب .. الحين حذاي اشوف بيتين مسوين برك سباحة واشوفهم مركبين حدايد للساتر ماادري كم ارتفاعه يمكن مترين ونص ..
ومن الاساس السور نقول ثلاث امتار .. فالشكل طالع ماادري اشلون خاصه عالشارع ..
ومكلف اكثر من الطابوق ..

انا كلفني حول 6000 حق 40 متر ويمكن أكون غلطان الذاكرة لج عليها

الحديد ميزته مع الإرتفاع يقاوم الهواء الحايط صعب ويحتاج تقوية وخرسانة وطيحته ما تعوق من الهواء لو ارتفاع عالي .. سور مثل سور معسكر لخويا وبرزان هذا مكلف ومن تحت عريض وكميات خرسانة كبيرة فيه وهو حول 6 متر ويمكن أكثر مب متأكد

بس شبه متأكد ما حطوا له بند وللي بيركبه من الأساس ويأسس له وقت البناء ممكن يطلع أحلى وأثبت بدال ما يركب له عمدان من الأرض ومشوهة وهذي بعد رسالة لهم لعلهم يفقهون

[qatari911]

سلام عليكم

ابي اعرف شنو اسماء المناطق الي مسموح فلتين متلاصقه على ارض وحده والمناطق الي فلتين منفصله على ارض وحده
اي معلومه ممكن تفيدني وتفيد غيري
شاكر لكم ومقدر :o

[معماري قطري]

سلام عليكم

ابي اعرف شنو اسماء المناطق الي مسموح فلتين متلاصقه على ارض وحده والمناطق الي فلتين منفصله على ارض وحده
اي معلومه ممكن تفيدني وتفيد غيري
شاكر لكم ومقدر :o

عليكم السلام ورحمة الله وبركاته

والله يا اخوي دخلت على خرايط الجي اي اس التابعة للبلدية واللي فيها التقسيم بدايتها كاتبين هذي كلها استرشادية وللبلدية الحق تغير في أي وقت .. يعني هذا عيب كبير والماستر بلان يفترض ثابت ما يتغير الا في حدود بسيطة كلش .. شفت اللي مب واثق من نفسه .. زين دورت الرموز الموجودة في هذا الدليل والمفروض متطابقة وواضحة ما حصلتها

هذا رابط الخريطة وأعتقد فيه غير وعلى اليسار الأدوات

https://geoportal.gisqatar.org.qa/zoning/

[qatari911]

عليكم السلام ورحمة الله وبركاته

والله يا اخوي دخلت على خرايط الجي اي اس التابعة للبلدية واللي فيها التقسيم بدايتها كاتبين هذي كلها استرشادية وللبلدية الحق تغير في أي وقت .. يعني هذا عيب كبير والماستر بلان يفترض ثابت ما يتغير الا في حدود بسيطة كلش .. شفت اللي مب واثق من نفسه .. زين دورت الرموز الموجودة في هذا الدليل والمفروض متطابقة وواضحة ما حصلتها

هذا رابط الخريطة وأعتقد فيه غير وعلى اليسار الأدوات

https://geoportal.gisqatar.org.qa/zoning/



جزاك الله خير ويعطيك العافيه اخوي معماري قطر

هذا الي يخوف اساسا المفروض واضح ومافيه تغيير الا اذا كان يخدم المواطن بشكل ايجابي
لان سمعت ان المناطق الي ماتقدر تبني فيها فلتيين فيها استثناء تقدر تبني فلتيين اذا كان جارك باني فلتيين
المفروض يكون فيه مرونه
وان الشخص الي بيبني فيلا من ثلاث طوابق يكون مسموح مايجبرونه يبني بنت هاوس بمساحه 70 في المية فقط

[معماري قطري]

جزاك الله بما دعيت

أسهل شيء تمر انت البلدية وتسأل هناك وبتحصل مساعدة هم متفاهمين ثاني شيء الإستشاريين يعرفون هذي التعاملات وبعضهم يقدر يطلع لك المطلوب وأكثر وبعضهم لا يشتغل على قوانين أشد من قانون البلدية ما يبي حد يرده هناك