أفضل السيارات التي ضمانها بالوكالة 5 سنوات

[أبو عبدالعزيز]

السلام عليكم
اسأل بارك الله فيكم عن أفضل السيارات التي ضمانها ممتد لـ 5 سنوات بالوكالة ؟!
هل يوجد شيء غير الألماني ؟!
.
وهل يوجد من الوكالات التي تتميز بالصيانة المجانية الممتدة ؟!

[سعود.]

خوش موضوع

ننتظر الإفاده

[style]

للاسف مافي الا شركه البي ام دبليو ضمان 5 سنوات وممكن تمدده الى 7 سنوات..وصيانه الى 10 سنوات.
لااعتقد فيه اي شركه سيارات تعطيك هذي المده من الضمان
حط في بالك ان كل شي عليهم عليك فقط بترول وتواير

[أبو عبدالعزيز]

للاسف مافي الا شركه البي ام دبليو ضمان 5 سنوات وممكن تمدده الى 7 سنوات..وصيانه الى 10 سنوات.
لااعتقد فيه اي شركه سيارات تعطيك هذي المده من الضمان
حط في بالك ان كل شي عليهم عليك فقط بترول وتواير


تسلم على التفاعل
أظن كل الشركات الألمانية ضمانها لا يقل عن ٥ سنوات

[ابو عبدالله.]

الالماني كلهم يتمدد ضمانهم. حتى البنتلي و الرولز و الرنج

لكن كم يكلف التمديد.
ولا يغطي الاطارات و السفايف و الحوادث ولا يغطي حوادث الطبيعه مثل تسرب الماء للجير اثناء الامطار مثل ما صار لصديق لي. و التصليح يكلف 85 الف لا الضمان ولا التامين وافق يصلح سيارته الالمانيه الفورويل
مات قهر صلح و بغى يبيعها. شارت في بلعومه لان يبين ان الجير تغير و الكمبيوتر ماله

اذا كل سنه بمدد ب 8 الاف للضمان و بغير تواير باكثر من 10 الاف و قيمه الموتر تتناقص بعشرين و ثلاثين الف كل سنه

اصلا هالسيارات بعد خمس سنوات ما تبي تسوقها. يروح موديلها انا موتر اكثر من ثلاث سنوات امل

الالماني قوي و رهيب و امان و كوالتي لكن مع هالسلبيات انا ما افكر فيه

[ولد المنصور]

الجي ام سي والشفروليه ضمان لين ال 10 سنوات ولا يخترب
خذيت تاهو 2015 في سنته ويعته ولا حطيت فيه ريال وبعته وتوني ماخذ الجديد ..

[اخصائي]

الجي ام سي والشفروليه يعطيك ضمان 100 كيلو او سنتين بس

[سعود.]

كل الشركات او الاغلب تعطي ضمانات من فترات وكيلوات محدودة . لانها سيارات تكون جديدة وفي الغالب مايجيها شي الئ النادر لو فيها خلل مصنعي الفيصل بعد 5 سنوات او اكثر بعدها دبر نفسك . مشكلة البعض بس نظامة يغير زيت وفلتر ويتغاطي عن الامور الاخرى . مثل زيت القير و زيت البور والبلاكات وووووالخ لازم صيانة لها دوريه

[سهم طايش]

كلام صحيح

[الغالي!]

اغلب الوكالات تعطي ضمان ولكن في فرق بين ضمان وخدمه مثلا الفردان يعطيك الثنتين الضمان يشمل المكينه والجير والدفرنس والمكيف والجنبيلات والخدمه ايل بركات وربلات كل شي يشمله واذا انتهى تقدر تجدد الضمان سنه او سنتين تبي ضمان وخدمه او ضمان بس والاسعار تقريبا سنه ضمان وخدمه 15 الف اما الجيده والمناعي ثلاث سنوات ضمان بدون خدمه وبعدها تتحول لشركه اسمها Aaa يمتد الضمان ولكن يبهدلونك خدمه مابعد البيع تعبانين بالامانه
والتيوتا نفس الشي 3 سنوات ولكن احس في تطور خدمه مابعد البيع ولكن الاول المتصدر الخدمه مابعد البيع الفردان لحد الحين نقول افضل من بين السيئين

[SouthK]

السلام عليكم
اسأل بارك الله فيكم عن أفضل السيارات التي ضمانها ممتد لـ 5 سنوات بالوكالة ؟!
هل يوجد شيء غير الألماني ؟!
.
وهل يوجد من الوكالات التي تتميز بالصيانة المجانية الممتدة ؟!

عليكم السلام و رحمة الله و بركاته

حاليا النيسان تعطي ضمان 300 ألف كيلو أو خمس سنوات أيهما أسبق لكنه مدفوع مب ببلاش!
أما عن باقي فما أدري و في كل الحالات لا تتكل على الضمان لأن الشركات عندنا في مجملها زبالة و خدماتها سيئة جداقبل البيع و بعد البيع و ما بينهما!

[لـبـيـه]

وجهة نظري الديفندر ضمانه جيد والموتر جميل مقارنه بمنافسيه

[معماري قطري]

وجهة نظري الديفندر ضمانه جيد والموتر جميل مقارنه بمنافسيه

تعجبني .. انا بايق دفندر بلوشي مال واحد مسافر وخلاه عندي يعني مأمن

[QaTaR_OnE]

تعجبني .. انا بايق دفندر بلوشي مال واحد مسافر وخلاه عندي يعني مأمن

شرايك في الديفندر يا بوعبدالله بعد استخدامك ؟؟
ناوي اخذه ان شاء الله