هل يحق للشخص رفض اللقاح؟!

[Dana’1]

السلام عليكم
بعد ما أخذ الجميع تقريبا الجرعتين من التطعيم و تمت إصابة البعض بعد أخذهم هالجرعتين بالفايروس . ( بعضهم فعلا فادهم التطعيم بتخفيف الأعراض و البعض تعب جدا و احتاج للأجهزه و أخذ وقت لبين تماثل للشفاء و كأنه ما أخذ الجرعتين من اللقاح)

هل يحق للشخص رفض الجرعه الثالثه من اللقاح؟! أم أنه بتصير قيود تحد البشر من ممارسة حياتهم الطبيعيه كنوع من الضغط عليهم عشان ياخذون الجرعه التنشيطيه؟!

[style]

ههههه،،انا متاكد ان جواب السؤال عندك،،لكن انا باسوي نفسي انك ماتعرفين وسأرد على مشاركتك.
قرار وزاره الصحه واضح ،،بعد 9 شهور من الجرعه الثانيه ولغايه 1 فبراير 2022 اذا الشخص لم يتلقى الجرعه الثالثه سوف تكون هناك قيود منها
مشاكل فالعودة من السفر ،،سيكون هناك حجر
عدم الدخول الى الاماكن العامه مافي داعي اقولها معروفه الاماكن
يعتبر الشخص غير محصن وفي نظرهم عرضه للاصابه

اذا مايهمك كل اللي كتبته فوق لاتاخذين الجرعه الثالثه مش مجبوره

شكرا

[Dana’1]

صحيح كلامك .. كثير أمور مفروضه علينا كحقايق ومن المسلمات و مع ذالك نسأل عنها..يمكن لأنها غير منطقيه مرات!
الله المستعان
عفوا .. و شكرا للمشاركه

[سالم الزهران]

انا مبغي آخذ جرعة، ولا بمسافر، ولا بروح أماكن عامة (انا ابند السيارة الخميس واشغلها صبح الأحد)، الحجر يروق لي بالمرة، والمقاضي يوصلها البائع للبيت حتى البقل والبصل والطماط.
لكن مكان العمل ما يدخلوني الا ماخذ الثالثة؟ واذا ما خذبت يدخلونك في سلسلة اجازات مدفوعة الأجر. واذا خلصت ذي بعد يدخلونك في اجازة بدون راتب واذا خلصت يفنشونك؟

انا بدعي عليهم واللي يشوف انهم يستحقون يقول آمين.. حسبي الله على هالعرب المتخلفين

بالمناسبة انا خذيت الجرعتين بدون موعد، واذا بسوي سي بي آر يطلع لي عقب ساعتين و لا عندي هم ولا تحفظ على اللقاح من ناحية سلامته الخ، لكن معركتي دائماََ مع الحرية.

[Dana’1]

إذا ماتهمك الوظيفه وعندك مصدر دخل أخر ليش لا..أثبت على موقفك أو يمكن مع الوقت لما الاغلبيه تتطعم يشيلون الزامية التطعيم للجرعة الثالثه!
و الأنظمه العربيه تدعي عليهم بإيش وو إلا إيش؟!! و موضوع كارونا خصوصا و الزامية التطعيم تقريبا عالميه رغم ان عندهم مساحه من الحريه اللي تنشدها بس عند التطعيم الزامي.

[Rider]

التطعيم فرض علينا وحطوا أمور علشان يجبرونك عليه والكل عارفها والحين شغلونا بالثالثه شخص اعرفه ماخذ الجرعتين وصدته كورونا مرتين اعراض الزكام بس اذا فحصت قالوا كورونا وش معنى كورونا تصيدك مرتين او ثلاث وانت متطعم معناه انه كورونا صارت شي عادي انفلونزا موسمية بس التضخيم الاعلامي هو المشكلة

[سالم الزهران]

الزامية التطعيم يا اخت دانه ما هي مطبقة مثلما يتصور لك.. فيه ناس كثيرين ما خذوا حتى الجرعة الأولى.. لكن انا مع التطعيم مب ضده.. بس ما يجبرونا على الجرعات التنشيطية.. الحاصل عكس.. انا من واحد فبراير لو ما خذيت تنشيطية ما اقدر ازور مريض منوم في مستشفى، ما اقدر اروح موعد طبي؟

[سالم الزهران]

التطعيم فرض علينا وحطوا أمور علشان يجبرونك عليه والكل عارفها والحين شغلونا بالثالثه شخص اعرفه ماخذ الجرعتين وصدته كورونا مرتين اعراض الزكام بس اذا فحصت قالوا كورونا وش معنى كورونا تصيدك مرتين او ثلاث وانت متطعم معناه انه كورونا صارت شي عادي انفلونزا موسمية بس التضخيم الاعلامي هو المشكلة

كورونا او انفلونزا نفس الشيء وعنده نفس مقومات الانتشار لكن الاول ومتحوراته يصعب التنبؤ بحدة خطورتها.. ناس جتهم وتعبتهم ورقدتهم في المستشفى وناس جتهم ولا حسوا فيها.

اما التطعيم يخفف اللي نخاف منه من الاعراض بس.. اما انه يمنع ما يمنع.

[Dana’1]

التطعيم فرض علينا وحطوا أمور علشان يجبرونك عليه والكل عارفها والحين شغلونا بالثالثه شخص اعرفه ماخذ الجرعتين وصدته كورونا مرتين اعراض الزكام بس اذا فحصت قالوا كورونا وش معنى كورونا تصيدك مرتين او ثلاث وانت متطعم معناه انه كورونا صارت شي عادي انفلونزا موسمية بس التضخيم الاعلامي هو المشكلة

بالضبط .. شكرا

[Dana’1]

الزامية التطعيم يا اخت دانه ما هي مطبقة مثلما يتصور لك.. فيه ناس كثيرين ما خذوا حتى الجرعة الأولى.. لكن انا مع التطعيم مب ضده.. بس ما يجبرونا على الجرعات التنشيطية.. الحاصل عكس.. انا من واحد فبراير لو ما خذيت تنشيطية ما اقدر ازور مريض منوم في مستشفى، ما اقدر اروح موعد طبي؟

أكيد فيه ماراح تلتزم هنا وهناك و بكل مكان .. لكن بالمقابل اذا جاء الجد و احتاجوا للمرافق الحكوميه و بدون تزوير للإحتراز أو توكلنا عندكم .. ماراح حتى يقدرون يدخلون ومن هنا اذا هو مضطر لازم يطعم.

أنا أتمنى الجرعه الثالثه ماتكون إلزاميه .. الحين اللي يجي وقت جرعته الثالثه يشيلون الاطار الذهبي من احترازه
بالتالي مايستفيد منه فيضطر يطعم*.
كان من الافضل أن الجرعه الثالثه تكون اختياريه يكفي هالجرعتين.. نفس تطعيمة الانفلونزا العاديه موجوده للي يحب ياخذها .

[khaldoon]

اللي عليك عليك ...ما في مجال لرفض الجرعة الثالثه و الرابعه و العاشرة .....الخ.

[Dana’1]

اللي عليك عليك ...ما في مجال لرفض الجرعة الثالثه و الرابعه و العاشرة .....الخ.

بالضبط الله المستعان
شكرا

[Qtr37]

ليش المتعافين ما يعفونهم على الاقل من جرعة 1 ؟
في دول كثيرة كانوا المتعافين ياخذون التطعيم بعد 6 شهور
لكن عندنا بعد اسبوعين وجرعتين

[Dana’1]

ليش المتعافين ما يعفونهم على الاقل من جرعة 1 ؟
في دول كثيرة كانوا المتعافين ياخذون التطعيم بعد 6 شهور
لكن عندنا بعد اسبوعين وجرعتين

ممكن اقل مده بين الجرعتين اسبوعين في حال أحد مستعجل و حاب يسافر لكن بالمجمل احنا كان بين الجرعتين مابين 28 يوم الى تمام شهر.
لكن الحين يقولون المصاب بعد الجرعتين يقدر ياخذها بعد 6 شهور أو 9 شهور تقريبا اللي هي الجرعه الثالثه
ولا أعرف ليش الزاميه اخذ الجرعه الثالثه خصوصا للي (أخذو الجرعتين+ متعافي )
لعوزا العالم بصراحه هي حالها حال الانفلونزا العاديه حاليا خصوصا بعد الجرعتين فليش يتسلطون على العالم
و يحاربونهم بانهم يعيشون يومهم بشكل طبيعي ؟!
اوك نرجع بحذر وهذي مسؤليه كل فرد بالمجتمع .. لكن مايجبرونا بالثالثه .. و الرابعه و و والخ
شكلها مطوله المسأله مع التهويل الإعلامي ممكن يقضونها لين 2025 او أكثر وهم كل مره متحورات و تطعيمات و احترازات*. و الله المستعان
شكرا

[سالم الزهران]

الملاحظ أن الاجسام المناعية عند المتعافي نسبتها اكثر من اللي ما انصابوا وحصلوا على جرعات.. لذلك لو تركوا الأمر يمر بسلام يمكن أن يستفيد البشر مناعة طبيعية. وهذا كلام مب جديد وما يوافقون عليه المتختصين في المجال.

[Qtr37]

الملاحظ أن الاجسام المناعية عند المتعافي نسبتها اكثر من اللي ما انصابوا وحصلوا على جرعات.. لذلك لو تركوا الأمر يمر بسلام يمكن أن يستفيد البشر مناعة طبيعية. وهذا كلام مب جديد وما يوافقون عليه المتختصين في المجال.

انا تعافيت من 10 شهور ولا خذيت ولا جرعة وان شاء الله ما احتاج
مابي اسافر واي مكان اروح اراويهم اني كنت بوزيتيف

[Dana’1]

نعم التطعيمات ما تمنع الإصابه ممكن تخفف الاعراض بس مو دايم و لا مع كل الأشخاص
أنا أعرف وحده تتمام المعرفه اول اصابه لها في رمضان من ثم خفت .. عقب المده المطلوبه اخذت اللقاح و الجرعه الثانيه كانت بشهر تسعه و الحين هي مصابه و الم في صدرها قوي وحراره تقول نفس اول مره اذا مو أقوى بالنسبه للكحه و الصدر و الحمدلله.

خلاص أكثر الناس خذو الجرعتين و فوقها انصابوا
و فيه اللي ماخذ جرعتين و تعب و احتاج للأجهزه و الرعايه الفائقه وكأنه ما أخذ هالجرعتين!
يخلونها اختياريه مثل ابره الانفلونزا العاديه المتوفره بالمراكز .. و اللي يحتاجها ياخذها

مازلت مع توفير التطعيمات للي يحب ياخذها و ضد الزامية التطعيم للجرعه الثالثه..لكن الجهات المسؤله هنا و بالعالم كله الظاهر يشوفون شي ما نشوفه!

[سعود.]

الصهاينه ( اسرائيل ) وصلو الى الجرعة الرابعة

[Dana’1]

الصهاينه ( اسرائيل ) وصلو الى الجرعة الرابعة

صحيح و طلع عندهم فايروس جديد( فلورونا) عاد ما يندرى بعد له تطعيمه معينه و الا الجرعه الرابعه تكفيهم !

غير إن الصهاينه درجات و إن إسرائيل ما تكترث بكل الطوائف اللي عندهم يهود الغرب( اشكيناز) رقم واحد و الباقي تحصيل حاصل مثل يهود الشرق و الفلاشا و غيرهم.

[إعلامي قطر]

..

ضد الإلزاميه بالتأكيد،،

كل شخص له قناعاته وأتمنى القيود تكون في السفر
ولكن يتم تقليلها في بعض الأمور الثانيه مثل الدخول
للمطاعم وإلخ عشان ماتصير السالفه حرب نفسيه !

المتعافي من كورونا مناعته تصير أفضل وإللي ياكل
أكل صحي وياخذ أبرز الفيتامينات مثل دال ثلاثه
وسي والزنك ويبتعد عن السكريات وإلخ هذا
صحته أفضل من شخص يضرب كل الإبر
وبنفس الوقت يضرب حلويات وعيوش
وإلخ لذلك المسأله نسبيه وأتمنى من ربعنا
يحرصون على التوعيه الغذائيه الصحيه بدال
مايركزون فقط على القيود ولاشي غير القيود مع
إن هذا واقع العرب للأسف الشديد إلا من رحم ربي،،

..

[Dana’1]

بالضبط مثل أن مافيه اي توعيه غذائيه أساسا محجورين تحت اشراف الصحه و يسمحون لهم بدخول ماكدونالدز و الوجبات السريعه كلها غير عن دخول الحلويات و الشبس الخ كبار و صغار ياكلونه و مسموح بها في اماكن الحجر بدون أي قيود !
هو يعتبر حريه شخصيه طبعا .. بس بلا شك مضره خصوصا لشخص مصاب وماشفنا اي الزاميه بهالموضوع مثلا تحديد الكميات و غيرها ( طبعا هنا أتكلم عن أماكن الحجر التابعه للصحه) مش اللي محجور ببيته و يطلب اللي يبغاه.
مثل ماقلت على هالمبدأ كل شخص له قناعاته

[إعلامي قطر]

..

هذي كارثه بصراحه !

أكلة حلويات دسمه (قطعة كيك كبيره مثلاً) أو كنافه
أو كوافي وإلخ المهم وجبه أو سناك سيء مستعد
ينزل المناعه بنسبه كبيره يقال توصل 50%!

الكربوهيدرات الزياده تتحول داخل الجسم لسكريات
ومفعولها السيء نفس الشي يضر ويهبّط المناعه،،

تكرار مثل هالعادات الغذائيه السيئه بشكل يومي
أو شبه يومي كفيل بتدمير المناعه أو إضعافها
بشكل كبير جداً وأعتقد حزتها الأبر ماراح
يكون لها أي قيمه كبيره لين يتوصلون
إلى لقاح حقيقي بالسنين الجايه !

..

[naklan]

يحق لي ولك رفض اللقاح
ولكن
سنتظرر داخليا وخارجيا
داخليا من دخول المولات وغيرها
وخارجيا
من موضوع الحجر في البلد الي بتسافرين لها
وحجر اخر في قطر بعد العودة
يعني محارب من الكل

وحتى مطارنا يمنع السفر من غير شهادة اللقاح على ما اعتقد

شركات اللقاح للدول مساهمات فيها لذالك
لو فرضو 100 لقاح الناس بتاخذ بلا حول ولا قوة
لذالك مجبر اخاك لا بطل بناخذ شئنا ام ابينا
تحياتي

[naklan]

عدت من السفر امس
البلد الي كنت فيه الناس ما تلبس حتى كمام
وغير مطعمين وعايشين الحياة طبيعية
الوحيد الي كان يلبس كمام انا

اعرف احدهم في هذا البلداصيب بكرونا هو وزوجته وعنده ولد
عمره 8 سنوات معهم في نفس البيت لم يصيبه اي
شي عملو حجر منزلي 10ايام وبعدها رجعو
للحياة الطبيعية وكان شي لم يكن

[سالم الزهران]

نزلت عند محل يبيع سندويجات، وما كنت لابس كمام وواقف حذاي عامل نظافة ومكنسته معه ولا بس كمام ومنزله تحت فمه. قلت له بلطف ارفع الكمام يا رفيق؟ وهو يشوفني ما معي كمام واللي في الكافتريا بعد يطالعون واكيد مستغربين.. قال لي رفيق، انت ليش ما في ركب كمام! قلت له؛ انا ما يبي كمام خليت ف سيارة. قال لي رفيق كورونا جديد ما في معلوم انتا.. قلت انا قديم ما يشوف كيف يشوف هذا جديد.

فقمنا نضحك وكلنا فاهمين ان كورونا صار يستخدم حتى للمزح..

(كل انسان عنده قناعته، اغلب الناس مدركة لوجود فيروس غير عادي ويسبب الوفاة، لكن اوصل لدرجة الخوف القوي او اللامبالاة القوية ما اقدر)

[Dana’1]

عدت من السفر امس
البلد الي كنت فيه الناس ما تلبس حتى كمام
وغير مطعمين وعايشين الحياة طبيعية
الوحيد الي كان يلبس كمام انا

اعرف احدهم في هذا البلداصيب بكرونا هو وزوجته وعنده ولد
عمره 8 سنوات معهم في نفس البيت لم يصيبه اي
شي عملو حجر منزلي 10ايام وبعدها رجعو
للحياة الطبيعية وكان شي لم يكن

هذا اللي مفروض يصير و طبيعي الناس تمارس حياتها.. هم مرضوا العالم بالأجراءات و الرعب أكثر من كارونا نفسها
و التطعيمات مافادت كثير بمنع الفايروس ممكن خففت الاعراض والحين هالايام بس أكثر الناس جاتهم العدوى ماتعبنا الا عقب ما أخذنا الجرعتين!

[Dana’1]

نزلت عند محل يبيع سندويجات، وما كنت لابس كمام وواقف حذاي عامل نظافة ومكنسته معه ولا بس كمام ومنزله تحت فمه. قلت له بلطف ارفع الكمام يا رفيق؟ وهو يشوفني ما معي كمام واللي في الكافتريا بعد يطالعون واكيد مستغربين.. قال لي رفيق، انت ليش ما في ركب كمام! قلت له؛ انا ما يبي كمام خليت ف سيارة. قال لي رفيق كورونا جديد ما في معلوم انتا.. قلت انا قديم ما يشوف كيف يشوف هذا جديد.

فقمنا نضحك وكلنا فاهمين ان كورونا صار يستخدم حتى للمزح..

(كل انسان عنده قناعته، اغلب الناس مدركة لوجود فيروس غير عادي ويسبب الوفاة، لكن اوصل لدرجة الخوف القوي او اللامبالاة القوية ما اقدر)

اجل الكمام بالسياره يا سالم .. هنا في مخالافات غير نقط التفتيش على الاحتراز بشكل مفاجئ عشان يضبطون الناس
و الكمام صارالزامي حتى بالاماكن المفتوحه !

وخير الامور الوسط لا نستهين بالشي و لا نعطل أمور الحياة

[سالم الزهران]

معك حق، والكمام اساساََ ما يأثر علينا كثر ما يأثر على عمال النظافة واللي مثلهم.. يكرفون وبدون تنفس طبيعي

[Dana’1]

معك حق، والكمام اساساََ ما يأثر علينا كثر ما يأثر على عمال النظافة واللي مثلهم.. يكرفون وبدون تنفس طبيعي

عمال النظافه و البناء حتى قبل كارونا أشوف اغلبهم يتلثمون بالأقمشة بعضها تغطي راسه و ويتلثم بها لأن طبيعه عملهم تحتم عليهم يتلثمون حفاظا على صحتهم.

[رجل تعليم]

اخذت جرعتين وربما هذا من أعظم أخطائي

كورونا مرض عادي جدا جدا

[Dana’1]

اخذت جرعتين وربما هذا من أعظم أخطائي

كورونا مرض عادي جدا جدا

عند البعض عادي و عند البعض الأخر يمكن يعييه لحد الوفاة
مثلا مقابل 9-10 أشخاص 1 يحتاج العنايه الفائقه
في بيت أحد الأقرباء ظ¢ الأب مسن و أحد بناته رغم انها بداية الثلاثينات
الا أن صادهم هبوط بالأكسجين و نبضات القلب الأسعاف نقل الأب و أحد الأخوان نقل أخته للعنايه المركزه من ثم العاديه حتى خروجهم بالسلامه الحمدلله
و ببيت أخر فقط الأم مسنه صار عندها نفس الأعراض هبوط بالاكسجين و نبضات القلب

طبعا ناهيك عن الحراره المرتفعه و بعض الاعراض الأخرى اللي ممكن تجي الأغلبيه من المصابين

وهذا ما يعني إن اللقاح آمن 100% ممكن يكون له أثار جانبيه عند الكل أو البعض الله أعلم.. اذا البااندول ومسكنات الألم وخافض الحراره لها اثار جانبيه.
الله يحفظنا و أحبابنا و يحفظ الجميع يا رب

[سالم الزهران]

تصدقين يا اخت دانه بعض الناس ممكن يصيده ضيق تنفس وممكن يدش في صدمه من مجرد الخوف، والناس تم مو بس تخويفها، بل ارعابها لحد الموت من كورونا.

انا اقول كلام مبني على مشاهدة، من ناحية تأثير الخوف على الناس..وهذا ما يعني ان كورونا ما له أثر على التنفس.. لكن يسبب ضيق و يسبب خرعة..
مثل ازمة الربو، مريض الربو يقلب لونه اذا جته ازمة قوية..

اعصاب الانسان ونفسيته تؤثر فيه، والناس مب سوى.. فيه ناس ممكن يدش بصدمة بسهولة بسبب الخوف.

[Dana’1]

تصدقين يا اخت دانه بعض الناس ممكن يصيده ضيق تنفس وممكن يدش في صدمه من مجرد الخوف، والناس تم مو بس تخويفها، بل ارعابها لحد الموت من كورونا.

انا اقول كلام مبني على مشاهدة، من ناحية تأثير الخوف على الناس..وهذا ما يعني ان كورونا ما له أثر على التنفس.. لكن يسبب ضيق و يسبب خرعة..
مثل ازمة الربو، مريض الربو يقلب لونه اذا جته ازمة قوية..

اعصاب الانسان ونفسيته تؤثر فيه، والناس مب سوى.. فيه ناس ممكن يدش بصدمة بسهولة بسبب الخوف.

كلامك 100% وارد وصحيح
أما الشايب أعرفه مايعرف الخوف ماشاءالله حتى انه تعب ولا فكر يروح المستشفى ويوم خلاص اتصلوا ولا راح الا بالإسعاف و البنت فعلا تعبت و وتروها أكثر بالاجهزه و من ريحة المنظفات انكتمت اكثر عندهم
لكن الاكيد إنهم تعبوا و الشايب جلس اسبوع بالمستشفى مع انه بعد ما استقرت حالته بعد يومين او ثلاثه ..قال بطلع بس رفضوا لان عنده القلب و السكر و المؤشرات ماكنت مضبوطه فضطر يجلس باقي الفتره
ومشكلتهم الواضحه نبضات القلب و الاكسجين
وحتى يوم طلع بالسلامه مو مقتنع انها من كارونا

[سالم الزهران]

الله يمن عليهم بالعافية ويصرف عن امة الاسلام كل مكروه

[Dana’1]

اللهم آمين يا رب العالمين

[Rider]

بخصوص اللقاح الحين لو واحد صادته كورونا وهو مايدري بعض ماتطلع عليه اعراض المفروض يكون عنده مناعة ذاتية زين وخذ للقاح وش بيصير

[Dana’1]

بخصوص اللقاح الحين لو واحد صادته كورونا وهو مايدري بعض ماتطلع عليه اعراض المفروض يكون عنده مناعة ذاتية زين وخذ للقاح وش بيصير

فعلا فيه ناس فعلا جاتهم أعراض وعساس زكام ونزلت برد عاديه و لا راحوا ياخذون مسحه
وفيه من فعلا اخذ مسحه بس ما انجحت عساس لازم تعيدها و لا راحت
و الحالتين ماخذين الجرعتين
و الله أعلم كيف ممكن يأثر هالشي في حال أخذ وا الجرعه الثالثه

[khaldoon]

بخصوص اللقاح الحين لو واحد صادته كورونا وهو مايدري بعض ماتطلع عليه اعراض المفروض يكون عنده مناعة ذاتية زين وخذ للقاح وش بيصير

اعرف واحد اخذ الجرعة الثانية بعد اسبوعين تقريبا من شفائه من الكورونا و مستشفى حمد يعرفون انه كان مصاب بكورونا ... عادي ما صارله شي