اووريدوو ترفع الاسعار بدون مقابل!!!

[khaldoon]

اووريدوو رفعت اسعار الباقات الشهرية على الجوال بطرقتين:

الاولى رفع الاسعار 15 ريال على الاقل بدون تقديم اي خدمات و مميزيات اضافية على الباقة ...... هذه ما فهمنها
الثانية رفع الاسعار 40 ريال لى الاقل مقابل تقديم خدمات غالبا لن تحتاجها و لا تفكر فيها

اووريدوو كانوا كل يوم و الثاني يتصلوا علينا و يعرضوا علينا تحديث الباقه مقابل خدمات اضافية مثل 2 جيجا اكثر و الاشتراك في شاهد vipو osn......و بمقابل 15 ريال و احنا نرفض لاننا مب محتاجين اصلا .... الحين قالوا خلاص بنرفعها لكم و بدون خدمات لانكم مب محتاجينها هههههه......

السؤال اللي يسدح نفسه و هو كيف مقبول انه اووريدوو ترفع اسعارها بدون تحسين خدماتها و تقديم مميزات اضافية نحتاجها فعلا؟

هل ما زلنا نعاني من الاحتكار.... هل وجود فودافون حل المشكله و لغى الاحتكار و الا مازلنا تحت احتكار قطاع الاتصالات من قبل اووريدوو و فودافون لم تثبت انها منافس حقيقي في السوق؟

[@north_star@]

وللاسف لما يتصلون فيك لترقية باقة معينة يقولك جربها على الاقل 3 شهور واذا ما عجبتك كنسلها وطبعا بعد ثلاث شهور اذا تبي ترجع لباقتك السابقة يقول الباقة القديمة
غير متوفرة اختفت بقدرة قادر :whistling: ولازم تختار باقات ثانية او اتم على اخر ترقية للباقة :threaten:

[khaldoon]

وللاسف لما يتضلون فيك لترقية باقة معينة يقولك جربها على الاقل 3 شهور واذا ما عجبتك كنسلها وطبعا بعد ثلاث شهور اذا تبي ترجع لباقتك السابقة يقول الباقة القديمة
غير متوفرة اختفت بقدرة قادر :whistling: ولازم تختار باقات ثانية او اتم على اخر ترقية للباقة :threaten:

كلام صحيح مية بالمية ......و زيد على الشعر بيت..... لو اتصلت عليهم تبي ترفع الباقة بيرفعونها لك على طول عن طريق التليفون قبل ما تسكر الخط و تقوم من مقامك هذا.....بس لو بغيت تنزل الباقة او تلغي الاشتراك الشهري الدائم و تحوله الى خط مؤقت يعني هلا.... بيقولك لازم تقوم من مقامك هذا و تراجع الفرع !!!!...... بيحطوا العراقيل امامك و بيصعبونها علشان تبقى على ما انت عليه على الاقل بس ما تتركهم ولا تخسرهم

[Dana’1]

كله كوم و اذا اتصلوا و ترد على مود اتصال ممكن يكون مهم الا (مرحبا بكم في اوريدو) مالهم اي حق عالاقل يحطون خيار (لك رغبه بإستقبال عروض رساايل و اتصالات )؟!!
مثل مالاغلب يسألون حتى المواقع يخيرونك تبغى تشترك ونرسلك عروضنا عالإيميل او لا؟
عيب شركه اتصالات رسميه تفوتها مثل هالأمور البسيطه لراحة العملاء.
و الله أن و أنا أكتب هذا الرد اتصلوا على بنتي قالت رقم غريب وعطتني ارد انه اوريدوا طبعا قال فيه عروض عندك وقت تاخذين فكره عنها ..قلت لا شكرا قال ما تبغين تستفسرين عن اي خدمه قلت لا قال اتصل بوقت ثاني تكوني فاضيه قلت أبدا شكرا قال شكرا نهارك سعيد!

ما اعرف الى متى بيستمرون بهالوضع؟!

[سالم الزهران]

سووها فيك يا خلدون :)
بصراحة قد ما تدفع لهم ما بتحصل علي اللي تبيه.
تباََ لهم كيف يستحلون فلوس الاوادم ويعطلون السرعات ويحكرون الناس ويدعون ان عندهم خدمات

[سعود.]

لاتعليق .

[Qtr37]

بالرغم من استياء الناس من رفع الاسعار
الا انهم ما زالوا يتصلون يقدمون لنا عروض لباقات اعلى

[السيف5]

لاتعليق غير لو بيدي اشطب هذه الشركة التعسفية من الوجود

[sara jsm]

استغفرالله العظيم اكثر موضوع يستفزني ..
انا خطي ( هلا ) وكل مرة يتصلون عشان احول لشهري ..
واقولهم ماابي .. عشان محد يبوقني بدون ماادري. :) اعطيهم كاش ولا افتكر فيهم ..
وقلت لهم مرة دام المكالمات مسجلة اكتبوا جنب رقمي ماراح احول الهلا لين اموت .. :sneaky:

بس مافي فايده يرجعون يتصلون رغم اني مبلكة فوق الثلاثين رقم من ارقامهم :this:

[معماري قطري]

انا سؤالي شرعي بحت للأخ خلدون

يا اخوي شلون أوريدو رفعت الأسعار من دون مقابل؟

الله يعيننا ويعين كل من سكن على هذي الأرض الغلاء وصل كل شيء .. الله أعلم شاللي بيصير العالم من غلاء وهو في يده تغيير الحال الى أفضل حال

[معماري قطري]

استغفرالله العظيم اكثر موضوع يستفزني ..
انا خطي ( هلا ) وكل مرة يتصلون عشان احول لشهري ..
واقولهم ماابي .. عشان محد يبوقني بدون ماادري. :) اعطيهم كاش ولا افتكر فيهم ..
وقلت لهم مرة دام المكالمات مسجلة اكتبوا جنب رقمي ماراح احول الهلا لين اموت .. :sneaky:

بس مافي فايده يرجعون يتصلون رغم اني مبلكة فوق الثلاثين رقم من ارقامهم :this:



كان مدير اوريدو من ربع الدراسة القدام ويحب المقالب قبل ليتقاعد وزيته عليج وما قصر

[سعود.]

انا سؤالي شرعي بحت للأخ خلدون

يا اخوي شلون أوريدو رفعت الأسعار من دون مقابل؟


الله يعيننا ويعين كل من سكن على هذي الأرض الغلاء وصل كل شيء .. الله أعلم شاللي بيصير العالم من غلاء وهو في يده تغيير الحال الى أفضل حال


الهمبرجر المكس قبل كمن سنه 3 الى 4 رق اتكلم عن المعاصر العاديه في الفرجان حاليا 14 رق واكثر بعد :eek5:

[معماري قطري]

الهمبرجر المكس قبل كمن سنه 3 الى 4 رق اتكلم عن المعاصر العاديه في الفرجان حاليا 14 رق واكثر بعد :eek5:

العيب فينا إخوي سعود والا همبرغر البيت من أروع ما يكون وبرخيص وفي يدك تختار اللحم اللي تبغيه وبدون شحم وشوائب ويمكن ما يوصل 5 ريال وتسويه أسرع من لو تطلبه وتنطر .. أمس قلت حق ولدي انت خبير الطلبات اطلب لي برغر من هارديز وكانت الساعة 10 وانشغلت مع الكمبيوتر ولا لي نفس آكل بس علشان الإبرة لازم اتعشى .. ما خذت الا الساعة 11 ونص ولا وصلني شيء اتصل بهم قالوا طالع من 1020 دقيقة .. بس عصبت قلت كنسلوا الطلب وطلبت من زنجبيل جابوه في دقايق

الغلاء مؤثر كثير على اللي عنده عيال وايد واللي راتبه محدود واللي زوجته ما تشتغل والله يعين الجميع

اليوم شفت شاب كاشخ ويبين مرتاح بس فاتحني إنه كان شغال في شركة مقاولات خسرت وسرحوه وعنده أجار بيت وعيال ومحتاج شغل ومساعدة .. عمره 28 يقول دورت شغل في كل مكان ولا حصل .. يبين لي قطري وكلامه طيب والله يعينه إحنا في زمان صعب

[سعود.]

انا سؤالي شرعي بحت للأخ خلدون

يا اخوي شلون أوريدو رفعت الأسعار من دون مقابل؟

الله يعيننا ويعين كل من سكن على هذي الأرض الغلاء وصل كل شيء .. الله أعلم شاللي بيصير العالم من غلاء وهو في يده تغيير الحال الى أفضل حال


العيب فينا إخوي سعود والا همبرغر البيت من أروع ما يكون وبرخيص وفي يدك تختار اللحم اللي تبغيه وبدون شحم وشوائب ويمكن ما يوصل 5 ريال وتسويه أسرع من لو تطلبه وتنطر .. أمس قلت حق ولدي انت خبير الطلبات اطلب لي برغر من هارديز وكانت الساعة 10 وانشغلت مع الكمبيوتر ولا لي نفس آكل بس علشان الإبرة لازم اتعشى .. ما خذت الا الساعة 11 ونص ولا وصلني شيء اتصل بهم قالوا طالع من 1020 دقيقة .. بس عصبت قلت كنسلوا الطلب وطلبت من زنجبيل جابوه في دقايق

الغلاء مؤثر كثير على اللي عنده عيال وايد واللي راتبه محدود واللي زوجته ما تشتغل والله يعين الجميع

اليوم شفت شاب كاشخ ويبين مرتاح بس فاتحني إنه كان شغال في شركة مقاولات خسرت وسرحوه وعنده أجار بيت وعيال ومحتاج شغل ومساعدة .. عمره 28 يقول دورت شغل في كل مكان ولا حصل .. يبين لي قطري وكلامه طيب والله يعينه إحنا في زمان صعب


شرهتك على الي يطلب منها اساسا :thumbup:
انا اعطيتك مثال على غلاء الاسعار

[monatee]

وفوق هذا جاني مسج من اوريدو ادفع فاتورتي
واذا تأخرت ع موعد الدفع بتنحط 50 ريال زياده كرسوم

[sara jsm]

وفوق هذا جاني مسج من اوريدو ادفع فاتورتي
واذا تأخرت ع موعد الدفع بتنحط 50 ريال زياده كرسوم

https://h.top4top.io/p_2198syrjr3.jpeg (https://top4top.io/)

والله انا مكانج اتصل اشرشحهم عشان ابرد قلبي ..
وفي نفس الوقت احول فودافون .. وعلى قوله المثل ( طلقها وخذ اختها ) :happy:

[سالم الزهران]

اذا وصلت الامور مع هالشركات للقضاء ما يحضر ممثلهم، لو توصل عشرين جلسة ما يحضر... وتحفظ.

هل تظن ان المحكمة تحكم غيابي على شركة سيارات؟ ربما تحصل لكن مب هذا الشيء الدارج..

المشكلة قضاياهم ف المحاكم كثير وهذا عذرهم

[Dana’1]

المحاكم حتى مكاتب المقاولات تماطل معهم و اصحابها ما يجون عادي لسنوات يوقف الشغل مع نفس المقاول و واعي للبيت ماياخذ حقه و اذا اخذ حقه او قليل من الاعتبار يكون بعد سنوات هذا وهو بيت و راعيه يبغى ينزل فيه بوقت محدد المفروض يعني..
فشلون مع شركة اتصالات ؟!*
هذا هو الحال للأسف

[سالم الزهران]

المشكلة اذا الموظف يقول ترى فلان عنده قضايا مهب فاضي لك.. فلان ممكن يقصد القاضي وممكن يقصد الخصم ( يعني عنده ناس قضاياهم اكبر من قضيتك).

[naklan]

كيوتل فوق القانون وبلا قانون ترفع الاسعار
مثلها مثل شركات تارسه البلد والسبب
عدم وجود رادع لهم ماشيين مع
قانون وكلتك ووكلت الله عليك
لا حسيب ولا رقيب

[Dana’1]

(مثلها مثل شركات تارسه البلد ).
للأمانه أنا متردده أغير خطي لًـ فودا فون بس لأنها ممكن تكون وحده منهم و انها مثل اوريدوا و حركاتها فما استفدت شي.

[naklan]

(مثلها مثل شركات تارسه البلد ).
للأمانه أنا متردده أغير خطي لًـ فودا فون بس لأنها ممكن تكون وحده منهم و انها مثل اوريدوا و حركاتها فما استفدت شي.

جربي اختي اخذي خط فودا فون
جربيهم سنه
واحكمي عن تجربة
ممكن تغيرين رايك وتستفيدين
انا اسمع ان فودا ارخص في المكالمات
والنت بس ما جربتهم

[Dana’1]

جربي اختي اخذي خط فودا فون
جربيهم سنه
واحكمي عن تجربة
ممكن تغيرين رايك وتستفيدين
انا اسمع ان فودا ارخص في المكالمات
والنت بس ما جربتهم

انا جربتهم اول ما دخلو الخدمه و كان فيه بعض الملاحظات فحولت نفس الخط لأوريدو ومازال عندي و الحين أفكر أرده لفودافون و استغني عن خطي الثاني اللي من ساسه كيوتل( اوريدووا)
بس الحين اتوقع فودا فون مطوره خدماتها وفعلا كانت عروضهم حلوه على الأقل كانوا يرسلون عروض اللي اذكره منهم ارسلوا لي ساعات مجانيه دوليه (محددين الدوله) لان اتصل عليها بس فعلا تحسب لهم خصوصا و ان كيوتل سنوات ما فكرت ترسل حتى شكر لإستخدامي الدولي ^_^
كان اكبر عيب لفوداافون بوقتها شبكتهم ضعيفه .. لكن ما يمنع ان أكرر التجربه و اشترك معهم اتوقع الحين تغلبواا على هالمشكله.

[khaldoon]

كله كوم و اذا اتصلوا و ترد على مود اتصال ممكن يكون مهم الا (مرحبا بكم في اوريدو) مالهم اي حق عالاقل يحطون خيار (لك رغبه بإستقبال عروض رساايل و اتصالات )؟!!
مثل مالاغلب يسألون حتى المواقع يخيرونك تبغى تشترك ونرسلك عروضنا عالإيميل او لا؟
عيب شركه اتصالات رسميه تفوتها مثل هالأمور البسيطه لراحة العملاء.
و الله أن و أنا أكتب هذا الرد اتصلوا على بنتي قالت رقم غريب وعطتني ارد انه اوريدوا طبعا قال فيه عروض عندك وقت تاخذين فكره عنها ..قلت لا شكرا قال ما تبغين تستفسرين عن اي خدمه قلت لا قال اتصل بوقت ثاني تكوني فاضيه قلت أبدا شكرا قال شكرا نهارك سعيد!

ما اعرف الى متى بيستمرون بهالوضع؟!

صحيح والله معاكي حق

لما يتصلوا علي و يعرضون علي خدمات جديدة و ترقية الباقة بقول لهم انا اخر شخص في قطر ممكن يرفع الباقه بكيفه و بارادته .... علشان موضوع الرفع و الترقية للباقه عن طريق التليفون و بضغطة زر اما التخفيض فعن طريق اي فرع لهم و ما ينفع يسوونها عن طريق التليفون


موضوع العروض .... الله اعلم اذا هم بايعين معلوماتنا الشخصيه للشركات ام لا مثل الفيس بوك..... ما احط بذمتي

مثلا الواتساب تابع للفيس بوك و من ضمن الشروط المكتوبه في التطبيق و اللي لا يمكن تقريها او تفهميها انه يقدر يدخل على المايك في تليفونك ... يعني بدون ما تفتحي الفيس بوك و الواتساب مثل قبل .... بمجرد الحديث من تليفونك و تصيري تتكلمي ببعض الكلمات المفتاحية عندهم على طول تلاقي العروض تنهال عليكي من مسجات sms و في الفيس بوك و انت تقولي سبحان الله لسه اليوم بفكر في موضوع السيارة و الا العقار و الا اروح مطعم و الا اتسوق..... لا الفيسبوك بايع كل معلوماتنا الشخصيه للتجار و كل ما تتجاوبي مع الاعلانات بتأكدي صحة المعلومات الشخصية الخاصة بكي و انه الفيس بوك بايع معلوماتك صح للتجار

[khaldoon]

سووها فيك يا خلدون :)
بصراحة قد ما تدفع لهم ما بتحصل علي اللي تبيه.
تباََ لهم كيف يستحلون فلوس الاوادم ويعطلون السرعات ويحكرون الناس ويدعون ان عندهم خدمات

اتصلت عليهم قبل ما اطرح الموضوع و قولت لهم انا اشتغل في نص الدوحة يعني على الكورنيش مب في الخلا و ما في ارسال في كثير من الاوقات.... اجل انا على ايش ادفع باقة نت و ما في نت.... كأني في نص الصحرا و الا في كهف مع اني موجود بمنطقة الكورنيش...... على ايش ترفعون الرسوم و الخدمات ما تغيرت و لا تحسنت؟.... رافعين عليكم الايجار انتوا بعد و الا شنو .... بقولهم انا بروح فودافون على اساس اني بهدد ههههه مع اني ما شوفت انه فودافون منافس حقيقي لهم و الله اعلم

[khaldoon]

لاتعليق .

ليش يا اخوي.... تعليقك يهمنا ... انت معانا و الا معاهم ههههه حياك الله

[khaldoon]

بالرغم من استياء الناس من رفع الاسعار
الا انهم ما زالوا يتصلون يقدمون لنا عروض لباقات اعلى

ايه والله للاسف الشديد.... و للابد .... هي وسيلة تسويق الا ما تزبط مع بعض المشتركين .... مثل الموظف المسكين اللي يظل يقدملك عطر علشان تجربه و انت ماشي في المولات ... يمكن تزبط معاه و تتجاوب و تشتري

[khaldoon]

لاتعليق غير لو بيدي اشطب هذه الشركة التعسفية من الوجود

الله المستعان ..... هو الاحتكار اللي ذابحنا في هذا الموضوع .... متفرعنين علينا والله

[khaldoon]

استغفرالله العظيم اكثر موضوع يستفزني ..
انا خطي ( هلا ) وكل مرة يتصلون عشان احول لشهري ..
واقولهم ماابي .. عشان محد يبوقني بدون ماادري. :) اعطيهم كاش ولا افتكر فيهم ..
وقلت لهم مرة دام المكالمات مسجلة اكتبوا جنب رقمي ماراح احول الهلا لين اموت .. :sneaky:

بس مافي فايده يرجعون يتصلون رغم اني مبلكة فوق الثلاثين رقم من ارقامهم :this:



- الو.... اخت ساره؟ معاكي خلدون من اووريدوو .... عنا عروض كثير حلوه على باقات شهري ... بس بناخذ من وقتك نص ساعه نشرح الخدمات.... اول خمس سنين تجربة ما في رسوم و بعدين بتصير توصلك الفاتورة بس مشااااااااان الله حولي الى الشهري ههههههه

[khaldoon]

انا سؤالي شرعي بحت للأخ خلدون

يا اخوي شلون أوريدو رفعت الأسعار من دون مقابل؟

الله يعيننا ويعين كل من سكن على هذي الأرض الغلاء وصل كل شيء .. الله أعلم شاللي بيصير العالم من غلاء وهو في يده تغيير الحال الى أفضل حال

رفعوا الاسعار يا الغالي 15 ريال و بدون اي اضافات جديدة .... لا مكالمات محلية او دولية اكثر و لا نت اكثر و لا سرعات اعلى .... اتصل عليهم وتأكد بنفسك ... انا اتصلت و تأكدت يوم وصلتني مسج برفع الاسعار 40 ريال ابتداء من 01/04/2022 يعني اول شهر ابريل و قولت لهم ما ابغي منكم شي

[khaldoon]

كان مدير اوريدو من ربع الدراسة القدام ويحب المقالب قبل ليتقاعد وزيته عليج وما قصر

:funny::funny::funny::funny:

[khaldoon]

الهمبرجر المكس قبل كمن سنه 3 الى 4 رق اتكلم عن المعاصر العاديه في الفرجان حاليا 14 رق واكثر بعد :eek5:

الله المستعان و العذر هو الاسطوانه المشروخه و هي رفع الايجار و ارتفاع اسعار المواد الخام..... طيب ماشي و احنا في القطاع الخاص ما زادت رواتبنا من سبع سنوات و توقف البونص و اللي مش عاجبه الباب يفوت جمل ....ايش الحل مع كل هذه الزيادات المستمره

[khaldoon]

العيب فينا إخوي سعود والا همبرغر البيت من أروع ما يكون وبرخيص وفي يدك تختار اللحم اللي تبغيه وبدون شحم وشوائب ويمكن ما يوصل 5 ريال وتسويه أسرع من لو تطلبه وتنطر .. أمس قلت حق ولدي انت خبير الطلبات اطلب لي برغر من هارديز وكانت الساعة 10 وانشغلت مع الكمبيوتر ولا لي نفس آكل بس علشان الإبرة لازم اتعشى .. ما خذت الا الساعة 11 ونص ولا وصلني شيء اتصل بهم قالوا طالع من 1020 دقيقة .. بس عصبت قلت كنسلوا الطلب وطلبت من زنجبيل جابوه في دقايق

الغلاء مؤثر كثير على اللي عنده عيال وايد واللي راتبه محدود واللي زوجته ما تشتغل والله يعين الجميع

اليوم شفت شاب كاشخ ويبين مرتاح بس فاتحني إنه كان شغال في شركة مقاولات خسرت وسرحوه وعنده أجار بيت وعيال ومحتاج شغل ومساعدة .. عمره 28 يقول دورت شغل في كل مكان ولا حصل .. يبين لي قطري وكلامه طيب والله يعينه إحنا في زمان صعب

بعيدا عن الموضوع الاصلي:

هارديز؟؟!!!.... تقدر تاكل من هارديز عادي.... انا مش متجرأ اكل من اي مطعم فاست فود علشان السكر.... لا مشروبات غازية و لا عصائر و لا حلويات.... فكرة اني اكل اللي ابيه بكميات قليلة و امشي وراها عشره كيلو ما ابيها ...الله الغني

سلامات ما تشوف شر يا الغالي

اما بخصوص شركات المقاولات فصحيح بدأت شركات المقاولات بتسريح الموظفين و المهندسين و تقليل عمالتها و مهندسين كثير الحين مب لاقيين شغل .... تفاجأت بشركات قوية جدا جدا و علاقاتها جبارة على اعلى المستويات تسوي هالشي .... الجميع بلا استثناء

الحين بيزيد العرض عن الطلب اكثر و اكثر و بتدمر اي فرصة لزيادة رواتب المهندسين بل ربما تقل اكثر و اكثر و اللي ما له تصنيف ومتفنش لا عزاء له

[khaldoon]

شرهتك على الي يطلب منها اساسا :thumbup:
انا اعطيتك مثال على غلاء الاسعار

الله المستعان و لا حول و لا قوة الا بالله

[khaldoon]

وفوق هذا جاني مسج من اوريدو ادفع فاتورتي
واذا تأخرت ع موعد الدفع بتنحط 50 ريال زياده كرسوم

انا في يوم من الايام قطعوا علي كل شي الساعه 12:30 بالليل... تليفون البيت و الموبايلات و النت و التليفزيون و كل شي ..... اتصلت على 111 قالولي انت ما دفعت الفاتورة الشهر الماضي و الحين استهلك 80% من قيمة الباقه هذا الشهر و مازلت تحت اللمت اللي حاطينه لي يعني ما تجاوزته .... ما في داعي اقولك ايش قولت لهم ... بس تهاوشت معاهم زين و بصراخ .... اقولهم انا افهم انكم تقطعون لو انا متجاوز و متأخر فعلا و مديون لكم اما انكم تعاقبوني قبل ما اقصر .... هذا يفكر انك بتسوي جريمة فيحبسك مقدما و انت ما سويت شي... جديدة هذه ...رجعوا كل شي حالا و ارفعوا بعد قيمة اللمت و هذا اللي صار

[بوNasser]

انا في يوم من الايام قطعوا علي كل شي الساعه 12:30 بالليل... تليفون البيت و الموبايلات و النت و التليفزيون و كل شي ..... اتصلت على 111 قالولي انت ما دفعت الفاتورة الشهر الماضي و الحين استهلك 80% من قيمة الباقه هذا الشهر و مازلت تحت اللمت اللي حاطينه لي يعني ما تجاوزته .... ما في داعي اقولك ايش قولت لهم ... بس تهاوشت معاهم زين و بصراخ .... اقولهم انا افهم انكم تقطعون لو انا متجاوز و متأخر فعلا و مديون لكم اما انكم تعاقبوني قبل ما اقصر .... هذا يفكر انك بتسوي جريمة فيحبسك مقدما و انت ما سويت شي... جديدة هذه ...رجعوا كل شي حالا و ارفعوا بعد قيمة اللمت و هذا اللي صار

ههه
زين سويت فيهم

بس رفع اللمت شي يسرهم ويفرحهم.

[بوNasser]

بدل ما يبررون رفع الأسعار، شوفوا شلون يحورون الموضوع، كأنهم يتفضلون علينا بكرمهم الزايد.

https://doha2010.com/muntada/raya.jpg


ودمتم سالمين

[Dana’1]

^^^
أهم شي الواتساااب ههههه

[sara jsm]

- الو.... اخت ساره؟ معاكي خلدون من اووريدوو .... عنا عروض كثير حلوه على باقات شهري ... بس بناخذ من وقتك نص ساعه نشرح الخدمات.... اول خمس سنين تجربة ما في رسوم و بعدين بتصير توصلك الفاتورة بس مشااااااااان الله حولي الى الشهري ههههههه

والله خلدون انا مرة شرشحتهم وصرخت عليهم وتوقعت بانسجن بعدها ..
مب عشان العروض بس كنت معصبه عاليهال وطلعت الحره فيهم ..
واخر شي قالي المسكين ( نهارك سعيد ) :happy: انا مكانه اسد التلفون في ويهي هههههههه

[khaldoon]

https://h.top4top.io/p_2198syrjr3.jpeg (https://top4top.io/)

والله انا مكانج اتصل اشرشحهم عشان ابرد قلبي ..
وفي نفس الوقت احول فودافون .. وعلى قوله المثل ( طلقها وخذ اختها ) :happy:


هههههههه ذكرتيني بالمثل اللي يقول شريكك الزفت اخسر و خسره

[khaldoon]

اذا وصلت الامور مع هالشركات للقضاء ما يحضر ممثلهم، لو توصل عشرين جلسة ما يحضر... وتحفظ.

هل تظن ان المحكمة تحكم غيابي على شركة سيارات؟ ربما تحصل لكن مب هذا الشيء الدارج..

المشكلة قضاياهم ف المحاكم كثير وهذا عذرهم


انا مرة رفعت قضية على واحد و كان ما يحضر بالاخير انحكم لي غيابي و ما حضر ينفذ القانون.... القاضي قالي ايش تبي الحين حكمنا لك و ما يحضر

قولت له اتمنى تحط امر حبس عليه.... والله نفذ الرجاء هذا و فعلا تم تسليمه امر بالحبس عن طريق شرطة المحكمة ....ثاني يوم دفع اللي عليه

لو انت مشتكي و غبت مرة واحده عن الجلسة فتحفظ القضية مباشرة و تحتاج رسوم لاعادة فتح ملف القضيه و اخراجها من الارشيف على اعتبار انه ممكن انحلت ودي بينك و بين المشتكى عليه دون الرجوع للمحكمة ولا اعلامها .... اما لو غاب المشتكى عليه عن الجلسات فتتأجل كم مرة بس بالاخير يصدر الحكم غيابي

[سالم الزهران]

الأنظمة بعدما وضعت، ورغم (صرامتها) الاّ ان الوصول لتطبيقها صعب المنال..

[khaldoon]

المحاكم حتى مكاتب المقاولات تماطل معهم و اصحابها ما يجون عادي لسنوات يوقف الشغل مع نفس المقاول و واعي للبيت ماياخذ حقه و اذا اخذ حقه او قليل من الاعتبار يكون بعد سنوات هذا وهو بيت و راعيه يبغى ينزل فيه بوقت محدد المفروض يعني..
فشلون مع شركة اتصالات ؟!*
هذا هو الحال للأسف

لا حول و لا قوة الا بالله .....حسبي الله ونعم الوكيل على كل ظالم ياكل حقوق الناس

[khaldoon]

المشكلة اذا الموظف يقول ترى فلان عنده قضايا مهب فاضي لك.. فلان ممكن يقصد القاضي وممكن يقصد الخصم ( يعني عنده ناس قضاياهم اكبر من قضيتك).

الله المستعان...... ما يضيع شي عند رب العباد

[khaldoon]

كيوتل فوق القانون وبلا قانون ترفع الاسعار
مثلها مثل شركات تارسه البلد والسبب
عدم وجود رادع لهم ماشيين مع
قانون وكلتك ووكلت الله عليك
لا حسيب ولا رقيب

لا حول و لا قوة الا بالله ......اليوم اتصلت عليهم و تأكدت انهم بيرفعون الباقة 40 ريال من اول ابريل 2022.... شئنا ام ابينا حتى لو مب محتاجين اي خدمات اضافية منهم و لا نريدها

[khaldoon]

(مثلها مثل شركات تارسه البلد ).
للأمانه أنا متردده أغير خطي لًـ فودا فون بس لأنها ممكن تكون وحده منهم و انها مثل اوريدوا و حركاتها فما استفدت شي.

انا راح اتصل على فودافون ان شاء الله و اشوفهم هل هم بديل منافس و حقيقي ام لا

[khaldoon]

جربي اختي اخذي خط فودا فون
جربيهم سنه
واحكمي عن تجربة
ممكن تغيرين رايك وتستفيدين
انا اسمع ان فودا ارخص في المكالمات
والنت بس ما جربتهم

الموضوع فعلا يستحق التجربه علشان نقرر نحول على فودافون للابد ام لا

[khaldoon]

انا جربتهم اول ما دخلو الخدمه و كان فيه بعض الملاحظات فحولت نفس الخط لأوريدو ومازال عندي و الحين أفكر أرده لفودافون و استغني عن خطي الثاني اللي من ساسه كيوتل( اوريدووا)
بس الحين اتوقع فودا فون مطوره خدماتها وفعلا كانت عروضهم حلوه على الأقل كانوا يرسلون عروض اللي اذكره منهم ارسلوا لي ساعات مجانيه دوليه (محددين الدوله) لان اتصل عليها بس فعلا تحسب لهم خصوصا و ان كيوتل سنوات ما فكرت ترسل حتى شكر لإستخدامي الدولي ^_^
كان اكبر عيب لفوداافون بوقتها شبكتهم ضعيفه .. لكن ما يمنع ان أكرر التجربه و اشترك معهم اتوقع الحين تغلبواا على هالمشكله.

اول ما نزلت فودافون طلعت خط منهم بس ازعجتني عروضهم اللي ما تقدري تستفيدي منها فلغيت الخط و بقيت على اووريدوو ..... احتمال اشوف اشلون خدماتهم الحين

[khaldoon]

ههه
زين سويت فيهم

بس رفع اللمت شي يسرهم ويفرحهم.

دوم الضحكه ان شاء الله

هو اللمت وقتها كان 800 ريال و رفعته ببلاش علشان ما اكون قريب من اللمت لو تأخرت بالدفع يعني ما خسرت شي

[khaldoon]

بدل ما يبررون رفع الأسعار، شوفوا شلون يحورون الموضوع، كأنهم يتفضلون علينا بكرمهم الزايد.

https://doha2010.com/muntada/raya.jpg


ودمتم سالمين

اشكرك على الاضافه الجميلة للموضوع ما قصرت

[khaldoon]

^^^
أهم شي الواتساااب ههههه

:ok::ok::ok::ok:

[khaldoon]

والله خلدون انا مرة شرشحتهم وصرخت عليهم وتوقعت بانسجن بعدها ..
مب عشان العروض بس كنت معصبه عاليهال وطلعت الحره فيهم ..
واخر شي قالي المسكين ( نهارك سعيد ) :happy: انا مكانه اسد التلفون في ويهي هههههههه

ههههههههههههههههههههههههههههههههه لا بعيد الشر عنك .... ان شاء الله اللي يكرهونك ههههههههههه

[khaldoon]

الأنظمة بعدما وضعت، ورغم (صرامتها) الاّ ان الوصول لتطبيقها صعب المنال..

الله المستعان يا صديقي العزيز

[تاجر كشخة]

تم التحويل الى فودافون

[khaldoon]

تم التحويل الى فودافون

:strong:strong:strong احييك..... سبقتني والله

[SouthK]

الحين الكل يشتكي من اريدو و رفعها للاسعار مع العلم ان الكل موقّع و موافق مسبقا على تغيير الاسعار .. اقروا الاتفاقية قبل التوقيع و بتشوفون ان الشكوى ما منها فايدة!

و مب بس الاسعار .. حتى الخدمة هم مب ملزمين بتوفيرعا بجودة عالية دام الخلل مب بسببهم!

[بوNasser]

الحين الكل يشتكي من اريدو و رفعها للاسعار مع العلم ان الكل موقّع و موافق مسبقا على تغيير الاسعار .. اقروا الاتفاقية قبل التوقيع و بتشوفون ان الشكوى ما منها فايدة!

و مب بس الاسعار .. حتى الخدمة هم مب ملزمين بتوفيرعا بجودة عالية دام الخلل مب بسببهم!

كلامك صحيح 100% لكن هل املك انا الحق في التعديل في الاتفاقية؟؟ بالتأكيد لا، نعم استطيع الرفض وعدم التوقيع لكن في الأخير انا الخسران لأن البدائل غير موجودة،

اوريدو و فودافون كلهم خوات من نفس الطينة ويحملون نفس الصفات والتشابه في كل شيء تقريبا ماعدا الاسم وتاريخ الميلاد، اوريدو هي الاخت الكبرى لفودافون.

نفس الشي شركات التأمين الشروط في الاتفاقية مجحفه لكن انت مجبور عليها ولازم تأمن سيارتك طيب غصب.

وغيرها كثير.

هذي الاتفاقيات يضعها مجموعة محامين وقانونيين ما نقدر احنا نجاريهم

فما لنا الا الشكوى لعل وعسى.

دمتم سالمين

[سالم الزهران]

الهدف من العقود حماية الشركات من المطالبات، واخلاء مسؤولية، اما حفظ الحقوق حق الشركات فهي محفوظة سلفاََ ولا شايلين همها.

[MAZEN37]

هيئة الاتصال المسؤل اولا واخيرا عن الموافقه لاوريدو ولو تسمح بدخول شركة ثالثه للسوق راح نشوف منافسه اكبر وسوق مفتوح

[معماري قطري]

أشوف الشكوى والتعبير ضرورة حتى ينتبه كل مختص ويحاولون يصلحون الخلل

الغلاء وصل كل شيء .. أذكر دواء بسيط كنت آخذه ب 5 ريالات استوى 100 ريال وبجودة أقل .. ودواء كان حول ال 15 ألحين 41 أمس ماخذه وهذا مب عليه طلب واستهلاك مثل الأول والا كان غلى بنفس الدرجة

التجارة عندنا فجارة وطغيان .. لدرجة إن شخص يشتكي إن الديزل في تركيا أرخص من قطر وهو أنقى وأفضل وانتاجه مكلف أكثر .. عندنا وعدوا في 2022 بينتجون الديزل النقي المناسب للسيارات الاوروبية وبانتظار وعدهم اللي بياخذ عقود ممكن وبنشوف كم بيكون السعر .. مب كل شيء تتاجر فيه لازم تغطي تكلفتك من أول سنة

[بوNasser]

هيئة الاتصال المسؤل اولا واخيرا عن الموافقه لاوريدو ولو تسمح بدخول شركة ثالثه للسوق راح نشوف منافسه اكبر وسوق مفتوح

للأسف عندنا ما يحصل هالشي. حتى لو زادت الشركات ما تصير منافسه، كلهم يجتمعون بالسر ويتفقون والضحية هو المستهلك.

دمتم سالمين

[السيف5]

لاتغيير ولاحسيب ولارقيب على اوريدوا
تعمل ماتريد في ظل عدم محاسبتها من الدولة

[عايش فرحان]

نحتاج شركة ثالثة و رابعة للاتصالات في السوق القطري .. كما هو حاصل في البحرين و الكويت و السعودية و باقي دول العالم
الى متى تعوّض الشركات الاحتكارية (فشلها) و (سوء ادارتها) و (سواد وجهها الاداري) في الاسواق الخارجية .. بمزيد من الاحتكار و الحلب و الظلم للسوق المحلي ؟

[khaldoon]

الحين الكل يشتكي من اريدو و رفعها للاسعار مع العلم ان الكل موقّع و موافق مسبقا على تغيير الاسعار .. اقروا الاتفاقية قبل التوقيع و بتشوفون ان الشكوى ما منها فايدة!

و مب بس الاسعار .. حتى الخدمة هم مب ملزمين بتوفيرعا بجودة عالية دام الخلل مب بسببهم!

فعلا كلامك صحيح... احنا وقعنا لاننا ما عندنا بديل ثاني .... يا تقبل يا تقعد بدون اشتراك يعني كأنك عايش في كهف لوحدك منفصل عن باقي الناس ..... يعني ما في باليد حيلة

[khaldoon]

كلامك صحيح 100% لكن هل املك انا الحق في التعديل في الاتفاقية؟؟ بالتأكيد لا، نعم استطيع الرفض وعدم التوقيع لكن في الأخير انا الخسران لأن البدائل غير موجودة،

اوريدو و فودافون كلهم خوات من نفس الطينة ويحملون نفس الصفات والتشابه في كل شيء تقريبا ماعدا الاسم وتاريخ الميلاد، اوريدو هي الاخت الكبرى لفودافون.

نفس الشي شركات التأمين الشروط في الاتفاقية مجحفه لكن انت مجبور عليها ولازم تأمن سيارتك طيب غصب.

وغيرها كثير.

هذي الاتفاقيات يضعها مجموعة محامين وقانونيين ما نقدر احنا نجاريهم

فما لنا الا الشكوى لعل وعسى.

دمتم سالمين

ايه والله صدقت ...متفق معاك في كل كلمة قولتها ..... عدد المحامين المسؤولين عن حماية مؤسسة اتصالات... اي مؤسسة اتصالات اكثر من عدد المهندسين المختصين في مؤسسة الاتصالات نفسها و عدد المحامين اكثر من عدد الاطباء في المستشفيات نفسها و هكذا

[khaldoon]

الهدف من العقود حماية الشركات من المطالبات، واخلاء مسؤولية، اما حفظ الحقوق حق الشركات فهي محفوظة سلفاََ ولا شايلين همها.

100%.....

[khaldoon]

هيئة الاتصال المسؤل اولا واخيرا عن الموافقه لاوريدو ولو تسمح بدخول شركة ثالثه للسوق راح نشوف منافسه اكبر وسوق مفتوح

يا رب ....الله كريم

[khaldoon]

أشوف الشكوى والتعبير ضرورة حتى ينتبه كل مختص ويحاولون يصلحون الخلل

الغلاء وصل كل شيء .. أذكر دواء بسيط كنت آخذه ب 5 ريالات استوى 100 ريال وبجودة أقل .. ودواء كان حول ال 15 ألحين 41 أمس ماخذه وهذا مب عليه طلب واستهلاك مثل الأول والا كان غلى بنفس الدرجة

التجارة عندنا فجارة وطغيان .. لدرجة إن شخص يشتكي إن الديزل في تركيا أرخص من قطر وهو أنقى وأفضل وانتاجه مكلف أكثر .. عندنا وعدوا في 2022 بينتجون الديزل النقي المناسب للسيارات الاوروبية وبانتظار وعدهم اللي بياخذ عقود ممكن وبنشوف كم بيكون السعر .. مب كل شيء تتاجر فيه لازم تغطي تكلفتك من أول سنة

المشكله ان كل شيء يغلى و يزيد سعره و الراتب نفسه ما تغير من اكثر من ست سنوات ....طيب و بعدين ايش الحل؟

[SouthK]

المشكله ان كل شيء يغلى و يزيد سعره و الراتب نفسه ما تغير من اكثر من ست سنوات ....طيب و بعدين ايش الحل؟

شوف لك عيشة ثانية و لا تاخذ خدمة منهم!

[حمد 2002]

الجيل السابق

كيوتل سوت كيوتل حطت كيوتل رفعت كيوتل اشتكت كيوتل وكيوتل

الجيل الحالي
اوريدو رفعت اوريدو سوت اوريدو ارسالها نص كم اوريدو واوريدو


انا اشوف الحل بالتالي

النوم ثم النوم ثم النوم

والاكل ثم الاكل ثم الاكل

لانه النوم والاكل اينسونك الهموم والمشاكل ..

حمد 2002

[SouthK]

الجيل السابق

كيوتل سوت كيوتل حطت كيوتل رفعت كيوتل اشتكت كيوتل وكيوتل

الجيل الحالي
اوريدو رفعت اوريدو سوت اوريدو ارسالها نص كم اوريدو واوريدو


انا اشوف الحل بالتالي

النوم ثم النوم ثم النوم

والاكل ثم الاكل ثم الاكل

لانه النوم والاكل اينسونك الهموم والمشاكل ..

حمد 2002

الاكل و النوم مفتاح السمنة و الامراض يا حمد!

[khaldoon]

للأسف عندنا ما يحصل هالشي. حتى لو زادت الشركات ما تصير منافسه، كلهم يجتمعون بالسر ويتفقون والضحية هو المستهلك.

دمتم سالمين

ايه و الله صحيح.... علشان ما يخربون على بعض .... ذكرتني بالمحلات اللي تبيع نفس البضاعة .... تلاقيهم كلهم نفس الاسعار.... فرق خمس او عشر ريالات بالكثير بينهم لو لفيت السوق كله

بس احيانا تلاقي واحد خاين بينهم يسوي خصم كبير و يقولك لا تقول لأحد هههههههه

[khaldoon]

لاتغيير ولاحسيب ولارقيب على اوريدوا
تعمل ماتريد في ظل عدم محاسبتها من الدولة

الله المستعان ... ان شاء الله انها تفرج على الجميع

[khaldoon]

نحتاج شركة ثالثة و رابعة للاتصالات في السوق القطري .. كما هو حاصل في البحرين و الكويت و السعودية و باقي دول العالم
الى متى تعوّض الشركات الاحتكارية (فشلها) و (سوء ادارتها) و (سواد وجهها الاداري) في الاسواق الخارجية .. بمزيد من الاحتكار و الحلب و الظلم للسوق المحلي ؟

السؤال الذي يطرح نفسه ... اشلون سمعتها في الدول الاخرى اللي تشتغل فيها .... مثل سمعتها في دولة قطر؟

[khaldoon]

شوف لك عيشة ثانية و لا تاخذ خدمة منهم!

الله المستعان ..... ان شاء الله خير

[khaldoon]

الجيل السابق

كيوتل سوت كيوتل حطت كيوتل رفعت كيوتل اشتكت كيوتل وكيوتل

الجيل الحالي
اوريدو رفعت اوريدو سوت اوريدو ارسالها نص كم اوريدو واوريدو


انا اشوف الحل بالتالي

النوم ثم النوم ثم النوم

والاكل ثم الاكل ثم الاكل

لانه النوم والاكل اينسونك الهموم والمشاكل ..

حمد 2002

هههههههههههههههههههههههههههههههه

[SouthK]

مع الترند على اوريدو اضيف 3 مشاكل بلا حل صادفتني معاهم هذا الاسبوع:

- اختفاء رصيد هلا بحجة استخدام البيانات مع العلم ان استخدامي للبيانات قليل جدا .. لكن أقول وارد اني استخدمت بيانات بزيادة!
- رصيد سريع تطالبني فيه اوريدو مع جهلهم بتاريخ طلبي المزعوم لهذا الرصيد و تأكيدهم بعدم وجود أي طلب خلال الشهر المنصرم .. بنقول بعد معليه و شي وارد و إن كان غير منطقي لوجود رصيد سابق الذكر!
- أرقام مجانية لخدمات حكومية تم حساب الاتصال بها عليّ بحجة ان الارقام هذي ليست free troll مثل الرقم 16000 .. هذي حاليا انتظر ردهم عليها!

و البقية قد لا تأتي مع وجود مقدم خدمة آخر ينتظر المزيد من المشتركين بشغف و فرح كبيرين!

[مرتبش]

لو اوريدو تخفف شوي من الرسايل والاتصالات تعال اشترك وتعال نعطيك هدايا .. ازعاج وتكاليف عالفاضي.. ركزوا يا اوريدو على تخفيض اسعار الخدمات لان حركات الجوايز قديمة وماعتقد حد يقتنع فيها