إلى من يهمه الأمر ..( الكلاب الضاله )

[Dana’1]

السلام عليكم و رحمة الله و بركاته
كتبت الثلاث مواقف اللي صارت خلال شهر مع الكلاب الضاله
لكن انمسحت فقررت أختصر
أمس أخر موقف كلب هجم على رجال و اربعة رجال يحاولون يفكونه من قبضه الكلب ماقدروا عليه
كان بالموقع اسعاف و شرطه الرجال اخذوه المسعفين و جلس واحد منهم وهو بنفسه قال لزوج اللي أعرفها يوم طلع و استفسر ان سلامات و ليش انتو يم بيتنا تقريبا عن بابهم واقف و يم بيتهم نافذ( داعوس) فقاله انتبه اخوي هنا فيه كلب مازال يتمشى وانه مره مسعور الرجال تعبان و اصاباته بلغيه و اخذوه هالمستشفى للأجراءات اللازمه
تقول الله يشفيه و يحفظه لعين ترجيه
عاد تقولي عشان هي قريبه من الحي و تقول انتبهي على بنتك اذا طلعت لبيت عمها و عموما برا حتى الشغالات اذا يشيلون الأغراض لبرا نبهيهم
قلت اساسا بتبعيتهم من قبل و حتى هي بنفسها شافت الكلاب بالحي و لا نعرف مسعوره اليفه بالاول و الأخير هي كلاب ضاله
وين الجهات المسؤله عن مثل هالكلاب ما تجي و تخلص الناس منها .. جيرانا بلغوا كذا مره بس مره اللي تجاوبوا لكن المره الثانيه ما تجاوبوا معهم!
مره يقولون البلديه و مره تقفي الأثر!
الكلاب برا و داخل الحوش تهاجم الناس
الجمعه اللي فاتت في منطقه ابا الحيران كلب داخل و ناهش يا راعي البيت يا احد الصبيان عندهم اشوى عيالهم الصغار ماكانوا موجودين بالبيت ما تسمعون الا المواعين و غيرها يحذفونها عليه و لا فك الرجال

**الموضوع جدي و الكلاب بالاحياء كثيره وصار و جودها خطر يهدد السكان و أتوقع حقوق الإنسان أهم من حقوق الحيوان.
و الموضوع سهل السيطره عليه في حال اشتغلوا عليه صح.

و السلام ختام

[monatee]

الموضوع لازال بدون حل ومسبب صداع لوزارة الداخلية و وزارة البلدية

في السابق يتم الامساك بالكلاب الضاله عن طريق جناح الاثر والتخلص منهم

في الوقت الحالي لايسمح لجناح الاثر الامساك بالكلاب الضاله والتخلص منهم ، بسبب حقوق الحيوانات والمعاهدات والامور اللي الدوله موقعه فيها اتفاقيات.

وزارة البلدية تسابق الوقت .. تمسك الذكور من الكلاب الضاله وتخصيهم وترجعهم للشارع ، وماتقدر تتخلص منهم لنفس الاسباب الي تمنع جناح الاثر

اعداد الكلاب بزيادة مستمرة وسريعة ومثل مانشوف ان عملية الاخصاء ما أعطت نتائج ملموسة

وسمعت ان سوف يتم بناء ملجأ تحت اشراف وزارة البلدية ، لكن ماعرف شلي صار ع الموضوع

وحتى مع بناء الملجأ راح تظهر مشكلة الطاقة الاستيعابية للمكان

[سعود.]

الموضوع هذا اغلب دول ألعالم تعاني منه
بعض الدول راح يستمر معهم الي قيام الساعه

[Dana’1]

الموضوع هذا اغلب دول ألعالم تعاني منه
بعض الدول راح يستمر معهم الي قيام الساعه

ممكن بكل العالم لكن الاكيد ان له حل بكل العالم مثلا بالعالم الغربي عموما يصيدونهم و يسون اللازم معهم من تطعيم و غيره بحيث ما يتكثرون و يدربونهم و يردونهم للشارع
وحتى بغير دول
مثل ما انشوفهم في اسطنبول و على اذنهم حلق انه عموما آمن و ممكن تصير معهم مشاكل بس عالاقل مش مسعور.
وفي أوربا يسوون اللازم و يعرضونهم للتبني خصوصا و الناس هناك تربي الكلاب بوسط البيوت كانه فرد من العائله!

بالجبيل الصناعيه كانت المنطقه جديده فضا برايح و الكلاب و الثعاله بعد موجوده لكن ماشاءالله بعد كم سنه تقريبا من سنه الى ثلاث سنوات مالهن حتى أثر بالاحياء السكنيه طبعا الهيئة الملكيه بمدينة الجبيل حريصه على تنظيف الأحياء بشكل دوري من و إلى الله يجزاهم خير .. على عكس بعض المدن الأخرى بالمملكه للأسف
القصد إن الجهات المختصه تقدر تتحكم بالوضع إذا بغت و اهتمت في اي بلد و اي منطقه.
حتى لو فوتوا كلب او عشره معذورين لكن مو كذا أبدا ضروري يشوفون حل
لأن هنا صايره اعددهم بإزدياد و ملاحظ غير أن منهم المسعور و منهم العادي و الأهم انهم بوسط الأحياء السكنيه اللي غالبا اطفال برا يلعبون ان كان عند الباب يوقفون او بالحوش والبيبان مشرعه كعادة أغلب البيوت و هالشي فيه خطوره يعني حادثتين بينهم أقل من ثلاث أيام و بمنطقتين مختلفه هنا المشكله لازم الجهات المسؤلة تشوف حل
منطقتنا بعد فيها كلاب و الجيران بلغوا البلديه قالوا بلغلو تقفي الاثر او شي زي كذا مختص بهالموضوع أظن جو مره و لا عاد عادوها ولا شي صار!


بالجبيل الصناعيه أذكر و احنا صغار و المنطقه جديده البر قريب يعني الكلاب كانت كثييره ماشاءالله قدروا يسيطرونط
لكن اللي اللي عندنا أولا

شكرا لك

[Dana’1]

الموضوع لازال بدون حل ومسبب صداع لوزارة الداخلية و وزارة البلدية

في السابق يتم الامساك بالكلاب الضاله عن طريق جناح الاثر والتخلص منهم

في الوقت الحالي لايسمح لجناح الاثر الامساك بالكلاب الضاله والتخلص منهم ، بسبب حقوق الحيوانات والمعاهدات والامور اللي الدوله موقعه فيها اتفاقيات.

وزارة البلدية تسابق الوقت .. تمسك الذكور من الكلاب الضاله وتخصيهم وترجعهم للشارع ، وماتقدر تتخلص منهم لنفس الاسباب الي تمنع جناح الاثر

اعداد الكلاب بزيادة مستمرة وسريعة ومثل مانشوف ان عملية الاخصاء ما أعطت نتائج ملموسة

وسمعت ان سوف يتم بناء ملجأ تحت اشراف وزارة البلدية ، لكن ماعرف شلي صار ع الموضوع

وحتى مع بناء الملجأ راح تظهر مشكلة الطاقة الاستيعابية للمكان

مرحبا أختي فعلا هو الموضوع ماهو بسيط و ممكن مكلف و اساسا صعب حتى يحبسونها بملاجئ .. و فعلا سمعت أن حقوق الحيوان شوي ضاغطه بهالجانب و احنا كمسلمين اولى منهم بهذا الحانب أبدا ما نبغى يذبحونها الا اذا كلب عقور لان يجوز ذبحه
لكن يقدرون يستفيدون من تجربه تركيا مثلا و غيرها من الدول

شكرا

[توشيبا]

عندي بيتي فوق عشر كلاب الله يعزكم واكثرررر خاصه اذا قمت اصلي الفجر او اروح الدوام قبل شق النور تصير بيننا حرب خاصه لو طلعت وركبت السيارت تحوم وتنابح علي كانها تقول اذا فيك خير انزل

ماخليت احد الا اتصلت عليه لدرجه اتصلت على 999 قلت انقذوني وقدمت شكرى اكثر من مره

المهم جات اشغال حفرت وسكرت بعض الشوارع واختفت من عندي بيتي والحمدالله

[Dana’1]

عندي بيتي فوق عشر كلاب الله يعزكم واكثرررر خاصه اذا قمت اصلي الفجر او اروح الدوام قبل شق النور تصير بيننا حرب خاصه لو طلعت وركبت السيارت تحوم وتنابح علي كانها تقول اذا فيك خير انزل

ماخليت احد الا اتصلت عليه لدرجه اتصلت على 999 قلت انقذوني وقدمت شكرى اكثر من مره

المهم جات اشغال حفرت وسكرت بعض الشوارع واختفت من عندي بيتي والحمدالله
الله يحفظكم و يحفظ الجميع
بالضبط هذا اللي صاير مع اختلاف العدد من حي لحي سواء عشره كلاب و إلا واحد هالشي يشكل خطر عالكبير و الصغير
أساسا ما كتبت المووضع الا بعد ماصار وجودهم و انتشارهم ملاحظ وعقب حادثتين خلال ثلاث أيام فقط
و هذا بس اللي خلاني أكتب هالموضوع و إلا من زمااان نشوف كلاب لكن من وين لوين واحد منا وثاني مناك مو مثل الحين تتمشى جماعات و فيها المسعوره.
******ضروووري تدخل من الجهات المختصه .

و الله يوم ذكرت الحفريات ان حتى هي بعد سالفتها سالفه طلعت الفيران عاد القطاوه يبين دورها الحين اللي بحوشه قطوه تتمشى يخليها خصوصا اذا قدام بيته حفريات.

شكرا للمشاركه

[سالم الزهران]

طيب من وين جت الكلاب؟ يجوز اذا ازالوا عزب او زروع انها انتقلت منها ودخلت الضواحي وبعض المناطق القريبة؟
المشكلة أن الكلاب تكرمون صارت تباع وتشترى وتتفلت في الشوارع وتختلط بكلاب ثانية. و حتى طريقة تجميعها وايوائها مب حل.

[SouthK]

الاذان في خرابة!
بما ان الجهات الرسمية ما عندها استعداد تاخذ الخطوات اللازمة فما له داعي تحرقون في انفسكم و تتشكون!

[Dana’1]

طيب من وين جت الكلاب؟ يجوز اذا ازالوا عزب او زروع انها انتقلت منها ودخلت الضواحي وبعض المناطق القريبة؟
المشكلة أن الكلاب تكرمون صارت تباع وتشترى وتتفلت في الشوارع وتختلط بكلاب ثانية. و حتى طريقة تجميعها وايوائها مب حل.

ما أعرف لكن الاكيد انها منتشره بالثنتين بالمناطق الجديده اللي صوب البر و قريب العزب و بالمدن و الاحياء اللي ماحولها البر.

عاد تدري بالجبيل يقولك جابوا عمال من كوريا ابد ما يتعطل يشتغل و يصيد من قريب و ياكل عاد هي نكته او هي صدق ما ادري بس يقولون ارتاحوا من الكلاب لان في عماله كثيييره من كوريا وكانوا ياكلونها!
غير الاجراءات الثانيه

[Dana’1]

الاذان في خرابة!
بما ان الجهات الرسمية ما عندها استعداد تاخذ الخطوات اللازمة فما له داعي تحرقون في انفسكم و تتشكون!

صادق لكن عالأقل عقب ما عرفت عن الحالتين كتبت الموضوع هو بيوصل او لا الله اعلم و إن وصل بيسوون شي الله أعلم
بس ترى هذا هو الوضع الحالي للأسف

[مضارب جديد]

لهدرجة صرنا

محد عنده شوزن

[Dana’1]

لهدرجة صرنا

محد عنده شوزن

تستخدمها بشارع عام او على رصيف يم بيت ناس شوي صعب و ممكن تصير حوادث ثانيه في غنى عنها
و الا بسيط استخدام الشوزن و الصيد عموما لكن بالبر و مكان فضا مو وسط حي سكني ويم بيوت الناس
شوي صعب غير أنه مش مرخص
و الاهم ان هذا دور الجهات الرسميه بالدوله مو أي شخص يقوم فيه.
شكرا

[khaldoon]

قبل فترة لقيت كلب ميت في وسط شارع رئيسي جنب بيتي .... هذا لو سيارة صغيره مشت فوقه ايش بيصير فيها .... حتى لو احد ضرب بريك لو تفاجأ بالكلب الميت ممكن اللي وراه يصطدم فيه

[Rider]

إذا جناح الأثر يقولون مالنا دخل قبل كانوا يجون يثورون على الكلاب الضاله وهذا الشي اذكر اما الان مع حقوق الإنسان والحيوان صعب كله علشان كأس العالم

[Dana’1]

قبل فترة لقيت كلب ميت في وسط شارع رئيسي جنب بيتي .... هذا لو سيارة صغيره مشت فوقه ايش بيصير فيها .... حتى لو احد ضرب بريك لو تفاجأ بالكلب الميت ممكن اللي وراه يصطدم فيه

هذا ممكن تبلغ البلديه بوقتها يشيلونه أو حتى لو كان في عمال نظافه قريبين تقدر تقوله يشيله عن الخط عالأقل
إماطة الأذى عن الطريق صدقه.

لكن فيه أمور فعلا تتطلب تدخل جهات مختصه شخص أو مجموعه بسيطه ماراح تقدر تسوي شي

[Dana’1]

https://j.top4top.io/m_2217ib4m60.mov

[Dana’1]

https://l.top4top.io/m_22375hlfv0.mov

اللي يلحق العامل كان ينبح بشكل متواصل اللي بالسياره يسمعونه و يخرع شلون العامل مسكين؟!
و العامل اللي خلفه راح بسرعه لزميله مع ان حوله كلبين!!

من جد البلديه وينها؟!!

[سالم الزهران]

صباح الخير
فعلاََ الكلاب هذي مستأمنه و اصبحت متوالفه مع اجواء المدينة، انا ما اخاف منها او من اذيتها كثر ما اشوف ان هذا مب مكانها ومفروض تشال وتبعد عن المدن..

[سالم الزهران]

في مكاننا حتى القطاوة يصيدونها فعلاََ واذا عندك قطوة بيت لازم تكون مطوقة.. عشان ما يشيلونها لو طلعت الشارع.. واظن هالخدمات متوفرة لاننا بمكان صغير ومقاول البيئة عقده حليو ويبي يحافظ عليه.

[SouthK]

خبر غير مؤكد:
الاسبوع القادم هناك حملة على الكلاب الضّالة في منطقة ام صلال علي و الله أعلم

العهدة على الراوي و لا دخل لي بمصداقية الخبر!

[Dana’1]

صباح الخير
فعلاََ الكلاب هذي مستأمنه و اصبحت متوالفه مع اجواء المدينة، انا ما اخاف منها او من اذيتها كثر ما اشوف ان هذا مب مكانها ومفروض تشال وتبعد عن المدن..

صباح النور
بالضبط ماهي مسألة من يخاف و من شجاع لكن تواجدها خطر عالأشخاص مشاة أو اللي بالسيارات
مثل ما ذكر خلدون عن الكلب بوسط الشارع مييت فطبيعي انه مدعوم و لا نعرف كيف هو وضع الشخص اللي دعمه؟!!



في مكاننا حتى القطاوة يصيدونها فعلاََ واذا عندك قطوة بيت لازم تكون مطوقة.. عشان ما يشيلونها لو طلعت الشارع.. واظن هالخدمات متوفرة لاننا بمكان صغير ومقاول البيئة عقده حليو ويبي يحافظ عليه.

هذا قوله دانه من قطر تسلم عليك و تقول بارك الله فيك وكثر الله أمثالك اللي بياحفظ على منطقه صغيره بحدود امكانيته وصلاحياته .. بيحافظ على منطقة كبيره اذا اعطيت له هي المسأله مسألة مبدأ و عقد النيه بتصحيح الوضع كلن حسب مكانه و وظيفته .. سواء بهالموضوع أو غيره
و يمكن لو تقارن المسمى و الدرجه الوظيفيه حقته بنفس اللي عندنا بتلاقي اللي عندنا أعلى أجراً من اللي تعرفه
لكن حسب اللي نشوفه بالشوارع نقدر نقول ان اللي عندنا متكي بالمكتب و موسأل و لا عارف او حتى ما يبغى يعرف عن الوضع شي و بنفس الوقت ضامن مكانه الوظيفي! و الله أعلم
المسأله ماهي كم ياخذ المسأله هو يحضر و يشتغل عدل و ياخذ راتبه عليه بمليون عافيه و بلا منه.

عندنا بالحي الصغير و الكبير و الشوارع العامه تصدق ان حتى شاطئ البحر البعييد و هالكلاام من زماااان !!
فالوضع يبغاله تدخل من البلديه.. (حقوق الإنسان أولى)
و الله في مقطع بس للأسف مو عندي رجال بسيارته متروع من عدد الكلاب يم بيته يصورها و يعلق
طبعا المنظر هو لاكثر من كلب تقريبا اربع بحي مليان أطفال و أغلب الناس بيبان بيوتهما مشرعه غير ان البزران يحبون يطلعون برا يلعبون أو حتى يسيرون على بيت الجد و العم اللي تكون بحي واحد الخ
ليش يكون فيه احتماليه تعرضهم للخطر؟!
الحوادث تصير بإختلاف درجتها لكن هل لازم ينتظرون يصير حادث مصور لأحد المسؤلين و عيالهم أو لازم يشوفون مقطع لكلاب تنهش طفل أو عامل عقب يكونون حديث الإعلام من ثم يتحركون ؟!

(منظرهم بالأعداد الكبيره هذي مقزز و تواجدهم خطر)

[Dana’1]

خبر غير مؤكد:
الاسبوع القادم هناك حملة على الكلاب الضّالة في منطقة ام صلال علي و الله أعلم

العهدة على الراوي و لا دخل لي بمصداقية الخبر!

الخبر مطئمن حتى لو ماهو مؤكد عالأقل فيه نيه و بإذن الله يأكدونه قريب و يمشون على باقي المناطق لأنها لا تقل عن أم صلال علي

[سالم الزهران]

ونا بعد متأكد ان الموضوع بس ينتظر ترتيبات تخص الايواء أو الابعاد.. لأن الكلاب ما تخليها البلدية.

[Dana’1]

و أنا بعد متأكده حسب الموجود بالواقع إن البلديه خلت الكلاب و لا افتكرت فيهم لين تكاثروا و إلا ما كان شفناها بهالمنظر و الاعداد .. بس ممكن بالقريب العاجل نشوف حلولهم على أرض الواقع

[سالم الزهران]

لا يصير عندك فوبيا يا دانه.. بيشيلونها.. رغم ان الفيديو اللي شفته ف الموضوع فعلاََ مستهجن ولا كنت اتوقع اشوف كلاب بمنطقة حضرية ومرتبة عدل وقاطعين شارع عام.

[Dana’1]

لا يصير عندك فوبيا يا دانه.. بيشيلونها.. رغم ان الفيديو اللي شفته ف الموضوع فعلاََ مستهجن ولا كنت اتوقع اشوف كلاب بمنطقة حضرية ومرتبة عدل وقاطعين شارع عام.

و الله ماهو موضوع فوبيا ياسالم و لاني أحاتي يجيني فوبيا منها
الحمدلله للآن ما عندي أي فوبيا من الكلاب نهائي و بالعكس لو هي ماهي نجس وحرام تربيتها لغير الأغراض المباح فيها تربيتها ممكن أخذ واحد.

لكن ماحرمت الا لحكمه و تواجدها بكثره بالشوارع فيها خطوره اذا اللي بالبيوت ومدربه تطلع و تهجم عالأوادم

https://m.al-sharq.com/article/18/02/2022/نزف-حتى-الموت-تفاصيل-جديدة-في-حادثة-هجوم-كلبين-على-سعودي-في-أمريكا
هالخبر مره حديث الله يرحمه و يرزقه الفردوس الأعلى بالجنه و يصبر أهله

أنا أبدا ما أشوفه موضوع هين و الا من الأساس ماكان كتبت الموضوع مع إننا من زمن نشوفها لكن توصل لهذي المرحله تتهجم عالأشخاص بحوشتهم و برا حوادث نسمع عنها من ناس ثقه
هنا ضروري الجهات المختصه تشوف حل لهذا الأمر.