جلسة تداول يوم الخميس الموافق 3/2/2022

[نمر بن عدوان]

السلام عليكم ورحمة الله وبركاته
صباح الخير
وبالتوفيق للجميع

[.:: القيصر ::.]

السلام عليكم

صباح الخير

[متداول صعب]

عليكم السلام و رحمة الله و بركاته

[متداول صعب]

ليس للقلوب الضعيفه / الرجاء الحذر


ملاك الاسمنت ( المناعي 2 )

تقبظو عدل اليوم و الاحد و الاثنين


ملاحظه: ليست دعوى لشراء او بيع


تحياتي،

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[بوجبر]

السلام عليكم ورحمة الله وبركاته

يسعد صباحكم بكل خير

[معماري قطري]

صباحكم أخضر بتوفيق الرحمن

[بوجبر]

توقعي لهذا اليوم

أرتفاع معتبر لعدد محدود من الاسهم

[ابومبارك]

صباح الانتعاش

[معماري قطري]

اليوم أشوف المؤشر بيزحف لكن لازم أسهم معينة بتخالف وترتفع وممكن حتى لمت أب

[Stars]

صباحكم أخضر بتوفيق الرحمن

صباح النور جروب مقدام :funny:

[.:: القيصر ::.]

الدور على ازدان


دام السوق لين الحين مافتح


:playball:

[swairah]

السلام عليكم ورحمة الله وبركاته
مزايا و الاجارة نفس السيناريو وبإذن الله بيرتفع :playball: بس من قبل الثاني :yu: وممكن ينطلقون بأي وقت اذا تذكرون بداية 2020 صعد وكان يمشي على خط افقي لين منتصف 2021 escape واصل النزول الى يومنا هذا في قناة هابطه وعندي امل بالله ان ارتداده وارد بأي لحظة رغم خسارة الاجارة :nono: وراح يجي يوم ويسعدنا :app2:
انا ماخذته بـ 1.258 :weeping:

[ابومبارك]

سعرك الي ماخذته في الاجاره كان عالي ياسويره
الله بيعوضك ان شاء الله

[معماري قطري]

ما توقعت فودافون يخطف الأضواء بهالسرعة

نموه يجذب السيولة أكثر من توزيعه البسيط

[.:: القيصر ::.]

ما توقعت فودافون يخطف الأضواء بهالسرعة

نموه يجذب السيولة أكثر من توزيعه البسيط

قلت لك من قبل سهم اتصالات و رخيص

ولين الحين رخيص حتى بعد التوزيع لو نزل رخيص هذا تخليه للمستقبل وبس

[معماري قطري]

السلام عليكم ورحمة الله وبركاته
مزايا و الاجارة نفس السيناريو وبإذن الله بيرتفع :playball: بس من قبل الثاني :yu: وممكن ينطلقون بأي وقت اذا تذكرون بداية 2020 صعد وكان يمشي على خط افقي لين منتصف 2021 escape واصل النزول الى يومنا هذا في قناة هابطه وعندي امل بالله ان ارتداده وارد بأي لحظة رغم خسارة الاجارة :nono: وراح يجي يوم ويسعدنا :app2:
انا ماخذته بـ 1.258 :weeping:

الله يعوض الجميع

انا معدلي 1.114 وبإذن الله يتحرك العقار هذي السنة ويكون حتى السنة الجاية نجم

[معماري قطري]

قلت لك من قبل سهم اتصالات و رخيص

ولين الحين رخيص حتى بعد التوزيع لو نزل رخيص هذا تخليه للمستقبل وبس

صادق أتذكر ونعم النصيحة

المهم الواحد يتمركز صح وبيعطيني ربح زين بعد بيفيدني حتى لو احتديت ابيع بابيع أقل ما يمكن

[swairah]

الخليج الدولية اذا وصل 1.74 ثم 1.64 وربي يستر

[بوجبر]

لحد يتسرع في الشراء السوق مش ولا بد

[swairah]

اليوم الخميس الونيس يعني نزول لبعض الأسهم لأن الناس محتاجه كاش يعني بيبيع حتى ولو بخسارة وبيقول بعوضها بعدين :tooth:

[.:: القيصر ::.]

الدور على ازدان


دام السوق لين الحين مافتح


:playball:

بو عبدالله

المجنون هذا يسخن


الديزل يحتاج وقت

[متداول صعب]

المناعي 2 ( الاسمنت )سهم جدا جدا قوي


ليست دعوى لشراء او بيع

[معماري قطري]

بو عبدالله

المجنون هذا يسخن


الديزل يحتاج وقت

هذا وقته وأتوقع اعلانات متتالية للشركات العقارية عقود وشغل شوي وبتخلص 2022

[swairah]

حقيبتي خسرانه فيها قريب 600 الف ريال أعرف انه خطأي لأني ماتعلمت التحليل الفني والشموع اليابانية وأهم شي ماكنت اعرف شي اسمه وقف خسارة

[معماري قطري]

صباح النور جروب مقدام :funny:

أمس ولد عمتي خذ يوم قلت له وقال لي لو نزل على مسؤوليتك باتصل به بقول له بيع

[داود بن شطان]

ماشاء الله سيولة حولة
عندي احساس قوي أن بروة بتكمل المشوار

[Stars]

مقدام لابد من تعدي 9.5 اليوم

[.:: القيصر ::.]

أمس ولد عمتي خذ يوم قلت له وقال لي لو نزل على مسؤوليتك باتصل به بقول له بيع

خل يبيع على اللمت اب هههههههه

[معماري قطري]

حقيبتي خسرانه فيها قريب 600 الف ريال أعرف انه خطأي لأني ماتعلمت التحليل الفني والشموع اليابانية وأهم شي ماكنت اعرف شي اسمه وقف خسارة

صدقيني مثلج وماشي على البركة بس الحمد لله عوضت من - 6 لين + 1.2 هذا من أيام نزل المؤشر لحدود 7000 .. أشوف التركيز على الأسهم اللي سعرها مناسب ومحققة نمو وتوزيع أفضل بوايد ومهم الصبر وعدم البيع بخسارة

[معماري قطري]

خل يبيع على اللمت اب هههههههه

مشكلة اللي توهم يورطونك

[داود بن شطان]

وين قاع الخليج الدولية؟؟؟

[swairah]

يسموني حفيدة أيوب من كثر صبري
خل السهم يناطح لين يرجع فلوسي وعقب escape

[.:: القيصر ::.]

وين قاع الخليج الدولية؟؟؟

قاعه الصبر

[معماري قطري]

فودافون يذكرني بالقطار البخاري قبل يحسسك إنه بيسوي خبر بس يبدأ يصفر ويدخن ويطلع أصوات مزعجة وبعدين يمشي 20 وممكن يوقف بعد لو ما زدت الفحم

[داود بن شطان]

قاعه الصبر

صابرين

[swairah]

وين قاع الخليج الدولية؟؟؟

الخليج الدولية وقف خسارة 1.739

[swairah]

ويارب ماتوصل لهذا الرقم وتطلع فوق عالي الشهب

[داود بن شطان]

الخليج الدولية وقف خسارة 1.739

اتمنى مايوصلها

[.:: القيصر ::.]

الدور على ازدان


دام السوق لين الحين مافتح


:playball:


بو عبدالله

المجنون هذا يسخن


الديزل يحتاج وقت

السواق بدا يحرك

[swairah]

الخليج الدولية اذا تم فوق 1.760
الهدف الأول : 1.846
الهدف الثاني: 1.901
الصبر الصبر الصبر عندي فيه نصف راس مالي , وأعمال النصف الثاني وربي يطرح لنا ولكم البركه
ليس للشراء أو للبيع لاتطيحون طيحتي

[adell]

الحليج الدوليه الايجابيه اغلاق فوق 18.80 كسر 16.50 غير جيد لكن اذا كسرها بيغلق فجوه وبيطير والله اعلم

[داود بن شطان]

بروة اخضرت يابوجبر

[adell]

الخليج التكافلي اغلاق فوق 41 بيطير لارقام جديده فوق 46

[swairah]

فجوه أوغيره حنا ماسكين في هذا السهم لين يوصل سعره الحقيقي مالك الا الصبر ايش وداك له
الدولية وما أدراك ماالدولية بيطير بس الصبر ياجماعه هذا ماهو سعره صدقوني
سعره فووووووووووق

[معماري قطري]

الخليج الدولية اذا تم فوق 1.760
الهدف الأول : 1.846
الهدف الثاني: 1.901
الصبر الصبر الصبر عندي فيه نصف راس مالي , وأعمال النصف الثاني وربي يطرح لنا ولكم البركه
ليس للشراء أو للبيع لاتطيحون طيحتي

أخطيت وبعت أعمال بربح بسيط ولو صابر أحسن لي شربكت فلوسه في أسهم غير حتى ما اذكر وشي

من الأسهم الخسرانة عندي الدولية + المستثمرين عندي قليل فيها لكن الدولية كمية معتبرة + قطر وعمان + السلام + ودام + مزيا + إزدان + الإجارة + البنك الأول صحيح ربح ألحين بس الخسارة سابقة وكبيرة

الحمد لله اللي معوضيني وايد وأسهم توزع

[داود بن شطان]

فجوه أوغيره حنا ماسكين في هذا السهم لين يوصل سعره الحقيقي مالك الا الصبر ايش وداك له
الدولية وما أدراك ماالدولية بيطير بس الصبر ياجماعه هذا ماهو سعره صدقوني
سعره فووووووووووق


احنا مصدقيين
بس سؤال ليش السهم في نزول ولا يتفاعل ؟؟؟؟
ومتى بيوقف الررررررررررررش

[swairah]

اللي عنده فلوس ومايبيها الى سنه قدام يشتري الدولية ويتكي ويغلق الشاشة عطوه سنه ويمكن اقل وعقب ابي اشوفه وهو شاق حلجه ويشتري فيلا بالوسيل او اللؤلؤه
ويارب عطنا من خزائنك الملئانه وصب علينا الرزق صبا صبا

[معماري قطري]

بروة اخضرت يابوجبر

باقي حول 0.5% وادخل فيها في الربحية وزين بو جبر معانا

[معماري قطري]

اللي عنده فلوس ومايبيها الى سنه قدام يشتري الدولية ويتكي ويغلق الشاشة عطوه سنه ويمكن اقل وعقب ابي اشوفه وهو شاق حلجه ويشتري فيلا بالوسيل او اللؤلؤه
ويارب عطنا من خزائنك الملئانه وصب علينا الرزق صبا صبا

والله يا اختي سوقنا بعد ما طلع للعالمية لعبوا فيه شركات العالم واستوت الدولية بعد ما كانت الطفل المدلل تاخذ مشاريع البترول بمنافسة صعبة مع شركات تنزل أسعارها حتى تستفيد من عقود الدولة

اللي عنده كاش وما يحتاجه يحطه في ثلاث اسهم أو أكثر حسب الكاش ويشوف شركات بتوزع ومحققه نمو ألحين وليش لا ممكن الدولية تحقق ربح ونمو ننتظر اعلانها

[swairah]

انا بدخل اجتماع ولي رجعه معاكم بخصوص الخليج الدولية
اللي خبري خبرك يلعبون بها علشان يبون الحلال كله صوبهم الهبره الكبيرة يبونها لهم
لكن حنا احفاد ايوب صابرين وبنهمش معهم ان شاء الله

[معماري قطري]

شكل قطار فودافون البخاري بيوقف في محطة وبينزل الركاب كلهم وبيروح

[ابومبارك]

شرايكم في بروه ياجماعه
يستاهل الحين ندخل فيه

[adell]

التكافلي طار اي اغلاق فوق 41 بيروح للاهداف ان شاء الله

[ابومبارك]

بروه ولا فودافون احسن للدخول

[بوجبر]

الاجارة والتجوري ؟؟؟

[بوجبر]

اخبار السهم اللي ينحط في التجوري!!!!

[معماري قطري]

بروه ولا فودافون احسن للدخول

الله أعلم انا بحدود سعر اليوم في بروة واستعيلت شريت وما توقعت ينزل .. بس ألحين لازم امسك اشوف وين بيوصل ونتايجه

إنت أوقات تحط فلوسك في سهم خسران يرتفع وايد

[السيلاوي]

وقود ان شاء الله تدخل ال 20 قريبا

[نمر بن عدوان]

أخطيت وبعت أعمال بربح بسيط ولو صابر أحسن لي شربكت فلوسه في أسهم غير حتى ما اذكر وشي

من الأسهم الخسرانة عندي الدولية + المستثمرين عندي قليل فيها لكن الدولية كمية معتبرة + قطر وعمان + السلام + ودام + مزيا + إزدان + الإجارة + البنك الأول صحيح ربح ألحين بس الخسارة سابقة وكبيرة

الحمد لله اللي معوضيني وايد وأسهم توزع

ان شاء الله كل الاسهم الي ذكرتها مايقبل علينا رمضان الا مقبل عليها الخير،
الله يعوضك بالربح الوفير ومالنا الا الصبر مع هالخساير.

[مضارب متعور]

اللي عنده فلوس ومايبيها الى سنه قدام يشتري الدولية ويتكي ويغلق الشاشة عطوه سنه ويمكن اقل وعقب ابي اشوفه وهو شاق حلجه ويشتري فيلا بالوسيل او اللؤلؤه
ويارب عطنا من خزائنك الملئانه وصب علينا الرزق صبا صبا

شفايدة الفلوس اللي اغلبها حرام وربا

[كلمة طيبة]

شفايدة الفلوس اللي اغلبها حرام وربا

عفوا اخي كيف يعني اغلبها حرام وربا ، هل السهم محرم ؟

[داود بن شطان]

ماشاء الله تبارك الله على بروة
طلوع بثبات في خلال شهر من 3.1 ريال إلى 3.484

[qatar 86]

شفايدة الفلوس اللي اغلبها حرام وربا

أحلى شي لها مذاق طيب ولزيز أوي

بس السهم عليه تطهير يعني يجوز التداول فية حسب كلام المشايخ

[vip1982]

أحلى شي لها مذاق طيب ولزيز أوي

بس السهم عليه تطهير يعني يجوز التداول فية حسب كلام المشايخ

رد عجيب؟ الحرام مذاقه طيب, اللهم اغنني بحلالك عن حرامك

[qatar 86]

قاعد أتطنز

لأن حتى يدتي اللي ماتفهم فالأسهم تدري أن الدولية في عليها تطهير يعني شرعاً مب حرام ولا ربا

حسب كلام كبار علماء الدين

والدين مب لعبة كل واحد يقعد يألف من مخة حرام حلال زهرمار

[qatar 86]

تبون حلال صافي وجنعد

عندكم مزايا والإجارة عسكروا فيها لين ما الله يفرجها عليكم

وأنا معسكر فالطبية أم التطهير 0% والوعد قدااااااااااااااااااام

[كلمة طيبة]

طبعا اخي اللهم اغننا بحلالك عن حرامك ، ولكن السهم عليه تطهير وشي رمزي ، سابقا كان محرم لانه نسبة التطهير كانت عالية جدا، انا سؤال هل هناك تحديث واصبح محرم ؟

[داود بن شطان]

الف مبروك بوجبر طلوع بروة
نبي نشوف الـ3.5 ريال اليوم أن شاء الله
خاطري في الكولينان

[vip1982]

قاعد أتطنز

لأن حتى يدتي اللي ماتفهم فالأسهم تدري أن الدولية في عليها تطهير يعني شرعاً مب حرام ولا ربا

حسب كلام كبار علماء الدين

والدين مب لعبة كل واحد يقعد يألف من مخة حرام حلال زهرمار

بما انه الدين ليس لعبة, تحرى الحلال اخي الكريم والقي نظرة عالفتوى للاسهم المختلطة:

https://www.islamweb.net/ar/fatwa/285634/%D8%AD%D9%83%D9%85-%D9%88%D9%83%D9%8A%D9%81%D9%8A%D8%A9-%D8%AA%D8%B7%D9%87%D9%8A%D8%B1-%D8%A7%D9%84%D8%A3%D8%B3%D9%87%D9%85-%D8%A7%D9%84%D9%85%D8%AE%D8%AA%D9%84%D8%B7%D8%A9

[بوجبر]

الف مبروك بوجبر طلوع بروة
نبي نشوف الـ3.5 ريال اليوم أن شاء الله

جزاك الله خير

[داود بن شطان]

اللهم اغنينا بحلالك عن حرامك
الحمدلله لا امتلك ولا سهم في الدولية ولا غيرها من شركات مختلطة

[qatar 86]

بما انه الدين ليس لعبة, تحرى الحلال اخي الكريم والقي نظرة عالفتوى للاسهم المختلطة:

https://www.islamweb.net/ar/fatwa/285634/%D8%AD%D9%83%D9%85-%D9%88%D9%83%D9%8A%D9%81%D9%8A%D8%A9-%D8%AA%D8%B7%D9%87%D9%8A%D8%B1-%D8%A7%D9%84%D8%A3%D8%B3%D9%87%D9%85-%D8%A7%D9%84%D9%85%D8%AE%D8%AA%D9%84%D8%B7%D8%A9

وهذا ردي

http://www.qatarshares.com/vb/showthread.php?641020-%C7%E1%DE%D1%C9-%CF%C7%DB%ED-%E4%D3%C8%C9-%C7%E1%CA%E4%DE%ED%C9-%E6%C7%E1%CA%D8%E5%ED%D1-%E1%E1%D4%D1%DF%C7%CA-2020

[فرع الشقاوة]

وايه كمان يا دولية رايحه بينا على فين

[مضارب متعور]

أحلى شي لها مذاق طيب ولزيز أوي

بس السهم عليه تطهير يعني يجوز التداول فية حسب كلام المشايخ

التطهير تم تشريعه للتخارج من السهم المختلط بالربا وذلك بعد شرائه عن جهل .. وليس التطهير للدخول في السهم والمضاربة فيه .. هذا حرب مع الله ورسوله مافيه استهبال ولف ودوران.

[مضارب متعور]

يعني عالأقل للي يكذب على نفسه ويقنع نفسه بجواز التداول بالأسهم المختلطة بالربا .. عالأقل ما يسوي دعاية لها ويجر الناس لها ويتقي الله في نفسه.
واذا فيه بعض الإيمان والتقوى يبتعد عن الشبهات حتى لا يقع في المحظور، هذا مع الشبهات فكيف بالواضح.

[متداول صعب]

لا حول و لا قوة الا بالله العلي العظيم

[نمر بن عدوان]

الجلسه لنقاش التداول ومايجري خلالها في هذا اليوم،
احنا هنا مانحلل ونحرم ونشكك في إيمان بعضنا وندخل بالنوايا،

على العموم يعطيكم العافيه ولقائنا في الاسبوع القادم
حفظكم الله ومع السلامه