يا جماعة وين راحت الدولارات ؟؟؟

[بوNasser]

السلام عليكم ورحمة الله

من فترة الحصار الظالم وما بعدها، انا ملاحظ قلة الدولارات في محلات الصرافة.

ومن كم يوم رحت كذا محل كله ما عندهم، او ما يعطون الا اللي يبون. ما عدا محل واحد قال عندي فئة العشرين دولار واصغر.

يقولون فيه في البنوك، ما ادري هل البنوك يعطون والا بعد نفس خردة العيد حق ناس وناس.

كل اللي ابيه خمسة او عشرة الاف دولار بس حق ام العيال تفسفسها في بانكوك قبل رمضان.

( لو تكلمنا جد، هل فيه طريقة ثانية بدل شيل الكاش، تحويل مايصير احول حق نفسي، و وسترن يونيون ما تقدر تحول الا مبلغ بسيط والرسوم عالية.)

جزاكم الله خير والصوغة ان شاء الله كله شنط وساعات وماركات اصلية من شارع العرب.

تحياتي للجميع و دمتم سالمين

[sara jsm]

دام هذي صوغتك روح دور ربعك :playball:

[سالم الزهران]

اخوي بو ناصر الماستر كارد والسجنتشر تصرف لك الدولار مقابل 3.77 تقريباََ! وعلي حسب البنك اللي مآخذ منه.. فلا تحتاج كاش ولو صرفت ما بتحصل بهذي النسبة. وبالتوفيق ولا تنسانا :)

[بوNasser]

دام هذي صوغتك روح دور ربعك :playball:

سبحان الله، الطمع ماله حل، على ايام الأول كانوا دكاكين سوق واقف مصدرنا الوحيد لأغراض لملابس العيد والمدرسة.

لا تزعلين باعطيك كوبونات اللولو.


اخوي بو ناصر الماستر كارد والسجنتشر تصرف لك الدولار مقابل 3.77 تقريباََ! وعلي حسب البنك اللي مآخذ منه.. فلا تحتاج كاش ولو صرفت ما بتحصل بهذي النسبة. وبالتوفيق ولا تنسانا :)

ياخوي التجار الكبار اللي اتعامل معاهم يبون الكاش وبس. ولا تحاتي اذا نسيتك من الصوغة ان شاء الله ما انساك من دعوة مسافر في الغيب.

تحياتي للجميع ودمتم سالمين

[sara jsm]

انزين ليش ماتحولون بات مرة وحدة ..
شهالسالفه دولارات وعقب تحولونهم هناك ..
خذ مبلغ معقول وعقب من هناك اسحب من المكاين .. او ادفع بالكرت انا كنت اسوي جذي ..
واذا بتجيب لي صوغه من البراجون باوفر لك اليوروز :thumbup1:

[بوNasser]

انزين ليش ماتحولون بات مرة وحدة ..
شهالسالفه دولارات وعقب تحولونهم هناك ..
خذ مبلغ معقول وعقب من هناك اسحب من المكاين .. او ادفع بالكرت انا كنت اسوي جذي ..
واذا بتجيب لي صوغه من البراجون باوفر لك اليوروز :thumbup1:

انا اقول لج

الدولارات أضمن ولو ما صرفتها عادي اقدر استخدمها في اي بلاد، اما البات بيطيح في جبدي.

بعدين بالبات يصير لازم تشيل فلوس وايد، واحنا مخابينا ما تشيل حدها 500 ريال و والف بات.

المره اللي راحت الست هانم شرت عود وخرابيط بما يعادل 20000 الف ريال، وكان يبون الدفع كاش، ما تتخيلين كم قعدت اسحب من المكاين وكم كرت استخدمت، هذا غير رسوم المكينة فرق العمله.

تحياتي للجميع ودمتم سالمين

[سالم الزهران]

سبحان الله، الطمع ماله حل، على ايام الأول كانوا دكاكين سوق واقف مصدرنا الوحيد لأغراض لملابس العيد والمدرسة.

لا تزعلين باعطيك كوبونات اللولو.



ياخوي التجار الكبار اللي اتعامل معاهم يبون الكاش وبس. ولا تحاتي اذا نسيتك من الصوغة ان شاء الله ما انساك من دعوة مسافر في الغيب.

تحياتي للجميع ودمتم سالمين

هههه الله يعينك على التجار.. ويبارك لك اخونا الحبيب

[بوNasser]

هههههه
الله يسمع منك.................... بس لاتعلم احد.

[kitmat]

مافي عند الصرافين صار لنا فتره ناخذ من البنك والبنك على حسب اكثر شي اربع الاف دولار يعطيك

[naklan]

شي عجيب دورت اليوم مافيه
اختفاء الدولار من البنوك والصرافات
حتى الف دولار صعب وبشروط
مادري شصاير

يمكن بايدن خرف ونسى يقولهم يطبعونه