أبشركم فزنا ببطولة حفريات الطرق على العالم

[معماري قطري]

السلام عليكم ورحمة الله وبركاته

من زمان تكلمت عن أن أي مشروع كبير يقام لا بد يتماشى تخطيط البنية التحتية معاه والتنفيذ لازم يتزامن .. ينتهي المشروع ينتهي مكتمل ما ينتهي البنيان وبعدين تبدأ الحفريات المزعجة والعميقة وتخرب فرحة الإفتتاح

ما حصل أمس قررت وصديق نروح نتعشى في مشيرب ودخلنا من طريق سلوى وفاتتني اللفة يسار اللي تدخل على مشيرب عند شركة المرسدس القديمة وتقاطع كليوباترا رحت سيدة ولا حصلت لفة الا صوب الكورنيش قريب المتحف .. الطريق كان ضيق بحواجز وحفريات كل مكان ومطبات والسيارة تهتز ولو سيارتي نازلة زيادة مثل بعض السيارات الرياضية الفراري واللامبورغيني ومثيلاتها كنت صج صج تبهدلت ويمكن أوقف مكاني

العنوان كان تعليق من اللي معاي وتساءلنا متى بتنتهي هذي الحفريات .. وليش نحتاج حفريات عميقة لهالدرجة وليش ما نتجه لأنفاق الخدمات نقدر نتابع ونصين ونستبدل التالف بسهولة؟

بنفس الوقت لو اعتمدنا المضخات ما بنحتاج نحفر غزير والمضخات نقدر نسوي لها مكان سواء فوق الأرض ولها وصلات للبايبات تحت الأرض تدفع السوائل بالضخ وليس بالجاذبية .. بدال التكلفة ما تكون في الحفر بدون ضمان صيانة سهلة تكون في المضخات والحفر يكون بسيط وحتى البايبات تكون أصغر لأن الضخ يحرك حجم سائل بسرعة وبايب صغير يكفي عن بايب كبير .. مثلاً الجاذبية تحرك حركة بطيئة ونحتاج بايب قطره متر ليمرر السوائل المتوقع حجمها في اليوم ممكن يعادله بايب بقوة ضغط 3 أضعاف قوة الجاذبية فنحتاج لقطر 30 سم أو 40 سم

[معماري قطري]

إستكمال للحديث

مشينا على الكورنيش وكله حواجز بعد وأوقات صعب تركز فيها وتكتشفها لا فيها شريط عاكس وبعضها بارز بطريقة خطرة واللوحات الإرشادية أما صغيرة وما تبين أو لا توجد والكورنيش حالته يرثى لها من الشغل اللي ما اتخيل بيخلص بسرعة .. حتى لوحة ورسمة المشروع لين انتهى شلون بيكون ما لها وجود مع إنهم يطلبونها من اللي بيبني عمارة مثلاً ويخسرونه لكن مقاولينهم المحبوبين ما يطلبون منهم ولازم تكون كبيرة ومضاءة وتبين للكل ولكل مشروع يفترض

المهم سحبتنا السيارة للستي سنتر ما رحناه من زمان قلنا نتعشى هناك ونتمشى قبل شوي .. بعد حفريات حوله والشارع خطر وضيق وقلة اللوحات بلغلط دخلت صوب الفنادق وبعدها وصلت للمواقف وداخل الستي حالة قلة نظافة ومحلات كثيرة مغلقة وبخشب وكله بنفتح قريباً .. تغيرات كثيرة سيئة وتضيق على العالم .. وقت الخروج تصادفنا بالممر الضيق للدفع للخروج وكنت دافع عبر المكينة الخاصة ووصلت لممر ضيق وما ادري شدست عليه بتاير السيارة وزين الموجود هناك فتح البوابة لي بدون ما ادخل البطاقة مع إن قاريء البطاقة المفروض قريب بس تتفاجىء بمكان ضيق صعب تناور فيه ومليء بالأرصفة شكلي ركبت طرف رصيف وسيارتي صالون سبورت .. وذكرت قبل تنظيم مداخل ومخارج الستي سنتر يحتاج وقفة هندسية وأمنية ومرورية قوية هذا مب مجلس خاص مكان عام ينظم باشتراطات تنفع العموم وفي أوقات الطواريء والهلع كيف بيكون الخروج؟

[معماري قطري]

كنت أفكر وايد ومشكلتي أفكر ليش الحفريات في فرجاننا بالبوكلينات المطرقية المزعجة وأتوقع مقاولينهم عندهم حفارات بدون صوت واهتزازات وتكلموا عنها كثير بس ذي مب لنا يا سكان الفرجان حتى لو معانا شياب وعجايز وأطفال ووزراء سابقين وحاليين .. مب مهم القطري يتحمل لكن واجهة البلاد وتجمعات الأجانب هذي استخدموا فيها الحفارات ذي .. صدقوني 24 ساعة ضربات تدخل المخ والنخاع الشوكي

[Rider]

الحفريات شعار لنا مانقدر نستغنى عنها هههههه هذي سياسة التفكير الخطأ

[حمد 2002]

تبون تطور
هذا هو التطور
الحل
بالصبر
ثم الصبر
بعدين بالمستقبل
بنشوف
التطور

[sara jsm]

انزين اي مطعم رحتوا ؟

[بوNasser]

في افتتاح نفق التضامن (تقاطع العلي) ما تم حد من مسؤولين اشغال ما صور وصرح وافتخر بها الانجاز وسرعة تنفيذه والصعوبات اللي واجهتهم وتغلبوا عليها، وبالفعل النفق ممتاز بمساراته.

لكن

فوق النفق الوضع مختلف، كل الأكتاف من كل الجهات حفريات وكتل اسمنتية ودواعيس وشاحنات وحالة كسيفة.

نعم اكتشفنا ان الافتتاح كان جزئي، والصور اللي في الجرايد غير عن الواقع، بس ليش هالزبو و الفشخرة و المهايط وحب الظهور على انجاز غير مكتمل بنسبة كبيرة.

تحياتي للجميع ودمتم سالمين.

[سالم الزهران]

يا جماعة الخير انا مب مهندس لكن من خارطة جوجل يبين المكان المرتب من اللي جاي صدفة.

المشروع وأي كان نوعه سواء بنية تحتية أو تطوير منطقة.. الخ لابد أن يثبت جدواه من خلال أهميته للمشاريع اللي تجي عقبه (لانها بتكمل وبتبرز أهمية المشروع اللي كان رقم واحد في ذاك المكان بذيك السنة).

بتشوفون مشاريع فعلاََ ذات جدوى عالية ومن هالنوع.. وبتشوفون مشاريع مالها أثر يذكر..

احد الزملاء هنا دائماََ يذكر مثل (اللي يأذن بخرابه) وانا اتفق معه وبالخص في نقطة المشاريع و لاشك ان الاخوان اللي يدهم في الشغلة يعرفون اكثر منا وحنا يادوب يجينا مشاكل العقود وصرنا شبه ملمين باغلب اسباب المشاكل بدءََ من ترسية العقد.. والله كريم

[معماري قطري]

انزين اي مطعم رحتوا ؟

أهم سؤال .. لحقنا على أبل بيز قبل ليسكر

[معماري قطري]

يا جماعة الخير انا مب مهندس لكن من خارطة جوجل يبين المكان المرتب من اللي جاي صدفة.

المشروع وأي كان نوعه سواء بنية تحتية أو تطوير منطقة.. الخ لابد أن يثبت جدواه من خلال أهميته للمشاريع اللي تجي عقبه (لانها بتكمل وبتبرز أهمية المشروع اللي كان رقم واحد في ذاك المكان بذيك السنة).

بتشوفون مشاريع فعلاََ ذات جدوى عالية ومن هالنوع.. وبتشوفون مشاريع مالها أثر يذكر..

احد الزملاء هنا دائماََ يذكر مثل (اللي يأذن بخرابه) وانا اتفق معه وبالخص في نقطة المشاريع و لاشك ان الاخوان اللي يدهم في الشغلة يعرفون اكثر منا وحنا يادوب يجينا مشاكل العقود وصرنا شبه ملمين باغلب اسباب المشاكل بدءََ من ترسية العقد.. والله كريم

إحنا عارفين الخلل وين وحطيت عليه علم كم مرة .. في رأيي يبدأ من إدارة المشروع الهندسية لازم تكون مفتحة للأنظمة الحديثة والسهلة وتسوي دراسات جدوى حق فترة طويلة 50 سنة مثلاً .. دراسة شاملة الصيانة وعدم التأثير على المباني والعامة وكأنك كل مرة تسوي مشروع جديد بالكامل وتخرب كل اللي بنيته من 5 أو قول 10 أو حتى 20 سنة

الدراسات الهندسية تقوم بها شركات عالمية في الغالب ومفتحة على أنظمة متطورة ليش نلزمهم بالبدائي وإذا شركاتنا ضعيفة نستورد شركات من برا ومب شرط أوروبية الصينية والهندية رخيصة وينفذون حسب التصميم .. الوضع ما يحتمل تأخير والباقي 6 شهور تقريباً لازم نخلص كل مشاريعنا فيها .. اللي معاي مطلع ويأكد لي إن مشروع بنية الدوحة التحتية بينتهي في 2027 .. وايد وايد شهالمشروع الريل خلص بسرعة .. زين ومشيرب اللي بيستوعب عدد كبير من السكان هذا الشغل حوله بيستمر وقت كاس العالم والا بيغطونه مؤقت وبيرجعون يحفرون مرة ثانية ؟

الربكة ما تصير الا لو ما فيه تصميم وجدول زمني سريع يضمن تخليص المشاريع مكتملة أول بأول وللأسف غالب اللي يديرون العملية همهم نبني ويبين بنياننا ولا يركزون في الخدمات وهذي عادي بنسويها بعدين .. وعارف الضغوط عليهم والميزانية ولا يقدرون يخلصون كل شيء في وقته وهنا نقول ضرورة الإستفادة من الخبرات الخارجية والعقود تكون واضحة بعمل كل شيء مب شيء ونخلي شيء بعدين

[معماري قطري]

في افتتاح نفق التضامن (تقاطع العلي) ما تم حد من مسؤولين اشغال ما صور وصرح وافتخر بها الانجاز وسرعة تنفيذه والصعوبات اللي واجهتهم وتغلبوا عليها، وبالفعل النفق ممتاز بمساراته.

لكن

فوق النفق الوضع مختلف، كل الأكتاف من كل الجهات حفريات وكتل اسمنتية ودواعيس وشاحنات وحالة كسيفة.

نعم اكتشفنا ان الافتتاح كان جزئي، والصور اللي في الجرايد غير عن الواقع، بس ليش هالزبو و الفشخرة و المهايط وحب الظهور على انجاز غير مكتمل بنسبة كبيرة.

تحياتي للجميع ودمتم سالمين.

هذا اللي يصير إخوي بو ناصر الزبو مستعدين له وبعدين إحنا نعاني .. زين محور صباح الأحمد رحمه الله افتتح من فترة طويلة وللحين تحته تحصل شيول مرمي وكزمة مغروسة في الرصيف وانترلوك منثر .. ومداخل ومخارج كلها حواجز يفكرون شيسوون فيها

[معماري قطري]

تبون تطور
هذا هو التطور
الحل
بالصبر
ثم الصبر
بعدين بالمستقبل
بنشوف
التطور

الصبر له حدود يا اخوي وانضغطنا لين درجة الله يعلم بها .. وين آلات الحفر الحديثة تحفر صح وبدون صوت ما دامهم كانوا يتفاخرون بها والا بس مخلينها تشتغل عند مجمعات أصحاب السعادة الأجانب

[معماري قطري]

عندنا شركة الإجارة مثلاً .. شركة مساهمة كبرى وعندها سيولة مجمدة وإدارة همها كم ياخذون كل سنة .. ليش ما تشتري آلات حديثة وقوية ومناسبة ما دامهم ما عندهم غير الحفر على الأقل تحفر بدون مطرقة وصوت عالي

لين رحت اللؤلؤة وشفت الطرق والعمار وشفت احتياطاتهم لحماية المباني حتى الحجر من أسفله يستخدمون قطع صلبة ما تتأثر بالرطوبة والمنهولات أول مرة في قطر أشوف منهولات ما تقرقع ومحترمة نفسها .. لا وهناك الأراضي مدفونة غالبيتها .. تخطيط شرح وكافي والمنطقة قايمة بها شركة مساهمة والزين ينقال عنه زين

على عكس اللي صاير في لوسيل مثلاً .. ممشى متكلف وشوارع جيدة لكن ضيقة وتستوي زحمة ومن يحطون زراعة يطوقونها ببلاستيك أعمال الطرق شكل مقزز ومزعج وخيط بسيط أو شريط لامع يحل المشكلة الناس هناك مشاة مب سيارات .. والعتب على إدارة المكان

[السيف5]

حدث ولاحرج بالنسبة للحفريات بكل مكان سواء قديم اوجديد
وياكثر الشوارع اللي تغنوا بها اشغال وبعد سنة او سنتين حفروه
وديك تعلق مهندس المشروع قدامك وتحاسبهcrazy

[معماري قطري]

حدث ولاحرج بالنسبة للحفريات بكل مكان سواء قديم اوجديد
وياكثر الشوارع اللي تغنوا بها اشغال وبعد سنة او سنتين حفروه
وديك تعلق مهندس المشروع قدامك وتحاسبهcrazy

يربطونه ويعلقونه في عمود يشوفونه الناس

عندنا منهولات مطلعة روسها في الفريج صلحوها بسرعة رجعت طلعت روسها مرة ثانية .. شغل رخيص للغاية وما يسوى معاناته .. بعدين ما ادري شمولعهم بالطرق الحجرية سياراتنا تهتز وتصرصر .. سيارات الشخصيات غير رولز في توايره رغوة والا لكزس توايرها ما تدري بالمطبات وهذي عند غالبية أهل قطر بس شذنب اللي سيارته رياضية وتوايرها يابسة

[وحيد-الشوق]

شيء غريب وكأن الحفريات صارت جزء وعلامة من دولتنا لا أعلم أين الخلل هل هو عدم وجود رؤية وخطة عند أشغال يأخي غريب لما أصمم وأنفذ الشارع اجي بعد اقل من 5 سنوات ارجع أكسر واحفر من جديد عشان أسوي لفة او دخله للمنطقة الفلانية تراها طرق وشوارع مب بيت شخصي المفروض اقل شيء تبقى 20 سنة على سبيل المثال مستشفى الجنوب الوكرة لما بنوه بعد فتره سووا كم دوار والآن كسروه وقلبوه إشارات هذا غير المناهيل كيف شارع فيه منهول بارز كأنه فقع طالع من التربه حتى في الدول الفقيره ما أشوفها والله مابخلص لو بذكر كل الي تشوفه عيني

في الأخير ماننكر جهد أشغال نعم تنجز لكن هناك علامات استفهام كثيرة

[naklan]

اشغال تعمل صح رغم انزعاجنا من المشاريع لكن في
الصالح العام الجماعة منفذين البنية التحتية في اماكن
كثيرة ننزعج سنه ونرتاح في المستقبل بوجود خدمات
متقدمة وبمواصفات قياسية

ملاحظتي امام منزلي الان في الدفنة يعملون منهولات
الصرف الصحي بطريقة متقدمة الحفر بطريقة القص الدائري
واستعمال البوكلين محدود ثانيا المنهول بعد تركيب البايب
يصب خرسانة من الخارج يعني مستحيل التهريب او النزول
مستقبلا طريقة يشكرون عليها وحتى الدفان على مراحل
ودك التربة وطريقة مشرفة

الي اقترحه عليهم التكثيف في العمل اذا سكرو مكان وفتحو شغل فيه
اذا كثفو الشغل بيخلص في فترة قصيرة وبعدها ينتقلون الي بعده
لكن الطريقة الان فتح منطقة كاملة والشغل متوازن من ما يسبب
الازعاج للسكان وغبار الى ماله نهاية

المهم اخوي معماري انهم يفكونا من حفريات الخشم
وموضوع كرونا والباقي سهل
المكان الي فيه شغل بخلص سنتين وبيرتاح
اهل الفريج من كل ازعاج

[معماري قطري]

شيء غريب وكأن الحفريات صارت جزء وعلامة من دولتنا لا أعلم أين الخلل هل هو عدم وجود رؤية وخطة عند أشغال يأخي غريب لما أصمم وأنفذ الشارع اجي بعد اقل من 5 سنوات ارجع أكسر واحفر من جديد عشان أسوي لفة او دخله للمنطقة الفلانية تراها طرق وشوارع مب بيت شخصي المفروض اقل شيء تبقى 20 سنة على سبيل المثال مستشفى الجنوب الوكرة لما بنوه بعد فتره سووا كم دوار والآن كسروه وقلبوه إشارات هذا غير المناهيل كيف شارع فيه منهول بارز كأنه فقع طالع من التربه حتى في الدول الفقيره ما أشوفها والله مابخلص لو بذكر كل الي تشوفه عيني

في الأخير ماننكر جهد أشغال نعم تنجز لكن هناك علامات استفهام كثيرة

في فريجنا شارع ضيق سيارة في كل اتجاه ومنافذ مغلقة من قبل ما انفتحت لعمل الحفر فيه .. بدوا من جهة وهم يمشون خطوة خطوة كل 10 أمتار تقريباً حفر بعد ما يدفنون اللي قبله .. لنا على هالحال شهور ما أذكر بالضبط كم وربكة للسيارات لازم اللي بتدخل توقف للي بتطلع والمكان اللي انتهوا منه محفر .. ما ابالغ لو قلت مأساة شوي .. المفروض طريق حيوي وضيق يخلصونه سرعة

في معيذر نفس الحال حول 3 أو 4 سنين للآن واستوينا نتفادى منطقة العمل ذي وكثيرين مثلنا .. وأكيد كل واحد أخبر مني بمنطقته

نجي لشوارع العزيزية الجديدة واللي فيها تصريف مطر نقع فيها المطر وما فيها سلوبات مناسبة جهة فتحة الصرف وشوارع ضيقة ولفات صعبة وبدت المنهولات تبرز وتقرقع نوع رخيص غطاه ما يجي ثابت .. لا ورشة المطر اللي جات خربت الإشارات واستووا الشرطة الله يعينهم يمشون السيارات في المطر

[معماري قطري]

اشغال تعمل صح رغم انزعاجنا من المشاريع لكن في
الصالح العام الجماعة منفذين البنية التحتية في اماكن
كثيرة ننزعج سنه ونرتاح في المستقبل بوجود خدمات
متقدمة وبمواصفات قياسية

ملاحظتي امام منزلي الان في الدفنة يعملون منهولات
الصرف الصحي بطريقة متقدمة الحفر بطريقة القص الدائري
واستعمال البوكلين محدود ثانيا المنهول بعد تركيب البايب
يصب خرسانة من الخارج يعني مستحيل التهريب او النزول
مستقبلا طريقة يشكرون عليها وحتى الدفان على مراحل
ودك التربة وطريقة مشرفة

الي اقترحه عليهم التكثيف في العمل اذا سكرو مكان وفتحو شغل فيه
اذا كثفو الشغل بيخلص في فترة قصيرة وبعدها ينتقلون الي بعده
لكن الطريقة الان فتح منطقة كاملة والشغل متوازن من ما يسبب
الازعاج للسكان وغبار الى ماله نهاية

المهم اخوي معماري انهم يفكونا من حفريات الخشم
وموضوع كرونا والباقي سهل
المكان الي فيه شغل بخلص سنتين وبيرتاح
اهل الفريج من كل ازعاج

مستعد أحبهم على راسهم بس يجيبون الحفار الدائري لنا شهور على هالحال .. قلت لك ناس فوق راسهم ريشة وفي آي بي وطبقة مسكينة نوت امبورتانت والله أكتب والبوكلين يطبل فوق راسي

صب الخرسانة لثبات المنهولات وعدم بروزها حل معروف وكان المفروض من زمان .. كذلك تحت الطرق لحمايتها من المياه الجوفية والرطوبة وتكون خرسانة كتلية غير مسلحة وضعيفة يسهل ازالتها لو احتاجوا .. بس الشغل بمعدات حديثة وقوية وعدد مناسب وعمال فاهمين وبعدد مناسب يخلي المشروع اللي ياخذ شهر ممكن يخلص في اسبوع .. وبنفس الوقت نسوي البنية التحتية لمشروع مثل مشيرب في وقت تأسيسه وبنيانه هو الحل الأنسب مب مفتوح المشروع وحوله زوبعة وحفريات بتتم الى ما شاء الله

ذكرتني بسالفة الغبار .. تدري عندنا غبار أسود وناعم نغسل السيارات الصبح العصر مغبرة والغبار دخل من فتحات تهوئة دورات المياه .. شالسبب في ظنك؟

دك الدفان والكنكري القابرو الأسود يتكسر من كثر الدك يتفتت لأجزاء صغيرة يطيرها الهواء وتبقى عالقة في الجو وتدخل الخشوم والرئة تسبب بلاوي .. نرجع لنظرية البسكوت والصحن والمياه حول البسكوت كيف يتشربها .. نفس الوضع بيحصل بعدين تتسرب مياه للطبقة هذي المدكوكة وتنفخها وتستوي تعرجات في الطريق فيما بعد .. خل نقول بعد كم سنة وبكم دورة مياه وأمطار .. ألحين بدال الدك الزايد توجد مواد اسمنتية تخلط بها التربة الموجودة في الأرض وبكميات بسيطة ومدروسة تخلي التربة غير منفذة للمياه وثابتة ويابسة طول العمر .. كل ما عليهم بعدين يزيلون ما يسمى ال Wearing Course وهي الطبقة الناعمة القابلة للإهتراء والإستبدال من الطريق .. شدعوى ما عندهم علم بهذي المواد والا استشارييهم مال بو كلج

[monatee]

يا جماعة ساعات الحفر متى المفروض يبتدون ومتى المفروض يخلصوون ؟

والله متأذين من الساعة 6 الصبح لغايه 5 العصر
من السبت لين الخميس
وراحة الجمعه فقط
4 حفارات تحفر داخل راسي يوميا

قاعدين يشتغلون على اجزاء مفرقه في الفريج
صارلنا شهور على الاذية وتوهم من كم يوم وصل الدور قدام بيتنا بالضبط على جزء صغير تقريبا 15 متر

وباقي الشارع متى واشكثر بنستحمل ؟؟؟ بين فترة وفتره يحفرون جزء معين


وكاتبين على الورقة الي ملزقينها على بيتنا ان الشغل راح يخلص في المنطقه سنة 2027

[معماري قطري]

حلمك إن اللي يصير للصالح العام حلم حلمناه كم مرة وعرفنا النتيجة الشق أكبر من الرقعة مثل ما قال غانم السليطي

[معماري قطري]

يا جماعة ساعات الحفر متى المفروض يبتدون ومتى المفروض يخلصوون ؟

والله متأذين من الساعة 6 الصبح لغايه 5 العصر
من السبت لين الخميس
وراحة الجمعه فقط
4 حفارات تحفر داخل راسي يوميا

قاعدين يشتغلون على اجزاء مفرقه في الفريج
صارلنا شهور على الاذية وتوهم من كم يوم وصل الدور قدام بيتنا بالضبط على جزء صغير تقريبا 15 متر

وباقي الشارع متى واشكثر بنستحمل ؟؟؟ بين فترة وفتره يحفرون جزء معين


وكاتبين على الورقة الي ملزقينها على بيتنا ان الشغل راح يخلص في المنطقه سنة 2027

يحيكم إحنا يوقفون يمكن نص ساعة أو ساعة ويرجعون يطقطقون 24 ساعة متواصلة .. حتى وقت الصلاة وصلاة الجمعة .. طريق الوعب واستاد خليفة قريب

على طاري استاد خليفة مشيت في مواقفه من فترة شغل انترلوك رخيص وغش قطعة مرتفعة وقطعة نازلة .. إستغربت شلون ما فكروا فيه للحين وشكلهم مقتنعين إنه زين أو ممكن مب حق كاس العالم

أسباير مسوينه بدون بنية تحتية وآخر الليل أظن الساعة 2 يجون يفضون خزانات الصرف الصحي وهناك منشآءات كثيرة .. حتى عندنا كم مرة أشوف فاتحين منهول ومدخلين فيه هوز كبير يسلكونه أو يسحبون السوائل المتجمعة .. وشاحنة خاصة ببمب كبير تشفط هذي السوائل ولها صوت متوسط مب قوي وايد .. أتوقع وقت الشغل يتم التخزين في البايبات والسحب منها

يعلم الله كتبت الموضوع وانا حزين على هذا الوضع والأموال المهدورة على شركات تلعب ومكاتب هندسية دون المستوى .. كلها كم موظف عندهم ذمة يروحون الصين أو كوريا ويجيبون شركات تسوي شغل مع تصميم بصفة مستعجلة وبدون وكيل وبدون تعقيدات يخلون الشركات تجيب كل عدتها وعمالها ويسهلون لهم كل شيء

[سالم الزهران]

حسب معرفتي ان المنطقة مب صخرية ولو كانت صخرية فصخور ما تحتاج الطق والشغل المزعج، لكن اتوقع طالما هناك حفر فهم يطقون الركائز الحديدية اللي تشوفونها في المشاريع وحتى هي لها معدات خاصة.

اخوي معماري اتفهم أسفك والله، وفي كل مكان بالخليج تحصل نفس المشاكل. أنا ودي لو يكون للساكنين في الأحياء والفرجان ثقل.. بحيث يقدرون يشتكون على المقاول اللي تبين خلل أو قصور في عمله ( مثلاََ شبكة تصريف ولا طق مطر تعبت الشوارع).. خلاص يكفي كمن صورة وتروح تشتكي علي انا ابو زيد اللي خذيت اربعين مليون عشان اسوي تصريف شارعين وما عرفت..وتحاسبني جهة الاختصاص.

لكن


اذا اي خطوة من هالخطوات تعثرت.. فمعناه أن القادم بيكون كله تغطية أخطاء وانعدام شفافية... الخ

[sara jsm]

يا جماعة ساعات الحفر متى المفروض يبتدون ومتى المفروض يخلصوون ؟

والله متأذين من الساعة 6 الصبح لغايه 5 العصر
من السبت لين الخميس
وراحة الجمعه فقط
4 حفارات تحفر داخل راسي يوميا

قاعدين يشتغلون على اجزاء مفرقه في الفريج
صارلنا شهور على الاذية وتوهم من كم يوم وصل الدور قدام بيتنا بالضبط على جزء صغير تقريبا 15 متر

وباقي الشارع متى واشكثر بنستحمل ؟؟؟ بين فترة وفتره يحفرون جزء معين


وكاتبين على الورقة الي ملزقينها على بيتنا ان الشغل راح يخلص في المنطقه سنة 2027


نفس اللي مرينا فيه .. بس احنا كلمنا اشغال وخذنا رقم المسؤول عن هالمشروع ..
وسندرنا راسه اتصالات يومياً لين خلصوا الجزء الخاص في بيتنا ..
اذا مكتوب لين 2027 فاكيد منطقتكم ناقصها وايد امور ولا فيها بنيه تحتيه حتى ..

صج ازعاج من قلب وفوق ذي كراكات في طوف البيت :(

[معماري قطري]

حسب معرفتي ان المنطقة مب صخرية ولو كانت صخرية فصخور ما تحتاج الطق والشغل المزعج، لكن اتوقع طالما هناك حفر فهم يطقون الركائز الحديدية اللي تشوفونها في المشاريع وحتى هي لها معدات خاصة.

اخوي معماري اتفهم أسفك والله، وفي كل مكان بالخليج تحصل نفس المشاكل. أنا ودي لو يكون للساكنين في الأحياء والفرجان ثقل.. بحيث يقدرون يشتكون على المقاول اللي تبين خلل أو قصور في عمله ( مثلاََ شبكة تصريف ولا طق مطر تعبت الشوارع).. خلاص يكفي كمن صورة وتروح تشتكي علي انا ابو زيد اللي خذيت اربعين مليون عشان اسوي تصريف شارعين وما عرفت..وتحاسبني جهة الاختصاص.

لكن


اذا اي خطوة من هالخطوات تعثرت.. فمعناه أن القادم بيكون كله تغطية أخطاء وانعدام شفافية... الخ

المنطقة غالبها أرض صخرية صخور جيرية سهلة الكسر .. هم لو يستخدمون ديناميت مدروس بكميات بسيطة ومصدات لصوته وبحيث تأثيره يكفي لحدود مترين مكعبين من التربة بيستوي أسهل بدال الضربات المتتالية والقوية ذي .. مرة شفتهم يستخدمونه عندنا في منطقة برية .. وهم عارفين تأثيره وقوته والصوت يجيك فرقعة خفيفة وفيه مخمدات صوت حتى يقدرون يسوون آلاف التفجيرات .. حفر بدريل كبير قبل دائري يسوي فتحة قطرها 5 سم وينزلون العبوة فيه تحول الحجر لتراب في أجزاء الثانية .. وما ذكرته لصفائح الحديد المغروسة هذي تستخدم للاراضي الطينية والرملية واللي مستواها مختلف وسهلة تنهار عندنا يحفرون 15 متر بدون حمايات جانبية من الإنهيار بس يحطون حواجز خرسانية لحد يطيح

بعدين يا اخوي ليش ينتظرون ردة الفعل من العامة مب هم مدراء مشروع يصممون ويحطون شروطهم ويعينون المقاول الكفؤ والقادر ويتابعون التنفيذ ومشاكله ويعرفون كل صغيرة وكبيرة فيه يفترض وكل مشكلة .. والمفروض لهم مكتب ميداني والمفروض أكثر هذي أمور خلاص انتهينا منها ألحين عارفين شالتكنولوجيا اللي تخليك تسوي الشغل في فترة مناسبة .. انت الطبيب ما تخلي عليه مشرف خريج إدارة لكل مجموعة استشاري يتابعهم ويقيمهم عملياً وعلمياً ويعرف أداؤهم .. وما تجيب طبيب أسنان يوجه أطباء جراحة ونفس الوضع للهندسة وتخصصات البناء وهي كثيرة ما تجيب دكتور مهندس كهربائي يتابع ويوجه حتى دبلوم هندسة بنية تحتية .. الثاني مختص والأول إختصاصه غير

إذا مرة مهندس طرق في أشغال يقول لي هذا أمر مدير المرور وتدخل مدير المرور في أمان الطرق وقت التنفيذ قلت له انت مدير المشروع والمشروع تحت يدك ما يحق لأي شخص غير مختص يتدخل .. ممكن مديره المباشر أوكي في أشياء إختصاصية لو كان مختص

[معماري قطري]

نفس اللي مرينا فيه .. بس احنا كلمنا اشغال وخذنا رقم المسؤول عن هالمشروع ..
وسندرنا راسه اتصالات يومياً لين خلصوا الجزء الخاص في بيتنا ..
اذا مكتوب لين 2027 فاكيد منطقتكم ناقصها وايد امور ولا فيها بنيه تحتيه حتى ..

صج ازعاج من قلب وفوق ذي كراكات في طوف البيت :(

غالبية كراكات البيوت والمباني اللي عندنا تكون كامنة من سوء التنفيذ وتتوسع شوي شوي وتبين مع مرور دورات البرودة والحرارة السنوية .. فيه بيوت لها سنين طويلة مبنية ويحفرون حولها ولا فيها شيء وفيه بيوت توها لها سنة وتبين فيها هذي العيوب .. ببساطة سوء التنفيذ وأوقات ما يركبون فواصل تمدد في الأسوار .. مريت على بيوت كثيرة تنبني في نفس المنطقة وعددتها لواحد معاي كنت رايح اشوف بيته .. لا والمقاولين يشوفون الكراك متعرج وواضح وحتى قبل البلاستر ويصلحونه بشوية مونة إسمنتية ويوهمون المالك إن هذا الحل الصحيح والوحيد والحل لو ما فيه فاصل تمدد يقصون مكان الكراك المتعرج قص للطابوق سيدة من فوق لين تحت والمفروض يفصل حتى الأساسات ويحطون مادة مرنة تسمح بالتمدد والإنكماش

[naklan]

حلمك إن اللي يصير للصالح العام حلم حلمناه كم مرة وعرفنا النتيجة الشق أكبر من الرقعة مثل ما قال غانم السليطي


والله ياخوي معماري انا معك

الي متعارف عليه دوليا هو عمل بنية تحتية متكاملة صرف صحي
وكهربا وخطوط اتصال وبعد ذالك تسليم الارض جاهزه للبناء
بس شيسوون اهم مستلمين مناطق بنيت وخلصت وما عندهم
كثير من الحلول

انت بس احسب حجم المشاريع الي يديرونها من شمال قطر الى جنوبها
وصحيح انهم في الدفنة يقطعون الارض واعذرهم منطقة
حساسة فيها السفارات وكبار الموضفين

واعذرهم الات قطع التربة الي مثل البوكلين بس لها راس دائري يقص
في الارض هذي الات حديثه ومش كل الياتهم بهذا الشكل

صحيح فيه شوية اشغال يبلها تطوير وتحديث طريقة التنفيذ
بس انا اقول وين كنا ووين صرنا قارن بين الوضع قديما
وشوف الفرق مع ان اشغال سابقا مشاريع بسيطة
ولان المشاريع مالها حد والي تديرها
جهة وحده

[naklan]

العمل الان مدروس

جسور المشاة لقطع الطريق طالبنا وتكلمنا فيها قبل 20سنة
الان كل الشوارع فيها جسور مشاة مشاريع تنفذ ومشاريع
في الطريق جايه يشكرون بصراحه تحديث وتطوير
وتجميل شوف الحديقة الي في المنطقة التعليمية
شلون جميلة ومطوره ومكيفه

احنا نسير بخطى ثابته لرسم مستقبل جميل
بس نحتاج مواكبه التطور واخد احدث واجمل ما فيه
ونمشي على المثل
اذا اردت ان تطاع فامر بالمستطاع

[معماري قطري]

والله ياخوي معماري انا معك

الي متعارف عليه دوليا هو عمل بنية تحتية متكاملة صرف صحي
وكهربا وخطوط اتصال وبعد ذالك تسليم الارض جاهزه للبناء
بس شيسوون اهم مستلمين مناطق بنيت وخلصت وما عندهم
كثير من الحلول

انت بس احسب حجم المشاريع الي يديرونها من شمال قطر الى جنوبها
وصحيح انهم في الدفنة يقطعون الارض واعذرهم منطقة
حساسة فيها السفارات وكبار الموضفين

واعذرهم الات قطع التربة الي مثل البوكلين بس لها راس دائري يقص
في الارض هذي الات حديثه ومش كل الياتهم بهذا الشكل

صحيح فيه شوية اشغال يبلها تطوير وتحديث طريقة التنفيذ
بس انا اقول وين كنا ووين صرنا قارن بين الوضع قديما
وشوف الفرق مع ان اشغال سابقا مشاريع بسيطة
ولان المشاريع مالها حد والي تديرها
جهة وحده

ما اعذرهم ولا شيء

انا وغيري خصماؤهم يوم القيامة .. ما يسوون المشاريع بلاش وبغالي وايد .. كفاية باصات التاتا اللي بدت تنقرض من صرخنا عنها صرخات قهر واللي يستوردونها بالية ومنتهية من الهند .. هذي مليونير كبير ربح منها وايد رحمه الله .. جاب كمية مهولة شفتها في أرض له وكان يبغي يسوقها حق كروة أعتقد وكروة تعاقدوا مع مصانع مباشرة وكانت نقطة إيجابية ايجابياتها نقطفها ألحين تلوث قليل وباصات تفتح النفس مقارنة مع تاتا

مقاولينا للأسف يلقطون بعضهم عمال من الشارع وبعضهم إعارات وآليات منتهية ونكتشف مؤخراً إن حسب المناطق وساكنيها يهتمون بالشغل أو مب مهم عذبوا السكان في الدنيا قبل الآخرة

بالنسبة لعمل البنية التحتية لبيوت قائمة إحنا عندنا كل شيء حتى انترنت سريع الفايبر اوبتكس نقصنا تصريف المطر ومستغرب ليش حطوا بايبات إطفاء وحتى محطة الإطفاء جنبنا بسهولة توصل لأي بيت .. وما دام هذي بيوت قائمة وناس ساكنينها وناوي تطور طور بس بآليات صح وتخطيط صح وبسرعة لتأذي العالم هشكل .. ثرى المقاولين أوقات ربحهم من المشروع يوصل مئات الملايين ولا يتنزلون يشترون آلية تبيض الوجه كله مال رخيص ومش حالك .. أشوفهم عمال يقطعون الإنترلوك والغبار على السيارات بدون أدنى مسؤولية ومنظر مقزز ومزعج .. من يضبطهم إذا أشغال والا ايش قال يبونا نشتكي وهم يديرون من مكاتبهم والشرطة ما لها خص

بعدين يا اخوي ادارة المشاريع كلها توقيع عقود مع شركات اشراف عالمية .. جنبنا بارسونز الاستشاري الأمريكي بس مؤكد هم فارضين عليه يتساهل مع المقاول بهذي الحفارات وممكن جزء من عقده .. يمكن هم يوقعون العقد ويصورون وقت الإفتتاح بس

[معماري قطري]

العمل الان مدروس

جسور المشاة لقطع الطريق طالبنا وتكلمنا فيها قبل 20سنة
الان كل الشوارع فيها جسور مشاة مشاريع تنفذ ومشاريع
في الطريق جايه يشكرون بصراحه تحديث وتطوير
وتجميل شوف الحديقة الي في المنطقة التعليمية
شلون جميلة ومطوره ومكيفه

احنا نسير بخطى ثابته لرسم مستقبل جميل
بس نحتاج مواكبه التطور واخد احدث واجمل ما فيه
ونمشي على المثل
اذا اردت ان تطاع فامر بالمستطاع

ذكرتني بجسور المشاة مسوين خوش جسر للمشاة يقطع شارع الفروسية صوب اسباير من جهة الغرب لهم حول سنة يشتغلون فيه حصية على حصية نبني الجسر يا بنية .. المهم شهالجسر هذا لدبابات أو لبشر .. مسوينه دفان وحوائط استنادية وكتلة كبيرة تطلع تمشي على سلوب طويل .. صحيح يبين لي ممكن للكراسي المتحركة بس تعليقي على الكتلة المصمتة بدون فتحات فيها .. كنت قبل تمر بالسيارة تشوف إنفتاح أسباير جدامك ومن الجهة الثانية تشوف المحلات التجارية صوب معيذر .. من اللي صممه ومن اللي وافق على التصميم مستغرب؟

ربعنا لهالدرجة ما عندهم بعد نظر ويتخيلون إن مثل هذا الجسر يسوونه في دول ثانية الجاذبية نفس جاذبيتنا هناك وهنا = 9.81 متر/ ثانية تربيع ( أذكرها من أيام الدراسة ) والهواء عندنا مستحيل يطير جسر خرساني أو حديدي ثقيل ومنطقتنا بعيدة عن الزلازل .. في دول ثانية يسوونه في أيام وقطع تركب تركيب ومنفتح من كل الجهات ترى حوله مب الرامب مصمت بهذا الشكل المزعج

[مضارب جديد]

في افتتاح نفق التضامن (تقاطع العلي) ما تم حد من مسؤولين اشغال ما صور وصرح وافتخر بها الانجاز وسرعة تنفيذه والصعوبات اللي واجهتهم وتغلبوا عليها، وبالفعل النفق ممتاز بمساراته.

لكن

فوق النفق الوضع مختلف، كل الأكتاف من كل الجهات حفريات وكتل اسمنتية ودواعيس وشاحنات وحالة كسيفة.

نعم اكتشفنا ان الافتتاح كان جزئي، والصور اللي في الجرايد غير عن الواقع، بس ليش هالزبو و الفشخرة و المهايط وحب الظهور على انجاز غير مكتمل بنسبة كبيرة.

تحياتي للجميع ودمتم سالمين.


فعلا كلامك صحيح


نفس مشكلة محور صباح


المحور ممتاز

لكن كل العقارات الي مر عليها تدمرت
وبدل ما تدخل بيتك في عشر دقايق قبل المحور
صرت تدخله بعد نص ساعة

للأسف
معظم المشاريع يطغى عليها الاستعراض

[مرتبش]

مشاريع كاس العالم المباشرة من ملاعب وريل و( طرق دائرية نفذتها اشغال) تنفذت بطريقة مرتبة ومن وقت بلا زحمة وربكة وامورها طيبة الحمدلله .. نجي على حفريات الطرق وتعديلات الكورنيش( ايضا اشغال) شغل في اخر لحظة و ستين الف عامل يطالعون بعض وشغل في كل مكان.. ليش ماوسعوا على اعمارهم واشتغلو من وقت مثل المشاريع المباشرة وكل سنة يعدلون منطقة .. شي غريب هالتناقض

[naklan]

انا عندي صوت الحفارة والغبار عسل على قلبي
في سبيل عمل الصرف وافتك خاصة من تنكر الشفط
يجي عند الجيران ويبخر الفريج كله بكتيريا

شيخ معماري اضنك بتحطني وياهم خصيم يوم القيامة
ههههه ياخي افرح بالخلاص واذبح خروف واعزمني
وبنجيب عرضه نجدية مكان الحفر اذا خلصو
تحياتي يالحبيب

[معماري قطري]

مشاريع كاس العالم المباشرة من ملاعب وريل و( طرق دائرية نفذتها اشغال) تنفذت بطريقة مرتبة ومن وقت بلا زحمة وربكة وامورها طيبة الحمدلله .. نجي على حفريات الطرق وتعديلات الكورنيش( ايضا اشغال) شغل في اخر لحظة و ستين الف عامل يطالعون بعض وشغل في كل مكان.. ليش ماوسعوا على اعمارهم واشتغلو من وقت مثل المشاريع المباشرة وكل سنة يعدلون منطقة .. شي غريب هالتناقض

إيه والله غريب وهذا اللي متعب حبال مخي الصوتية

شدعوى مدراء مشاريع ومهندسين خبرات في شغلهم واستشاريين عالميين يسوون مشاريع كبرى مثل مشيرب ومثل منطقة اسباير ومثل المناطق السكنية الجديدة بدون أوقات طرق محورية تحصل طريق طويل كله دوارات ومن مسارين وشاطرين بس للرادارات عليه وبعض اللي يسوقون يمشون 40 وسرعته 80 .. وهذي موجودة في تكتلات سكنية حديثة لا ويزيدونها بمطبات كل كم متر .. هذا عن الطرق وتخطيطها .. عن الصرف الصحي وصرف المطر وباقي الخدمات الوضع منتهي .. بعض المناطق حتى الاتصالات ضعيفة فيها

مستغرب ليش نساعد دول ثانية بطرق ومباني ومستشفيات وإحنا في أمس الحاجة والشغل عندنا مش حالك

شاطرين بس نركز على القشور والشو والتفاخر .. اللؤلؤة مثال ناجح ومشروع أدارته شركة إدارة صح ليش البلدية وأشغال ما يديرون مناطقنا نفس الشيء؟

لوسيل كذلك مبدئياً بس تحت إدارة الحكومة ولا أدري أي جهة لكن بتصير مشكلة الزحمة بسبب بعض الطرق الضيقة وتكدس وزارات حكومية كثيرة في منطقة صغيرة وبسبب إدارة الصيانة ومتابعة المشروع في الوقت الحالي .. كذلك فيه بنيان على مستوى كبير ما خلص ويسبب ربكة والطرق لازم تتحمل وزن الشاحنات والآليات الثقيلة اللي تنقل المواد للبنيان الجاري وبكرة ممكن نرد على نفس الإسطوانة الطرق مصممة لسيارات صغيرة ومشت عليها شاحنات ثقيلة خربتها .. مع إن تصميم الطرق من الأساس يكون على أعلى وزن متوقع مع إضافة معامل أمان كبير يضمن حتى لو زاد الوزن ما يتأثر الطريق

[naklan]

معماري انا عندي لغبار في الحوش ارتفاع 3سنتي
بس بصراحة سويت خطة خمسية لهم
اول ما قرب الحفر عند بيتي
سافرت مدة مش بسيطة وخليت المزارع بس يسقي الزرع
ورجعت الحفر على طرف طوفه البيت يعني فينيتو
والي قدام بيتي خالص حفر وجاهز

انا عندي بيتين في نفس المنطقة وخناتيق
للهروب من المصائب والحفر

[معماري قطري]

انا عندي صوت الحفارة والغبار عسل على قلبي
في سبيل عمل الصرف وافتك خاصة من تنكر الشفط
يجي عند الجيران ويبخر الفريج كله بكتيريا

شيخ معماري اضنك بتحطني وياهم خصيم يوم القيامة
ههههه ياخي افرح بالخلاص واذبح خروف واعزمني
وبنجيب عرضه نجدية مكان الحفر اذا خلصو
تحياتي يالحبيب

والله بالعكس يا اخوي انت مشاركاتك ومخالفتك في الرأي هي العسل أما الأذية للناس في ذمتهم والحلول موجودة

غربينا فيه منطقة تحضير للدفان ويشخلون الحجر الكبار ومغبرين بالمنطقة فوق هذا تسمع صوت ريوس النشال طوط طوط طوط مسبب أذية للعالم لا وإذا ضربوا الباب تسمع طاخ قوية تقول شاللي صار .. في البداية فكرت شيء كبير طاح طلعوا آخر الليل يسوون هالحركة ذي يفتحون الباب الخلفي الحديد ويرقعونه قوة حتى يطيح بقايا الحصى العالق .. شذنب البشر اللي ساكنين حولهم وبعضهم عندهم دوامات وبعضهم مرضى

تدري كل ذيه كان بسهولة يسوونه الحفر بالتفجير المدروس ومصدات الصوت أو حتى مع الصوت بس وقت ظهر أو عصر أو صبح وبيخلص الحفر بدال سنة في شهر ويمكن أقل والدفان والدك كلش ما يحتاجونه خلاط يخلط التربة في الموقع بمواد اسمنتية تخلي الأرضية الجن ما يقدرون يدخلون داخلها ولا تهبط

[معماري قطري]

معماري انا عندي لغبار في الحوش ارتفاع 3سنتي
بس بصراحة سويت خطة خمسية لهم
اول ما قرب الحفر عند بيتي
سافرت مدة مش بسيطة وخليت المزارع بس يسقي الزرع
ورجعت الحفر على طرف طوفه البيت يعني فينيتو
والي قدام بيتي خالص حفر وجاهز

انا عندي بيتين في نفس المنطقة وخناتيق
للهروب من المصائب والحفر

إنت غير عني وخصوصاً هالوقت السفر بهدلة .. إنت الحفر عندك بسيط اللي عندنا عميق وايد وبايب رئيسي والله شاك انهم يسوون خزان لتجميع مياه الأمطار لأن البنية التحتية خالصة ولو بيسوونها مرة ثانية مأساة ومشكلة كبيرة

[معماري قطري]

فعلا كلامك صحيح


نفس مشكلة محور صباح


المحور ممتاز

لكن كل العقارات الي مر عليها تدمرت
وبدل ما تدخل بيتك في عشر دقايق قبل المحور
صرت تدخله بعد نص ساعة

للأسف
معظم المشاريع يطغى عليها الاستعراض

هنا مهم يركزون على الشوارع الفرعية أول شيء تكون بدون مطبات والسرعة فيها معقولة 80 أو 100 ويبي لها كاميرات تراقب السرعة البطيئة والسلاحف البشرية هذيلا سبب الزحمة .. بعدين تجي الطرق الداخلية اللي سرعتها 50 وفي بعض الأماكن حتى 30 وفيها مطبات أو ليش مطبات سرعة محددة وكاميرات واللي يزيد حتى ب 5 كلم في الساعة مخالفة

[SouthK]

حفريات الشوارع و العشوائية و الاهمال شعار هيئة السياحة للمرحلة القادمة!
و يمكن يسوون متحف للشوارع المرتبية عندنا علشان التوثيق و ما ينسى التاريخ وجودها عندنا

[معماري قطري]

حفريات الشوارع و العشوائية و الاهمال شعار هيئة السياحة للمرحلة القادمة!
و يمكن يسوون متحف للشوارع المرتبية عندنا علشان التوثيق و ما ينسى التاريخ وجودها عندنا

أمس مشيت في يمكن أفضل منطقة في الفريج .. واضح مكان ما حفروا حفر بسيط حق تصريف المطر .. لا والعجيب فتحات الصرف بدال ما يحطونها قريب الطرف صوب المكان النازل حاطينها عشوائية .. شغل صج كشرة وفي أماكن مرتفعة شلون يركب لها الماي .. الحفر هذا البسيط كله خافق والقار في بعض الأماكن منشق شق كبير .. يا اخوي أستغرب في أوروبا على طرقات سريعة كنت أشوف يسوون صيانة دائمة وتكون وقت الليل يسدون أي شق مجهري أعتقد يكشفونه بآلات تصوير خاصة وسيارات تقيس مشاكل الطريق .. وهناك مشكلتهم أصعب مطر وايد ويدخل المطر في أضيق فراغ ومن تنزل درجة الحرارة تحت الصفر يكبر حجم المياه 4% بعد ما تثلج وتوسع هذا الفراغ بالضغط الهيدروليكي وعندنا هذا الوضع مب موجود وحالنا وايد أسهل بس الحفر تستوي كبيرة ولا يدرون بها .. زين تعالوا يالعامة بلغوا وبنصلح بس اللي بلغتوا عنه وجنبه فيه حفر ما لنا خص فيها

حتى مكان عينة الفحص الدائرية يخلونه باقي مع إن إغلاقه سهل جداً وبشوية قار مخلوط مع رمل خشن أو حتى عادي يعطيك رقعة ما تبين ومتجانسة ولو بيتطورون أكثر يقدرون يجيبون آلات تسوي نفس لون القار الموجود وهذي حطيت لها فيديو في السابق

ثرى المسئلة للفرجان من أسهل ما يمكن لتجي تحفر وتدك مرة ثانية سو قار جديد بميلان بسيط فوق الموجود والمناطق الواطية عبها زيادة حتى تتساوى مع المرتفعة ومعالجة المنهولات الكشرة سهلة وتبديلها حتى بمنهولات تغلق إغلاق آمن وبقفل خاص ما يفتحها الا المختصين منع للتخريب .. ألحين شوارع رئيسية تسمع قرقعة المنهول عليها جايبين نوعيات رخيصة غطاها مب ثابت .. الحلول لازم سريعة وألحين قبل بكرة

عندنا طرقات حطوا لها انترلوك كشرة يخلي السيارات الصغار ترقص رقصة الجوبي العراقية والدبكة الشامية وهي تنطط هذي بسهولة بعد يعاملونها بطبقة القار حول 5 سم بس والرصيف يبقى موجود والمكان اللي يحتاج اصلاح يجيبون له آلة صب الرصيف في الموقع وهذي باشوف لها فيديو بعد شوي إن شاء الله .. شبيضيع من ارتفاع الرصيف الحالي ممكن 5 سم من 15 سم يبقى بعد حلو ويحدد الممرات .. بعدين نقدر نركب بعد وايرات جهة الرصيف تيار منخفض أو طاقة شمسية لإضاءة جانبية لبعض الأرصفة تخليها تبين واضحة ليل ونهار وممكن بلون معين يعطي طابع غير عن اللون الكئيب الأبيض والأسود .. هذي شفتها في لبنان ليتات صغار ال اي دي

[معماري قطري]

هذي نوع كبير وللطرق الجديدة بدال الشغل البطيء والممل .. شوفوا الخرسانة ناعمة ولا فيها كنكري ويمشطونها حتى تتخشن شوي ما تزحلق



https://www.youtube.com/watch?v=TNlVF06rmOs

[معماري قطري]

واللي يتابع الفيديو السابق ما حفروا أعماق الارض وسووا شغل أكثر من المطلوب

وهذي مكينة صغيرة ورخيصة مناسبة حق مقاول بو كزمة رفيجنا



https://www.youtube.com/watch?v=Xb_9qkeMFxs

[معماري قطري]

العالم يتطور بسرعة وهذي الآلات تقدر تطلبها تنشحن حتى بالطيارة ثاني يوم توصلك واحنا قاعدين حصية على حصية نبني البيت يا بنية



https://www.youtube.com/watch?v=Eb5eYLyMshY

[معماري قطري]

يمكن إحنا جاذبيتنا غير وأرضنا غير وسياراتنا غير

بنشوف طرق خلط الصبغات وتكون من ضمن جسم الرصيف يعني لو تطير أجزاء منها تطلع الصبغة موجودة


https://www.youtube.com/watch?v=Tl87lHPJ1X0

هذا مثال واللون يبقى طول العمر

[معماري قطري]

مب إختراع جديد نفس طريقة عمل الانترلوك بس هنا مواد معروفة والخرسانة نختارها بمواصفات مناسبة للرصيف وحتى خلطة اللون ونحصل بلاطة متواصلة وكبيرة سواء للأرضية اللي بنمشي عليها أو للرصيف وفي ساعات معدودة .. حتى الإدامة فيه مواد تضاف تسرعها ولا تحتاج لماء تغطى بس ببلاستيك فترة معينة حتى ماء الخرسانة ما يتبخر

هذي ألوان ثانية


https://www.youtube.com/watch?v=F7zY3JAR-ao

مشكلتنا ما عندنا بيئة تنافسية وخلاقة في قطر والا هذي المواد موجودة ولو بنحتاجها سهل نطلبها ونسوي الخلطة اللي تناسب ونخصص شركة بسيطة بعدة بسيطة وتكاليف قليلة تسوي هالشغلات بس كل هذا الشغل محجوز للكبار واللي ماشين على الدرب القديم وشغل الكزمة والشيول .. يمكن كثيرين من الشباب ما يعرفون الكزمة وهي للحفر اليدوي وشبه إنقرضت .. إخت الهيب وأعتقد أصول التسميتين باكستانية أو فارسية

[معماري قطري]

الهيب قطعة حديد لها راس حاد بوز من جهة ولها قاطع مسنن كالسكين من الجهة الثانية لتكسير الحجارة والحفر والهدم بعد .. مرة وانا صغير وهذي ذكرى أليمة كنت أضرب الأرض عمري يمكن 7 سنين أو 8 ومشتط ضربت قدمي اليمنى فوق الأصابع بشوي ومن قوة الضربة نفذت قطعة الحديد المصديء هذي من أسفل قدمي وعلقت فيها دخلت بالضبط بين الأوتار الماسكة أصابع القدم الأربع بعد الإبهام .. يعني بين عظمين وودوني المستشفى كم مرة وأذكر عمي الله يحفظه كان في صحته يشيلني بالكرسي كنت معصقل بوزن الريشة داووني كم مرة وعطوني إبرة التسمم وزين نجيت والحمد لله وقعدت أكتب وانتقد شغل الربع

[معماري قطري]

تشطيب الرصيف وتجهيزه مع عمل أماكن معينة حق ينكسر فيها تكون أضعف من الباقي ولو صار كسر بسبب التمدد والإنكماش يصير هناك .. تسمى كراك كونترول جوينت



https://www.youtube.com/watch?v=0NGgGT-HPoU

[naklan]

اخوي العزيز معماري البودره السودا هذي تدل
على وجود كسارة صغيره تخدم المشروع حوالي بيتك
يطحنون قابرو الله يعينك على ازعاجهم

اليوم قابلت احد مدراء المشروع علشان يعملون وصله
من داخل المنزل للصرف
وقلت اخذو راحتكم ولكم كل الشكر
دخلو وعملو تحديد موقع على الاقمار الصناعية
للوصلة تكلمت عن تاخر المشروع والتسكير المزعج للشوارع
فقال لي كلام غريب انه فيه ناس تطلع تهاوشهم لتوقيف
الحفر يبي ينام والثاني يبي يوقفهم ماله خلق
على صوت الحفاره وكل واحد يقترح لهم
طريقه عمل ووقت

مع ان التوقيت الحفر من اول السور لاخره
حوالي اسبوعين ويعدون بيتك ويكتمل الحفر

كلمته عن تاخرهم بعد الحفر وتركيب البيبات وصب
حوالين المنهول ودفن الحفر يتمون كاتمين الشارع كانه
ما اكتمل الشغل وقلت له المكان الي انتهيتو منه
افتحوه جزئي حوطو مكان المنهول بس
الى حين رصف الشارع ووضع
اسفلت جديد

الي واضح انهم مجتهدين بس لهم طرق في الاداره
يبيلها مدير حازم في مدة قفل الطرق وتاخير
تسهيل حركة المرور وعودة الخدمات

[مواقف النجادة]

مشكلتنا ان مقاول الحفر نشيط و شارب ردبول
بينما مقاول الاعمال ماخذ اجازات رضاعة و حمل وعدة و ساكن في دار المسنين !!

[معماري قطري]

اخوي العزيز معماري البودره السودا هذي تدل
على وجود كسارة صغيره تخدم المشروع حوالي بيتك
يطحنون قابرو الله يعينك على ازعاجهم

اليوم قابلت احد مدراء المشروع علشان يعملون وصله
من داخل المنزل للصرف
وقلت اخذو راحتكم ولكم كل الشكر
دخلو وعملو تحديد موقع على الاقمار الصناعية
للوصلة تكلمت عن تاخر المشروع والتسكير المزعج للشوارع
فقال لي كلام غريب انه فيه ناس تطلع تهاوشهم لتوقيف
الحفر يبي ينام والثاني يبي يوقفهم ماله خلق
على صوت الحفاره وكل واحد يقترح لهم
طريقه عمل ووقت

مع ان التوقيت الحفر من اول السور لاخره
حوالي اسبوعين ويعدون بيتك ويكتمل الحفر

كلمته عن تاخرهم بعد الحفر وتركيب البيبات وصب
حوالين المنهول ودفن الحفر يتمون كاتمين الشارع كانه
ما اكتمل الشغل وقلت له المكان الي انتهيتو منه
افتحوه جزئي حوطو مكان المنهول بس
الى حين رصف الشارع ووضع
اسفلت جديد

الي واضح انهم مجتهدين بس لهم طرق في الاداره
يبيلها مدير حازم في مدة قفل الطرق وتاخير
تسهيل حركة المرور وعودة الخدمات

يا اخوي ما ابالغ إذا قلت لك صار لهم فوق 4 شهور .. وقبل فترة طويلة اشتغلوا في الحديقة ولا كملوا شغلهم وقفوا المشروع

القابرو عارفه وذكرت البودرة منه تسد النفس وتسبب حساسية .. اللي مب فاهمه ليش يدكون لهذي الدرجة واللي مب فاهمه يوم قطر تستحق الأفضل من أشغال والبلدية ليش تاركين كل أهل قطر اللي حولهم حفريات يعانون وتوجد آلات حفر صوتلس .. ليش الأذية؟

عندنا شكلهم قالوا للمقاول كل ما تحفر أكثر بنعطيك فلوس أكثر وهو منهمك يمكن يوصل مركز الأرض

[معماري قطري]

مشكلتنا ان مقاول الحفر نشيط و شارب ردبول
بينما مقاول الاعمال ماخذ اجازات رضاعة و حمل وعدة و ساكن في دار المسنين !!

هذي الحقيقة يا بو محمد ومقاول الحفر مجتهد يطقطق ويزعجنا لأن الرئيسي معينه يأذي الناس والسبب عقود سايبة بدون تفاصيل ومتابعة والا ليش بعض المناطق يسوون لهم المستحيل وبعض المناطق ما يهتمون

[SouthK]

أمس مشيت في يمكن أفضل منطقة في الفريج .. واضح مكان ما حفروا حفر بسيط حق تصريف المطر .. لا والعجيب فتحات الصرف بدال ما يحطونها قريب الطرف صوب المكان النازل حاطينها عشوائية .. شغل صج كشرة وفي أماكن مرتفعة شلون يركب لها الماي .. الحفر هذا البسيط كله خافق والقار في بعض الأماكن منشق شق كبير .. يا اخوي أستغرب في أوروبا على طرقات سريعة كنت أشوف يسوون صيانة دائمة وتكون وقت الليل يسدون أي شق مجهري أعتقد يكشفونه بآلات تصوير خاصة وسيارات تقيس مشاكل الطريق .. وهناك مشكلتهم أصعب مطر وايد ويدخل المطر في أضيق فراغ ومن تنزل درجة الحرارة تحت الصفر يكبر حجم المياه 4% بعد ما تثلج وتوسع هذا الفراغ بالضغط الهيدروليكي وعندنا هذا الوضع مب موجود وحالنا وايد أسهل بس الحفر تستوي كبيرة ولا يدرون بها .. زين تعالوا يالعامة بلغوا وبنصلح بس اللي بلغتوا عنه وجنبه فيه حفر ما لنا خص فيها

حتى مكان عينة الفحص الدائرية يخلونه باقي مع إن إغلاقه سهل جداً وبشوية قار مخلوط مع رمل خشن أو حتى عادي يعطيك رقعة ما تبين ومتجانسة ولو بيتطورون أكثر يقدرون يجيبون آلات تسوي نفس لون القار الموجود وهذي حطيت لها فيديو في السابق

ثرى المسئلة للفرجان من أسهل ما يمكن لتجي تحفر وتدك مرة ثانية سو قار جديد بميلان بسيط فوق الموجود والمناطق الواطية عبها زيادة حتى تتساوى مع المرتفعة ومعالجة المنهولات الكشرة سهلة وتبديلها حتى بمنهولات تغلق إغلاق آمن وبقفل خاص ما يفتحها الا المختصين منع للتخريب .. ألحين شوارع رئيسية تسمع قرقعة المنهول عليها جايبين نوعيات رخيصة غطاها مب ثابت .. الحلول لازم سريعة وألحين قبل بكرة

عندنا طرقات حطوا لها انترلوك كشرة يخلي السيارات الصغار ترقص رقصة الجوبي العراقية والدبكة الشامية وهي تنطط هذي بسهولة بعد يعاملونها بطبقة القار حول 5 سم بس والرصيف يبقى موجود والمكان اللي يحتاج اصلاح يجيبون له آلة صب الرصيف في الموقع وهذي باشوف لها فيديو بعد شوي إن شاء الله .. شبيضيع من ارتفاع الرصيف الحالي ممكن 5 سم من 15 سم يبقى بعد حلو ويحدد الممرات .. بعدين نقدر نركب بعد وايرات جهة الرصيف تيار منخفض أو طاقة شمسية لإضاءة جانبية لبعض الأرصفة تخليها تبين واضحة ليل ونهار وممكن بلون معين يعطي طابع غير عن اللون الكئيب الأبيض والأسود .. هذي شفتها في لبنان ليتات صغار ال اي دي

لا تسأل ليش ما يسوون الصح .. اسأل من اللي ياخذ القرار و يحدد المطلوب تنفيذه و فهمك يكفي إذا هالشخص كفاءة أو لا!

[monatee]

رجعت من الدوام ماشفت ولا حفارة تحفر في الفريج
مافي ولا عامل ،،، الدنيا هدووووء

سمعت تو انهم مسوين اضراب

[مرتبش]

فيديوات منتشرة في وسائل التواصل عن تكسير وتخريب في سكن عمال احدى الشركات .. ليش مانشوف توضيح للموضوع لان اللي يدور في بالنا ان العمال مايستلمون معاشاتهم ويسوون اضراب او تجمع عند وزارة العمل .. لكن الفيديوات فيها تكسير لسيارات وباصات الشركة وقالبين بعضها .. هل الجهات المسؤولة تعاقب المخربين منهم ومن وين لهم الجرأة على هالاعمال لولا السكوت عنهم.. هل الموضوع خوف من المنظمات الدولية وحقوق الانسان .

نسمع بعقوبات على الشركات اذا تتاخر في تسليم الرواتب او ما سجلت في نظام الرواتب ونسمع بتعويضات للعمال بالملايين .. ونسمع عن سكن العمال وتحسين ظروفهم لكن مانسمع حد يتكلم عن افعال بعضهم او عن معاقبة المخربين منهم

[معماري قطري]

لا تسأل ليش ما يسوون الصح .. اسأل من اللي ياخذ القرار و يحدد المطلوب تنفيذه و فهمك يكفي إذا هالشخص كفاءة أو لا!

بعضهم ما يناقشون ولا يفتحون شصاير ولا يشوفون حولهم خلاص انا علي مسؤولية وفي يدي أسوي اللي أشوفه صح ما يهمني حد وكبار المسؤولين أوكلوا الأمر لأشخاص يتوسمون فيهم القدرة والفهم والمعرفة .. لكن فيه ناس متمكنين وعندهم قوة وسلطة ينجزون أقل ما يمكن بأقل تكلفة عليهم لكن بأكبر تكلفة على الدولة .. بعض ذيلا الناس أجانب اللسان طيب وحلو بس حتى يمشي شغله ويطلع الخير برا .. في مثل هذي البيئة صعب الشغل ويمكن مستحيل

تعال للشفافية في إرساء العطاءات وفي تعيين مقاول يخلص الشغل من غير وجع راس وأوقات استشاري دولي والا محلي قادر يتابع وعنده قوة هندسية تأهله يخلص المشروع بدون مشاكل .. تحصل فايلات الإستشاريين مليانة بالخبرات لكن الواقع كلهم برا والموجود بعضهم حديثين تخرج وخبرتهم ضعيفة .. من اللي يسمح بهذا يصير؟ في رأيي قوانين البلاد والمتمكنين ولهم نفوذ وكفلاء هؤلاء الإستشاريين

لو الدولة تتعاقد مع مكتب معين تعاقد دولي وتهيء له مقر يدير كم شغله وبدون وسيط أو وكيل له الجمل بما حمل بيكون كل شيء سهل .. طبعاً بشروط الخبرات للمهندسين تكون مؤكدة قبل الإتفاق واللي يدققون عليهم ناس مختصين وفاهمين في شغلهم وعندنا كثيرين .. الخبرة ما تجي للي شعره أسود وثوبه يلق .. الخبرة تشوفها في اللي قضى سنين طويلة يطلع ويتابع ويحتك في المشاريع وانا واحد تمنيت يعطوني الفرصة ( أكيد في السابق ) بس ألحين خلاص رفعت علم الإستسلام

صورة للحين عالقة في خيالي .. قريت كتاب حق فرانك لويد رايت المعماري الأمريكي المعروف وتوفى من فترة طويلة كانت له صورة وهو يتعكز على عكاز في الثماني من عمره ويتابع بنيان قصر حق بنت الشاه

إذا ربعنا جايبين واحد يدير مؤسسة هندسية كبرى ما يعرف شتعني Feasible Study لعدة نوعيات من المشاريع وإختيار أفضلها وهو للأسف يحمل لقب مهندس بس صغير وخبرته كلش بسيطة ويحركونه الأجانب اللي تحته ويتخذ قرارات مصيرية

[معماري قطري]

فيديوات منتشرة في وسائل التواصل عن تكسير وتخريب في سكن عمال احدى الشركات .. ليش مانشوف توضيح للموضوع لان اللي يدور في بالنا ان العمال مايستلمون معاشاتهم ويسوون اضراب او تجمع عند وزارة العمل .. لكن الفيديوات فيها تكسير لسيارات وباصات الشركة وقالبين بعضها .. هل الجهات المسؤولة تعاقب المخربين منهم ومن وين لهم الجرأة على هالاعمال لولا السكوت عنهم.. هل الموضوع خوف من المنظمات الدولية وحقوق الانسان .

نسمع بعقوبات على الشركات اذا تتاخر في تسليم الرواتب او ما سجلت في نظام الرواتب ونسمع بتعويضات للعمال بالملايين .. ونسمع عن سكن العمال وتحسين ظروفهم لكن مانسمع حد يتكلم عن افعال بعضهم او عن معاقبة المخربين منهم

شفت والله شيء محزن .. الناس ما تثور هشكل الا من الظلم أو مدفوعين من الخارج .. إختيار أصحاب الشركات لعمال مب مسلمين هذي نتيجته وبعدين ظلمهم بعد هذي نتيجته

[معماري قطري]

رجعت من الدوام ماشفت ولا حفارة تحفر في الفريج
مافي ولا عامل ،،، الدنيا هدووووء

سمعت تو انهم مسوين اضراب

يحيكم .. من شوي يطقطون على راسي ألحين هدوا لكن بيرجعون متأكد

انا مب مشكلتي مع الحفريات بس ألحين فيه حلول كثيرة .. مشكلتي مع الشغل الرديء والمزعج والمكلف على الدولة .. ووضحت من خلال النقاش حتى بفيديوهات والبعض نقلوا تجاربهم وفي قطر بأن الحفار الفرار ما يسوي صوت بس مخلينه أو طالبينه للمناطق المهمة وهذا ظلم لبقية أهل قطر

[معماري قطري]

كنت أشوف فيديوهات الإضراب والتخريب والتكسير تخيلتها قديمة وللحين شاك في الموضوع

[naklan]

هذي الحقيقة يا بو محمد ومقاول الحفر مجتهد يطقطق ويزعجنا لأن الرئيسي معينه يأذي الناس والسبب عقود سايبة بدون تفاصيل ومتابعة والا ليش بعض المناطق يسوون لهم المستحيل وبعض المناطق ما يهتمون


مافيه مناطق يسوون لها المستحيل ومناطق لا الحكومة تدفع وما تفرق
بين مكان ومكان يمكن المقاول نفسه هو يراعي اماكن على اماكن اخرى مع
ان الحفار القرص الدوار اهو يركب على خشم البوكلين مكان الحفار
يعني قيمته ما تتجاوز 25الف واذ فيه تقصير بيكون
على الشركة نفسها

وعلى فكرة حتى القص الدائري تدخل البوكلين في بعض اماكنه
خبرك الحفر يستثني بيبات الماي والتلفونات وخدمات تمر
تحت الشارع بالعرض وتكون فوق الحفر في بعض
الاماكن البوكلين توسع لمناطق المنهول
كل 100متر تقريبا

لذالك هي شر لابد منه
مع اني متاكد ان الحفر يبدا الساعة7
وينتهي 4/5 تقريبا
ولو عملو بعد هذا الوقت هي اعمال
صامته كنكريت
او دفان مراحل او نجارة خفيفه
للصب يعني معاهم العذر
اذا مافيه ازعاج

[معماري قطري]

مافيه مناطق يسوون لها المستحيل ومناطق لا الحكومة تدفع وما تفرق
بين مكان ومكان يمكن المقاول نفسه هو يراعي اماكن على اماكن اخرى مع
ان الحفار القرص الدوار اهو يركب على خشم البوكلين مكان الحفار
يعني قيمته ما تتجاوز 25الف واذ فيه تقصير بيكون
على الشركة نفسها

وعلى فكرة حتى القص الدائري تدخل البوكلين في بعض اماكنه
خبرك الحفر يستثني بيبات الماي والتلفونات وخدمات تمر
تحت الشارع بالعرض وتكون فوق الحفر في بعض
الاماكن البوكلين توسع لمناطق المنهول
كل 100متر تقريبا

لذالك هي شر لابد منه
مع اني متاكد ان الحفر يبدا الساعة7
وينتهي 4/5 تقريبا
ولو عملو بعد هذا الوقت هي اعمال
صامته كنكريت
او دفان مراحل او نجارة خفيفه
للصب يعني معاهم العذر
اذا مافيه ازعاج

صدقني توها بادية الطقطقة من شوي الساعة وحدة ونص الليل ألحين وبتستمر الى ما شاء الله

[معماري قطري]

وإذا سعر الراس الدوار 25000 ولا يستعملونه معناها القصور من اللي في يدهم التوجيه والمتابعة .. إحنا تعب صوتنا واحنا نتكلم .. تدري اليوم حفارين يشتغلون كل واحد له رنة غير .. واحد سريع مثل الطبل العراقي صغير وفيه شر كبير وواحد طمبق طمبق مثل طارة مرتخية في يد واحد حنون عليها

[معماري قطري]

الحمد لله هدت الحفريات كثير .. راحوا وراء سور الحديقة العظيم وهو مصد قوي للصوت .. حسيت إنهم غيروا معدات الحفر بس مب حولهم نفعنا السور العظيم .. هذا يخليني أفكر في فكرة هندسية سهلة جداً .. ليش آذوا العالم اللي حول البيوت هذا السور بريكاست يجيبون قطعتين يثبتونهم بحديد أو أي آلية مؤقتة ويغطونهم باسفنج يمتص الصوت أو حتى بدون بيخفف كثير

بلاد تشيل حصاة في البر يطلع لك مهندس والمهندسين فيها أكثر من الشجر ليش ما عندهم حد يقترح هذي الحلول

[SouthK]

gh


بلاد تشيل حصاة في البر يطلع لك مهندس والمهندسين فيها أكثر من الشجر ليش ما عندهم حد يقترح هذي الحلول


لان الحلول الناجعة ما لها مكان عندنا غير سلة المهملات و صاحب القرار يجهل سبب وجوده!

[معماري قطري]

gh


لان الحلول الناجعة ما لها مكان عندنا غير سلة المهملات و صاحب القرار يجهل سبب وجوده!

صادق التطوير يحتاج همة وروح وقوة وقرار قيادي ويكون بمثابة دستور للمؤسسات المختصة تمشي عليه مهما تغير قياديها

في رأيي يحتاج لجنة عليا من خبراء هندسيين قطريين كبار سن عاصروا الوضع وبنفس الوقت مفتحين وعارفين شيصير في العالم ووشي الحلول المنطقية واللي تفيد على المدى البعيد .. يدرسون أي مشروع من كل جوانبه ويضيفون عليه ما يضمن الحصول على 100% من فائدة المشروع

من يومين أتابع تلفزيون قطر والمذيعة في قطر مول وفي منطقة المطاعم داخل تمشي وتبرز المول بطريقة مبتذلة شوي وتقول اللي بيجي له جائزة .. لا وتقول أشياء الكاميرا توضح عكسها كأن إنه مليء بالمتسوقين واللي أعرفه كثير محلات فيه سكرت ومرات قليلة اللي رحت كنت أحس إني أمشي في مكان مهجور .. هذا مشروع وغيره كثير ما سوى إضافة قوية للمنطقة اللي هو فيها ويمكن نص حجمه كان كافي لفترة 20 سنة قادمة