المرافق العامة تحتاج الى أخذ رأي العامة

[البيروني]

- عندما تم الانتهاء من حديقة ملعب البيت كان الهدف الأساسي منه هو تحويلها لخدمة السكان كمتنزه لقضاء وقت جميل للجميع وممارسة رياضه المشي او تناول الوجبات و بالفعل تحول هذا المكان الى منافس لحديقة اسباير واستمتع الزوار و العائلات فيه و لكن أضافة كشافات الملاعب على الحديقة وجعل كميه الإضاءة كبيرة جدا بعد البطولة العربية جعل من المكان اشبه بملعب كرة قدم و ليس الى متنزه للعائلات وهذا عامل منفر ! متى سيتم اقفال الكشافات و إعادة الانارة الجميلة السابقة.

- كورنيش الذخيرة من المفترض انه للعائلات أي الحريم بالأساس ولكن لاتزال مجالس الرجال و البيوت بمقابل الكورنيش و هذا سبب نفور النساء من المشي على الكورنيش الذي لايمكن ان تشعر بالخصوصية فيه وكان من المفترض زراعه سلسله من الأشجار التي ستعطي الكورنيش الخصوصيه و تجعله بالفعل ملائم للعائلات و النساء و الأطفال.

[naklan]

اخوي بسيطه
اخذ رقم المسؤل عن الملعب وكلمه
ربعا اطيب من الطيب نفسه
وما يقصرون مع احد
وبعيدون الاضاءة السابقه

[naklan]

والكورنيش روح البلدية وكلمهم واعرض مقترحاتك
انا متاكد انهم يراعون الكل وخاصة اغلبهم من اهل الخور
نفسه يعني لعائلتك وعائلته الكل بيستفيد

بدل عرض المشكلة في المنتدى تطرق باب التعديل
وما فيه شي يجي بسهوله بدون اهتمام
وتوصيل لمن يهمه الامر ولصاحب
الصلاحية الي يقدر
يعدل للاحسن

[sara jsm]

ان شاءالله مايسمعون اقتراحك ونرجع نقعد بالخرمس وماتدري شنو يدبي عليك بهالظلمة .. :court:
خاصه لو ماخذ معاك اكل ولا قلاص جاي .. حلاة المكان بهالاضاءة اللي تشرح القلب .. :)

[SouthK]

المقترحات مكانها أم الافاعي .. شخصيا ما عدت اقدم اقتراحات و انصح بعدم تتضيع الوقت بخصوصها!

[أبوماجد]

السلام عليكم ، وأسعد الله صباحكم وجميع أوقاتكم بكل خير
شكرا على الطرح الهادف يا غالي ولعلي أتفق مع الأخت سارة في عبارة ( حلاة المكان بهالإضائة اللي تشرح القلب )
أما بخصوص السير على الكورنيش وخصوصا للأهل والنساء فإن وجود تلك المجالس يعتبر بمثابة صمام أمان ولا يشعرهن بالوحشة
قبل سنوات عديدة سمعت أهلي يقولون وأثناء الحمل تحديدا بأنهم لما يتريضون في الفريج مع الوالدة الله يحفظها، كان وجود المجالس
وعيال الفريج يشعرهم بالأمان وعدم الشعور بالوحشة، وطال ما أنهم محتشمين وفي حالهم ما عليهم شر بإذن الله تعالى ؛
ودمــتــم بــأمــان ،، وحــفــظ الــرحــمــن

[هداف]

مجالس هل ذخيره وبيوتهم ورسومهم مب من اليوم وامس وقبل امس من ميات السنين!! ركز اخوي طلبك غريب عجيب

وكورنيش ذخيره ما ستوى الا بمطالب اهل ها لمجالس اللي تطالب بأزالتها !! وهل هالمجالس حشيمين والمسافه بينهم وبين الكورنيش

على كلامك كانك تقول مترين ولا ثلاث امتار ترى اقرب مجلس وبيت من الكورنيش لايقل عن خمسين متر


وذخيره مدينه ساحليه صغيره تسكنها قبيلة معروفه ومعهم من جاورهم من المواطنين والمقيمين باعداد قليله
والكورنيش في المقام الاول مرفق يخص هل المنطقه ... هل انت من سكان ذخيره ولا على قولتهم :

(( الدار دار ابونا والقوم حاربونا ))

[معماري قطري]

مجالس هل ذخيره وبيوتهم ورسومهم مب من اليوم وامس وقبل امس من ميات السنين!! ركز اخوي طلبك غريب عجيب

وكورنيش ذخيره ما ستوى الا بمطالب اهل ها لمجالس اللي تطالب بأزالتها !! وهل هالمجالس حشيمين والمسافه بينهم وبين الكورنيش

على كلامك كانك تقول مترين ولا ثلاث امتار ترى اقرب مجلس وبيت من الكورنيش لايقل عن خمسين متر


وذخيره مدينه ساحليه صغيره تسكنها قبيلة معروفه ومعهم من جاورهم من المواطنين والمقيمين باعداد قليله
والكورنيش في المقام الاول مرفق يخص هل المنطقه ... هل انت من سكان ذخيره ولا على قولتهم :

(( الدار دار ابونا والقوم حاربونا ))

صادق وأهلها أهل طيب

بعدين اللي تمشي متسترة في الغالب واللي مب متسترة هذي مشكلتها

[معماري قطري]

ان شاءالله مايسمعون اقتراحك ونرجع نقعد بالخرمس وماتدري شنو يدبي عليك بهالظلمة .. :court:
خاصه لو ماخذ معاك اكل ولا قلاص جاي .. حلاة المكان بهالاضاءة اللي تشرح القلب .. :)

بعض الأماكن الغرض من الحديقة إبراز المبنى مع بقية الأهداف الثانية والإضاءة مهمة .. لو المختصين بياخذون كل طلب وبينفذونه أذواق الناس دوم تختلف .. في المسجد أوقات حر والمكيفات شغالة فجأة يجي واحد يبندها كلها هذا لازم يحترم راحة الأغلبية ويتحمل البرودة اللي يحس بها شوي

انا ما شفت المكان بس بعد مرات اللعب في شدة الإضاءة بتركيزها على الملعب مثلاً وبعض الأشجار من تحت مع إضاءة عامة أخف تكون أحلى وأوقات نحتاج شوي من الإضاءة المزاجية والملونة بألوان تعطي بهجة أو دفء أو برودة ( كإحساس )

أذكر مريت كورنيش جهة البحر منطقة رملية نظيفة تنظف بآليات مب مثل ربعنا عمال وشغل يدوي والا طلبة مدارس .. الآليات حتى الأحجار تشيلها تخلي رمل معاد تقليبه ونظيف ومرتب .. بعدين جدار بارتفاع بسيط عازل المنطقة الرملية اللي امتدادها مسافات متغيرة بس جيدة للناس وللعب وللزحمة والجدار هذا حاجز للموج لو فيه إعصار والمكان في فلوريدا كثيرة الأعاصير .. الجدار متدرج في ارتفاعه بحدود متر وأقل وشوي أكثر أوقات ومنحني وفيه إنارة طولية متغيرة الألوان كل فترة لون .. جنبه يجي ممر للمشاة وللسياكل وفيه فتحات للدخول للشاطيء .. يعني اللي يمشي يشوف الشاطيء من أعلى الجدار الفاصل ويقدر يدخل أي وقت كل شوي يحصل فتحة .. وجنب ممر المشاة يجي طريق السيارات المسمى us-1 وهو أول طريق انعمل يربط الشمال الشرقي بالجنوب الشرقي لأمريكا وشوي ضيق .. طريق ساحلي كان سريع ألحين قطعته إشارات كثيرة واستوى طريق سالك على طول محاذي له بس بعيد شوي أو حتى عدة طرق .. على الجنب الثاني تجي البنايات المطلة على الكورنيش والشاطيء

مثل هذا تخطيط شامل كل شيء .. حتى الشارع فيه شباب يدورون مثل اللي عندنا بالسيارات والعمارات تحتها مقاهي ومطاعم ومحلات وجدامها ممشى ثاني .. والمواقف على جانبي الطريق .. عندنا ما نشوف تخطيط مقارب وعنصر جذب للعامة وتجمع .. نشوف الممشى مثل ممشى لوسيل مرتفع فوق البحر وملاصق له ما نشوف فيه شاطيء مرتب ونظيف وفيه حراسة وإنقاذ مثلاً وامتداد بصري رمل وبعدين البحر وناس تلعب وتسبح وتستانس .. تركيز على المشي والأكل .. حتى دورات المياه قليلة وبعيدة وتحتاج الواحد يركز حتى يحصلها

[sara jsm]

انا ما شفت المكان بس بعد مرات اللعب في شدة الإضاءة بتركيزها على الملعب مثلاً وبعض الأشجار من تحت مع إضاءة عامة أخف تكون أحلى وأوقات نحتاج شوي من الإضاءة المزاجية والملونة بألوان تعطي بهجة أو دفء أو برودة ( كإحساس )


والله يابوعبدالله المكان كان موحش بشكل مخيف ..
تروح و ماتبين العتبات حتى ولا يبين اذا جدامك شي وتتحنقل ..
الحين عقب الاضاءة تروح وتتمشى وتشوف البط وتركب سيكل ولا تركب وزه ..
المكان حلوو وفيه حياة وروح وانت تشوف اليهال يلعبون جدامك ..

[Dana’1]

من يطلع الواحد من باب بيته الرجل يغض بصره و المرأه تحتشم و بطريقها
المجالس اذا داخل ما تأثر عالمارين
أما إذا قصدقك جلسه خارجيه قدام البيت و يتفرجون عالرايح و الجاي هذي
مشكله مالها حل الا أن تمنع هالجلسات من الأساس بالذات اللي بوسط الاحياء السكنيه
بعضهم يمد جلسه عند باب بيته و يتفرج عالرايح و الجاي مب حلو منظرهم كلش
مد جلستك بكيفك بس غض بصرك