المساعد الشخصي الرقمي

مشاهدة النسخة كاملة : صفايات او جريلات صرف للشاورات او للحمامات الحديثه الله يعزكم


Thamer_Qat
01-03-2022, 04:51 PM
السلام عليكم اخواني الكريم

من العنوان نبي تجاربكم ونصايحكم الكريمه لاهنتوا
- احجام واشكال الصفايات مربعه طويله مثلثه
- مخفيه بسيراميك او العاديه ام جريل شبك
- الجودة بأنواعها
- افضل المحلات نابينا كافود عاصمه اي بي سي او غيرها

اشكركم
sara jsm
01-03-2022, 06:22 PM
وعليكم السلام .. حي الله بومحمد

اول شي بخصوص الاشكال هذا يعتمد على ذوقك انته ..
انا افضل في الشاورات تكون العاديه الشبك الستيل ..
وفي الحمامات والمغاسل الله يعزكم تكون المربعه المخفيه ..

عندي المستطيل المخفي في الشاور الرئيسي لكن تنظيفه صعب ..
خاصه لين شار فيه الشعر .. يبي له حديده ترفعه ..

اما عن اماكن البيع مش مهم … المهم خذ الايطالي ويعيش معاك ..
وان شاءالله باقي الاخوان يفيدونك ..
Thamer_Qat
01-03-2022, 06:35 PM
وعليكم السلام .. حي الله بومحمد

اول شي بخصوص الاشكال هذا يعتمد على ذوقك انته ..
انا افضل في الشاورات تكون العاديه الشبك الستيل ..
وفي الحمامات والمغاسل الله يعزكم تكون المربعه المخفيه ..

عندي المستطيل المخفي في الشاور الرئيسي لكن تنظيفه صعب ..
خاصه لين شار فيه الشعر .. يبي له حديده ترفعه ..

اما عن اماكن البيع مش مهم … المهم خذ الايطالي ويعيش معاك ..
وان شاءالله باقي الاخوان يفيدونك ..


الله يحييج اختي الكريمه
ومشكوره على ردج
وين اروح اشتري واخلص من غير دوارة على المحلات ووجع راس ومضيعة وقت
سعود.
01-03-2022, 08:35 PM
نابينا قوي
اهم شي الصفايات تكون ستانستيل حقت ( الشور بوكس ) تكون حجم كبير جدا . ولازم كل فترة ينرش في جميع الصفايات ( فلاش ) او اي مواد مسلكه .
معماري قطري
02-03-2022, 01:53 AM
شفت نوعيات زينة عند الخليج للسيراميك وفيه أتوقع في العمودي وعند حسين فكري وعند المتحدة وعند تدمر .. هذي مواد عليها طلب بس مثل ما ذكروا الإخوان مهم تاخذ نوعية زينة وتعرف قبلها حجم البايب عندك حتى تاخذ بنفس المقاس أو تاخذ قطعة للتحويل للمقاس الموجود
معماري قطري
02-03-2022, 01:55 AM
بعد بالتلفون يسهلون لك بصور ومواصفات على الوتس أب وتسأل اللي بيركب إذا تركب أو لا
Thamer_Qat
02-03-2022, 02:22 AM
سعود ساره بوعبدالله
مشكورين جميع
وين اروح و أخلص واشتري
جودة من الأخير
والسعر ماعاد يهم خلاص بس نخلص قدها واصله ونبي نسكن البيت بعد معاناة 10 سنين
Thamer_Qat
02-03-2022, 02:26 AM
abc و الغانم ماعجب الأهل
باقي العاصمه وكافود و نابينا
ومنتظرين منا نختار للتركيب وقدنا متأخرين عليهم
sara jsm
02-03-2022, 09:15 AM
اخوي بومحمد اذا عجبكم كافود ولا نابينا اتكل على الله ..
اهم شي شوف صناعه وين وتاكد انه ستيل عشان مايصدي ..

انا ماخذه من المتحده ومن محمد واخوانه والمكانين عندهم ايطالي ..
QtrGate
02-03-2022, 11:56 AM
انا خذت من كافود الصفايات المخفيه نوع ايطالي اسعارهم ممتازه
اهم شي تاخذ النوع العريض والطويل لسرعة تصريف الماي
اذا مابتركب مخفي بتحصل عند نابينا عندهم انواع مختلفه وديزاينات احلى بس اغلى
SouthK
02-03-2022, 01:53 PM
عليكم السلام و رحمة الله و بركاته

المسألة ذوقك الشخصي لكن يعتمد على موقع الصفاية و الحجم المطلوب.
SouthK
02-03-2022, 01:54 PM
عليكم السلام و رحمة الله و بركاته

المسألة ذوقك الشخصي لكن يعتمد على موقع الصفاية و الحجم المطلوب.
Thamer_Qat
02-03-2022, 02:39 PM
southk و QTRgate
اشكركم جدا
وكلام اخوي بوعبدالله عدل
اتواصل معاهم واتسب وبيزودونا بالصور قبل لا نتعنا ونروح
وهذا اللي نسويه مع مصانع ومحلات الرخام
معماري قطري
02-03-2022, 04:58 PM
southk و QTRgate
اشكركم جدا
وكلام اخوي بوعبدالله عدل
اتواصل معاهم واتسب وبيزودونا بالصور قبل لا نتعنا ونروح
وهذا اللي نسويه مع مصانع ومحلات الرخام

شوف لو تحصل وحدة معاها رداد يسكر بعد مرور الماي بتكون عملية وما تطلع ريحة .. حتى للشاور شفت فيديو يتكلم عن هذا الشيء ويحطون رداد صغير قد البايب مال صرف الشاور أظن 2 انش أو واحد ونص .. لأن الشعر وبقايا الجلد تترسب في البايب ويطلع ريحة بعدين .. فيه صفايات تجي بغطاء وبي تراب تحت والغطاء ينفتح لوقت الغسيل ولو سكر ما يطلع ريحة .. بعد ركز على هذي الميزة وفيه النوع اللي فيها رداد تخلي الماي يروح وتسكر ما يطلع زهيوي وشاركنا المعلومات لو حصلت شيء من هالنوع وممكن تحصل عند المحلات الكبيرة والمعروفة مثل نابينا وكافود والمتحدة والعمودي وأوقات حتى الصغار يجيبون شيء مميز .. تدمر جيدين بعد
سعود.
02-03-2022, 06:24 PM
من فترة جاني مقطع عن الصيانة وكان ينصح بتسليك الصفايات جميعا ويشدد ع المطبخ ( الدهون ) وغرفة الغسيل بمواد تسليك + البمب ويراهن بأن هذي الطريقة تمنع الانسدادات نهائيًا كل 3 شهور مره ع الاقل


https://f.top4top.io/p_22525gbkz0.jpeg (https://top4top.io/)
sara jsm
02-03-2022, 06:42 PM
مرحبا ..

انا خذت لي رداد لان منطقتي اصلا فيها ريحة الله يعزكم ..
ومن ركبتهم والله ارتحت من كل شي وماشاءالله لا اله الا الله الف مرة :shy: ولا زهيوي دخل البيت من ركبتهم ..

https://f.top4top.io/p_2252n05jg4.jpeg (https://top4top.io/)

بس حق الشاور الطولي المخفي ماحصلت المقاس ..
بس ماخذه حق الشاورات والمطبخ والحمامات تكرمون ..
وسعره مايتعدى الاربعين ريال ..
بس عيبه الوحيد انك ماتقدر تصب من خلاله السوائل اللي تسلك البيبات ..
ممكن يذوب السيلكون ..
معماري قطري
03-03-2022, 02:06 AM
مرحبا ..

انا خذت لي رداد لان منطقتي اصلا فيها ريحة الله يعزكم ..
ومن ركبتهم والله ارتحت من كل شي وماشاءالله لا اله الا الله الف مرة :shy: ولا زهيوي دخل البيت من ركبتهم ..

https://f.top4top.io/p_2252n05jg4.jpeg (https://top4top.io/)

بس حق الشاور الطولي المخفي ماحصلت المقاس ..
بس ماخذه حق الشاورات والمطبخ والحمامات تكرمون ..
وسعره مايتعدى الاربعين ريال ..
بس عيبه الوحيد انك ماتقدر تصب من خلاله السوائل اللي تسلك البيبات ..
ممكن يذوب السيلكون ..

مشكلة ذي عيل .. بس شكلها تتبدل وتقدرين تاخذين زيادة إحتياط والا تشترين بدلها لو اختربت .. وين ذي ولو عندج الرقم والموقع ما تقصرين يا مهندسة سارة
معماري قطري
03-03-2022, 02:10 AM
من فترة جاني مقطع عن الصيانة وكان ينصح بتسليك الصفايات جميعا ويشدد ع المطبخ ( الدهون ) وغرفة الغسيل بمواد تسليك + البمب ويراهن بأن هذي الطريقة تمنع الانسدادات نهائيًا كل 3 شهور مره ع الاقل


https://f.top4top.io/p_22525gbkz0.jpeg (https://top4top.io/)

عندنا يا اخوي لاعبين علينا بالبلاستيك الخفيف اللي فيه حزوز وتلفه على كيفك وسهل التركيب .. هذا النوع المعتمد حسب الكود الأمريكي والغش بالنوع الرخيص ما يسمحون به وعليه مخالفة ( قصدي النوع اللي حاط صورته )
sara jsm
03-03-2022, 10:46 AM
مشكلة ذي عيل .. بس شكلها تتبدل وتقدرين تاخذين زيادة إحتياط والا تشترين بدلها لو اختربت .. وين ذي ولو عندج الرقم والموقع ما تقصرين يا مهندسة سارة

صح تتبدل وانا من سكنت مابدلتهم لانهم ماشاءالله تمام ..
خذتهم من محل ( محمد واخوانه شارع النجمة ) هو بنفسه نصحني فيهم ولا ماكنت ادري عن هالاختراع ..

وبما ان في سياق الموضوع باراويك ستيكرات استخدمها ..

https://g.top4top.io/p_2253gf3163.jpeg (https://top4top.io/)

هالفكرة وايد زينه تجمع شعر الراس خاصه لنا نحن الحريم اما انتو نصكم قرعان فما تحتاجونه .. :strong
لكن قلت افيدكم لبيوتكم .. تستخدمه مرة او مرتين وينشال في وقته ..
معماري قطري
03-03-2022, 01:20 PM
صح تتبدل وانا من سكنت مابدلتهم لانهم ماشاءالله تمام ..
خذتهم من محل ( محمد واخوانه شارع النجمة ) هو بنفسه نصحني فيهم ولا ماكنت ادري عن هالاختراع ..

وبما ان في سياق الموضوع باراويك ستيكرات استخدمها ..

https://g.top4top.io/p_2253gf3163.jpeg (https://top4top.io/)

هالفكرة وايد زينه تجمع شعر الراس خاصه لنا نحن الحريم اما انتو نصكم قرعان فما تحتاجونه .. :strong
لكن قلت افيدكم لبيوتكم .. تستخدمه مرة او مرتين وينشال في وقته ..


ما شاء الله تحتفينا لكل ما هو جديد

بعد وين يبيعون هذا مانع الشعر يا مال الشيسمونه شعركم ما يخلص وشعرنا منتهي
معماري قطري
03-03-2022, 01:30 PM
ما انتبهت للإسم دايسو عندنا مشي أوصل له
sara jsm
03-03-2022, 01:36 PM
اي من دايسو على سبعة ريال ..
بس يوفر عليك وايد وقت في التنظيف ..
اذا ماحصلت منه باكون انا مخلصته :taunt:
معماري قطري
04-03-2022, 12:53 PM
اي من دايسو على سبعة ريال ..
بس يوفر عليك وايد وقت في التنظيف ..
اذا ماحصلت منه باكون انا مخلصته :taunt:

إنتي مخلصة ماي الخور نصه حق بيتكم بس .. إحنا لين تسبحنا عيد الفطر ما نتسبح عيد الأضحى
sara jsm
04-03-2022, 02:36 PM
هههههههههههههه اي بسكم اهم شي نظافه القلب :funny:
SouthK
08-03-2022, 01:06 PM
هههههههههههههه اي بسكم اهم شي نظافه القلب :funny:

لا تعليق علشان محد يزعل!
معماري قطري
08-03-2022, 01:50 PM
إخوان غاليين وأخوات ما اظن حد بيزعل

طول ما النفسية زينة والواحد ما يبني والسوق مرتفع والجو حلو المناوشات حلوة بعد
Thamer_Qat
22-03-2022, 04:41 PM
الصدمه ياخوي بوعبدالله اكتشفنا ان فيه شح في الصفايات الجيده
المتحده ماعندهم شي وتدمر كذلك يمكن معظم المحلات المعروفه عندهم شح او انواع مب جيده
اللي فازوا فيهم وخذنا من عندهم معظم المطلوب لكل الفيلا
بانوديزاين جنب انصار سيتي طريق المطار او الوكره القديم و محمد البرديني واخوانه نجمه وهذا اللي دلتنا عليه اختنا الفاضله مهندسه ساره جاسم الله يسلمها
وهذا معظم صفاياته سواء شاورات او المربعه 4 انش للحمامات الله يعزكم يحي داخلها الباب الرداد للروايح والصراصير
والشي الغريب ان البرديني اغلاهم ولا حبينا نكاسره وايد ومحمد واخوه ياسر طيبين ومايقصرون وكلهم زملا دراسه قصرانا في بن محمود في السبعينات ايام الصبا
وبالمناسبة اختنا ام جاسم جزاها الله خير نبهتنا ودخلت في راسنا فكرة الرداد داخل الصفاية لأن فعلا تعقدنا من الروايح والصراصير والبي تراب مش كفاية في اعتقادي
ودمتم سالمين
معماري قطري
22-03-2022, 05:01 PM
الصدمه ياخوي بوعبدالله اكتشفنا ان فيه شح في الصفايات الجيده
المتحده ماعندهم شي وتدمر كذلك يمكن معظم المحلات المعروفه عندهم شح او انواع مب جيده
اللي فازوا فيهم وخذنا من عندهم معظم المطلوب لكل الفيلا
بانوديزاين جنب انصار سيتي طريق المطار او الوكره القديم و محمد البرديني واخوانه نجمه وهذا اللي دلتنا عليه اختنا الفاضله مهندسه ساره جاسم الله يسلمها
وهذا معظم صفاياته سواء شاورات او المربعه 4 انش للحمامات الله يعزكم يحي داخلها الباب الرداد للروايح والصراصير
والشي الغريب ان البرديني اغلاهم ولا حبينا نكاسره وايد ومحمد واخوه ياسر طيبين ومايقصرون وكلهم زملا دراسه قصارنا في بن محمود في السبعينات ايام الصبا
وبالمناسبة اختنا ام جاسم جزاها الله خير نبهتنا ودخلت في راسنا فكرة الرداد داخل الصفاية لأن فعلا تعقدنا من الروايح والصراصير والبي تراب مش كفاية في اعتقادي
ودمتم سالمين

الله يوفقك صج قطر سوقها يبي له نفض .. ما ادري شيسوون التجار يروحون يدورون الرخيص والرديء .. واحد من عيال عمي بغاني أشاركه ويبي يجيب بضاعة من تركيا ويسوقها للمشاريع قلت زين خلني أشوف البضاعة ومحتوياتها .. يبون مليون دولار والمواد قديمة ودفشة حتى الواشر حاطين سعره والربلات والخلاطات والإكسسوارات ما تدري صالحة أو لا واللي مفتاح فرار من كل جنب .. المشكلة متحمس ويبغي يدخل المغامرة قلت تدري انت السوق شفيه وشالموديلات الخفيفة والحلوة وكم أسعارها والمهم شيء حديث مب مال التسعينات

والله لو رايح الكويت مستمتع وجايب لك كل شيء تحتاجه بجودة أفضل لك حتى السعودية مع ضرايبها أرخص بس الكويت بلاد راقية وسهل توصل للي تبي
sara jsm
22-03-2022, 05:52 PM
عشان تعرفون اني خطيرة :shy:

:
الله يوفقك اخوي بومحمد وتخلص على خير ..
وتاكد ان كل شي اكتبه هني اكون مجربته شخصياً عشان الكل يستفيد ..
وعلى فكرة محمد البرديني هو بنفسه علمني عالرداد ولا انا ماكنت اعرف بوجوده ..
رحت له عشان رداد المناهيل الله يعزكم ..

اي صح بومحمد ان مالقيت للي تقول عنهم على الاقل حط لك رداد في المنهول التابع له ..
بيفكك على الاخر ..

عنده حجمين

https://d.top4top.io/p_22725wxyu2.jpeg (https://top4top.io/)

https://f.top4top.io/p_2272ohrld2.jpeg (https://top4top.io/)
Thamer_Qat
22-03-2022, 07:04 PM
عشان تعرفون اني خطيرة :shy:

:
الله يوفقك اخوي بومحمد وتخلص على خير ..
وتاكد ان كل شي اكتبه هني اكون مجربته شخصياً عشان الكل يستفيد ..
وعلى فكرة محمد البرديني هو بنفسه علمني عالرداد ولا انا ماكنت اعرف بوجوده ..
رحت له عشان رداد المناهيل الله يعزكم ..

اي صح بومحمد ان مالقيت للي تقول عنهم على الاقل حط لك رداد في المنهول التابع له ..
بيفكك على الاخر ..

عنده حجمين

https://d.top4top.io/p_22725wxyu2.jpeg (https://top4top.io/)

https://f.top4top.io/p_2272ohrld2.jpeg (https://top4top.io/)


يا ام جاسم مالعوزتينا كل وقت والثاني وتطلعين لنا بشي جديد واحنا نلاحقج ترى تعبنا:con2:
ماحد قالنا عنه من قبل وشكله جيد حقيقه
احنا شرينا رداد لكل البيت تقريبا ومايمنع نركب للمنهول وبتشاور مع السباك والبرديني بعد
سعود.
22-03-2022, 07:58 PM
اخوي ثامر اقتراح الاخت 100‎%‎

تبي الجديد يسمونه ( نظام الصرف الصحي الامريكي ) مسويه في بيتي بدون اي منهول صغير مباشر من الحمامات الى المنهول الكبير يعتمد ع نظام الميلان . حاليا 3 سنوات في البيت ولا اي مشكلة فقط رداد قبل المنهول الكبير . الرابط ادناه


https://youtu.be/gKQzOcDPXhI
معماري قطري
23-03-2022, 12:53 AM
يا ام جاسم مالعوزتينا كل وقت والثاني وتطلعين لنا بشي جديد واحنا نلاحقج ترى تعبنا:con2:
ماحد قالنا عنه من قبل وشكله جيد حقيقه
احنا شرينا رداد لكل البيت تقريبا ومايمنع نركب للمنهول وبتشاور مع السباك والبرديني بعد

شكثر الله يسلمك تكلمنا عنه وحطينا فيديوهات كم مرة بعد .. الرداد فيه صغار حق حتى بايب تصريف الشور والبانيو عن أي ريحة من الشعر وبقايا الجلد هذي تتحلل وتلصق في البايبات وتسوي ريحة كريهة مع مرور الزمن .. وفيه لبايبات مياه التغذية حتى تضمن اتجاهها في اتجاه واحد مع مضخة التدوير يسمونها One way check valve وهذي مهمة بس محد ركبها ولا نصحنا بها وكلها ممكن 5 أو 10 ريالات قيمتها تركبها خصوصاً عند مخارج المياه للمغاسل وللبديه وللشاور حتى ما يختلط الحار مع خط البارد وحتى التدوير يكون ماشي صح ومن تشغل الحار يجيك حار

صدقوني أبحاث الجميع هنا وايد ما يعرفونها حتى الإستشاريين ولا يطبقونها حتى لو عرفوها
sara jsm
23-03-2022, 06:55 AM
يا ام جاسم مالعوزتينا كل وقت والثاني وتطلعين لنا بشي جديد واحنا نلاحقج ترى تعبنا:con2:
ماحد قالنا عنه من قبل وشكله جيد حقيقه
احنا شرينا رداد لكل البيت تقريبا ومايمنع نركب للمنهول وبتشاور مع السباك والبرديني بعد

:oops:

اذا ركبت للمنهول خلاص ماتحتاج تركب الفردي ..
لكن لازم بيباتك بينهم سعه عشان تقدر تركب نفس اللي بالصورة ..

انا ماقدرت اركبه عندي لان مافي مسافه بينهم .. فاكتفيت بالرداد الفردي لكل مكان ..
معماري قطري
23-03-2022, 10:05 AM
:oops:

اذا ركبت للمنهول خلاص ماتحتاج تركب الفردي ..
لكن لازم بيباتك بينهم سعه عشان تقدر تركب نفس اللي بالصورة ..

انا ماقدرت اركبه عندي لان مافي مسافه بينهم .. فاكتفيت بالرداد الفردي لكل مكان ..

الفردي أضمن وأفضل .. نقدر نقول ضمان مزدوج

رحت اليوم للي يبني بيته بروحه وهو مقاول عطيتك رقمه إخوي ثامر .. الله يعينه كل يوم جلسة مع العمال ومتابعة أحد جيرانه معطينه 25 متر إرتفاع وهو 14 ونص صورت شوي فيديوهات بس حر صعب أركز ما كثرت
Thamer_Qat
23-03-2022, 03:53 PM
شكثر الله يسلمك تكلمنا عنه وحطينا فيديوهات كم مرة بعد .. الرداد فيه صغار حق حتى بايب تصريف الشور والبانيو عن أي ريحة من الشعر وبقايا الجلد هذي تتحلل وتلصق في البايبات وتسوي ريحة كريهة مع مرور الزمن .. وفيه لبايبات مياه التغذية حتى تضمن اتجاهها في اتجاه واحد مع مضخة التدوير يسمونها One way check valve وهذي مهمة بس محد ركبها ولا نصحنا بها وكلها ممكن 5 أو 10 ريالات قيمتها تركبها خصوصاً عند مخارج المياه للمغاسل وللبديه وللشاور حتى ما يختلط الحار مع خط البارد وحتى التدوير يكون ماشي صح ومن تشغل الحار يجيك حار

صدقوني أبحاث الجميع هنا وايد ما يعرفونها حتى الإستشاريين ولا يطبقونها حتى لو عرفوها

وانا اشهد
استفدت منك ومن باقي الأخوان اخوي عزيز يوكي بوسيف وختنا ساره و اخ سعود وغيرهم من الأخوان الكرام وماشاء الله خبره ممتازه وراي سديد من واقع تجربه وخبره وفوق كل هذا معدنكم طيب وتبون الخير لأخوانكم عيال ديرتكم
قضايا اخوانا كثيره في المحاكم ومازالوا في بيوت اجار او مازالوا ساكنين عند اهلهم مع عيالهم وبيوتهم واقفه صار لها سنين كل هذا انهم مالقوا شرواكم اللي ينصح ويمد يده لهم بأستشارات قيمة ومش بسيطه تجنبهم ضياع سنين من عمرهم وغش وخسارة ونهب اموالهم ويعيشون عمرهم في ديون مالهم ذنب فيها
sara jsm
23-03-2022, 05:54 PM
الله يجزيك الخير اخوي بومحمد ..
وانا هم ماانسى وقفه بوسيف وبوعبدالله معاي .. فعلا نعم الاخوان والسند ..
نوروني وفتحوا عيوني على وايد اشياء ..

في ميزان حسناتهم ..
رحال
23-03-2022, 07:52 PM
عند محلات الطيب بس سعره اغلى شيء موجود بالسوق وعنده مشكلة مايرجع البضاعة بعد الشراء
معماري قطري
24-03-2022, 01:03 AM
وانا اشهد
استفدت منك ومن باقي الأخوان اخوي عزيز يوكي بوسيف وختنا ساره و اخ سعود وغيرهم من الأخوان الكرام وماشاء الله خبره ممتازه وراي سديد من واقع تجربه وخبره وفوق كل هذا معدنكم طيب وتبون الخير لأخوانكم عيال ديرتكم
قضايا اخوانا كثيره في المحاكم ومازالوا في بيوت اجار او مازالوا ساكنين عند اهلهم مع عيالهم وبيوتهم واقفه صار لها سنين كل هذا انهم مالقوا شرواكم اللي ينصح ويمد يده لهم بأستشارات قيمة ومش بسيطه تجنبهم ضياع سنين من عمرهم وغش وخسارة ونهب اموالهم ويعيشون عمرهم في ديون مالهم ذنب فيها

الله يعين الجميع .. ضربت يا اخوي على الوتر الحساس اللي هو الوضع القانوني

مستغرب ليش وضعنا في تدهور وليش الحكومة ما تركز على حل شامل لموضوع البناء يتضمن تسجيل كل عامل وترخيصه حسب تخصصه بعد فحصه وكذلك المهندسين .. ألحين المهندسين شاملين يسوون كل شيء هندسي عندهم فيه خلفية وعلم والا دجل وتنظير كله ماشي والحسابة تحسب أهم شيء الكاش .. شعارنا في قطر إدفع كاش وخذ شيء بلاش


مستغرب من المسؤول عن شغل غير مطابق للمواصفات القطرية والجهات المختصة تاركتها إختيارية للمالك وللإستشاري وللمقاول وليش ما يعتمدون الإشراف العام ومتابعة البنيان بزيارات عشوائية وعقاب المخالف عقاب رادع حسب جريمته ( أيوا جريمة في الحق العام والخاص ) .. تدرون كان هالشيء موجود في السابق ويقدرون يكونون وسط ألحين يفرضون الشروط اللي تضمن ديمومة البناء ويتابعون تنفيذها ويعاقبون المتجاوز عقاب رادع .. المالك في غالب الأمور الهندسية ما يعرف لازم يركزون على الاستشاري والمقاول ولازم للعمالة تصنيفات ورخصة سارية وخلوا نقول مدتها 3 أو 5 سنين وتجدد باختبار وممكن تضاف خبرات ثانية حسب مثلاً أخذ العامل لكورس معين وتعلمه لشغله واستعداده للعمل بها

بهالطريقة نرتقي بالعملية العمرانية ككل وبالشركات وبالمهندسين وبكل شيء ونبتعد عن الدجل الحاصل
معماري قطري
24-03-2022, 01:10 AM
الله يجزيك الخير اخوي بومحمد ..
وانا هم ماانسى وقفه بوسيف وبوعبدالله معاي .. فعلا نعم الاخوان والسند ..
نوروني وفتحوا عيوني على وايد اشياء ..

في ميزان حسناتهم ..

الله يسلمج يا اختي عني انا ما سويت شيء وتعودت هالشيء من بدايات شغلي .. كان معاي في المكتب مهندس كهرباء قطري صدقيني كلش ما طور نفسه ولا مارس ومرة كلمني قال أنت برفع الالف حسب لهجته .. كل شوي داز وجهك تبغي شغل .. قلت له استفيد وبعدين آمل بدون شغل وهو يجلس شوي ويطلع

مرة الشباب مشغلين سي دي على الكمبيوتر فيه طقطقة وأغاني وهو مسكين يدور من وين يجي الصوت ووين المسجل قلنا له الكمبيوتر قام يتفحصه مستغرب ومب مصدق إن هذا الصوت يجي من هذا الجهاز حتى ما يعرف أساسيات الأجهزة

الحمد لله التقاعد وحبي للمهنة خلوني أستفيد من وقتي وأحاول أفيد بالقليل اللي أقدر عليه
معماري قطري
24-03-2022, 01:13 AM
عند محلات الطيب بس سعره اغلى شيء موجود بالسوق وعنده مشكلة مايرجع البضاعة بعد الشراء

عيل طلع الطيب مب طيب

وين محلاتهم هم سمعت افترقوا وفتحوا محل قريب على طريق سلوى بس ما دليته جوني وركبوا لي صخانات بسعر وايد زين وشغلهم كان زين بعد .. أرخص بوايد من تدمر ونفس النوعية
sara jsm
24-03-2022, 09:54 AM
عيل طلع الطيب مب طيب

وين محلاتهم هم سمعت افترقوا وفتحوا محل قريب على طريق سلوى بس ما دليته جوني وركبوا لي صخانات بسعر وايد زين وشغلهم كان زين بعد .. أرخص بوايد من تدمر ونفس النوعية

انا رحت لهم اجتمعوا كلهم في محل واحد وموجود فيه كل شي وعندهم وكاله تيكا ..
اظن محلهم مشاهد وكاله المرسيدس ( اظن مب متاكدة وايد )
معماري قطري
24-03-2022, 01:17 PM
انا رحت لهم اجتمعوا كلهم في محل واحد وموجود فيه كل شي وعندهم وكاله تيكا ..
اظن محلهم مشاهد وكاله المرسيدس ( اظن مب متاكدة وايد )


زين إذا قريب من هناك باشوفه إن شاء الله
رحال
24-04-2022, 11:52 AM
زين إذا قريب من هناك باشوفه إن شاء الله
مكان محلات الطيب طريق سلوى وانت راد من الصناعية جنب محلات المتقدمة للرخام
معماري قطري
25-04-2022, 01:41 AM
مكان محلات الطيب طريق سلوى وانت راد من الصناعية جنب محلات المتقدمة للرخام

مشكور الله يسلمك
معماري قطري
24-05-2022, 03:44 PM
أمس مريت ا بي سي للبورسلان عندهم نوعيات حلوة وتسكر بعد نزول الماي فيها رداد مدمج مع الغطاء وطريقتها حلوة
معماري قطري
25-07-2022, 07:24 AM
جربنا الصفايات الجديدة اللي خذتها من اي بي سي وحدة وخذت ثانية من أنصار ستي ووايد زينة لا تسمعون صوت للماء وهو نازل من المغسلة ولا تطلع روائح ولا حشرات لأنها مسكرة ولها رداد بسبرنغ ينزل الماي ويسكر .. لها صور في موضوع مراجعة المخططات قبل الأخير بشوي
sara jsm
26-07-2022, 02:44 AM
انزين حط لنا الصورة مرة ثانيه يازول
معماري قطري
26-07-2022, 08:37 AM
انزين حط لنا الصورة مرة ثانيه يازول

صج إستويت زول باحط صيانة الحمام كاملة وشاك في بعض الأشياء ما عجبتني

خذت شور بوكس مع قاعدته تقريباً بحدود 1500 صيني من أنصار ستي وشاور مطري بحدود 600 ريال نسيت كم بالضبط ومروحة شفط من اكسبلير وانارة 60 في 60 ال اي دي ومراية مع انارة وبوكس تخزين بسعر 3600 كانت آخر قطعة عند العمودي .. شغل يدهم كان 1500 بس انكسرت قطعة زجاج فتح الباب عليها والغلط منهم وتسامحت معاهم جابوا شخص يصلحها واستبدلوها بمثلها بالضبط وركبوها ب 350

بحط الصور بعد شوي
معماري قطري
26-07-2022, 09:54 AM
هذي الصفاية بعد التركيب وركب لها سيليكون من الأطراف بقع الأرضية شوي لازم له بترول حتى يزال .. شغل بنقالي بس زين شال القطعة الداخلية اللي تعتبر رداد وركب جديدة صناعة قطرية بعد ما نظف داخل وشال الشعر وكان يطلع ريحة والرداد كانت ربلته منتهية لازم يتبدل .. شريناه ب 15 ريال من قريب من محلات العزيزية

الصفاية فيها رداد والسدادة الثانية تكون داخل الكوع

https://i.imgur.com/ivzc7Bv.jpg

هذي المراية وراها بوكس وتنفتح أعتقد من فالوري أند بوخ حصلت قريبة منها عند المتحدة بس الليت من فوق وسعرها 4400 .. مشكلتنا هنا دورة المياه صغيرة حول 1.9 جهة المراية والمراية بروحها 0.9 متر والشور 0.9 ولازم فراغ بسيط بين المراية والشور وفراغ بسيط بين المراية والحائط الجانبي حتى تنفتح

https://i.imgur.com/yJJxsnF.jpg

المروحة جديدة من اكسبلير وحتى صوتها هاديء كلش وسعرها نسيت كم ممكن تحت ال 200 أو 100 ريال من الدرويش طريق سلوى .. والليت 60 في 60 داي لايت يوصل عمره لين 10 سنين ومجرب بضاعة الدرويش جودة ما يضاهيها ايش

البوكس السابق كان 80 في 80 وفراغ الدريشة محاذي له بالضبط حول 2 سم جنبه .. إضطرينا نركب قطع المنيوم ونثبتها في الحائط ونثبت عليها فريم البوكس .. ممكن ما تكون واضحة

https://i.imgur.com/MsXVmUm.jpg

https://i.imgur.com/DFQHx31.jpg
sara jsm
26-07-2022, 11:44 AM
https://j.top4top.io/p_2398s1tsz5.jpeg (https://top4top.io/)

يبيلك نفس ذي حق الشاور عشان يتجمع فيه الشعر ..
تلقاه بالجمعيات عالاغلب ..
عندي نوع ماخذته من المانيا ومركبته في الشاور في بيت هلي وايد ممتاز ..
فتحاته صغيرة ويجمع الشعر والقمل بعد :happy:
معماري قطري
26-07-2022, 10:21 PM
https://j.top4top.io/p_2398s1tsz5.jpeg (https://top4top.io/)

يبيلك نفس ذي حق الشاور عشان يتجمع فيه الشعر ..
تلقاه بالجمعيات عالاغلب ..
عندي نوع ماخذته من المانيا ومركبته في الشاور في بيت هلي وايد ممتاز ..
فتحاته صغيرة ويجمع الشعر والقمل بعد :happy:

أذكر قلتي قبل عنها يبي لي والله صح بس الحمد لله اكتشاف وين الخلل يسهل الحل والحل سهل جداً ونقلت التجربة للكل يستفيد .. ووالله صدفة صارت إني شفت الصفاية وسألت عنها وإن المقاول اللي جاني البيت خبرة وفتح الصفاية وشاف شالمشكلة وقال للسواق يجيب القطعة وكنت متابع سألت وعرفت شمكوناتها ونقلتها لكم .. الغريب صناعة قطرية بس ما لها دعاية وتوضيح