المساعد الشخصي الرقمي

مشاهدة النسخة كاملة : تحذير مهم للجميع بخصوص سيارات الوارد أمريكا !!


لمت داون111
02-10-2006, 05:53 AM
بسم الله الرحمن الرحيم

قبل كم من يوم شفت برنامج يتكلم عن السيارات الأمريكية وغرقها بعد إعصار كاترينا

500.000 الف سيارة غرقانه في امريكا وتم اعاده صيانتها وبيعها من اول ويديد كسيارة جديده او مستعمله بقيمه مغريه ورخيصه للغاية بدون إعلام المشترين انها من السيارات الغرقانه .

بعد تحليل وفحص بعض السيارات الغرقانه اكتشفوا بأنها خطر على حياة السائق والركاب لأنها تفتقر إلى مقومات السلامة الضرورية وأيضا تهدد سلامة الآخرين وعمرها الإفتراضي اقل بكثير عن السيارات الأخرى

وفي عدة قضايا مطروحه الآن على ساحات المحاكم الأمريكية لأمريكان اشتروا سيارات من الأصل كانت غرقانه وما اكتشفوا هالشي الا عقب فتره وطالبوا بفلوسهم بس الشركات رفضت إعادة السيارة فلجؤا للقضاء

للعلم يا جماعه البرنامج أمريكي يعني مب عربي وكان معروض في قناة ABC NEWS

اللهم بلغت
اللهم فأشهد


منقووول من منتدي اماراتي معرووف:nice:

والله يستر !!
حمد1977
02-10-2006, 07:12 AM
تعجبني هذي النوعية من المقالات

والحين عرفت ليش انتشرت كلمة وارد امريكا

وليش سياراتهم رخيصة

والله يسلم كاترينا ويكثر من امثالها

اللهم آمين
راعي النيسان
02-10-2006, 07:32 AM
انا عارف المنتدى اللي ناقل منه هالكلام هاه اقولهم من وين :nice: :D :D :funny:
حمد بن خالد
02-10-2006, 08:46 AM
اخوي لمت داون

اصلا معروف في امريكا اي سيارة غرقانه مايجددونها خلاص عليها السلام

تعتبر مكنسلة

لو كانت لمبورغيني

:)

ومشكووور عالمعلومات القيمة عزيزي

:)
_QTR_
02-10-2006, 10:21 AM
ومشكووور عالمعلومات
الجمارك
02-10-2006, 10:40 AM
والله انك صدقت ياخوي وبذات اتحصلهم اب معارض بالامارات وانا واحد شريت موستنج كان غرقان بالبحر اكتتشفت هشي من المكينه باين عليها انها كانت غرقانه بس للاسف اكتشفت عقب ما طاح الفاس بالراس والحمدلله صرفته بسعر زين وحاسبوووو ياجماعه مب بس المواتر الامريكيه جميع السيارات الوارده

وتسلم على الموووضوع
ANONYMOUS
02-10-2006, 08:11 PM
بعد تحليل وفحص بعض السيارات الغرقانه اكتشفوا بأنها خطر على حياة السائق والركاب لأنها تفتقر إلى مقومات السلامة الضرورية وأيضا تهدد سلامة الآخرين وعمرها الإفتراضي اقل بكثير عن السيارات الأخرى



الله يجزاك خير عالمعلومات..
بس انا عندي سوال فني.. شلون اكتشفوا انها خطر عالحياه..
شلون السيارات الغرقانه ماتسوى بيزه.. مثل ماقال واحد حتى لو لمبورجيني.. شالمشكله في السيارات الغرقانه..

مادري.. انا ابس شرح لو سمحت.. يعني ابي افهم.. معليش اذا ممكن..
sulai6i
02-10-2006, 08:16 PM
السلام عليكم ..

طيب اخوي ما قالوا في البرنامج ايش نوعية السيارات اللي غرقت ؟
اي وكالة ؟
{راشد}
02-10-2006, 08:26 PM
لمت داون تسلم ع الخبر والتحذير,,,

أخواني معروف ان الحديد والملح مايجتمعون !!

والبحر معروف انه مالح علشان كذا تصدي مكاين السيارات الغرقانه من الداخل بعد تسرب الماء المالح لها,,,
وتتفكك وتصدي وهذا بحد ذاته خطر !!
mostafa
02-10-2006, 08:48 PM
والعجيب إن أسعار الأمريكاني في النازل

للمرة الأولي كنا فاكرين إن التكنولوجيا بتساعد على نزول السعر

ولكن الآن ظهر السبب الحقيقي

وجزاكم الله خير على هذه المعلومات القيمة
سهم طايح
02-10-2006, 11:33 PM
اليوم طرح هذا الموضوع في استديو واحد بمحطة ابو ظبي الاماراتية على ما اعتقد وترددها 1040 وبكره بيكملون الموضوع وللعلم البرنامج يبتدي تقريبا الساعة 9 او 10 الصباح واثار الموضوع شخص تعرض للنصب وشرا سيارة وارد امريكا وكانت مكنسلة في الاساس في امريكا ,,,,,,,,,,,,,,,,,,,,,,,,,,,,,,,,,,,,, الخ
زمان الصمت
03-10-2006, 03:49 AM
جيب شيروكي وشفر وجموس بكل انواعها واكثرها بدي يعني بيك اب
ماجد
03-10-2006, 05:22 AM
شكرا على التنبية
قطري 22
03-10-2006, 11:28 AM
جيب شيروكي وشفر وجموس بكل انواعها واكثرها بدي يعني بيك اب
لا اخوي اسمحلي انا اعرف شخص قطري يشتري هذي السيارات من دبي ويجيبها الدوحه ولا واحد فيها امريكي عندي بي ام ثنتين ومرسيدس وشغال على هذا الحال.....
يعني لاتحدد الموضوع على السيارات الامريكيه بس وتظلم نفسك وتظلم الناس وسياراتهم معك

اعجبني الموضوع وبخصوص اللي يقول ايش تاثير السيارات الغرقانه..... اي شي فيه زيت ويختلط مع الماي مايصلح حتى لو غيروا الزيت بعد يبقى ماي وبعدين الكهربا والكمبيوتر اذا صادها ماي تدمر حتى لو اشتغل وشفته زين يجيه وقت ويدمر مع الاستعمال...
وطن
03-10-2006, 11:39 AM
لا حول ولا قوة الا بالله

شكرا اخوي على التنبيه