اجازه عيد الفطر المبارك

[mubarak2006]

السلام عليكم
متى تتوقعون اجازه عيد الفطر المبارك تبداء وتنتهي ؟

[sara jsm]

وعليكم السلام ..

الثلاثاء 26-4-2022 لين 8-5-2022 :ok:

[Rider]

آخر يوم دوام الخميس الجاي الدوام بعد الاجازة أما الأحد أو الاثنين

[Rider]

وعليكم السلام ..

الثلاثاء 26-4-2022 لين 8-5-2022 :ok:

طبعا هذا حلم هههههههه

[sara jsm]

طبعا هذا حلم هههههههه

تراهن ! :app:

[عضو قديم]

عادة اجازة عيد الفطر دائما تبتدي 28 رمضان وبما ان 28 رمضان يصادف يوم الخميس فا احتمال كبير يكون العيد ان شاءالله يوم الاحد الى الاربعاء وبما ان يوم الخميس دوام صادف بين اجازتين فان بيعطونا يوم الخمس اجازة والدوام يوم الاثنين ان شاءالله لان في تعوض يوم اللي هو 28 رمضان واللي صادف الجمعه وبس والله سلامتكم

[عضو قديم]

تراهن ! :app:

كلمة تراهن هذه يعطي انطباع انج عارفه مسبقا نفس اخونا احم احم

[sara jsm]

لا .. بس نتمنى لان هذي ليالي مباركة وحلو الواحد ياخذ اجازة ويتعبد فيها ..
اما كلمتي مع اخوي رايدر فهي غشمرة بينا :ok:

[بوNasser]

عادة اجازة عيد الفطر دائما تبتدي 28 رمضان وبما ان 28 رمضان يصادف يوم الخميس فا احتمال كبير يكون العيد ان شاءالله يوم الاحد الى الاربعاء وبما ان يوم الخميس دوام صادف بين اجازتين فان بيعطونا يوم الخمس اجازة والدوام يوم الاثنين ان شاءالله لان في تعوض يوم اللي هو 28 رمضان واللي صادف الجمعه وبس والله سلامتكم

السلام عليكم ورحمة الله
مجرد تذكير، 28 رمضان ما يصادف الخميس، يصادف الجمعه
28 ابريل اهو اللي يوم الخميس

https://qtr50.com/files/friday.jpg


تحياتي للجميع ودمتم سالمين

[معماري قطري]

كلمة تراهن هذه يعطي انطباع انج عارفه مسبقا نفس اخونا احم احم

ما عليك إن طلع صج بنسميها سارة إحم إحم وهي تعرف يجتمعون 100 عيوز عندها ينقلون الأخبار

[معماري قطري]

صار لي فترة انطر الإجازة مليت من الدوام خاطري اسافر

[سعود.]

صار لي فترة انطر الإجازة مليت من الدوام خاطري اسافر


:eek5:

[سعود.]

الاهم من اعلان تاريخ الاجازة ودك ينزلون الراتب بدري اسر كثيرة تتعتمد عليه لمقاضي العيد وعن زحمة الاسواق

[معماري قطري]

:eek5:

هههههه نسيت اني متقاعد

بس بعد يا اخوي أحب السفر العائلي لكن شكلي باروح الأردن بنفسي بقابل صديق الماضي والدراسة هناك من 1988 ما شفته وما تواصلنا الا في 2017 هو سئل عن رقمي

أرسلت له مخططات بيتي لبقية الخدمات انشائي وكهرباء وميكانيك وبشوف شيصير معاه ولازم اتفق مع مكتب في قطر حاط في بالي المانع ديزاين واتحاد قطر للتخطيط بيكون لإدارة العقد والمناقصة والإشراف وإحتمال للرخصة لو ذيه المكتب ما قدر يخلصها وأتوقعه بيخلصها حسب ما قال له تعامل مع مكاتب قطرية

أكيد بابلغكم بتطورات التصميم والعقد والبناء

[معماري قطري]

طبعاُ زميل الدراسة في ميامي بس هو أردني الأصل

[معماري قطري]

الاهم من اعلان تاريخ الاجازة ودك ينزلون الراتب بدري اسر كثيرة تتعتمد عليه لمقاضي العيد وعن زحمة الاسواق

خايف المتقاعدين يفتحون بيبان سياراتهم في الطريق وينزلون يرقصون رقصة النصر ويعكسون وجه غير حضاري للمجتمع

[Rider]

تراهن ! :app:

للأسف حلمج ضايع بكره الثلاثاء ومافيه اخبار عن إجازة قلت لج الخميس آخر يوم

[توشيبا]

للأسف حلمج ضايع بكره الثلاثاء ومافيه اخبار عن إجازة قلت لج الخميس آخر يوم

:funny:

[sara jsm]

ما عليك إن طلع صج بنسميها سارة إحم إحم وهي تعرف يجتمعون 100 عيوز عندها ينقلون الأخبار

خلك مني ومن اخباري .. انت سلطتك اقوى ..
كلمهم خلهم يتناقشون في مجلس الشورى عن اجازة العشر الاواخر ..
هذي ايام مباركة المفروض ندعي لهم مب عليهم :looking:

[أبوماجد]

كلمة تراهن هذه يعطي انطباع انج عارفه مسبقا نفس اخونا احم احم

هههههههههههه ( الله يسعدك ) ياخوي ، التشبيه فعلاً رائع

إي والله .. ايش قال ؟ قال احم احم ولكن صدق من قال "غلطة الشاطر بعشر"

الله العالم .. أن يوم الخميس راح يكون دوام والإجازة أسبوع كامل والدوام في 10 / 5

طبعاً هذا قياس وتوقع وغالباً اللي ينشد وده يحسب حق الإجازة الحلوة هذي :ok:

الله يتقبل منا ومنكم صالح الأعمال ويجعلنا مِن عُتقائه في هذا الشهر الفضيل .. آمين

[mubarak2006]

الموضوع كان توقع فقط،،وانا اعتقد واتوقع بكره الاعلان عن الاجازه ،،لكن اذا من الخميس او الجمعه ترى ماتفرق.

شكرا

[W6n]

تبدأ الاجازة ان شاء الله
الجمعة وتنتهي الاثنين 9/5/2022 ،والدوام الثلاثاء.

[أبوماجد]

تبدأ الاجازة ان شاء الله
الجمعة وتنتهي الاثنين 9/5/2022 ،والدوام الثلاثاء.

على الأرجح هذا الكلام هُو الأقرب للصحة ونفس اللي سمعته أمس

والأحد والأثنين راح يكونون تعويض عَن يومَي الجمعة والسبت

[الحياة الخالدة]

‏الديوان الأميري يعلن أن عطلة عيد_الفطر للوزارات والأجهزة الحكومية والهيئات والمؤسسات العامة:

‏• تبدأ من يوم الأحد 1 مايو
‏• تنتهي يوم الاثنين 9 مايو
‏• يباشر الموظفون أعمالهم يوم الثلاثاء 10 مايو

‏

[معماري قطري]

مبروكين تستاهلون ياللي تشتغلون

أما إحنا نزلت لنا زيادة بسيطة 4000 ريال في رواتبنا ما ادري هذي كلها والا الباقي بينزل بعدين قالوا علاوة تخصص وبدل سكن ومكرمة أميرية 4000 ريال

[سعود.]

مبروكين تستاهلون ياللي تشتغلون

أما إحنا نزلت لنا زيادة بسيطة 4000 ريال في رواتبنا ما ادري هذي كلها والا الباقي بينزل بعدين قالوا علاوة تخصص وبدل سكن ومكرمة أميرية 4000 ريال

عزاء الله تستاهلون الف خير انتم ساس البلاد :strong

وعسى ربي يجيب الخير للكل

[style]

مبروكين تستاهلون ياللي تشتغلون

أما إحنا نزلت لنا زيادة بسيطة 4000 ريال في رواتبنا ما ادري هذي كلها والا الباقي بينزل بعدين قالوا علاوة تخصص وبدل سكن ومكرمة أميرية 4000 ريال
4000 ريال مثل ماقلت قبل مافي غيرها ،،بعد 6 شهور من الان لكل حادث حديث ،،والاخبار عندي بس مش وقته

[معماري قطري]

4000 ريال مثل ماقلت قبل مافي غيرها ،،بعد 6 شهور من الان لكل حادث حديث ،،والاخبار عندي بس مش وقته

ما يجوز هشكل عشمونا في علاوة اختصاص والسكن كنا ناخذ 6000 وهذي الأربعة قالوا مكرمة للكل

4000 رواتب الخدم زادت والأسعار تضاعفت حتى البترول والخدمات والرسوم الحكومية .. سالفة الست شهور ليش لتكون بس مثل البنج مال التأمين الصحي اللي ما بين كلش

[معماري قطري]

عزاء الله تستاهلون الف خير انتم ساس البلاد :strong

وعسى ربي يجيب الخير للكل

الحمد لله دوم أشوف وضعي أحسن من غيري بس أفكر في الغلاء الكبير