مخالفة السير ببطء

[سعود.]

https://shrq.me/pbodjx

[سالم الزهران]

شيء جميل، ولو يزيدون السرعة شوي ما يصير شيء

[sara jsm]

3000 بعد اوكي .. :nice: ان شاءالله مايخالفون ابوي :omg::oops:

[Rider]

سؤال هل المخالفة سوف تطبق اما هي اصلا موجوده من زمان

[توشيبا]

قبل المخالفات

عند تجديد ليسن السواقه تحديد هل يستحق هذا الشخص الليسن او لا وهل اهو من الفئه المسموح فيها بامتلاك الليسن او لا

اول شي يدخل اختبار كبيوتر مثل الايباد شاشه وتطلع له اساله عن قوانين المرور اذا راسب مايتحدد ليسنه ويعيد اختبار السواقه

[معماري قطري]

3000 بعد اوكي .. :nice: ان شاءالله مايخالفون ابوي :omg::oops:

طلع إبوج مثلي يسوق شوي شوي الله يحفظني ويحفظه

[معماري قطري]

قبل المخالفات

عند تجديد ليسن السواقه تحديد هل يستحق هذا الشخص الليسن او لا وهل اهو من الفئه المسموح فيها بامتلاك الليسن او لا

اول شي يدخل اختبار كبيوتر مثل الايباد شاشه وتطلع له اساله عن قوانين المرور اذا راسب مايتحدد ليسنه ويعيد اختبار السواقه

ولد عمي فجأة استوى ضابط بعد ما خلص الثانوية ونقلوه كم مكان آخرهم المرور لو تركب معاه بتحرم يسوق صج باعتدال بس انا في سيارته معاه أول ما اركب اتحزم وهو لا بس ألح عليه علشان الصوت قام يربط الحزام قبل .. نظريته إن الحزام يقص الرقبة .. زين تعال للفات في الفريج ما يلف في مساره يجي داخل مسار اللي مقابله كلمته قلت بتعدمنا هشكل قال ما عليك انا ضابط مرور أعرف .. زين لين ساق مسارات شكثر مفتوحة يحلى له يمشي ورا واحد بطيء بينه وبين ذاك حول متر وانا عايش في رعب

الطامة الكبرى معاي مرة وبندخل من طريق سلوى وهو سريع ومزدحم شارع خدمات وفيه شارع ثاني داخل على نفس الشارع اللي احنا بندخل عليه فيه عنده مطب واشارة قف وقال لي وقف ليدعمك اللي جاي في شارع الخدمات وتكون انت غلطان .. قلت شلون استويت انت ضابط مرور علمني فهمني وعلمت ربعه ضباط المرور وغير المرور كلهم معاي والمشكلة مسؤول ترخيص سايقين وشديد دوم يسقط والظاهر اللي يسوق صح يسقطه .. دريولي ما وديته عنده ونجح الحمد لله وبنتي نفس الشيء

[sara jsm]

طلع إبوج مثلي يسوق شوي شوي الله يحفظني ويحفظه

امين يارب ..
اي والله خاصه بالليل يسوق شووووووي شوووووي …
نظريته ان في النهايه راح نوصل ماورانا شي :playball:

[أبوماجد]

كل الشكر والتقدير لك اخوي العزيز ( ســعــــــــود ) وجعل من جابوك الجنة "والحاضرين"

عسى الله يحفظنا وإياكم جميعا ويكفينا شر "المُستهترين" وهذا القرار كنا نطالب فيه مِن زماااااان

وحقيقة بأن منصات وزارة الداخلية مفتوحة دائماً وهُم قريبين مِن نبض الشارع :thumbup1:

عسى الله يحفظ والدك العزيز يا أختنا ســارة ويحفظ مهندسنا العزيز ابو عبدالله

ودُمتم بأمان ،، وحفظ الرحمن

<><><><>

[سعود.]

سؤال هل المخالفة سوف تطبق اما هي اصلا موجوده من زمان


قانون قديم



كل الشكر والتقدير لك اخوي العزيز ( ســعــــــــود ) وجعل من جابوك الجنة "والحاضرين"

عسى الله يحفظنا وإياكم جميعا ويكفينا شر "المُستهترين" وهذا القرار كنا نطالب فيه مِن زماااااان

وحقيقة بأن منصات وزارة الداخلية مفتوحة دائماً وهُم قريبين مِن نبض الشارع :thumbup1:

عسى الله يحفظ والدك العزيز يا أختنا ســارة ويحفظ مهندسنا العزيز ابو عبدالله

ودُمتم بأمان ،، وحفظ الرحمن

<><><><>

جزاك الله خير

[معماري قطري]

كل الشكر والتقدير لك اخوي العزيز ( ســعــــــــود ) وجعل من جابوك الجنة "والحاضرين"

عسى الله يحفظنا وإياكم جميعا ويكفينا شر "المُستهترين" وهذا القرار كنا نطالب فيه مِن زماااااان

وحقيقة بأن منصات وزارة الداخلية مفتوحة دائماً وهُم قريبين مِن نبض الشارع :thumbup1:

عسى الله يحفظ والدك العزيز يا أختنا ســارة ويحفظ مهندسنا العزيز ابو عبدالله

ودُمتم بأمان ،، وحفظ الرحمن

<><><><>

جزاك الله خير ولك بالمثل

عاد لتصدق انا عذابي اللي يمشون بالعدال والسرعة في دمي

[توشيبا]

ولد عمي فجأة استوى ضابط بعد ما خلص الثانوية ونقلوه كم مكان آخرهم المرور لو تركب معاه بتحرم يسوق صج باعتدال بس انا في سيارته معاه أول ما اركب اتحزم وهو لا بس ألح عليه علشان الصوت قام يربط الحزام قبل .. نظريته إن الحزام يقص الرقبة .. زين تعال للفات في الفريج ما يلف في مساره يجي داخل مسار اللي مقابله كلمته قلت بتعدمنا هشكل قال ما عليك انا ضابط مرور أعرف .. زين لين ساق مسارات شكثر مفتوحة يحلى له يمشي ورا واحد بطيء بينه وبين ذاك حول متر وانا عايش في رعب

الطامة الكبرى معاي مرة وبندخل من طريق سلوى وهو سريع ومزدحم شارع خدمات وفيه شارع ثاني داخل على نفس الشارع اللي احنا بندخل عليه فيه عنده مطب واشارة قف وقال لي وقف ليدعمك اللي جاي في شارع الخدمات وتكون انت غلطان .. قلت شلون استويت انت ضابط مرور علمني فهمني وعلمت ربعه ضباط المرور وغير المرور كلهم معاي والمشكلة مسؤول ترخيص سايقين وشديد دوم يسقط والظاهر اللي يسوق صح يسقطه .. دريولي ما وديته عنده ونجح الحمد لله وبنتي نفس الشيء

لاحول ولاقوه الابالله

المشكله اذا تكلمنا زعلو ربعنا اهل المرور

يارجل اول الواحد اذا شاف سياره المرور من كيلو يتعدل يربط الحزام

الحين اشوف ناس تضرب رصيف او يتجاوز من اليمين وسيارت المرور واقفه جنبه ولا مفتكر السائق والمصيبه الشرطي يشوف وساكت ولا يسوي شي

^
هذا بس عتاب على اللي نشوفه

بس ياليت يفكونا من المخالفات ويركزون تركيز كامل على التوعيه ويسوون اعاده فرز اللي ماخذين لياسن عند التجديد

ادش فريج سرعه الشارع 60 يطلع في وجهي كورلا يخليك تدق بريك ويقعد يمشي قدامك 20 !!!

ولا يجيك الواحد يوقف في نص الشارع عشان يقرا لوحات المحلات التجاريه ! هذا يستحق تنزل من سيارته تاخذ الليسن وتقول توكل خذ تكسي

[معماري قطري]

لاحول ولاقوه الابالله

المشكله اذا تكلمنا زعلو ربعنا اهل المرور

يارجل اول الواحد اذا شاف سياره المرور من كيلو يتعدل يربط الحزام

الحين اشوف ناس تضرب رصيف او يتجاوز من اليمين وسيارت المرور واقفه جنبه ولا مفتكر السائق والمصيبه الشرطي يشوف وساكت ولا يسوي شي

^
هذا بس عتاب على اللي نشوفه

بس ياليت يفكونا من المخالفات ويركزون تركيز كامل على التوعيه ويسوون اعاده فرز اللي ماخذين لياسن عند التجديد

ادش فريج سرعه الشارع 60 يطلع في وجهي كورلا يخليك تدق بريك ويقعد يمشي قدامك 20 !!!

ولا يجيك الواحد يوقف في نص الشارع عشان يقرا لوحات المحلات التجاريه ! هذا يستحق تنزل من سيارته تاخذ الليسن وتقول توكل خذ تكسي

التوعية إخوي توشيبا ما تفيد .. كأنك تأذن في خرابة .. القانون ينفرض فرض وأدوات فرضه كثيرة أولها الإنذار وكل شيء يتسجل على السايق الإنذار خل نقول حسب نوع المخالفة ممكن يبقى ست شهور ولو تكررت تكون مضاعفة وممكن يبقى سنة وممكن أكثر وهذي أنظمة معمول بها في الدول المتطورة مرورياً .. في ألمانيا حتى اللي جالس وراء يتحزم وفي أمريكا مب ضروري وأعتقد يختلف من ولاية لولاية .. دراستهم حسب سرعة الطرق عندهم وضحت لهم إن الحوادث حتى للي وراء مميتة

ألحين يا اخوي تطور كل شرطي وكل ضابط أمني المفروض مسؤول وحتى الضابط الخدمي والوكيل وغيرهم وحتى خارج الدوام .. كل اللي يحتاجه داش كام وهذي رخيصة ومتوفرة ويحتاج إنارة رماقة مثل اللي فوق سيارة الشرطة يحطها على الطبلون وتلفونه لكتابة التقرير والمخالفة .. يحق له يوقف المخالف ويناقشه وينصحه وينذره وهذي توعية وبعض المخالفات تكون مسجلة على كيمرة السيارة يرفقها وخلاص تصير نافذة للمخالفات القوية والواضحة اللي ما تحتاج إنذار .. بس يبدون في هذا الشيء بتحصل الكل التزم

[SouthK]

اشلون يتم تسجيل المخالفة؟؟ صورة ما تثبت شي!!

بح صوتي و بلاعيمي تيبست و انا اطلب من المرور تعديل برنامج مطراش بحيث يقرأ ملفات الفيديو .. صدقني مجرد ما يتم اثبات المخالفة فيديو الاستهتار بيقل!!

[SouthK]

قبل المخالفات

عند تجديد ليسن السواقه تحديد هل يستحق هذا الشخص الليسن او لا وهل اهو من الفئه المسموح فيها بامتلاك الليسن او لا

اول شي يدخل اختبار كبيوتر مثل الايباد شاشه وتطلع له اساله عن قوانين المرور اذا راسب مايتحدد ليسنه ويعيد اختبار السواقه

في ناس عندها دريويليه و بيزعلون على المرور!!!

[fmmja]

طريق الريان السرعه فيه 80 و هو هاي وي من اربع مسارات

المرور متناقض مع قوانينه يعني معقوله امشي ثمانين

و توهم حاطين رادار و جتني مخالفه على سرعة 110

[Rider]

طريق الريان السرعه فيه 80 و هو هاي وي من اربع مسارات

المرور متناقض مع قوانينه يعني معقوله امشي ثمانين

و توهم حاطين رادار و جتني مخالفه على سرعة 110

اتفق معاك بصراحة هل موضوع 80 تجاري يعني الربح من وراى المخالفات

[معماري قطري]

اشلون يتم تسجيل المخالفة؟؟ صورة ما تثبت شي!!

بح صوتي و بلاعيمي تيبست و انا اطلب من المرور تعديل برنامج مطراش بحيث يقرأ ملفات الفيديو .. صدقني مجرد ما يتم اثبات المخالفة فيديو الاستهتار بيقل!!

الموضوع سهل وتافه .. دوريات تمر وتوقف وتخالف وألحين طالعين بالدوريات اللي تسجل السرعة سهل يسوونها

طريقة ثانية كل شارع فيها كاميرات تغطي المسافة كلها من كاميرا لكاميرا وتسجل فيديو يشوفون بث مباشر هذي طريقة حسبة سرعة السيارة لحظة مرورها على كاميرا وبعدين لحظة المرور على اللي وراها .. بسهولة يحسبونها يدوي أو بكمبيوتر أو برنامج سهل .. السرعة = المسافة ÷ الزمن والمسافة بين الكاميرتين معروفة نقول 10 كيلو متر مثلاً والزمن محسوب لحظة المرور وفرق الزمن خل نقول 250 ثانية أو 300 ثانية نحولها لساعة تعطينا 250 ÷ 3600 = 0.069444 ساعة وسرعته نحسبها 10 كيلو ÷ 0.069444 .. بتطلع 144 كيلومتر في الساعة وهذا سرعته زايدة لكن اللي بياخذ مثلاً 400 أو 500 ثانية بتكون لل 400 بتكون 90 كيلومتر وفي شارع سرعته 120 هذا يستحق مخالفة .. اللي 500 ثانية ياخذ بتكون سرعته 72 كيلو متر في الساعة هذا بدون تفكير يبي له مخالفة

المشكلة في هذي الحالة بيصيدوني لأني سخي في الدوس بين رادار ورادار وهشكل الكيمرات صايدتني صايدتني

في سنة 1990 أو 1991 صادوني من الجو بالهيليكوبتر يلاحظون المسرع ويضبطون الساعة متى ما قطع خط بالعرض في الشارع كل ربع ميل موجود هذا الخط ويوقتون الفترة من خط لين خط وعندهم شارت فيه الوقت والسرعة التقريبية عند كل وقت والدوريات تنتظر آخر الطريق ويقولون تعالى في الأحضان .. كان في ميامي

[معماري قطري]

طريق الريان السرعه فيه 80 و هو هاي وي من اربع مسارات

المرور متناقض مع قوانينه يعني معقوله امشي ثمانين

و توهم حاطين رادار و جتني مخالفه على سرعة 110

إذا قصدك من الدوحة للريان واضح حاطين 80 بس محد يلتزم وصراحة شيء غريب بالراحة يقدرون يخلونه 120 وخل نقول 100 حد أدنى والمسارب للدخول للشارع لازم يدوس فيها الواحد ويدخل بانسيابية بسرعة الشارع بين 100 و 120 هشكل ما تصير حوادث واللي يمشي يمين يفتح للي بيدخل أو يخفف شوي .. يحطون عند المسرب سرعة 40 والجهلة يلتزمون .. شلون يا مرور تبوني أدخل طريق سريع وعليه سيارات مسرعة وانا أشوف جدامي لافتة تقول 40 .. هذا خطأ مروري جسيم ما يصير الا عندنا

في هالحالة المخالفة تقع على النظام والمرور وبحاول هالمرة أصور صج شيء يفشل

انت لين خليت السرعات واقعية ويتحملها الشارع والسائق خففت الزحمة وسويت انسياب مروري ونفس الشيء عند الإشارات بعضهم يفكرون فترة ويحطون سيارتهم في نمرة ويتأكدون تشتغل والا لا بعدين يمشون وهذي عرقلة مرورية لازم يقضون عليها بالقوانين والرقابة والمحاسبة .. تفتح الإشارة وتسكر بدال ما تمر 20 سيارة تمر بس 10

[أبوماجد]

جزاك الله خير ولك بالمثل

عاد لتصدق انا عذابي اللي يمشون بالعدال والسرعة في دمي

اللهم آمين وأسعد الله صباحكم، شوف ياخوي إذا اللي مهدّي السرعة خذ يمين نبلعها
لكن المشكلة مثل ما انتوا عارفين أنهم ياخذون الخط السريع ويمشون على بيض!!
أيضاً لاحظت في "بعض" الدريولية أنهم لما يكونون مع الأسرة وخصوصاً الحريم يصيرون مثل الديك
اللي نافش ريشه!! ويعجعجون "يشبصون" في الخط السريع ههههههه << وهذي ضحكة قهر
ولا يوخرون لك أبداً حتى لو مر وراهم موكب الحاكم :threaten:
أهم شي عدم التعامل بردود الأفعال وخصوصاً في الشارع اللي ما يمديك تحط رجلك على البترول
إلا طالعتلك إشارة :court: ويا كثر الإشارات اللي عندنا ، وياليتهم يبدلونها بجسور وأنفاق.

[SouthK]

الموضوع سهل وتافه .. دوريات تمر وتوقف وتخالف وألحين طالعين بالدوريات اللي تسجل السرعة سهل يسوونها

طريقة ثانية كل شارع فيها كاميرات تغطي المسافة كلها من كاميرا لكاميرا وتسجل فيديو يشوفون بث مباشر هذي طريقة حسبة سرعة السيارة لحظة مرورها على كاميرا وبعدين لحظة المرور على اللي وراها .. بسهولة يحسبونها يدوي أو بكمبيوتر أو برنامج سهل .. السرعة = المسافة ÷ الزمن والمسافة بين الكاميرتين معروفة نقول 10 كيلو متر مثلاً والزمن محسوب لحظة المرور وفرق الزمن خل نقول 250 ثانية أو 300 ثانية نحولها لساعة تعطينا 250 ÷ 3600 = 0.069444 ساعة وسرعته نحسبها 10 كيلو ÷ 0.069444 .. بتطلع 144 كيلومتر في الساعة وهذا سرعته زايدة لكن اللي بياخذ مثلاً 400 أو 500 ثانية بتكون لل 400 بتكون 90 كيلومتر وفي شارع سرعته 120 هذا يستحق مخالفة .. اللي 500 ثانية ياخذ بتكون سرعته 72 كيلو متر في الساعة هذا بدون تفكير يبي له مخالفة

المشكلة في هذي الحالة بيصيدوني لأني سخي في الدوس بين رادار ورادار وهشكل الكيمرات صايدتني صايدتني

في سنة 1990 أو 1991 صادوني من الجو بالهيليكوبتر يلاحظون المسرع ويضبطون الساعة متى ما قطع خط بالعرض في الشارع كل ربع ميل موجود هذا الخط ويوقتون الفترة من خط لين خط وعندهم شارت فيه الوقت والسرعة التقريبية عند كل وقت والدوريات تنتظر آخر الطريق ويقولون تعالى في الأحضان .. كان في ميامي

الموضوع بسيط و سهل على من اللي يبغي يشتغل صح .. ربعنا مخلينها سبهلل (< كلمة متعوب عليها)
في المانيا اخبر عندهم ان المسار اليسار ما تمشي فيه سيارة اذا ما فيها على الاقل شخصين .. عندنا امش في اي شارع و امسك المسار اليسار بكيفك و لا يهمك أحد دام المرور ساكت عنك!

يبيلنا الاوتوبان يا الغالي علشان نطير على ارتفاع منخفض و يصدينا جنون النسور (< جنون البقر لقوا له علاج)

[SouthK]

إذا قصدك من الدوحة للريان واضح حاطين 80 بس محد يلتزم وصراحة شيء غريب بالراحة يقدرون يخلونه 120 وخل نقول 100 حد أدنى والمسارب للدخول للشارع لازم يدوس فيها الواحد ويدخل بانسيابية بسرعة الشارع بين 100 و 120 هشكل ما تصير حوادث واللي يمشي يمين يفتح للي بيدخل أو يخفف شوي .. يحطون عند المسرب سرعة 40 والجهلة يلتزمون .. شلون يا مرور تبوني أدخل طريق سريع وعليه سيارات مسرعة وانا أشوف جدامي لافتة تقول 40 .. هذا خطأ مروري جسيم ما يصير الا عندنا

في هالحالة المخالفة تقع على النظام والمرور وبحاول هالمرة أصور صج شيء يفشل

انت لين خليت السرعات واقعية ويتحملها الشارع والسائق خففت الزحمة وسويت انسياب مروري ونفس الشيء عند الإشارات بعضهم يفكرون فترة ويحطون سيارتهم في نمرة ويتأكدون تشتغل والا لا بعدين يمشون وهذي عرقلة مرورية لازم يقضون عليها بالقوانين والرقابة والمحاسبة .. تفتح الإشارة وتسكر بدال ما تمر 20 سيارة تمر بس 10

في شارع يطلع من صوب ام قرن و يفتح على خط الشمال عبارة عن لفة طويلة نسبيا .. السرعة هناك 60 و عن نفسي ما شفت أحد يمشي 60 على اللفة!

اتفق معاك ان بعض الشوارع يبيلها تعديل للسرعة لكن خلهم الاول يعدولن الشارع و يحطون نظام و طبقونه و عقب يعدلون السرعة!

[معماري قطري]

في شارع يطلع من صوب ام قرن و يفتح على خط الشمال عبارة عن لفة طويلة نسبيا .. السرعة هناك 60 و عن نفسي ما شفت أحد يمشي 60 على اللفة!

اتفق معاك ان بعض الشوارع يبيلها تعديل للسرعة لكن خلهم الاول يعدولن الشارع و يحطون نظام و طبقونه و عقب يعدلون السرعة!

الوضع شوربة حتى كاس العالم ما فادنا توقعنا شوارعنا تلق طلعت كلما لها تزيد سوء

[توشيبا]

الوضع شوربة حتى كاس العالم ما فادنا توقعنا شوارعنا تلق طلعت كلما لها تزيد سوء

ماعجبني تشبيه الوضع بالشوربه

ماحبها

شوف شي ثاني :unsure:

[معماري قطري]

هو أكيد صحيح السرعة والقوانين المرورية والطرق واصلاحها وترتيبها ضروري وكلها عملية مرتبطة ولا تحتاج لإعادة إبتكار شوف نظام معين في دولة متطورة وخذه وطبقه صح .. نحتاج لجنة اشراف واستشارات دائمة تكون تتابع الأداء وشغل الطرق ومتطلبات الطرق والمناطق وتوسعتها حسب الحاجة وعمل تقاطعات سهلة وآمنة للطرق المحورية بحيث تكون فترة الإنتظار بسيطة وسهولة اخلاء مسارب الدخول والخروج من الطرق السريعة والمحورية

مب حل نملي مناطقنا الحديثة دوارات بين صغير وكبير وإحنا نتخلص من الدوارات في مناطقنا القديمة .. ومب حل نسوي ارصفة كبيرة خالية بدون زراعة ولا شيء جنب المنازل نركز بس على طرق الدراجات الهوائية ونشيل المواقف نستبدلها بمواقف طولية بالجنب ما تكفي حق ثلث عدد السيارات لو توقف بالعرض .. وهذا ملاحظ في مناطقنا القديمة فتحوا شوي وشوفوا الحاجة شلون ملحة للمواقف خصوصاً مقابل المجالس

شيء ثاني مهم شوارعنا رخوة في الفرجان ومشكلة المنهولات حلها سهل وممكن والحفريات ما تخلص لكن لو فيه نية لشغل جيد أنفاق الخدمات بعد ممكنة ونسويها مرة وننساها وشغل الصيانة بيكون سهل ومب مزعج وحتى آليات تحميل النفايات ممكن نستغني عنهم بآليات كهربية اصغر تشيل النفايات من تحت الارض داخل هذي الأنفاق المراقبة الكترونياً

المال موجود ناقص الإدارة والنوايا والإرادة

[معماري قطري]

ماعجبني تشبيه الوضع بالشوربه

ماحبها

شوف شي ثاني :unsure:

صالونة عليمية يشتغلون عليها

توه جايني اتصال من الإستشاري اللي شغال في منطقتنا حددت موعد معاه بكرة والله يوفق ويسوون الاقتراحات