بخصوص مقاولي متاخر في التسليم

[صاحي ضميره]

كيف حالكم اخواني
ماخاب من استشار.
مقاولي قبل التوقيع قال افا عليك 5 شهور بسلم فلتك عظم بلاستر
الحين. صار له 2 شهرين متاخر علي
واتوقع يبيله بعد 3 شهور لانه بطى ف الشغل
متي اقدر احاسبه
وهل احد منكم حاسب مقاوله عن طريق التاخير ومتي اقدر
هو تاخيره ف اليوم 700 ريال
هاي عقدي مع مناقصات للعلم

[sara jsm]

لحد الحين مالقيت شخص واحد دخل مناقصات وماانقص عليه ..
من افشل الشركات ونص اللي فيه نصب ..

حاول تكلمه بشكل ودي وان شفته من جماعه ( حاضر وعينيا ) قدم فيه شكوى ..
غصباً عنه يعوضك عن التاخير .. ترى انت هم متضرر ومتعطل ..
وياريت ماتكون طيب وحبوب مع اللي يشتغلون في هالمجال بالذات ..

:

ان شاءالله باقي الاخوان يفيدونك

[معماري قطري]

وشركة السمسمرة هذي ما سووا عقد واضح بالكلام حتى يتابعون صح ويطلعون حقك مثل ما يدعون؟

إذا السالفة كلام الكل بينكر لكن المفروض عقد واضح حتى لو صديقك وإخوك الحق حق ما ينزعل منه

لكن يا اخوي التأخير المعقول ولأسباب مقنعة هذا نتسامح فيه .. مثلاً شهر فوق ال 5 شهور تعادل 20% تأخير تعتبر مؤثرة لكن ممكن نتسامح فيها لكن 5 شهور فوق 5 شهور هذي 100% تأخير

عارفين قانون البلاد ومحاكمها معطلة بسبب الصيف على الأبواب وكأس العالم وعقبه السنة الجديدة كل واحد بيروح يحتفل

عقدي حق بيتي تسليم مفتاح وأعتقد 15 شهر بس لاحظت المقاول مجتهد ومجد وشغلات كثيرة كانت علي واتفقت مع مقاولين ثانيين أخروني مثل الأعمال الخشبية وكنت مستغل المقاول وناطوره وهو يتابع خذت أظن في الأعمال الخشبية سنة تأخير وكان عقدي بدون غرامة تأخير وثقت فيهم قبل بس سووا لي أعمال كثيرة بدون مقابل ومشكلتي استوت علاقاتي مع اللي يشتغلون طيبة ولا رضيت حتى أتكلم عن غرامات .. التأخير اللي صار خارج عن إرادة المقاول وكله من مقاولين آخرين حول ضعف المدة

دوم الواحد اللي يبني يطول باله ويتابع بهدوء ولو يبغي يخلص كل شيء يخلي اتفاقه عن طريق الإستشاري وبعقد واضح فيه غرامات واضحة وآليتها واضحة

[أبوماجد]

كفيت و وفيت يا مهندسنا المميز ابو عبدالله ، وتسلم ما خطته يمناك

وأيضاً الشكر موصول للأخت سارة وخصوصاً في جزئية "لا تكون طيب وحبوب" بزيادة

انت الله يحفظك تتكلم عن شهرين وثلاثة ، واللي يقول لك أن بيته تعطل 12 سنة !!

ويوم أن المقاول بنا مجلسي الخارجي مقلوب وواجهة المجلس لداخل البيت وظهره للشارع !!

رحت للاستشاري وقلت له انت كم مرة تروح تعاين فيها العقار ؟ قال 3 مرات في الأسبوع

ويوم أني حَلـَّـفته قال بأنه ما يروح !! ويوم اختضت عليه تعذر لي بأنه مسوّي لي خصم :waiting:

مَعَ الأسف وقالوها أهلنا لول (( اللي يسترخص للحَمَة ، تخونه المرقة ))

المهم أنه بعد كلام مهندسنا ابو عبدالله ما لنا كلام وأيضاً حاسب من الطيبة الماصخة وبنج المقاولين !!

[صاحي ضميره]

لحد الحين مالقيت شخص واحد دخل مناقصات وماانقص عليه ..
من افشل الشركات ونص اللي فيه نصب ..

حاول تكلمه بشكل ودي وان شفته من جماعه ( حاضر وعينيا ) قدم فيه شكوى ..
غصباً عنه يعوضك عن التاخير .. ترى انت هم متضرر ومتعطل ..
وياريت ماتكون طيب وحبوب مع اللي يشتغلون في هالمجال بالذات ..

:

ان شاءالله باقي الاخوان يفيدونك

والله اختي العزيزه المشكله تدبست معهم لان ابي اطلع منهم قالوا ادفع 18 الف.. يادوب توني..

[صاحي ضميره]

رد حكيم... بس يالغالي من امن العقوبه اساء الادب.. بعضهم يستغلون طيبتنا..

[صاحي ضميره]

كفيت و وفيت يا مهندسنا المميز ابو عبدالله ، وتسلم ما خطته يمناك

وأيضاً الشكر موصول للأخت سارة وخصوصاً في جزئية "لا تكون طيب وحبوب" بزيادة

انت الله يحفظك تتكلم عن شهرين وثلاثة ، واللي يقول لك أن بيته تعطل 12 سنة !!

ويوم أن المقاول بنا مجلسي الخارجي مقلوب وواجهة المجلس لداخل البيت وظهره للشارع !!

رحت للاستشاري وقلت له انت كم مرة تروح تعاين فيها العقار ؟ قال 3 مرات في الأسبوع

ويوم أني حَلـَّـفته قال بأنه ما يروح !! ويوم اختضت عليه تعذر لي بأنه مسوّي لي خصم :waiting:

مَعَ الأسف وقالوها أهلنا لول (( اللي يسترخص للحَمَة ، تخونه المرقة ))

المهم أنه بعد كلام مهندسنا ابو عبدالله ما لنا كلام وأيضاً حاسب من الطيبة الماصخة وبنج المقاولين !!

لاحول ولاقوه يااخوي والله يعينك. عن نفسي انا والله اني اسقي الخرسانه بنفسي مااثق فيهم والسبب موب حاطين لي ناطور.
ومره مزودين ماي ف الخرسانه وصورتهم وابشرك طلبت فحص التست كور. من شركه التيسير وطلعت المنتيجه 23 من 30 يعني جيده.
وكانوا يقولون ماكنا نعرف قطري بسل عن هذي الامور
اقصد بكلامي ياخوي انت بيتك وحلالك لازم تجابله كل يوم او يومين
والله اني اليوم جيتهم ولقيت فارين باب الرجال عكس وابشرك كان الاستشاري موجود ولا يدري وش السالفه
المقصد لاتعتمد عليهم حيل

[sara jsm]

اخوي .. ترى وقت اتمام البناء لازم تقدم شهادة الخرسانه لها معايير معينه ..
وعلى اساسها تاخذ اتمام البناء …

شوف دام جذي سالفتهم والغش واضح من كلامك في الموضوع الثاني ..
هات شركة ثانيه تعاين لك كل شي وتعطيك تقرير .. اذا فرقاهم يساوي 18 الف يمكن يكون لك ابرك من الخساير اللي بتطلع لك تالي ..

ترى هذا بيت العمر ولا حد بيفتكر فيك كلهم يبون فلوسك ..
ارجوك اذا انت توك لا تتعمق .. وايد شباب عندنا تضرروا بعد فوات الاوان والتعديلات مكلفه حيل ..

كل اللي بهالمجال حراميه الا (( كذا شركة )) يخافون الله في مالهم مايكون حرام ..
انتبه اذا للحين ما غرست معاهم .. وتقدر تطلع ..

[sara jsm]

انت الله يحفظك تتكلم عن شهرين وثلاثة ، واللي يقول لك أن بيته تعطل 12 سنة !!
ويوم أن المقاول بنا مجلسي الخارجي مقلوب وواجهة المجلس لداخل البيت وظهره للشارع !!
!!

امااااااا :happy::happy::happy:

والله الغلط منك .. هم مايتابعون لكن انت وين عيونك وقتها ..
لازم تتابع حلالك في كل شي .. لا تثق في العماله ابد ..

[معماري قطري]

كفيت و وفيت يا مهندسنا المميز ابو عبدالله ، وتسلم ما خطته يمناك

وأيضاً الشكر موصول للأخت سارة وخصوصاً في جزئية "لا تكون طيب وحبوب" بزيادة

انت الله يحفظك تتكلم عن شهرين وثلاثة ، واللي يقول لك أن بيته تعطل 12 سنة !!

ويوم أن المقاول بنا مجلسي الخارجي مقلوب وواجهة المجلس لداخل البيت وظهره للشارع !!

رحت للاستشاري وقلت له انت كم مرة تروح تعاين فيها العقار ؟ قال 3 مرات في الأسبوع

ويوم أني حَلـَّـفته قال بأنه ما يروح !! ويوم اختضت عليه تعذر لي بأنه مسوّي لي خصم :waiting:

مَعَ الأسف وقالوها أهلنا لول (( اللي يسترخص للحَمَة ، تخونه المرقة ))

المهم أنه بعد كلام مهندسنا ابو عبدالله ما لنا كلام وأيضاً حاسب من الطيبة الماصخة وبنج المقاولين !!

ألحين الأمور يا اخوي سهالات تصوير كل زيارة ولو قليل وحتى تطلب من الفورمن يصور زيارات الإستشاري وتعليماته إنت ما تدفع فلوس تشتري وهم وللأسف نظام الدولة يشجع .. قبل كان فيه دفتر ملاحظات في الموقع يوقعه الإستشاري ويكتب التعليمات بعد كل زيارة .. كتابة بخط اليد وبقلم حبر كتابة واضحة والدفتر له اسلوب وهذا تستغني عنه بالتصوير وما تستغني عن التعليمات لإدارة الشركة بالفاكس أو الإيميل وتجيك منها نسخة يفترض

العملية تسهلت أكثر مع الإتصالات الحديثة والتصوير حتى تصوير الصب بطيارة درون سهل

والله أستغرب رحنا بنوقع عقد اشراف عند استشاري كبير معروف درجة أولى وكان سعره حول 6000 لفلل تجارية نقدر نقول صغيرة ومتشابهة ممكن تعادل وحدة كبيرة 6 فلل جنب بعض .. يوم دخلت مع قريبي عند الإستشاري طلبت إضافة بند واحد وهو تصوير تقرير اسبوعي عن سير العمل على الوتس أب يرسله للمالك وكأني طالبه يشتغل ببلاش ثار وقال مستحيل انا التقارير تجيني من المقاول والصور وأوقعها بمعرفتي .. مصري ضخم وزنه وايد زايد بسبب الجلسة على الكرسي وإدارته ( بمعرفته )

الدول تسن قوانين لمنع التلاعب وعندنا يعطونها حرية اللعب والقوانين عندنا ركيكة

توهم مفعلين المحاكم المستعجلة وقريب لي قدم طلب احالة وحددوا الجلسة بعد اسبوع بس دوم يصير تلاعب وحسابات غلط من قبل من يسمون خبراء هندسيين

[معماري قطري]

والله اختي العزيزه المشكله تدبست معهم لان ابي اطلع منهم قالوا ادفع 18 الف.. يادوب توني..

إذا ملاحظ الوضع صعب ولازم تطلع إطلب قضية مستعجلة ومخالصة عن طريق المحكمة والله يعينك .. لكن لو تبغي تسويها ودي وتدفع شوف استشاري يوثق الإجراءات وبأنهم ما يطالبونك بشيء ويضمنون المقاول اللي حطوه لك ما يطالبك شيء وتوقيعهم المعتمد أو توقيع مسؤولهم ومديره والمقاول وممثله في الموقع .. يعني مخالصة رسمية وإحفظها في مكان آمن لتضيع والا تخترب

واحد من الأهل شرد عنه مقاوله ولا يرد على تلفوناته فترة شهور راح عين مقاول ثاني وعنده استشاري .. الأول يتابع ويمر يشوف البنيان ويحس إنه بنيانه هههههههه شوي راح رفع قضية إن المالك طرده من الموقع وجاب مقاول ثاني ويطالبه بمبالغ وأششغال يدعي إنه سواها وهو كلش ما زخها .. المحكمة خذت فترة وصار اثبات حالة وقصة طويلة وفي النهاية دفعوا المالك مبلغ للمقاول الأول

[معماري قطري]

يا إخوان المقاولين واللي داخلين التطوير العقاري وايد منهم يلعبون بالقانون اللي عارفينه هم وممارسينه وايد ودوم يكون الكلام سهل لكن الكتابة والإقرار المكتوب الواضح والموقع وعليه شهود صعب ويمكن مستحيل

[سعود.]

يا إخوان المقاولين واللي داخلين التطوير العقاري وايد منهم يلعبون بالقانون اللي عارفينه هم وممارسينه وايد ودوم يكون الكلام سهل لكن الكتابة والإقرار المكتوب الواضح والموقع وعليه شهود صعب ويمكن مستحيل

يلعبون في القانون والشغل ايضا تخيل من فتره واقف ع بيت واحد من الربع مسوى له المقاول قالب حق الخرسانة من
( شينكو ) وطبعا متبطل والخرسانه مكرشه حول نص متر لا بعد فونديشن

[معماري قطري]

يلعبون في القانون والشغل ايضا تخيل من فتره واقف ع بيت واحد من الربع مسوى له المقاول قالب حق الخرسانة من
( شينكو ) وطبعا متبطل والخرسانه مكرشه حول نص متر لا بعد فونديشن

كلامك صح اللعب في المواصفات الهندسية والشغل الركيك هذا يكشفه اللي فاهم في البناء .. واضح وضوح الشمس المشكلة فيه أشياء تمر على كثيرين والخبث كبير من بعض الاستشاريين والمقاولين وحتى من بعض ممثلين المكاتب الإستشارية وممثلي المقاولين .. تحصل المكتب الإستشاري قوي وتهمه سمعته لكن فيه مهندس نفسه دنيئة أو خبرته قليلة تمر عليه أمور كثيرة والمشكلة لو كان اللعب في أشياء خطرة يتجاوز عنها وتختفي مع البنيان وتطلع بعد كم سنة .. مثل التعشيش والغطاء الخرساني للحديد والعزل الجيد .. وللسيطرة على هذي الأُمور المفروض تفعيل نظام الإشراف العام من الدولة ومحاسبة المقاول المتجاوز والمهندس المشرف ومكتبه محاسبة قوية ومناسبة

فيه تجهيزات حديثة تكشف كل شيء والزيارات المفاجئة للمشاريع بتبين لهم ركاكة العمل والتجاوزات .. مب قطر تستحق الأفضل وقطر مهمة؟

الحريق من كم يوم اللي صار في البرج اللي له قرون كأنها قرون الشيطان وهذا رأيي في التصميم المعماري .. لو تم ربط رؤوس القرون على شكل دائرة بيطلع أحلى بوايد .. الحريق هذا المفروض ما يصير لو فيه اشراف جيد وصارم من حيث عدم وضع مواد قابلة للإشتعال قرب مصادر نيران أثناء البناء .. وفي النهاية بيدفع البنك وبتروح كديون معدومة أو تسترد على فترات طويلة مما يسبب خسارة البنوك أو تدفعه ظلماً شركات التأمين

[أبوماجد]

امااااااا :happy::happy::happy:

والله الغلط منك .. هم مايتابعون لكن انت وين عيونك وقتها ..
لازم تتابع حلالك في كل شي .. لا تثق في العماله ابد ..

ياحبّك للشماتة crazy هههههه ويالله صباح خير "لكن كلامك طبعاً صح"

والقصد أن نستفيد من تجارب بعضنا البعض وابو ضمير صاحي عجبني :thumbup1:


اقصد بكلامي ياخوي انت بيتك وحلالك لازم تجابله كل يوم او يومين
المقصد لاتعتمد عليهم حيل

فعلاً كلامك صحيح عسى الله يكملك بالعقل والدِّين وبإذن الله تعالى "ما ينخاف عليك"

وجزاك الله خير ياللي فعلاً خليتنا أيضاً نستفيد وبالأخص مِن مُداخلات اخونا ومهندسنا المتميز ابو عبدالله

اللي فعلاً قريت ملاحظاته وأماكن وجود نقاط الضعف وثغرات في القوانين والحلول وقلت ليتهم يمَسكون

واحد في خبرته وغيرته على بلاده وربعه، في منصب تنفيذي لأجل يُصلح كثير من القرارات والقوانين.

[Azizuk]

ان شاءالله بعد كاس العالم المسؤولين والجهات المختصة تلتفت على هالمقاولين والتجار وتوقفهم عند حدهم

لعبو بالناس لعبه

انا اعرف واحد طلع من المقاول 400 الف تعويض بس بعد طلعت روح وتوقف المشروع له سنين ودفع للمحامي مبالغ

بس ايش يسوى عوار القلب والقهر

الواحد يحاول يحل الموضوع مع المقاول ودي بقدر الاستطاع حتى لو يقدم تنازلات اهم شي ان يخلص بيته

[سعود.]

ان شاءالله بعد كاس العالم المسؤولين والجهات المختصة تلتفت على هالمقاولين والتجار وتوقفهم عند حدهم

لعبو بالناس لعبه

انا اعرف واحد طلع من المقاول 400 الف تعويض بس بعد طلعت روح وتوقف المشروع له سنين ودفع للمحامي مبالغ

بس ايش يسوى عوار القلب والقهر

الواحد يحاول يحل الموضوع مع المقاول ودي بقدر الاستطاع حتى لو يقدم تنازلات اهم شي ان يخلص بيته


يشهد الله اني فرحت لما شفت مشاركتك . باذن الله نعتبرها عوده للمنتدى :nice:

[Azizuk]

يشهد الله اني فرحت لما شفت مشاركتك . باذن الله نعتبرها عوده للمنتدى :nice:

عزيز وغالي اخوي سعود انا دوم موجود في المنتدى بس دايمن اكون مطلع واقراء من بعيد الى بعيد

في شخص عزيز على مثلك وشرواك دايمن يطلب مني اشارك وانا ماعرف الا اشارك في قسم البناء

والصراحه ماعندي شي جديد اقدر اقدمة معلوماتي على قدي

اخوي معماري مايقصر دوم متواجد وغني بالمعلومات المفيدة


اشكرك اخوي سعود واشكر اعضاء المنتدى

واسعدتني فرحتك :victory::victory:

[سعود.]

عزيز وغالي اخوي سعود انا دوم موجود في المنتدى بس دايمن اكون مطلع واقراء من بعيد الى بعيد

في شخص عزيز على مثلك وشرواك دايمن يطلب مني اشارك وانا ماعرف الا اشارك في قسم البناء

والصراحه ماعندي شي جديد اقدر اقدمة معلوماتي على قدي

اخوي معماري مايقصر دوم متواجد وغني بالمعلومات المفيدة


اشكرك اخوي سعود واشكر اعضاء المنتدى

واسعدتني فرحتك :victory::victory:


شروك اطيب اخوي ( بوسعود ) ولا اقصور في الربع كلهم انت ساس من ساسات قسم البناء ونتشرف فيك وانت للامانة من الناس الي فقدناهم في الفتره الاخيرة ونتمني وجودك . والله يستر عليك وين ماكنت

[معماري قطري]

ياحبّك للشماتة crazy هههههه ويالله صباح خير "لكن كلامك طبعاً صح"

والقصد أن نستفيد من تجارب بعضنا البعض وابو ضمير صاحي عجبني :thumbup1:



فعلاً كلامك صحيح عسى الله يكملك بالعقل والدِّين وبإذن الله تعالى "ما ينخاف عليك"

وجزاك الله خير ياللي فعلاً خليتنا أيضاً نستفيد وبالأخص مِن مُداخلات اخونا ومهندسنا المتميز ابو عبدالله

اللي فعلاً قريت ملاحظاته وأماكن وجود نقاط الضعف وثغرات في القوانين والحلول وقلت ليتهم يمَسكون

واحد في خبرته وغيرته على بلاده وربعه، في منصب تنفيذي لأجل يُصلح كثير من القرارات والقوانين.

ما عليكم زود إخوي بو ماجد وبقية المشاركين والمتابعين

إستغربت سذاجة التعديلات على القوانين للبناء منها على عجالة ترك 1 متر من حدود الأرض لأي بيسمنت قرب الحدود مع الجار كارتداد والحفر بعده واعتقد السبب عدم التأثير على بنيان الجار

زين باسئل سؤال قبل كان في الوضع العادي بدون حتى بيسمنت يتم الحفر لعمق متر ونص للأساسات أو يوصل مترين أوقات وعلى الحدود للملحق أو المجلس شفرقت لو حفرنا زيادة للبيسمنت وسوينا جدار خرساني .. ممكن هم يحددون العمق كمثلاً 3 أمتار مع مسؤولية من يحفر عن أمان الحفر وممكن يحفر شوي ويسوي طوق خرساني أو جدار استنادي خرساني ويكمل حفر وممكن قبل ليحفر يحط سنادات دعم حديدية ويبني هذا الجدار ويكون داعم اضافي .. المتر هذا شبيفرق وشبيفيد؟ زين لو خلينا متر قرب السور وسوينا البيسمنت بعد المتر بيبقى عندنا متر طاير فوق حول 3 أمتار لو سوينا عمق البيسمنت 3 متر ولو حد يسقط منه ممكن تنكسر رقبته ولا نستفيد منه .. في رأيي لو بنأسس حق بيسمنت وللسور مرة وحدة بدون ارتداد أفضل لنا وللجار والجار لو كان باني بيسمنت ما بيتأثر ولو مب باني بعد عادي بيكون جدارنا وتأسيسه قوي كفاية وهنا تدخل تفاصيل الجدار الإستنادي وعزله وفصله عن جدار الجار بحدود 2 سم فاصل إنشائي يفصل الأرضين في حالة هدم أرض ما بيتأثر بنيان الجار ولا حتى ينلمس

وللحديث بقية أكيد

[معماري قطري]

عزيز وغالي اخوي سعود انا دوم موجود في المنتدى بس دايمن اكون مطلع واقراء من بعيد الى بعيد

في شخص عزيز على مثلك وشرواك دايمن يطلب مني اشارك وانا ماعرف الا اشارك في قسم البناء

والصراحه ماعندي شي جديد اقدر اقدمة معلوماتي على قدي

اخوي معماري مايقصر دوم متواجد وغني بالمعلومات المفيدة


اشكرك اخوي سعود واشكر اعضاء المنتدى

واسعدتني فرحتك :victory::victory:

مشاركاتك قيمة خصوصاً في الكهرباء والميكانيك انت البوس الكبير

ولا تحرمنا من مشاركاتك

[Azizuk]

مشاركاتك قيمة خصوصاً في الكهرباء والميكانيك انت البوس الكبير

ولا تحرمنا من مشاركاتك



العين ماتعلى على الحاجب يامعماري

انت ساس هالقسم يابوعبدالله

متى نروح ايطاليا :thumbup1:

يقلون مدينتهم فيها بحر وتصير زحمه بالصيف

[معماري قطري]

العين ماتعلى على الحاجب يامعماري

انت ساس هالقسم يابوعبدالله

متى نروح ايطاليا :thumbup1:

يقلون مدينتهم فيها بحر وتصير زحمه بالصيف

فيزتي على ايطاليا ولا رحت كأول دخول الأهل راحوا قبل رمضان .. ألحين نبغي ألمانيا بس قالوا لازم تنزل ايطاليا أول شيء قلت ما لي الا تركيا كم يوم ومنها نروح ايطاليا واحتمال انترلاكن لو حصلنا حجز للفندق مناسب

[Azizuk]

اخوي معماري احنا الحين لازم نقوم بتأسيس شركة مقاولات او مكتب استشاري

تكون انت المدير العام ورئيس مجلس الادارة شغلك وتخصصك ادارة المكتب فقط

اخوي سعود المشرف العام على المشاريع ومراحل البناء

اخوي ثامر المستشار القانوني للشركة وصياغة العقود

انا تخصص التشطيب والمتابعة حتى التسليم النهائي

في وحده عنصر نسائي نفكر ندخلها معنا او( لا ) على حسب رأيي اعضاء الشركة ويمكن تكون مصدر ازعاج لنا :strong3: وخاصه حق معماري

نشوف رأيي الاعضاء بالاول يقبلون تدخل نسائي في هالمجال ام لا

[معماري قطري]

اخوي معماري احنا الحين لازم نقوم بتأسيس شركة مقاولات او مكتب استشاري

تكون انت المدير العام ورئيس مجلس الادارة شغلك وتخصصك ادارة المكتب فقط

اخوي سعود المشرف العام على المشاريع ومراحل البناء

اخوي ثامر المستشار القانوني للشركة وصياغة العقود

انا تخصص التشطيب والمتابعة حتى التسليم النهائي

في وحده عنصر نسائي نفكر ندخلها معنا او( لا ) على حسب رأيي اعضاء الشركة ويمكن تكون مصدر ازعاج لنا :strong3: وخاصه حق معماري

نشوف رأيي الاعضاء بالاول يقبلون تدخل نسائي في هالمجال ام لا

موافق على كل شيء الا البند الأخير .. هذي تبي لون موحد لكل شيء ما تصلح بتخرب علينا .. وبعدين هي نصيرة الفقراء بتجيب لنا وايد يبون بنيان ببلاش والتسديد على 99 سنة

[سعود.]

اخوي معماري احنا الحين لازم نقوم بتأسيس شركة مقاولات او مكتب استشاري

تكون انت المدير العام ورئيس مجلس الادارة شغلك وتخصصك ادارة المكتب فقط

اخوي سعود المشرف العام على المشاريع ومراحل البناء

اخوي ثامر المستشار القانوني للشركة وصياغة العقود

انا تخصص التشطيب والمتابعة حتى التسليم النهائي

في وحده عنصر نسائي نفكر ندخلها معنا او( لا ) على حسب رأيي اعضاء الشركة ويمكن تكون مصدر ازعاج لنا :strong3: وخاصه حق معماري

نشوف رأيي الاعضاء بالاول يقبلون تدخل نسائي في هالمجال ام لا


هههههههههه خوش شركة
وانا مؤيد لرأى بوعبدالله وحاب اضيف نقطة ( الاخت ) هي من سكان الخور وتعتبر من المناطق البعيده واكيد كل يوم راح تتاخر وراح تطلع بدري فبلاش من البداية :thumbup:

[سعود.]

بعدين ترى حدها الخور لو راحت ام قرن ضاعت وشغلت جوجل ماب :happy::happy::happy:

[sara jsm]

بعدين ترى حدها الخور لو راحت ام قرن ضاعت وشغلت جوجل ماب :happy::happy::happy:


https://g.top4top.io/p_2335l2nxf4.jpeg (https://top4top.io/)

[Azizuk]

لا عاااد كل شي والا اهل الخور مانرضى عليهم :oops:

بعدين احنا محتاجين مهندسة ديكور

لا تنسون محتاجين محاسبين ومدققين ولازم ضروري مهندسة ديكور

ومافي احسن من بنت الخور تكون تشغل هالمنصب

بعدين هي عضو اساسي في الشركة ومن الاعضاء الدائمين وتمتلك حق الفيتو :stop:

انا بس كنت ابي اشوف ارائكم :fight:

[سعود.]

لا عاااد كل شي والا اهل الخور مانرضى عليهم :oops:

بعدين احنا محتاجين مهندسة ديكور

لا تنسون محتاجين محاسبين ومدققين ولازم ضروري مهندسة ديكور

ومافي احسن من بنت الخور تكون تشغل هالمنصب

انا بس كنت ابي اشوف ارائكم :fight:


خوش والله بعد محاسبه :court: بتوزع فلوس الشركة هدايا ومسابقات

[sara jsm]

خوش والله بعد محاسبه :court: بتوزع فلوس الشركة هدايا ومسابقات

ههههههههههههههه انت باعطيك ابتسامة :funny:

[معماري قطري]

لا عاااد كل شي والا اهل الخور مانرضى عليهم :oops:

بعدين احنا محتاجين مهندسة ديكور

لا تنسون محتاجين محاسبين ومدققين ولازم ضروري مهندسة ديكور

ومافي احسن من بنت الخور تكون تشغل هالمنصب

بعدين هي عضو اساسي في الشركة ومن الاعضاء الدائمين وتمتلك حق الفيتو :stop:

انا بس كنت ابي اشوف ارائكم :fight:

قصدك حق الفيمتو

[معماري قطري]

خوش والله بعد محاسبه :court: بتوزع فلوس الشركة هدايا ومسابقات

ما تنفع كلش الله يهدى بوسعود شركته فلست قبل لتنفتح .. عاد تدخل الشركة الا ريحة كيما وبصل من بيتعامل معانا بعدين الا هندي عجبته الريحة

[sara jsm]

هههههههههههه زين الفيمتو حق رمضان ..
بس معليه معماري الايام بينا وقرب موسم اللوز :pic:

[سعود.]

ما تنفع كلش الله يهدى بوسعود شركته فلست قبل لتنفتح .. عاد تدخل الشركة الا ريحة كيما وبصل من بيتعامل معانا بعدين الا هندي عجبته الريحة


هههههههههههه





ههههههههههههههه انت باعطيك ابتسامة :funny:

ههههههههههه

[سعود.]

عاد بصراحة تنفع في قسم ( التشطيب ) نزلت موضوع في قسم البناء ( بيت العمر متجدد حياكم ) اعتبره من اقوى مواضيع التشطيب في المنتدى شامل ومفصل تفصيل بالصور والاسعار عمل جبار تشكر عليه .

[معماري قطري]

هههههههههههه زين الفيمتو حق رمضان ..
بس معليه معماري الايام بينا وقرب موسم اللوز :pic:

طحتي على عوقي خلاص يحق لج ما لا يحق لغيرج آمري حتى سجل الشركة بإسمج

بس صار لي خمس سنين أشوف صور لوز وبس آبي كرتون صغير قد كرتون حليب الرينبو بس

[معماري قطري]

عاد بصراحة تنفع في قسم ( التشطيب ) نزلت موضوع في قسم البناء ( بيت العمر متجدد حياكم ) اعتبره من اقوى مواضيع التشطيب في المنتدى شامل ومفصل تفصيل بالصور والاسعار عمل جبار تشكر عليه .

هذا عيبنا يا اخوي سعود طيبين ونقتنع بسرعة .. خلاص نسميها شركة سارة للبناء عبر البحار

[أبوماجد]

ما تنفع كلش الله يهدى بوسعود شركته فلست قبل لتنفتح .. عاد تدخل الشركة الا ريحة كيما وبصل من بيتعامل معانا بعدين الا هندي عجبته الريحة

ذكّرتني ياخوي بكذا سالفة حق مشاريع خسرت مِن أولها وكلها بنفس السبب رغم إختلاف المشروع

ومنها سالفة واحد مِن ربعنا "من جماعتكم" مشروعه كان خيام وتجهيز أعراس للرجال .. والمُهم

كل ما جاله واحد مِن الجماعة وعيال العم قال له: خيمتك وتجهيز عرسك والذبايح مِن صوبي "عينيّة"

وطال عمرك حروَة الشهرين وأكيد طبعاً خسر "مادّياً" بامتياز رغم أن لها مكاسب إجتماعية ولكن مش

مفروض أنها تُحسَب لأن الهدف كان مكسب مادّي ، ومَعَ الأسف كان هذا هَو السبب الأول والرئيسي

اللي خلا أغلب أهل قطر يتجهون للعقار لأنه قليل التعريض للإحراجات هذي وخصوصاً مع أبناء العمومة.

ومِن واقع تجربة ومُراقبة فإن "الغالبية" ما راح يقدرون مهما سويت لهم خصومات!! لازم ينشفونك

طبعاً أحد الحلول بأنك تحط لك مدير أجنبي يبعدك عَن هذي الإحراجات ويكون لسانه حلو !! ههههه

[sara jsm]

عاد بصراحة تنفع في قسم ( التشطيب ) نزلت موضوع في قسم البناء ( بيت العمر متجدد حياكم ) اعتبره من اقوى مواضيع التشطيب في المنتدى شامل ومفصل تفصيل بالصور والاسعار عمل جبار تشكر عليه .

الله يجزيك الخير ويرحم والديك اخوي سعود ..
ومااكتمل الموضوع بدون مشاركاتكم الطيبه ..
:


طحتي على عوقي خلاص يحق لج ما لا يحق لغيرج آمري حتى سجل الشركة بإسمج
بس صار لي خمس سنين أشوف صور لوز وبس آبي كرتون صغير قد كرتون حليب الرينبو بس

ههههههههه ان شاءالله قريب :thumbup:

[معماري قطري]

ذكّرتني ياخوي بكذا سالفة حق مشاريع خسرت مِن أولها وكلها بنفس السبب رغم إختلاف المشروع

ومنها سالفة واحد مِن ربعنا "من جماعتكم" مشروعه كان خيام وتجهيز أعراس للرجال .. والمُهم

كل ما جاله واحد مِن الجماعة وعيال العم قال له: خيمتك وتجهيز عرسك والذبايح مِن صوبي "عينيّة"

وطال عمرك حروَة الشهرين وأكيد طبعاً خسر "مادّياً" بامتياز رغم أن لها مكاسب إجتماعية ولكن مش

مفروض أنها تُحسَب لأن الهدف كان مكسب مادّي ، ومَعَ الأسف كان هذا هَو السبب الأول والرئيسي

اللي خلا أغلب أهل قطر يتجهون للعقار لأنه قليل التعريض للإحراجات هذي وخصوصاً مع أبناء العمومة.

ومِن واقع تجربة ومُراقبة فإن "الغالبية" ما راح يقدرون مهما سويت لهم خصومات!! لازم ينشفونك

طبعاً أحد الحلول بأنك تحط لك مدير أجنبي يبعدك عَن هذي الإحراجات ويكون لسانه حلو !! ههههه

إذا اسمه يبدأ بالميم خلاص إخوي هو فتح تجهيز أعراس وسكر وألحين داخل المقاولات من أوسع أبوابها بس شكله بيطيح طيحة قوية كله ديون ومشاكل

[صاحي ضميره]

للامانه للحين ما سمعت قطري اشتكي ع شركه مقاولان في المحكمه عن التاخيرات والمحكمه ردوا حكه.. الشركات هنيه يستغلون نقطه ضعف المحاكم وانها تطول ويدرون ان اللي يبني يبي يخلص وما يبي بيته يوقف..
يارب االفرج على الجميع
لاكن ارجع واقول هل فيكم كسب قضايا ع شركات المقاولين.. واعذارهم الكثيره

[معماري قطري]

انا أعرف ناس خذوا شيء من حقهم .. وبعد محضر الحالة اللي عليها البيت بالتصوير وبتقرير المهندس المحكم من المحكمة وهذا ياخذ تقريباً أسبوع وبمقابل مالي بسيط على ما اعتقد 5000 تدفع للخبير الهندسي .. بعد المحضر يحق لك تكمل مع اللي تبيه وقضيتك وحقوقك وحقوق المقاول يبت فيها الحكم شوي براحته بس استوت هالقضايا ذي سريعة ومستعجلة لأن غالبها واضح

[صاحي ضميره]

معماري اخوي قلت محضر السؤال الحين
شنو دور المحضر
وهل المحضر يلغي العقد القديم

[معماري قطري]

معماري اخوي قلت محضر السؤال الحين
شنو دور المحضر
وهل المحضر يلغي العقد القديم

لا لازم بيرجعون للعقد .. المحضر حق معرفة وين وقفت الأعمال لو مقاولك موقف وتارك الموقع .. لو مقاولك للحين يشتغلون عماله والخلاف على فترة التأخير بس إحتمال ما يوقفونه ويحددون أسباب التأخير وإذا ممكن تطبق الغرامات اليومية أو لا .. شغلهم نهائي مب احترافي وقصة بس بدوا يسرعون القضايا وينتدبون خبير هندسي بسبب تعيين خبراء زيادة يغطون مجالات العمل

إنت ليش ما تتكلم مع مقاولك وتكون واضح .. تقول له مب مرتاح لشغلك ولا بعاجبني وودي ألغي العقد معاك خل نشوف شاللي لي واللي لك ولو وافق تاخذ منه تعهد إنه خذ أتعابه كلها ولا بيطالبك بشيء .. عاد مسئلة توقيعه الرسمي ومن مخول بالتوقيع هذا يدققها الإستشاري والا انت لو عندك المعرفة كيف .. بعضهم يرسل لك شهص غير مخول بالتوقيع وممكن يوقع لك توقيع مب صحيح الا يكون عندك كتاب التخويل من إدارة الشركة مختوم وموقع وفيه نموذج توقيع الشخص المخول .. الموضوع قانوني هندسي من هشكل قلت لك عن طريق الاستشاري

[معماري قطري]

المقصد حق يطلعون معاك مهندس لازم أسباب مقنعة عندهم أما تأخير الله أعلم وحتى للتأخير مراسلات من قبل الإستشاري وتحديد الأسباب وبعدين لتطبيق الغرامات آلية ولازم عبر كتب تحدد التأخير والغرامة عن كل يوم تأخير كما في العقد

[الصفقة]

لاحول ولاقوه يااخوي والله يعينك. عن نفسي انا والله اني اسقي الخرسانه بنفسي مااثق فيهم والسبب موب حاطين لي ناطور.
ومره مزودين ماي ف الخرسانه وصورتهم وابشرك طلبت فحص التست كور. من شركه التيسير وطلعت المنتيجه 23 من 30 يعني جيده.
وكانوا يقولون ماكنا نعرف قطري بسل عن هذي الامور
اقصد بكلامي ياخوي انت بيتك وحلالك لازم تجابله كل يوم او يومين
والله اني اليوم جيتهم ولقيت فارين باب الرجال عكس وابشرك كان الاستشاري موجود ولا يدري وش السالفه
المقصد لاتعتمد عليهم حيل

ترى إذا نتيجة الفحص للخرسانة المسلحة بتكون راسبه
واذا الخرسانة للاساسات لازم ما تقل عن 40 نيوتن للكيوب

[معماري قطري]

ترى إذا نتيجة الفحص للخرسانة المسلحة بتكون راسبه
واذا الخرسانة للاساسات لازم ما تقل عن 40 نيوتن للكيوب

هم ياخذون ثلاث عينات أو أكثر حسب متطلبات الاختبار وطلب المالك أو استشاريه ويفحصونها ممكن تجي وحدة 18 كيلو نيوتن في المتر المربع هذي ما تعتمد وممكن وحدة تطلع 40 أعتقد ياخذون ثلاث ومنهم يطلعون المعدل يشيلون أقل شيء وأعلى شيء لو 5 مثلاً .. 23 في 28 يوم أشوفها مقبولة لو خرسانة التصميم 30 وبتوصل ال 30 وممكن فوق خلال فترة .. الخرسانة تفاعلها يستمر سنوات وظروف التفاعل كثيرة حتى صعب يحددها القياس العلمي بسهولة منها مكونات التربة وكيميائيتها ونوعية الحديد وحمايته والمياه ومياهنا مليانة كلور والكلور عدو حديد التسليح والأملاح عدوة الإسمنت

المهم الخرسانة بعد 10 سنين تكون أقوى من شهر في غالب الدول اللي فيها ظروف طبيعية .. في قطر بسبب أملاح التربة والكلور في ماي الخلط والشغل الرديء عند بعض المقاولين تضعف .. البيت اللي يصمد 10 أو 15 سنة بدون مشاكل كراكات واضحة وتبغي تشتريه إذا ما فيه مشاكل مياه أو صيانة عظمى إخذه وانت متطمن

بعض الناس يقطون اللوم على الجو وهذا جايز في حالة تفاوت الحرارة بين حرارة عالية تسبب تمدد وبرودة قوية تسبب انكماش وعلى دورات متعددة .. البيت اللي معزولة خرساناته وجدرانه عزل جيد قليل اللي تجيه هذي التأثيرات وفيه بيوت في قطر وصلت أعتقد 70 سنة بدون مشاكل صيانة للخرسانات واستبدال منها مثل ما أشوف القصر اللي في الريان قديم جداً وبيوت في السد قديمة أتوقع عمرها 50 سنة على الأقل وأكثر وأذكرها وانا أقل من 10 سنوات .. قصر سمو الأمير وقصر الضيافة في ارميلة ويميزه سقفه المنحني لأعلى وفيه فتحات إنارة صغيرة زجاجية .. أشوفه تحفة معمارية بنيت من الزمن القديم وصامدة للآن

من يقول الظروف تغيرت والأرض ريحت نعطيه هذي الأمثلة الواضحة وكلها خرسانية وطابوق وفي قطر وفي وقت الحديد عادي وضعيف والطابوق بعضه بماء بحر والرمل كله أملاح بس الشغل نظيف وقتها

[معماري قطري]

شفت مبنى من أيام الإنجليز أعمدة ليوانه 15 في 15 سم خرسانية صج متهالكة ومتكسرة وخفت أركب فوق بس عايش كان وأعتقد هدموه من فترة لأنهم يبنون بنيان حديث في المنطقة

[صاحي ضميره]

ياهلا اخوي.. والله مادري سويت فحص تست كور للخرسانه وطلعت هءي النتيجه يقول التيسر انها مقبوبه

[معماري قطري]

ياهلا اخوي.. والله مادري سويت فحص تست كور للخرسانه وطلعت هءي النتيجه يقول التيسر انها مقبوبه

ما فهمت شكاتب بس هم يعطونك النتيجة كتابياً ومعتمدة في المحاكم .. ويعتمد الفحص وشو فيه فحص الضغط وفحص المحتوى الكيميائي يعطيك نسبة الإسمنت ونوعه والرمل ونوعه والكنكري ونسبة الرطوبة أو المياه والوزن النوعي أو الكثافة .. لازم بعد تقارنها أو يقارنها المكتب الهندسي بخرسانة التصميم والعقد المتفق عليه