اشتراطات بناء ( جديدة ) [الأرشيف] - منتديات شبكة الأسهم القطرية

المساعد الشخصي الرقمي

مشاهدة النسخة كاملة : اشتراطات بناء ( جديدة )

سعود.

23-05-2022, 04:46 PM

السلام عليكم ورحمة الله وبركاته

https://b.top4top.io/p_2334c6zr51.jpeg (https://top4top.io/)

سعود.

23-05-2022, 04:49 PM

https://k.top4top.io/p_2334bilf50.jpeg (https://top4top.io/)

sara jsm

23-05-2022, 05:48 PM

وعليكم السلام ..

قرار حلو وسليم عشان تكثر العمارات عندنا :happy:
ممتاز حق اللي اراضيهم صغيره يقدرون يزيدون ويوسعون براحتهم ..

الله يسهل ويوفق عالجميع

سعود.

23-05-2022, 06:18 PM

من يفسر لنا شنو المناطق السكنية r1 r2

سعود.

23-05-2022, 06:23 PM

وعليكم السلام ..

قرار حلو وسليم عشان تكثر العمارات عندنا :happy:
ممتاز حق اللي اراضيهم صغيره يقدرون يزيدون ويوسعون براحتهم ..

الله يسهل ويوفق عالجميع

بالضبط

Rider

23-05-2022, 09:06 PM

يوم قربنا نخصل البيت طلعوا القرارات

Dana’1

23-05-2022, 10:15 PM

شي جميل اعطوا مساحة أكثر للي يبغى مثل هالشغلات قبو و ربطة بالملاحق و المجالس

بس المشكلة الحقيقه هنا هي و ين اللي يشتغل صح مقاول و مهندس يشتغلون صح عمال على مهارة عاليه و قبل كل شي الأمانه و توفر الأدوات بتنوع كبير و جودة عاليه
مازال السوق يفتقر مثل هالأمور.

صاحي ضميره

24-05-2022, 12:21 AM

من يفسر لنا شنو المناطق السكنية r1 r2

يعني مناطق نموذجيه يعني ماتبني ع راحتك ف كل شي. مثلا ماتبني فلتين منفصلتين ع ارضك

سعود.

24-05-2022, 01:07 AM

يعني مناطق نموذجيه يعني ماتبني ع راحتك ف كل شي. مثلا ماتبني فلتين منفصلتين ع ارضك

شكرا لك . في توضيح اكثر ولا هذا الفرق فقط . اشلون ماابني ع راحتي ؟؟؟؟

أبوماجد

24-05-2022, 10:17 AM

صاحي ضميره

24-05-2022, 10:35 AM

الله يسلمك انا ارضي نموذجيه لي ارتدادن خاصه تحكمها قانون البلديه مو اي شي اسويه رفم انها ارضي
صبغ موب ع كيفك. الارتداد اللي وراه 3. متر وانا اشوفها مبالغ فيها

سعود.

24-05-2022, 11:23 AM

وعليكمـ السلامـ ورحمة الله وبركاته

لكَ كل الود والورد والتقدير يا صديقي العزيز ( ســعـُــــود ) ،، حفظك الله

وجزاكَ الله عنا كل خير، على طرح كل ما هُوَ مُفيد وجديد بين إسمنتٍ وصَبّياتٍ وحَديد :eek2:

ودُمتَ بأمـــــــــــــان ،، وحِفظ الرحمـــــــــــــــن

<<>><<>><<>>

العفو طال عمرك

الله يسلمك انا ارضي نموذجيه لي ارتدادن خاصه تحكمها قانون البلديه مو اي شي اسويه رفم انها ارضي
صبغ موب ع كيفك. الارتداد اللي وراه 3. متر وانا اشوفها مبالغ فيها

اها شكرا لك ع التوضيح

qatari911

24-05-2022, 12:56 PM

المفروض يسمحون بالبناء شبه عماره للي عنده عائلة كبيره
وتكون القوانين مرنه مع المواطن
مو القوانيين على ناس وناس
واهم شي يحصرون شركات المقاولات الممتازه والجيد جدا ويشددون عليهم وشغلهم يكون بأشراف من البلدية علشان حقوق المواطنين تكون محفوظه ومايتلاعبون

sara jsm

24-05-2022, 01:22 PM

من يفسر لنا شنو المناطق السكنية r1 r2

ترى موجود بالكتيب اللي نزلته من قبل في قسم البناء ..
القوانين الجديدة 11-2021

سعود.

24-05-2022, 01:59 PM

معماري قطري

25-05-2022, 02:00 AM

كنت مفكر أكتب موضوع نقدي لهذي القرارات وتكيسلت أو ما فضيت بس ما قصرت إخوي سعود وباكتب نقدي هنا

صحيح آر1 و آر2 هذي رموز مبهمة للكثيرين لازم يدورون مفتاح لها وانا أذكرها في توزيع المناطق في جي آي إس البلدية .. زين حصلت موقعهم حافظه عندي وهذا هو

https://geoportal.gisqatar.org.qa/zoning/

تكبر الخارطة توصل أرضك تضغط علامة ! الموجودة فوق وتضغط على أرضك تطلع مساحتها والرقم المساحي والتصنيف .. آر 1 تعني منطقة سكنية منخفظة الكثافة السكانية وآر 2 أعتقد متوسطة ما شفتها وبعدين تجي عالية الكثافة للعمارات والأعلى كثافة للأبراج المرتفعة .. R = Residential .. سكني يعني

انا إنتقادي حول موضوع الحفر للبيسمنت لازم يكون بعيد 1 متر من السور وهم صايغينه بطريقة تتوه شوي .. وقرارهم هذا حتى ما يصير انهيار جهة الجار .. اللي أعرفه إن الإنهيار الأرضي في الغالب يكون 45 درجة .. يعني إذا بتترك متر وتحفر متر إنت وصلت ال 45 درجة أي عمق زيادة تحفره بتكون فيه خطورة على جارك وهذا على فرض إن المقاولين سذج والمهندسين يحفرون بدون حمايات وإن أرضنا من تحفر شوي يصير انهيار جانبي .. وفي الواقع ممكن تحفر 30 متر تحت ولا يصير أي إنهيار وشفت حفر يدوي على عمق 35 متر وبدون انهيار لعين ماء في مزرعة وبقطر 2 أو 3 متر ما اذكر بالضبط وأكيد الغالبية منكم حفروا وشافوا حفر لعمق 3 متر وأوقات أكثر للبيسمنت بدون انهيارات جانبية

كان الأجدر بما إنه موضوع هندسي بحت يحطون ضوابط للحفر وللجدار الفاصل بين الجار والأرض اللي تنبني سمكه وتسليحه وعزله والعمق الأقصى اللي يوصل له وبعدين يجي جدار البيسمنت وبين الجدار الفاصل وجدار الجار يتركون في العادة 2 سم فراغ حتى لو تم هدم أحد الجدارين ما يصير ضرر لجدار اللي جنبه وبدون الإرتداد متر

مثال انا باسوي زاوية حوش نازل مفتوح على البيسمنت هل ضروري أخلي متر بس مرتفع وقص نازل حول 3 الى 4 أمتار .. ولو ركب واحد في هذا الممر الضيق يسوي شيء معين وطاح وانكسرت رقبته هذا إذا بقى فيه شيء صاحي .. بعدين المنظر متخيلينه شلون؟

نفس الحال انا عندي ملحق عرضه 5 متر وأبغي أسوي تحته بيسمنت بيكون عرضه 4 متر ناقص متر جزء الإرتداد هذا معقول لكن فرضاً واحد عنده ملحق عرضه 3 متر أو 2 ونص حسب ظروف مساحة أرضه ويبغي بيسمنت بيسوي بيسمنت عرضه 1.5 متر أو 2 متر .. ما ادري شهالعقلية اللي تفتقت عن هذا الحل 1 متر

زين فرضاً انا سويت المطلوب جدار بيتي قاعدة شريطية على عمق عادي متر ونص وانا ابتعدت بس متر وحفرت للبيسمنت وبنيته وبعدين سويت تأسيس ثاني أو بنيت على جدار البيسمنت بحيث الملحق يغطي المتر الباقي يكون معلق بدون أساس تحته يصير بس بيبقى المتر هذا دفان ما له معنى وودي أسوي سكتشات للي أقصده وأعرضها بس أتوقع الصورة واضحة والكل يقدر يتخيلها

معماري قطري

25-05-2022, 02:15 AM

بعد شيء ثاني يركزون على ارتفاع البيت النهائي ويخلون أشياء مهمة مثل لو انا انسان متواضع واقتصادي وابغي استفيد من هذا الإرتفاع باسوي 5 أدوار فيه مثلاً + بيسمنت هل هذا ممكن؟

هندسياً ممكن كل دور يكون من أرضية لين أرضية 3 متر وبينقص منه سمك السقف بيطلع حول 2.8 أو 2.7 متر صافي .. حتى سور سقف مب مسوي والخدمات كلها باحطها في البيسمنت ومواقف للسيارات .. هل هذا ممكن والا مثل قبل أرضي + أول + بنتهاوس والبنتهاوس بس 70% وممكن أسوي بيسمنت لو حبيت .. وفي هالحالة خلوا نقول بنرفع الحوش عن الشارع 30 سم وهو ارتفاع مقبول ومعقول .. حق بيتي انا فرق المستوى بين مدخل ومدخل 50 سم يعني باضطر أدفن على الأقل 60 سم .. هذي راحت من ال 15 متر وبعدين البيت أرضيته بارفعها عن الحوش حول 40 سم نسيت كم بالضبط بيكون المتبقي لي 14 متر .. كافية وزود .. نكمل باسوي الدور الأرضي 5 متر حتى الجبس والدكتات ممكن تشيل 60 سم وصافي يكون عندي 4.4 متر مقبول ومعقول فوقها سقف حول خلونا نبالغ ونقول 30 سم .. 5.3 ننقصها من 14 يبقى 9.7 ونقول الأول باسويه 4.4 متر وسقفه بعد 30 سم 4.7 متر يبقى لي من ال 9.7 بعد 5 متر .. نعمة البنتهاوس باخليه 4 متر والسقف لو جاء 30 سم بيبقى لي 70 سم سور لسقف البنتهاوس يخش أي تكييف لو باحط تكييف فوق

شموخ دائم

25-05-2022, 03:00 PM

,

,

مرحبا

شكرا على الموضوع

ما شاء الله اخوي بوعبدالله شرحه وملاحظاته ( قيمه )

بوعبدالله ممنوع تسوي 5 او 4 ادوار بهذا الارتفاع على شكل عماره صغيره او شقق او اجنحه من الداخل
المسموح طبعا
قبو + ارضي + اول + بنتهاوس

انا قابلت احد المسئولين بهذا الخصوص

( التخوف )
ان في الفريج وبين العائلات واحد يسوي تقسيم شقق ويقول ( حق اولادي )
وبعد اتمام البناء ( ياجرها على عزاب ) ويضايق اهل الفريج والجران

ايش الحل بنظركم ؟؟؟؟

المسئول عنده تخوف وحذر
والمواطن يبي يسوي اكثر من دور ويبي شقق من الداخل ؟؟؟

شنو المخرج لهذي المشكله ؟؟

في ناس مع القانون بحجه المحافظه على الفريج والجيران عائلات
وفي ناس رافضه هذا القانون ويطالبون بعدد ادوار اكثر وادوار اكثر مثل دوله الكويت على سبيل المثال

نبي حل واضح

:)

انا تم رفض طلبي والخريطه لازم اعيد عملها بدون التقسيمات الداخليه

:)

هل الحل بالقانون

او نعمل مثل بعض الناس ( نقسم المبنى على شكل كل دور شقتين ) او جناحين
بعد اتمام البناء
ونخالف ؟؟؟؟؟؟؟؟؟؟

:)

الوضع مربك شوي ولكل انسان احتياجات بالسكن

واحد بيسوي لاولاده
وواحد يبي ياجر المبنى
والمسئول بين هذا وهذا

الغرامه الان 50 الف على المخالف اذا ثبت ان في الفيلا عزاب عددهم كبير
وبالفعل تطبقت الغرامات في مدينه الخور على عدد كبير من ملاك المباني السكنيه

المؤجر صاحب الفيلا يقول انا ( اجرت الفيلا ) على شخص واحد وسوى العقد ومالي شغل فيه
هذا الشخص قسم الفيلا بدون علمي واجرها على 15 شخص

انا تطبق علي الغرامه 50 الف ليش ؟؟؟؟؟؟؟؟؟
طبق الغرامه على ( المؤجر ) هو من قسم

هذا الموضوع الان مرفوع عند الوزير غرامات بمئات الالف اذا شخص عنده 3 او 4 فيلات قديمه
:)

في مشكله بالطلب على السكن ( غرفه وحمام ومطبخ ) استوديو او ملحق صغير
طلب غير عادي الاجانب يبي سكن ب 2000 ريال او 2500 ريال وهذا النوع غير متوفر
الا بالتقسيم والدوله ما وضعت حل لهذا النوع من الطلب
ما تحل مشكله التقسيم الا بتوفير البديل وهو سكن بحدود 2000 مرخص بعداد كهرباء ومطبخ امن يراعى فيه
كل وسائل الامان والسيفتي بدل التقسيم العشوائي

ايش المشكله نعطي رخص في مناطق محدده بهذا النوع من المواصفات ؟؟؟؟؟؟؟؟؟

,

,

شموخ دائم

معماري قطري

26-05-2022, 02:17 AM

جزاك الله خير إخوي شموخ على قراءة كلماتي وفهمها

انا يا اخوي عارف إن البنيان مثل ما ذكرت والبنتهاوس 70% وبعض المكاتب بلعبة بسيطة تطلعه 100% وأعرف مكتب سواها وشرحت شلون في موضوع مراجعة المخططات المعمارية .. بس تساؤلي وكلامي عن 5 أدوار كان افتراضي وممكن بسهولة تكون 4 أدوار ثلاث عادية والرابع بنتهاوس .. القصد فيه ناس تبغي تستغل الإرتفاع وفي النهاية بيكون ارتفاع البيوت واحد .. شفت بيت حق واحد على راسه ريشتين مب ريشة بس مسويه 25 متر وقرب بيت صديق لي قال حاججت التخطيط عنه قالوا لي ولا كلمة ذاك غير مع إنه قرب بيته والبيتين ينبنون

بخصوص التخوف من استغلال البيوت بعمل شقق وتأجيرها للعائلات أو العزاب .. هم في يدهم يسنون قوانين اللي يخالفها يتحاسب ببساطة ما يبنون قراراتهم على الشك وكلنا عرفنا إن طلبوا فتح بيوتنا للمشجعين وجات صريحة وواضحة والحاجات تجي وتتكرر بس تحتاج قانون وتنظيم .. إذا المشكلة في الخصوصية والإرتفاع حددوه ب 15 متر ما بتحصل واحد قاعد فوق السطح يتطلل في بيوت خلق الله .. حتى الدرايش في الطابق الأخير مغطاه بلوفر مانع للرؤية .. لو تلاحظ من بيتك درايش الدور الأول لو جنبك جار تكشف حوش بيته لو مب باني بالكامل مسكر عليك .. هشكل عيل بنقول كل درايشنا تتسكر أما تطل على السماء أو أرضية البيت .. حتى مع الحاجز اللي نركبه ممكن للي يركب فوق السطح يكشف بيوتنا وحتى مع درايش البنتهاوس ممكن بسهولة حتى في وجود هذا الحاجز

ألحين مع نظام السجل المدني ورقم العنوان لكل عائلة وربطه بمسكن واضح أو شقة واضحة محد يقدر يتلاعب .. ( العنوان الوطني زين صدتها ) وحتى ظاهرة التقسيم ممكن يسوونها قانونية أو يلغونها بالكامل وعندهم القدرة بسهولة وأعتقد صابرين لين يخلص كاس العالم .. بعضهم أفكارهم توديهم بعيد الله يهداهم وهم انحطوا يسهلون أمور الناس ما يصعبونها ويدخلون في النوايا ولو حد نوى والقانون فاج حلجه ومستغرب وسامح له الخلل في القانون

المفروض يا اخوي القانون يدرس صح وحتى الفرجان توجد فيها مناطق ممكن تستغل لسكن الموظفين .. توني من شوي تشجعت وكلمت الشرطة بخصوص سيارات كثيرة جزء منها في الشارع وما قصروا جاوا وخالفوا مع إني كلمت ضابط في المرور قبل وصورت ولا سوى شيء .. حتى التصاميم تعدل للبيوت القديمة ما يصير تخلي بيت مهجور وسط حي سكني وبعد ما يصير اللي ساكن عزوبي فرضاً ينشر وزاره فوق سطح البيت ويوقف يتطلل هنا لازم تدخل القانون تدخل صارم والمحاسبة تكون رادعة سواء عزوب أو عوائل

مثل ما ذكرت على الدولة والبلدية مهام كثيرة وكذلك الشرطة .. بدال ما امسك القطري اللي أجر والمستأجر قسم أخلي كل شيء واضح وأحدد المسؤول صح والعقاب يكون رادع

جنب بيتي عزوب اشتكيت وجاوا بس المالك سوبر واصل وكان وزير كبير سابق قالوا لي ذيلا مب عمال موظفين .. شفت شلون القانون عندنا مطاط

منطقتنا بس مرها الساعة 8 أو قبلها بشوي بتشوف الفلبينيين والفلبينيات يطلعون من كل داعوس ومشي لين فيلاجيو وحياة بلازا وبتعرف الموظفين شلون .. هم مسوين القانون مطاط مب انا وهم يظلمون بعض القطريين وبعض القطريين مقسمين تحت نظر ورضى القانون

في النهاية الحاجة للسكن ملحة والكثيرين يحتاجون سكن مناسب وبسعر مناسب والمفروض نوفر لهم .. شتسوى لو حق عيالك اثنين شقق فوق بيتك أو حتى كل واحد في دور مع زوجته وعياله وعياله كل شوي يجونك بابا عود .. بنت ولدي للحين تختصرها بابو

حل أمني مهم عندك الكاميرات الأمنية في كل فريج وشارع وفيه تحديد الشخص من ملامح وجهه ينعرف متى دخل ومتى طلع ووين ينام يقدرون يقضون على التستر وهروب العمال واللي يبغونه في لحظات بس لو حبوا .. شفت شسوت مشكلة فيلاجيو والحريق عند بيتي مدرسة كلها شينكو حوشها محولينه صفوف لو صار شيء ذيك الساعة بيفكرون يشيكون على الروض والمدارس وبعد لو حبوا

معماري قطري

26-05-2022, 02:26 AM

شيء مهم نسيت أذكره توجد أجهزة رؤية حرارية موجهة اللي يبغي يشوف شيجري داخل البيت ممكن بسهولة وأعتقد بعض التلفونات الصينية فيها خاصيات قريبة أو شبيهة .. يبقى القانون والعين الساهرة هم المسؤولين عن حماية المجتمع من هذي الأُمور وصراحة عجبوني اليوم كلام طيب واستجابة سريعة مع إن الموضوع تافه وممكن بلاغ للدوريات تمر براحتها أي وقت .. ما قصروا ما خذوا 5 دقايق وكلمني الشرطي وهو مار وقال شفت سيارة كذا قلت هذي المقصودة وفيه ثانية في بيت غير بعد دليته عليها .. إذا سعادة السواق مخلي بينه وبين طوفة البيت مترين وداخل في الشارع الضيق بسيارته متر وسيارته مب مهمة لو تندعم اللي بيدعمها خسران

sara jsm

26-05-2022, 07:30 AM

صحيح آر1 و آر2 هذي رموز مبهمة للكثيرين لازم يدورون مفتاح لها وانا أذكرها في توزيع المناطق في جي آي إس البلدية .. زين حصلت موقعهم حافظه عندي وهذا هو

https://geoportal.gisqatar.org.qa/zoning/

عجيبة الخريطة معماريكا .. طلعت تفاصيل بيتي ..

https://a.top4top.io/p_2337s2ybn5.jpeg (https://top4top.io/)

منطقه سياحية :ok: فاللي حاب يصيف عندنا حياكم الله ..
وكل شي بحسابه :shy:

توشيبا

26-05-2022, 09:29 AM

عجيبة الخريطة معماريكا .. طلعت تفاصيل بيتي ..

https://a.top4top.io/p_2337s2ybn5.jpeg (https://top4top.io/)

منطقه سياحية :ok: فاللي حاب يصيف عندنا حياكم الله ..
وكل شي بحسابه :shy:

سلاماااات ليش منطقه سياحيه في حوشكم بحر مثلا :tomato:

معماري قطري

26-05-2022, 11:05 AM

عجيبة الخريطة معماريكا .. طلعت تفاصيل بيتي ..

https://a.top4top.io/p_2337s2ybn5.jpeg (https://top4top.io/)

منطقه سياحية :ok: فاللي حاب يصيف عندنا حياكم الله ..
وكل شي بحسابه :shy:

تستاهلين بس لتقولين ما قلتي باجيب خيمة صغيرة وفراش وبارقد في الحوش ومب لاعب في الزراعة الا بإذن خصوصاً اللوز

sara jsm

26-05-2022, 02:48 PM

سلاماااات ليش منطقه سياحيه في حوشكم بحر مثلا :tomato:

اعوذ بالله من الحسد :thumbdown:
:

تستاهلين بس لتقولين ما قلتي باجيب خيمة صغيرة وفراش وبارقد في الحوش ومب لاعب في الزراعة الا بإذن خصوصاً اللوز

افاا بوعبدالله انت تنحط عالراس .. وكل شي بحسابه طبعا ..
قرقش مخباتك :whistling:

معماري قطري

27-05-2022, 01:11 AM

اعوذ بالله من الحسد :thumbdown:
:

افاا بوعبدالله انت تنحط عالراس .. وكل شي بحسابه طبعا ..
قرقش مخباتك :whistling:

ما تقصرين اختي سين جيم

الله يرزقكم هذا يعني المنطقة لها مستقبل إيجار باليوم مثلاً والا ممكن تعملون شقة أو ملحق منفصل وتأجرون

توشيبا

05-06-2022, 12:06 PM

ما تقصرين اختي سين جيم

الله يرزقكم هذا يعني المنطقة لها مستقبل إيجار باليوم مثلاً والا ممكن تعملون شقة أو ملحق منفصل وتأجرون

شكلها تحب الفلوس واجد بتسكن في الملحق وتاجر البيت :rolleyes2:

معماري قطري

06-06-2022, 01:35 AM

شكلها تحب الفلوس واجد بتسكن في الملحق وتاجر البيت :rolleyes2:

مستعدة تبيع الهواء في أزايز على المصريين في مصر وتطلع مليونيرة

qatari911

25-07-2022, 02:16 PM

مو من جدهم البلديه
تمنع المالك بناء بنت هاوس بدرج خاص منفصل عن البيت مع باب خاص اذا كان للولد او للمؤجر في حال التأجير
رد البلدية ممنوع لان يمكن يأجر البنت هاوس حتى درج الخدمه علشان العمال يطلعون السطح من الخارج يقول ممنوع
اشوف اشتراطات بلديه الكويت والسعوديه ارحم من الي عندنا
المشكله انا الي ببني وانا الي بدفع المبلغ من فلوسي وانا الي براكض من مكان لمكان علشان اشطب فمن حقي اني ابني بالشي الي يناسب اشتراطاتهم لكن مايمنعي من افكار قد تكون مستقبليه في حال الولد طلع وصار المكان فاضي
مع اني اشوف بعض الفلل مسويه نفس الافكار الي ابيها هل هو استثناء او واسطه او بعد اتمام البناء يبني الي يبيه

sara jsm

26-07-2022, 03:02 AM

qatari911

26-07-2022, 07:48 AM

اول شي لا تطالع الدول الثانيه .. طالع بلديه عن بلديه تفرق :nice:
منطقه عن منطقه تفرق .. الاغلب يسوي الدرج الخارجي عقب اتمام البناء …
حالها حال الطبيلات اللي لين الحين مالها تصريح .. :telephone:

بس اشلون تبي تسوي درج وباب*خارجي في البنتهاوس ؟
الظاهر تبون تحولون الدوحة لـ بومباي :happy: نفس راعي الدرامات .. :secret:

عموما عقب اتمام البناء تقدر تسوي اللي ودك ..
لكن ان خالفوك بتضطر تشله مع غرامة :yes:

لازم نطالع الدول الثانيه ونكون الافضل
وسالفة البلديه فصح كلامك بلديه عن بلديه تفرق
مانبي نسوي الدوحة لـ بومباي :pilot:
وسالفة البنتهاوس هو انك تمد درج خاص مع باب من ارضك مافيها تعدي على احد او ارض الدوله :no2:
معظم البيوت الي بالدول المجاوره مسوين هالطريقه :thumbup1:

بعدين ليش عقب اتمام البناء ليش مافيه موافقه رسميه :stop:
ليش انطر اتمام البناء وعقب اسويها وبالاخير اذا خالفوني اشيلها مع غرامه crazy
اذا جاري الحين فاتح مجلسه على ارضي وحاط حديقه وحاط ملحق وفاتح الباب على ارضي ومأجرها ليش لحد الان ماخالفوه:wizard:

معماري قطري

26-07-2022, 09:24 AM

لازم نطالع الدول الثانيه ونكون الافضل
وسالفة البلديه فصح كلامك بلديه عن بلديه تفرق
مانبي نسوي الدوحة لـ بومباي :pilot:
وسالفة البنتهاوس هو انك تمد درج خاص مع باب من ارضك مافيها تعدي على احد او ارض الدوله :no2:
معظم البيوت الي بالدول المجاوره مسوين هالطريقه :thumbup1:

بعدين ليش عقب اتمام البناء ليش مافيه موافقه رسميه :stop:
ليش انطر اتمام البناء وعقب اسويها وبالاخير اذا خالفوني اشيلها مع غرامه crazy
اذا جاري الحين فاتح مجلسه على ارضي وحاط حديقه وحاط ملحق وفاتح الباب على ارضي ومأجرها ليش لحد الان ماخالفوه:wizard:

زين عندك إياها

ألحين يوم صكتهم الحاجة حق الفشخرة تموا يدورون حتى كرفان لسكن المشجعين والفكرة زينة مب ضدها بس ليش ما قرروا قبل هالشيء يوم حابين التقارب والتآلف .. ليش ما سمحوا بنتهاوس وحتى دور رابع ودرج يوصل لكل الأدوار نفس نظام العمارات والشقق وكل دور أو شقة لها عداد كهرباء وماء وألحين بسهولة يسيطرون على سكن الأجنبي والمقيم والمواطن بالعنوان الوطني

بتشوفون الظروف الحالية بتنتهي وبيشتغل حقد المسؤولين والحلقة الوسطى منهم مب الكبار الكبار مشغولين في سفرات وأشياء أكبر وحاطين ثقتهم في ذيلا وغالبيتهم يسمون خبراء .. بتشوفونهم يسنون قوانين عقابية على كل مخالف وسوالف مزعجة بدال ما يسهلون على الناس وثرانا تونا ما وصلنا 3 ملايين وبسهولة بكرة خلال سنة أو سنتين نستوي 4 و 5 وممكن أكثر والمواطنين يساهمون في الزيادة ذي .. والأجانب يحتاجون سكن مريح بعد

معماري قطري

26-07-2022, 09:36 AM

وحتى خيمة وحتى عزبة يرقد المشجع طبيعي على صوت أنغام التيس وهو يناجي النجوم .. صراحة قوانينا العمرانية تحتاج نفض وتحتاج يكونون حقانيين ويحطون المصلحة العامة لعامة الناس جدام عيونهم

qatari911

26-07-2022, 10:01 AM

زين عندك إياها

ألحين يوم صكتهم الحاجة حق الفشخرة تموا يدورون حتى كرفان لسكن المشجعين والفكرة زينة مب ضدها بس ليش ما قرروا قبل هالشيء يوم حابين التقارب والتآلف .. ليش ما سمحوا بنتهاوس وحتى دور رابع ودرج يوصل لكل الأدوار نفس نظام العمارات والشقق وكل دور أو شقة لها عداد كهرباء وماء وألحين بسهولة يسيطرون على سكن الأجنبي والمقيم والمواطن بالعنوان الوطني

بتشوفون الظروف الحالية بتنتهي وبيشتغل حقد المسؤولين والحلقة الوسطى منهم مب الكبار الكبار مشغولين في سفرات وأشياء أكبر وحاطين ثقتهم في ذيلا وغالبيتهم يسمون خبراء .. بتشوفونهم يسنون قوانين عقابية على كل مخالف وسوالف مزعجة بدال ما يسهلون على الناس وثرانا تونا ما وصلنا 3 ملايين وبسهولة بكرة خلال سنة أو سنتين نستوي 4 و 5 وممكن أكثر والمواطنين يساهمون في الزيادة ذي .. والأجانب يحتاجون سكن مريح بعد

ههههه:ok:

صح كلامك الحين يقولون الي عنده كرفان يبي يأجر خله يأجر
حتى الي سمحو لهم يأجرون غرف باليوم او بالشهر بعد الكاس لو كان فيه اي شخص يأجر بهالطريقه بعد الكاس بيكون مخالف في نظرهم وبيشدون حيله لفرض المخالفات مع غرامة

وحتى خيمة وحتى عزبة يرقد المشجع طبيعي على صوت أنغام التيس وهو يناجي النجوم .. صراحة قوانينا العمرانية تحتاج نفض وتحتاج يكونون حقانيين ويحطون المصلحة العامة لعامة الناس جدام عيونهم

ما اظن يحطون المصلحة العامة للمواطن
اذا فيه اشياء سألت عنها قالو ممنوع حتى درج خدمه فقط يكون برى في الحوش
حتى الدرايش يقول ممنوع تفتح على الجار
مع اني اشوف كثير بانين درايش جهة الجار

sara jsm

26-07-2022, 12:00 PM

اذا جاري الحين فاتح مجلسه على ارضي وحاط حديقه وحاط ملحق وفاتح الباب على ارضي ومأجرها ليش لحد الان ماخالفوه:wizard:

https://i.top4top.io/p_2398tcy5y5.jpeg (https://top4top.io/)

:

وحتى خيمة وحتى عزبة يرقد المشجع طبيعي على صوت أنغام التيس وهو يناجي النجوم .. صراحة قوانينا العمرانية تحتاج نفض وتحتاج يكونون حقانيين ويحطون المصلحة العامة لعامة الناس جدام عيونهم

:taunt::taunt: صوت الطبيعة ..

:

ههههه:ok:
اذا فيه اشياء سألت عنها قالو ممنوع حتى درج خدمه فقط يكون برى في الحوش
حتى الدرايش يقول ممنوع تفتح على الجار
مع اني اشوف كثير بانين درايش جهة الجار

مش متاكدة بس اتوقع ان سالفه الدرايش من سبق لبق ..
يعني مثلا انا عندي درايش بس اللي بيبني جنبي هو اللي يسكر درايشه مب انا ..
ماادري جذي ولا لها مقايس ثانيه ..

qatari911

26-07-2022, 12:06 PM

https://i.top4top.io/p_2398tcy5y5.jpeg (https://top4top.io/)

ههههههههههه

ليش انا اشتكي المفروض هم يشيكون على المخالفين
بس شاطرين الي يحط مظلات اوالحديد خارج البيت يقولون له شيلها متعدي على املاك الدوله
او الي يحط غرفة السايق خارج البيت ويدفعونه غرامه ويشيلها طيب اهتمو بالناس الي يتعدون على املاك الغير مو شرط يشتكي

اما فوزيه الدريع مت مت