حاله الطقس شهر يونيو

[style]

السلام عليكم
ماذا ينذر هذا الارتفاع في درجه الحراره العالي هذا الشهر .
الان الساعه 7:30 مساء ..ودرجه الحراره الخارجيه 41 . لم ارى هذا من قبل في فتره المساء
ماذا يتوقع فالاشهر القادمه يوليو اغسطس سبتمبر …صراحه الجو جدا حار الان فالخارج خصوصا انه لم يكن كذلك العام السابق في فتره مسائيه.

شكرا

[سعود.]

الله يستر صحيح خصوصًا بان فصل الشتاء الماضي قليل الامطار . الكويت ( الجهراء ) وصلت فوق 53c هذا وأحنا ببداية الصيف .

[Rider]

عادي الجو طبيعي صيف تتوقع ش المفروض يكون ممكن السنتين لي طافوا الناس كلهم قاعدين فالبيوت نظرا للاغلاقات بسبب كورونا وشايفين يطلعون علشان تقول السنة لي طافت ماكانت كذا عندي قاعدة استمتع بكل الأجواء حتى لو حر

[معماري قطري]

الحمد لله السنة شتانا شوي طول والبراد غطى رمضان كله وصحيح قليل المطر كان وأعتقد من هشكل نحس إن الحر قوي هالايام .. ألحين بالضبط 40 وكانت الساعة 2 اذكرها 48 .. ومثل ما هو موضح من موقع الطقس خلال اسبوعين مب واصلين لحرارة اليوم ويوم الأحد بتنزل الحرارة بشكل معقول

[mubarak2006]

ولع الجو اليوم ،،شهر يوليو وشهر اغسطس بيكون شلون ،،هواء اليوم قوي وحر ،،الله يعيييين

[sara jsm]

وعليكم السلام ..

الحرارة مرتفعه لان مافيه رطوبه .. دايما الرطوبه تخفف الحرارة صح تكتم الجو لكن تقلل الحرارة بشكل عام ..
هاليومين هواء قوي .. امس بالليل الجو حليوو والحرارة 36 مع هوا ..

[qatari911]

ماراح يصير شي صيفنا معروف
ولاتنسى الاحتباس الحراري يزيد من هالشي
والامطار
اكثرو الاستغفار
والناس يخف الحسد الي بقلوبهم

[توشيبا]

عندي احساس شهر 7 بتفوح ريحتنا ريحت دجاج شوايه و لحم مندي

يوم السبت طلعت من البيت للدوبي بوجه جميل وابيضاني رجعت البيت بوجه محترق تقل عليه ذنوب والعياذ بالله

الله يعين بعد ساعه اطلع من الدوام

[توشيبا]

محد عنده طراد فوق 40 قدم يقلص الريان يقربها من طرابزون

[Rider]

مادري ليش مكبرين الموضوع المكيفات بكل مكان البيت السيارة العمل المولات عيل وش نقول حق العمال لي يشتغلون في الشوارع ياجماعة خلكم صحراوين شوي

[معماري قطري]

مادري ليش مكبرين الموضوع المكيفات بكل مكان البيت السيارة العمل المولات عيل وش نقول حق العمال لي يشتغلون في الشوارع ياجماعة خلكم صحراوين شوي

صادق اليوم استمتعت بالجو مشيت شوي تحت الشمس بس مسافة بسيطة ما لحقت انشوي لكن أقل الحرارة من كم يوم 37 أظن وصلت اليوم وكان هواء يخفف الحرارة

[sara jsm]

صادق اليوم استمتعت بالجو مشيت شوي تحت الشمس بس مسافة بسيطة ما لحقت انشوي لكن أقل الحرارة من كم يوم 37 أظن وصلت اليوم وكان هواء يخفف الحرارة

امس الظهر طلعت اصور شغله بالحوش حسيت جلدي تيبس من الشمس ..
مع ان الحرارة كانت 36 بس لان مافي رطوبه فالشمس دايركت علينا ..
استغرب من هذولا اللي يسون تان .. :sorry: