قانون جديد للمرور - مشاهدة شخصية

[SouthK]

السلام عليكم و رحمة الله و بركاته

أمس صار حادث تصادم - الله يجيركم - في أحد المناطق .. مفاد الحادث هو ان الطرف المتسبب كان طالع عكس اتجاه السير في دوار و مب شايل رخصته معاه و ما عنده تأمين للسيارة المتسببة في الحادث!

قبل مثل هالموقف كان يتسبب بمشاكل منها حجز السيارة و اجراءات مختلفة ما في مجال لذكرها ... اللي صار غرامة على الطرف المتسبب و مشت الامور!

هل هذا إجراء جديد من إدارة المرور أو لأن جنسية المتسبب في الحادث من نفس جنسية المحقق أو لأن الطرف المتسبب حرمة؟ أو يمكن الثلاثة؟؟

مجرد استفسار!!!

[توشيبا]

والله معاد عرفت قوانين المرور في قسم الحوادث

صار معي موقفين

الاول / دعمني واحد عنده سياره كورلا منتهيه الاستماره وماعنده ليسن تفجاه في المرور ان حطو علي الخطاء مع انه يالخطاء عليه او نكون مشتركين في الخطاء لي ان داخلنا في في تحويله في مسار واحد


الثاني / كنت تحت طعس بقول بسم الله على العشى نزل علينا واحد سيارته تتقلب ومنتهيه الاستماره عنده والحمدالله سلمنا منه مع ان بينا وبينه تقريبا متر او اقل بس تضررت سيارتي نزلت عليها سيارته وكنسل اي البانه والواجهه كلها

اهو ماقصر صلح سيارتي بس ليش ماتخذ معه اي اجراء او غرامه على تهوره في هالليل وكان راح يقتل ويسبب باصبات لي ناس مسالمه قاعدين على عشاهم

[Rider]

علامة استفهام كبيرة على كثير من القوانين ومن يضعها هل هي لحماية حقوق الأخرين ام هي تراعي ناس وتترك ناس

[مرتبش]

الشوارع واجهة البلد والقيادة فيها تدل على تحضر الشعب

[سعود.]

اسير عكس الاتجاه ودك غرامة قوية + حجز المركبة

[معماري قطري]

ولدي صار له حادث بسيط شمخة من الجنب من شاب قطري ما عنده ليسن ولا تأمين وجاوا الشرطة قالوا لولدي لو تطالب بحقك بنسجنه يقول كسر خاطري وسامحته وخلوه يروح وولدي تحمل تصليح سيارته المؤمنة تأمين شامل على حسابه يقول بسيطة أقل من 4000 ريال .. زين والتأمين قال ما يصلحون ضد مجهول وانا هاوشت اللي دعمني وعصبت عليه بس تصالحنا وخليت التصليح علي

عندنا شرطة شغلهم يمشون الناس بس مب شغلهم يطبقون القانون غصب

[معماري قطري]

والله معاد عرفت قوانين المرور في قسم الحوادث

صار معي موقفين

الاول / دعمني واحد عنده سياره كورلا منتهيه الاستماره وماعنده ليسن تفجاه في المرور ان حطو علي الخطاء مع انه يالخطاء عليه او نكون مشتركين في الخطاء لي ان داخلنا في في تحويله في مسار واحد


الثاني / كنت تحت طعس بقول بسم الله على العشى نزل علينا واحد سيارته تتقلب ومنتهيه الاستماره عنده والحمدالله سلمنا منه مع ان بينا وبينه تقريبا متر او اقل بس تضررت سيارتي نزلت عليها سيارته وكنسل اي البانه والواجهه كلها

اهو ماقصر صلح سيارتي بس ليش ماتخذ معه اي اجراء او غرامه على تهوره في هالليل وكان راح يقتل ويسبب باصبات لي ناس مسالمه قاعدين على عشاهم

خرب العشاء عليكم الله يهداه ويصلحه

[فارس قطر]

شكرا وجزاك الله خير

[عايش فرحان]

لاحضت ان الجيل الجديد من شرطة المرور (و اغلبهم مب من اهل البلد و لا - على الاقل - تربوا فيها ) عندهم جهل بقوانين المرور و انماط السواقة عندنا.
يصير الحادث .. تحصل شخص في العشرينات ..يعطيك حكم و تفسير خاطئ لما حدث و يبيك توافق عليه .. انا كشخص اسوق من اكثر من 30 سنة مستعد اعطيه معلومات يستفيد منها في قانون المرور
اغلب الاحيان ارفض تفسيره و يطرشوني عند الضابط او شخص قديم في المرور و عنده خبره .. يطلع الحق معاي!!

[سعود.]

لاحضت ان الجيل الجديد من شرطة المرور (و اغلبهم مب من اهل البلد و لا - على الاقل - تربوا فيها ) عندهم جهل بقوانين المرور و انماط السواقة عندنا.
يصير الحادث .. تحصل شخص في العشرينات ..يعطيك حكم و تفسير خاطئ لما حدث و يبيك توافق عليه .. انا كشخص اسوق من اكثر من 30 سنة مستعد اعطيه معلومات يستفيد منها في قانون المرور
اغلب الاحيان ارفض تفسيره و يطرشوني عند الضابط او شخص قديم في المرور و عنده خبره .. يطلع الحق معاي!!


اول جزئية في ردك عزاء الله انها ع الوتر الحساس

[سالم الزهران]

اول جزئية في ردك عزاء الله انها ع الوتر الحساس

احياناََ يطري لي اكتب موضوع عن هذا الشيء الحساس، والدواعي كثيرة، مثلاََ موظف عندنا لاحظت انه يتخاطب بالانجليزي، وبتهرب من الكلام بالعربي، قالوا لي الربع الرجل مجنس ويتورط اذا تكلم بالعربي.

المهم في هذا الشأن وضع دولة عن دولة ثانية فيه نوع من الاختلاف، فعدد السكان يسمح او يمنع هذا الشيء، بالذات دول الخليج الصغيرة مفروض يتوقف فيها التجنيس وارجوا انه يكون مطلب شعبي في الأيام القادمة طالما صار فيه مجالس نيابية.

للعلم في دول الخليج ناس قديمين ف البلاد وبعتبرون من اهلها ولا جنسوهم، وراحوا يجنسون شوام وعجم وفئة مع الأسف تجنست من لوبيات الفنادق.. وهذي أدنى درجة.

[معماري قطري]

في رايي ياخذون ضباط المرور في قطر كلهم بالدور بالدور ويرسلونهم دورات دراسية في ألمانيا ويطبقون نظام ألمانيا عندنا ويفكونا من هالدوشة المرورية

من زمان عندنا منعوا الشباب يركبون ارايل على سياراتهم وكانت حركة شائعة وبعضهم يركبون اثنين وأكثر وطوال .. واحد مركب اثنين وكان عنده مرسدس اس ال وساكن في الخيسة ( يعرف نفسه لو قرأ القصة الله يحفظه ) .. يقول دايس على الخط والأرايل منحنية من الهواء الا يوقفونه الشرطة وقالوا لازم نشيل الارايل .. قال تعبتوني معاكم من شوي موقفيني وانا بيتنا في الشمال بعيد ولين مشيت على الخط اريل التلفون ما يلقط وهذيلا ضرورين حتى يلقطون الإشارة ويصفونها للأريل الوسطي مال التلفون .. يقول قال الشرطي آسفين وعطاني الليسن وقال سامحنا وانا ماسك الضحكة شلون صدقوا بهالسهولة