تصليح مكيف نيسان باترول

[Hayaqtr2022]

السلام عليكم

عندي سيارة نيسان بترول موديل ٢٠١٤
كان مكيفها ممتاز فجاءة صار فيه مشكله شي يسرب الغاز المهم ركبت غاز بدون تصليح المشكله اشتغل ست شهور وعقب رجع حار
الحين راعي الكراج هذاك سافر وابغي حد يصلح لي المشكله
ياريت حد يدلني على كراج مناسب لان ما اقدر على تكاليف الوكاله
والسياره حق استخدام عائلة واطفال فابي حد يصلحها عدل وبذمه وسعر مناسب


Sent from my iPhone using Tapatalk

[سعود.]

تسريب في غالب يبين لك شوف العين ع بيبات الغاز يتغير اللون من التسريب ربله دائريه هي السبب قيمتها 2 ريال تكون متصلبه من الحرارة طوال هذه السنين .

[عبدالرحمن1]

السلام عليكم

عندي سيارة نيسان بترول موديل ظ¢ظ*ظ،ظ¤
كان مكيفها ممتاز فجاءة صار فيه مشكله شي يسرب الغاز المهم ركبت غاز بدون تصليح المشكله اشتغل ست شهور وعقب رجع حار
الحين راعي الكراج هذاك سافر وابغي حد يصلح لي المشكله
ياريت حد يدلني على كراج مناسب لان ما اقدر على تكاليف الوكاله
والسياره حق استخدام عائلة واطفال فابي حد يصلحها عدل وبذمه وسعر مناسب


Sent from my iPhone using Tapatalk

مرحبا أخوي في محل في طريق سلوى تخصص مكيفات سيارات أشوفه أفضل محل يصلح مشاكل مكيفات السيارات بتنسى المشكله وسعره مناسب راسلني خاص أعطيك رقمه

[Hayaqtr2022]

تسريب في غالب يبين لك شوف العين ع بيبات الغاز يتغير اللون من التسريب ربله دائريه هي السبب قيمتها 2 ريال تكون متصلبه من الحرارة طوال هذه السنين .

انا بنت ومالعرف بهالامور .. هذا كلام احد الكراجات..

المكيف في النهار حار جدا ولازم اسرع عسان يبررد شوي اذا وقفت السياره ولا كانه يشتغل


Sent from my iPhone using Tapatalk

[بن غيث]

المشكلة مش في المكيف ..
المشكلة لازم تركيب مراوح اضافية للتبريد
هذه مشكلة معظم سيارات النيسان

[سعود.]

انا بنت ومالعرف بهالامور .. هذا كلام احد الكراجات..

المكيف في النهار حار جدا ولازم اسرع عسان يبررد شوي اذا وقفت السياره ولا كانه يشتغل


Sent from my iPhone using Tapatalk


اها الي فهمناه بالبدايه انه تسريب للغاز . دام كذا نفس ماقال لك الاخ ( بن غيث ) طرشي الموتر لمحل اسمه ( المحرك الصحراوي ) له فرعين في طريق سلوى والاخر في مدينه خليفة الشمالية موقعهم في جوجل ماب يركبون لك مراوح اضافيه تبريد . تاكيدي من ماي الراديتر + كلتش المروحه انهم اوكيه

[توشيبا]

روح محرك الصحراوي ركب لك مراوح سبال والافضل تركب ثنتين سعر الوحده بحدود 750 ريال


عندي نيسان ركبت عليه مراوح مرسيدس في الرياض والحمدالله حتى خرباته ومشاكله خفت بكثير عن قبل والمكيف مشاء الله ثلاجه

[سعود.]

المنتج ادناه صناعة ( المانية ) ينباع في وقود يعني ثقه تاخذ علبتين منه وتفضي الراديتر كامل وتفرغ العلبتين وتعبي ماي الوكالة جديد أضمن لكم الحرارة تنزل 20 ‎%‎ الى 30 ‎%‎
عن تجربه

https://f.top4top.io/p_23582qf200.jpeg (https://top4top.io/)

[سعود.]

طبعا هذا موضوع اخر غير عن موضوعنا

[توشيبا]

ماعندي ثقه في وقود ياسعود

المهم نصيحه اللي عندهم سياره نيسان وعمرها فوق خمس سنوات

كل سنتين او ثلاث سنوات اقل شي بدل الراديتر بواحد جديد عشان تفتك وترتاح من الصناعيه

[سعود.]

ماعندي ثقه في وقود ياسعود

المهم نصيحه اللي عندهم سياره نيسان وعمرها فوق خمس سنوات

كل سنتين او ثلاث سنوات اقل شي بدل الراديتر بواحد جديد عشان تفتك وترتاح من الصناعيه


انا مثلك ماحبذ ( وقود ) ماعليك منهم المنتج الماني
جرب وراح تدعي لي عن تجربة

[سالم الزهران]

صباح الخير
حرارة الموتر تخلي كلتش الكومبرسر مال المكيف ما يشبك فالتكييف أصلاََ ما يشتغل.

لذلك أو علاج للنيسان تزيد مراوح. والحل اللي قال عليه الاخ سعود بعد عجبني وبجربه (سائل التبريد الالماني في الراديتر).

قبل لا تسوون المراوح لا تروحون للتكييف عشان ما تخسرون.

[سعود.]

لتوضيح فقط والاستفادة اي موتر له نوعين تبريد طبيعي وميكانيكي . الطبيعي هو بفعل الهواء لاحظو في الخط دوم الحرارة تنزل بسبب الهواء الطبيعي القادم من الخارج خلال الشبك الامامي . ميكانيكي نوعين مروحة تبريد راديتر الماى لتبريد المكينه الكبيرة تجي خلف الراديتر امام المكينه مباشره + مروحة تبريد راديتر المكيف ( الكندستر ) هذي تجي في الامام . بعض المواتر فيها والبعض لا النيسان اساسا من الشركة مافيه . اخيرا موضوع الثرموستات ( بلف الحرارة ) وهو الي يتحكم بدخول الماى من المصنع مكتوب عليه درجة الحرارة الي يفتح عليها مثال 80 c اذا وصلت الحرارة لهذا الرقم يدور الماي في ثلاجة التبريد ويفقل بعدها البعض يغيره وياخذ رقم اقل والبعض يشيله في الاساس ع اساس الماى يدور على طول وهذا غلط

[سعود.]

يمكن البعض يقول اروح الوكالة اضمن كلام جميل اذا الموتر عليه ضمان . واذا كان خارج الضمان حط في بالك اغلب الوكلات اعطال بسيطه تحتاج مبلغ ووقت بسيط عادي في الوكالة تقعد اسبوع والتكلفه تصل اضعاف اضعاف . الوكالات اغلب شغلهم تبديل القطعه كامله مع ان العطل جزء منها وهم عارفين فقط للكسب المالي . ولا اقول كل الكراجات زينة لا فيه ازين وفيه اشين ابحث واسال عن الزين . واذا عرفت ازين راح تكسب وقت وتوفر فلوسك .

[Hayaqtr2022]

السياره بارد كانت من يوم شريتها توها من سنه صارت هالمشكله

اذا تعرفون كراج يعرف لها مشكورين


Sent from my iPhone using Tapatalk

[سعود.]

السياره بارد كانت من يوم شريتها توها من سنه صارت هالمشكله

اذا تعرفون كراج يعرف لها مشكورين


Sent from my iPhone using Tapatalk

مركز الوليد قوي جدا

مركز الوليد الفني للسيارات
https://goo.gl/maps/9YtVkpGwumPRjcrU9