بكم سعر متر البلاستر حاليا ( داخلي و خارجي )

[M7ammd]

السلام عليكم

الله يعطيكم العافية شباب

حبيت اسال اهل الخبرة بكم سعر البلاستر داخلي وخارجي مع المواد؟

في انتظاركم

[ابو عبدالله.]

على فيلا 580 متر من الخارج بحدود 25 الف تقريبا

من سؤالك اعتقد انك تحسبها مضبوط

لا تدخل في التفاصيل وايد اذا المقاول زين لا تدقق في سعر بعض الامور

و اذا تفكر بتركيب حجر فتخفيض سعر البلاستر بيوفر عليك 25 الف من قيمه 110 الاف للحجر لفيلا 580 متر مربع

بيطلع عليك 85 الف للحجر من غير ديكور النوافذ :)

[مضارب دوسري]

قبل تقرر
فكر في نوع من الصبغ الخارجي اللي بدون بلاستر

وايد ناس ندموا ان ما فكروا فيه قبل البلاستر الخارجي

هذا النوع من الصبغ يقولك انسى تفكر تصبغ بيتك ولا حتى بعد 10 سنوات او 15 سنه


هو مجرد تفكير

اما تسعير البلاستر الداخلي على خبري المتر ب 15 ريال

شغل البلاستر صعب تفاصل فيه لانك تحتاج الشخص الامين الكفو اللي تامنه بالشغل خصوصا كثير من الاماكن تحتاج تركيب شبك وتسمير قبل البلاستر خاصة الاماكن اللي فتحها الكهربائي وعقب تم تسكيرها


ممكن تتفاوض مع عماله خارجيه خاصة الاخوه المصريين لانه برأيي الشخصي
هم افضل من يشتغل بلاستر
والعماله الخارجيه دايما تحتاج انت توفر لهم المواد وهم عليهم الشغل وبتقدر توفر طبعا مقارنه بالمقاولين .. لان كثير من المقاولين بيجيبون عماله خارجيه ويوفرون لهم المواد فالموقع ويطلع مربح من فرق الاتفاق معاك ومعاهم

[M7ammd]

على فيلا 580 متر من الخارج بحدود 25 الف تقريبا

من سؤالك اعتقد انك تحسبها مضبوط

لا تدخل في التفاصيل وايد اذا المقاول زين لا تدقق في سعر بعض الامور

و اذا تفكر بتركيب حجر فتخفيض سعر البلاستر بيوفر عليك 25 الف من قيمه 110 الاف للحجر لفيلا 580 متر مربع

بيطلع عليك 85 الف للحجر من غير ديكور النوافذ :)

لاهنت اخوي

على حسبتك يطلع المتر الخارجي قريب 45 ريال

[M7ammd]

قبل تقرر
فكر في نوع من الصبغ الخارجي اللي بدون بلاستر

وايد ناس ندموا ان ما فكروا فيه قبل البلاستر الخارجي

هذا النوع من الصبغ يقولك انسى تفكر تصبغ بيتك ولا حتى بعد 10 سنوات او 15 سنه


هو مجرد تفكير

اما تسعير البلاستر الداخلي على خبري المتر ب 15 ريال

شغل البلاستر صعب تفاصل فيه لانك تحتاج الشخص الامين الكفو اللي تامنه بالشغل خصوصا كثير من الاماكن تحتاج تركيب شبك وتسمير قبل البلاستر خاصة الاماكن اللي فتحها الكهربائي وعقب تم تسكيرها


ممكن تتفاوض مع عماله خارجيه خاصة الاخوه المصريين لانه برأيي الشخصي
هم افضل من يشتغل بلاستر
والعماله الخارجيه دايما تحتاج انت توفر لهم المواد وهم عليهم الشغل وبتقدر توفر طبعا مقارنه بالمقاولين .. لان كثير من المقاولين بيجيبون عماله خارجيه ويوفرون لهم المواد فالموقع ويطلع مربح من فرق الاتفاق معاك ومعاهم

مرحبا اخوي الله يعطيك العافية

والله زين ظ،ظ¥ ريال بس دورت فالسوق ولا لقيت كلها اعلى بذات اذا بتسوي حركات فالبلستر يطلع المتر اغلى
وشغل اليد حذروني منه في البلاستر لان بيصير هدر زايد فالرمل والسمنت لانه مب على حسابهم

[ابو عبدالله.]

لاهنت اخوي

على حسبتك يطلع المتر الخارجي قريب 45 ريال

شلون حسبتها اخوي

[M7ammd]

شلون حسبتها اخوي

يا مرحبا يا ابو عبد الله

بسيطة قسم 25 الف على 580 متر بيطلع لك سعر المتر 43 وعشر دراهم

[مضارب دوسري]

لا مب جذي تكون الحسبه

المحيط × الارتفاع
لو افترضنا مساحة الدور الواحد 288 متر يعني الدورين 576 متر مربع
فرضا 16 الطول والعرض من الخارج 18

نجمع 16+16+18+18
× الارتفاع لنفترض انه 12 متر

يطلع 816 متر خارجي

25000÷816= 30.5 للمتر

[ابو عبدالله.]

و انا اقول في شي مب طبيعي بالسعر. الي اذكره ان المقاول قال 29 او 27 ريال للمتر
لا ننسى ان في بلاستر للسور الخارجي من ضمن الحسبه

[سعود.]

و انا اقول في شي مب طبيعي بالسعر. الي اذكره ان المقاول قال 29 او 27 ريال للمتر
لا ننسى ان في بلاستر للسور الخارجي من ضمن الحسبه

صحيح هذى الاسعار اذكرها

[معماري قطري]

و انا اقول في شي مب طبيعي بالسعر. الي اذكره ان المقاول قال 29 او 27 ريال للمتر
لا ننسى ان في بلاستر للسور الخارجي من ضمن الحسبه

خله يسوي لك جرد للمساحات وتأكد منها بعضهم يلعبون في هذي السالفة الا لو وراهم مهندس مشرف متابع عدل يحاسبهم

مثال عندك سور فيه مساحات مسطحة 4 في ارتفاع 3 وفيه أعمدة 40 في 20 أو قول 20 في 20 بارزة للداخل ومن برا سيدة .. يحسب لك وجه العمود 0.2 + 0.2 + 0.2 ثلاث جهات ويحسب لك الحديد اللي يحدد إستقامة حواف العمود بعدين يضرب 0.6 في الارتفاع 3 متر يطلع لك كل عمود 1.8 متر + تكلفة الحديد .. المساحة الوسطية بين كل عمود يحسبها 3 في 4 = 12 متر مربع سهلة .. بعدين يحسب لك البلاستر لأعلى الطابوق لسد الفتحات ولعمل سلوب بسيط جهة داخل البيت حتى ينزل الماي والغبار العالق فوق جهة البيت من داخل ولا يلطخ الواجهة الخارجية .. لو تبغي تفصيل غير كحجر من فوق ممتد من الأطراف وفيه حفر بسيط حتى الماي ما ينزل على واجهة السور لا من داخل ولا من برا هذا حسابه غير وبناء والا عامل حجر يسويه ويستحسن يسويه ويركبه بحديد قبل البلاستر .. بس الدارج عندنا البلاستر فوق وبعدين الصبغ يكون نوع ثاني بأساس زيتي وقوي وناعم لا يلصق فيه الغبار ويغسله المطر بسهولة ولا يسمح لمياه المطر تخترقه وتخرب الطابوق

ناس وايد تغلط أو يغلط استشاريهم أو مقاولهم يعمل البلاستر فوق طابوق السور وسور السطح سيدة .. أفقي 100% بدون سلوب وهذا يسبب تنقع قطرات مياه المطر ونزولها للطابوق وتخريبه مع الوقت أو ترطيبه مما يؤدي لتقشر الصبغ .. نفس الصبغ القوي ممكن نصبغ به تحت ونفس الشيء نسوي احتياطات لعزل الطابوق عن الأساسات وعن الارض حوله حتى ما يتشرب ماي ويتقشر الصبغ من تحت

[معماري قطري]

حصلت جهاز قياس ليزر عند محل في شارع معيذر التجاري عجيب ودقيق للملمتر هذا تقدر تتأكد به بعد من المقاسات بسهولة

[معماري قطري]

السلام عليكم

الله يعطيكم العافية شباب

حبيت اسال اهل الخبرة بكم سعر البلاستر داخلي وخارجي مع المواد؟

في انتظاركم

البلاستر الخارجي بعضهم يسوونه 2.5 سم وبعضهم 3 والداخلي 2 وبعضهم الداخلي 1.5 والخارجي 2 .. وبعض الجدران تجي فيها شوية تعرج وميول تحتاج شغل قوي وتكلفتها تختلف .. أحسن شيء تشوف اثنين أو ثلاثة يسعرون لك ويحددون المساحات وتتسجل في العقد وبإشراف استشاري مشرف