هل المواطنين القطريين يستطيعو السفر الى دبي بدون مشاكل

[mubarak2006]

السلام عليكم
هل السفر الى دبي آمن للمواطنين القطريين في فتره اجازه العيد،،وإلا لاينصح به.
هل حد منكم سافر الى دبي في فالفتره الاخيره بدون سين وجيم فالمطار .

شكرا

[sara jsm]

وعليكم السلام ..

محد بيقولك شي سواء رحت بر او طياره ..
بس ترى ارتفعت حالات الكورونا عندهم والافضل تغير الوجهه ..

[Rider]

وعليكم السلام ..

محد بيقولك شي سواء رحت بر او طياره ..
بس ترى ارتفعت حالات الكورونا عندهم والافضل تغير الوجهه ..


شدخل كورونا يعني لي يروحون لندن عادي والحالات عندهم فوق 15 الف حالة يوميا خلي الحياة تمشي لا تعقدينها لو تشوفين كل الدول عندهم كورونا البحرين الكويت فوق 1000 حالة يوميا ههههه

[shadad]

هل تقدر تروح وما يسجلون عليك فيديو ياخوي او يتجسسون عليك؟ اذا ما عندك اهل او اقارب ابعد عن الفكره هذه. ارض الله واسعه وفي الافضل والابرد والاجمل في هاي الصيف.
الله يوفقك يالذيب .

[sara jsm]

هل تقدر تروح وما يسجلون عليك فيديو ياخوي او يتجسسون عليك؟ اذا ما عندك اهل او اقارب ابعد عن الفكره هذه. .

والله كنت باكتب هالشي بس تحججت بالكورونا ههههههه
لو رايح تل ابيب ابرك له .. حلوة ومافيها خبث وخسه بعض الناس :secret:

[نفسي عزيزه]

لا وين تروح دبي يصورونك وانت اتسبح والكرشه طايحه شيسوى عاد الكرشه والا شسمه خلك مستور هذيلا مايتعاملون الا بالسيدي الا جان بتبات فالعزبه عند الربع هناك او بالموتر شي ثاني

معليش للاسلوب بس لابد تعرف الصراحه ومافيها عيب الصراحه حفاضا عليك وعلى اهلك مامنهم امان هذيلا :)

[نفسي عزيزه]

سبحان الله دبي من كثر مارحت لها ادل فيها يمكن اكثر من الدوحه لكن للاسف بلد جميل ولكن مافيه امان وثقه غدارييين

[sara jsm]

لا وين تروح دبي يصورونك وانت اتسبح والكرشه طايحه شيسوى عاد الكرشه والا شسمه خلك مستور هذيلا مايتعاملون الا بالسيدي الا جان بتبات فالعزبه عند الربع هناك او بالموتر شي ثاني

معليش للاسلوب بس لابد تعرف الصراحه ومافيها عيب الصراحه حفاضا عليك وعلى اهلك مامنهم امان هذيلا :)

:happy: :happy:

[توشيبا]

على ردودكم تخلون الواحد يتبع خطه القدافي

خيمه ام عمود 3*4 واذا خاطره في سويت ياخذ 9*6

الارض اللي صوب السوق الصيني مانصح فيها

عمارة مواقف اسواق الكرامه محجور السطح بحط خيمتي

[توشيبا]

لا وين تروح دبي يصورونك وانت اتسبح والكرشه طايحه شيسوى عاد الكرشه والا شسمه خلك مستور هذيلا مايتعاملون الا بالسيدي الا جان بتبات فالعزبه عند الربع هناك او بالموتر شي ثاني

معليش للاسلوب بس لابد تعرف الصراحه ومافيها عيب الصراحه حفاضا عليك وعلى اهلك مامنهم امان هذيلا :)

والتهديد الكرشه والسر فيه قطن

استغفرالله

ياعيال تراكم اوفر

مافي الا كل خير ان شاء الله

كلنا اهل وربع ونص وكل شي

[Rider]

فيه ناس راحوا ورجعوا ومافيه شي الامور عادية

[نفسي عزيزه]

اووكي

[سعود.]

المعروف سياسيا آو اعلاميا يحاسب في اي سفره

[معماري قطري]

الحمد لله ما زلت كاره لهذي الدول وقلبي ما يميل إني أفكر في السفر لها

أكثر ربعي اللي سافروا لهم أهل هناك

أذربيجان وأرمينيا دول باردة وزينة وجورجيا وتركيا مب شرط الواحد يروح اسطنبول يشوف مصيف .. فيه منتجع اسمه غزال كله غزلان وخضار وجو عجيب وسعر رخيص وتسوق يومين أو ثلاثة في اسطنبول ورجعة

[سالم الزهران]

صباح الخير

في الاسبوع الاول عقب السماح بالسفر لدول الخليج، سجل وصول بمطار dxbبدبي مليون سعودي! تتوقع هذيلا كلهم احد راقبهم؟

لذلك نصيحتي في السفر أنك ما تحط لنفسك وضع او احتياطات مهب لك والا شلفايدة بتضيع متعة السفر، حتى المسؤول اللي يسافر ما يهتم هو شخصياََ بأمنه لكن معه من يهتم به.

و اللي غافل بينصب عليه في وسط بلاده

[توشيبا]

المعروف سياسيا آو اعلاميا يحاسب في اي سفره

انا معروف عالميا:deal:

وعدو كم دوله لها ثقلها العسكري

مطلوب من الموساد الصهيوني

مافيات العالم تدورني

ولا واحد فيهم فكر يصورني وانا اللعب كوره في الشارع وبالاخير اخاف اتصور في فندق وانا لابس وزار في دوله خليجيه والامن عندهم الله بالخير حجي

[توشيبا]

صباح الخير

في الاسبوع الاول عقب السماح بالسفر لدول الخليج، سجل وصول بمطار dxbبدبي مليون سعودي! تتوقع هذيلا كلهم احد راقبهم؟

لذلك نصيحتي في السفر أنك ما تحط لنفسك وضع او احتياطات مهب لك والا شلفايدة بتضيع متعة السفر، حتى المسؤول اللي يسافر ما يهتم هو شخصياََ بأمنه لكن معه من يهتم به.

و اللي غافل بينصب عليه في وسط بلاده

اكره شي عندي اسافر دوله خليجيه او عربيه سياحه

كاني طالع من الريان وداش معيذر


يازين تركيا وايطاليا ارض الاجداد

[sara jsm]

صباح الخير
في الاسبوع الاول عقب السماح بالسفر لدول الخليج، سجل وصول بمطار dxbبدبي مليون سعودي! تتوقع هذيلا كلهم احد راقبهم؟


توقعتك اذكى من جذي !!! :pic:

[سالم الزهران]

توقعتك اذكى من جذي !!! :pic:

جل من لا يسهو يا ساره :thumbup1:

[عايش فرحان]

اذا ماعندك اهل او اقارب .. لا تروح احسن لك

كل ريال تصرفه هناك بيرجع لك على شكل رصاصة تقتلك.. اوتقتل مسلم في فلسطين او الهند اوصربيا او..او.. الخ

[Dana’1]

دائما اسأل الجهات المختصة الجوازات مثلا أفضل لك وتطمن أكثر

[معماري قطري]

اكره شي عندي اسافر دوله خليجيه او عربيه سياحه

كاني طالع من الريان وداش معيذر


يازين تركيا وايطاليا ارض الاجداد

ههههههههه عاد معيذر تقرأ المعوذات وانت داخل وللحين الحفريات عندهم من سنتين وهم يحفرون بطون شوارعهم الضيقة

[سالم الزهران]

في بلد مثل الامارات او السعودية لو حصل لك مشاكل بتكون دوافعها سياسية لأن المشاكل/الجرائم في هذي البلاد ليست من النوع الذي يحدث بدافع السرقة او الخطف الذي ربما يتعرض له السائح لو زار دول أخرى كالعراق، اليمن، لبنان الخ.

العامل الثاني حتى لو انت شخص سياسي أو اعلامي فالجو العام يحكمك فلا يمكن أن تقوم أي دائرة أو جهة بالاقتراب منك طالما جو المصالحة هو السائد بين البلدين.

في الختام، بتحصل السيء والشرير يجيك لبلادك و يفتر و يمكن يصور وتتذكرون الرمة بو نظارات سوداء اللي جاء ف وقت الأزمة، واظن انه كان يحسب أنه مهم وان القطريين بيمسكونه وفي الأخير يوم شاف ان محد درى عنه وعن بربرته قام يصور فيديو.

فاذا صار لك شغل او طرى لك تروح أي بلاد في الظروف اللي ما فيها توتر فما أرى انك تتردد ولا تحط نفسك أقل من غيرك بدرجة أو أنك تختلف عن غيرك وانك استويت صيد كلن يبيه، كل هذه أوهام و صدقني حتي العصابات اللي تخطف ناس اذا عرفوا أن الانسان قوي نفسياََ يتركونه، يبون الضعيف اللي اقربائه يدفعون بيزات رحمةََ به

فالجرأة والشجاعة تفيد ولو ظن الانسان (المسافر بالذات) انها مب مناسبة.

[معماري قطري]

هذا المفروض إخوي سالم إهتمامات الدول بالأمن وبالعدالة المجتمعية وبتقدير الآخرين مب تهميشهم وعمل عداوة ما سمعنا بها في الجاهلية .. إحنا لنا عتب وعتب كبير ولا بنرضى باللي صار ولا عليك من اللي تشوفه الحزازيات هذي بتبقى ومعالجتها صعبة بسبب الكبر والغطرسة وبسبب الخطأ الكبير وهو طعنة قوية في الظهر وفي أيام مباركة واستمرت 3 سنين أو 4

محد يقدر يسيطر على الرأي العام بسهولة فما بالك بالرأي الخاص كلٍ له رأيه وتوجهه وله الحق في ابدائه وله الحق في النقاش .. العالم كله صعب ولا فيه مواثيق دائمة والمتسببيت وايد والله أعلم شيجد من جديد .. كفاية الإنسان استوى في بلاده وبين هله غريب والغريب اللي يجي مقدم وقريب

[سالم الزهران]

وكلامك على متمه اخونا وكبيرنا بو عبدالله، وانا اشوف ان فيه واجب علي شعوب تلك الدول اللي ظلمت اهل قطر، انهم يعاملون القطري معاملة خاصة ويحسسونه بانهم ما ودهم صار اللي صار، طبعاََ هذا ظني في الناس المؤصلين في الدين والعروبة، الحقيقة اهل الامارات طيبين ولا بيجي منهم الا الطيب والشري فيهم ينعد على الأصابع. والله الخليج بيت واحد والمخربين لو بينجحون كان نجحوا ف المرة الأخيرة. لكن يهبون، ونرجو اللي يغير كل من لا نثق فيه

[معماري قطري]

وكلامك على متمه اخونا وكبيرنا بو عبدالله، وانا اشوف ان فيه واجب علي شعوب تلك الدول اللي ظلمت اهل قطر، انهم يعاملون القطري معاملة خاصة ويحسسونه بانهم ما ودهم صار اللي صار، طبعاََ هذا ظني في الناس المؤصلين في الدين والعروبة، الحقيقة اهل الامارات طيبين ولا بيجي منهم الا الطيب والشري فيهم ينعد على الأصابع. والله الخليج بيت واحد والمخربين لو بينجحون كان نجحوا ف المرة الأخيرة. لكن يهبون، ونرجو اللي يغير كل من لا نثق فيه

أكيد واللي راحوا وزاروا كل الدول اللي حاصرتنا يعرفون هذا ويلاحظون طيب المعاملة بعدين أي زائر لبلادك كأنه ضيف عندك ونفس الجنسيات نشوفهم في بلادنا ونعتبرهم إخوان وأهل وحتى أثناء وقت الحصار عمرنا ما منعنا حد .. الممنوعين يعدون على الأصابع وهم من عادوا قطر ممن كانوا يحملون جنسية قطر وألغيت بسبب تهجمهم وكلامهم التافه

[سالم الزهران]

لو تروح بسيارتك بالذات لو رحت صوب خورفكان والامارات اللي من ورى عجمان، صدقني بتشوف ناس وايد اذا انتبهوا للوحة سيارتك انها مب اماراتية بيعزمونك.. الناس متحسسة واجبها ومستشعرة الحرج مثلما يقولون، والناس هناك اصل عرب ماهم مثل اللي في دبي.

[معماري قطري]

لو تروح بسيارتك بالذات لو رحت صوب خورفكان والامارات اللي من ورى عجمان، صدقني بتشوف ناس وايد اذا انتبهوا للوحة سيارتك انها مب اماراتية بيعزمونك.. الناس متحسسة واجبها ومستشعرة الحرج مثلما يقولون، والناس هناك اصل عرب ماهم مثل اللي في دبي.

شيء أكيد ولا مثل بلاد عنتر بن شداد بو ظبي

[سالم الزهران]

شيء أكيد ولا مثل بلاد عنتر بن شداد بو ظبي

هههههه
لي وصلت الشيشة ارمس لي بويه