توقعاتكم لشهر يوليو تَـمُّوز 2022

[المدمر]

توقعاتكم لشهر يوليو تَـمُّوز 2022


السلام عليكم

ما هي توقعاتكم لشهر 7

بداية النصف الثاني لسنة المالية





سلبيات
ارتفاع سعر الفائدة
ضعف الحركة التجارية لسباب عديدة ومن اهمها
تبعات كورونا

إيجابيات
زيادة اسعار الطاقة ورتفاع سعار بعض منتجات الاسهم القطرية

قامكو ــ صناعات ــ مسيعيد والخ

موسم اجازات وسهولة التنقل بين دول الخليج

احتمال دخول بعض الصناديق الخليجية !!!! لسوق مره اخرى وتكوين مراكز في السوق القطري مع قرب كاس العالم

ارتفاع كبير في اسعار العقار في النصف الثاني

انا متفائل 70%

https://www9.0zz0.com/2022/07/01/14/914311634.png (https://www.0zz0.com)


الرسم البياني على الفاصل الاسبوعي

السوق قريب من منتصف القناة الصاعدة الكبرى

وكذلك اغلب المؤشرات الفنية كما هو موضح في الرسم في مستوى جيد
ولكم مني فايق الاحترام والتقدير

[بوجبر]

اتمنى ان يكون هناك استقرار للاسهم

لكن الارتفاعات الجنونية للعقارات مأساه للي ينتظر إنهيار اسعار العقارات

[ابومبارك]

مع بداية النصف الثاني اكيد الاسهم الي معدل ارباحها زينه اكيد بيكون هناك ارتفاع عليها
لكن ارتفاع فتره وجيزه عقب بيهدى او الاصح انهم يهدون الارتفاع لمصلحتهم في التجميع والمضاربات
العقار اذا مارتفع في ايامنا هذي ماظن يرتفع بعد على اسعار الايجارات الي ارتفعت اضعاف اضعاف السعر الحالي

[المدمر]

ارتفاعات طيبة في الاسواق الامريكية و الاوربية مع الاغلق الاسبوعي

انخفاض غير متوقع في السندات الامريكية وهذا جيد لسواق الاسهم

[Beho]

https://www.babup.com/do.php?img=5363

[Beho]

https://www.babup.com/do.php?img=5364

[Beho]

تقرير التداول لشهر يونيو 2022 من موقع البورصة هنا (https://s01.babup.com/uploads/Trading-Report-Monthly-06-2022.pdf)

[الوسيط العقاري]

شهر سهم الاجاره الذي اعلانه بتاريخ 7 / 7 / 2022 مع بنك قطر الوطني

وهو اول اعلانات النصف الاول لعام 2022

والعلم عند الله …

[المدمر]

مشاركات طيبة تثري الموضوع شكرا لكم جميعا مع حفظ الألقاب والمقامات

نعم صحيح المصرف . المطوع
و الوطني من اهم الاعلانات خصوصا
مع رفع الاسعار الفائدة بطبيعة الحال
ارتفعت الارباح بشكل أولي و ارتفعت الودائع بشكل كبير

[بوخميس]

شهر سهم الاجاره الذي اعلانه بتاريخ 7 / 7 / 2022 مع بنك قطر الوطني

وهو اول اعلانات النصف الاول لعام 2022

والعلم عند الله …

كالعادة الاعلان يوم خميس

لكن بدري على غير العادة

[qatar 86]

خميس وإجازة عيد

[معماري قطري]

خميس وإجازة عيد

يطلعون ذكاءهم فينا الله يستر .. لو أعلنوا خساير السهم بيرتفع أسرع من لو أعلنوا أرباح

[معماري قطري]

توقعاتكم لشهر يوليو تَـمُّوز 2022


السلام عليكم

ما هي توقعاتكم لشهر 7

بداية النصف الثاني لسنة المالية





سلبيات
ارتفاع سعر الفائدة
ضعف الحركة التجارية لسباب عديدة ومن اهمها
تبعات كورونا

إيجابيات
زيادة اسعار الطاقة ورتفاع سعار بعض منتجات الاسهم القطرية

قامكو ــ صناعات ــ مسيعيد والخ

موسم اجازات وسهولة التنقل بين دول الخليج

احتمال دخول بعض الصناديق الخليجية !!!! لسوق مره اخرى وتكوين مراكز في السوق القطري مع قرب كاس العالم

ارتفاع كبير في اسعار العقار في النصف الثاني

انا متفائل 70%

https://www9.0zz0.com/2022/07/01/14/914311634.png (https://www.0zz0.com)


الرسم البياني على الفاصل الاسبوعي

السوق قريب من منتصف القناة الصاعدة الكبرى

وكذلك اغلب المؤشرات الفنية كما هو موضح في الرسم في مستوى جيد
ولكم مني فايق الاحترام والتقدير

حي الله المدمر

ما قصرت أوجزت والسوق الأمريكي الداو فوق 1% والبقية فوق 1 الا نازداك 0.9% وكلها ارتفاعات طيبة والنفط والغاز في العالي


Crude Oil WTI
108.46 +2.70 +2.55%
Brent Oil
111.48 +2.45 +2.25%
Natural Gas
5.62 +0.196 +3.61%

سوقنا آخر اسبوع له القادم ومتخوف من هبوط معتبر قبل الإجازة ووايد بيسافرون الصيف .. والا سقف القناة حلو لو يوصله مرة ثالثة

[بوجبر]

توقعي ليوم الأحد وبقية أيام الاسبوع

أتوقع إرتفاعات غير مسبوقة ولا تخطر ع احد ،،،


للعلم لا املك حاليًا في البورصة ايه سهم ،،،

[الوسيط العقاري]

كالعادة الاعلان يوم خميس

لكن بدري على غير العادة


ومع الوطني …….

[معماري قطري]

توقعي ليوم الأحد وبقية أيام الاسبوع

أتوقع إرتفاعات غير مسبوقة ولا تخطر ع احد ،،،


للعلم لا املك حاليًا في البورصة ايه سهم ،،،

إذا زحف عرضي حلو ما ابي منه أكثر بس ودي أسهم البسطاء تتحرك شوي

[ابومبارك]

توقعي ليوم الأحد وبقية أيام الاسبوع

أتوقع إرتفاعات غير مسبوقة ولا تخطر ع احد ،،،


للعلم لا املك حاليًا في البورصة ايه سهم ،،،

ان شاء الله

[المدمر]

توقعي ليوم الأحد وبقية أيام الاسبوع

أتوقع إرتفاعات غير مسبوقة ولا تخطر ع احد ،،،


للعلم لا املك حاليًا في البورصة ايه سهم ،،،


مرحبا يوم امس أنخفاض مؤشر التقلبات و الخوف VIX
في الاسواق الامريكية بنسبة عالية وعندما ينخفض ترتفع شهية المستثمرين لدخول في جميع إرجاء ألعالم

https://www4.0zz0.com/2022/07/02/19/764308423.jpeg (https://www.0zz0.com)

[بوجبر]

بعد الارتفاعات الاخيرة للعقارات لم يعد هناك خيار آخر للكثرين غير البورصة لآن السوق العقاري لم يعد في المتناول

[بوجبر]

الأوفر حظا للارتفاع بكره ان شاء الله

فودا فون

المستثمرين

[المدمر]

حي الله المدمر

ما قصرت أوجزت والسوق الأمريكي الداو فوق 1% والبقية فوق 1 الا نازداك 0.9% وكلها ارتفاعات طيبة والنفط والغاز في العالي


Crude Oil WTI
108.46 +2.70 +2.55%
Brent Oil
111.48 +2.45 +2.25%
Natural Gas
5.62 +0.196 +3.61%

سوقنا آخر اسبوع له القادم ومتخوف من هبوط معتبر قبل الإجازة ووايد بيسافرون الصيف .. والا سقف القناة حلو لو يوصله مرة ثالثة




مرحبا وهلا وسهلا نعم ان شاء الله خير

النفط حصل عليه امس ارتداد من خط المسار الصاعد الفرعي
وهو خط قوي جدا وللعلم اسعار الطاقة العالمية الى مزيد من الارتفاع
الاسباب عديدة واهمها السحب المستمر من المخزون الاستراتيجي الامريكي !!
الذي سيتم تعويضه من الاسواق العالمية مره اخرى انخفاض الاسعار اصبح صعب


https://www9.0zz0.com/2022/07/02/19/766764539.jpeg (https://www.0zz0.com)

[المدمر]

هذا الاسبوع عمل كمال كما يبدو والاسبوع الي بعده قد يكون جلستين فقط بسبب العيد

نعم قد يكون هناك ارتفاع جنوني .. رالي
كما ذكر الاخ الفاضل ابو جبر
ولكن ارى انه مش من جلست الاحد
يوم الاثنين ارجح
عن نفسي قد نرى بعض الانخفاض اول الجلسة يوم غداء

[معماري قطري]

مرحبا يوم امس أنخفاض مؤشر التقلبات و الخوف VIX
في الاسواق الامريكية بنسبة عالية وعندما ينخفض ترتفع شهية المستثمرين لدخول في جميع إرجاء ألعالم

https://www4.0zz0.com/2022/07/02/19/764308423.jpeg (https://www.0zz0.com)

كنت أتابعه وملاحظ هالشيء بس ما عرفت الا بعد ما قريت عنه .. لو انخفض يرتفع السوق ولو ارتفع توقع السوق ينزل .. كنت أقول وشو الفكس راح تفكيري بعيد

[معماري قطري]

مرحبا وهلا وسهلا نعم ان شاء الله خير

النفط حصل عليه امس ارتداد من خط المسار الصاعد الفرعي
وهو خط قوي جدا وللعلم اسعار الطاقة العالمية الى مزيد من الارتفاع
الاسباب عديدة واهمها السحب المستمر من المخزون الاستراتيجي الامريكي !!
الذي سيتم تعويضه من الاسواق العالمية مره اخرى انخفاض الاسعار اصبح صعب


https://www9.0zz0.com/2022/07/02/19/766764539.jpeg (https://www.0zz0.com)

إنكشف كذب الأمريكان ايام ترمب يوم روجوا انهم المصدر الأول للنفط وطلعوا ألحين يحثون العالم على زيادة الإنتاج ونفطهم بروحه غالي

[بن الخطاب]

بسم الله ما شاء الله ارتداد ولا اروع
ارتفاع 80 نقطة
ولكن أين السيولة ؟!

[معماري قطري]

بسم الله ما شاء الله ارتداد ولا اروع
ارتفاع 80 نقطة
ولكن أين السيولة ؟!

السيولة متوجهة لشركات معينة وغالب هذي الشركات مرتفعة

الأكثر سيولة اليوم الخليج الدولية .. شراء مستمر وواضح والسهم مرتفع 1.78%

الثاني قامكو وبارتفاع 1% وكان أعلى خلال الجلسة

الثالث سهم المصرف وبإرتفاع 1.66%

الرابع الوطني وربإرتفاع 1.6%

الخامس بلدنا هبوط بسيط 1.06%

السادس الريان هبوط بسيط 0.68%

إزدان مسجل دخول وسيولته تعتبر السابعة هذا اليوم وإرتفاع 1.02%

من سبع شركات 5 مرتفعة وثنتين هبوط بسيط والسوق له فترة في حالة تجميع وتدوير .. ما عليك من مقولة سيولة قليلة وارتفاع يعني السوق مقبل على تصحيح .. ممكن اليوم شوي مسكت محافظنا عن البيع الجائر وتركيع السوق خلنا نشوف

صحيح شراء محافظنا اليوم بفرق حول 8 ملايين ريال .. والأفراد بيع حول 23 مليون ريال

الخليجيين الأفراد شراء بنسبة بسيطة والمحافظ بيع بنسبة بسيطة

العرب أفراد فقط شراء بحدود 4 ملايين

الأجانب الأفراد بيع أقل من مليون ريال والمحافظ شراء حول 13 مليون

بإذن الله عودة للشراء من المحافظ المؤثرة في سوقنا الوطنية وكذلك الأجنبية ونشوف ارقام تسر خصوصاً في فرسان اليوم قامكو والخليج الدولية والمصرف مع إن الأخير أتوقع حده ال 25 وهو قريب منها

[المدمر]

كنت أتابعه وملاحظ هالشيء بس ما عرفت الا بعد ما قريت عنه .. لو انخفض يرتفع السوق ولو ارتفع توقع السوق ينزل .. كنت أقول وشو الفكس راح تفكيري بعيد


مرحبا الغالي هذا مؤشر الخوف << نعم الاتجاة يكون عكس

ولكن نسبة التذبذب فيها عالية اي بمعنى اذا كان على ارتفاع 10%

تكون الاسهم الامريكية والسلع مثلا على انخفاض من 1 الى 2%

والعكس صحيح


بخصوص تداول اليوم جيد خصوصا مع بداية الاسبوع

المطلوب الاغلق فوق 12300

ولا مانع من تصحيح فرعي خفيف على بعض الاسهم القيادية

[المدمر]

بسم الله ما شاء الله ارتداد ولا اروع
ارتفاع 80 نقطة
ولكن أين السيولة ؟!

امر طبيعي ان شاء الله نتوقع ارتفاع السيولة بشكل كبير
مع دخول صناديق جديدة وعلى الارجح شهر 8 <<<< توقع فقط

[style]

ولا دخول بالسوق الا بعد تاريخ 15 سبتمبر ..قبل ذلك لا أنصح بذلك ابدا ..والكل حر بقرارته

[مضارب متعور]

مطلعين بلدنا شارين حول 12 مليون سهم في آخر 4 جلسات واليوم بايعين منهم 650 ألف

[المدمر]

هناك بوادر على انخفاض مؤشر التضخم
الامريكي بنسبة طفيفة الذي يصدر بعد اسبوع واكثر

بسبب أنخفاض الاسعار بعض السلع الغذائية و التعدين

وكذلك الوقت الكافي من رفع اسعار الفائدة

وعلى الارجح كما يتوقع الكثير من المحللين الامريكان

ظهور بعض التحسن الفوري السيطرة من قبل الفدرالي

[معماري قطري]

اليوم بيع من محافظنا وأفرادنا وفوق ال 10 مليون لكل فئة .. بيع من مؤسسة عربية وفي سهم دسم واحد بحدود بسيطة قيمته معدل 16.05 ريال أعتقد ممكن صناعات والكمية 19500 سهم

المؤسسات الخليجية بيع حول 24 مليون ريال

الأجانب الأفراد شراء شوي فوق المليون والمؤسسات شراء 53 مليون

النفط قريب ال 114 دولار وأسواق العالم تطير في الأخضر والسوق الأمريكي اليوم اجازة بسبب احتفالات الاستقلال

بكرة سوقنا أما عرضي والا أحمر ما اتوقع الأخضر حوله

[المدمر]

نعم صحيح الانخفاض في الأسواق الاقليمية متوقع اليوم بسبب عيد الاستقلال الامريكي

اليوم هناك اخبار جيدة جدا ولها تاثير مباشر على التضخم في امريكاء يقال ان قد تخفض الرسوم الجمركية على السلع الصنية
من قبل الادارة الاميركية

نقدم خالص الشكر والتقدير للاجارة و مزايا

[المدمر]

هناك بوادر على انخفاض مؤشر التضخم
الامريكي بنسبة طفيفة الذي يصدر بعد اسبوع واكثر

بسبب أنخفاض الاسعار بعض السلع الغذائية و التعدين

وكذلك الوقت الكافي من رفع اسعار الفائدة

وعلى الارجح كما يتوقع الكثير من المحللين الامريكان

ظهور بعض التحسن الفوري السيطرة من قبل الفدرالي

تحسن واضح جدا على الشهري في اسعار السلع

نتوقع انخفاض مؤشر التضخم من نص الى واحد ونص %
ان حصل هذا الانخفاض راح يعطي الاسواق العالمية دفعة الى الامام

https://www14.0zz0.com/2022/07/04/19/855539473.jpeg (https://www.0zz0.com)

[معماري قطري]

شكراً على العرض الواضح .. شكلهم قدروا يروضون التضخم وبيقدرون يروضون الدب الروسي بعد

[المدمر]

الاسواق الاسيوية على بعض الارتفاع هذا الصباح

و عقود الاجلة في امريكاء على ارتفاع جيد جدا

[المدمر]

اليوم هو يوم (الوطني ) و معرفة اتجاه السوق

[mubarak2006]

اليوم هو يوم (الوطني ) و معرفة اتجاه السوق
السوق رايح بوظلوف شكله…..

[المدمر]

السوق رايح بوظلوف شكله…..

مساء الورد والله يمكن


بعد ما يحدث الان في الاسواق

الدولار قلب الاسواق اليوم


نزل عندي التفائل من 70 الى 50 %

[بوجبر]

يوم دامي للأسواق الامريكيه والذهب والنفط

[المدمر]

عند الساعة 3 المساء كل القنوات و الميديا الامريكية يطبلون
بنهيار الاسواق والخ

وبعد ساعة انقلب كل شي وخرج ضيوف جدد يقلون الامور طيبة انه انهيار مدبر

الغرب تعلم من العرب فن التطبيل


https://www3.0zz0.com/2022/07/05/18/153581310.png (https://www.0zz0.com)

[المدمر]

يوم دامي للأسواق الامريكيه والذهب والنفط

ما عليك منهم تابع الميرة هل الايام ممكن تخطفها بسعر زين مع نزول الاسعار

[Al-Mezan]

الامور طيبه الاسواق الامريكيه اغلقت باللون الاخضر

[معماري قطري]

عند الساعة 3 المساء كل القنوات و الميديا الامريكية يطبلون
بنهيار الاسواق والخ

وبعد ساعة انقلب كل شي وخرج ضيوف جدد يقلون الامور طيبة انه انهيار مدبر

الغرب تعلم من العرب فن التطبيل


https://www3.0zz0.com/2022/07/05/18/153581310.png (https://www.0zz0.com)

هم اللي علموا العرب التطبيل والتهويل بعد البيع حتى يمشي السوق على مبتغاهم

شوف كم مرة يتذبذب سوقهم بين ال 30 وال 31 ألف نقطة وهو قريب من قمته 35 ألف نقطة مب بعيد وايد وشكله بيرجع لها .. شوف الفجوتين وحدة رجع وسكرها والثانية متجه لتسكيرها

صج نزول غالبية الأسهم اليوم عندنا كبير وما ادري شلون أغلق المؤشر أخضر بس اللي ما باع فوق ال 13000 نصيحة ليبيع ألحين الا لو محتاج وسهم رابح فيه

[المدمر]

هم اللي علموا العرب التطبيل والتهويل بعد البيع حتى يمشي السوق على مبتغاهم

شوف كم مرة يتذبذب سوقهم بين ال 30 وال 31 ألف نقطة وهو قريب من قمته 35 ألف نقطة مب بعيد وايد وشكله بيرجع لها .. شوف الفجوتين وحدة رجع وسكرها والثانية متجه لتسكيرها

صج نزول غالبية الأسهم اليوم عندنا كبير وما ادري شلون أغلق المؤشر أخضر بس اللي ما باع فوق ال 13000 نصيحة ليبيع ألحين الا لو محتاج وسهم رابح فيه
صباح النور

على الرغم من ايجابية الاسهم الثقيلة في المؤشر . الدولي . المصرف . الملاحة !!
والوطني حتى لاو انه مافعل شي امس ولكن احترام مستويات فنية قوية يوم امس

ولكن اتوقع انخفاض بعض الشي خصوصا في اسهم الخشخاش

ان شاء الله نصيد بسعار حلوه

[style]

انتظار السوق تحت مستويات 11400 نقطه.. وانتظار الريان تحت 38 ..

[mubarak2006]

سوقنا صار مثل المثل اللي يقول
الشق اكبر من الرقعه .

[مسافر1]

نفس الاسهم هي من تفقد قيمتها من يمتلكها صغار المستثمرين

[ahmed saleh]

اتوقع جلسه خضراء بكره الخميس ان شاء الله

[داااايم السيف]

اغلب التوقعات نفسيا تشير الى ان غدا سيكون التداول سلبي نظرا لاجازة عيد الاضحى المبارك خلال الاسبوع القادم
ولكن برايي الخاص اتوقع الافتتاح مائل للاحمر والاغلاق بمشيئة الله سيكون ايجابي بقوه

والله الموفق

[معماري قطري]

اتوقع جلسه خضراء بكره الخميس ان شاء الله

أضم صوتي لصوتك وأتوقع بكرة جلسة خضراء بإذن الله وإن شاء الله بامتياز

الداو مقرب يحول أخضر وبرنت أخضر والأسواق الأوروبية غالبيتها خضراء بقوة

[معماري قطري]

صباح النور

على الرغم من ايجابية الاسهم الثقيلة في المؤشر . الدولي . المصرف . الملاحة !!
والوطني حتى لاو انه مافعل شي امس ولكن احترام مستويات فنية قوية يوم امس

ولكن اتوقع انخفاض بعض الشي خصوصا في اسهم الخشخاش

ان شاء الله نصيد بسعار حلوه

أسعد الله مساك إخوي المدمر

أكيد اللي باع حتى الفاشل من الأسهم ويصيدها بسعر أحسن أفضل له .. بس كل ما يتأخر الواحد تستوي مخاطرة البيع أكبر

الشركات الأكثر هبوط اليوم بداية بالدولية والمناعي ولين تقريباً 20 شركة غالبيتهم فيهم خير وبيرتدون بسرعة وأتوقع أصحاب الكاش بيشترون بكرة وتمنيت لو مأجل شراء استعجلت خذت استثمار ونزلت وايد عن سعري وخذت السلام ونفس الحال ومحتاج للكاش الباقي احتياط لأي طاريء وللسفر .. حتى الشركات المرتفعة اليوم سعرها مناسب جداً

ممكن كثيرين يدخلون بالهامش بكرة لأن معتاد أول يوم تداول بعد الإجازة تحصل ارتفاعات جيدة وفرص للتصريف بربح

[بوثاني الريان]

Nighty night

[ابومبارك]

بكره اتوقع بداية السوق ينزل ويجلسون يلمون وبعدها يرفعونه يعني الاغلاق يكون اخضر باذن الله قبل العيد وان شاء الله ارتفاعات طيبه وليس فقط لون اخضر

[مسافر1]

السوق إذا الاسهم الأمريكية نازلة نزل واذا ارتفع يردون النفط نازل

[المدمر]

دخلنا على الاسهم الصغيرة

والرزق على الله


اتوقع جلسة غدا صعبة !! يانخفاض بسيط يا رتفاع بسيط

الارتفاع القوي اذا حصل والله رزقنا بيكون في الاسهم التي انخفضت اليوم بقوة


اما المؤشر و الاسهم الثقيلة التحرك فيها محدود مادام حنا تحت 12300

نظرة فنية على الفاصل اللحظي

https://www9.0zz0.com/2022/07/06/19/705669635.png (https://www.0zz0.com)

[المدمر]

المشكلة في سوقنا هي تكمل

بختلاف المدارس

فيه شريحة محدودة ولكن موثرة من الافراد ينتمون للمدرسة الامريكية وهي المضاربة السريعة و حب اتذبذب العالي

وهي مدرسة في اغلب الاسواق الاقليمية

اما سوقنا الحبيب و المؤسسات و الصنديق الكبيرة تنتمي الى المدرسة الانجليزية

الاستثمار وما يسمى الاسهم الممتازة

حتى يكون الاختلاف واضح جدا في المسارات الكبرى بين الاسواق

التشابه موسمي او محدود

[داااايم السيف]

النصيب الاوفر مع تضخم اسعار النفط وبلوغها مستويات قياسية تقارب 140$ هو قطاع الطاقه
اغلب المتداولين عالميا توقعوا وصوله الى ارقام تاريخيه مع حظر النفط الروسي وهذا لم يحدث
بالمقابل هناك قطاعات حساسه لم تتأثر بارتفاع قطاعي البنوك والطاقه وهو قطاع العقار الذي تم سحقه في اول طفره مرت على السوق
لو عدنا للطفرات الماضيه وبالتحديد طفرة 2014-2015 كان اسوأ سهم حقق طفره هو قطر وعمان مع بلوغه مستويات 19 ماقبل التجزئة
سوء الاداره لدى بعض مجالس الادارات هي السبب في وصول اسهمها دون اسعار الاكتتاب لان المستثمر ليس ساذج بأن يشتري في سهم لايحقق له عائد مجزي
يقولون مجالس الادارات لايأخذون مكافآت عندما لاتحقق شركاتهم نتائج ايجابيه وهذا ارضاء لمساهمينهم
ولكن عندما نمعن النظر في المصاريف العموميه والاداريه التي لم نجدها تتراجع في النتائج الختاميه
سيتضح ان هناك خلل ولابد من اصلاحه والا !!!!
كان الله في عون مساهمين تلك الشركات التي حظيت بمجالس اداره ليسوا اهل للثقه

[داااايم السيف]

الخسائر والارباح متوقعه في اسواق المال
المكسيك راهنت على البتكوين وحفزت الشعب على استثمار مدخراته فيه بكل قوه
كما نشاهد البتكوين خسر اكثر من 200‎% من قيمته بعد منح صلاحيات البرلمان المكسيكي وتوصياته بأنه عملة المستقبل
الخلاصه حتى الدول والحكومات تتعرض للخسائر والوعكات المالية
يحيك يابوجبر عندك ملحق والحين بتحصلك بدال المستأجر 100 وتقدر تأجره باليوم بعد ،، تخطيطك سليم ياخوي وربي يوفقك

[نمر بن عدوان]

ان شاء الله بكره جلسه ختاميه حلوه
وبعد اجازة العيد يرجع النشاط وترجع السيوله بشكل اكبر
وترجع الايجابيه للسوق خصوصا قبل إعلانات الربع الثاني.

[معماري قطري]

ان شاء الله بكره جلسه ختاميه حلوه
وبعد اجازة العيد يرجع النشاط وترجع السيوله بشكل اكبر
وترجع الايجابيه للسوق خصوصا قبل إعلانات الربع الثاني.

هذا رأيي بعد والعوامل كلها مشجعة الا هبوط النفط

المشجع أكثر هو إن أسعار كثير من الأسهم وصلت رقم مناسب للدخول

[style]

امنيات ،، مب غلط الواحد يتمنى . لكن وين الحقيقة ؟

[Breakaway]

الله يجيب الخير، توقع هبوط إلى النقطة 11750 خلال اليوم وبعد العيد ويمكن يستمر إلى 11460، إذا وصل إلى 11750 وشاهدنا مؤشرات رفض لهذا المستوى قد نشاهد إرتداد قوي بعد العيد إن شاءالله

[بوجبر]

ايش تبرير اصحاب الاراء الفلتة بعد اليوم!!!

[معماري قطري]

امنيات ،، مب غلط الواحد يتمنى . لكن وين الحقيقة ؟

للحين الحقيقة سوقنا مرتدي الأحمر وشكل كاس العالم بيكون علينا خياس العالم

سي ان بي سي عربية ناشرين تغريدة تقول 50 من وزراء بوريس جونسون ومساعديه إستقالوا ويتوقعون تأثير قوي على بورصات أوروبا وأقوى على بريطانيا لكن الحقيقة فوق 1% السوق البريطاني الآن مرتفع وأسواق أوروبا خضراء كلها لكن سوقنا تأثر

[معماري قطري]

ايش تبرير اصحاب الاراء الفلتة بعد اليوم!!!

التبرير إنك تبيع حتى تفشل آرائنا

الحمد لله الميرة ترتفع ومعاها كم سهم

[ahmed saleh]

التبرير إنك تبيع حتى تفشل آرائنا

الحمد لله الميرة ترتفع ومعاها كم سهم

أرائك سليمه وجلستك خضراااء :pic:

[داااايم السيف]

ايش تبرير اصحاب الاراء الفلتة بعد اليوم!!!

استعجلت في طرح المشاركه ومانتظرت لين اخر السوق
الوطني هبوطه اثر على المؤشر العام ولكن هناك ارتداد مجزي للكثير من الاسهم التي بالغت في التصحيح وهذا متوقع بالامس
اتوقع يابوجبر بتغير رايك بعد العيد وتشتري كالعاده فوق:vampire:

[mubarak2006]

استعجلت في طرح المشاركه ومانتظرت لين اخر السوق
الوطني هبوطه اثر على المؤشر العام ولكن هناك ارتداد مجزي للكثير من الاسهم التي بالغت في التصحيح وهذا متوقع بالامس
اتوقع يابوجبر بتغير رايك بعد العيد وتشتري كالعاده فوق:vampire:
هههههه،، وليش ماتكلمت يامحلل ذكي قبل نهايه الجلسه ،،هذي مشاركات لاتسمن ولا تغني من جوع ،، مثل اللي ولا مافي داعي

[بوجبر]

استعجلت في طرح المشاركه ومانتظرت لين اخر السوق
الوطني هبوطه اثر على المؤشر العام ولكن هناك ارتداد مجزي للكثير من الاسهم التي بالغت في التصحيح وهذا متوقع بالامس
اتوقع يابوجبر بتغير رايك بعد العيد وتشتري كالعاده فوق:vampire:

أمحق ارتداد


مبروك عليك

[mubarak2006]

أمحق ارتداد


مبروك عليك
والله انك صدقت ،، عشان يعني بعد العيد السوق بيروح 500 نقطه. .بلفيت بوادر ارتفاع
السوق مب قادر يشيل نفسه ، مب قادر يوصل سيوله عدله ،، وهذا يقول استعجلت عشان 23 نقطه ..

[نمر بن عدوان]

اسواق العالم ارتفاعات ممتازه،
قفزه كبيره لسعر الغاز 13%
قفزه كبيره لسعر برنت 5%
سعر الالمنيوم بوادر ارتفاع ب 1.6%

انتظروا اجازات اسواق الخليج عشان تصير هالارتفاعات؟ crazy

[المدمر]

دخلنا على الاسهم الصغيرة

والرزق على الله


اتوقع جلسة غدا صعبة !! يانخفاض بسيط يا رتفاع بسيط

الارتفاع القوي اذا حصل والله رزقنا بيكون في الاسهم التي انخفضت اليوم بقوة


اما المؤشر و الاسهم الثقيلة التحرك فيها محدود مادام حنا تحت 12300

نظرة فنية على الفاصل اللحظي

https://www9.0zz0.com/2022/07/06/19/705669635.png (https://www.0zz0.com)


مساء الخير وكل عام وانتم بخير


جلسة اليوم تسمى جلسة حبيسة

اي بمعنى جلسة قبل اجازة طويلة

وتعتمد على استمرار الاجابية في الاسواق الدولية

اليوم ارتد المؤشر من مستوى التصحيح الفرعي المذكور في المشاركة الماضية



https://www7.0zz0.com/2022/07/07/17/232086840.png (https://www.0zz0.com)



في حالة الاستمرار الاجابية خلال الاجازة ـــ بطبيعة الحال السوق قد يرتفع الى سقف القناة ويتجاوز 12300 الى الاعلى

وفي حال الاسلبية وكسر الدعم الموضح في الرسم البياني


قد نذهب الى 11700

عندنا اجازة طويلة وقد نعيد التقيم من وقت الى اخر

ونشبع طق حنك

[المدمر]

عند الساعة 3 المساء كل القنوات و الميديا الامريكية يطبلون
بنهيار الاسواق والخ

وبعد ساعة انقلب كل شي وخرج ضيوف جدد يقلون الامور طيبة انه انهيار مدبر

الغرب تعلم من العرب فن التطبيل


https://www3.0zz0.com/2022/07/05/18/153581310.png (https://www.0zz0.com)


الاسواق الدولية الداو جونز والخ

كما ذكرنا سابقا

ان الامريكان و الغربين

يطبلون كل يوم على حسب مصالح التكتلات الكبيرة


اليوم يقلون ان الاقتصاد الامريكي قوي ويعيد بناء نفسه بنفسه

وان اذا ارتفع معد الفاىدة 25 نقطة سيكون ايجابي للاسواق


في الرسم البياني التالي نوضح الحركة القصيرة للداو


https://www9.0zz0.com/2022/07/07/18/760567720.png (https://www.0zz0.com)

[داااايم السيف]

هههههه،، وليش ماتكلمت يامحلل ذكي قبل نهايه الجلسه ،،هذي مشاركات لاتسمن ولا تغني من جوع ،، مثل اللي ولا مافي داعي

مادري عن اي جلسه تتكلم ،، لايكون قصدك سوق الحراج ،، الي يتم يحذر لانه مكيش طول الجلسه وعقب مايشتري يغير رايه والآراء يتم طرحها بحسب مافي المحفظه،، اتطمن ماني من هذا النوع
انا توقعت امس ان السوق بيكون اغلاقه ايجابي وهذا ماحدث ولولا هبوط الوطني والدولي وتاثير وزنه على مؤشر السوق كان الارتفاع لايقل عن 100 نقطه ولاتنسى ان التقليص من 100 احمر الى 23 اخضر يعتبر ايجابي والمحافظ بشكل عام سلوكها معروف قبل الاجازات الطويله
عموما انت مش ملزوم تاخذ برايي وانا دوم اذكر انها وجهة نظر خاصه
تعجبك ماتعجبك مشكلتك مب مشكلتي
البرنت والداو والاسواق مولعه وانت من كلامك واضح انك كاش.،، امممم نتابع بعد العيد وانصحك لاتشتري الا لما تشوف الريان نص ريال وصناعات ريالين ،، هذي توصيه لك خاصه ،، احلام سعيده
الله يعينك ع نفسك

[داااايم السيف]

اسواق العالم ارتفاعات ممتازه،
قفزه كبيره لسعر الغاز 13%
قفزه كبيره لسعر برنت 5%
سعر الالمنيوم بوادر ارتفاع ب 1.6%

انتظروا اجازات اسواق الخليج عشان تصير هالارتفاعات؟ crazy

الله يسامحك ياخوي نمر بن عدوان
الحين هذا الكلام يزعل الكثير ،، المفروض تقول لاحد يدخل لان السوق بينهار وبروه والريان والدولي والمصرف بتشوفونها تحت ريال
الاجازه طويله لاتخلي بعض الناس يشوفون كوابيس

موفق ياخوي

[roma27]

الله يسامحك ياخوي نمر بن عدوان
الحين هذا الكلام يزعل الكثير ،، المفروض تقول لاحد يدخل لان السوق بينهار وبروه والريان والدولي والمصرف بتشوفونها تحت ريال
الاجازه طويله لاتخلي بعض الناس يشوفون كوابيس

موفق ياخوي

ولا الي يقول اطلعوا من السوق انا ناصح امين لكم طيب ليش ماقلت لما كان السوق مرتفع قبل رمضان الحين تقولون اطلعوا من السوق

[داااايم السيف]

ولا الي يقول اطلعوا من السوق انا ناصح امين لكم طيب ليش ماقلت لما كان السوق مرتفع قبل رمضان الحين تقولون اطلعوا من السوق

الي احسن منه يتم طول الجلسه يحذر من السوق والاسواق العالميه تنهار وياويلكم وماتمر دقايق الا تحصله نفسه يقول عينكم على السهم الفلاني شكله بيسويها ههههههههههههه
والله ياخوي لما توصلني اعلومهم اتم اضحك واضحك واقول الله يهديهم
للاسف المصداقيه والامانه في الطرح فقدناه من زمان اخوي روما الا القليل القليل القليل والله المستعان

[ahmed saleh]

ولا الي يقول اطلعوا من السوق انا ناصح امين لكم طيب ليش ماقلت لما كان السوق مرتفع قبل رمضان الحين تقولون اطلعوا من السوق

السوق خروج يا طيب للمضارب من كسر12400 ودا انا قايله ومنبه منه
ومنبه ايضا من منطقة الارتداد وارتد قريب منها المؤشر ووصيت علي مزايا والطبيه وكل سهم عمل اقل حاجه 10%
دا اولا
ثانيا نيجي للاسهم الي حددت اماكن وقف خساره ليهم
1- الريان من 4.8
2- الاجاره من 0.870
3- اعمال من 1.080
4- المستثمرين 2.230
5- التكافلي الوقف من كسر 3.7 ثم تاكيد من كسر 5.3
والمشاركات موجوده بالارقام يقدر اي حد يرجعلها
قارن بين ارقام وقف الخساره والارقام الي وصلت ليها الاسهم دي بعديها
ورجعت بعد الارتداد نبهنت انه ايضا المضاربين يخرجو من 12400
لكن انا عازرك التعليقه وحشه

[roma27]

السوق خروج يا طيب للمضارب من كسر12400 ودا انا قايله ومنبه منه
ومنبه ايضا من منطقة الارتداد وارتد قريب منها المؤشر ووصيت علي مزايا والطبيه وكل سهم عمل اقل حاجه 10%
دا اولا
ثانيا نيجي للاسهم الي حددت اماكن وقف خساره ليهم
1- الريان من 4.8
2- الاجاره من 0.870
3- اعمال من 1.080
4- المستثمرين 2.230
قارن بين ارقام وقف الخساره والارقام الي وصلت ليها الاسهم دي بعديها
ورجعت بعد الارتداد نبهنت انه ايضا المضاربين يخرجو من 12400
لكن انا عازرك التعليقه وحشه

لا والله ما اقصدك انت من كم اسبوع كنت كاتب السوق دخول الي ما خرج قبل لا يخرج الان وانا اصلا اضارب في كل يومين واغلب اسهمي في الدوليه والاسمنت ومبلغ للمضاربه فقط

[ahmed saleh]

لا والله ما اقصدك انت من كم اسبوع كنت كاتب السوق دخول الي ما خرج قبل لا يخرج الان وانا اصلا اضارب في كل يومين واغلب اسهمي في الدوليه والاسمنت ومبلغ للمضاربه فقط

بتأسفلك لسوء الظن
لكن اختلط عليا الامر لاني قولت نفس الجمله دي في مشاركه ليا ( ناصح امين )

[بوجبر]

ألف الف مبروك عليكم ارتفااااع الأسواق الامريكيه
المطلوب من سوقنا ع الأقل أرتفاع معتبر ولا يقل عن 200 نقطة


23 نقطة لا قبول

[roma27]

بتأسفلك لسوء الظن
لكن اختلط عليا الامر لاني قولت نفس الجمله دي في مشاركه ليا ( ناصح امين )

لا تتاسف اخي يحدث هذا كثير وتحدث اخطاء الله يتقبل منك ومنا كافه الاعمال ويستحيب لدعاءنا وكل عام وانتم بخير وصحة

[معماري قطري]

أرائك سليمه وجلستك خضراااء :pic:

نعم إخوي أحمد فزنا على بو جبر

بس صراحة ارتفاع كئيب .. كنا متأملين من الشغل اللي سووه في البورصة والدعاية والكلام الزايد إن سوقنا يكون على الأقل هذي السنة بين 15000 و 16000 بس اللي صار بيع من العدو الصديق محافظنا وكأنها في عداء كبير معانا

أفرادنا اليوم شراء قريب ال 16 مليون واللي شرى اليوم أتوقع يفرح الاسبوع القادم لو هدت البيع محافظنا .. بيع محافظنا قريب ال 15 مليون ريال

الخليجيين الأفراد بيع قريب 1 مليون والمؤسسات شراء بين 17 و 18 مليون

العرب الأفراد بيع تحت المليون والمحافظ شراء تحت المليون بشوي

الأجانب الافراد شراء حول المليون والمحافظ بيع حول 16 مليون

الشراء أكثر من محافظ الخليج وأفرادنا

[معماري قطري]

ألف الف مبروك عليكم ارتفااااع الأسواق الامريكيه
المطلوب من سوقنا ع الأقل أرتفاع معتبر ولا يقل عن 200 نقطة


23 نقطة لا قبول

معاك حق ذيك أسواق تستاهل حتى اوروبا ارتفاعات تفرح وعندهم مشاكل كثيرة

[معماري قطري]

بس المهم بو جبر فزنا عليك حتى لو ب 24 نقطة المهم خضراء

[مضارب دوسري]

الواحد هالايام يدش موضوع مني مناك يحصل له هوووشه omen

اذكروا الله في النهايه مافي شي يستدعي هذا التوتر والهواش :looking:

السستم لين يوم الثلاثا

المؤثرات الخارجيه خضراااء

المتفائل :thumbup:
المتشائم crazy

المؤثرات الخارجيه حمراء
المتفائل :no:
المتشائم :pic:

[مضارب دوسري]

اليوم
المتفائلين 1
المتشائمين 0

اهم شي ليلة العيد تكون مع المتفائلين عشان العيديات تنمو 50%

حتى اليهال صاروا متابعين للداو والنفط ويقيم على اثرها كم ممكن يجمع

[معماري قطري]

الواحد هالايام يدش موضوع مني مناك يحصل له هوووشه omen

اذكروا الله في النهايه مافي شي يستدعي هذا التوتر والهواش :looking:

السستم لين يوم الثلاثا

المؤثرات الخارجيه خضراااء

المتفائل :thumbup:
المتشائم crazy

المؤثرات الخارجيه حمراء
المتفائل :no:
المتشائم :pic:

الله ليجيب الهوشات هذي مشاكسات حلوة مع رفيجنا بو جبر وباقي الربع

[داااايم السيف]

الواحد هالايام يدش موضوع مني مناك يحصل له هوووشه omen

اذكروا الله في النهايه مافي شي يستدعي هذا التوتر والهواش :looking:

السستم لين يوم الثلاثا

المؤثرات الخارجيه خضراااء

المتفائل :thumbup:
المتشائم crazy

المؤثرات الخارجيه حمراء
المتفائل :no:
المتشائم :pic:

الله لايجيب الزعل اخوي بومحمد
بس مستغرب من الي دوم يدخلون معاي في الخط مع اني ماكلمتهم
حطيت رايي بشكل حيادي ويزعلون ،، ليش مادري
كل واحد يحط رايه والافضل انه يكون مبني على اسس منطقية
الشي الملفت للنظر الي دوم مايعجبهم رايي ويهاجمون بشكل مباشر تاريخ عضويتهم 2005 واصحاب مشاركات قليله ويغارون على بوجبر مع انه صديقي العزيز
اتمنى تكون فهمت قصدي ،، اخبر شركة هيد اند شولدرز لديهم منتج شامبو 2 في 1 مب ثلاثه في واحد
اتمنى تكون وصلت رسالتي للاداره الموقره صاحبة هذا البيت الشامخ الي له فضل علينا جميعا واستفدنا منه الكثير
عساك من عواده وجميع الاخيار امثالك اخوي مضارب

[نمر بن عدوان]

الله يسامحك ياخوي نمر بن عدوان
الحين هذا الكلام يزعل الكثير ،، المفروض تقول لاحد يدخل لان السوق بينهار وبروه والريان والدولي والمصرف بتشوفونها تحت ريال
الاجازه طويله لاتخلي بعض الناس يشوفون كوابيس

موفق ياخوي

الله يرزق الجميع،
لهم وجهات نظرهم ولنا وجهات نظرنا،
انا اشوفه ايجابي لان الغاز والبترول عند اسعار اكثر من ممتازه حتى لو نزلت لل 80$،
وهم يشوفونه سلبي خوفا من موضوع رفع الفائده والركود الاقتصادي الي امريكا شغاله فيه
يوم ترفع فيه الاسواق ويوم تهوي فيها للقاع لمجرد تصريحات اذا راح يكون في ركود او لا،
بالنهايه كل واحد حر بالي عنده وكل واحد لازم يتقبل رأي الآخر،

ان شاء الله تستمر اسعار البترول والغاز في هالمستويات والايجابيه تبقى لحين انتهاء الاجازة وبعدها،
والي صار اليوم بيع من المحافظ الاجنبيه اعتقد عشان إجازة العيد ولا هم اكثر من رفع ومسك سوقنا،
باذن الله رجوع السيوله والارتفاعات بعد اجازة العيد وقبل اعلانات الربع الثاني،

وبالتوفيق لنا ولكم.

[نمر بن عدوان]

الله ليجيب الهوشات هذي مشاكسات حلوة مع رفيجنا بو جبر وباقي الربع

عاد اكيد الدوسري مايقصدك مشاكساتك حلوه وماتسبب مشاكل :whistling:

[Femtosecond]

متى اول يوم تداول؟

[نمر بن عدوان]

متى اول يوم تداول؟

الاربعاء

[معماري قطري]

عاد اكيد الدوسري مايقصدك مشاكساتك حلوه وماتسبب مشاكل :whistling:

مساك الله بالخير

وكثيرين يا اخوي يسولفون ويفضفضون ويذكرون البعض بتوصياتهم السابقة .. المشكلة اللي يوصي ويجزم بأن السهم رايح لرقم كذا وكذا والمشكلة الأكبر من يصدقه وأستثني المحللين لأنهم يوضحون إتجاهين وحسب شروط تحليلية وبشارت واضح

واللي عنده خبر ومتأكد منه هذا غير واللي سامع اشاعة وشيء عن سهم ويقول مصادر نص ونص مثل سالفة الريان والتحقيقات اللي سمعتها عن فقدان مبلغ كبير من التجاري ذكرت إنها من مصدر مطلع لكن ما اوثق في صحة الخبر ويا ليتني وثقت كنت بعت فوق ال 6 ريال قبل الهبوط الحاد التدريجي اللي صار

[معماري قطري]

الاسواق اليوم نص ونص هبوط خفيف وارتفاع خفيف الا الداكس مرتفع زين .. والنفط فوق 106 دولارات ويقترب من 107 دولار وان شاء الله يغلق فوقها .. الداو شوي أحمر بس أتوقع يرتفع خلال الجلسة ويغلق أخضر

[ابومبارك]

بيجيكم يوم بتتذكرون هذي الاسعار بتقولون يالله وين كانت الاسعار نازله ذيك الايام
نفس ماحصل بداية 2020 وين كانت تحت وين ارتفعت ارتفاع غير طبيعي
امثال استثمار والطبيه وقامكو واعمال وغيرها
الله يجيب الخير للجميع

[مضارب دوسري]

الله ليجيب الهوشات هذي مشاكسات حلوة مع رفيجنا بو جبر وباقي الربع

انت وبوجبر مشاكساتكم من اجمل ما يكون في القسم

انا اقصد هوشات في قسم التحليل الفني وهنا بين بعض الاخوان

[مضارب دوسري]

الله لايجيب الزعل اخوي بومحمد
بس مستغرب من الي دوم يدخلون معاي في الخط مع اني ماكلمتهم
حطيت رايي بشكل حيادي ويزعلون ،، ليش مادري
كل واحد يحط رايه والافضل انه يكون مبني على اسس منطقية
الشي الملفت للنظر الي دوم مايعجبهم رايي ويهاجمون بشكل مباشر تاريخ عضويتهم 2005 واصحاب مشاركات قليله ويغارون على بوجبر مع انه صديقي العزيز
اتمنى تكون فهمت قصدي ،، اخبر شركة هيد اند شولدرز لديهم منتج شامبو 2 في 1 مب ثلاثه في واحد
اتمنى تكون وصلت رسالتي للاداره الموقره صاحبة هذا البيت الشامخ الي له فضل علينا جميعا واستفدنا منه الكثير
عساك من عواده وجميع الاخيار امثالك اخوي مضارب

كل عام وانت بخير يالحبيب

معليه تصير في مثل هالاوقات والنفسيات متقلبه يوم مبسوطين ويوم زعلانين فهالشي يسبب حساسيات خصوصا في التوقعات بين الاعضاء
هذا متفائل وله اسباب واقعيه
والاخر متشائم وايضا لديه اسباب واقعيه

والسوق مثل الموج ما يقدر الواحد يحكم عليه خصوصا هالفتره مع التقلبات واسعار الفايده والتضخم والخوف من الركود التضخمي (اللي اساسه يكون تبقى اسعار السلع على ما هي عليه مرتفعه ولا تنخفض في مقابل انه الطلب عليها ينخفض)
الركود الاقتصادي الطبيعي مطلوب للسيطره على التضخم ولكن الركود التضخمي هذا يسبب خوووف وهلع


في النهايه هي آراء واحنا في ايام فضيله
وعسى الله يعودنا عليها جميعا بالصحه والعافيه

[مضارب دوسري]

عاد اكيد الدوسري مايقصدك مشاكساتك حلوه وماتسبب مشاكل :whistling:

اي والله يالحبيب
منووور لو ندري ان الهبوطات بتجيبك كان تشاؤمنا من زمان ههههههه

كل عام وانت بخير يالغالي

[مضارب دوسري]

الاسواق اليوم نص ونص هبوط خفيف وارتفاع خفيف الا الداكس مرتفع زين .. والنفط فوق 106 دولارات ويقترب من 107 دولار وان شاء الله يغلق فوقها .. الداو شوي أحمر بس أتوقع يرتفع خلال الجلسة ويغلق أخضر

هذا الله يسلمك اليهال قاعدين يشترون براميل نفط عشان تنمو توقعات العيديه ههه

اهم شي وين بتوزع العيادي يا بوعبدالله

صوب الخباز اللي يبيع الخبزه بريال خبزته تخليك 3 ايام شبعان هههه ولا وين الموقع

[نمر بن عدوان]

مساك الله بالخير

وكثيرين يا اخوي يسولفون ويفضفضون ويذكرون البعض بتوصياتهم السابقة .. المشكلة اللي يوصي ويجزم بأن السهم رايح لرقم كذا وكذا والمشكلة الأكبر من يصدقه وأستثني المحللين لأنهم يوضحون إتجاهين وحسب شروط تحليلية وبشارت واضح

واللي عنده خبر ومتأكد منه هذا غير واللي سامع اشاعة وشيء عن سهم ويقول مصادر نص ونص مثل سالفة الريان والتحقيقات اللي سمعتها عن فقدان مبلغ كبير من التجاري ذكرت إنها من مصدر مطلع لكن ما اوثق في صحة الخبر ويا ليتني وثقت كنت بعت فوق ال 6 ريال قبل الهبوط الحاد التدريجي اللي صار

صادق ياما اشاعات كانت حقيقيه وياما اشاعات كانت تعليقه،
مثل الاشاعات الي طلعت عن استثمار قبل الطيران وتداولها البعض ماصدقتها،
بعد 4 شهور السهم قال لي صدّقت الاشاعات؟ crazy
ان شاء الله الفرص جايه و الله يعوضك بالريان وبغيره

وعيدك مبارك وكل عام وانت بخير

[نمر بن عدوان]

اي والله يالحبيب
منووور لو ندري ان الهبوطات بتجيبك كان تشاؤمنا من زمان ههههههه

كل عام وانت بخير يالغالي

ذكرتني بتعليق اخوي عتيق من شهرين يقول لي ننزل لك السوق دامنا بنشوفك
صارت سمعتي اني بس تطلع وقت الهبوط؟ ههههههههههههههه
متواجد انا حولكم وحواليكم اقرأ بصمت :rolleyes:

وانت بخير وصحه وسلامه يالغالي وعساك من عواده

[نمر بن عدوان]

الاسواق اليوم نص ونص هبوط خفيف وارتفاع خفيف الا الداكس مرتفع زين .. والنفط فوق 106 دولارات ويقترب من 107 دولار وان شاء الله يغلق فوقها .. الداو شوي أحمر بس أتوقع يرتفع خلال الجلسة ويغلق أخضر

ماشاء الله يابوعبدالله للحين توقعاتك صح وبأذن الله يغلق الداو اخضر
ويكمل يوم الاثنين والثلاثاء او يستقر على الاقل.
وبخصوص برنت عاد انا كنت طمعان انه يغلق 110$ لكن 107$ ممتازه.

[المدمر]

نسبةً التفاول عندي إرتفعت من 50% الى 55

خلينا 15 % في الاسهم الصغيرة

وباقي كاش

ان شاء الله تتعدل الاحوال

[معماري قطري]

هذا الله يسلمك اليهال قاعدين يشترون براميل نفط عشان تنمو توقعات العيديه ههه

اهم شي وين بتوزع العيادي يا بوعبدالله

صوب الخباز اللي يبيع الخبزه بريال خبزته تخليك 3 ايام شبعان هههه ولا وين الموقع

إنهدم ذاك وفتحوا ثاني قريب منه ما ادل وين بالضبط بس مشي يروح عامل المجلس يجيب منه يسوي الخبز خفيف وقليل ملح وسكر قبل يترسونه ملح

[معماري قطري]

ماشاء الله يابوعبدالله للحين توقعاتك صح وبأذن الله يغلق الداو اخضر
ويكمل يوم الاثنين والثلاثاء او يستقر على الاقل.
وبخصوص برنت عاد انا كنت طمعان انه يغلق 110$ لكن 107$ ممتازه.

ممكن يتغير الوضع في لحظات يا أحمر يا أخضر حتى بالنسبة للسوق الأمريكي .. عادي ما يهم اليوم عندنا الأثنين والثلاثاء هم الأهم حتى يتشجع التعيس والأهم محافظنا توقف بيع

عيدكم مبارك مقدماً ولو إنه ما يجوز الا بعد صلاة العيد

[معماري قطري]

صادق ياما اشاعات كانت حقيقيه وياما اشاعات كانت تعليقه،
مثل الاشاعات الي طلعت عن استثمار قبل الطيران وتداولها البعض ماصدقتها،
بعد 4 شهور السهم قال لي صدّقت الاشاعات؟ crazy
ان شاء الله الفرص جايه و الله يعوضك بالريان وبغيره

وعيدك مبارك وكل عام وانت بخير

عساك من العايدين والفايزين .. صحيح نسيت استثمار والحمد لله ربحت فيها وايد لكن كان ممكن تكون 3 تدبيلات وأكثر .. وين 3 كان سعري نص ريال شكلها أكثر وبعت أظن بأقل من الريال

[نمر بن عدوان]

عساك من العايدين والفايزين .. صحيح نسيت استثمار والحمد لله ربحت فيها وايد لكن كان ممكن تكون 3 تدبيلات وأكثر .. وين 3 كان سعري نص ريال شكلها أكثر وبعت أظن بأقل من الريال

اغلاقات اليوم زينه واحسن من ارتفاع قوي وبعدها هبوط قبل افتتاح سوقنا
ننتظر اهم شي الاسبوع الجاي الاوضاع تكون زينه عشان الاربعاء نستمتع
وتكمل لين قبل الاعلانات النصفيه،

ماشاء الله من سعرك كان فيها 450% هذي حتى فالاحلام الواحد مايتخيلها،
بس رزق ومقسوم وان شاء الله الخير جاي،
بالتوفيق لنا ولك يارب

[الصفقة]

كل عام وانتم بخير
السوق بعد العيد بينفصل جزئيا عن الأسواق الخارجية
المؤثر الرئيسي على السوق هو الإعلانات وتوقيت الإعلانات
بنشوف تحركات في الأسهم المتوقع لها نمو جيد
وتبديل مراكز بين الأسهم ومضاربات وفرص كثيرة للربح
التمركز الصحيح في الأسهم ذات النمو
من الممكن تحقيق ارباح جيدة في الأسابيع القادمة

[BO.ABDULLA]

*" عيدكم مبارك "*
*وعساكم من عواده*

*،، وكل عـام وأنتـم بخــير ،،*

[رمــــــاح]

كل عام وانتم بخير

[معماري قطري]

كل عام والجميع بخير والله ييسر أموركم

في القمم الكل متفائل ووايد يلمحون لأرقام أعلى والأخبار الايجابية من كل صوب حتى محللين تلفزيون قطر يتكلمون عن الإقتصاد القطري وكأنه بياكل أسواق العالم

وفي القيعان العكس التشاؤم كبير والكل ينشر خبر سلبي حتى انهيار عالمي للأسواق وأزمة عالمية وهذا الحاصل الآن

[ابومبارك]

كل عام وانتوا بخير

في عز ضرب بوتن لـ اوكرانيا اسهمنا كانت فوق فوق بدرجه كبيره وارتفاعات سريعه
يعني اذا يبون يرفعونها ارفعوها لكن اشبعوا حاليا . مع الربع الثالث ومع الشركات ذات الارباح
بتشوفون ارقام غير عن هذي الارقام
بيبدون يجمعون اسهم ويرفعون .
الكل يتمسك بـ اسهمه كذا كذا الاسهم لابد انها تطلع فوق
ومرت علينا نفس هذي الظروف من قبل وعدت .
تحياتي للجميع وعساكم من عواده

[alkaldi]

كل عام وانتم بخير
الامور ان شاء الله طيبه ربنا يكتب الخير بعد العيد
ويكون العيد مب عيدين ثلاث اعياد
فرحة العيد وارتفاع الاسهم وفرحة كاس العالم ان شاء الله
وربي يرزق الجميع ان شاء الله

[المدمر]

*" عيدكم مبارك "*
*وعساكم من عواده*

*،، وكل عـام وأنتـم بخــير ،،*



يوم غدا بداية التداول في الاسواق المالية العالمية

اسياء

أوروبا

امريكاء

واسواق النفط العالمية و السلع

لنا تعليق صباحا ان شاء الله

[معماري قطري]

كل عام وانتوا بخير

في عز ضرب بوتن لـ اوكرانيا اسهمنا كانت فوق فوق بدرجه كبيره وارتفاعات سريعه
يعني اذا يبون يرفعونها ارفعوها لكن اشبعوا حاليا . مع الربع الثالث ومع الشركات ذات الارباح
بتشوفون ارقام غير عن هذي الارقام
بيبدون يجمعون اسهم ويرفعون .
الكل يتمسك بـ اسهمه كذا كذا الاسهم لابد انها تطلع فوق
ومرت علينا نفس هذي الظروف من قبل وعدت .
تحياتي للجميع وعساكم من عواده

عساك من العايدين الفايزين

هذا سوقنا لو يبون يرفعونه شروا ولو يبون ينزلونه باعوا بيع جائر وبدون سبب .. شغلة مزاجية وأوقات تعرف لين سمعت عن صفقات ضخمة برا وهذي تكون بعد البيع هنا

[معماري قطري]

كل عام وانتوا بخير

في عز ضرب بوتن لـ اوكرانيا اسهمنا كانت فوق فوق بدرجه كبيره وارتفاعات سريعه
يعني اذا يبون يرفعونها ارفعوها لكن اشبعوا حاليا . مع الربع الثالث ومع الشركات ذات الارباح
بتشوفون ارقام غير عن هذي الارقام
بيبدون يجمعون اسهم ويرفعون .
الكل يتمسك بـ اسهمه كذا كذا الاسهم لابد انها تطلع فوق
ومرت علينا نفس هذي الظروف من قبل وعدت .
تحياتي للجميع وعساكم من عواده


كل عام وانتم بخير
الامور ان شاء الله طيبه ربنا يكتب الخير بعد العيد
ويكون العيد مب عيدين ثلاث اعياد
فرحة العيد وارتفاع الاسهم وفرحة كاس العالم ان شاء الله
وربي يرزق الجميع ان شاء الله

وإنتوا بخير إخواني

والله يجيب الخير نتمنى 13000 وفوق لكن يعتمد على المحافظ يشترون والا يبيعون

[المدمر]

مرحبا صباح الخير


العالم من حولنا

انخفاض في الاسواق الصنية

اهم الاسباب صدور مؤشر الصادرات اليوم


ارتفاع في اليابان

انخفاض في اسواق النفط

بسيط


قوة الدولار امام أغلب العملات اليوم


انخفاض في العقود الاجلة للاسواق الامريكية ( بسيط )


لنا مشاركة في المساء

[معماري قطري]

مرحبا صباح الخير


العالم من حولنا

انخفاض في الاسواق الصنية

اهم الاسباب صدور مؤشر الصادرات اليوم


ارتفاع في اليابان

انخفاض في اسواق النفط

بسيط


قوة الدولار امام أغلب العملات اليوم


انخفاض في العقود الاجلة للاسواق الامريكية ( بسيط )


لنا مشاركة في المساء

جزاك الله خير وعيدك مبارك

[مسافر1]

عندما هبط النفط تحت الثلاثين دولار كانت الأسواق الأمريكية
تحقق أرقام قياسية واسواقنا تتمنا لو يرتفع للخمسين دولار
واليوم أسعار النفط فوق 100دولار
والغاز قفز بشكل كبير
المرجفين يقلك الأسواق الأمريكية
والركود يا أخي الآن خل السوق يواكب اسعار أهم مصدر
للاقتصاد القطري والخليجي

[مسافر1]

وغير ذالك اسعار النفط فوق 100دولار
وسعر الدولار مرتفع عن باقي العملات

[بوجبر]

كلشي نازل

لكن الهبوط الابرز اليووورو

[بوجبر]

الله يعوض على المستثمرين في أوروبا

[ابومبارك]

خل المستشمرين يجون قطر الخير وايد ههههههههههه

[المدمر]

مرحبا صباح الخير


العالم من حولنا

انخفاض في الاسواق الصنية

اهم الاسباب صدور مؤشر الصادرات اليوم


ارتفاع في اليابان





انخفاض في اسواق النفط

بسيط


قوة الدولار امام أغلب العملات اليوم




انخفاض في العقود الاجلة للاسواق الامريكية ( بسيط )


لنا مشاركة في المساء


مساء الخير


خلال اجازات سوقنا الحبيب

تم اغتيال رئيس اليابان السابق

كذلك حصل فوضى كبيرة في سريلانكا

استمرار الصراع الروسي

صراع التكتلات الاقتصادية يزداد شراسة

قرب زيارة فخامة الرئيس الامريكي لشرق الاوسط

هل الاحداث المذكورة لها تاثير علينا



نعم ولكن محدود

الاسواق اليوم

هدوء في امريكاء

تباين في الاسواق الاوروبية

انخفاض في الاسواق الصنية


المتوقع الان لسوقنا الحبيب

بشكل عام وفي الاسهم الثقيلة

تكون جس نبض


لنا يوم غدا اعادة تقيم

[alkaldi]

يمكن والله اعلم بكره السوق حذر بعد اجازة العيد يمكن الناس مفلسه
او ان بيبان اكثر من بداية الاسبوع الجاي والله اعلم
انا بس توقع ماعندي خبره في السوق
البركه في خبراء المنتدى الله يعطيهم العافيه ويعطي الجميع
وربي يرزق الجميع

[بوجبر]

الحدث الابرز

اليووورو =1 دولار

[معماري قطري]

الله يعوض على المستثمرين في أوروبا

المستثمرين في اوروبا عندهم أصول موجودة لكن اللي بيبيع بخسارة هذا قراره .. مثلاً الدولة ألحين تشتري هناك ما تبيع لو الخسارة السوقية توصل مليارات .. مثلاً في ظنك يبيعون حصتهم في شارد أو حتى جزء من حصتهم

هذا الفرق بين شغل مؤسسي واستثمار حقيقي واستثمار بعضنا من ينزل السوق باع وطلع وتحققت خسارته وينطر المؤشر يطلع حد معين بعدين يطب فيه وممكن ينزل مرة ثانية

أما اللي شاري له 100000 يورو مثلاً وناوي يبيع في الصيف فهو الآن خسران لو باع لكن ينتظر ممكن يسترد سعره .. الحكومات والبنوك عندها سلة عملات ومستحيل تبيع بخسارة بس لأن فيه واحد يبي يشتري

[معماري قطري]

الحدث الابرز

اليووورو =1 دولار

يعادله التضخم لو رحت هناك وحبيت تاخذ يورو كاش من البنك ما بيبيعونك اياه بدولار بيكون وايد أغلى ولو رحت هناك اللي كان بيورو يمكن وصل 1.5 يورو .. صج اللي هناك بيعانون تضخم ونزول قيمة عملتهم .. يعني نفترض التضخم 30% مثل ما يقولون في بعض المواد ونزول العملة معناها حتى تشتري السلعة اللي تضخمت بتدفع أكثر من نسبة التضخم بس بتدفع نسبة نزول العملة

يصورونها كارثة تنزل الأسهم لحدود معينة يطلع البطل يضخ كم مليار يخم أسهم السوق اللي باعها هو فوق ال 12000 ويبيع بعدين ممكن لين وصل السوق ل 15000 مرة الثانية والسوق مرشح لهذا الرقم بس البطل يتحرك

طبعاً البطل بايع ما قيمته 15 مليون من أسهم يوم الخميس وخو استمرار لمسلسل البيع اللي له حول 3 شهور مب فترة قصيرة .. والمحافظ الخليجية شارية ب 17 مليون

أفرادنا شراء بحدود 16 مليون .. نشوف البطل شيسوي الأربعاء وأتوقع يستمر شراء الأفراد والمحافظ الخليجية وممكن نشوف شراء أو عودة شراء للأجنبية لأنها كله مع الشراء الا الخميس وبعض الأيام تبيع

[بوجبر]

لله الحمد جميع استثماري العقاري في بلادي

الله يعين اللي شدة الجشع وشرا في اروبا تركيا،،،الخ

[بوجبر]

نصيحة اخوية لصغار المستثمرين


الابتعاد عن البورصة هو الأفضل


اللي يشوف بإن المحافظ تشتري والسوق راح يطلع يطنش لكلامي

[داااايم السيف]

نصيحة اخوية لصغار المستثمرين


الابتعاد عن البورصة هو الأفضل


اللي يشوف بإن المحافظ تشتري والسوق راح يطلع يطنش لكلامي

توصيه في محلها يابوجبر
لكن ممكن تقولنا متى تنتهي صلاحية هذه التوصيه
لاتقولي انها صالحه على طول ،، ضروري يكون لها تاريخ صلاحية
الا اذا تبينا نشتري السهم الي راح تشتريه في محفظتك وبكذا تنتهي توصية الابتعاد عن البورصه
عموما بنتابع مشاركاتك لما توصي اي سهم شريته عشان نشتري معاك
الشي الغريب ياخوي الي يبعد عن البورصه خلاص يغير نشاطه ولا عاد نشوف له حس وهذا المتعارف عليه
فيه اعضاء كان لهم مشاركات وتواجد وانقطعوا ولما سالتهم يقولون لي احنا طلعنا من البورصه من فتره طويله فما لنا حاجه انتابع ونشارك
عموما بانتظار اشارة الدخول والي راح تكون شرارتها توصيتك على احد الاسهم الي راح تشتريه
انت ونعم فيك اكثر شخص يحب ينصح الناس ومايبيهم يخسرون ،، كفو بوجبر كفو
عساك من عواده يالحبيب

[بوجبر]

توصيه في محلها يابوجبر
لكن ممكن تقولنا متى تنتهي صلاحية هذه التوصيه
لاتقولي انها صالحه على طول ،، ضروري يكون لها تاريخ صلاحية
الا اذا تبينا نشتري السهم الي راح تشتريه في محفظتك وبكذا تنتهي توصية الابتعاد عن البورصه
عموما بنتابع مشاركاتك لما توصي اي سهم شريته عشان نشتري معاك
الشي الغريب ياخوي الي يبعد عن البورصه خلاص يغير نشاطه ولا عاد نشوف له حس وهذا المتعارف عليه
فيه اعضاء كان لهم مشاركات وتواجد وانقطعوا ولما سالتهم يقولون لي احنا طلعنا من البورصه من فتره طويله فما لنا حاجه انتابع ونشارك
عموما بانتظار اشارة الدخول والي راح تكون شرارتها توصيتك على احد الاسهم الي راح تشتريه
انت ونعم فيك اكثر شخص يحب ينصح الناس ومايبيهم يخسرون ،، كفو بوجبر كفو
عساك من عواده يالحبيب


هلا وغلا

الكل مسؤول عن قرارة


كل المساءلة ومافيها بإن الأسعار حاليا مرتفعة مقارنةً بعائد الاسهم،،،


اللي غير مقتنع بكلامي السوق قدامة!!!

عصفور في اليد ولا الف فوق الشجرة

[بوجبر]

ع فكرة الدخول الامن لي وقت توزيعات الأرباح

[داااايم السيف]

هلا وغلا

الكل مسؤول عن قرارة


كل المساءلة ومافيها بإن الأسعار حاليا مرتفعة مقارنةً بعائد الاسهم،،،


اللي غير مقتنع بكلامي السوق قدامة!!!

عصفور في اليد ولا الف فوق الشجرة

اوافقك الراي في بعض الاسهم والحقيقه سبق وقلت لو اشوفها بنص اسعارها الحاليه ماشريتها
بسبب تضخمها وهذا ملموس في مكرر ارباحها
والعكس صحيح في البعض الآخر
بعض الاسهم فرصه والبعض الاخر فخ
لذلك المنطق في التوصيه والتحذير مطلوب ياخوي العزيز

[بوجبر]

اوافقك الراي في بعض الاسهم والحقيقه سبق وقلت لو اشوفها بنص اسعارها الحاليه ماشريتها
بسبب تضخمها وهذا ملموس في مكرر ارباحها
والعكس صحيح في البعض الآخر
بعض الاسهم فرصه والبعض الاخر فخ
لذلك المنطق في التوصيه والتحذير مطلوب ياخوي العزيز

بس أغلب الأسهم الرخيصة لاتوزع ارباح والأسهم اللي دون القيمة الاسمية اما خسرانة او الارباح لا تسمح بتوزيع محترم

الشراء عندي موءجل الى شهر فبراير من عام 2023 ان شاء الله

[المدمر]

مساء الخير


خلال اجازات سوقنا الحبيب

تم اغتيال رئيس اليابان السابق

كذلك حصل فوضى كبيرة في سريلانكا

استمرار الصراع الروسي

صراع التكتلات الاقتصادية يزداد شراسة

قرب زيارة فخامة الرئيس الامريكي لشرق الاوسط

هل الاحداث المذكورة لها تاثير علينا



نعم ولكن محدود

الاسواق اليوم

هدوء في امريكاء

تباين في الاسواق الاوروبية

انخفاض في الاسواق الصنية


المتوقع الان لسوقنا الحبيب

بشكل عام وفي الاسهم الثقيلة

تكون جس نبض


لنا يوم غدا اعادة تقيم

صباح الخير

يستأنف الدوام الرسمي يوم الأربعاء

هل الاوضاع في الاسواق الدولية أثناء
إجازة العيد كانت جيدة

لا

هل كانت سلبية نعم ولكن مش بشكل كبير

اسواق الامارات تعمل اليوم وقد نرى انطباع المتداول الاقليمي
والمحلي
بعد اجازة العيد

اليوم تصدر بعض المؤشرات الاقتصادية في أوروبا
وقد نرى تحرك سلبية ام ايجابي على اليورو و الاسهم الاوروبية
على حسب الارقام التي ستصدر

في ألمانيا
مؤشر المعنويات الاقتصادية
مهم جدا

وفي امريكاء يصدر مؤشر يخص الطاقة
والبترول


بخصوص الاسواق الاسيوية فيها أنخفاض هذا الصباح

نحتاج اعادة تقيم هذا المساء

[معماري قطري]

هلا وغلا

الكل مسؤول عن قرارة


كل المساءلة ومافيها بإن الأسعار حاليا مرتفعة مقارنةً بعائد الاسهم،،،


اللي غير مقتنع بكلامي السوق قدامة!!!

عصفور في اليد ولا الف فوق الشجرة

عندك صناعات محققة نمو وبيكون أكبر هذا الربع ان شاء الله والعام موزعين ريال على سعر ألحين وايد مناسب 1/ 15 يعطيك 6.66% والسهم عادي يوصل 20 واللي بيشتريه ب 15 أو تحت ويبيعه قبل التوزيع ممكن يحصل 25% وخل نقول ريالين أقل شيء شدعوى مب مرتفع لل 17 وبيكون عطى حول 13% من سعر 15

الريان ما ندري شعلته بس مرده بتعدى الخمسة وحتى الستة .. السوق فرصة للي يبي يعدل واللي يبي يجمع واللي يبي يدخل جديد .. الكل قام بنفس الوقت يخوف من العقار بسبب التصور اللي سووه للناس إن بعد كاس العالم بيقل السكان وبتقل الحاجة للعقار والمعروض بيكون وايد أكبر من حاجة السوق وهذا شيء ممكن وممكن يكون توجه للبورصة أكبر

[معماري قطري]

مشكلتنا ما عندنا معلومات احصائية مستقبلية وتوقعات للسكان أو عندنا وما تنشر .. بس المتوقع حسب اللي نشوفه سكان قطر يكون بحدود 3 مليون سنة 2023 وغالبيتهم أجانب والحاجة للطرق وللسكن وللخدمات تكون مستمرة وأكبر من 2022 وما قبلها

[المدمر]

صباح الخير

يستأنف الدوام الرسمي يوم الأربعاء

هل الاوضاع في الاسواق الدولية أثناء
إجازة العيد كانت جيدة

لا

هل كانت سلبية نعم ولكن مش بشكل كبير

اسواق الامارات تعمل اليوم وقد نرى انطباع المتداول الاقليمي
والمحلي
بعد اجازة العيد

اليوم تصدر بعض المؤشرات الاقتصادية في أوروبا
وقد نرى تحرك سلبية ام ايجابي على اليورو و الاسهم الاوروبية
على حسب الارقام التي ستصدر

في ألمانيا
مؤشر المعنويات الاقتصادية
مهم جدا

وفي امريكاء يصدر مؤشر يخص الطاقة
والبترول


بخصوص الاسواق الاسيوية فيها أنخفاض هذا الصباح

نحتاج اعادة تقيم هذا المساء

أسواق الامارات على ارتفاع جيد هذا اليوم

الاسواق الأوربية على انخفاض

اسواق النفط على انخفاض

[مضارب دوسري]

اعتقد رغم هبوط النفط اليوم قريب 8%
فان ماراح يتأثر المؤشر بكره فيه
لان عندما اغلقنا قبل العيد كان تقريبا عند 99.60_100 دولار

لازلت ارى التأني وعدم الدخول لين تخلص زيارة بايدن ونعرف شنو بيكون تاثيرها على اسعار النفط
================
ومره وحده نتابع تفاعلات الاسواق العالميه مع التضخم والركود

[المدمر]

مساء الخير

نضع الامور في نصابها

التوقع الشخصي لي

وفق الاحداث التي صاحبت الاجازة

تذبذب قوي على السعر النفط والان هي في انخفاض قوي



الهدوء في الاسواق المالية الدولية



اليوم امريكاء على ارتفاع بسيط



السواق السندات على انخفاض وهذا جيد للاسهم

الاسواق الاوروبية كانت على انخفاض ثم تحولت الى ارتفاع
الحديث عن رفع نسبة الفائدة على اليورو بتدخل من المركزي الاوروبي بعد ايام

المتوقع 25 نقطة

العنصر المحلي اعلان ارباح الوطني و الاجارة جيد جدا


والمصرف متوقع كذلك ايجابي


وصول الاسهم الصغيرة الى مستوى مشجع للمضاربة


الاجابية تغلب على السلبية

ولكن القرار في يد البنوك الكبيرة وصناديق الاستثمار الكبرى في السوق

حنا نمشي مع الاتجاه

في اخر تداول عندنا شمعة (المطرقة ) توحي بالارتفاع


نراقب ونشوف

[mubarak2006]

مساء الخير

نضع الامور في نصابها

التوقع الشخصي لي

وفق الاحداث التي صاحبت الاجازة

تذبذب قوي على السعر النفط والان هي في انخفاض قوي



الهدوء في الاسواق المالية الدولية



اليوم امريكاء على ارتفاع بسيط



السواق السندات على انخفاض وهذا جيد للاسهم

الاسواق الاوروبية كانت على انخفاض ثم تحولت الى ارتفاع
الحديث عن رفع نسبة الفائدة على اليورو بتدخل من المركزي الاوروبي بعد ايام

المتوقع 25 نقطة

العنصر المحلي اعلان ارباح الوطني و الاجارة جيد جدا


والمصرف متوقع كذلك ايجابي


وصول الاسهم الصغيرة الى مستوى مشجع للمضاربة


الاجابية تغلب على السلبية

ولكن القرار في يد البنوك الكبيرة وصناديق الاستثمار الكبرى في السوق

حنا نمشي مع الاتجاه

في اخر تداول عندنا شمعة (المطرقة ) توحي بالارتفاع


نراقب ونشوف
اي نوع من المطارق ،،صناعه وين ؟

[بوجبر]

إنهيار اليورو له تداعيات على الجميع


اللي يتغنى كل يوم ايش تبريرة للي صار اليوم؟؟؟

[Breakaway]

الله يجيب الخير، توقع هبوط إلى النقطة 11750 خلال اليوم وبعد العيد ويمكن يستمر إلى 11460، إذا وصل إلى 11750 وشاهدنا مؤشرات رفض لهذا المستوى قد نشاهد إرتداد قوي بعد العيد إن شاءالله

ننتظر هبوط المؤشر غدا على سطح 11750 ثم الإقلاع من هذا المستوى إن شاءلله، وقد يهبط إلى مستوى دعم تاريخي 11460، في كلا الحالتين أرى أنه هبوط صحي ومشجع لدخول السيولة وأنتعاش السوق.

عند الارتداد من عند مستوي 11750 ننتبه ونحذر من مستوي المقاومة السابق 12280 ! والله أعلم
104453

[المدمر]

اي نوع من المطارق ،،صناعه وين ؟

هلا وسهلا موجودة في الرسم البياني الاسود حقك قبل شمعة*اليوم

واذا فشلت عادي تحصل شي طبيعي

[المدمر]

إنهيار اليورو له تداعيات على الجميع


اللي يتغنى كل يوم ايش تبريرة للي صار اليوم؟؟؟


مرحبا ولكن الاسهم الصغيرة ابلت بلاء حسنا

[المدمر]

قال الرئيس الأمريكي جو بايدن إن أرقام التضخم لشهر يونيو حزيران كانت "مرتفعة بشكل غير مقبول"، لكنه أضاف أنها قديمة نظرا للانخفاض الأحدث في أسعار البنزين.
وقال بايدن في بيان "الطاقة وحدها شكلت ما يقرب من نصف الزيادة الشهرية في التضخم. وبيانات اليوم لا تعكس التأثير الكامل لما يقرب من 30 يوما من الانخفاضات في أسعار الغاز والتي خفضت السعر في محطات الوقود بنحو 40 سنتا منذ منتصف يونيو".


نعم صحيح هذي بيانات على شكل سنوي



اليورو حصل عليه ارتداد قوي


نراقب ونشوف

[بوجبر]

وبعدين مع الصندوق النرويجي واذنابة!!!

[داااايم السيف]

وبعدين مع الصندوق النرويجي واذنابة!!!

اجرت الملحق مالك بوجبر والا ؟؟

[بوجبر]

اجرت الملحق مالك بوجبر والا ؟؟

للحين ماجاب السعر اللي أبية

قريبًا سابني فلتين في أم عبيرية على ارض واحدة

[داااايم السيف]

للحين ماجاب السعر اللي أبية

قريبًا سابني فلتين في أم عبيرية على ارض واحدة

ماشاءالله عليك منشااااااار ،، مضارب في الاسهم وملحق وفلتين في ام عبيريه والخافي اعظم
بالتوفيق اخوي بوجبر

[بوخميس]

للحين ماجاب السعر اللي أبية

قريبًا سابني فلتين في أم عبيرية على ارض واحدة

كم المساحة المسموح فيها لفلتين هناك

وهل متلاصقة ولا منفصلة

[بوجبر]

كم المساحة المسموح فيها لفلتين هناك

وهل متلاصقة ولا منفصلة

منفصلة

حاليًا عندي فيلا في لعبيب للايجار

اذا حولك مستأجر أن حاضر

العمولة من صوبك

[المدمر]

بعد لليلة جميلة في العملات

وبعد لفه على الاسواق الدولية

اتوقع ارتفاع اليوم بمقدار 50 نقطة الى 70

خرجنا من الاجارة بشكل موقت وافكر في ازدان و المستثمرين

والرزق على الله

[معماري قطري]

يوم دامي للأسواق كلها تقريباً بسبب بيانات التضخم في أمريكا عطست أمريكا أثرت على العالم

عندنا المحافظ القطرية مستمرة في البيع بحدود 46 مليون ريال والأجنبية شراء بما يزيد عن 9 مليون وأفرادهم شراء بأقل من المليون وأفرادنا شراء بحدود 31 مليون .. الخليجية المحافظ بيع أقل من مليونين بشوي والافراد بحدود 400000 .. الأفراد العرب شراء بحدود 6 ملايين

[داااايم السيف]

صندوق النقد الدولي: استضافة كأس العالم تدعم النمو في دولة قطر

2022/07/14 لوسيل




نوه صندوق النقد الدولي إلى ما حققته الاستثمارات القطرية التي تم ضخها تحضيرا لاستضافة كأس العالم فيفا قطر 2022، حيث قال الصندوق في احدث تقاريره إن دولة قطر ستكون أول دولة عربية تستضيف كأس العالم لكرة القدم، حيث قامت الدولة بالتحضير لهذا الحدث على أكمل وجه، من خلال الاستثمارات المتنوعة لحسن استضافة هذا الحدث العالمي.


وقال صندوق النقد الدولي إن تلك الاستثمارات والتحضيرات التي تم الإعداد لها من اجل استضافة كأس العالم قطر 2022، ودعم نمو قطر على مدى العقد الماضي. وأضاف صندوق النقد الدولي ان استضافة كأس العالم في حد ذاتها ستساهم في تعزيز قطاعات الخدمات المختلفة في دولة قطر، كما ستكون لاستضافة دولة قطر فعاليات كأس العالم نهاية العام الجاري، عوائد كذلك تشمل دول الخليج.


نوه صندوق النقد الدولي إلى أن ما تم تحقيقه من تطوير للبنية التحتية في دولة قطر يمكن الاستفادة منها لتعزيز التنويع وإفادة الاقتصاد لسنوات قادمة.


وقال صندوق النقد الدولي إن دولة قطر استثمرت ما يزيد على 200 مليار دولار لاستضافة الحدث الرياضي الأهم عالميا، جانب منها تم استثماره في تطوير البنية التحتية من طرقات وبناء خط سكة حديد متكامل وشبكة المترو التي تربط مختلف مناطق الدوحة والملاعب التي ستستضيف مباريات كأس العالم، وتطوير شبكة الطرق والمرافق التابعة لها، بالإضافة إلى عمليات توسيع المطار، وبناء وتطوير مدينة لوسيل الجديدة والتي يمكن للأجانب شراء العقارات فيها، بالإضافة إلى العديد من المناطق الأخرى.


وشدد صندوق النقد الدولي على أن كافة المشاريع التي يتم تنفيذها في دولة قطر تم الانتهاء من اغلبها وهي تتوافق وأعلى معايير الجودة العالمية المتطورة وبالأخص المتعلقة بالبنية التحتية والتي تستجيب لأعلى الاشتراطات التي تحقق الاستدامة وتحافظ على البيئة.

[Class - Qtr]

السلام عليكم
مع اعلانات الربع الثاني راح يتغير اتجاة السوق بااذن الله
مقبولين على ارتفاع طيب وعودة الاسهم لمستويات قياسيه
كل التوفيق للجميع

[محب البورصة]

يا ليت حد يشرح لي شسالفة سهم الريان مع جزيل الشكر

[معماري قطري]

يا ليت حد يشرح لي شسالفة سهم الريان مع جزيل الشكر

محافطنا للحين يبيعون واليوم بيعهم حول 59 مليون وأمس 46 مليون لين شبعوا بيع بيتعدل وضعه .. هذا بس يومين وعلى مدى 3 شهور هم يبيعون وأوقات توصل حصيلة بيعهم أرقام كبيرة .. والحكومة شرت نادي اسبانيول .. بيع هنا وشراء هناك

[بوجبر]

ماحدث في سهم الريان تعليقة محترمة

[style]

انتظار السوق تحت مستويات 11400 نقطه.. وانتظار الريان تحت 38 ..
ممكن ليش لا ..وممكن ايه ليش أيه ؟؟؟؟؟؟؟؟؟؟؟؟

[مسافر1]

قول ويش سالفة الإجارة ليكون ماخذين سلفة ولا الخليج الدولية النفط فوق 90 ماهو تحت 30

[محب البورصة]

محافطنا للحين يبيعون واليوم بيعهم حول 59 مليون وأمس 46 مليون لين شبعوا بيع بيتعدل وضعه .. هذا بس يومين وعلى مدى 3 شهور هم يبيعون وأوقات توصل حصيلة بيعهم أرقام كبيرة .. والحكومة شرت نادي اسبانيول .. بيع هنا وشراء هناك

سلمت أخوي معماري

[مضارب دوسري]

ننتظر هبوط المؤشر غدا على سطح 11750 ثم الإقلاع من هذا المستوى إن شاءلله، وقد يهبط إلى مستوى دعم تاريخي 11460، في كلا الحالتين أرى أنه هبوط صحي ومشجع لدخول السيولة وأنتعاش السوق.

عند الارتداد من عند مستوي 11750 ننتبه ونحذر من مستوي المقاومة السابق 12280 ! والله أعلم
104453

ماشاء الله لا قوة الا بالله
اليوم وصل 11751 وحصل ارتداد

باقي بس محفزات تحصل فالويكند تخلي الامور تزين

هل السعوديه بتخسر الحليف الروسي اللي بدا يبني معاه الثقه خلال اخر سنتين ب هبوط اسعار النفط دون الصفر في 2020
ومن ثم رفعوه فوق مع بعض

هل مستعدين يخسرونه عشان خاطر بايدن (اللي كل همه فقط عشان انتخابات الكونغرس يبي يتسبب بركود اقتصادي عشان يقول سيطرت على التضخم واللي ايضا قاعد يرفع اسعار الفايده بشكل كبير عشان تنزل اسعار النفط مع الركود) ليحاول يخفي سوء ادارته في الحرب الروسيه الاوكرانيه

ننتظر هاليومين ونشوف واعتقد بيصرفونه بيقولون له بنزيد شويتين بس مب وايد لان فالنهايه هم تاريخيا على علاقه وثيقه بالجمهوريين بشكل كبير

[معماري قطري]

سلمت أخوي معماري

ومن قال سالم

[معماري قطري]

ماشاء الله لا قوة الا بالله
اليوم وصل 11751 وحصل ارتداد

باقي بس محفزات تحصل فالويكند تخلي الامور تزين

هل السعوديه بتخسر الحليف الروسي اللي بدا يبني معاه الثقه خلال اخر سنتين ب هبوط اسعار النفط دون الصفر في 2020
ومن ثم رفعوه فوق مع بعض

هل مستعدين يخسرونه عشان خاطر بايدن (اللي كل همه فقط عشان انتخابات الكونغرس يبي يتسبب بركود اقتصادي عشان يقول سيطرت على التضخم واللي ايضا قاعد يرفع اسعار الفايده بشكل كبير عشان تنزل اسعار النفط مع الركود) ليحاول يخفي سوء ادارته في الحرب الروسيه الاوكرانيه

ننتظر هاليومين ونشوف واعتقد بيصرفونه بيقولون له بنزيد شويتين بس مب وايد لان فالنهايه هم تاريخيا على علاقه وثيقه بالجمهوريين بشكل كبير

انبعنا في ليلة صيف ورمضان ما ينباع الروسي أو بايدن لأن بايدن ناعم وايد وعبد لليهود مثله مثل كل حكام أمريكا

السؤال متى بيوقف بيع محافظنا الواضح والمتواصل ومتى بيعتبرون هالسنة سنة خير لنا ؟

[الصفقة]

في جهل واضح من المستثمرين ،،، وخوف ماله مبرر يدل على العشوائية في البيع والشراء
الهيئات والمؤسسات العالمية توقعت ركود و تباطؤ النمو ( يعني ممكن يصير ركود وممكن لا)
وتباطؤ النمو يعني في نمو اقل من المتوقع ... وين المشكلة !! وهذا كله في امريكا ومنطقة اليورو فقط
في السابق اسعار النفط كانت 40 دولار واسعار 80 دولار حلم ... والآن هبطت الأسعار 99 دولار وصار في هلع ... شيء غريب
شركات حققت طفرة في الارباح ومتوقع تحقق المزيد ... وشفنا كيف اليوم رشوها رش بأسعار بخسه ... وين الثقافة المالية
هذا مع احترامي للجميع يسمى جهل استثماري .... بيع مع موجة البيع واشتر مع موجة الشراء
الاقتصاد القطري في الظروف الحالية قاعد يحقق فوائض غير مسبوقة في الميزانية
وشركات الطاقة تحقق ارباح خيالية ومازالت في طفرة وقابلة للزيادة ومشاريع توسعة حقل الشمال والغاز
وكأس العالم ومشاريع عديدة يتوقع نمو اقتصادي في الوقت الحالي والسنوات القادمة
وفي المقابل اسهم يرشوها رش محملة بعوائد مالية تفوق 7 % وهي أضعاف مثيلاتها في الأسواق العالمية
لكن في الأخير مايصح إلا الصحيح وستعود الأسهم إلى أسعارها المستحقة طال الزمان أو قصر

[مسافر1]

لمو الاسهم برخص وصرفوها ويردون يلموها
برخص

[معماري قطري]

أمس نزلت الأسعار للنفط لين 97 وألحين وصلت فوق ال 100 بشوي مرة ثانية

لعبتها صح محافظنا ببيعها فوق وما زالت تبيع كربح للمحافظ سريع بس كسياسة واستقرار للسوق لا صح ولا ما يحزنون .. هل ممكن نشوف قائد للسوق ثاني مثلاً المحافظ الأجنبية؟ كل شيء ممكن خلال الست شهور القادمة أسهمنا عندنا والشركات نتائجها للآن مبشرة وبنشوف الباقي

بالنسبة لإدارة العقارات والبناء في الدولة ملاحظ كبار الشركات العقارية يسعون للبيع بكل قوتهم ويوهمون الشاري بأن ربحه مضمون وأجاره مضمون وبعضهم حتى على الدولة اللي عقودها فيها بنود ممكن يلغون العقد أي لحظة .. يعني يوقعون عقد طويل الأمد وممكن خلال شهور يقولون باي باي .. بعض المشاريع شقق ومكاتب تباع من المطور لكن هو يملك خدمة المشروع وصيانته وبطريقة تعسفية ومفروضة عليك يالمالك حتدفع يعني حتدفع وبلا سقف للزيادة تستوي شاري بغالي وتدفع ما يعادل إيجار بعد غالي والمشكلة لو حاولت تستثمر على زيادة المعروض المتوقعة ما بتحصل حد يشغل عقارك وعلى الأقل يطلعك لا خسران ولا رابح يدفع الأتعاب الشهرية

[بوجبر]

هبوط امس متوقع

دام اليورو والذهب في مسار هابط والفائدة في ارتفاع لا امل في اي ارتداد(معتبر)

[بوجبر]

أمس نزلت الأسعار للنفط لين 97 وألحين وصلت فوق ال 100 بشوي مرة ثانية

لعبتها صح محافظنا ببيعها فوق وما زالت تبيع كربح للمحافظ سريع بس كسياسة واستقرار للسوق لا صح ولا ما يحزنون .. هل ممكن نشوف قائد للسوق ثاني مثلاً المحافظ الأجنبية؟ كل شيء ممكن خلال الست شهور القادمة أسهمنا عندنا والشركات نتائجها للآن مبشرة وبنشوف الباقي

بالنسبة لإدارة العقارات والبناء في الدولة ملاحظ كبار الشركات العقارية يسعون للبيع بكل قوتهم ويوهمون الشاري بأن ربحه مضمون وأجاره مضمون وبعضهم حتى على الدولة اللي عقودها فيها بنود ممكن يلغون العقد أي لحظة .. يعني يوقعون عقد طويل الأمد وممكن خلال شهور يقولون باي باي .. بعض المشاريع شقق ومكاتب تباع من المطور لكن هو يملك خدمة المشروع وصيانته وبطريقة تعسفية ومفروضة عليك يالمالك حتدفع يعني حتدفع وبلا سقف للزيادة تستوي شاري بغالي وتدفع ما يعادل إيجار بعد غالي والمشكلة لو حاولت تستثمر على زيادة المعروض المتوقعة ما بتحصل حد يشغل عقارك وعلى الأقل يطلعك لا خسران ولا رابح يدفع الأتعاب الشهرية


هلا وغلا بوعبدالله

بانسبة للبيوت والفلل بسهولة تتأجر ،،،الشقق فيها صعوبة*شويتين

[معماري قطري]

هلا وغلا بوعبدالله

بانسبة للبيوت والفلل بسهولة تتأجر ،،،الشقق فيها صعوبة*شويتين

كلامك صحيح وملاحظ الظاهر المستأجر يدور الاحسن له

[داااايم السيف]

هلا وغلا بوعبدالله

بانسبة للبيوت والفلل بسهولة تتأجر ،،،الشقق فيها صعوبة*شويتين

اعتقد اخوي بوجبر الملاحق عليها طلب قوي

[بن الخطاب]

ان شاء الله تعالي مبشرين خير
اعلانات النصف الاول علي الابواب
المؤشر العام للسوق قلص فارق كبير علي الإغلاق الاسبوعي
متوقع ضغط بسيط إلي مستوي 11583 وما حولها وارتداد يسر الجميع أن شاء الله لجميع الأسهم

[داااايم السيف]

ازمة الائتمان كانت ذروتها 2009 وكانت صيحات المستثمرين تتعالى وظنوا باسعار الاسهم الظنون
والبعض قال قد اضطر لان استرد راس مالي بعد عشرين سنه
والاخر انسحب وباع كل مايملك بأسعار كانت ولازالت حلم لدى الكثير حتى اليوم
مثل الريان والرعايه دون العشرة ريال وبروه دون 15 والدولي دون 40 ومواشي دون 6 ريال طبعا ماذكرته قبل التجزئة
وفجأه وخلال اقل من عام تضاعفت اسعار هذه الاسهم لارقام لم تكن بالحسبان ومن كان يحذر في قيعانها اصبح يدعوا للشراء وان الاسعار لاتزال فرصه ،،، سبحان مغير الاحوال
ثم جاء الربيع العربي وخلف ورائه العديد من الثورات وسقوط حكومات كانت تظن انها لم ولن تسقط مهما ساءت الامور والاسهم بدأت مجددا بالانزلاق لفتره من الوقت واذا بالعديد من المضاربين بو درهم وربع اصبحت آرائهم سلبيه اضعاف ازمة الإتمان والتحذيرات وصلت ذروتها واذكر البعض كان يقول الناس صارت تاكل بعض وووو وانتظر العديد عودت اسعار الريان الى مادون العشره ريال بعد وصوله مستوياته ال20 ريال وهذا لم يحدث ،، ثم عادت الاسهم لبريقها مجددا بعد ايام معدوده
والمرجف اصبح يغمره التفاؤل واصبح في مقدمة اصحاب التوصيات
وختاما جاءت ازمة كورونا وسحقت مدخرات العديد من المستثمرين وحذروا وقالوا انها النهايه واذكر المشكله حزت كورونا كنت اتمنى اشوف اسعار الايجارات والعقارات تنهار حال الاسهم ولكن ماشفت هذا الشي ابدا بل بلعكس اسعار الملاحق ارتفعت اكثر من قبل ،، معنويات حق اخونا بوجبر
احد الاصدقاء قال لي اشتريت سهم ازدان على سعر 0.7 وكنت اقول اذا وصل ريال واحد سأكون من المحظوظين ولو استمر تحقيق هذا الهدف لعامين ولكن احد اصدقائه قال له هذا الرقم الذي ذكرته اذا وصل بعد خمس سنوات فأنت محظوظ
ولكن لم يمضي اقل من ستة اشهر خلال عام 2020 وهو ذروة ازمة كورونا الا وسهم ازدان اعلى من مستوى 2 ريال وقد تضاعف من سعر شرائه ثلاثة اضعاف ولكنه ابلغني بكل اسف انه تخلى عنه عند مستوى 0.75 بربح بضع دراهم
للاسف هذا مايحدث دائما وابدا والفرص تتكرر ولكن لايزال العديد من المستثمرين لايقتنع بالشراء الا بعد فوات الاوان
هناك العديد من يشتري بثقه تامه عند القمم والعكس صحيح حيث هناك من يقوم بالبيع بقناعه تامه عند القيعان
الخلاصه هناك اسهم اسعارها تضخمت وهي لاتستحق اسعارها الحاليه برايي الخاص والآخر ارى بأنها قد اينعت وحان قطافها وهي جاهزه للمستثمر صاحب النظره الثاقبه بناءا على تحليلها الاساسي واسعارها المتدنيه
هي يكل الاحوال لاتصلح للمضارب السريع

خاطره على الماشي واهداء خاص للطيبين :o

[بوجبر]

اعتقد اخوي بوجبر الملاحق عليها طلب قوي

الفلل بعد عليها طلب قوي جدا جدا

[Femtosecond]

الداو مولع الحين و البرنت عاد فوق 100 دولار .....فالكم طيب مع افتتاح السوق يوم الاحد ان شاء الله

[معماري قطري]

الفلل بعد عليها طلب قوي جدا جدا

الله يرزقك يا بو جبر ويرزق الجميع في هذا اليوم المبروك صحة ومال وخير كثير

[ابومبارك]

الداو مولع الحين و البرنت عاد فوق 100 دولار .....فالكم طيب مع افتتاح السوق يوم الاحد ان شاء الله

كلو كلام مفش فايده فيهم

[معماري قطري]

الداو مولع الحين و البرنت عاد فوق 100 دولار .....فالكم طيب مع افتتاح السوق يوم الاحد ان شاء الله

مولع حده هو واخوانه شافوا اسرائيل حصلت اللي تبي بدون تنازلات ومتوقعين هم بعد يحصلون اللي يبون وبرخيص .. بايدن النحيس يبث التفاؤل في الصهاينة وكأنه تلميذ مجتهد عند معلمه وعند الفلسطينيين يبث الشؤم كله والعملية السلمية شبه مستحيلة وبس بنصرف لكم شوية مساعدات .. عباس المحسوب علينا أظن عنده جواز قطري أو بس عند ولده يتكلم عن ( الشهيدة ) المسيحية وتناسى أطفال انقتلوا هذي الأيام مسلمين انقتلوا هذي الأيام وصحفية ثانية مسلمة وكأنها لا تعنيهم وكان المفروض يحط جدام وجه البايد صور لمن قتلوا ويشرح عليها شرح مختصر مثل ما سوى ترمب يوم يحط صور مشاريعه مع اللي تعرفونه

أسواقهم فيها صناع يرفعون وينزلون بحدود ما فيها جهاز واحد كل همه من 3 شهور يبيع ويشتري برا ولا يهمه شكثر ينزل السوق بعدين بيطلع انه المنقذ وما لنا الا نصفق له وبنشوف الأحد شكثر بيبيع والاسبوع القادم كم احصائيات بيعه على مدار الاسبوع انا باتابع وباحسبها يوم وراء يوم

[مضارب دوسري]

من التداولات يتضح ان ان شاء الله احتمال كبير نشهد موجه ارتفاعات وعوده فوق ال12200

[المدمر]

الاسبوع القادم حساس جدا

عن نفسي الدخول و الخروج في نفس الجلسة


لا تصالح ولا ثقة غير فوق 12300 اغلق كامل


بخصوص اليورو حقق الهدف والان مع اذا حصل بوادر رفع الفاىدة من المركزي الاوروبي العنيد !!!

قد ناكل فيه خير



https://www12.0zz0.com/2022/07/15/20/172208106.png (https://www.0zz0.com)




اما بخصوص الداو جونز

نعم ارتفع ولكن الاسبوع القادم فيه بيانات اقتصادية مهمه جدا قد تعطي دفعة الى الامام

او سقوط قوي

[Femtosecond]

نظرتي المتواضعة التي قد تحتمل الصواب او الخطأ ان كلما زاد التشائم كلما اقترب صعود سريع بقفزات تجعل المتابع يحتار ماذا يفعل....الكاش يخاف يكون صعود تصريفي و يقلق من شراء سهم ارتفع بنسبة كبيرة خلال دقائق و الي في السوق يفكر يبيع قبل ضياع فرصة تقليل الخسائر.....هذا ما ارجحه يوم الاحد او الاثنين القادم اذالم يحدث ما يعكر الصفو قبلها.

[داااايم السيف]

اتوقع الاحد بتكون الايجابيه ملموسه وحتى نهاية الجلسة وذلك بناءا على الايجابيه التي حظيت بها مؤشرات الاسواق العالمية وعلى راسها اسواق النفط ومؤشر الداو جونز الذي حقيقه لم اتوقع ارتفاعه بالشكل الذي اغلق عليه لاكثر من 600 نقطه
العامل النفسي هو المسيطر بشكل عام محليا

القاذم اجمل ان شاءالله

والله الموفق

[مسافر1]

الغاز مولع وهو اهم سلعة بقتصاد قطر

[بوجبر]

اتوقع الاحد بتكون الايجابيه ملموسه وحتى نهاية الجلسة وذلك بناءا على الايجابيه التي حظيت بها مؤشرات الاسواق العالمية وعلى راسها اسواق النفط ومؤشر الداو جونز الذي حقيقه لم اتوقع ارتفاعه بالشكل الذي اغلق عليه لاكثر من 600 نقطه
العامل النفسي هو المسيطر بشكل عام محليا

القاذم اجمل ان شاءالله

والله الموفق

الايجابية الملموسة ،،،في الأخير 23 نقطة خضراء

[داااايم السيف]

الايجابية الملموسة ،،،في الأخير 23 نقطة خضراء

اترك المؤشر العام لانه تحت رحمة المصرف والوطني وصناعات
ركز على الاسهم الي وصلت مراحل تشبع بيع
الريان ازدان اشوفهم فرصه وفيهم هبشه مضاربيه
مزايا الاجاره الضرب في الميت حرام
فودافون مش للبيع وفرصه للمستثمر
المضارب السريع الي يربح 1‎% يوم ويخسر عقبها 10‎% كلامي مب موجه له
العبره بالنهايه يابوجبر

[mubarak2006]

Ok…..!!!…

[ahmed saleh]

ايه ده الاسهم خسرت معاكم 50 % من قيمتهه وانتم خايفين

انتم شكلكم كدا مش مستثمرين ولا ايه :ok2:

[داااايم السيف]

الله يعين الي افبالي ،،، يضارب شبه يومي وخسران لين اليوم اكثر من 75‎% من راس ماله والمشكله مدمن مضاربه
انصحك غير مجالك من البورصه وشوف لك شغله ثانيه او غير استراتيجيتك
الي دخل صح الى اليوم ربحان
والي قعد يناقز وانعجب بقامكو على 2.7 وحب استثمار على 2.6 ومات في غرام الطبيه على 4 ضروري يتحمل نتيجة قراره
لانه نفسه كان يكره قامكو واستثمار والطبيه عند نص ريال
كل مافي الحياه يعلم لمن اراد التعلم
ومن يتهيب طلوع الجبال يعش ابد الدهر بين الحفر

[mubarak2006]

ياخي درر درر،، تعلمو من هالانسان الفاهم هههههه

[بوجبر]

الله يعين الي افبالي ،،، يضارب شبه يومي وخسران لين اليوم اكثر من 75‎% من راس ماله والمشكله مدمن مضاربه
انصحك غير مجالك من البورصه وشوف لك شغله ثانيه او غير استراتيجيتك
الي دخل صح الى اليوم ربحان
والي قعد يناقز وانعجب بقامكو على 2.7 وحب استثمار على 2.6 ومات في غرام الطبيه على 4 ضروري يتحمل نتيجة قراره
لانه نفسه كان يكره قامكو واستثمار والطبيه عند نص ريال
كل مافي الحياه يعلم لمن اراد التعلم
ومن يتهيب طلوع الجبال يعش ابد الدهر بين الحفر


كل وجهات نظرك سليمة ‎%‎100

السوق سيصعد غصب طيب بقيادة فودافون


هاااا هذا الكلام يعجبك الحين!!!

[Al-Mezan]

كلام سليم

[معماري قطري]

أشوف الأسهم اللي جاهزة للإقلاع كيو ان بي لو رجعت محافظنا تشتري وعادي نشوفه 22 ويحرك المؤشر

المصرف ما استبعد ال 25 وراه ناس أشاوس مع إن توزيعه شحيح

صناعات بترجع بقوة بإذن الله وسعر ألحين مغري

الميرة ووقود كلهم جاهزين وحركتهم سهلة لل 18 مبدئياً ولو كملت حركة السوق مع عودة المسافرين وقرب اعلانات الربع الثالث على الأقل بنشوف واحد من السهمين قرب العشرين

الدولي عنيد وما له اتجاه الا فوق صار يغير من المصرف

الملاحة سهم فيه حركة قوية وبعد شلة المصرف فيه وما يخلونه ينزل مخزن مضمون للفلوس والربح ونفس الشيء ينطبق على الاسلامية للتأمين عادي تتخطى العشرة خلال الست شهور القادمة وكل هذا مرتبط بوضع العالم والاقليم السياسي بالدرجة الأولى والنفط ما تصير فيه كارثة هبوط قوي

مجمع المناعي وصل سعر مناسب جداً للدخول وكذلك الرعاية وكيو ال ام وانماء والاسمنت ومخازن فيها نفس ل 25% ربح سوقي خلال ست شهور

الريان مخوفني وبانتظار نتايج واضحة مب موضوع انشائي طويل

بروة وودام سعرهم مغري ومتوقع ارباحهم جيدة ومستقبلهم زين

البقية وما يسمى بالصغار كلهم جاهزين .. صراحة السوق فرصة كبيرة لأصحاب الكاش

[ابومبارك]

يمكن بعد عادهم ماشبعوا لم

[داااايم السيف]

كل وجهات نظرك سليمة ‎%‎100

السوق سيصعد غصب طيب بقيادة فودافون


هاااا هذا الكلام يعجبك الحين!!!

فودافون بيصعد باذن الله
يشهد الله ما املك فيه سهم
اتكلم بما يمليه لي ضميري وليس محفظتي
الامور طيبه وانا خوك
الخوف انه يصيرلك نفس ماصار ايام كورونا ظليت تحذر من السوق والاسهم تتدبل
وعقب قلت خلني ارقعها وشريت مخازن على 5.5 وعقب مانطقيت رجعت على عادتك السوق يخوف وانصحكم بالخروج
نصايحك واضحه على حسب محفظتك يابوجبر واتحدى يوم تقول السهم الفلاني للمراقبه وانت ماتملكه
صدق من قال بعض المشاركات فعل مبدأ خذ وخل

[مضارب دوسري]

تحدث ولي العهد السعودي من شوي ان بلاده تنتج 13 مليون وغير قادرين على الزياده


فعليا هذي تعتبر زياده الانتاج ب 2 مليون و 400 الف برميل

لان حسب تقارير اوبك ان انتاج السعوديه في يونيو كات 10.58 مليون برميل يوميا وفي مايو كان 11 مليون يوميا


ممكن يكون تصريحه مجرد كلام بدون تطبيق فعلي

[مسافر1]

القمة لم تعطي لبيدن شيء وهذا يعني اتفاق أوبك وروسيا مستمر

[مسافر1]

وكان واضح التمسك بقضية فلسطين وعدم الزج بالخليج بصراع معى ايران

[ابومبارك]

يعني وش الزبده الحين ؟

[Al-Mezan]

الزبدة بكرة اخضر والله اعلم

[بوجبر]

الزبدة بكرة اخضر والله اعلم

نعم اخضر بقيادة الوطني صناعات المصرف

[بوجبر]

نعم اخضر بقيادة الوطني صناعات المصرف


بقية الاسهم كمبارس

[atiq]

تحدث ولي العهد السعودي من شوي ان بلاده تنتج 13 مليون وغير قادرين على الزياده


فعليا هذي تعتبر زياده الانتاج ب 2 مليون و 400 الف برميل

لان حسب تقارير اوبك ان انتاج السعوديه في يونيو كات 10.58 مليون برميل يوميا وفي مايو كان 11 مليون يوميا


ممكن يكون تصريحه مجرد كلام بدون تطبيق فعلي

مب مباشرة لكن على فترات لين 2027

الزيادة المقررة يابقا كانت 200 الف لكن تتحدد في اجتماع اوبك + الجاي في تاريخ 3/8

طبعا ال 13 مليون هذه القدرة الانتاجية للسعودية وصعب يكون ضمان الاستمرارية لانها مرهقة للابار وممكن تؤدي لفترات صيانة كبيرة وطويلة

لاتنسى بعد نوعية النفط المنتج هل يوافق مصانع التكرير او لا

في امور تقنية تاخذ في الحسبان اكثر من عدد البراميل المنتجة

الصحف الامريكية تتحدث ان بايدن مانجح في زيارته وكل شي راح يظهر يوم الاثنين الفجر

اتمنى ان النفط يستقر لفترة طويلة بين 80-90 على الاقل يساعد في خفض التضخم ويمنع دول من الانهيار وهو مالا نتنماه

[المدمر]

مب مباشرة لكن على فترات لين 2027

الزيادة المقررة يابقا كانت 200 الف لكن تتحدد في اجتماع اوبك + الجاي في تاريخ 3/8

طبعا ال 13 مليون هذه القدرة الانتاجية للسعودية وصعب يكون ضمان الاستمرارية لانها مرهقة للابار وممكن تؤدي لفترات صيانة كبيرة وطويلة

لاتنسى بعد نوعية النفط المنتج هل يوافق مصانع التكرير او لا

في امور تقنية تاخذ في الحسبان اكثر من عدد البراميل المنتجة

الصحف الامريكية تتحدث ان بايدن مانجح في زيارته وكل شي راح يظهر يوم الاثنين الفجر

اتمنى ان النفط يستقر لفترة طويلة بين 80-90 على الاقل يساعد في خفض التضخم ويمنع دول من الانهيار وهو مالا نتنماه


مرحبا بالشيخ عتيج

منور الموضوع


ياخوي اذا فيه شي طيب الله الله فينا خاص او عام


ترى السيولة برى والثقة نص نص

[mubarak2006]

الاخ عتيق والنعم فيك..هذا الرجل صريح ويعطيك زبده الكلام ،،مش مثل بعض الناس يبربر بدون فايده ولا تستفيد من مشاركته اي شي.

[المدمر]

بخصوص الاقتصاد العالمي و النفط و العملات و الاسهم كل شي اصبح

في يد فخامة الرئيس فلاديمير بوتين


الحل في موسكو



https://www4.0zz0.com/2022/07/16/19/347961581.jpeg (https://www.0zz0.com)

[atiq]

مرحبا بالشيخ عتيج

منور الموضوع


ياخوي اذا فيه شي طيب الله الله فينا خاص او عام


ترى السيولة برى والثقة نص نص

الشيخ من جابك

انت ما شاء الله عليك تدري بالسوق و الفرص ومثلك مايفوت مثل هذه الفرص

المشكلة الفرص في المختلط ههههههه

لكن على الاقل 30% لازم تضارب فيها



الاخ عتيق والنعم فيك..هذا الرجل صريح ويعطيك زبده الكلام ،،مش مثل بعض الناس يبربر بدون فايده ولا تستفيد من مشاركته اي شي.

والنعم فيك ياخوي وفي جميع الاخوان

المشاركات عبارة عن توقعات والكل يشارك وخذ اللي يعجبك واترك اللي مايعجبك ....هو متنفس للكل يشارك ويتعلم ويعلم . خل عندك سعة صدر ياخوي و تقبل الجميع

[المدمر]

الاخ عتيق والنعم فيك..هذا الرجل صريح ويعطيك زبده الكلام ،،مش مثل بعض الناس يبربر بدون فايده ولا تستفيد من مشاركته اي شي.

مرحبا الشيخ

قسم التوقعات مثل المجلس في حد صوت عالي و فيه حد مباشر وحد بو شلخ

الموضوع وناسة بدون قهوة وشاي

ولكن قدر المكان نحاول ننقل لكم بعض الاشياء المهمه

ومثل ماقال الاخ الفاضل عتيج اخذ الي يفيدك و الباقي وسعة خاطر وعلى قولت الاخوان في الشام طق حنك


الاخ عتيج بنضع لك التصور الكلاسيكي للنفط في موضوع التحليل

[مضارب دوسري]

مب مباشرة لكن على فترات لين 2027

الزيادة المقررة يابقا كانت 200 الف لكن تتحدد في اجتماع اوبك + الجاي في تاريخ 3/8

طبعا ال 13 مليون هذه القدرة الانتاجية للسعودية وصعب يكون ضمان الاستمرارية لانها مرهقة للابار وممكن تؤدي لفترات صيانة كبيرة وطويلة

لاتنسى بعد نوعية النفط المنتج هل يوافق مصانع التكرير او لا

في امور تقنية تاخذ في الحسبان اكثر من عدد البراميل المنتجة

الصحف الامريكية تتحدث ان بايدن مانجح في زيارته وكل شي راح يظهر يوم الاثنين الفجر

اتمنى ان النفط يستقر لفترة طويلة بين 80-90 على الاقل يساعد في خفض التضخم ويمنع دول من الانهيار وهو مالا نتنماه

ان شاء الله يكون تدريجي ياخوي عتيق
لان احس خساره كبيره للخليج ان يوقفون منحازين لامريكا
اللي صايره تبيع وتشتري في حلفائها وتدخلهم معارك وهي متفرجه من بعيد


13 مليون هو انتاج السعوديه الاساسي ما قبل كورونا كانوا ينتجون ما بين 12.8_ 13 مليون برميل

بس حسب الاخبار من هنا وهناك ان بايدن ما خرج بالشكل اللي كان يتوقعه..

النفط ما نبيه يدش بين مطرقة اسعار الفايده والركود المتوقع

وسندان زيادة العرض

خصوصا المجانين بدوا يتكلمون ان الاجتماع القادم بيرفعون الفايده 1% ما عاد تكفيهم الارباع والانصاص بال%

[مضارب دوسري]

بخصوص الاقتصاد العالمي و النفط و العملات و الاسهم كل شي اصبح

في يد فخامة الرئيس فلاديمير بوتين


الحل في موسكو



https://www4.0zz0.com/2022/07/16/19/347961581.jpeg (https://www.0zz0.com)

هههههه
هذا اصلا مايبي ينتصر في حربه في اوكرانيا مخليها على الهادي

يبي يضغط بالغذاء ومخلي الحرب بااااااارده كل اسبوع غاره عالخفيف
وهذا اللي مجنن امريكا واوروبا ماسك الموانئ ويقولك مابي اتقدم ولا حاجه
ومحاصيل الاوكران الزراعيه يشتريها منهم على الموانئ ويحولها لروسيا
وشغال حاليا تاجر جمله

[الاسطوره]

السلام عليكم

يعني الحين تتوقعون النفط بيفتح ع هبوط يوم الاثنين الفجر ولا؟

[مسافر1]

النفط بيولع السعودية قالتها بصراحة
لن تخرج عن تحالف أوبك بلاس

[معماري قطري]

الله يوفق الجميع بكرة ويحفظ بلادنا من كل خسيس

[Femtosecond]

هههههه
هذا اصلا مايبي ينتصر في حربه في اوكرانيا مخليها على الهادي

يبي يضغط بالغذاء ومخلي الحرب بااااااارده كل اسبوع غاره عالخفيف
وهذا اللي مجنن امريكا واوروبا ماسك الموانئ ويقولك مابي اتقدم ولا حاجه
ومحاصيل الاوكران الزراعيه يشتريها منهم على الموانئ ويحولها لروسيا
وشغال حاليا تاجر جمله

هههههههههههههههههه والله صدقت ...... بيلاعبهم على الشناكل

[المدمر]

مرحبا مساء النور

التداول اليوم جيد ومقبول

السيولة كنت ضعيفة

دخلنا على احد الاسهم الصغيرة و الرزق على الله

[بوجبر]

اداء بلا مكاسب تذكر

[alkaldi]

الله يوفق الجميع بكرة ويحفظ بلادنا من كل خسيس

اي والله اللهم امين
الحذر من الغدر ربي يستر على الجميع ولا يراوي اي أحد مكروه

[المدمر]

جلسة اليوم هي استكشاف لذلك السيولة ضعيفة

لا يوجد رغبة في البيع

وطلب الشراء حذر


امر طبيعي


الكل ينتظر رد فعل اسواق النفط التي بطبيعة الحال

مرشحة للارتفاع يوم الاثنين

بسبب نتائج قمة جدة


المطلوب من المؤشر العام الاغلق فوق 12030 يوم الغدا

الدعوم المقاومة في الرسم



https://www3.0zz0.com/2022/07/17/10/637277658.jpeg (https://www.0zz0.com)

[بن الخطاب]

بداية رحلة صعود النفط سوف تبدأ من غداً

[المدمر]

بداية رحلة صعود النفط سوف تبدأ من غداً

ان شاء الله اسبوع كامل اخضر

النفط على المدى القصير جدا ممكن نشوف 104 و 107


https://www13.0zz0.com/2022/07/17/16/495520553.png (https://www.0zz0.com)


و العنصر المحلي جيد جدا

اليوم ارباح المصرف .. المطوع قوية

كما ذكرنا سابقا الكرة في ملعب البنوك الكبيرة و الصناديق الكبرى

[معماري قطري]

رغم قلة السيولة اليوم الا محافظنا باعت بما يزيد على 10 مليون ريال وأفرادنا شروا ما يقارب 5.5 مليون ريال

الخليجيين تعادل تقريباً للأفراد مع ميل للبيع والمحافظ شراء بحدود 2.5 مليون

العرب الأفراد بيع فوق ال 4 مليون فقط

الأجانب الأفراد بيع قريب 2 مليون والمحافظ شراء فوق 8 مليون

كل شيء جايز بكرة بس في الغالب ارتفاع زين بإذن الله .. أما النفط بكرة ممكن للأمريكان حركات نذالة يبيعون كميات مخزنة وينزلونه عادي يحسسون الأسواق إن ربعنا نفذوا المطلوب وبسرعة

[داااايم السيف]

اداء بلا مكاسب تذكر

:oops:

[المدمر]

الان يدور في الميديا .. مناكفات

بين الامريكان و السعودين

حد ينفي وحد يكذب والخ تصاريح ولكن اغلبها في الشوشل ميديا

نتفهم من هذي التصاريح استمرار أوبك +

في سياسة الإنتاج

وبطبيعة الحال دعم اسعار الطاقة

على المدى المتوسط

[معماري قطري]

الان يدور في الميديا .. مناكفات

بين الامريكان و السعودين

حد ينفي وحد يكذب والخ تصاريح ولكن اغلبها في الشوشل ميديا

نتفهم من هذي التصاريح استمرار أوبك +

في سياسة الإنتاج

وبطبيعة الحال دعم اسعار الطاقة

على المدى المتوسط

أمريكا من ترمب لين بايدن تدهورت وايد والمشكلة هي قائدة النظام المالي العالمي

[بوجبر]

تبون تربحون ،،،،من وين نجيب فلوووووس لكم


اتوقع هبوط اليوم

[معماري قطري]

تبون تربحون ،،،،من وين نجيب فلوووووس لكم


اتوقع هبوط اليوم

انا مب بايع الا لين قلت لي باشتري وبابيعك السهم اللي بتشتريه

[معماري قطري]

حبوب الصويا الأمريكية مرتفعة 10% حد بيقول لهم ليش تبيعون غالي

Crude Oil WTI
95.41 +0.84 +0.89%
Brent Oil
102.28 +1.12 +1.11%
Natural Gas
7.149 +0.034 +0.48%
Gold
1,714.20 +10.60 +0.62%
Silver
18.797 +0.203 +1.09%
Copper
3.297 +0.0515 +1.59%
US Soybeans
1,490.50 +126.75 +9.29%

والبرنت ارتفاعه متواضع يا رب سوقنا يرتفع قد ارتفاعه بس يخلونه محافظنا يتنفس .. ليشترون بس بعد ليبيعون

[المدمر]

الف مبروك عليكم دخول السيولة مره اخرى

الكثير من الاسهم ابلت بلاء حسنا

واضح جدا قطاع النقل جذب الاستثمارات اليوم

[مسافر1]

ملاحة" تفوز بعقد من قطر للطاقة بقيمة تفوق 1.40 مليار ريال قطري *

[داااايم السيف]

للاسف الاداء غير مرضي للبعض طبعا
لازم السوق يمشي ع مزاجهم
وعندك واحد شاي وصلحووووو
:playball::playball:

[بوجبر]

للاسف الاداء غير مرضي للبعض طبعا
لازم السوق يمشي ع مزاجهم
وعندك واحد شاي وصلحووووو
:playball::playball:

فعلًا غير مرضي بعد لك لان فودا فون والمستثمرين أداءهم سلبي


حاول مره اخرى

[داااايم السيف]

فعلًا غير مرضي بعد لك لان فودا فون والمستثمرين أداءهم سلبي


حاول مره اخرى

للاسف ما املك فيهم
بس عيني بعينك اداء السوق اليوم ما رفع ضغطك
خصوصا انك مضارب سريع تشتري وتحرج تبيع وتحذر
تحسب محد يعرفك بوجبر
انت خبز يدي ههههههههههه

[داااايم السيف]

للاسف بوجبر دورت لك اي خبر سلبي تقدر تحط لك سبب بهبوط السوق بكره
وماحصلت الا هبوط مؤشر الكاكاو الامريكي خمس نقاط وهبوط مؤشر سكر لندن نقطه ونص
وعندك واحد شاي واثنين شيشه معسل سلوم وصلحوه

[المدمر]

ان شاء الله اسبوع كامل اخضر

النفط على المدى القصير جدا ممكن نشوف 104 و 107


https://www13.0zz0.com/2022/07/17/16/495520553.png (https://www.0zz0.com)


و العنصر المحلي جيد جدا

اليوم ارباح المصرف .. المطوع قوية

كما ذكرنا سابقا الكرة في ملعب البنوك الكبيرة و الصناديق الكبرى


مرحبا مساء الخير

النفط حقق 104 اليوم الصباح

الهدف الثاني قد يحدث هذا المساء مع افتتاح الجلسة الامريكية

او خلال هذا الاسبوع

[المدمر]

جلسة اليوم هي استكشاف لذلك السيولة ضعيفة

لا يوجد رغبة في البيع

وطلب الشراء حذر


امر طبيعي


الكل ينتظر رد فعل اسواق النفط التي بطبيعة الحال

مرشحة للارتفاع يوم الاثنين

بسبب نتائج قمة جدة


المطلوب من المؤشر العام الاغلق فوق 12030 يوم الغدا

الدعوم المقاومة في الرسم



https://www3.0zz0.com/2022/07/17/10/637277658.jpeg (https://www.0zz0.com)

السوق قوي اليوم واكثر من 20 سهم عطى تحرك قوي من 1% الى 10%

وكذلك حقق الشرط الفني الاغلق فوق 12030

الان نتوقع المزيد من الارتفاع الى 12400

هذا الاسبوع


اسهم جديرة بالاهتمام



بلدنا

مزايا

السلام

مخازن


الريان

[نمر بن عدوان]

ماشاء الله يبدل من حال الى حال
اسواق العالم خضراء لحد اللحظه
برنت والغاز ارتفاعات ممتازه
المفترض السوق بكره عشبي باذن الله ولا سهم أحمر:strong2:
واهم شي نشوف كم لمت أب بعد :thumbup:
تواجدنا لعيون الي يقولون اطلع والبورصه نازله
ما اقصد حد هههههههههه :playball:

[بوجبر]

بكرة المفروض لمتات اب

ومعهم المستثمرين + فودافون

[بوجبر]

ارتفاعات بشوية دراهم؟؟؟؟

[داااايم السيف]

ارتفاعات بشوية دراهم؟؟؟؟

لاتعاند السوق يابوجبر لاتعااااند اني لكم ناصح امين

وعندك واحد كبتشينو وصلحووووو

[بوجبر]

لاتعاند السوق يابوجبر لاتعااااند اني لكم ناصح امين

وعندك واحد كبتشينو وصلحووووو

من زين اللي تسميها ارتفاعات الحين او السيولة

طارت لطيور بأرزاقها مع العقارات

[Abjalsulaiti]

بوجبر العقارات عقب كاس العالم دورلك حد يشلها منك

اوخل فلة ام صلال ماجره على 8000 ريال واخر السنه ادفع صيانه الي استلمته من وراها

[بوجبر]

بوجبر العقارات عقب كاس العالم دورلك حد يشلها منك

اوخل فلة ام صلال ماجره على 8000 ريال واخر السنه ادفع صيانه الي استلمته من وراها


سمعنا هذه الاسطوانة ايام الاسياد 2006 ؟؟؟

[داااايم السيف]

سمعنا هذه الاسطوانة ايام الاسياد 2006 ؟؟؟

بوجبر في الصميم واوافقك الراي
فعلا بعد الاسياد كنا نسمع اسطوانه انهيار القطاع العقاري
وللاسف الي صار العكس تضخمت الاسعار اكثر واكثر
ولولا الازمة العقاريه في نهاية 2008 الي تسببت بكبح جماح ارتفاع العقار كانت الاسعار حزتها بتكون جنونيه
لا استبعد ارتفاع القطاع العقاري بعد الاستضافة لان الي دوم يصير عكس المتوقع
ايام كورونا حذروا من قطاع الطاقه وانه انتهى والي صار شوفة عينك
والحين مع قرب الاستضافة توقعوا القطاع العقاري ينعنش وصار العكس
اهنيك على مداخلتك المنطقية والي قلما نشوفها

واحسن معسل تفاح مع شاي كشري لابوجبر وصلحووووو:nice:

[المدمر]

الان يدور في الميديا .. مناكفات

بين الامريكان و السعودين

حد ينفي وحد يكذب والخ تصاريح ولكن اغلبها في الشوشل ميديا

نتفهم من هذي التصاريح استمرار أوبك +

في سياسة الإنتاج

وبطبيعة الحال دعم اسعار الطاقة

على المدى المتوسط


ان شاء الله اسبوع كامل اخضر

النفط على المدى القصير جدا ممكن نشوف 104 و 107




https://www13.0zz0.com/2022/07/17/16/495520553.png (https://www.0zz0.com)


و العنصر المحلي جيد جدا

اليوم ارباح المصرف .. المطوع قوية

كما ذكرنا سابقا الكرة في ملعب البنوك الكبيرة و الصناديق الكبرى



لكل تحرك الى الاعلى او للاسفل سبب



في تطور جديد لأزمة الغاز المشتعل بين أوروبا من ناحية وروسيا من خلال شركة جازبروم من ناحية أخرى يبدو أن الشركة الروسية قد رفعت شعار القوة القاهرة في إشارة إلى تعثر إمدادات الغاز عبر خط نورد ستريم 1.
وأعلنت شركة غازبروم الروسية حالة قوة قاهرة على إمدادات الغاز لأوروبا لعميل رئيسي واحد على الأقل وفقا لرسالة من جازبروم وقال الخطاب إن شركة غازبروم التي تحتكر صادرات الغاز الروسي لا يمكنها الوفاء بالتزاماتها بسبب ظروف استثنائية خارجة عن سيطرتها.


نرى ان النفط و الطاقة في مرحلة قوة

https://www12.0zz0.com/2022/07/18/19/929792187.png (https://www.0zz0.com)

[مسافر1]

نختار خيار انا النفط يرتفع أو نختار الأسهم الأمريكية ترتفع
خيارين مايسير

[مسافر1]

اغلب الاسهم بل 90% وأكثر دبلة خلال اقل من سنة ونصف
ومن صبر نال وزيادة

[معماري قطري]

ملاحة" تفوز بعقد من قطر للطاقة بقيمة تفوق 1.40 مليار ريال قطري *

وانا أقول شالسالفة طلع الخبر منتشر وإحنا ما ندري .. بس زين ما بعت حصيلة اليوم من هالسهم محرزة مثل ما يقولون وتأسيسي الجديد 8.4 بعد ما طلعت منه ورجعت دخلت وبربح الحمد لله