ترسل تهني بالعيد ... مايرد عليك !!

[العـوا]

‏في بعض الناس ترسله تهنيه بالعيد ع جوال مايرد عليك
ياتر ليش هل هو كبر وماهو الحل مع هذي النفسيات

[معماري قطري]

أهني كل اللي عندي وأوقات تصير زحمة وكثير ما يردون أعذرهم وبعضهم يردون وبعضهم يردون برسالة تهنئة .. الناس لاهين وانا لاهي هالعيد اتصلت بالقليلين وزرت القليلين وبعض المجالس

توني الموضوع ذكرني بولد خالتي مطرش تهنئة ولا أرسلت له اتصلت به وشكله برا رجعت أرسلت له رسالة صوتية

[Rider]

لي يعزك بيتصل لك تلفون ما تهنئة يرسالة لكل شخص عندهم في قائمة الاتصال علشان يريح نفسه انا واحد ماحب ارد على تهنئة ترسل لي مب معناها اني نفسية

[sara jsm]

اللي يطرش لي اطرش له :looking:
اما اللي مايرد فتاكد ان عنده 100 مسج مب راد عليهم ..

[العـوا]

في ناس تنقي على من ترد شغلة مصالح

[Rider]

في ناس تنقي على من ترد شغلة مصالح

كلامك صحيح ياخوي للأسف هذا لي قاعد يصير

[توشيبا]

‏في بعض الناس ترسله تهنيه بالعيد ع جوال مايرد عليك
ياتر ليش هل هو كبر وماهو الحل مع هذي النفسيات

الحل عندك

اذا تتضايق انه مايرد ونفسيه

طنش له

ولا ترسله

[عايش فرحان]

‏في بعض الناس ترسله تهنيه بالعيد ع جوال مايرد عليك
ياتر ليش هل هو كبر وماهو الحل مع هذي النفسيات

اعذر الناس
الواحد وراه ذباح و زيارات و عزايم واهل يوصلهم من بيت لين بيت
وين يحصل الوقت علشان يمسك الجوال و يشيك من طرش له مسج .. انا تجيني مسجات من شخص تعاملت معاه مرة وحدة من عشر سنين و يمكن رجع بلاده و ناسيني اصلا .. و امثاله كثااار
اذا بمسك الجوال و اقعد اشيك عالرسايل احتاج تفرغ كامل .. اقعد في بيتنا و ما اسوي شئ ثاني
اذا الشخص عزيز عليك لهالدرجه ارفع السماعة و كلمه ترانا بشر و قدراتنا و اوقاتنا محدودة مهما حاولنا

وكل عام و انت و الجميع بخير

[تاجر كشخة]

شوف اخوي على حسب انا ما ارد الا اذا خصني برسالة مميزة لي كأن يذكر اسمي مثلاً اما اذا رسالة عامة او صورة من النت ويرسلها للكل ما ارد عليه لانها رسالة جاهزة ما لها مشاعر خاصة اتجاهي فاهمين علي شلون ؟

[Rider]

شوف اخوي على حسب انا ما ارد الا اذا خصني برسالة مميزة لي كأن يذكر اسمي مثلاً اما اذا رسالة عامة او صورة من النت ويرسلها للكل ما ارد عليه لانها رسالة جاهزة ما لها مشاعر خاصة اتجاهي فاهمين علي شلون ؟

احلى رد وهذا فعلا الكلام الصحيح

[تاجر كشخة]

احلى رد وهذا فعلا الكلام الصحيح

انت احسن واحد
تثبيت يا مشرفين

[Rider]

انت احسن واحد
تثبيت يا مشرفين

الله يجزاك خير

[بوNasser]

السلام عليكم ورحمة الله.

المعذره لو ان ردي متأخر، بس على فكره بعضهم يعيد ارسال التهنئة بالعيد من غير ما يكلف نفسه تغيير اسم المرسل. لذلك ((في الغالب)) رسائل التهنئة الجماعية بالجوال مب معيار معزه او صداقة، خصوصا لما تكون ضمن قروب من عشرات/مئات الأشخاص.

تحياتي للجميع ودمتم سالمين

[sara jsm]

شوف اخوي على حسب انا ما ارد الا اذا خصني برسالة مميزة لي كأن يذكر اسمي مثلاً اما اذا رسالة عامة او صورة من النت ويرسلها للكل ما ارد عليه لانها رسالة جاهزة ما لها مشاعر خاصة اتجاهي فاهمين علي شلون ؟

انا فهمت عليك بس كم شخص بتخصه بالاسم !؟
بيخلص العيد وانت ماخلصت رسايلك .. الشخص المهم تتصل فيه اسرع :nice:

:

السلام عليكم ورحمة الله.
المعذره لو ان ردي متأخر، بس على فكره بعضهم يعيد ارسال التهنئة بالعيد من غير ما يكلف نفسه تغيير اسم المرسل. لذلك ((في الغالب)) رسائل التهنئة الجماعية بالجوال مب معيار معزه او صداقة، خصوصا لما تكون ضمن قروب من عشرات/مئات الأشخاص.
تحياتي للجميع ودمتم سالمين

ماتوقعت انتو الشباب جذي تفكرون .. :nop:
انا كل عيد اسوي قائمة للرسايل الجماعيه واطرش رساله وحدة باسمي للاشخاص اللي في هالمجموعه .. واغلبهم يردون علي بصورة ( ايموجي ) :playball:

[Dana’1]

أنا مره كتبت رد لوحدة و ضغطت ارسال و طلعت من البرنامج اساسا انشغلت فماعاد شيكت بوقتها وعقب طلع ان ماتم ارسال الرد كان معلق و مازال موجود بخانة الكتابه ..عاد الحمدلله كانت تمون و اتصلت علي
فمثل هالأمور وارد فيها الخطأ وصارت بغير اشكال و طرق
أما اذا تدري انه متعمد يعني سواها مرتين فخلاص لا تشره و لا تراسله خصوصا اذا مو من الأرحام منت مكلف بأحد الحمدلله

[الشرق العربي]

انا اقول من زحمة المعايدات يوم العيد
احتسب الاجر عند الله