ابغي شحم خروف من وين ؟

[Hayaqtr2022]

السلام عليكم

بغيت احد احصل عنده لية شاة ( شحم الخروف) بس يكون من عزبه ويطلع ياكل من العشب مش بس اعلاف




لغرض علاجي

ممكن حد يدلني على مزرعة او شخص ممكن احصل عنده ؟ عجزت القى مطلبي 🥲


Sent from my iPhone using Tapatalk

[sara jsm]

وعليكم السلام .. ترى طلبج صعب ..
خاصه تبينه يرعى وهاي ممنوع اغلب السنه ..

الله يشفي مريضكم ..

[توشيبا]

روح اقرب سوق للغنم يوم الجمعه بتحصل هرافي من العزب

الاهم شوف لك كبيره في العمر عندها هرافي جايبتهم تبيعها بتحصل سعرها شوي اغلى من السوق بس بيكون مطلبك

اما بس الليمه بروحها صعب تحصل

[بوNasser]

روح اقرب سوق للغنم يوم الجمعه بتحصل هرافي من العزب

الاهم شوف لك كبيره في العمر عندها هرافي جايبتهم تبيعها بتحصل سعرها شوي اغلى من السوق بس بيكون مطلبك

اما بس الليمه بروحها صعب تحصل

الصعوبة في الطلب : شرط ان يكون مرعاها عشب.

صحيح هرافي العزب متوفرة، بس اكيد اكلها من الأعلاف مب عشب. لأن الرعي ممنوع، والأراضي أصلاً جافه ولا فيها مرعي الا ما ندر.

دمتم سالمين.

[توشيبا]

اول مره اعرف ان رعي الاغنام ممنوع

اخبر بس اذا نزل المطر البلديه تقول ممنوع لمده عشرين يوم عشان العشب يطلع

اما اللي ممنوع الابل

[بوNasser]

اول مره اعرف ان رعي الاغنام ممنوع

اخبر بس اذا نزل المطر البلديه تقول ممنوع لمده عشرين يوم عشان العشب يطلع

اما اللي ممنوع الابل

كلامك صحيح المنع للإبل بس

انا اللي تداخلت وتخالفت المعلومات عندي.

اخترت اصغر خط لأن الاعتراف بالخطأ صعب شوي ;);)

[نووون]

عندي شحم خروف مذوب من ذباح البيت

غالباً مرعاه شوار ورودس وشعير .. في الحظيرة .. يعني يتحرك بحدود

النيوزيلاندي والاسترالي أتوقع هو اللي يرعى في مراعي عشبية

في كل الاحوال يتوفر عندي واذا بغيتي ... أقدمه لج هدية

تواصلي معاي عالخاص وفالج طيب