الزحمة

[Rider]

السلام عليكم ورحمة الله وبركاته موضوع يتكرر مع بداية كل عام دارسي الزحمة التي لا تطاق ياجماعة كل سنة نتكلم شوفوا حل للزحمة مايصير هالوضع
هناك أخطاء كثيرة في عملية التنظيم والتخطيط بس نسمع دوريات المرور في كل مكان لفك الاختناقات ولا شفنا شي ماعلينا من الحلول
سؤال للمسؤولين ليش دوام المدارس طويل ممكن الطلاب يداومون من الساعه 7 الى الساعه 12 فقط والدوامات الحكومية وغيرها من 8 الى 2 بكذا يكون الطلاب طلعوا قبل الموظفين وتكون خفت الزحمة
بعدين لو الاباء والامهات يخلون عيالهم يروحون في الباصات بدل السيارات بتكون خفت الزحمة بدل البيت الواحد ماتطلع منه اكثر من 3 سيارات كل توصيل المدارس ترى الباص مايفشل
ايضا لو اثناء بناء المدارس نخطط عدل مثلا في كل منطقة سكنية تبناء 6 مدارس 3 للبنين و3 للبنات مختلف المراحل بتخف الزحمة بيكون عيال اهل المنطقة مايطلعون من المنطقة
هناك افكر وحلول لكن من يسمع

[sara jsm]

وعليكم السلام ..

تدري هالسنه فاتحين 26 مدرسة جديدة متخيل :whistling:
ورغم هالشي وهالتوزيع واغلب اللي بهالمدارس من نفس المنطقه الا ان الزحمة لازالت ..
والسبب ان عدد السكان في ازدياد ..
مدرسه ولدي السنه اللي راحت زادوا العدد وافتحوا صفوف جديده من 300 طالب صاروا 700 وشوي ..
لان الناس قاعدة تزيد .. شوف مدارس السواقه اذا بتاخذ موعد لازم تنتظر اربع شهور..
يعني اللي قاعدين يتدربون ايضا في ازدياد وبتزيد السيارات وبتزيد الزحمة …. الخ

لازم تصير توسعه للمناطق عشان تستوعب هالاعداد من الناس والطلاب ..
التركيز كله عالدوحة والمناطق المحيطه .. يبي له توسعه شمال شرقي ..

[Rider]

وعليكم السلام ..

تدري هالسنه فاتحين 26 مدرسة جديدة متخيل :whistling:
ورغم هالشي وهالتوزيع واغلب اللي بهالمدارس من نفس المنطقه الا ان الزحمة لازالت ..
والسبب ان عدد السكان في ازدياد ..
مدرسه ولدي السنه اللي راحت زادوا العدد وافتحوا صفوف جديده من 300 طالب صاروا 700 وشوي ..
لان الناس قاعدة تزيد .. شوف مدارس السواقه اذا بتاخذ موعد لازم تنتظر اربع شهور..
يعني اللي قاعدين يتدربون ايضا في ازدياد وبتزيد السيارات وبتزيد الزحمة …. الخ

لازم تصير توسعه للمناطق عشان تستوعب هالاعداد من الناس والطلاب ..
التركيز كله عالدوحة والمناطق المحيطه .. يبي له توسعه شمال شرقي ..

فعلا اختي كلامك صحيح الناس في زيادة لكن لي في مدارس السواقة ياختي هم من فئة العمال يبغي ليسن علشان يشتغل لموزين هذوال بروح مسوين زحمه غير لي يشتغل بشكل غير نظامي ليسن وسيارته الخاصه ومحمولها تكسي اما بالنسبة للتوسع في المناطق انا معاك فعلا الزحمه في الدوحه لي يطلع على خط الشمال او دخان او سلوى وانت رايح صوب ابو سمره تقول ليش هالاراضي فاضية يعني من كبر قطر نقدر نستغل الأرضي أتمنى بعد كأس العالم تصير نفضه للتركيبة السكانية

[Dana’1]

الزحمة و أعمال الطرق اللي ما تنتهي حرفيا ماتنتهي ممكن تغيب سنه سنتين بس ترجع تشتغل من جديد على نفس الشارع اللي مفروض جديد!
وطبعا ما أقصد الصيانه للطريق لا شغل من جد و جديد على جزء أو حتى على كل الشارع!
هذا أكثر شي تلاحظه عندنا.

[Rider]

الزحمة و أعمال الطرق اللي ما تنتهي حرفيا ماتنتهي ممكن تغيب سنه سنتين بس ترجع تشتغل من جديد على نفس الشارع اللي مفروض جديد!
وطبعا ما أقصد الصيانه للطريق لا شغل من جد و جديد على جزء أو حتى على كل الشارع!
هذا أكثر شي تلاحظه عندنا.

نعم اعمال الطرق من ضمن اسباب الزحمة لكن ياختي المدارس لها دور كبير في الزحمة وهذا ملاحظ في عطلة المدارس تقل واذا فتحت المدارس صارت هالزحمة وبشكل عام قطر صارت مزدحمه لليل ونهار وخاصة في الدوحه وضواحيها

[سالم الزهران]

في كل شبكة طرق نحصل في إشارة أو ميدان يجمع الحركة اللي حوله حتى لو الشوارع الرئيسية اللي حوله تضاهية من ناحية المساحة الاستيعابية، لكن السر في موقع الشارع ومخارجة المرتبطة مع (طريق دائري، مجمعات حكومية، طرق خارجية).

فمثل هذي الشوارع تكون مزدحمة وتولد ازدحام.

افضل حل في نظري هو تنظيم اوقات الدوامات مثل ما ذكر الأخ رايدر.. وما بتنقلب الدنيا ولا يتأثر لا التعليم ولا الانتاجية. في بعض الدول الخليحية في مدارس حكومية دوامها مسائي من 12 الظهر حتى 5 العصر ويتخرج الطالب بنفس المستوى ولا صار في الدنيا شيء

[Rider]

في كل شبكة طرق نحصل في إشارة أو ميدان يجمع الحركة اللي حوله حتى لو الشوارع الرئيسية اللي حوله تضاهية من ناحية المساحة الاستيعابية، لكن السر في موقع الشارع ومخارجة المرتبطة مع (طريق دائري، مجمعات حكومية، طرق خارجية).

فمثل هذي الشوارع تكون مزدحمة وتولد ازدحام.

افضل حل في نظري هو تنظيم اوقات الدوامات مثل ما ذكر الأخ رايدر.. وما بتنقلب الدنيا ولا يتأثر لا التعليم ولا الانتاجية. في بعض الدول الخليحية في مدارس حكومية دوامها مسائي من 12 الظهر حتى 5 العصر ويتخرج الطالب بنفس المستوى ولا صار في الدنيا شيء

كلامك صحيح اخوي سالم غير الاشارات الضوئية لي بروحها كارثة وتسبب زحمة هل يعقل شارع طوله قول كيلو وفيه اكثر من 3 اشارات غير لي اشرت له ياخوي مخارج الطرق فيها اخطاء كثيرة

[dammaj77]

شوارعنا تحتاج توسعه انفاق وازلتة الاشارات الضوئية مثلاعندك تقاطع الفروسية خط حيوي شواحن وباصات مدارس وسيارات شركات واسعافاعات والتاكسي ومواتر سياكل لطلبات ورفيق وغيره يحتاج نفق لانه جاي من الشمال الى الجنوب ومن الشرق الى الغرب 8 اشارات ضوئية !!!وقت الذروة الاشارة بالراحة تفتح وتسكر من 3 الى اربع مرات واذا في مركبة متعطلة تجلس اكثر من نصف ساعة على الاشارة لم يجيك الدور :anger2:

[سعود.]

الحل هو شخل للعمالة السائبة + تقليل عمال الشركات الكبرى والمتوسطة ( المقاولات والبناء ) اغلب الزحمه منهم*

[Rider]

شوارعنا تحتاج توسعه انفاق وازلتة الاشارات الضوئية مثلاعندك تقاطع الفروسية خط حيوي شواحن وباصات مدارس وسيارات شركات واسعافاعات والتاكسي ومواتر سياكل لطلبات ورفيق وغيره يحتاج نفق لانه جاي من الشمال الى الجنوب ومن الشرق الى الغرب 8 اشارات ضوئية !!!وقت الذروة الاشارة بالراحة تفتح وتسكر من 3 الى اربع مرات واذا في مركبة متعطلة تجلس اكثر من نصف ساعة على الاشارة لم يجيك الدور :anger2:

فعلا كلامك صحيح الإشارات كارثة كبيره نعم محتاجين انفق وجسور أكثر يكفينا إشارات

[Rider]

الحل هو شخل للعمالة السائبة + تقليل عمال الشركات الكبرى والمتوسطة ( المقاولات والبناء ) اغلب الزحمه منهم*

نتمنى يحدث هذا بعد كأس العالم فعلا هناك ناس مسوين زحمه على الفاضي

[الشرق العربي]

قرات العنوان الرحمة
و بعدين قراتها الزحمة
ههههههه

[Rider]

قرات العنوان الرحمة
و بعدين قراتها الزحمة
ههههههه

يسعدنا مروك لكن ماعلقت على الموضوع

[sara jsm]

الحل هو شخل للعمالة السائبة + تقليل عمال الشركات الكبرى والمتوسطة ( المقاولات والبناء ) اغلب الزحمه منهم*

صج عاد !! :playball: ومن بيشتغل مكانهم !!!
العماله السائبه على قولتك هذولا ماعندهم اقامة عشان تكون عندهم سيارة …

طالعوا الموضوع من زاويه ثانيه .. بدال ماتشخلون السكان ..
زيدوا المساحة العمرانيه في المناطق الثانيه .. التوزيع الصح هو الحل الامثل ..

وشكرا :tooth:

[سعود.]

صج عاد !! :playball: ومن بيشتغل مكانهم !!!
العماله السائبه على قولتك هذولا ماعندهم اقامة عشان تكون عندهم سيارة …

طالعوا الموضوع من زاويه ثانيه .. بدال ماتشخلون السكان ..
زيدوا المساحة العمرانيه في المناطق الثانيه .. التوزيع الصح هو الحل الامثل ..

وشكرا :tooth:



وسواقة الحريم في الشارع من ضمن اسباب الزحمه :yes:. العماله اسائبه عندهم كل شي سيارات وسكن كذلك . يشتغل بدالهم عمال نظامين معروف محلهم

[sara jsm]

https://f.top4top.io/p_2438664mz6.jpeg (https://top4top.io/)

[الشرق العربي]

اعتقد ان واسائل المواصلات العامة حلت الموضوع جزئيا
و افضل دليل هو المترو .
اذا تلاحظون عدد من يستعملمون المترو كل يوم يزيد علي اليوم الي قبلة

و هذا يبشر بالخير
اتوقع في كاس العالم . الناس راح يستعملمون وسائل المواصلات بكثرة و خصوصا ان الجو راح يكون جميل . بس الله يعين علي الزحمة

[الكواري 1972]

شوارعنا غلط

[Rider]

شوارعنا غلط

شوارع مب غلط بعض لي يسوقون هم أكبر غلط

[Rider]

صج عاد !! :playball: ومن بيشتغل مكانهم !!!
العماله السائبه على قولتك هذولا ماعندهم اقامة عشان تكون عندهم سيارة …

طالعوا الموضوع من زاويه ثانيه .. بدال ماتشخلون السكان ..
زيدوا المساحة العمرانيه في المناطق الثانيه .. التوزيع الصح هو الحل الامثل ..

وشكرا :tooth:

فعلا مطلوب الزيارة السكانية في بعض المناطق استغرب ليه من مركز ابو سمره لين خط سلوى بر ايضا طريق الشمال ايضا طريق الشحانية دخان خل يستغلونها

[الكواري 1972]

شوارع مب غلط بعض لي يسوقون هم أكبر غلط


هل يعقل شارع رئيسي ماله الا مخرج واحد وضيق يالله سياره تدخل

المداخل والمخارج لا بد من توسعتهم على حسب الحاجه

شوارع جديده مسوين مخرج على جسر لسياره

للعلم مع ان عندهم مساحات كافيه

وبعدين بعض البيوت والمحلات متداخله مع الشوارع

ليش مايتم ازالتها

غيض من فيض

[Rider]

هل يعقل شارع رئيسي ماله الا مخرج واحد وضيق يالله سياره تدخل

المداخل والمخارج لا بد من توسعتهم على حسب الحاجه

شوارع جديده مسوين مخرج على جسر لسياره

للعلم مع ان عندهم مساحات كافيه

وبعدين بعض البيوت والمحلات متداخله مع الشوارع

ليش مايتم ازالتها

غيض من فيض

نعم الكلام صحيح المخارج والاشارات وسؤ التخطيط سبب كبير للزحمه