توقعاتكم لــ شهر سبتمبر 2022

[Al-Mezan]

مؤشر داونجونز ارتد 350 نقطه قبل الاغلاق

[متفائل فنان]

الداو قلص من هبوط 824 نقطه
الى هبوط 486


ان شا الله الاسبوع الجاي شمعه شهريه حلوه رغم اني فاقد الامل
لعدم وجود اسباب

واهم شي سوقنا الاحد مايقسى :cry2:

[معماري قطري]

الأحد المضارب يتيم على مائدة لئيم والخايف كذلك

الأثنين نشوف شيصير في بقية العالم وبنعرف سوقنا وين متجه بس الاسبوع الجاي لو خسر 500 نقطة على مدار الاسبوع بيكون إنجاز والخوف تكون أكثر

[Al-Mezan]

لا حول ان شاءالله سوقنا يخالف بوم الاحد

[داااايم السيف]

صفقتين بالوطني والمصرف وصناعات بمليونين او ثلاث مع الافتتاح تكفي نشوف المؤشر 300 نقطه هبوط
دوام الحال من المحال وباذن الله الشركات الي حققت عوائد طيبه ومتوقع منها مردود طيب بيكون ادائها طيب مع مرور الوقت
اما الاسهم المتضخمه والمعروفه للجميع الي مالها اساسات واضحه واسعارها تعتبر قمم بالنسبه لعوائدها ممكن نحط عليها علامات استفهام
برايي اي هبوط اشوفه فرصه للمستثمرين او المضاربين فئة قصير ومتوسط المدى للاسهم الي منها رجا
اضحك نكته ان فيه ناس اقتنعت بالعملات الافتراضيه ولين يومك وناويه تستثمر فيها
والنكته الثانيه ان الدولار الي كلنا نعرف انه مطبوع بدون غطاء من الذهب صار له قيمه واعطوه قيمه عشان يخفضون التضخم
مثل القربه الي يعبونها من فوق وهي تصب من تحت
مايصح الا الصحيح
وبالتوفيق للجميع

[Abjalsulaiti]

يوم الاثنين بتكون الاسواق الامريكيه مرتده

وسوقهم فاليوم يرتفع 1000 نقطه

الاسهم وصلت اسعار ممتازه بالسوق الامريكي والقطري

اتوقع لوفتح سوقنا على نزول باذن الله هذه النزله الاخيره

اعلانات الربع الثالث عقب كم اسبوع

اتوقع القطاع العقاري ارباح ونمو كبير

ازدان بروه المتحده ومزايا

القطاع الصناعي اتوقع نمو كبير للخليج الدوليه ولو ان قطاع الخدمات شايلها بقوه

ازدان ارباح رفع الاجارات مرتين وارباح تاجير على لجنة الارث وارباح بيع فندق ذا كيرف الي مقابل الفور سيزون بتعطي قفزه قويه

فالكم التوفيق وبمثل هذه الاحداث هني تقدر تحصل الاسهم باسعار زينه

[alkaldi]

اتوقع والله اعلم رايحين الى المجهول
الاسهم كلها غير مطمنه كل القطاعات
حتى العقار اللي كنا نتامل فيه خير رايح فيها
كاس عالم على ماباقي له الا اقل من شهرين الاسهم فيه اقل من ريال
في آسيا 2006 كانت البورصه غير شنو اللي اختلف بين الحين وذاك الوقت
وتامل في الاسابيع القليله قبل كاس العالم تتلمم الاسهم وتعيد توازنها وتبدا المسار الصح
صار لنا فتره من نزول الى نزول وبارقام مخيفه
ياترى متى بيرد الى طبيعته السوق
يارب الايام الجايه او على الاقل الاسابيع
بي يرزق الجميع

[متفائل فنان]

يوم الاثنين بتكون الاسواق الامريكيه مرتده

وسوقهم فاليوم يرتفع 1000 نقطه

الاسهم وصلت اسعار ممتازه بالسوق الامريكي والقطري

اتوقع لوفتح سوقنا على نزول باذن الله هذه النزله الاخيره

اعلانات الربع الثالث عقب كم اسبوع

اتوقع القطاع العقاري ارباح ونمو كبير

ازدان بروه المتحده ومزايا

القطاع الصناعي اتوقع نمو كبير للخليج الدوليه ولو ان قطاع الخدمات شايلها بقوه

ازدان ارباح رفع الاجارات مرتين وارباح تاجير على لجنة الارث وارباح بيع فندق ذا كيرف الي مقابل الفور سيزون بتعطي قفزه قويه

فالكم التوفيق وبمثل هذه الاحداث هني تقدر تحصل الاسهم باسعار زينه

صحيح اخوي لكن حط بالاعتبار ان المشكله الاساسية حاليًا ارتفاع موشر الدولار
هو لو ينزل كل شي راح يطير وماراح ينزل الا بإعلانات ايجابيه بخصوص التضخم،

اسهم كثيره تحت سعرها وتعطي عوائد لكن ماتعرف شلون أداءها راح يكون فالنصف الثاني؟
او ماتدري شنو راح يصير بعد مايستمر سعر الفائده مرتفع لمده طويله لنتائج هذي الشركات
الي غالبا راح تكون نتائج سلبيه جدا يتبعها هبوط في العوائد وقيمة السهم،

يجب اولًا وقبل كل شيء سماع اخبار ايجابيه بخصوص التضخم
عشان ترجع الايجابية للاسواق.*

[قطر 2030]

كثير ردود اعتمدنا عليها وساعدتنا على انه انزيد الصبر والمحصلة خساره اكثر

المشكله من يعوضك الخساير !

اسهم فوق سعرها نزل تحت واللي بيشتري بعد بيخسر

[alkaldi]

كثير ردود اعتمدنا عليها وساعدتنا على انه انزيد الصبر والمحصلة خساره اكثر

المشكله من يعوضك الخساير !


اسهم فوق سعرها نزل تحت واللي بيشتري بعد بيخسر

نصيحه اخوي لا تسمع لاي احد الا اذا كان ثقه
ولي ماشاء الله بهالمنتدى اشخاص ثقه تقدر تعتمد عليهم
وفي الاول والاخير التوفيق من الله والرزق من عنده
والقرار قرارك بعد
والله يعوضك ويعوضنا خير ان شاء الله
وربي يرزق الجميع

[معماري قطري]

صفقتين بالوطني والمصرف وصناعات بمليونين او ثلاث مع الافتتاح تكفي نشوف المؤشر 300 نقطه هبوط
دوام الحال من المحال وباذن الله الشركات الي حققت عوائد طيبه ومتوقع منها مردود طيب بيكون ادائها طيب مع مرور الوقت
اما الاسهم المتضخمه والمعروفه للجميع الي مالها اساسات واضحه واسعارها تعتبر قمم بالنسبه لعوائدها ممكن نحط عليها علامات استفهام
برايي اي هبوط اشوفه فرصه للمستثمرين او المضاربين فئة قصير ومتوسط المدى للاسهم الي منها رجا
اضحك نكته ان فيه ناس اقتنعت بالعملات الافتراضيه ولين يومك وناويه تستثمر فيها
والنكته الثانيه ان الدولار الي كلنا نعرف انه مطبوع بدون غطاء من الذهب صار له قيمه واعطوه قيمه عشان يخفضون التضخم
مثل القربه الي يعبونها من فوق وهي تصب من تحت
مايصح الا الصحيح
وبالتوفيق للجميع

الدولار يا اخوي طول عمره له قيمة ومضمون في أي مكان ومطلوب ومن هشكل دول كثيرة غالب سلة عملاتها الأخضر وتذبذبه قليل مقارنة بعملات كثيرة اليوم تملك منها ما يساوي 10 ملايين بعد شهر تبغي تشتري سلعة أما مب مقبولة ويقولون لك حولها دولار والا قيمتها هبطت وتسوى 8 ملايين والا أقل

[معماري قطري]

كثير ردود اعتمدنا عليها وساعدتنا على انه انزيد الصبر والمحصلة خساره اكثر

المشكله من يعوضك الخساير !

اسهم فوق سعرها نزل تحت واللي بيشتري بعد بيخسر

لا تلوم غيرك على اختيار انت اخترته انا دوم ألوم نفسي وأقول لو بعت ورجعت شريت ألحين كنت طلعت مبلغ كذا هذا في نزول السوق وفي ارتفاعه أشوف محفظتي تزيد واستانس ونفسي الطماعة تقول لي لا اصبر شوي .. صحيح أقرأ وأتابع تحليلات بس انا مسؤول 100% عن قراراتي

[mouhajare]

لا تلوم غيرك على اختيار انت اخترته انا دوم ألوم نفسي وأقول لو بعت ورجعت شريت ألحين كنت طلعت مبلغ كذا هذا في نزول السوق وفي ارتفاعه أشوف محفظتي تزيد واستانس ونفسي الطماعة تقول لي لا اصبر شوي .. صحيح أقرأ وأتابع تحليلات بس انا مسؤول 100% عن قراراتي

جزاكم الله خير نفس الحالة معي

[mubarak2006]

وين القاع ياشباب .. نبي ندخل .. بس الوضع مايشجع

[ابومبارك]

باقي على القاع شويه

[بوجبر]

منتظر كلام المدافعين عن الصانع والاسهم؟؟؟

من ثم اقرر اما الشراء ا التفرج

[شراع]

من اجتهد و وضع تحليلات فنية ومن اجتهد واعطى نظرة متفائله معتمد على اساسيات مالية ونمو لبعض الشركات .نشكر كل من قدم شيئ يستند فيه على واقع وخبرة ومنطق .
اما ان تتغير الاوضاع العالمية والسياسية وتصبح هي المؤثر الاقوى فهذا لا يعني ان نسخط ونهاجم الناس .
واعتقد ان كل محلل وكل صاحب رأي قد سبق واشار ولمح ان الحروب والازمات العالميه قد تكون لها كلمة رغم المؤشرات المحلية الايجابيه .
من صفات المتواكلين والطماعين انهم دائما يلقون اللوم على غيرهم وينسون او يتناسون ان محافظهم في يوم كانت رابحه لكن رغبتهم كانت في زيادة هذا الربح وهذا حق مشروع اذا كان صاحبه شخص منطقي ويضع كل الاحتمالات امامه ويتقبلها بصدر رحب مهما كانت لانه ربحه ان زاد لن يشاركه احد فيه وكذلك ان تلاشى فلن يعوضه احد وهو وحده صاحب القرار .
ذلك لا يعني ابدا ان السوق قد انهار وان الهبوط سيستمر .. ابدا بالعكس فانا عن نفسي ارى انها مجرد موجة تصحيح مستحقه تواكبت معها اخبار عالمية سيئه مما زاد الضغط على الاسهم واجبر السوق للذهاب لادنى الدعوم الممكنه والغير متوقعه ..
.فهل ستستمر الضغوط للابد !!
وهل الايجابية على المستوى المحلي لن يكون لها دور ابدا !
الاجابه بإذن الله سنراها قريباً بشكل عملي .
المهم اننا نتعلم في كل مره شيئ جديد ولا نكرر الاخطاء نفسها .

[alkaldi]

نشوف الوضع اليوم في البورصات العالميه اذا نزول اكيد احنا نزول
اذا طلوع ونتمى ذلك بيكون طلوع
معماري اخونا الغالي هو تخصص التداول في البورصات العالميه
دوم اتابعها منه الله يعطيك الصحه والعافيه
وربي يكتب الخير قريب ان شاء الله

[alkaldi]

سبحان الله قل شهرين تقريبا في احد او كذا محلل
في تحليلاته كله يقول مبروك عليكم الطلوع لاكثر من 40 او 50 في الميه او اكثر
ووصلت الاسهم فاسعار حلوه
هالايام والايام اللي راحت العكس نزول من ذكر النسب المئويه
سوق الاسهم عجيب ممكن يطلعك فوووق ومكن العكس
الله يعوض كل خسران
وربي يكتب لنا الخير قريب

[رشودي]

سوق ابو ظبي نزول طفيف ... همه في كوكب غير مثلا ؟

[ابومبارك]

الاشاعات الي جالسه تطلع الان عن حرب روسيا هي الي مهبطه البورصه
كل نفحة هواء طاحت
ومازالت الاشاعات تتحاذف في التواصل الاجتماعي
يعني انسوا الطلوع هذي الايام اذا كانت مشتعله بينهم مد وجزر
والله يعينا عليهم

[مضارب دوسري]

سوق ابو ظبي نزول طفيف ... همه في كوكب غير مثلا ؟

الاحد اجازه عندهم

[ابومبارك]

الاحد اجازه عندهم


هذي الي يسمونها اشاعه ههههههههههههههه شلون نزول طفيف في بورصة ابوظبي والاحد عندهم اجازه


crazy

[رشودي]

هذي الي يسمونها اشاعه ههههههههههههههه شلون نزول طفيف في بورصة ابوظبي والاحد عندهم اجازه


crazy

الدوسري يقصد ان التشارت الي شفته انا و قلت عنه نزول طفيف كان يوم جمعه وا انا توقعته الاحد .... كلامه صحيح

[بن الخطاب]

اغلب الأسهم عليها ديفرجنس إيجابي

[alkaldi]

سالسالفه ليه راح فيها السوق في اخر شي

[roma27]

سالسالفه ليه راح فيها السوق في اخر شي

تعود على الحزن

[Al-Mezan]

كل شي بيتعوض ان شاءالله

[معماري قطري]

هبوط نقدر نقول جماعي لأسواق العالم وبعضها فوق 2% والسلع نزلت نزول معتبر منها الذهب المستثمرين يبيعون ويتجهون للودائع البنكية الإستثمار الآمن الآن والمربح ويدرون الذهب غالي وأعطاهم ربح كبير .. نفس الحال مع مستثمري الأسهم


Crude Oil WTI
78.30 -0.44 -0.56%
Brent Oil
84.48 -0.55 -0.65%
Natural Gas
6.832 -0.160 -2.29%
Gold
1,646.20 -9.40 -0.57%
Silver
18.593 -0.317 -1.68%
Copper
3.316 -0.0270 -0.81%
US Soybeans
1,421.38 -3.62 -0.25%

سوقنا بداية ارتداد لكثير من الأسهم لكن الإتجاه العام هبوط .. نشوف من يبيع ومن يشتري من الفئات اليوم وأمس

أمس افرادنا شراء بحدود 3.4 مليون مما يزيد على 134 مليون أكثرها تدوير .. ومحافظنا شراء حول 16 مليون .. الخليجيين بيع محافظ وأفراد بحدود 3 مليون .. العرب بيع بس للأفراد بحدود مليونين .. والأجانب الأفراد شراء حول 7 مليون والمؤسسات بيع حول مليون

اليوم القطريين أفراد شراء ب 55 مليون والمحافظ بيع 8 مليون .. الخليجيين أفراد شراء ب 2.4 مليون والمحافظ بيع ب 11 مليون .. العرب شراء قريب 10 مليون الافراد فوق التسعة مليون والباقي قليل للمحافظ .. الأجانب بيع للأفراد 2.5 مليون والمحافظ حول 45 مليون بيع

تقريباً يومين أكثر البيع للمحافظ خصوصاً اليوم نية البيع واضحة

[معماري قطري]

باقي 3 أيام تداول للربع الثالث وبندخل الإعلانات أتمنى من الاسبوع القادم وعلى الأقل تحديد المواعيد ونشوف هل بتحافظ أسهمنا على نسب النمو المحققة أو بتعلن هبوط وممكن خساير

[alkaldi]

تعود على الحزن

كله حزن في حزن
مافي فرح متى نفرح
الله يرزق الجميع قريب ان شاء الله
هل في امل انه السوق يتعدل او بيتم على هالحال
والامل بالله كبير

[معماري قطري]

كله حزن في حزن
مافي فرح متى نفرح
الله يرزق الجميع قريب ان شاء الله
هل في امل انه السوق يتعدل او بيتم على هالحال
والامل بالله كبير

شوف الله يسلمك اليوم شراء الأفراد 55 مليون وأمس وايد أقل ما كان فيه يقين وهذا الشراء كله من اللي باعوا قبل وزين سووا باعوا بداية الهبوط ومع بوادر الأمل في ارتداد ووصول الأسهم المضاربية لأسعار جيدة رجعوا يشترون .. متأكد كثيرين رجعوا يشترون أسهمهم اللي باعوها

[معماري قطري]

مب شرط كل سهم يستمر في سلوكه السابق ممكن نشوف ازدان يتذبذب بين ريال ونص وريال و20 درهم وممكن سهم من الصغار تطلع عليه أخبار طيبة ونتائج جيدة تحركه لأعلى وممكن تدبيلة وازدان من الصغار في القيمة قصدي .. الإنتعاش جاي ومستمر الى 2023 بإذن الله حتى اللي طلع واستفاد واضح ان السوق مغري له ألحين

[متفائل فنان]

مؤشر الدولار رد يطلع ونزل على طول الداو وخام برنتcrazy
شنو الي بيوقف الدولار؟
ان شاء الله بكره وجه النحس يتكلم عن اخبار تطيح الدولار شوي
لو يرد 110 وتحت ياسسسلام:pic:

[عضو مشاكس]

كل مانقول هانت السوق يعمق خسايرة
وكل ماتقول مابي ابيع بخسارة ثاني يوم السهم يعمق خسائرة

اللي يبيع بخسارة تعلم من اخطاء الماضي تبيع بالقاع
وترد تشتري بالقمة ابعد عن السوق فترة االحالية ولا تبيع بخسارة

[alkaldi]

مب شرط كل سهم يستمر في سلوكه السابق ممكن نشوف ازدان يتذبذب بين ريال ونص وريال و20 درهم وممكن سهم من الصغار تطلع عليه أخبار طيبة ونتائج جيدة تحركه لأعلى وممكن تدبيلة وازدان من الصغار في القيمة قصدي .. الإنتعاش جاي ومستمر الى 2023 بإذن الله حتى اللي طلع واستفاد واضح ان السوق مغري له ألحين

بس ياخوي الوضع يخلي الواحد ما يعرف سالي قاعد يصير
امور الاسواق كلها مربوطه مع بعض والضروف السياسه غير مستقره
شكل سوقنا ما راح ياثر عليه كاس العالم اللي الكل كان متامل فيه
حتى لو بياثر متى يعني في الامتار الاخيره
الكل الحين حاط امله في الاسهم الصغيره والاغلب داخلين باسعار من فوق وخسرانيين
وكل ما واحد يبي يعدل الامور في نزول وخساير اكثر
الله المستعان
وربي يرزق الجميع

[بوجبر]

اللي فيها فيها بكرة ان شاء الله راح ارمي 150 الف ريال في بروه

[السيلاوي]

اللي فيها فيها بكرة ان شاء الله راح ارمي 150 الف ريال في بروه

كفو يا بو جبر
قوي قلبك
بروة ممتازة للاستثمار

[بوجبر]

كفو يا بو جبر
قوي قلبك
بروة ممتازة للاستثمار


جزاك الله خير اخوي السيلاوي

فالك التوفيق ان شاء لله

[بوجبر]

اذا راح نتابع اداء الاسواق العالمية ماراح نخلص

[roma27]

اذا راح نتابع اداء الاسواق العالمية ماراح نخلص

كفو عليك انا بشتري الدولي والملاحه بس بمبلغ اقل منك

[alkaldi]

اذا راح نتابع اداء الاسواق العالمية ماراح نخلص

شنسوي اخوي مجبورين
لو كان ما نتابع ما كان حال السوق هالشكل

[بوبدرvip]

ياخوان لأ حد يبيع اسهمه بخسارة امسكو اسهمكم

[adell]

الغريب ان سوق الدو جونز جاب دبل مرتين يعني اذا نزل الف والا 5 الاف نقطه طبيعي والاغرب ان بيرجع في يومين يعوضهم والاسواق ال حولنا جابت بعد قمم مع ان المفروض سوقنا احنا ال يرتفع
فسوقنا ما ارتفع وينزل شي غريب

[متفائل فنان]

صباح الخير
حاليا في طراطيش اخبار ايجابيه ممكن تساعد بتخفيف الفيدرالي
من قوة تصاريحه السلبيه + اعادة ترتيب الاوراق وتخفيف حدة زيادة الفائدة،
لان الزياده الاخيره اثرت بشكل كبير والاقتصادات ماتتحمل قوة اكثر من هذي،
وتوجد طرق ممكن تكون افضل ان شاء الله في حل أزمة التضخم.

الحمدلله كنا نحتاج بعض الايجابيه حتى لو كانت قلييييله لكن باذن الله انها مجرد بدايه،
وتتبعها تصريحات وجه النحس باول تكون إيجابيه للاسواق ان شاء الله.

[Breakaway]

اللي فيها فيها بكرة ان شاء الله راح ارمي 150 الف ريال في بروه

السعر باقي له 50 نقطة نزول ويصل لمستوى دعم قوي (3.210)، راقب الوضع!

104468

[متفائل فنان]

صباح الخير
حاليا في طراطيش اخبار ايجابيه ممكن تساعد بتخفيف الفيدرالي
من قوة تصاريحه السلبيه + اعادة ترتيب الاوراق وتخفيف حدة زيادة الفائدة،
لان الزياده الاخيره اثرت بشكل كبير والاقتصادات ماتتحمل قوة اكثر من هذي،
وتوجد طرق ممكن تكون افضل ان شاء الله في حل أزمة التضخم.

الحمدلله كنا نحتاج بعض الايجابيه حتى لو كانت قلييييله لكن باذن الله انها مجرد بدايه،
وتتبعها تصريحات وجه النحس باول تكون إيجابيه للاسواق ان شاء الله.

مافي اي جديد للاسف، التصريحات للحين سلبيه على الأسواق
وايجابية لمؤشر الدولار*

[عضو مشاكس]

ياخوان لأ حد يبيع اسهمه بخسارة امسكو اسهمكم

اللي قاعد يبيع المستثمرين على الليعار الحالية مايدري
انه قاعد يبيع اعلى عائد على السهم في السوق 6.5%

[فهـد]

اللي قاعد يبيع المستثمرين على الليعار الحالية مايدري
انه قاعد يبيع اعلى عائد على السهم في السوق 6.5%

سيناريو خ التكافلي بيتكرر في مستثمرين
واللي يبيع بهذي الاسعار راح يعض اصابع الندم

[Breakaway]

ماهي الدروس التي تعلمتها من أزمة رفع الفيدرالي للفائدة?!;
كيف ستتصرف في المرة القادمة كمستثمر أو مضارب في البورصةإن طلت علينا الأزمة مرة أخرى!?

[بوجبر]

اهم شيء بروه ارتفعت

اداء بعض الاسهم مثل فودا فون مستثمرين اجاره مزايا لا تغير

[ابو عبده]

ان شاءالله بكرة اكتر من 5 شركات ممكن لمت ا
نقول يارب

[ابومبارك]

الظاهر حان وقت ارتفاع الاسهم العقاريه
الله يوفق الجميع

[داااايم السيف]

اهم شيء بروه ارتفعت

اداء بعض الاسهم مثل فودا فون مستثمرين اجاره مزايا لا تغير

يمكن ملاك هذي الاسهم خايفين من ضربة بوتن
الله يهديه الي امس كان يحذر من اغلب الاسهم مثل الريان والدوليه وقامكو وازدان والسوق في ترند هابط وينصح بالخروج لان الدنيا دمار
المشكله في نص الجلسة اليوم غير كلامه وقام يقول اشتروا وامسكوا ووووو
قلنالك ياخوي اغلبهم تحاليله على حسب محفظته ومشاركاته تفصيل بلي فيها
الله يهديهم

[Al-Mezan]

سؤال للجميع،
اذا السوق باجر طلع ووصل لسعر الشراء ، ورجع لك راس المال رح تبيع ولا بتنتظر ؟

[alkaldi]

الظاهر حان وقت ارتفاع الاسهم العقاريه
الله يوفق الجميع

بو مبارك جهز المدخن مالك من الحين لين بكرا
ههههههههه

[بوبدرvip]

انشاء الله ارتفاع جلسه الغد تسر الجميع هذا والعلم عند الله

[المدمر]

سؤال للجميع،
اذا السوق باجر طلع ووصل لسعر الشراء ، ورجع لك راس المال رح تبيع ولا بتنتظر ؟

مرحبا عن نفسي لا والسبب قناعتي الشخصية ان مناطق البيع بعيدة جدا وبعدين لا يوجد مجال اخر في الوقت الحالي نضع الاموال فيه

بسبب كاس العالم اسواق المال افضل واقل تكلفة واسرع ربح

[ابومبارك]

سؤال للجميع،
اذا السوق باجر طلع ووصل لسعر الشراء ، ورجع لك راس المال رح تبيع ولا بتنتظر ؟

الي شاري على شهر 4 يبي له ارتفاعات زياده عشان يرجع راس ماله
تو الناس
اما الي توه داخل يصبر وبيحصل ربح زين ان شاء الله
والله يوفق الجميع

[بن الخطاب]

من بداية شهر أغسطس ونزول تدريجي بسبب التوترات السياسية والاقتصادية التي أثرت علي البورصات العالمية
نزل المؤشر من بداية شهر الي نهاية شهر سبتمبر ما يقارب 1777 نقطة وارتد من نقطة دعم 12287
نحتاج اغلاق فوق 12750
اليوم اغلاق أسبوعي وشهري
بالتوفيق للجميع

[Breakaway]

شمعة أسبوعية إيجابية للمؤشر ولمعظم الاسهم مبشرة بالخير، لنا جولة صعود الأسبوع القادم إن شاءالله

[متفائل فنان]

بوتين يلعب بالموازين،
لاول مره هبوط معتبر لمؤشر الدولار ويلحقه هبوط الاسواق الامريكية،
بسبب الخطاب الي راح يلقيه بكره.

[المدمر]

‏مرحبا أخي نزول الأسهم الأمريكية ليس بسبب تصريحات بونين بل بسبب الإعصار الذي ضرب فلوريدا ونزول مؤقت

بصراحة صار لي كم يوم طق حنك في المجلس وصاير من فانز امير الوقت

صاير مستثمر في اغلب الاسهم الإسلامية

والرزق بيد الله

[معماري قطري]

‏مرحبا أخي نزول الأسهم الأمريكية ليس بسبب تصريحات بونين بل بسبب الإعصار الذي ضرب فلوريدا ونزول مؤقت

بصراحة صار لي كم يوم طق حنك في المجلس وصاير من فانز امير الوقت

صاير مستثمر في اغلب الاسهم الإسلامية

والرزق بيد الله

هههههه عجبتني من فانز أمير الوقت .. نستوي خواله بس ما عرفته شخصياً والله يعينه تعرض لمشاكل

مبروكين الإرتفاعات الحلوة وكانت عندي مشكلة في النت البرودباند توها من شوي منحلة والا شاركتكم الاحتفالات بكاس البورصة

كانوا يومين حلوين بعد خروج البطل الجبار واعلانه صناعة السوق ولا فهمت شيء من الإعلان بس يالله رجعوا يشترون بالكلام لكن الجداول توضح بيع وشراء قوي من المحافظ الأجنبية خصوصاً وأقل شوي من الخليجية .. أعتقد ما حصل في اليومين هو شراء استباقي وبيع من صانع السوق وأكثر منه من القطريين الأفراد ما ادري شدخلهم في البيع والشغل الحقيقي بيبدأ يوم الأحد حسب اعلانات بعض البنوك بدخولهم كصناع

الدوحة محلوة والأجواء واعدة وجميلة ومبروكين من صمدوا والله يوفق الجميع

[المدمر]

مرحبا ابو عبدالله بصراحة انا معجب بالطاقة الايجابية الي عنده

[alkaldi]

عودا حميدا بوعبدالله
اضم صوتي لاخونا المدمر
طاقه ايجابيه وتنوع في الكلام واختيار موفق في للكلمات والعبارات
نستفيد منك في كثير من الاشياء
الله يعطيك الصحه والعافيه
ان شاء الله يارب امور سوقنا تبدا احلى واحلى من الاسبوع القادم
كفايه نزول وان شاء الله سوقنا ياخذ مسار بروحه
مب كل ما نزلت الاسواق الثاني نزل
عندنا استحقاق الكل يحلم يسويه وما يكون الا كل اربع سنوات
اذا ما استفاد منه متى يستفيد
وربي يرزق الجميع

[معماري قطري]

عودا حميدا بوعبدالله
اضم صوتي لاخونا المدمر
طاقه ايجابيه وتنوع في الكلام واختيار موفق في للكلمات والعبارات
نستفيد منك في كثير من الاشياء
الله يعطيك الصحه والعافيه
ان شاء الله يارب امور سوقنا تبدا احلى واحلى من الاسبوع القادم
كفايه نزول وان شاء الله سوقنا ياخذ مسار بروحه
مب كل ما نزلت الاسواق الثاني نزل
عندنا استحقاق الكل يحلم يسويه وما يكون الا كل اربع سنوات
اذا ما استفاد منه متى يستفيد
وربي يرزق الجميع

يا هلا ومرحبا اخوي الخالدي .. المدمر يقصد أمير الوقت وانت تقصدني زين والحمد لله الله يجعلنا ايجابيين دوم بس من أيام كانت السلبية ذابحتنا بسبب نزول السوق

[ابومبارك]

هلا بـ معماري

عليك ابسن يومين

:waiting:

[معماري قطري]

هلا بـ معماري

عليك ابسن يومين

:waiting:

هلا وغلا

مشكلة يا اخوي بو مبارك في النت يفتح كل موقع الا ذيه ما انحلت الا بعد ما كلمت اوريدو

[معماري قطري]

الأوضاع العالمية للحين ما تطمن بس شكلها بتنحل بتوافق وشكلهم يدرون بسبب الحرب .. بس بنرجع للقطبين اتحاد روسيا وشركاءها وأمريكا وبناتها .. وأوكرانيا بترضى بحل التحاقها بالنيتو وخسارتها لأرض كبيرة .. هذا توقعي ووقتها بتكون الأمور وايد أفضل للعالم وللأسواق

[ابومبارك]

هلا وغلا

مشكلة يا اخوي بو مبارك في النت يفتح كل موقع الا ذيه ما انحلت الا بعد ما كلمت اوريدو


يعطيك العافيه يامعماري
وان شاء الله سوقنا يوم الاحد يكمل ارتفاع حتى لو بسيط او يثبت على الاقل

[alkaldi]

يا هلا ومرحبا اخوي الخالدي .. المدمر يقصد أمير الوقت وانت تقصدني زين والحمد لله الله يجعلنا ايجابيين دوم بس من أيام كانت السلبية ذابحتنا بسبب نزول السوق

كلكم تستاهلون الخير
انت بعد مثل ماقال ابومبارك كنت ابسنت
هههههه

[alkaldi]

الأوضاع العالمية للحين ما تطمن بس شكلها بتنحل بتوافق وشكلهم يدرون بسبب الحرب .. بس بنرجع للقطبين اتحاد روسيا وشركاءها وأمريكا وبناتها .. وأوكرانيا بترضى بحل التحاقها بالنيتو وخسارتها لأرض كبيرة .. هذا توقعي ووقتها بتكون الأمور وايد أفضل للعالم وللأسواق

الحين اوروبا شكلها راح تنسى الاراضي وراح تسكت اوكرانيا بوعود الانضمام
لانها بتكون مشغوله بالشتاء اللي بيكون عليها جحيم شلون بينحل وشلون بيعوضنه
ولو عوضوه هالشتاء السنه الجايه شلون بيعرضونه
الله يستر علي الجميع
ويحفظ قطر والعرب اجمعين

[معماري قطري]

يعطيك العافيه يامعماري
وان شاء الله سوقنا يوم الاحد يكمل ارتفاع حتى لو بسيط او يثبت على الاقل

الله يعافيك ويبقيك

اللي بيخرب السالفة الأحد ممكن وممكن لا هو هبوط السوق الأمريكي الجمعة والنفط بس تعودنا الأثنين يبدأ المستقبلي في الإرتفاع ومع هبوط الدولار هذا شيء شبه مؤكد يعني المرجح نشوف مواصلة ارتفاع بإذن الله

[معماري قطري]

الحين اوروبا شكلها راح تنسى الاراضي وراح تسكت اوكرانيا بوعود الانضمام
لانها بتكون مشغوله بالشتاء اللي بيكون عليها جحيم شلون بينحل وشلون بيعوضنه
ولو عوضوه هالشتاء السنه الجايه شلون بيعرضونه
الله يستر علي الجميع
ويحفظ قطر والعرب اجمعين

المساحة شاسعة عن قطر أعتقد 10 أضعاف أو أكثر نسيت كم قالوا قطر 11400 على ما اذكر كيلو متر مربع والظاهر هذا هدف الروس بالإضافة لشروط ثانية مثل الرقابة على أي أنشطة ممكن تسلح اوكرانيا سلاح قوي يضر بروسيا

القوميات والعلاقات القومية والتوجهات والمصالح تدخل بخلطة مزعجة ما يعرفونها الا السياسيين المطلعين والأخبار اللي للبقية كلام ممكن قريب وممكن بعيد من الحقيقة

طلع الخبث الايراني والصيني والكوري الشمالي ونسوا سوريا مؤقتاً بس لو رجعوا رجوعهم بيكون وصخ أكثر من قبل

الله يستر على كل مسلم وين ما يكون ويجعل بلاد المسلمين واحة أمان وخير

[معماري قطري]

كلكم تستاهلون الخير
انت بعد مثل ماقال ابومبارك كنت ابسنت
هههههه

تستاهل الخير يا اخوي

انا ما تعجبني بعض التصرفات اللي فيها شو وجهل وكلام بذيء وهذا مشاهد ومسموع من الكثيرين ونتمنى لهم الهداية والعودة لأخلاق المسلم الطيب المتسامح المحاسب لكل كلمة ينطق بها