جلسة التداول ليوم الخميس 20 اكتوبر 2022

[Al-Mezan]

السلام عليكم
ان شاءالله يكون نهايه الاسبوع اخضر والجميع ربحان.

[ابومبارك]

صباح الخير ياعرب

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[ابو ملك]

السلام عليكم

صباح الخير

[alkaldi]

السلام عليكم ورحمة الله وبركاته
بالتوفيق للجميع

[حسن الخاطر]

و بعدين مع السوق
كل يوم نزول في نزول
صراحة يجلط

[fahed]

لاهو هبوط على وجه ابيض
ولاهو ارتفاع على وجه ابيض
اعتقد اني امشي مع راي الاغلبية وننتظر صفارة بو مبارك


Sent from my iPhone using Tapatalk

[بو هيا88]

الدولي نزل لمت داون بعدين عدل
ايش سالفته

[alkaldi]

ان شاء الله يكون اليوم الخميس الونيس عندي احساس هههههه

[vip1982]

ان شاء الله يكون اليوم الخميس الونيس عندي احساس هههههه

الله يستجيب دعائك, ومايكون الخميس التعيس او الفقيس

[Al-Mezan]

ان شاء الله سوقنا يبدع اليووم محتاجين تفاؤل :strong

[دينالي]

يبيله منجم سرة باتع يمكن يقدر يفك رموز السوق ويحدد هو طالع ولا نازل

[بو هيا88]

يا جماعة الخير هو الملاحة أعلنت ارباح ولا خساير
تفاعل عكسي مع النتائج

[alkaldi]

الله يستجيب دعائك, ومايكون الخميس التعيس او الفقيس

ان شاء الله الله كريم
ربي يرزق الجميع

[Al-Mezan]

الاجارة عند منطقة دعم اختبرها مرتين ان شاء الله ينطلق منها اليوم ويرتد للاعلى

[معماري قطري]

قالها بو مبارك وبو مبارك صادق

مع صفارة الحكم الانطلاق عاد وين بيوقف ويرجع ريوس الله أعلم

[معماري قطري]

الداو المستقبلي للحين معطي اشارة يسار لكن ممكن يلف يمين في أي لحظة ممكن بعد اغلاق سوقنا

[بو هيا88]

الداو المستقبلي للحين معطي اشارة يسار لكن ممكن يلف يمين في أي لحظة ممكن بعد اغلاق سوقنا

للاسف السوق يتفاعل مع اللون الأحمر للداو بس

[roma27]

السلام عليكم ورحمة الله وبركاته إعلان شركه الملاحه إرتفاع الارباح%35 السهم انخفض

[alkaldi]

ان شاء الله نشوف اكشن على قريب نهاية التداول اعتقد والله اعلم

[معماري قطري]

للاسف السوق يتفاعل مع اللون الأحمر للداو بس

أتوقع اللي صاير كثيرين يبغون يطلعون خصوصاً المحافظ بربح معقول لأنهم عارفين السنة أكثر الشركات مساهمة في كاس العالم وبتدفع مبالغ كبيرة وارباحها القابلة للتوزيع بتكون قليلة .. الشيء الثاني أعباء الديون .. وممكن لو فيه تحرك مضاربي مع الصفارة وبتكون عودة حقيقية للسوق بعد التوزيعات وقبل الربع الأول 2023 بعده ممكن قبل 6 أو 5 يرجع السوق للخمول والتثاؤب العميق

[بو هيا88]

أتوقع اللي صاير كثيرين يبغون يطلعون خصوصاً المحافظ بربح معقول لأنهم عارفين السنة أكثر الشركات مساهمة في كاس العالم وبتدفع مبالغ كبيرة وارباحها القابلة للتوزيع بتكون قليلة .. الشيء الثاني أعباء الديون .. وممكن لو فيه تحرك مضاربي مع الصفارة وبتكون عودة حقيقية للسوق بعد التوزيعات وقبل الربع الأول 2023 بعده ممكن قبل 6 أو 5 يرجع السوق للخمول والتثاؤب العميق

يعني كأس العالم تحول لشيء سلبي على البورصة عكس توقع اغلب الناس

[ابومبارك]

ازدان متى اعلانهم!!!!

[ابومبارك]

يعني كأس العالم تحول لشيء سلبي على البورصة عكس توقع اغلب الناس

خلنا في الشركات الي تعطي ارباح
افضل لنا على الاقل اخر السنه نطلع بشي

[ابو جود]

قرب نهاية شهر اكتوبر
وقرب وقت ترك السوق والتفرغ للرياضه .. كاس العالم

[alkaldi]

الظاهر مالنا الا التوزيع والله كريم ان شاء الله

[alkaldi]

ازدان متى اعلانهم!!!!

ماحددوا لين الحين اعتقد

[معتز الكويت]

ازدان متى اعلانهم!!!!

10/27

[بوNasser]

ازدان متى اعلانهم!!!!

مجموعة إزدان القابضة : موعد الإفصاح عن البيانات المالية للربع الثالث في تاريخ 27/10/2022
(https://www.qe.com.qa/ar/displaynewsdetails?InfoID=35869)

[معماري قطري]

يعني كأس العالم تحول لشيء سلبي على البورصة عكس توقع اغلب الناس

الظاهر يا اخوي مع إعلانات الشركات انها داعمة ومع المخصصات اللي كانت تزيد كل سنة ومن بيع المحافظ القطرية الواضح ما تبيع عبث وكلها تأويلات للي صاير ولا عندي علم أكيد ومستحيل أي شخص مهما كان يحدد مسار السوق .. قصدي لحد ياخذ على كلامي تعودت أفكر بصوت قوي

[فرع الشقاوة]

الخليج الدولية كل يوم بيع مطللعين ونزول خير إن شاءالله

[معماري قطري]

خلنا في الشركات الي تعطي ارباح
افضل لنا على الاقل اخر السنه نطلع بشي

حط في بالك إن التوزيعات لن تقل عن العام بإذن الله .. لكن المتأمل من المستثمر تزيد بسبب زيادة النمو .. نشوف شيصير .. العام بعض الشركات وزعت 40% من ربحها يعني تربح 10 ريالات للسهم توزع 4 ريالات الباقي يقولون مخصصات وشكل مخصصات تعني هدايا وهبات ومصاريف حق مجالس الإدارات والمساهمين لهم الفتات وهذا يتكرر وفي الأيام الأخيرة زاد وايد

[vip1982]

انا أظن والعلم عند الله ان هناك من يحاول طرد المضاربين من السوق عن طريق تركيع الاسهم, للابقاء على المستثمرين الذين يعطون استقرار افضل للسوق ولكن طبعا على حساب السيولة

[ابومبارك]

10/27

يعني مع استثمار لحول على الاقل بينهم يومين هههههه

[معماري قطري]

كلش مب واضح ربح الريان

[fahed]

المؤتمر الهاتفي 27 يمكن الافصاح يكون قبله بيوم. الا اذا انهم مخلين اعلان النتايج و المؤتمر الهاتفي بيوم واحد. يمكن بيعدون البيزات ماعندهم وقت


Sent from my iPhone using Tapatalk

[دينالي]

في حاله عدم استقرار في العالم وهالشي يخوف صغار وكبار المستثمرين لان في ضبابية
هم بين سندان الاسعار اللي تبدو مغرية للشرء وسندان الركود اللي صار لهم سنه يبشرونا ويخوفونا في
هالشيئين هم اللي عملو عدم التوازن والطلوع والنزول فجأة لان الاغلب يبيغي يشتري ويخلع قبل الهبوط الكبير
احيانا وقوع الشي اهون من انتظارة يمكن لو صار الانهيار الاقتصادي بيرتاح الجميع على الاقل الصورة بتكن اوضح

[معماري قطري]

باقي 5 ايام على اعلانه وواحد صور بالوتس أب وطرش والفلم كل مرة يتكرر