جلسه تداول يوم الثلاثاء 2022/10/25

[بحر شرق]

السلام عليكم ورحمة الله وبركاته

صباح الخير


بالتوفيق
فالكم الاخضر

[بوبدرvip]

السلام عليكم صباح الخير

[alkaldi]

السلام عليكم ورحمة الله وبركاته
بالتوفيق للجميع
ممكن ممكن ممكن السوق اخضر ان شاء الله
الله يرزق الجميع ان شاء الله

[ابومبارك]

صباح الخير ياوطني العزيز
صباح الخير ياعرب

[ابومبارك]

الخساره خسارة العمر ولا هذي فلوس تروح وتجي
الي جابها يجيب غيرها
اهم شي الصحه
والقادم افضل بأذن الله

[alkaldi]

اكيد ابو مبارك والخساره تتعوض بس العمر ما يتعوض
والسوق مرده بيرتفع ان شاء الله وحنا صابرين سنه سنتين ثلاث قدام
فالك التوفيق في قامكو اليوم والجميع ان شاء الله

[ابومبارك]

اكيد ابو مبارك والخساره تتعوض بس العمر ما يتعوض
والسوق مرده بيرتفع ان شاء الله وحنا صابرين سنه سنتين ثلاث قدام
فالك التوفيق في قامكو اليوم والجميع ان شاء الله

ان شاء الله

[ابومبارك]

شر البلية مايضحك هههههههههههه

[qatar.1995]

شر البلية مايضحك هههههههههههه

هههههه قامكو ارباح في ارباح من اول السنة والسهم ناززززل

[alkaldi]

صراحه وضع غريب عجيب

[alkaldi]

شكلها قامكو اذا كانت خسرانه السهم بيرتفع ههههههه

[رمــــــاح]

السلام عليكم ورحمة الله وبركاته
بالتوفيق للجميع ان شاء الله

[القادم افضل]

احتمال ناس كانو شاريينها لتصريفها عند الخبر كالعادة فصادف الخبر حالة نزول السوق فنزلت زيادة لكن مردها ترتفع بغذن الله اقصد قامكوووو

[بوبدرvip]

كل المعطيات تقول السوق ارتفاع
ماسبب سوقنا

[حسن الخاطر]

و بعدين مع السوق
كل يوم نزول فى نزول
إنا لله وإنا إليه راجعون
الله يرزق الجميع ان شاء الله

[vip1982]

اذا كان اللي موجود بالبلد بدأ يفكر جديا بالاستثمار باسواق اخرى قوية, فكيف الحفاظ عالاجنبي, مايحدث تطفيش لرؤوس الاموال الداخلية والخارجية

[ابو جود]

السلام عليكم
أسهم الغلابه تنازع
والوضع ... كسوف

[qatar.1995]

قامكو خبر الارباح امس صح او الكامير الخفي

معقوله نزول قوي باول اليوم اعلان ارباحهم

[qatar.1995]

الحق والله مايكسر الخاطر غير ملاك

دلاله
و
قطر وعمان

[متفائل فنان]

الله المستعان،
السوق مب ناوي يتعدل حتى لو يوم واحد بس

[بوفيصل68]

محافظنا يبون يوضحون لنا انهم اشطر من الاجانب فهم اللي كانوا يبيعون من قبل

[ابو جود]

ما تكسر القلب غير صناعات والطبيه
اما قامكو والمستثمرين واجاره
هم أصلا شعار الجوده

[alkaldi]

ممكن يواصل السوق النزول الى تحت 12000 والله اعلم
بس نتمنى يارب يتعدل الايام الجايه

[ابومبارك]

كلن يسكر محفظته
ومع صفارة الحكم نبي هدف عنابي

[Al-Mezan]

ان شاء الله بيتعدل السوق اليوم

[alkaldi]

هذا هو صح كلامك ابومبارك مب بس المحفظه والشاشه بعد
والصبر زين وان شاء الله خير وربي يعوض كل خسران

[alkaldi]

ان شاء الله بيتعدل السوق اليوم

مستحيل لا اليوم ولا الايام الجايه والله اعلم

[Al-Mezan]

مستحيل لا اليوم ولا الايام الجايه والله اعلم

ما لنا غير التفائل بالخير

[بحر شرق]

سوقنا مسخره

[بحر شرق]

السلام عليكم
أسهم الغلابه تنازع
والوضع ... كسوف

بالظبط. هم همهم الكبير خساره الغلابه ،

[القادم افضل]

بالظبط. هم همهم الكبير خساره الغلابه ،

من هؤلاء الذين همهم خسارة الغلابة خابوا وخسروا

[vip1982]

اقسم بالله كل شوي ادخل ابي ابيع كل شي والله يعوض بس اقول السوق بيرتد بعدين باذن الله, والله عيب اللي يصير

[معماري قطري]

كلن يسكر محفظته
ومع صفارة الحكم نبي هدف عنابي

الخوف على كل هدف يدخل علينا ينزل سوقنا 1000 نقطة حزتها بيصير فيه سبب قوي

[معماري قطري]

اقسم بالله كل شوي ادخل ابي ابيع كل شي والله يعوض بس اقول السوق بيرتد بعدين باذن الله, والله عيب اللي يصير

لي فترة مغلق المحفظة ولا فتحتها كلش لا بيع ولا شراء

[vip1982]

الخوف على كل هدف يدخل علينا ينزل سوقنا 1000 نقطة حزتها بيصير فيه سبب قوي

االله يستر, السوق يستغل اي حجة ليبيع يمكن اذا تاجر فلس بجزر الواق ويق سوقنا يهبط من الخوف

[معماري قطري]

سعر صناعات مغري للي حاب يستثمر وينسى ياخذ التوزيع العام موزعين ريال ونسبة توزيعهم لسعر السهم فوق ال 6% والسنة محققين نمو وممكن يوزعون أكثر

[ابو جود]

لا نستغرب ولا نزعل
كل شي كان يؤشر لهذا الوضع
حتى التحليل الفني يقول السوق أقترب من التصحيح
لا نحمل احد أخطاءنا ..

[حسن الخاطر]

اقسم بالله كل شوي ادخل ابي ابيع كل شي والله يعوض بس اقول السوق بيرتد بعدين باذن الله, والله عيب اللي يصير

و الله نفس الي ابي بالزبط و افتك من السوق كلة
صراحة اتحرق اعصابنا
الي بيسير حرام

[معماري قطري]

االله يستر, السوق يستغل اي حجة ليبيع يمكن اذا تاجر فلس بجزر الواق ويق سوقنا يهبط من الخوف

المشكلة اللي يبيعون محافظنا وأتوقع جهاز قطر للاستثمار له حصة بيع كبيرة واللي يشترون الأجانب ولو تحولوا للبيع وهذا شيء مستبعد بيكون وضعنا وايد نزول .. هذا ممكن بس مستبعد في هالوقت وإحتمال ضعيف تكون خطة البغ بوس ينزل السوق ويخسر هذي المحافظ كل اللي شرته ويرجع يلم من تحت عاد وين تحت عنده الله أعلم مثل بطولة العشرة مليار اللي انضخت طيرت السوق من 7000 أعتقد لين 10000 وهذا احنا والدرس يتكرر والا يوم شفنا ال 15000 كان حزتها وقت بيع

[متفائل فنان]

بالعكس كل المؤشرات إيجابيه
حتى الفائده طلع عليها كلام انها راح تكون 50 نقطه
الشركات اغلبها محققه نمو
اسواق المنطقه والعالم مانزلت مثل سوقنا ووقت الارتداد الجميع ارتد ماعدا سوقنا،
المحفزات كلها موجوده بس سوقنا له رأي آخر

[معماري قطري]

المسار الثاني مرجح أكثر عندي ان الأجانب يشترون وبانتظار الصفارة ( صفارة بو مبارك خلو نسميها ) وما بعدها للتوزيعات وما بعدها ويكونون خذوا حقهم مضاعف

[بوفيصل68]

المشكلة اللي يبيعون محافظنا وأتوقع جهاز قطر للاستثمار له حصة بيع كبيرة واللي يشترون الأجانب ولو تحولوا للبيع وهذا شيء مستبعد بيكون وضعنا وايد نزول .. هذا ممكن بس مستبعد في هالوقت وإحتمال ضعيف تكون خطة البغ بوس ينزل السوق ويخسر هذي المحافظ كل اللي شرته ويرجع يلم من تحت عاد وين تحت عنده الله أعلم مثل بطولة العشرة مليار اللي انضخت طيرت السوق من 7000 أعتقد لين 10000 وهذا احنا والدرس يتكرر والا يوم شفنا ال 15000 كان حزتها وقت بيع

بالضبط

[alkaldi]

تركيع للاسهم وبيخلونها تنزل لين اسعار يبونها ويشترون ومع صافرة ابو مبارك بيرفعون السوق
وبيوصلونها لاسعار يبونها وبيكون البيع والله اعلم والا اذا استمر النزول بعد مع الصافره بتكون طامه كبرى
يجيب الله خير الايام الجايه
الله يرزق الجميع

[roma27]

السلام عليكم ورحمة الله وبركاته اليوم اخر هبوط وبكره يبداء الارتفاع مجرد توقع كل اسهمي في السوق

[متفائل فنان]

ماعليه نصبر بس عسى بعد هالصبر في تدبيله:(

[القادم افضل]

لولا الامل لهلك الناس

[alkaldi]

بنصبر صبر ايوب و ان شاء الله في يوم بترتد الاسهم
حتى لو سنه او سنين والله يرزقنا جميع

[مضارب دوسري]

ممكن نكون عند مناطق ارتداد يا شباب

ننتظر التقليص والشمعه

[ابو عبده]

السلام عليكم ورحمة الله
انا ناوى الخروج اليوم ان شاء الله
هل من مشجع او من نصيحة (ازدان)

[adell]

هل نري ارتداد مع اخر نص ساعه ويبدا من بكره ان شاء الله التعويض وارتفاعات

[مضارب دوسري]

اذا ضبط توقع الارتداد
بيكون يعطي قوه للدعم الثاني في ازدان اللي تم تحديده سابقا عند.1.220

[alkaldi]

ممكن نكون عند مناطق ارتداد يا شباب

ننتظر التقليص والشمعه

ان شاء الله اخوي مضارب نحتاج شوي معنويات لانها كلها رايحه فيها
واي ارتداد بيعطي معنويات والله كريم

[adell]

السلام عليكم ورحمة الله
انا ناوى الخروج اليوم ان شاء الله
هل من مشجع او من نصيحة (ازدان)

اصبر يا خوي اذا صار ارتداد ان شاء الله بيكون قوي ويجيب الاهداف لجميع الاسهم

[alkaldi]

ابوعبده والله الواحد مب عارف يطلع او ينتظر الوضع في السوق كله ما يطمن بس انت بكيفك
انا بعد متدبس ولكن اصبر شسوي لان السالفه خربانه خربانه
نصبر وربك كريم وربك يفرجها أكيد في ناس خسرانه ومحروقه قلوبها والله يعين ويصبر ويعوض الكل
الله يرزق الجميع ان شاء الله

[معماري قطري]

السلام عليكم ورحمة الله
انا ناوى الخروج اليوم ان شاء الله
هل من مشجع او من نصيحة (ازدان)

عليكم السلام ورحمة الله وبركاته

انت بركة السهم يا بو عبده ولا نتمنى خسارتك وأكيد قرار البيع راجع لك

[vip1982]

اليوم اعلان الريان, الله يستر تداوله غريب يوم فوق ويوم تحت

[مضارب دوسري]

ممكن نكون عند مناطق ارتداد يا شباب

ننتظر التقليص والشمعه


عشان يضبط التوقع نحتاج المؤشر يغلق عند او فوق 12465

[معماري قطري]

ابوعبده والله الواحد مب عارف يطلع او ينتظر الوضع في السوق كله ما يطمن بس انت بكيفك
انا بعد متدبس ولكن اصبر شسوي لان السالفه خربانه خربانه
نصبر وربك كريم وربك يفرجها أكيد في ناس خسرانه ومحروقه قلوبها والله يعين ويصبر ويعوض الكل
الله يرزق الجميع ان شاء الله

من أعلى قمة للحين فوق 3 ملايين بس خسارة مفترضة أعتبرها خسارة فرصة بيع بربح والحمد لله طول ما الأصول باقية بترجع إن شاء الله .. خسارتي في كثير من الأسهم حتى منها الريان اللي كان معطيني ربح كبير

[معماري قطري]

اليوم اعلان الريان, الله يستر تداوله غريب يوم فوق ويوم تحت

متشائم منه والسبب بيع المطلعين

[adell]

عشان يضبط التوقع نحتاج المؤشر يغلق عند او فوق 10465

قلبي وقف تقصد 12465

[ابو عبده]

اصبر يا خوي اذا صار ارتداد ان شاء الله بيكون قوي ويجيب الاهداف لجميع الاسهم

الخروج تكتيكى (حلوة دى) برد اشترى تانى لان واضح ان لسة له نزول وخاصة اعلانه الخميس وواضح ان الاعلانات بتخلى السهم ينزل بعدها حتى لو ربحان
دعواتكم ربنا يلهمنى الصواب
من هنا لاخر الجلسة نشوف ايش بيصير

[مضارب دوسري]

قلبي وقف تقصد 12465

هههههههههه اي

[alkaldi]

من أعلى قمة للحين فوق 3 ملايين بس خسارة مفترضة أعتبرها خسارة فرصة بيع بربح والحمد لله طول ما الأصول باقية بترجع إن شاء الله .. خسارتي في كثير من الأسهم حتى منها الريان اللي كان معطيني ربح كبير

الله كريم ان شاء الله انت بوعبدالله خبره وتعرف السوق عدل وتعرف انه مكانه بيرتد وان شاء الله تعوض والكل يعوض
ربي يرزق الجميع ان شاء الله

[Al-Mezan]

الأمل في اخر نص ساعة :anger1:

[vip1982]

متشائم منه والسبب بيع المطلعين

وانا والله متشائم بس ماباليد حيلة, الله يسامح اللي ورطنا. بس في نقطة انه من يومين دخلت سبعين مليون بيوم واحد شراء قوي ممكن تكون بصيص امل, لانه اليوم لازم تكون ارباحه فوق السبعمائة مليون ليكون الامر ايجابي

[مضارب دوسري]

محاولات ها اخيره عشان نشوف اليوم ممكن ولا غير ممكن
لعل وعسى

[ابومبارك]

عيب بالولو عيب
اقصد ياقامكو. ههههههههه

[مضارب دوسري]

الريان عليه شراء ملفت اخر نص ساعه
يمكن في تسريبات مني مناك

بيتاكد اذا شفناه فوق 4.040

[adell]

ممكن يكون مخططين ع اعلان جيد للريان ويدخل بكره يساعد في ارتداد الموشر

[مضارب دوسري]

السوق فيه نزعه
ان شاء الله يا رب تضبط مع ان الوقت ضيق

[كلمة طيبة]

للاسف يوم دامي ، اتمنى من الله ما يكون هناك اسباب لهذا النزول .

[ابو عبده]

تم تأجيل البيع للغد ان شاءالله
لعل وعسى

[adell]

احتمال بكره الموشر اما يدخل مرتفع ع طول او ينزل اخر نزول قرابة 80 نقطه ويرجع يرتد والله اعلم

[alkaldi]

هي اللي خسرانه قامكو او بلدنا
صراحه صانع بلدنا بالرغم من الخساره لكن ماسك السهم صح

[مضارب دوسري]

عشان يضبط التوقع نحتاج المؤشر يغلق عند او فوق 12465

نشوف الاغلاق
لعل وعسى يضبط

[معماري قطري]

جاء وقت الترقيع

[مضارب دوسري]

جاء وقت الترقيع

اذا فوق 12465 ماراح يعتبر ترقيع بتكون شمعه طيبه نشوف الاغلاق وين يكون
واذا تحت بيكون الوضع عادي مازال امامنا دعوم قريبه

[معماري قطري]

الله كريم ان شاء الله انت بوعبدالله خبره وتعرف السوق عدل وتعرف انه مكانه بيرتد وان شاء الله تعوض والكل يعوض
ربي يرزق الجميع ان شاء الله

توقعت يوصل 16000 وقتها البيع بيكون أحلى وصراحة طمعت مثل الكثيرين لكن ما توقعت نزول هشكل واستمرار وبإذن الله يرجع يرتد ارتداد أفضل مما كان .. ناوي أطلع جزئي بس ممكن بربع السيولة للبنيان بإذن الله لكن أسهم مهمة باقي فيها ولا بطالع

[معماري قطري]

اذا فوق 12465 ماراح يعتبر ترقيع بتكون شمعه طيبه نشوف الاغلاق وين يكون
واذا تحت بيكون الوضع عادي مازال امامنا دعوم قريبه

الله يجيب الخير يا وجه الخير

[معماري قطري]

رقم حلو 1241100 من يشتري

[مضارب دوسري]

الله يجيب الخير يا وجه الخير

ان شاء الله يكون خير يالحبيب

[مضارب دوسري]

الريان عليه شراء ملفت اخر نص ساعه
يمكن في تسريبات مني مناك

بيتاكد اذا شفناه فوق 4.040

اغلق عليها

[معماري قطري]

أكثر سوق نزول في الدول العربية شصاير يا معود ليكون مصدقين المنجم الحلمان

[مضارب دوسري]

معليه معوضين خير وبيضبط ان شاء الله
وين بيروح بنربطه ههههه

[alkaldi]

رقم حلو 1241100 من يشتري

وين حلو بوعبدالله احسن لك انتظر لين يروح 124444 بتبيعه بسعر اعلى