نبهوا عيالكم قبل يطلعون من اي غريب يوااجهونه برا

[Dana’1]

السلام عليكم
البارح شفت موقف حصل قدامي بأحد الأماكن العامه ثلاثه مش متأكده من جنسياتهم لكن اللهجه من بلاد الشام و غالبا لبنان أو سوريا..ماأعرف اذاهم اللي وقفوا العيال القطريين أو العيال وقفوهم و طلبوهم!
لكن الأكيد و اللي شفته بعيني أن الرجال أعطاهم زقارته الإلكترونيه اللي يستخدمها دارت على العيال شفطوا منها وجربوها و زميله الثاني جالس متكي و يسألهم واحد و احد هااه شورر رأيك عجبتك؟!
ما عاد فهمت هل يسوقون لها أو مجرد يجربونها كنت بنصح العيال لأن أصغرهم أعطيه 14 و أكبرهم16-18 إن كلش كبرته يعني صغار عوفتوا اللي أكبرهم الشنب توه خاط .
انا يوم وقفت اشوفهم الصغير قمط يحسبني أعرفه و اهله فصد عني. يعني يعرف ان اللي سواه غلط
بس ما أعرف ليش سوى كذا الله يهديهم و يحفظهم

أنا بصراحه ما تركت الموضوع و كان فيه شرطه و الله رحت و بلغتهم


يعني زود انها تدخين وخطر هم من فمه و خطر نقل الأمراض و يعطيها هالبزران
كيف تجرأ يعطيهم بهذي الطريقه و في مكان عام؟

من جد ازعجني و آلمني هالمنظر

بالله نبهوا عيالكم من اللي برا البيت و خارج نطاق معارفهم و الأفضل ما يطلعون شلل بروحهم على الأقل و لي أمر أحدهم يفضي نفسه يكون معهم يمشيهم اليوم كله لين يطيح اللي براسهم من التمشي.
بالذات اللي من 10 -18 سنه خلكم مع اعيالكم و الله الدنيا برا فتن ومع انهم يدرون انه غلط لأن يتصددون يوم شافوني إلا أنهم جربوا!

اليوم الكترونيه بكره ما يندرى ايش يقدم لهم كتجربه!

الله يحفظ البلاد و العباد

[سالم الزهران]

جزاك الله دانه، واللي يستاهلونه أنهم ينسحبون للقسم ويتحقق معهم وينعمل لهم محضر وتعهد.

هذيلا يعرفون من يتصيدون والمفروض اذا بلغتم اي رجل أمن تفهمونه انكم بتابعون الموضوع عشان يهتم في الموضوع..

الموقف يقهر بصراحه

[Dana’1]

جزاك الله دانه، واللي يستاهلونه أنهم ينسحبون للقسم ويتحقق معهم وينعمل لهم محضر وتعهد.

هذيلا يعرفون من يتصيدون والمفروض اذا بلغتم اي رجل أمن تفهمونه انكم بتابعون الموضوع عشان يهتم في الموضوع..

الموقف يقهر بصراحه

و جزاك بكل خير سالم ،، هذا المفروض
و للأمانه لو ما كان موسم المونديال و تواجد الإعلام سواء محطات رياضيه رسميه أو حتى مشاهير سناب و يوتيوبر
و أنا ما أعرف ايش ردة الفعل سواء منه أو من هالجهال يعني بالأول و الأخير مش من مسؤليتنا كأفراد تربية العالم و الناس اللي بالشارع لأن ما تعرف ردت الفعل كيف بتكون
لكن بعد ما يرضينا نشوف الخطأ و نسكت.
من كذا خليتهم و بلغت الجهه المختصه عاد هو وضميره تجاه مسؤليته.

[Rider]

للأسف ياختي إذا غابت التربية غاب كل شي الاهل الحين مب فاضين حق عيالهم الكل مشغول بحالة تفكك أسري فالمنازل الحين الأب والأم هم لي يبغي لهم تربية الولد او البنت تركوا للشوارع وسائل التواصل الاجتماعي تربية ضياع كما البعد عن الدين سبب رئيسي للحال لي وصلنا له

[Dana’1]

للأسف ياختي إذا غابت التربية غاب كل شي الاهل الحين مب فاضين حق عيالهم الكل مشغول بحالة تفكك أسري فالمنازل الحين الأب والأم هم لي يبغي لهم تربية الولد او البنت تركوا للشوارع وسائل التواصل الاجتماعي تربية ضياع كما البعد عن الدين سبب رئيسي للحال لي وصلنا له

و الله أني أحسن الظن بالأهالي أغلبهم يعلم و يربي الأبناء على الخير و القيم الدينيه و المجتمعيه
و يمكن لصغر سنهم و الفتن برا كثييره غير الإعلانات و إن ممكن مرتبط تجربتها بالرجوله او استغربوا انها الكترونيه الخ من الاسباب و الأهل يخلونهم عساس مع السواق يروحون أماكن عامه و ترفيهيه مو أماكن و سهرات خاصه
فما يجي ببالهم هالشي أنا بنفسي ما توقعت بصراحه يعطون عيال صغار بمكان ترفيهي عام !
و الله أنه معطيهم يجربونه بدرب عمران و أغلبه عوائل و يمين ويسار مطاعم شي مرتب بس كيف تجرأ ما أعرف
أنا كل لومي على الثلاثه لأنهم كبار و احد أساسا شايب وهو اللي متكي ويقول شوو عجبك حبيتها

الله المستعان

[Rider]

و الله أني أحسن الظن بالأهالي أغلبهم يعلم و يربي الأبناء على الخير و القيم الدينيه و المجتمعيه
و يمكن لصغر سنهم و الفتن برا كثييره غير الإعلانات و إن ممكن مرتبط تجربتها بالرجوله او استغربوا انها الكترونيه الخ من الاسباب و الأهل يخلونهم عساس مع السواق يروحون أماكن عامه و ترفيهيه مو أماكن و سهرات خاصه
فما يجي ببالهم هالشي أنا بنفسي ما توقعت بصراحه يعطون عيال صغار بمكان ترفيهي عام !
و الله أنه معطيهم يجربونه بدرب عمران و أغلبه عوائل و يمين ويسار مطاعم شي مرتب بس كيف تجرأ ما أعرف
أنا كل لومي على الثلاثه لأنهم كبار و احد أساسا شايب وهو اللي متكي ويقول شوو عجبك حبيتها

الله المستعان

أنتي ياختي العيال مب صغار علشان احد يضحك عليهم لكن كيف وصلوا حق المرحلة اكيد بسبب الاهل واصدقاء السوؤ بذات الولد إذا وصل سنة معينه يبغي يطلع مع ربعه وهل كل ربعه محترمين طبعا لااااا هنا ينسحب إلى طريق الضياع

[Dana’1]

ما أشوف 12-13 كبار
17-18 صحيح كبار و مسؤلين و بعد يحتاجون توجيه من الأهل

أنت قلت سن معين يبغى يطلع مع ربعه يعني كم هالعمر اللي تقصده
ترى عادي الولد اذا وصل 8 -10 سنوات يبغى يسوق سيارة تلاقي الاهل اذا راحوا البر يخلونهم يسوقون
هو أكيد كل أسره لها طريقتها .. و أنا ماذكرت إن لا تخلون عيالكم يطلعون بس ذكرت إن الصغار منهم لا تخلونهم لحالهم مجرد و لي أمر أحدهم أو أخوا كبير يوديهم و يخليهم ياخذون راحتهم بالممكان يتمشون ماراح يفكرون يجربون هالاشياء لأن فيه احتماليه يشوفهم. على عكس لو سايق اللي منزلهم مثلا

أنا كتبت الموضوع بس عشان أنبه إن وصلت الجرأ ه ببعض الجنسيات و رجال كبار راشدين ياخذون راحتهم بإعطاء مثل هالأشياء لأطفال هم حتى بقانون الدوله يعتبرون قاصرين
و هالتصرف الللي سواه ما أشوفه هين أبداً و الله .
حتى الدكاكين ممنوعين من بيع هذي المنتجات للقاصرين فكيف هذا يتجرأ و مكان عام و عمرآن؟!
حسبي الله عليهم

[Rider]

ما أشوف 12-13 كبار
17-18 صحيح كبار و مسؤلين و بعد يحتاجون توجيه من الأهل

أنت قلت سن معين يبغى يطلع مع ربعه يعني كم هالعمر اللي تقصده
ترى عادي الولد اذا وصل 8 -10 سنوات يبغى يسوق سيارة تلاقي الاهل اذا راحوا البر يخلونهم يسوقون
هو أكيد كل أسره لها طريقتها .. و أنا ماذكرت إن لا تخلون عيالكم يطلعون بس ذكرت إن الصغار منهم لا تخلونهم لحالهم مجرد و لي أمر أحدهم أو أخوا كبير يوديهم و يخليهم ياخذون راحتهم بالممكان يتمشون ماراح يفكرون يجربون هالاشياء لأن فيه احتماليه يشوفهم. على عكس لو سايق اللي منزلهم مثلا

أنا كتبت الموضوع بس عشان أنبه إن وصلت الجرأ ه ببعض الجنسيات و رجال كبار راشدين ياخذون راحتهم بإعطاء مثل هالأشياء لأطفال هم حتى بقانون الدوله يعتبرون قاصرين
و هالتصرف الللي سواه ما أشوفه هين أبداً و الله .
حتى الدكاكين ممنوعين من بيع هذي المنتجات للقاصرين فكيف هذا يتجرأ و مكان عام و عمرآن؟!
حسبي الله عليهم

الله يصلح الأحوال ياختي نعم التنبيه مهم لكن بالله عليك فيه حد مهتم خاصه بزمنا هذا إلا من رحم ربي

[Dana’1]

الله يصلح الأحوال ياختي نعم التنبيه مهم لكن بالله عليك فيه حد مهتم خاصه بزمنا هذا إلا من رحم ربي

اللهم آمين يا رب العالمين
جزاك الله خير

[بوخميس]

ويمكن ما تكون سجاير الله اعلم

[Dana’1]

ممكن الله أعلم

[معماري قطري]

الحمد لله محاولات تصوير بلادنا فاشلة أمنياً كلها باءت بالفشل

ريحوا بالكم كلنا عيون ساهرة وهالكلام كله والتحذيرات دخيلة علينا من حزب تعرفونه زين

[Dana’1]

نعم كلنا عيون ساهره ما ترضى على البلاد و العباد الكاميرات الأمنيه منتشره و تسجِّل و الأمن كذالك منتشر الحمدلله و اللي شفناه بوقته بلغنا عنه الجهات المختصه المتواجده بالمكان ما ترددت و لا حتى ثانيه.

لكن لازم يطلع حزب انه صايد السالفه و يصيد الاحزاب الدخيله و كذا.

لو يبغى أي شخص ينشر هالتحذيرات من المنطق اللي أنت ذكرته ( تصوير البلاد فاشله أمنيا )
ترى المنصات ببرامج التواصل كثييره ( تويتر ، سناب مشاهير، فيس بوك) إلخ
و الحسابات فيها أكثر ومتنوعه و أسرع إنتشار . و طريقة الكتابه تختلف .

مو منتدى محدود جداً ما فيه إلا الأغلبيه من أهل قطر.. يتشاركون المواضيع العامه و الأراء.

و الشي اللي صار و كتبت عنه ممكن يصير بأي يوم عادي بعيد عن الموندديال.
و سبق أعضاء كتبوا عن دكاكين تبيع الزقاير عالأطفال بالدس.
و سبق و اكتبوا عن انتشار السويكا بين طلاب المدارس اعدادي و ثانوي
و كلهم اكتبوها على سبيل إيجاد الحلول لمنعها و التحذير منها.

أبدا ماكان اسلوب جديد أو دخيل نهائي.