جلسات التداول ليوم الخميس 17/11/2022

[لـبـيـه]

السلام عليكم ورحمة الله وبركاته

[.:: القيصر ::.]

السلام عليكم


صباح الخير

[ابومبارك]

صباح الخير ياعرب

[بوبدرvip]

صباح الخير

[Al-Mezan]

السلام عليكم
ان شاءالله يوم سعيد للجميع

[vip1982]

صباح الخير, حد عنده فكرة عن اجتماع الريان امس, اذا في شي يبشر بالخير؟

[Breakaway]

صباح الخير, حد عنده فكرة عن اجتماع الريان امس, اذا في شي يبشر بالخير؟

مصادقة على قرارات ولوائح وبس، هذا المعلن عنه

[hma]

السلام عليكم ورحمة الله وبركاته

صباح الخير

[ابو جود]

السلام عليكم ورحمة الله
وصبحكم الله بالخير

وكتب الله لكم الخير

[ابو جود]

اليأس والإحباط بلغ مبلغه وحده اليوم

يعني مفروض اليوم الصعود

[alkaldi]

السلام عليكم ورحمة الله وبركاته
بالتوفيق للجميع
فالكم ارتفاع حلوووووو ان شاء الله من اليوم
وربي يرزق الجميع

[ابو جود]

إستعداد للاقلاع .. إربطوا الأحزمه

[حسن الخاطر]

هوة السوق دة ما عندة اهل يسئل علية
كل يوم كدة هبوط فى هبوط

[ابو جود]

قامكو .. والطبيه
تحت الرصد والتتبع

[ابو جود]

لا يمكن عايزينه يتعب ويواجه الواقع عشان ..... يتسنع

[فرع الشقاوة]

السلام عليكم


صباح الخير

عليكم السلام ورحمة الله وبركاته صباحك فل يا قيصر ممكن ما تغبش تانى عن الجلسات من يوم غيابك والأحمر مش راضى يفارقنا

[بوبدرvip]

وين الاحزمه

[roma27]

السلام عليكم ورحمة الله وبركاته الله يرزقنا واياكم الرزق الحلال والبركه فيه العوض من الله

[حسن الخاطر]

اكيد كاس العالم بعد يومين
كل شركات العقارات نزول

[ابومبارك]

:funny:
هوة السوق دة ما عندة اهل يسئل علية
كل يوم كدة هبوط فى هبوط

:happy:

[.:: القيصر ::.]

عليكم السلام ورحمة الله وبركاته صباحك فل يا قيصر ممكن ما تغبش تانى عن الجلسات من يوم غيابك والأحمر مش راضى يفارقنا

ان شاء الله


ههههههه

[داود بن شطان]

تركيع وتحبيط متعمد

[داود بن شطان]

تركيع وتحبيط متعمد
ولكن اقولها بالفم الملييييييييييييييييييييييييييييان
لن ولن يستمر
والوعد بعد شوي باذن الله

[qatar 86]

خلوا المؤشر ينزل إلى 11900 عشان تفتكون

[ابو جود]

العوده تجب من هذه المناطق
والا بناخذ لفه لمناطق صعبه

[.:: القيصر ::.]

سكروا الشاشات ولحد يبيع بخسارة

ولا تفكرون كاس عالم و غيره



السوق مرده بيطلع ان شاء الله


و اولها الاسهم العقارية ولين الحين اقول لكم


المتحدة شوفوا تداول المطلعين على مدار شهر كامل ورى و افهم :)
الاجارة
مزايا


بالترتيب

[كلمة طيبة]

خلوا المؤشر ينزل إلى 11900 عشان تفتكون

كيف بعد شوي وخليه ينزل لل 11900 يعني نزول فوق 3%

[بوجبر]

السوق خارج السيطرة

[alkaldi]

الوضع صعب غريب عجيب
لا يطاق

[حكاية عطر]

صباااح الخير

السوق مسيطرين عليه ووجب الهبوط

الكل بيزعل ادري ولكن هو كذا اشلون وليش مادري لاحد يسأل

تو ما زان مرماها

للهبوطات بقية توقعوا الأسوأ

[كلمة طيبة]

سواها السوق السعودي امس من 1% نزول ل5.% ارتفاع

[كلمة طيبة]

يا جبار الخواطر يا كريم

[Al-Mezan]

صباااح الخير

السوق مسيطرين عليه ووجب الهبوط

الكل بيزعل ادري ولكن هو كذا اشلون وليش مادري لاحد يسأل

تو ما زان مرماها

للهبوطات بقية توقعوا الأسوأ

ان شاء الله ما في الأسوأ ويعكس السوق اليوم قبل الأحد

[بوجبر]

احد اسباب الهبوط المتواصل التضخم الكبير اللي عندنا +ارتفاع الفائدة

[حكاية عطر]

صدقني السيااااااااف موجود وبينفذ وقت اللزوم ههههههههههههههه

الله يرزقكم ما تتمنون

[معماري قطري]

سواها السوق السعودي امس من 1% نزول ل5.% ارتفاع

صباح الخير

عندهم موسم الرياض وعكس اتجاهه سوقهم واحنا بيصفر الحكم لكن سوقنا بيحسبونها صفارة البيع

[كلمة طيبة]

صباح الخير

عندهم موسم الرياض وعكس اتجاهه سوقهم واحنا بيصفر الحكم لكن سوقنا بيحسبونها صفارة البيع

ابو عبدالله ونحنا عندنا اكبر حدث عالمي ، اهم مليون مرة من موسم الرياض

[roma27]

اليأس والإحباط بلغ مبلغه وحده اليوم

يعني مفروض اليوم الصعود

انا كنت متوقع هبوط لأن الخميس ولان السمه الرءيسيه الحين الهبوط

[كلمة طيبة]

الضغط كبير على البنوك والخدمات

[alkaldi]

شكلهم يتابعون المنتدى من فتره واحنا نقول قريب كاس العالم وصفارة الحكم الامور بتكون طيب
شكلهم يقولون الحين خلها ينفعكم الانتظار

[كلمة طيبة]

السامر وينك يا السامر ، تركتنا بنزل الطريق

[بحر شرق]

السوق لازم يسكر اليوم فوق. 12450 ;

[كلمة طيبة]

السوق لازم يسكر اليوم فوق. 124500 ;

واذا ما سكر شو بصير

[كلمة طيبة]

الدوسري اشوف بوادر ارتداد ، طمن

[ابومبارك]

كاس العالم والمهرجانات والفرحه هذي كلها في قطر
ولا مكان ثاني ؟؟؟
لان مومعقول كل هذي الايجابيات والبورصة داقه دق

[vip1982]

سوق يضحك, والكل يقولون الامور بخير, في فرق بين الايجابية والواقعية. الامور ليست بخير ابدا وهناك مايحدث وراء الكواليس لانعرفه

[بوجبر]

كاس العالم والمهرجانات والفرحه هذي كلها في قطر
ولا مكان ثاني ؟؟؟
لان مومعقول كل هذي الايجابيات والبورصة داقه دق

ايش دخل كاس العالم في اداء البورصة :eek3:

[vip1982]

ايش دخل كاس العالم في اداء البورصة :eek3:

ماذا عن الفائض المالي, الاستقرار الاقتصادي, سعر الغاز والنفط المرتفع, الاستقرار السياسي والارباح المعلنة والمتنامية, هل هذا يكفي لارتفاع السوق؟

[Al-Mezan]

ان شاء الله يرتد السوق اليوم عندي أمل للحين

[Breakaway]

الي مطيح السوق الآن سهم كهرباء و ماء، عنده نزيف (فيه بوادر ارتداد) ، ومعه الريان

[معماري قطري]

ابو عبدالله ونحنا عندنا اكبر حدث عالمي ، اهم مليون مرة من موسم الرياض

إحنا في مرحلة الدهشة للحين مب مصدقين بعد الدهشة ممكن تجي الابتسامة وانا بابتسم حتى لو شوي لو التوزيعات سخية أما تطلع ضريبة كاس العالم توزيعات شحيحة بعد وكلها يقولون مخصصات ولا نعرف مخصصات لوشو هنا المشكلة

[ابومبارك]

ايش دخل كاس العالم في اداء البورصة :eek3:

شلون ماله دخل الا له دخل ونص بعد
انفتاح على العالم واستقرار اقتصادي
وكل شي طيب موجود عندنا
بس هذي تصرفات افراد ماسكه السوق ويتحكمون فيه

[معماري قطري]

ايش دخل كاس العالم في اداء البورصة :eek3:

شوف شارت السوق الياباني والكوري وقت كاس العالم بينهم وشلون طارت اسواقهم ارتفاع رأسي لقمة تاريخية ما وصلها السوقين كلش وبتعرف .. وباقي الدول نفس الشيء

[حكاية عطر]

نعم له دخل كأس العالم ، لكنهم اخذوه فرصه للتحطيم
وكسر المعنويات للمساكين وكل متأمل خير

نعم هو اعتبروه مصيده لهم وفرصه للتصريف عليهم

الغير مرضي هو الصعود لقمه بخمس شركات فقط والباقي اهواء ومالهم نصيب

[معماري قطري]

شلون ماله دخل الا له دخل ونص بعد
انفتاح على العالم واستقرار اقتصادي
وكل شي طيب موجود عندنا
بس هذي تصرفات افراد ماسكه السوق ويتحكمون فيه

آدل بيته شرايك نروح نخطفه ونعذبه مثل ما يعذبنا

[كلمة طيبة]

ما زلت اشوف بوادر ارتداد بإذن الواحد الاحد

[بوبدرvip]

ما زلت اشوف بوادر ارتداد بإذن الواحد الاحد

الله كريم

[كلمة طيبة]

ودنا حركة عكسية من الوطني

[alkaldi]

والله لعب بالنفسيات تحطيم غير طبيعي الله المستعان
ليش يسون بخلق الله هالشكل يااخي خل الناس تترزق
الله يعين بس مالنا الا الصبر والله كريم ان شاء الله

[ابومبارك]

آدل بيته شرايك نروح نخطفه ونعذبه مثل ما يعذبنا

هههههههههههههه عقبها بتروح فلوسنا كلها

[Al-Mezan]

خذو نفس عميق علي قولة السامر وبعدين ارتداد ان شاء الله في أمل :wizard:

[كلمة طيبة]

خذو نفس عميق علي قولة السامر وبعدين ارتداد ان شاء الله في أمل :wizard:

افتقدناه اليوم ما له حق الصراحة

[حسن الخاطر]

صراحة النفسيات و الاحباط سالب 1000

[Breakaway]

خذو نفس عميق علي قولة السامر وبعدين ارتداد ان شاء الله في أمل :wizard:

السامر مخيم â›؛ عند مستوى 12000 و 11800!

[alkaldi]

مافي اي امل او بوادر ارتداد اليوم شكله نفس كل يوم

[Breakaway]

السينما 7% ارتفاع، كومبارس البورصة :)

[محمد مأمون]

والله واضح وضوح الشمس التلاعب لازم ادارة بورصة قطر تشوف الموضوع هلشي باثر سلبا ع قطر واقتصاد قطر مافي اي مبرر للهبوط امان ومافي ازمة الحمدلله والشركات نتائجها المالية مرتفعة مافي اي سبب مقنع للهبوط

[كلمة طيبة]

بصراحة السامر قال انه الدولية بتوصل بين ال 1.7 وال 1.72 وتعتبر افضل منطقة دخول ، والريان لل 3.7 وحدده

[كلمة طيبة]

السعودي اخضر تقريبا

[ابو جود]

تم التحويل للقياده الأليه وكل واحد مسؤل عن نفسه ..

[alkaldi]

انصح كل واحد يبرد على جبده بحليب بلدناااااا بااااارد
بلدنا انت غير

[ابومبارك]

مثل ماقال معماري ننتظر اخر السنه وناخذ التوزيعات
واذا الاسهم طايره بعنا واذا عاديه خليناها وخذنا التوزيات
ودارا درا ودارا مادرا
ونتفرغ لكاس العالم ونستانس وخلهم يرفعون وينزلون كيفهم

[معماري قطري]

هههههههههههههه عقبها بتروح فلوسنا كلها

صج العملية محفوفة بالمخاطر

[معماري قطري]

والله واضح وضوح الشمس التلاعب لازم ادارة بورصة قطر تشوف الموضوع هلشي باثر سلبا ع قطر واقتصاد قطر مافي اي مبرر للهبوط امان ومافي ازمة الحمدلله والشركات نتائجها المالية مرتفعة مافي اي سبب مقنع للهبوط

اللي لهم فترة يبيعون ( المحافظ القطرية ) عارفين شيبغون ويدرون إن ربحهم مضمون والتوزيعات وايد باقي عليها وبيخمون في وقت معين واحتمال يدرون إن التوزيعات بتكون شحيحة السنة قالوا ناخذ حقنا مقدم .. والظاهر مع صفارة الحكم ونشوة ابتداء الحدث يشتغلون شراء ورفع ومن يصبر بيكون رابح في هالوقت ويعلم الله ما بعت ولا سهم وبالعكس شريت آخر شيء المناعي

[معماري قطري]

مثل ماقال معماري ننتظر اخر السنه وناخذ التوزيعات
واذا الاسهم طايره بعنا واذا عاديه خليناها وخذنا التوزيات
ودارا درا ودارا مادرا
ونتفرغ لكاس العالم ونستانس وخلهم يرفعون وينزلون كيفهم

بعد بو مبارك هذي العملية محفوفة بالمخاطر للبعض اللي محتاج للكاش ضروري أما اللي عنده ما يكفيه خارج السوق ينسى مؤقت

[كلمة طيبة]

اللي لهم فترة يبيعون ( المحافظ القطرية ) عارفين شيبغون ويدرون إن ربحهم مضمون والتوزيعات وايد باقي عليها وبيخمون في وقت معين واحتمال يدرون إن التوزيعات بتكون شحيحة السنة قالوا ناخذ حقنا مقدم .. والظاهر مع صفارة الحكم ونشوة ابتداء الحدث يشتغلون شراء ورفع ومن يصبر بيكون رابح في هالوقت ويعلم الله ما بعت ولا سهم وبالعكس شريت آخر شيء المناعي

بصراحة نظره منطقية جدا ، بإنطلاق البطولة يكون الزخم الايجابي هو السائد . متفائلبن خير .

[معماري قطري]

بصراحة السامر قال انه الدولية بتوصل بين ال 1.7 وال 1.72 وتعتبر افضل منطقة دخول ، والريان لل 3.7 وحدده

السامر بو محمد ما قصر وعتيق ما قصر ورفيجنا المدمر ما قصر ولا ندري وينه غايب والقيصر ومضارب دوسري وصراحة الجميع ولا أشوف في حد قصور حتى المتشائمين طلعوا معاهم حق .. السامر عنده عزاء ونعذره والله يرحم موتاهم وموتانا وموتى المسلمين

[ابومبارك]

بعد بو مبارك هذي العملية محفوفة بالمخاطر للبعض اللي محتاج للكاش ضروري أما اللي عنده ما يكفيه خارج السوق ينسى مؤقت

كلام صحيح يا معماري
انا بالنسبه لي ماعندي مشكله لحد التوزيعات
ناخذ التوزيعات
سعر زين بعنا اما اذا سعر نازل قعدنا
كل شي بيزين ان شاء الله في 2023 بنفتك من الضغوطات الي انتوا خابرينها وبتتعدل البورصه ان شاء الله مافيه شي يتم على حاله

[معماري قطري]

بصراحة نظره منطقية جدا ، بإنطلاق البطولة يكون الزخم الايجابي هو السائد . متفائلبن خير .

بإذن الله وممكن لهم نوايا ضغط بعد وبيع بعدين يتحركون

أمس محافظنا وافرادنا رجعوا للشراء .. الخليجيين مؤسساتهم بيع كثيف وافرادهم شراء بسيط .. العرب بيع حول 3 مليون ونص .. الأجانب مؤسساتهم بيع 5 مليون وافرادهم شراء 4 مليون .. شكل محافظنا رجعت تشتري هذا الاسبوع وبنشوف اليوم محصلة الاسبوع كم شراء وكم بيع

[Al-Mezan]

بدى الأمل يتلاشى بالارتداد :sorry: ان شاء الله خير

[معماري قطري]

كلام صحيح يا معماري
انا بالنسبه لي ماعندي مشكله لحد التوزيعات
ناخذ التوزيعات
سعر زين بعنا اما اذا سعر نازل قعدنا
كل شي بيزين ان شاء الله في 2023 بنفتك من الضغوطات الي انتوا خابرينها وبتتعدل البورصه ان شاء الله مافيه شي يتم على حاله

صحيح وصلنا مشارف ال 15000 وعادي نتعداها بسهولة بإذن الله

[حسن الخاطر]

الاجارة دبحتني
اسبوع كامل هبوط

[ابو عبده]

الاجارة دبحتني
اسبوع كامل هبوط

هى اجارة بس .... هداك الله

[ابو جود]

الله يصبرنا ويعوضنا خير

[Al-Mezan]

قمت اغني مع نفسي هلا بيكم ارحبو , المعنويات ارتفعت شوي , ان شاء الله الاسبوع القادم يكون أفضل , اجازة سعيدة

[بو هيا88]

المختصر المفيد
لا رقيب ولا حسيب

[بحر شرق]

واذا ما سكر شو بصير

بيكون باقي نزول له

[بوعابد3]

المختصر المفيد
لا رقيب ولا حسيب

والله مهزله مستمره حسبنا الله ونعم الوكيل فيهم

[كلمة طيبة]

السامر بو محمد ما قصر وعتيق ما قصر ورفيجنا المدمر ما قصر ولا ندري وينه غايب والقيصر ومضارب دوسري وصراحة الجميع ولا أشوف في حد قصور حتى المتشائمين طلعوا معاهم حق .. السامر عنده عزاء ونعذره والله يرحم موتاهم وموتانا وموتى المسلمين

صحيح بيض الله وجوههم

[معماري قطري]

قمت اغني مع نفسي هلا بيكم ارحبو , المعنويات ارتفعت شوي , ان شاء الله الاسبوع القادم يكون أفضل , اجازة سعيدة

المفروض تكون اغنية بو هيا .. انا موهم الحفيدة الصغيرة هيا انهم يقولون اسمها وتستانس كلما سمعتها

[معماري قطري]

إنجاز في المزاد

[بو هيا88]

المفروض تكون اغنية بو هيا .. انا موهم الحفيدة الصغيرة هيا انهم يقولون اسمها وتستانس كلما سمعتها

بغنيها اسبوع كامل لكن يتعدل وضع السوق والجميع في المنتدى يستانس 😂