جلسة افتتاح كأس العالم-قطر2022 الموافق 20/11/2022

[مضارب دوسري]

السلام عليكم ورحمة الله وبركاته

[مضارب دوسري]

قبل 12 عام كان هناك اول جلسه بعد الفوز بتنظيم كأس العالم وكانت في 5/12/2010

كان يومها ارتفاع السوق ب 292 نقطه وبحجم تداول وصل الى 1.234 مليار ريال

http://www.qatarshares.com/vb/showthread.php?419772-((-%CC%E1%D3%C9-%C7%E1%CA%CF%C7%E6%E1-%E1%ED%E6%E3-%C7%E1%C3%CD%CF-))-05-12-2010

الله يطول بعمر الحي منهم والله يرحم ويغفر للمتوفين
نعرف منهم وسمي2016 وبصمة قطريه

[عبدالعزيز 9]

عليكم السلام ورحمه الله وبركاته
نتفائل ان شاءالله خير الله يرزق الجميع

[داود بن شطان]

لا يهم ارتفاع النفط او نزوله
لا يهم التضخم ومعدلاته

تاريخ اليوم يصادف حدث تاريخي لن يتكرر ابدا ليس فقط في قطر في المنطقة ككل

5 مليار مشاهد عينهم على قطر اليوم بفعل النقل المجاني لحفل الافتتاح

شهرة قطر على مستوى العالم هي اكبر مكسب للدولة

البورصة على موعد اليوم للاخضر ولا شي غير الاخضر

أن شاء الله تعالى

ملاحظة حتى اسمي دواود بن شطان مكتسي باللون الاخضر :ok:

[.:: القيصر ::.]

السلام عليكم


صباح الخير


الله يرحم جميع موتى المسلمين ان شاء الله


بإذن الله السوق يبتدي يصحصح

[ابومبارك]

صباح الخير ياعرب

[بوبدرvip]

السلام عليكم صباح الخير والتوفيق للجميع

[معماري قطري]

لا يهم ارتفاع النفط او نزوله
لا يهم التضخم ومعدلاته

تاريخ اليوم يصادف حدث تاريخي لن يتكرر ابدا ليس فقط في قطر في المنطقة ككل

5 مليار مشاهد عينهم على قطر اليوم بفعل النقل المجاني لحفل الافتتاح

شهرة قطر على مستوى العالم هي اكبر مكسب للدولة

البورصة على موعد اليوم للاخضر ولا شي غير الاخضر

أن شاء الله تعالى

ملاحظة حتى اسمي دواود بن شطان مكتسي باللون الاخضر :ok:

حتى إسمي شوف شلون خضر

صبحكم الله بالخير والله يجعلها بداية الغيث

[معماري قطري]

صباح الخير ياعرب


صباح الأنوار

فيه سيناريو يقول الحكم بيبلع الصفارة وبيكنسلون البطولة .. حلو جديد حق جاسم بهمن

[معماري قطري]

حلم جديد خطرفة أصابع

[معماري قطري]

الطلبات متواضعة وممكن نشوف تداول ممل الا لو فيه حركة خفية ودخول قوي من البطل المقدام اللي كان يبيع قبل على فترات طويلة

[معماري قطري]

السوق بعد الاسبوع اللي راح في شبه حيرة شراء قليل من القطريين 21.8 مليون للأفراد يقابله بيع قليل للمحافظ 12 مليون من 708 ملايين تداول .. والأفراد من 564 مليون تداول والنسبة في الفئتين لا تتعدى 5% للأفراد 3.86% وللمحافظ 1.69%

الخليجيين محافظهم بيع قوي 51.5 مليون بيع من 61.8 تداول وبيعهم مؤثر مع إن القيمة ليست بالكبيرة .. أما الأفراد شراء بسيط بحدود 2 مليون من 8 مليون تداول

العرب شراء حول 17 مليون

محافظنا صحيح بيعها قل لكن ما زالت تبيع

والأجانب محافظهم شروا بحدود 5 ملايين وبنسبة متواضعة تقترب من 1% وأفرادهم شراء بنسبة أكثر وشوي تحت ال 20 مليون مع إن تداولهم متواضع

[الهمام 2022]

صباح الخير ياغلى بلد صباح الخير اليوم تحقق حلم كل اهل قطر ومحبينها اليوم يوم عيدج ياقطر

[كلمة طيبة]

قبل 12 عام كان هناك اول جلسه بعد الفوز بتنظيم كأس العالم وكانت في 5/12/2010

كان يومها ارتفاع السوق ب 292 نقطه وبحجم تداول وصل الى 1.234 مليار ريال

http://www.qatarshares.com/vb/showthread.php?419772-((-%CC%E1%D3%C9-%C7%E1%CA%CF%C7%E6%E1-%E1%ED%E6%E3-%C7%E1%C3%CD%CF-))-05-12-2010

الله يطول بعمر الحي منهم والله يرحم ويغفر للمتوفين
نعرف منهم وسمي2016 وبصمة قطريه

ما شاء الله عليك يا ابو محمد ذاكره طيبة والله يرحم اموات المسلمين .

[alkaldi]

السلام عليكم
صباح الخير بالتوفيق للجميع
اليوم يوم تاريخي وحدث قل ما يحدث ويكون فيه الواحد موجود
نسال الله ان يكون حدث خير لنا ويحمل لنا الخير والمحبه والفرح
ويكون بداية النهايه لتداول اصبح ممل وخسائر عصفت بالجميع
وبدا الخير على الجميع يعم ان شاء الله
وربي يرزق الجميع

[داود بن شطان]

الارتفاعات قادمة يعني قادمة باذن الله

التحول للاخضر قريبا

[.:: القيصر ::.]

الاجارة

[.:: القيصر ::.]

الاجارة





تكرار السهم رخييييييييييييييييييييييييييييييييص

[معماري قطري]

الاجارة





منور يا افندم

مش تبقى تيجي

انا من مشجعي ميمع المناعي اليوم

[حسن الخاطر]

تكرار السهم رخييييييييييييييييييييييييييييييييص

الاجارة من هنا للصباح الباكر
الاسبوع الماضي كانت كل يوم هبوط :anger3:

[.:: القيصر ::.]

منور يا افندم

مش تبقى تيجي

انا من مشجعي ميمع المناعي اليوم

يارب يستوعبون ان اليوم كاس العالم

[Al-Mezan]

ان شاءالله كل الاسهم الصغيرة لمت اب

[حكاية عطر]

صبحكم الله بالخير

اتمنى كأس عالم مثالي والأفضل على الاطلاق وعلى مستوى العالم

الحمدلله على كل حال والحمدلله على نعمة الصحة والعافيه

فيما يخص السوق ، اخذوها قاعده الدخول في المسارات الهابطه هو باختصار ( محرقة للأموال ).

واتمنى لكم التوفيق بلا استثناء

[حكاية عطر]

التريث وعدم الاستعجال شي اساسي لكل متداول في السوق مافيه شي بالسرعه والحق ما تلحق

في التأني السلامه

الاستمتاع بأجواء كأس العالم حالياً وسبحان الله الجو اليوم غييييييير

لا اله الا الله

[كلمة طيبة]

السوق ما عرفان يقرر ، يطلع لو ينزل ، انا بقول بكفي تحطيم نفسيات وخلنا نتفائل

[vip1982]

صبحكم الله بالخير

اتمنى كأس عالم مثالي والأفضل على الاطلاق وعلى مستوى العالم

الحمدلله على كل حال والحمدلله على نعمة الصحة والعافيه

فيما يخص السوق ، اخذوها قاعده الدخول في المسارات الهابطه هو باختصار ( محرقة للأموال ).

واتمنى لكم التوفيق بلا استثناء

صبحك الله بالخير. وماذا عن الخروج؟

[alkaldi]

ان شاءالله كل الاسهم الصغيرة لمت اب

اول شي واهم شي السوق يقلب اخضر
ويتعدل السوق وبعديييييين نفكر بالمتات اباااات ههههه

[mohamed9933]

السوق بعد الاسبوع اللي راح في شبه حيرة شراء قليل من القطريين 21.8 مليون للأفراد يقابله بيع قليل للمحافظ 12 مليون من 708 ملايين تداول .. والأفراد من 564 مليون تداول والنسبة في الفئتين لا تتعدى 5% للأفراد 3.86% وللمحافظ 1.69%

الخليجيين محافظهم بيع قوي 51.5 مليون بيع من 61.8 تداول وبيعهم مؤثر مع إن القيمة ليست بالكبيرة .. أما الأفراد شراء بسيط بحدود 2 مليون من 8 مليون تداول

العرب شراء حول 17 مليون

محافظنا صحيح بيعها قل لكن ما زالت تبيع

والأجانب محافظهم شروا بحدود 5 ملايين وبنسبة متواضعة تقترب من 1% وأفرادهم شراء بنسبة أكثر وشوي تحت ال 20 مليون مع إن تداولهم متواضع


لم يدمر سوقنا الا محافظ محلية يديرها أناس غير محليين
لم يتم حرق مدخراتنا الا هم

هذي المصيبة لما يكون قرار ادارة محافظ بالميارات بيد شخص وليس بيد لجنة

[حكاية عطر]

لا تدخل بكامل راس المال ، اذا متعلق لابد اتدبر مبلغ للتعديل ، اذا سهمك أكد وقف الخساره وأكرر تم تأكيد وقف الخساره اذا وجب عليك الخروج بدون ادنى تردد ، لاحظوا الأخ مضارب دوسري ما ينتظر على سهمه اذا كسر ارقام شراءه


ونصيحة لوجه الله تعالى لا تستخدم فلوس الهامش وابعد عنه والا ……

[حكاية عطر]

لم يدمر سوقنا الا محافظ محلية يديرها أناس غير محليين
لم يتم حرق مدخراتنا الا هم

هذي المصيبة لما يكون قرار ادارة محافظ بالميارات بيد شخص وليس بيد لجنة

لا تتهم المحافظ القطرية بشكل مباشر

هذا الجدول بالذات انساه ولا اتابعه فهمو محصله لما في الخفاء وافهمها

[حسن الخاطر]

طيب واخرتها مع السوق
حتى يوم افتتاح كاس العالم مب راضي يفرحنا

[mohamed9933]

لا تتهم المحافظ القطرية بشكل مباشر

هذا الجدول بالذات انساه ولا اتابعه فهمو محصله لما في الخفاء وافهمها

مش اتهام
المحافظ المحلية أحيانًا تكون تحتة غطاء اجنبية

[alkaldi]

وين بومبارك اليوم شكله يجهز الصفاره

[مضارب دوسري]

وين بومبارك اليوم شكله يجهز الصفاره

اتوقع مدّهن الركبه بفكس ... لان وراه مشي اليوم من المواقف للملعب

[بحر شرق]

من يلعب في السوق ؟

[alkaldi]

هههههههههه
الحين اليوم وعندنا كاس عالم والحمدلله قطعنا مشوار طويل كان صعب بس كنا قدها
طيب وكنا نتوقع كاس العالم بيكون البدايه ان شاء الله بس على اللي انشوفه اليوم وعلى السيوله ونزول السوق شي غريب الصراحه
طيب الظاهر ماراح يرتفع السوق الا مع تاهل العنابي للادوار الثانيه
والله يعين ان شاء الله
وربي يرزقنا جميع قريب

[حكاية عطر]

من يلعب في السوق ؟

لا يوجد من يلعب بالسوق ابداً ولا يجوز الوصف

تابع السوق عدل وراقب ارقام تفعيل وقف الخساره اتحصل انه السوق ماشي صح

[معماري قطري]

يارب يستوعبون ان اليوم كاس العالم

شكلهم يا اخوي ما يدرون والا مصدقين أحلام بعض الحاقدين

[حكاية عطر]

أشوف انه وقت الاستمتاع بكأس العالم وكامل فعالياته

السوق ملحوق عليه

[معماري قطري]

لم يدمر سوقنا الا محافظ محلية يديرها أناس غير محليين
لم يتم حرق مدخراتنا الا هم

هذي المصيبة لما يكون قرار ادارة محافظ بالميارات بيد شخص وليس بيد لجنة

ولا فيه شفافية واخبار الناس بتوجه هذي المحافظ المؤثرة

لكن عارف انا القرار مب يدهم يد من هو أعلى وبيجي وقت بيتحرك السوق بإذن الله لو صدر القرار .. ممكن ما يصدر لإعتبارات معينة والله أعلم بس السؤال لين متى؟ السوق مثل البنت المسحورة لا تتزوج ولا حتى تنخطب

[كلمة طيبة]

الفائض اللهم زد وبارك طيب ، الوضع الاقتصادي لا غبار عليه ، الاهم مؤشر الخوف ينخفض وترجع المعنويات ، وانا متأكد بجلسة واحد بتحقق وبصير اللي قاعد كل واحد يحلم فيه .

[.:: القيصر ::.]

عندي شعور يقول

ان محافظنا بتسوي مفاجئة خضضضضرة

[معماري قطري]

لا تتهم المحافظ القطرية بشكل مباشر

هذا الجدول بالذات انساه ولا اتابعه فهمو محصله لما في الخفاء وافهمها

وليش ما نتهم وهي اللي تبيع من قبل منتصف السنة وكله في جداول السوق مب من عندنا .. هذا مب اتهام حقيقة منشورة ونتساءل حولها الاتهام اذا مبني على الشك

[ابومبارك]

وين بومبارك اليوم شكله يجهز الصفاره

كل شي في وقته حلو ياحلو
ننتظر السيوله الممسوكه

[حسن الخاطر]

ولا فيه شفافية واخبار الناس بتوجه هذي المحافظ المؤثرة

لكن عارف انا القرار مب يدهم يد من هو أعلى وبيجي وقت بيتحرك السوق بإذن الله لو صدر القرار .. ممكن ما يصدر لإعتبارات معينة والله أعلم بس السؤال لين متى؟ السوق مثل البنت المسحورة لا تتزوج ولا حتى تنخطب

لغايت لما يفلسونا و يضيعوا
حسبنا الله ونعم الوكيل

[ابومبارك]

بيجينا يوم بنقول ياويلاك على هذي الاسعار
ليتنا شرينا وخلينا

[كلمة طيبة]

عندي شعور يقول

ان محافظنا بتسوي مفاجئة خضضضضرة

تعجبني يالقيصر ، بعد زمان ، عسى يكون وجهك خير ، والله اتمنى من الله يكون اخضر ناصع الخضره حتى نكفي الاسبوع هكذا

[معماري قطري]

عندي شعور يقول

ان محافظنا بتسوي مفاجئة خضضضضرة

بصراحة يا اخوي هذا وقت دخولهم بقوة وبدون التفات لأخبار عالمية .. منها يشترون جزء كبير من اللي باعوه فوق ومنها يبعثون طمأنينة للسوق

[كلمة طيبة]

بصراحة يا اخوي هذا وقت دخولهم بقوة وبدون التفات لأخبار عالمية .. منها يشترون جزء كبير من اللي باعوه فوق ومنها يبعثون طمأنينة للسوق

احسنت ياابو عبدالله الطمأنيينة اشوفها اهم شي ، تابعت تحليلات الاخوة عتيق ووالسامر والدوسري ، واللي استشفيته انه نحنا حاليا عند منعطف حساس ، ممكن نروح فوق وممكن ننزل لذلك الطمأنينة اهم شي في هذه المرحلة ، واشوفانه الخوف والفزع وصل حده

[النوماس]

لا يوجد من يلعب بالسوق ابداً ولا يجوز الوصف

تابع السوق عدل وراقب ارقام تفعيل وقف الخساره اتحصل انه السوق ماشي صح

السوق ماشي معاك تمام بالهبوط وواضح ان عندك خبرة كبيرة .
ولكن مستغرب جدا انه مازبط معك سهم الخليج الدولية
وهبط قبل اي ارتفاع كنت تتوقعه

[معماري قطري]

لغايت لما يفلسونا و يضيعوا
حسبنا الله ونعم الوكيل

إخوي حسن هي كلها اساءة تقدير .. اللي باع قبل رابح أكيد حسب بعض الأسهم بس مثلاً عندك وقود وبعته والا الدولي والا المصرف باسئل شربحت من وراه وانت بتشتري ألحين وعارفين سعره في ارتفاع وشبه استقرار

انا اشوف الوقت وقت شراء للتوزيع ووقت نمسك أسهمنا بعد كهدف أول للتوزيع وبعدين لكل حادث حديث

[بحر شرق]

لا يوجد من يلعب بالسوق ابداً ولا يجوز الوصف

تابع السوق عدل وراقب ارقام تفعيل وقف الخساره اتحصل انه السوق ماشي صح
قسم بالله في حد يلعب في السوق

[معماري قطري]

احسنت ياابو عبدالله الطمأنيينة اشوفها اهم شي ، تابعت تحليلات الاخوة عتيق ووالسامر والدوسري ، واللي استشفيته انه نحنا حاليا عند منعطف حساس ، ممكن نروح فوق وممكن ننزل لذلك الطمأنينة اهم شي في هذه المرحلة ، واشوفانه الخوف والفزع وصل حده

صحيح كلنا نعاني سواء السوق في ربح ونطمع بالأكثر وسواء السوق هابط وضاغط على نفسياتنا خصوصاً إحنا صغار المساهمين

[حكاية عطر]

وليش ما نتهم وهي اللي تبيع من قبل منتصف السنة وكله في جداول السوق مب من عندنا .. هذا مب اتهام حقيقة منشورة ونتساءل حولها الاتهام اذا مبني على الشك

خلك وطني فهم اخبر من اي حد ثاني
وهذا الجدول بالذات شخصياً لا التفت له ولا اعيره اي اهتمام ( قناعة ).

نتكلم بلغة الارقام ، تأكد وقف الخساره يجب عليك التفعيل بدون اي تردد ولا حتى تسأل شخص ثاني يتعاطف معك بالرد

ويوجد شئ اخر بخصوص هذا الجدول لا ارغب بالحديث عنه

[بحر شرق]

يلعبون في السوق ولا عندهم وقف خساره ولا كسر دعم الي يبونه بيسونه فيه ومتى ما ما امتلات محافظهم يقررون

[كلمة طيبة]

لن افكر بأي شيء قبل الساعة 12:15

[حكاية عطر]

السوق ماشي معاك تمام بالهبوط وواضح ان عندك خبرة كبيرة .
ولكن مستغرب جدا انه مازبط معك سهم الخليج الدولية
وهبط قبل اي ارتفاع كنت تتوقعه

لست من أمشي السوق فأنا مثلي مثلكم

بخصوص الخليج الدوليه حاليا هابط ولا زال هابط ومعطي خروج صريح ويتطلب تفعيل الوقف في وقتها

ولا ارغب في دكر اهدافه بعد الكسر

موفقين جميعا

[معماري قطري]

بيجينا يوم بنقول ياويلاك على هذي الاسعار
ليتنا شرينا وخلينا

صارت وايد يا بو مبارك واحنا في نهاية سنة ثرى بتشوف هجمة مرتدة على كثير من الأسهم .. إنسى المؤشر مؤقتاً

[mohamed9933]

لا يوجد من يلعب بالسوق ابداً ولا يجوز الوصف

تابع السوق عدل وراقب ارقام تفعيل وقف الخساره اتحصل انه السوق ماشي صح

كيف لايجوز الوصف!؟
عالميا معروف عن اسواق المال قائمة على اللعب والتحليل والمعلومات الداخلية

وللأسف سوقنا فقد الثقة لحفنة من الناس
وكل من يتخارج اليوم مجبور بسبب هذه الحفنة

[mohamed9933]

مستحيل مب عوايدهم ولا مفتكر صاحب القرار فيها بأي اعتبارات

[حكاية عطر]

قسم بالله في حد يلعب في السوق

لو تابعت مداخلتي مع الأخ عتيق قبل شهرين تقريبا ويوم الاغلاق الشهري لما اقسمت اليوم

الله يوفقك

[mohamed9933]

بالضبط
قال وقف خسارة دعوم تتكسر السوق دخل فالسلبية وااخ يقول لايجوز

[كلمة طيبة]

السيولة متواضعة جدا

[معماري قطري]

خلك وطني فهم اخبر من اي حد ثاني
وهذا الجدول بالذات شخصياً لا التفت له ولا اعيره اي اهتمام ( قناعة ).

نتكلم بلغة الارقام ، تأكد وقف الخساره يجب عليك التفعيل بدون اي تردد ولا حتى تسأل شخص ثاني يتعاطف معك بالرد

ويوجد شئ اخر بخصوص هذا الجدول لا ارغب بالحديث عنه

بعد الوطنية خسرتنا واحنا نتابع ونقول بكرة بيشترون يرفعون السوق الأحد ويرشون باقي الاسبوع

[معماري قطري]

السيولة متواضعة جدا

متواضعة والسوق مضغوط واحد يكبس وواحد يشتري برخيص ممكن هو نفسه ويضيع أكثر اللي يبيع هذي الأوقات

[كلمة طيبة]

والله يا ابو عبدالله لا انصح بالبيع او الشراء فهذا قرار المستثمر ، ولكن حقيقة لا ارى اي سبب مقنع للهبوط اللي حاصل من نهاية شهر 10 للحين ، اقول بكفي كل يوم وللاسف يكمل ، عسى اليوم تزبط ويعكس التوقعات

[حكاية عطر]

السيولة متواضعة جدا

هو المطلوب تماما وهذا يعنبر تعاطف مع كل خسران

[بوبدرvip]

سبحان الله وبحمده

[النوماس]

لست من أمشي السوق فأنا مثلي مثلكم

بخصوص الخليج الدوليه حاليا هابط ولا زال هابط ومعطي خروج صريح ويتطلب تفعيل الوقف في وقتها

ولا ارغب في دكر اهدافه بعد الكسر

موفقين جميعا

اللي اقصده ان الدولية عاكست توقعاتك لما كنت تقول لها اهداف فوق
ايش اللي يمنع الحين تعاكس توقعاتك في الهبوط والاهداف البعيدة السفلية

[Al-Mezan]

لن يصح الا الصحيح وكل تصحيح له ارتداد وعند الارتداد رح يتغير الكلام والرسم والخطوط والترندات.

[السامر الأسود™]

http://www.qatarshares.com/vb/showthread.php?611301-%CF%DD%CA%D1-%D1%D3%E3&p=10883682&viewfull=1#post10883682



السلام عليكم ورحمة الله


اعلاه رابط باخر تعليق عن السوق واللي صار وصاير وباذن الله متوقع يصير


واللهم احفظ قطر أميرا وحكومة وشعبا وارضا ومالا وبلاد المسلمين... مبروك عليكم وصولنا لوقت كاس العالم

[alkaldi]

كل شي في وقته حلو ياحلو
ننتظر السيوله الممسوكه

ناطرين الحلو باذن الله يالاحلى وربك كريم

[ابومبارك]

لن يصح الا الصحيح وكل تصحيح له ارتداد وعند الارتداد رح يتغير الكلام والرسم والخطوط والترندات.

اي بتشوف التعليقات عقب الارتفاع
هوس روح اي شنب صانع السهم كفو كفو من هذا الكلام الحلو
هههههههههههه

[vip1982]

الموضوع واضح المحافظ ضحكت عالجميع لان الكل كان متفائل بدخول كأس العالم, وباعوا بالغالي والحين يضغطون عشان يشترون بالرخيص, ممكن حد يقول حقهم هي تجارة بس والله عيب البورصة واجهة البلد الاقتصادية واحب اقول لهم ان الناس فقدت الثقة بالسوق وحتبيع قريبا وتخرج بلاعودة إلى اسواق تمشي على منطق وليس عالهوى

[a.alahmad]

ابيض وجه يا السامر

[السامر الأسود™]

الموضوع واضح المحافظ ضحكت عالجميع لان الكل كان متفائل بدخول كأس العالم, وباعوا بالغالي والحين يضغطون عشان يشترون بالرخيص, ممكن حد يقول حقهم هي تجارة بس والله عيب البورصة واجهة البلد الاقتصادية واحب اقول لهم ان الناس فقدت الثقة بالسوق وحتبيع قريبا وتخرج بلاعودة إلى اسواق تمشي على منطق وليس عالهوى

اخوي في اي بي..


شوف السوق اسبوعي ويومي.
المحافظ اللي باعت هذة هي اليوم تتشرط وتتنقل بين قطاعات السوق صار لها كذا يوم


طلعوا صح. واحنا ايضا صح والاجنبية محافظ ايضا صح.. المشكلة فقط في مستوى الدخول

هي منطقة البعض اشترى فوق منها واللي يبي تحت واللي بالنص

ولا هي؟ كلها منطقة وحدة منطقة ارتدااااد.


يبي لها وقت. فهمتني؟ جرب نخفض توقعك وعشمك بالسوق.. وتابع يومي اخر الجلسة او بالليل. وليس لحظي وساعه و و.



نصيحة اخ لكم جميع

[بوبدرvip]

صحيح ياخوان ان دعايه ربط كأس العالم بارتفاع الأسعار
كان في المقابل خرووج المحافظ
لاكن الله يجازي مكان يكيد لأخوانه على ويختار مصلحه نفسه

[بوبدرvip]

لاكن لا بيع ولا بيع

[السامر الأسود™]

صحيح ياخوان ان دعايه ربط كأس العالم بارتفاع الأسعار
كان في المقابل خرووج المحافظ
لاكن الله يجازي مكان يكيد لأخوانه على ويختار مصلحه نفسه

كاس العالم يا بو بدر ماله اي خص او دخل بتحركات الصناديق.. الا عن طريق غير مباشر ووبعد ست شهور وفي قطاعات محددة

درستا اسواق الدول اللي صار فيها كاس عالم مع اسواقها.. واثبتت الدراسة انه ولا كان عندهم كاس عالم

[alkaldi]

وين رايح ماااااندري
متى بيطلع السوق ماااااااندري
هل بينزل السوق ماااااندري
اجل مالنا الا الصبر ومافي غيره هالوقت مثل ماقالوا الاخوان بعد كل هبوط لابد طلوع وطلوع بيفرح ان شاء الله
وربي يرزق الجميع

[السامر الأسود™]

ابيض وجه يا السامر

و وجهك ابيض والجميع


بس على شنو مادري.

قلبني السوق قدامكم.


ولكن الحمد لله جات خير وخيرة واسعار افضل للتبريد والتعديل

الاكشن لما يصير للعلم شباب من هالنوع بيجي بغته وفجاءة وقوي مايمدي احد يقرر


الا اللي عنده مصار وتحليل حق سهمه او مساهم عشمه بالسوق منخفض و واقعي.. ويومي ومش مضارب

[السامر الأسود™]

وين رايح ماااااندري
متى بيطلع السوق ماااااااندري
هل بينزل السوق ماااااندري
اجل مالنا الا الصبر ومافي غيره هالوقت مثل ماقالوا الاخوان بعد كل هبوط لابد طلوع وطلوع بيفرح ان شاء الله
وربي يرزق الجميع

صباح الخير يالخالدي

صباح الخير على قلبك القوي المؤمن


قريت مشاركاتك. واللي جملك الله به .. الصبر والحلم والاناه.

تبشر بالسعد وقريبا باذن الله

[alkaldi]

ننطر الفرج من رب العالمين لعل وعسى في فرج في الساعه او النص ساعه الاخيره
ويعطي شوي امل او سيوله تنعش السوق

[a.alahmad]

السلام عليكم والله يجزاء كل خير من يساعد بتحليل صحيح لاخوانة الي مايعرفون
انا اول غشيم بالتداول وادش على عماها حتى وصلت خسارتي 800 الف
وانقطعت سنتيين عن البورصة
والحيين رديت لاكن اخذت دورة مبتدئين يعني اقل شي اعرف وين ادش ووين اطلع وين القاع ووين القمة بتساعد مع وجه نظر اخوانا المحلليين
والحمد لله بديت شوي شوي اعوض وتقريبا صارلي شهر برة السوق
واذا دشيت ادش بنفس الجلسة واطلع
والحمد لله على كل حال

[السامر الأسود™]

ننطر الفرج من رب العالمين لعل وعسى في فرج في الساعه او النص ساعه الاخيره
ويعطي شوي امل او سيوله تنعش السوق

شرايكم نلعب لعبة العداد


نكسر الملل؟ وروتين الجلسة

بس بدون شارتاات لان خارج المنصة حاليا

[السامر الأسود™]

السلام عليكم والله يجزاء كل خير من يساعد بتحليل صحيح لاخوانة الي مايعرفون
انا اول غشيم بالتداول وادش على عماها حتى وصلت خسارتي 800 الف
وانقطعت سنتيين عن البورصة
والحيين رديت لاكن اخذت دورة مبتدئين يعني اقل شي اعرف وين ادش ووين اطلع وين القاع ووين القمة بتساعد مع وجه نظر اخوانا المحلليين
والحمد لله بديت شوي شوي اعوض وتقريبا صارلي شهر برة السوق
واذا دشيت ادش بنفس الجلسة واطلع
والحمد لله على كل حال

كفووو وموفق يالذيب.


عاضك الله وجميع المساهمين

[alkaldi]

صباح الخير يالخالدي

صباح الخير على قلبك القوي المؤمن


قريت مشاركاتك. واللي جملك الله به .. الصبر والحلم والاناه.

تبشر بالسعد وقريبا باذن الله

حبيب اخوي السامر
ياخوي شنسوي اكيد الواحد صج يحز في خاطره على وضع السوق وكل ريال يخسره ودخل على امل يكون ريالين واعتقد في ناس هي كل اللي يملكون وفي صدمات صارت لناس ولكن اللي صار صار شنسوي
كل مره الامل والصبر والخساره والربح اخيار من رب العالمين وفي الاخر الخير في ما اختاره الله
وان شاء الله ربي الرزاق وبيرزقنا جميع قريب ان شاء الله

[السامر الأسود™]

يعني قبيل اي اكشن وارتداد حتى لو مؤقت


احسبه لكم وكم دقيقة وكم وكم

زي قبل؟


شرايكم. ابي واحد بس يقول اوكي
هههه


بعد الصلاو نبداء؟

[السامر الأسود™]

حبيب اخوي السامر
ياخوي شنسوي اكيد الواحد صج يحز في خاطره على وضع السوق وكل ريال يخسره ودخل على امل يكون ريالين واعتقد في ناس هي كل اللي يملكون وفي صدمات صارت لناس ولكن اللي صار صار شنسوي
كل مره الامل والصبر والخساره والربح اخيار من رب العالمين وفي الاخر الخير في ما اختاره الله
وان شاء الله ربي الرزاق وبيرزقنا جميع قريب ان شاء الله

كفوو وكفو ونعم

واللهم امين

[alkaldi]

شرايكم نلعب لعبة العداد


نكسر الملل؟ وروتين الجلسة

بس بدون شارتاات لان خارج المنصة حاليا

نلعب نلعب ورانا شي ماورانا
معني مااعرف هاللعبه بس توكل على الله
ههههههههه

[السامر الأسود™]

يعني قبيل اي اكشن وارتداد حتى لو مؤقت


احسبه لكم وكم دقيقة وكم وكم

زي قبل؟


شرايكم. ابي واحد بس يقول اوكي
هههه


بعد الصلاو نبداء؟

ولعبة ثانية.. لكسر الروتين اخبركم بالاسهم اللي على منصات انطلاق واللي باقي فيها للحين

ملاكها ياخذون بريك لفة في الحوش ويرجعون؟

[Al-Mezan]

اوووكي

[alkaldi]

كفوو وكفو ونعم

واللهم امين
كفوك الطيب

[السامر الأسود™]

نلعب نلعب ورانا شي ماورانا
معني مااعرف هاللعبه بس توكل على الله
ههههههههه

حلوووى :thumbup:

[حكاية عطر]

اي خبر سلبي عالمي بتشوفون السوق يهرول تحت ، صلاة تايم

والله يحفظنا واياكم من كل مكروه

[alkaldi]

صلاه وربي يتقبل ويبدل الاحوال ان شاء الله

[شبيب]

ولعبة ثانية.. لكسر الروتين اخبركم بالاسهم اللي على منصات انطلاق واللي باقي فيها للحين

ملاكها ياخذون بريك لفة في الحوش ويرجعون؟

اي والله عطنا الاسهم الي على منصة الانطلاق لانها تعطي جرعة صبر

[السامر الأسود™]

تقبل الله


سؤال تفاعلي..

لاحظتوا تمنع في الهبوط؟
مع بيع قليل وشراء اكثر بالصفقات


هذة بوادر


اللي واضح من مؤشر السوق ان باقي هبطة. اكثر

لما تصير بنشغل العداد.

مسامحه .. ماقرب شي للحين.


ولكن ولكن هناك اسهم جاهزة وعالمنصة..
وهي بين خيارين ..يا انتظار المؤشر يطلع ويرتد الى اعلى وتشاركه؟ او تعمل تدوير وكونترول وانتظار تايم hold time الين تصفر صفارة ابو مبارك بامر الله


اولها اجارة ودولية ودولي .. وانماء
.. وجاري البحث عن اكثر

[السامر الأسود™]

والسلام سهم السلام وسهم صناعات

واستثمار

[السامر الأسود™]

وسهم ازدان وبجدارة باذن الله

[كلمة طيبة]

اخوي السامر يكفينا هبطات رحم الله والديك ، شوف هبطة وارتداد بنفس الجلسة ما تزعل ، بس ما تاخذ شهر ، لانه بصراحة تعبنا ، عسى الله يعوضنا خير ، والله يجزاك الخير

[مضارب دوسري]

السوق يعطيك بوادر ويتم بعد ذلك كبح جماحها كما حصل طيلة ايام تداول الاسبوع الماضي

يجيك وقت المزاد ويحصل كسر لهذه البوادر
اليوم صناعات والريان فتحوا الباب لقيعان جديده بكسرهم ادنى مستوي من 12095

والخوف من الوطني في حال كسر 18.75

[السامر الأسود™]

اخوي السامر يكفينا هبطات رحم الله والديك ، شوف هبطة وارتداد بنفس الجلسة ما تزعل ، بس ما تاخذ شهر ، لانه بصراحة تعبنا ، عسى الله يعوضنا خير ، والله يجزاك الخير

ههههه و الله يجزاك خير يالذيب.


طيب اخذ نفس لل 12133 وماتحت.


شكلها عالمزاد.

شرايك؟..

[مضارب دوسري]

السوق يعطيك بوادر ويتم بعد ذلك كبح جماحها كما حصل طيلة ايام تداول الاسبوع الماضي

يجيك وقت المزاد ويحصل كسر لهذه البوادر
اليوم صناعات والريان فتحوا الباب لقيعان جديده بكسرهم ادنى مستوي من 12095

والخوف من الوطني في حال كسر 18.75

كان الامل باليوم انه يكون تحفيز وفرحه بافتتاح كأس العالم بعد 12 سنه من الانتظار

ولكن شوفة عينكم السوق ف وادي والتحفيز بوادي

[شبيب]

وسهم ازدان وبجدارة باذن الله

مستثمرين ؟

[Al-Mezan]

كان الامل باليوم انه يكون تحفيز وفرحه بافتتاح كأس العالم بعد 12 سنه من الانتظار

ولكن شوفة عينكم السوق ف وادي والتحفيز بوادي

باقي بعض من الوقت omen

[مضارب دوسري]

ليش الوطني وصناعات لما تحركوا وكنا قريب ال12700
جاء اجتماع مورغن ستانلي وبعدعا بدينا نشوف الوطني يكسرونه كل يوم من 21 الى ان وصل 19

هل خفضوا وزنه في مورغن ولذلك شفناه كيف يتم تركيعه بقوه كل يوم ؟

[السامر الأسود™]

ههههه و الله يجزاك خير يالذيب.


طيب اخذ نفس لل 12133 وماتحت.


شكلها عالمزاد.

شرايك؟..

قول ايضا لما تشوف و الله اعلم وطني يمر عال 18.75

هنا ايضا يبدو منطقة للقطاع والسوق

ريان عال 36 وحواليها.


مناطق لو تمر عليها الاسهم بيصير متوقع اكشن قوي جدا الى اعلى.

واللي صاير يوحي باقي للحين.. عشان كذا ماطلع عداد.. نرصده حتى الساعه

[السامر الأسود™]

حتى اللحظه قصدي

[معماري قطري]

الموضوع واضح المحافظ ضحكت عالجميع لان الكل كان متفائل بدخول كأس العالم, وباعوا بالغالي والحين يضغطون عشان يشترون بالرخيص, ممكن حد يقول حقهم هي تجارة بس والله عيب البورصة واجهة البلد الاقتصادية واحب اقول لهم ان الناس فقدت الثقة بالسوق وحتبيع قريبا وتخرج بلاعودة إلى اسواق تمشي على منطق وليس عالهوى

الناس تنسى بسرعة وتعشق المغامرة هم بس خلهم يرشون كم مليار وشوف السوق شيسوي .. عاد اليوم لو انغلبنا 5 - صصفر بتشوف بكرة سوقنا نازل مع كل هدف 100 نقطة

[السامر الأسود™]

مستثمرين ؟

صحيح.. مستثمرين عالمنصة

وقف الخسارة لو نزل اقل من 1.78 لا سمح الله

[عبدالعزيز 9]

مساكم الله بالخير
ممكن تحديث لمصرف الريان للضروره؟

[حكاية عطر]

سؤال للسامر ،

مستويات وقف الخساره للأسهم المرصوده عندك وعلى المنصة كما تقول كم ؟؟

[السامر الأسود™]

اي سهم؟ حدد يالذيب

[السامر الأسود™]

مساكم الله بالخير
ممكن تحديث لمصرف الريان للضروره؟

باقي فيه شويات بو سعود


حول 36 وحواليها ويمكن ما ينزل بس هذا المحسوب و الله اعلم

[مضارب دوسري]

باقي بعض من الوقت omen

ما يمدي ياخوي
حتى لو انقلب الاحمر الى اخضر مثلاااا
كم بيكون 50 نقطه !
100 نقطه !
بعد ما تكفي ولا توفي كان الامل بارتفاع يعكس الاتجاه بقوه تزيد عن 200 نقطه هنا بيكون الوضع تم معالجته

[عبدالعزيز 9]

الله كريم

[السامر الأسود™]

ما يمدي ياخوي
حتى لو انقلب الاحمر الى اخضر مثلاااا
كم بيكون 50 نقطه !
100 نقطه !
بعد ما تكفي ولا توفي كان الامل بارتفاع يعكس الاتجاه بقوه تزيد عن 200 نقطه هنا بيكون الوضع تم معالجته

لو يصير هبطة قوية نوعا ما

في وطني وريان وكذا سهم بيكون ممتاز

بس ماجات هالهبطة

تسارع يعني..

طبعا هالشي يسبب ارهاق زمني ضغط عالمتداول

مايخليه يشوف شي والدقيقة عنده بساعه

بعكس من يعطي للسوق وقت ونفس وغير متابع لحظي بالاحرى مش مضارب

الالم يصيب المضاربين


من مشاركات المضاربين تقدر تعرف وش الوضع السوقي و ايش اللي يتوقعه و و ايش اللي يبيه

[السامر الأسود™]

من معاي يتوقع قطر بتفوز بكاس العالم


:thumbup:

[معماري قطري]

و وجهك ابيض والجميع


بس على شنو مادري.

قلبني السوق قدامكم.


ولكن الحمد لله جات خير وخيرة واسعار افضل للتبريد والتعديل

الاكشن لما يصير للعلم شباب من هالنوع بيجي بغته وفجاءة وقوي مايمدي احد يقرر


الا اللي عنده مصار وتحليل حق سهمه او مساهم عشمه بالسوق منخفض و واقعي.. ويومي ومش مضارب

هذا ما نتمناه

كلام كبير من إخو كبير

[السامر الأسود™]

سؤال للسامر ،

مستويات وقف الخساره للأسهم المرصوده عندك وعلى المنصة كما تقول كم ؟؟

اي سهم؟ حدد يالذيب

[معماري قطري]

من معاي يتوقع قطر بتفوز بكاس العالم


:thumbup:

أتوقع لعب زين بس يا خوفي من الربكة وضياع البوصلة

[السامر الأسود™]

هذا ما نتمناه

كلام كبير من إخو كبير

كبر الله حظك ورفع قدرك


ارحب يا بو عبدالله

[حكاية عطر]

مثلاً انت اتوصي اجاره ودوليه ، حسب مشاركاتك

كم وقف الخساره للي بيشتري اليوم ؟

تابع الشارت عدل وعلى الندى الابعد اترك عنك اللحظي

[معماري قطري]

كبر الله حظك ورفع قدرك


ارحب يا بو عبدالله

المرحب باقي الله يبقيك ويعطيك حتى يرضيك والجميع

[ابومبارك]

نهي سيوله بتشوف عقب صفارة الحكم الليله
سنرى غدا

[ابومبارك]

متى يرتفع المنيوم العالم ههههههههه

[السامر الأسود™]

مثلاً انت اتوصي اجاره ودوليه ، حسب مشاركاتك

كم وقف الخساره للي بيشتري اليوم ؟

تابع الشارت عدل وعلى الندى الابعد اترك عنك اللحظي

ارحب


طلعت محلل او مخاوي محللين


ايوه اخوي حكاية كلهم عاليومي. والمدى ربع سنوي

ثلاث شهور شهرين كذا

و الله اعلم

اذا عندك غير ؟ وجهني.. ماراح اتعبك صدقني

[حكاية عطر]

اي متداول في السوق ، المؤشر اذا كسر مستوى 12100 فعل الجرس على هذا الرقم وانتبه وتابع الشاشه وقتها لزوم اتشوف حال سهمك

الانتباه واجب اذا صار

[مضارب دوسري]

لو يصير هبطة قوية نوعا ما

في وطني وريان وكذا سهم بيكون ممتاز

بس ماجات هالهبطة

تسارع يعني..

طبعا هالشي يسبب ارهاق زمني ضغط عالمتداول

مايخليه يشوف شي والدقيقة عنده بساعه

بعكس من يعطي للسوق وقت ونفس وغير متابع لحظي بالاحرى مش مضارب

الالم يصيب المضاربين


من مشاركات المضاربين تقدر تعرف وش الوضع السوقي و ايش اللي يتوقعه و و ايش اللي يبيه

التسارع موجود بكسر صناعات والريان اليوم ومعاهم اسهم اخرى كالتكافلي والقابضه والدوليه والكهربا

هذي بعض التوابع للكبار والقياديات
حاليا الاعين صوب الوطني هل بينجر خلفهم ويذهب ال18.75 ويكسرها

برأيي ممكن ما يتم ذلك اليوم ولكن قريب وايضا هم يحاولون بيع اكبر قدر ممكن قبل الكسر وعندنا تنخفض السيوله يعني الطلب لم يعد يكفي ويتم بعدها تنزيل لمناطق اخرى لجذب الطلب عالزياده

احجام التداول الاسبوع الماضي على القياديات كان هناك تركيع مقصود ومركز بشكل مباشر عليهم ومهما حاول الطلب يواجه التيار يقصفونه بمئات الالوف من العروض للتركيع
هذا يعطي انطباع غير طيب للمتداول المتابع للاحجام

[حكاية عطر]

ارحب


طلعت محلل او مخاوي محللين


ايوه اخوي حكاية كلهم عاليومي. والمدى ربع سنوي

ثلاث شهور شهرين كذا

و الله اعلم

اذا عندك غير ؟ وجهني.. ماراح اتعبك صدقني

ههههههههههههههه والله ان لك معزه عندي مع اني ما اعرفك

سؤالك عجب العجاب

[السامر الأسود™]

ههههههههههههههه والله ان لك معزه عندي مع اني ما اعرفك

سؤالك عجب العجاب

طلب يالذيب.. مش سؤال :thumbup:

[حكاية عطر]

بخصوص اجاره كسر مستويات 0.85 السهم بيفعل نموذج هارمونيك هابط لمستويات تحت كلش

ماحد يزعل ولكن هذا الظاهر حاليا

( قد ) يكون ارتداد مصيده

[السامر الأسود™]

بخصوص اجاره كسر مستويات 0.85 السهم بيفعل نموذج هارمونيك هابط لمستويات تحت كلش

ماحد يزعل ولكن هذا الظاهر حاليا

( قد ) يكون ارتداد مصيده

ممكن.. كل شي. جايز


الله يستر

[بو هيا88]

ايش وضع ام سعيد
مافي اي سعاده معها

[vip1982]

والله احترنا مع المحللين نصفهم يحذر ونصفهم يؤمل, النية طيبة باذن الله, الله يجزيكم الخير لكننا فعلا وقعنا في حيرة هل نصبر ام نخرج ونحتسب الخسارة عند الله

[حكاية عطر]

طلب يالذيب.. مش سؤال :thumbup:

ما تنرد يالغالي

لكن حالي حالك وافهمها وعلى الله التوفيق والتساهيل

لاحظ الكميات اللي عطوها لهم بالاجارة اليوم وتابع بكره ونفس الشي الدوليه هالسهم يبي له صبر اشوي قبل الدخول الاستثماري

الله يوفقكم جميع

[ابو عبده]

والله احترنا مع المحللين نصفهم يحذر ونصفهم يؤمل, النية طيبة باذن الله, الله يجزيكم الخير لكننا فعلا وقعنا في حيرة هل نصبر ام نخرج ونحتسب الخسارة عند الله

المشكلة اخى الكريم ان الرؤية غير واضحة تماما ... يعنى كل الاسباب تدعوا الى ارتفاع فوق الممتاز وللاسف بنشاهد هبوطات بدون سبب واضح دون ادنى احترام لاى تحليل ... ربك يفرجها

[السامر الأسود™]

والله احترنا مع المحللين نصفهم يحذر ونصفهم يؤمل, النية طيبة باذن الله, الله يجزيكم الخير لكننا فعلا وقعنا في حيرة هل نصبر ام نخرج ونحتسب الخسارة عند الله

ويجزاك خير ويجزاك خير


تاكد محلل اللي تاخذ منه. لان هناك راسم فني وهاوي فني ومتابع فني ومحلل فني.


انصحك تتابع من تعتقد انه محلل فقط حاليا. وكلهم طبعا خير وبركة. وشعار محللين قطر تحديدا مدح ودعم الراسم حتى يصبح هاوي ودعمه حتى يصبح محلل.. وباحترام وعالعين والراس

[السامر الأسود™]

المشكلة اخى الكريم ان الرؤية غير واضحة تماما ... يعنى كل الاسباب تدعوا الى ارتفاع فوق الممتاز وللاسف بنشاهد هبوطات بدون سبب واضح دون ادنى احترام لاى تحليل ... ربك يفرجها

احيانا الخطاء من المحلل


مثل ماحصل واياي.

التحليل اداة فعاله وكل يوم نشاهد جدواها امام الاعين

[السامر الأسود™]

ما تنرد يالغالي

لكن حالي حالك وافهمها وعلى الله التوفيق والتساهيل

لاحظ الكميات اللي عطوها لهم بالاجارة اليوم وتابع بكره ونفس الشي الدوليه هالسهم يبي له صبر اشوي قبل الدخول الاستثماري

الله يوفقكم جميع

واياك واياك التوفيق يالغالي

[السيلاوي]

ويجزاك خير ويجزاك خير


تاكد محلل اللي تاخذ منه. لان هناك راسم فني وهاوي فني ومتابع فني ومحلل فني.


انصحك تتابع من تعتقد انه محلل فقط حاليا. وكلهم طبعا خير وبركة. وشعار محللين قطر تحديدا مدح ودعم الراسم حتى يصبح هاوي ودعمه حتى يصبح محلل.. وباحترام وعالعين والراس

الله يجزيك الخير اخوي السامر واخوي مضارب دوسري واخوي معماري ما تقصرون في النصائح
وللاسف بعض الاشخاص يهرفون بما لا يعرفون ولا حول ولا قوة الا بالله

[السامر الأسود™]

ايش وضع ام سعيد
مافي اي سعاده معها

اول سهم طلع واسس يا بو هيا

ومازال يؤوسس باذن الله

مافيه خيل قوي ينزل.. يا دوب بالقطارة

موفق يالغالي

[السيلاوي]

اللي داخل السوق في العالي ما له إلا الانتظار وما باقي على نهاية السنة إلا شهر وتبدأ توزيعات الارباح والمتوقع لها ارباح ممتازة وتوزيعات ان شاء الله ممتازة

[السامر الأسود™]

كان المؤشر لامس ال 12133?

فاتني

[السامر الأسود™]

اللي داخل السوق في العالي ما له إلا الانتظار وما باقي على نهاية السنة إلا شهر وتبدأ توزيعات الارباح والمتوقع لها ارباح ممتازة وتوزيعات ان شاء الله ممتازة

اتفاااق .. كلام خبرة و واقع. يدعمه الحساب الرقمي لاؤقام السوق واحجامه و وقته


سوقنا اثبت انه بامكانه يخالف المنظومه


ولكن اثبت عبر السنين. انه يعملها بحدود


حاليا اقصى الحدود وممكن حولها وحواليها

[حكاية عطر]

شارت اجاره بشكل بسيط جدا دون اي تعقيد والدخول في مؤشرات أقوى ماحب اكشفها

https://www3.0zz0.com/2022/11/20/09/716728281.jpg (https://www.0zz0.com)


اللي يفهم هذا المشر بيعرف وش اقصد

كل التوفيق للجميع

[كلمة طيبة]

شو وضع الدولية اخي السامر اشوفه كسر منطقة الطلب اللي ذكرتها ،

[حسن الخاطر]

إنا لله وإنا إليه راجعون، اللهم آجرني في مصيبتي، وأخلف لي خيرًا منها



متى السوق يحن علينا و يرتفع

[السامر الأسود™]

شو وضع الدولية اخي السامر اشوفه كسر منطقة الطلب اللي ذكرتها ،

حبيب يالكلمة الطيبة. .. تذكرني بمن يدقق يبي الزلة بكاس العالم وتنظيم قطر له :thumbup:


سهم الدولية على المنصة.. يالغالي ومستوى 17 وهو نفسه الحين اللي قاعد يصير وحواليه وحوله

تشتري؟ اذا شريت خبرني.
او انت مالك للسهم؟

موفق

[بو هيا88]

اول سهم طلع واسس يا بو هيا

ومازال يؤوسس باذن الله

مافيه خيل قوي ينزل.. يا دوب بالقطارة

موفق يالغالي

ان شاء الله

[السامر الأسود™]

شارت اجاره بشكل بسيط جدا دون اي تعقيد والدخول في مؤشرات أقوى ماحب اكشفها

https://www3.0zz0.com/2022/11/20/09/716728281.jpg (https://www.0zz0.com)


اللي يفهم هذا المشر بيعرف وش اقصد

كل التوفيق للجميع

قول يا حكاية.
انا من الناس اللي مش شاطر فيه.

وش يقول؟

اذا تشوف فيه نفع.. قول. ولا عليك.
كلها تجاريب وتحاليل ودراسات

[.:: القيصر ::.]

الوعد للمؤشر مع

qnb


الفترة القادمة

[كلمة طيبة]

[QUOTE=السامر الأسود™;10883837]حبيب يالكلمة الطيبة. .. تذكرني بمن يدقق يبي الزلة بكاس العالم وتنظيم قطر له :thumbup:


سهم الدولية على المنصة.. يالغالي ومستوى 17 وهو نفسه الحين اللي قاعد يصير وحواليه وحوله

تشتري؟ اذا شريت خبرني.
او انت مالك للسهم؟

موفق[/QUOTE

لا الله يسامحك ابد ما هو كده ، فهمتني غلط ، انا فعليا موجود بالسهم ، بس حبيت اتطمن انه السهم بعده بخير الا في اله نزلة ثانية من وجهة نظر محلل .
ابد ما ادور زلات هذه مو عوايدنا ، المهم نحسن الظن ببعض حتى عالاقل نتوفق .

[السامر الأسود™]

[quote=السامر الأسود™;10883837]حبيب يالكلمة الطيبة. .. تذكرني بمن يدقق يبي الزلة بكاس العالم وتنظيم قطر له :thumbup:


سهم الدولية على المنصة.. يالغالي ومستوى 17 وهو نفسه الحين اللي قاعد يصير وحواليه وحوله

تشتري؟ اذا شريت خبرني.
او انت مالك للسهم؟

موفق[/quote

لا الله يسامحك ابد ما هو كده ، فهمتني غلط ، انا فعليا موجود بالسهم ، بس حبيت اتطمن انه السهم بعده بخير الا في اله نزلة ثانية من وجهة نظر محلل .
ابد ما ادور زلات هذه مو عوايدنا ، المهم نحسن الظن ببعض حتى عالاقل نتوفق .

طب ابشرك.

نزل السوق لل 12111

واحنا ولا انتبهنا له


هذا بالنسبة لي اشوف محطة ايجابية


نجدد بالليل

ونشوفكم جميعا على خير.

موفقين

[السامر الأسود™]

[quote=السامر الأسود™;10883837]حبيب يالكلمة الطيبة. .. تذكرني بمن يدقق يبي الزلة بكاس العالم وتنظيم قطر له :thumbup:


سهم الدولية على المنصة.. يالغالي ومستوى 17 وهو نفسه الحين اللي قاعد يصير وحواليه وحوله

تشتري؟ اذا شريت خبرني.
او انت مالك للسهم؟

موفق[/quote

لا الله يسامحك ابد ما هو كده ، فهمتني غلط ، انا فعليا موجود بالسهم ، بس حبيت اتطمن انه السهم بعده بخير الا في اله نزلة ثانية من وجهة نظر محلل .
ابد ما ادور زلات هذه مو عوايدنا ، المهم نحسن الظن ببعض حتى عالاقل نتوفق .

حبيب يالغالي.


محسن الظن وابتسم اهوو..

نقاش وكلمات عابرات فقط ماتشلش بخاطرك

[كلمة طيبة]

[quote=كلمة طيبة;10883841]

حبيب يالغالي.


محسن الظن وابتسم اهوو..

نقاش وكلمات عابرات فقط ماتشلش بخاطرك

اخي السامر ، مراجعة اي شخص لاي تحليل يطرح يجب ان لا يؤخذ على انه تجريح او تشكيك او تدوير زلات .
عبنسألك لانه بالاصل عندنا ثقة بتحليل وبنظرتك ، فقد تكون الرؤية بالنسبة الك اوضح وهذا هو العشم ، بعيدا عن اي تساؤلات اخرى ، ولك الحق بعدم الرد ، نحن هنا لا نفرض على اي محلل الرد .

[adell]

جميل الان نقدر نقول ان ان شاء الله من بكره يمكن نزله بسيطه وصعود لاخر نهائي كاس العالم يسر الناظرين

[حسن الخاطر]

كل يوم نقول بكرة بكرة
و للاسف بكرة بيكون اسوء من الي قبلة

[كلمة طيبة]

السيولة متواصعة جدا

[معماري قطري]

ايش وضع ام سعيد
مافي اي سعاده معها

مسيعيد يا بو هيا ام سعيد هذي وحدة تبيع نخي في سوق واقف