الجوال والحوادث

[Rider]

السلام عليكم ورحمة الله وبركاته ياجماعة كثرة الحوادث المميتة وكل اسبوع او يوم نفقد الكثير من شباب قطر بسبب الجوال والسرعة ولكل يسمع هذا الاسبوع فقدنا 5 من ابناء الوطن ومن 3 اسابيع كذلك والسبب عدم الانتباه للطريق بسبب الجوال
المرور يبذلون جهود للتخفيف من الحوادث وتم تركيب ردارات خاصة لحزام الامان والجوال والسرعه لكن اين وضعت في كل الشوارع طبعا لاااا وبعدين كم المخالفة 500 ريال ناس تدفعها عادي لازم تكون العقوبة كبيرة سجن يوم او يومين او حجر السيارة سحب الرخصة السواقة مخالفة مالية كبيرة تتجاوز 5000 ريال علشان الناس تحس ايضا وين دور الاباء والامهات لي تركوا عيالهم في الشوارع وهم في سن المراهقة ويقول خله صار رجال ياجماعة قربوا من عيالكم خلوهم معاكم شوفوا من يصحبون اذا جاتك ولدك جنازة بتفرح وايضا طلب من ادارة المرور تكثيف حملات التفتيش على الرخصة السواقة والملكية هذا الشي فقدناه من سنين اذكر في سنة 80 و 90 كل يوم تشوف مثل هالحملات للعلم كثير من المراهقين يسوق من غير رخصة وماحد يدري عنه
يكفي مأسي هالحوادث واستغرب بصراحة من لي ماسك جواله وهو يسوق ياخي وش الاخبار لي تبغي تنقلها قبل الناس يني مافيك صبر لين تصل المكان لي تبغيه وتاخذ راحتك غير انك معطل الناس لي يمشون خلفك كانك مالك الشارع
على العموم موضوع الجوال له اكثر من فرع بس انا ركزت على الحوادث واسف على الاطالة

[Dana’1]

نعم أحد مشاهير السوشال ميديا يعلم البنات كيف الشباب يسوقون و يصور بالجوال لأن تجيه أسئله من البنات عالخاص فيصور لهم كيف السواقه تكون بالركبة او ارفع شوي و نسولف و نحرك اليدين و الأمور طيبه
بعدين قام يا بلفيت ينكت قال أنتم تضمون السكان إذا سقتوا

كثير من المشاهير يسوقون و يسولفون بس يمكن سهل يسددون في حال سجلت عليهم مخالفه..يمكن
لأنها بسعر بسيط الأغلب يقدر عليه أو أن الأمور طيبه و ما تتسجل عليهم إلا من في حال
تواجد رجل المرور بنفس الموقع و سجلها
يعني ما تتسجل و هو يبث من السيارة أو يسجل سناباته وهو يسوق

طبعا و هالكلام يشمل أيضا جميع فئات الناس اللي تسوق حتى اللي مالهم بالشهره
و تصويرهم خاص

[مرتبش]

موضوع مهم وفي اوقات الاجازات تكثر الحوادث بسبب القيادة المتهورة ومن دون رخصة .. الموضوع ماينحل بتركيب كاميرات .. لابد من تواجد شرطة المرور وتدخلهم بمخالفة من يقود بتهور ومراقبة مخالفين قواعد المرور .. ذكرت اخوي ان حملات التفتيش نفتقدها من الثمانينات وهذا صحيح لان الشرطة غير موجودين واكتفوا باستخدام الكاميرات اللي الكل يمر عندها ويخفف ويكمل طريقه .
المخالفات العالية مالها معنى من دون تنفيذ .. سنين وعندنا المخالفات عالية ويمكن اعلى من جميع دول المنطقة لكن هل تحسنت السياقة بشكل عام؟ ما اعتقد .

[Rider]

نعم أحد مشاهير السوشال ميديا يعلم البنات كيف الشباب يسوقون و يصور بالجوال لأن تجيه أسئله من البنات عالخاص فيصور لهم كيف السواقه تكون بالركبة او ارفع شوي و نسولف و نحرك اليدين و الأمور طيبه
بعدين قام يا بلفيت ينكت قال أنتم تضمون السكان إذا سقتوا

كثير من المشاهير يسوقون و يسولفون بس يمكن سهل يسددون في حال سجلت عليهم مخالفه..يمكن
لأنها بسعر بسيط الأغلب يقدر عليه أو أن الأمور طيبه و ما تتسجل عليهم إلا من في حال
تواجد رجل المرور بنفس الموقع و سجلها
يعني ما تتسجل و هو يبث من السيارة أو يسجل سناباته وهو يسوق

طبعا و هالكلام يشمل أيضا جميع فئات الناس اللي تسوق حتى اللي مالهم بالشهره
و تصويرهم خاص

للاسف المشاهير لهم عالم اخر وماحد يحاسبهم حتى المخالفات تشال عنهم بدل لايعلم الناس الاشياء السلبية ياريت يعلمهم شي ينفع المفروض الناس يحمدون ربهم على النعمة لي اجدادنا وابائنا كانوا محرومين منها والقايدة فن وذوق واخلاق

[Rider]

موضوع مهم وفي اوقات الاجازات تكثر الحوادث بسبب القيادة المتهورة ومن دون رخصة .. الموضوع ماينحل بتركيب كاميرات .. لابد من تواجد شرطة المرور وتدخلهم بمخالفة من يقود بتهور ومراقبة مخالفين قواعد المرور .. ذكرت اخوي ان حملات التفتيش نفتقدها من الثمانينات وهذا صحيح لان الشرطة غير موجودين واكتفوا باستخدام الكاميرات اللي الكل يمر عندها ويخفف ويكمل طريقه .
المخالفات العالية مالها معنى من دون تنفيذ .. سنين وعندنا المخالفات عالية ويمكن اعلى من جميع دول المنطقة لكن هل تحسنت السياقة بشكل عام؟ ما اعتقد .

المهم تشريفك اخوي مرتبش للموضوع وكلامك على متمه اتمنى من ادارة المرور عدم التفكير في الربح المادي والتفكير في ارواح شبابنا