جلسة تداول 21 نوفمبر 2022 - مستوى ال 12111

[السامر الأسود™]

السلام عليكم ورحمة الله


فال خير باذن الله .

ساضع لكم مخططات السوق السعرية الليلة وغدا صباحا ان شاء الله

نسال الله التوفيق والسداد لنا ولكم

[ابومبارك]

صباح الخير ياعرب بعد صفارة الحكم امس

[بوبدرvip]

صباح الخير للجميع
جزاك الله خير اخوي السامر الأسود على كل ماتبذله من مجهود انت والإخوان المحللين

[معماري قطري]

صباح الخير ياعرب بعد صفارة الحكم امس

صباح الأنوار يا أخ العرب

تسندرنا أمس من صفارة الحكم ولعيبتنا ضيعوا ما يدرون وين مرمى الخصم .. حارس الاكوادور ما شفناه .. عاد اليوم نطلع حرتنا في السوق والا السوق بعد ضدنا خلاص هشكل بنكون مسوين شيء غلط

[معماري قطري]

السلع كلها نازلة وبرنت يترنح كأنها عصاقيل لعيبتنا أمس تهتز والداو المستقبلي أحمر .. نشوف شراي السوق اليوم

Crude Oil WTI
79.47 -0.64 -0.80%
Brent Oil
86.78 -0.84 -0.96%
Natural Gas
6.216 -0.155 -2.43%
Gold
1,747.25 -7.15 -0.41%
Silver
20.77 -0.227 -1.08%
Copper
3.6085 -0.0320 -0.88%
US Soybeans
1,422.25 -5.25

إذا نزل السوق سبب النزول صفارة الحكم وتعرفون من معلمنا عن صفارة الحكم هذا لازم نتعامل معاه عملية سرية

[ابومبارك]

:happy:

[ابومبارك]

انا مادام اغلبية اسهمي في قامكو ماعندي مشكله
اخر السنه ان شاء الله بيكون توزيعه حلو ناخذه وننتظر
يعني سهم ان شاء الله عوائده زين بإذن الله

[السامر الأسود™]

صباح الخير للجميع
جزاك الله خير اخوي السامر الأسود على كل ماتبذله من مجهود انت والإخوان المحللين

صباح النور.. جميع

ويجزاكم خير .. موفقين اليوم يوم مفصلي حق الفترة القادمة.. نسال الله التوفيق

[السامر الأسود™]

السلام عليكم ورحمة الله


فال خير باذن الله .

ساضع لكم مخططات السوق السعرية الليلة وغدا صباحا ان شاء الله

نسال الله التوفيق والسداد لنا ولكم


url=https://www.0zz0.com]https://www5.0zz0.com/2022/11/20/21/794878548.png[/url]

امس القيصر طلب تحليل وضع سهم الوطني كسهم مؤثر عالسوق.. وهنا اضعه لكم ونرى اين هو واين السوق واين نحن. - تفسيره كما تشاهدون انه وصل لخد القناة الصاعدة والمتوقع باذن الله انه يعدل من عنده .. ويرتد الى اعلى كما تشاهدون .. هذا هو وضعه بالسوق مافيه حاجة جديدة او غريبة وهو احد الاسباب اللتي نبني عليها هذا التفاؤل باذن الله

[السامر الأسود™]

طلع لكم الشارت؟

ماضبط الرابط شكله للعلم شباب انا عالجوال حاليا مش عالمنصة وفي طريقي الى المطار للعلم. ان شاء الله يومين وراجعين

[ابومبارك]

حفظك الله في حلك وترحالك يا السامر الطيب

[السامر الأسود™]

https://www8.0zz0.com/2022/11/20/21/983816490.png (https://www.0zz0.com)

تحديث بعد جلسة اليوم ومستوى ال 12111 اغلاق اليوم 12110 ,,
وهذا المخطط السعري ( شارت ) هام جدا ,, واهديكم اياه.

الهبطة المذكورة امس حصلت بجلسة اليوم واكتملت خمس موجات هابطة باذن الله

وعليه واستكمالا لمتابعة الليلة البارحة اعلاه,,
اتوقع مرة اخرى وثانية ان يتفاعل السوق منها الى الاعلى

باذن الله,,



وهذة مشاركة البارحة اخر تحديث لاخر جلسة امس.

نسال الله التوفيق والسداد لي ولكم


طبعا واضح الان وجلي سبب الإيجابية اللي اشوفها بالسوق

مؤشر عام وسهم وطني وصناعات .. والله عز وجل اعلم بمجريات الامور.. الا الى الله تصير الامور


اليوم مفصلي لانه عالحافة و وصل مناطق لازم يتحرك منها الى فوق باذن الله

والله اعلم.

[alkaldi]

السلام عليكم ورحمة الله وبركاته
بالتوفيق للجميع
امس صفارة ابومبارك ما نفعت ولا كاس عالم ولا اقتصاد ولا اي شي شنو ينفع مع سوقنا
الله كريم
وربي يرزق الجميع ان شاء الله

[ابومبارك]

السلام عليكم ورحمة الله وبركاته
بالتوفيق للجميع
امس صفارة ابومبارك ما نفعت ولا كاس عالم ولا اقتصاد ولا اي شي شنو ينفع مع سوقنا
الله كريم
وربي يرزق الجميع ان شاء الله

الامور طيبه بس هم يبون كذا

[السامر الأسود™]

https://www10.0zz0.com/2022/11/21/06/459406180.jpg (https://www.0zz0.com)



هذا ماةاراه من خلال جوالي.

و الله عزيز والله كريم والله قوي

[vip1982]

اسعد الله صباحكم, العالم الاسلامي والعربي قبل كاس العالم مختلف عن بعدها باذن الله, اذا حد عنده فكرة عن الدعم القوي للريان ياريت تخبرنا

[السامر الأسود™]

نتفائل ونتابع ونشوف والله كريم.


لعل تضبط هالمرة

[معماري قطري]

انا مادام اغلبية اسهمي في قامكو ماعندي مشكله
اخر السنه ان شاء الله بيكون توزيعه حلو ناخذه وننتظر
يعني سهم ان شاء الله عوائده زين بإذن الله

انت مشكلتك كبيرة كلنا متجمعين ونسوي تحريات عن أماكن تواجدك انت معرض لشتى أنواع الانتقام والتعذيب

لازم تتخفى وبعد بنصيدك حتى بو جبر بيتعاطف معانا

[mohamed9933]

نتفائل ونتابع ونشوف والله كريم.


لعل تضبط هالمرة

لاتوجد اي ايجابية نهائيًا
الواحد يلحق ع اللي عنده ويكيش ويطلع من سوقهم والله ان ريال ما استثمر في هذي المهزلة

[ابو جود]

السلام عليكم.. وصبحكم الله بالخير

أعتقد يكفينا إنتظار الارتداد والخساره تتعمق
بدأ كاس العالم وصفارة الحكم والحال نفس الحال
ننتظر بداية الدور الثاني وأدوار خروج المغلوب أحسن

[كلمة طيبة]

صباح الخير جميعا ، يا رب فرج قريب ،

[معماري قطري]

طلع لكم الشارت؟

ماضبط الرابط شكله للعلم شباب انا عالجوال حاليا مش عالمنصة وفي طريقي الى المطار للعلم. ان شاء الله يومين وراجعين

موفق في سفرتك والله يحفظك

[كلمة طيبة]

السلام عليكم.. وصبحكم الله بالخير

أعتقد يكفينا إنتظار الارتداد والخساره تتعمق
بدأ كاس العالم وصفارة الحكم والحال نفس الحال
ننتظر بداية الدور الثاني وأدوار خروج المغلوب أحسناخي الموضوع يحتاج اعادة ثقة ، جلسة وحدة بإرتداد طيب تكفي لتعزيز الثقة وكبح جماح الخوف والبيع

[alkaldi]

الامور طيبه بس هم يبون كذا

خلها على الكريم بيزينها
الله كريم مالنا الا الصبر
السوق ميييييييت الله المستعان

[معماري قطري]

قائد السوق في اتجاه صاعد وغالبية السوق متجهين تحت .. أشوف معاه المصرف بعد وممكن وقود .. سوقنا الكبير يبقى كبير ويكبر والصغير طول عمره صغير

[السامر الأسود™]

https://www3.0zz0.com/2022/11/21/06/709615474.jpg (https://www.0zz0.com)

امتداد للموجة.. وحطيت لها خط داعم.


نتابع و الله كريم

[بوخميس]

كله من الاكوادور

ولا كان السوق اخضر :fight:

[معماري قطري]

عني انا مقتنع بالتوزيع وبانتظر لين السوق يرتد ارتداد مجزي .. حتى البنيان عادي أكنسله والا ابني حصية على حصية

[معماري قطري]

كله من الاكوادور

ولا كان السوق اخضر :fight:

كاش والا أسهم بو خميس

[ابو جود]

اخي الموضوع يحتاج اعادة ثقة ، جلسة وحدة بإرتداد طيب تكفي لتعزيز الثقة وكبح جماح الخوف والبيع

اعتقد أن كل هذه السلبيه والخسائر تحتاج لاكثر من جلسه وسيوله ملياريه لاعادة الثقه وإلا ..
كم جلسه شاهدنا ارتداد ولكن نعود لنفس الموال بنفس اليوم أو اليوم التالي

[ابومبارك]

انت مشكلتك كبيرة كلنا متجمعين ونسوي تحريات عن أماكن تواجدك انت معرض لشتى أنواع الانتقام والتعذيب

لازم تتخفى وبعد بنصيدك حتى بو جبر بيتعاطف معانا

مشكله والمشكله عوده

هههههههههههه

[Breakaway]

https://www3.0zz0.com/2022/11/21/06/709615474.jpg (https://www.0zz0.com)

امتداد للموجة.. وحطيت لها خط داعم.


نتابع و الله كريم

اشرايك يالسامر في نموذج الوتد الهابط وموجاته ويمكن يصير نموذج موجة الذيب؟!

المؤشر العام

104483

[كلمة طيبة]

اشرايك يالسامر في نموذج الوتد الهابط وموجاته ويمكن يصير نموذج موجة الذيب؟!

المؤشر العام

104483

شو معنى هالكلام اخي ، يعني يكمل نزول لو يرتد

[كلمة طيبة]

يعني ممكن نشوف ارتداد مجزي ، بس المشكلة هل تم تحديد القاع

[Breakaway]

شو معنى هالكلام اخي ، يعني يكمل نزول لو يرتد

الهدف مستوى 12000 وما بقى عليه سوى 30 نقطة حتى هذه اللحظة والله كريم، نسمع رأي أخونا السامر مع أنه اشار إلى هذا المستوى من قبل وأدنى منه 11800 !

[كلمة طيبة]

الكل يترقب تفاعل المؤشر مع مستوى 12000

[بوخميس]

كاش والا أسهم بو خميس

100% اسهم

للاسف

[السامر الأسود™]

اشرايك يالسامر في نموذج الوتد الهابط وموجاته ويمكن يصير نموذج موجة الذيب؟!

المؤشر العام

104483

هلا بريك اواي



ايوه ايوه وغيره .. كلها خير


حاليا امتداد.. نراقب ال 12000

باذن الله اليوم ارتداد

[roma27]

السلام عليكم ورحمة الله وبركاته وصلنا 11.991 للاسف الحمد لله

[حسن الخاطر]

هوة سب السوق حلال و لا حرام :thumbdown:

[qatar.1995]

https://www3.0zz0.com/2022/11/21/06/709615474.jpg (https://www.0zz0.com)

امتداد للموجة.. وحطيت لها خط داعم.


نتابع و الله كريم

وانت سالم 11900 قربنا منها يعني 12000 مايشوفه

[alkaldi]

السلام عليكم ورحمة الله وبركاته وصلنا 11.991 للاسف الحمد لله

وشكله لين الحين السرعه 140 ما يندرى وين يوقف او حاط مثبة السرعه ولا مفتكر
الله المستعان

[معماري قطري]

100% اسهم

للاسف

الله يرزقنا معاك .. انا لو برا بادخل بكل اللي عندي صراحة كلما طالت المدة الارتداد يقرب بس بالنسبة لنا الوضع ممل

والله آخر دخول لي من أيام بعد اعلان المناعي بكم يوم ب 7.9 وكانت وما زالت نيتي انتظار التوزيع

[كلمة طيبة]

وانت سالم 11900 قربنا منها يعني 12000 مايشوفه

هههههههه ، كمية التشائم عالية جدا ، يا شباب اهم شي الصحة والدين والإيمان ، خلي املك بالله عزيزي

[ابو جود]

هوة سب السوق حلال و لا حرام :thumbdown:

على حسب لونه ههههههه

[Al-Mezan]

السلام عليكم ,
في اسهم يا بلاش اللي يحب يكتتب مع خصومات تصل الى 40% من سعر الاكتتاب

[qatar.1995]

خلما نستتع في كازا والبورصه خذت فلوسنا بالكي تتصلح وتفرحنا

[معماري قطري]

وشكله لين الحين السرعه 140 ما يندرى وين يوقف او حاط مثبة السرعه ولا مفتكر
الله المستعان

سوقنا يتيم بس مؤقتاً ما اظن يطول لا تهتم وبتدخل سيولة قوية وقتها علامة الارتداد لكن صحيح الكل يتسائل وين القاع

[adell]

معقول مجمع المناعي يقلب للمت اب

[حسن الخاطر]

على حسب لونه ههههههه

اكيد علي هاي اللون الاحمر
هوة سوقنا عندة لون تاني غير الاحمر

[مضارب دوسري]

مافي سوق يضرب مسافه من 12680
الى القاع 12095 ويكسر القاع

عشان خاطر 50 او 100 نقطه ويرتد بعدها

واقعيا عند كسر اي قاع يكون على اقل شي 300 نقطه من القاع السابق وعقب نشوف الترتيب له نوايا تعميق او ارتداد

نركز على الوطني في حال كسر 18.75 غير طيب

واذا تماسك عندها فهو بيعطي بريق امل في قادم الايام

من الارقام المتوقعه هي مستويات ما بين 11500_11700
اذا اعطى قوه عندها بيكون زين وتمام

واذا ما قدر وقتها نبدا ترجيح هدف نموذج الكوب والعروه وهو 11000 فوقه او تحته ب 100

[السامر الأسود™]

https://www5.0zz0.com/2022/11/21/07/652555796.jpg (https://www.0zz0.com)

تحديث.. بريك اواي بما ان الكسر 12111 صار مدها 50 نقطة زيادة شوف الخط. وكلها خير

[بوبدرvip]

لا للبيع ياخون

[السامر الأسود™]

شباب للعلم.. المتابعة اللحظية للسوق تتقلب .. فكل شي مفتوح للتغير.. تحت او فوق.. هذا تداول حي يعني.. ولكن الاكيد ان كلها خير ومناطق ممتازة . باقي الريان يخلص ان شاء الله

[Al-Mezan]

ان شاء خير ونشوف شمعة سبايك العاكسة للاتجاه

[ابو جود]

شباب .. نصيحه واسمعوا كلامي
الشاويش عطيه ما بيرفع السوق وهو شايفنا كل يوم نقول صابرين صامدين
الكل يدخل هنا يكتب اليوم سجلت خروج من البورصه بكامل المحفظه ولن اعود قبل بداية العام
واذا ما ارتفع السوق بنفس الجلسه اعوضكم ..

[كلمة طيبة]

مافي سوق يضرب مسافه من 12680
الى القاع 12095 ويكسر القاع

عشان خاطر 50 او 100 نقطه ويرتد بعدها

واقعيا عند كسر اي قاع يكون على اقل شي 300 نقطه من القاع السابق وعقب نشوف الترتيب له نوايا تعميق او ارتداد

نركز على الوطني في حال كسر 18.75 غير طيب

واذا تماسك عندها فهو بيعطي بريق امل في قادم الايام

من الارقام المتوقعه هي مستويات ما بين 11500_11700
اذا اعطى قوه عندها بيكون زين وتمام

واذا ما قدر وقتها نبدا ترجيح هدف نموذج الكوب والعروه وهو 11000 فوقه او تحته ب 100

ابو محمد نزول حدث فوق ال 5% بدون اي ارتداد يذكر هل يعقل هذا ، اشوف انه عمق كثير بشكل مبالغ فيه

[حسن الخاطر]

هوة الناس الي بتبيع بالاسعار دية شاريين بكام فى الاصل

[فرع الشقاوة]

شباب .. نصيحه واسمعوا كلامي
الشاويش عطيه ما بيرفع السوق وهو شايفنا كل يوم نقول صابرين صامدين
الكل يدخل هنا يكتب اليوم سجلت خروج من البورصه بكامل المحفظه ولن اعود قبل بداية العام
واذا ما ارتفع السوق بنفس الجلسه اعوضكم ..

هو كده كده شايف نسبة ملاك الاسهم وعارف مين باع ومين ما بعش هو هدفه بيتم الان وبيلم اسهم من القلوب الضعيفة المعذورين فى بيعهم لاسهمهم بالاسعار دى لانهم خايفيين وده حقهم

[مضارب دوسري]

ابو محمد نزول حدث فوق ال 5% بدون اي ارتداد يذكر هل يعقل هذا ، اشوف انه عمق كثير بشكل مبالغ فيه

كل هذا الكلام صحيح ياخوي كلمه طيبه
ولكن دام كسر القاع تغيرت الحسابات

هذا الكلام قبل كسر 12095 بكون موافق معاك عليه
ولكن شوفة عينك وصل الحال بكسر قاع كلف احجام تداول اكثر من 1.5 مليار لتكوينه

فالكسر نحسبه بالقيمه
واليوم يكسره وكأنه السلام عليكم ب باقل من 60 مليون

[فرع الشقاوة]

هوة الناس الي بتبيع بالاسعار دية شاريين بكام فى الاصل

باعوا بخسارة او باعوا براس المال احسن ما يتعلق سنة ولا سنتين

[ابومبارك]

السقوط الى الهاويه

[ابومبارك]

العالم تهرب من السوق
يقولك ابيع بخساره شرط الحق على المتبقي من فلوسي
هذا الي نشوفه حاليا

[حسن الخاطر]

و احنا متعلقين منتظرين صفارة الحكم
و كل يوم نقول بكرة بكرة
بس للاسف بكرة اسوء من اليوم
لا حول ولا قوة الا بالله

[حكاية عطر]

سلام عليكم

فيه شخص عنصري امبطل حلجه ويحب يهرف كثير لأن لاعب فيه الهرررف اللي يتحدث عنه

تعال ارفع كاشك وانقذ المساكين

قل خيرا او اصمت ولا اتلقح الكلام وانت ما تدري وين الطوفة

موفقين للطيبين فقط

[alkaldi]

كل هذا الكلام صحيح ياخوي كلمه طيبه
ولكن دام كسر القاع تغيرت الحسابات

هذا الكلام قبل كسر 12095 بكون موافق معاك عليه
ولكن شوفة عينك وصل الحال بكسر قاع كلف احجام تداول اكثر من 1.5 مليار لتكوينه

فالكسر نحسبه بالقيمه
واليوم يكسره وكأنه السلام عليكم ب باقل من 60 مليون


السقوط الى الهاويه

الذهاب الى المجهول

[][ الوحيد ][]

السوق مابيرجع الا اذا نزل التضخم و انتهت الحروب كلها .. غير هاي موضوع والله بنوصل 14,000 و 15,000 وهم و يستغله البعض عشان يصرف و يبيع
هم عندهم شي يغطي عن خسايرهم لو باعوا بخساره .. بس المساكين ماعندهم الا الاسهم

[بوبدرvip]

مافيه بيع لوينزل زياده بعد

[ابومبارك]

الذهاب الى المجهول

هههههههههه شو البليه مايضحك

[ابومبارك]

يخمون خم في ازدان على هذي الاسعار

[alkaldi]

الريان كسر رقم رقم 3.640 ما كسره من تقريبا 52 اسبوع
شكله رايح لقاع بعيد الله يستر

[كلمة طيبة]

نسأل الله الفرج والعوض .

[مضارب دوسري]

الريان كسر رقم رقم 3.640 ما كسره من تقريبا 52 اسبوع
شكله رايح لقاع بعيد الله يستر

شارت 88nasser88
اللي تم مهاجمته عليه من كم شهر هو اللي فعال حاليا للريان

[بوجبر]

عزوف تام عن الشراء بقيادة الطبقة المتوسطة

[Abjalsulaiti]

للاسف هذا مش بيع ناس

هذا بيع السستم

حسبي الله ونعم الوكيل فالي متعمد يشغله وينزل السوق

[alkaldi]

السلام عليكم ,
في اسهم يا بلاش اللي يحب يكتتب مع خصومات تصل الى 40% من سعر الاكتتاب

لو يصبر الواحد بعد احتمال يحصل تنزيلات 70 %

[alkaldi]

شارت 88nasser88
اللي تم مهاجمته عليه من كم شهر هو اللي فعال حاليا للريان

صحيح اذكر وقال انه احتمال يوصل 3.3 وهذا اللي شكله راح يصير والله اعلم
الله المستعان

[مضارب دوسري]

صحيح اذكر وقال انه احتمال يوصل 3.3 وهذا اللي شكله راح يصير والله اعلم
الله المستعان

3.400 اخبر

[حسن الخاطر]

معقول فى السوق فى الدنيا ينزل 7 جلسات ورا بعض كدة

[مضارب دوسري]

الحين هذه المناطق جاذبه لبعض المحافظ للشراء
ولكن اهل العرض بيخلون المؤشر يرتد شوي ويثبتون عند هالمناطق عشان يبيعون اكبر قدر ممكن لين تنشف الطلبات مثل ما حصل يوم ال12300

[ابومبارك]

معقول فى السوق فى الدنيا ينزل 7 جلسات ورا بعض كدة

اي هذا سوقنا

[ahmed saleh]

شارت 88nasser88
اللي تم مهاجمته عليه من كم شهر هو اللي فعال حاليا للريان

محدش هاجمه علي رقم 3.4
كان يقول 1.3
اصلا الريان ايامها كان 3.9
وطلع بعديها 4.9

[ahmed saleh]

وهذة مشاركة البارحة اخر تحديث لاخر جلسة امس.

نسال الله التوفيق والسداد لي ولكم


طبعا واضح الان وجلي سبب الإيجابية اللي اشوفها بالسوق

مؤشر عام وسهم وطني وصناعات .. والله عز وجل اعلم بمجريات الامور.. الا الى الله تصير الامور


اليوم مفصلي لانه عالحافة و وصل مناطق لازم يتحرك منها الى فوق باذن الله

والله اعلم.

مرحبا يا كبير
اين ارقام وقف الخساره
وتبدل الاتجاه

[alkaldi]

اذا بيستمر هالنزول كل يوم شكلنا بنشوف شركات تحت النص ريال
ويصيدون السالفه من هناك وصغار المستثمرين تعلقوا من فوق
والكل يدور بس يرد راس ماله
الله يعوض على كل خاسر يارب

[Al-Mezan]

في اسهم ما تستاهل هالهبوط

[ابومبارك]

مزايا اوصلت الاجاره
قالت لها وين رايحه عني تعالي

[ابومبارك]

اذا بيستمر هالنزول كل يوم شكلنا بنشوف شركات تحت النص ريال
ويصيدون السالفه من هناك وصغار المستثمرين تعلقوا من فوق
والكل يدور بس يرد راس ماله
الله يعوض على كل خاسر يارب

اي راس مال يالخالدي
الناس الحين يمكن يبون يطلعون بخساره قليله على الاقل

[كلمة طيبة]

اذا بيستمر هالنزول كل يوم شكلنا بنشوف شركات تحت النص ريال
ويصيدون السالفه من هناك وصغار المستثمرين تعلقوا من فوق
والكل يدور بس يرد راس ماله
الله يعوض على كل خاسر يارب

بنشوف البنوك بريال. ههههههه

[كلمة طيبة]

على ما اظن في تحليل للاخ ناصر يقول انه 11935 نقطة تعبر منطقة جاذبة .
صار الواحد فينا يدور عى اخف البلى

[Breakaway]

[11,940]

[مضارب دوسري]

الوطني محاولات للتحرك للاعلى

[ابومبارك]

انا خسران وايد من قبل رمضان لحد الان مئات الالوف
لكن انا مقتنع ان الخساره خسارة الروح
والفلوس تتعوض

[alkaldi]

اي راس مال يالخالدي
الناس الحين يمكن يبون يطلعون بخساره قليله على الاقل

ليه يا حلو انت تفكر تطلع
وبعدين لين تطلع شلون بتعوض
لانه السوق الحين ما تدري وين رايح
مالك الا الصبر

[ابومبارك]

ليه يا حلو انت تفكر تطلع
وبعدين لين تطلع شلون بتعوض
لانه السوق الحين ما تدري وين رايح
مالك الا الصبر

لا مافيه طلعه جالسين ماورانا شي

[مضارب دوسري]

الوطني والمصرف مثبتينهم بعيد شوي عن الدعوم المهمه لهم

ومخلين الضرب في الريان وصناعات

شي جيد ويوحي ان الوضع ماراح يطول ان شاء الله

[alkaldi]

جالسين طلعه مب طالعين لين ربك يفرجها
واملنا في الكريم
وربي يرزق الجميع قريب ان شاء الله

[roma27]

حرام الي نشوفه

[alkaldi]

الوطني والمصرف مثبتينهم بعيد شوي عن الدعوم المهمه لهم

ومخلين الضرب في الريان وصناعات

شي جيد ويوحي ان الوضع ماراح يطول ان شاء الله
اوريدو بعد معاهم

[مضارب دوسري]

السوق على وشك الارتداد الآن

بس ان شاء الله ارتداد يكون قووي وما يكون ارتداد تصحيحي

[q6ri_]

شرايكم في ازدان وهل الوقت مناسب للدخول؟

[حسن الخاطر]

ما شاء الله علي الاجارة نازلة حدود 4% :thumbdown:
على اساس انها كانت طايرة فى فوق

[مضارب دوسري]

شرايكم في ازدان وهل الوقت مناسب للدخول؟

اذا انت برى السوق خلك برى لين تصير تاكيدات واضحه وتحفز

[كلمة طيبة]

الوطني والمصرف مثبتينهم بعيد شوي عن الدعوم المهمه لهم

ومخلين الضرب في الريان وصناعات

شي جيد ويوحي ان الوضع ماراح يطول ان شاء الله

والتجاري

[مضارب دوسري]

اول ما شافو الريان بدت تتجمع الطلبات ويقترب من ال3.610
راحوا ضربوه بنص مليون سهم بيع ماركت الى 3.602

[كلمة طيبة]

السوق على وشك الارتداد الآن

بس ان شاء الله ارتداد يكون قووي وما يكون ارتداد تصحيحي

ان شاء الله

[مضارب دوسري]

الحين معركة دببه وثيران في الريان
اذا تجاوز 3.615 بيبدأون الثيران يتحكمون بالسهم ويرفعونه

[ابومبارك]

ازدان سعره حلو
بس هذا الوقت ماتدري وش ورا السوق
ا

[عبدالعزيز 9]

ارقام ماشفناها عز الكرونا ايش الي صاير؟

[alkaldi]

شرايكم في ازدان وهل الوقت مناسب للدخول؟


السوق على وشك الارتداد الآن

بس ان شاء الله ارتداد يكون قووي وما يكون ارتداد تصحيحي

ان شاء الله بس ياخوي شكلهم بعد ناوي على النزول والله اعلم
في مستويات بعد ادنى يبونها

[ابومبارك]

الاسهم الخليجيه وش وضعها اليوم ؟

[مضارب دوسري]

ان شاء الله بس ياخوي شكلهم بعد ناوي على النزول والله اعلم
في مستويات بعد ادنى يبونها

اذا ما رتد اليوم وبفوه خلاص نسلم الرايه وننتظر مستويات 11700_11500

[ابومبارك]

المناعي طاح طيحه قشره

[مضارب دوسري]

التخوف الان بعد ما خف الضرب فالريان وصناعات وبدوا يتماسكون شويتين

انه يتجهون للضرب في الوطني والمصرف :(

[ابومبارك]

اذا ما رتد اليوم وبفوه خلاص نسلم الرايه وننتظر مستويات 11700_11500


وجهه مش وجه ارتداد يا مضارب

[Al-Mezan]

وين الصفارة عند من :court:

[مضارب دوسري]

وجهه مش وجه ارتداد بالمضارب

عاد اذا مارتد وش نسوي قدر الله وماشاء فعل

الريموت بيد الوطني اذا بيرد فوق ال19 بيحفز الريان والصناعات لتقليص الخساير بشكل جيد

[كلمة طيبة]

200 نقطة نزول بجلسة !!!

[Al-Mezan]

في عز الازمات ما شفنا ال 200 نقطة هبوط

[محمد مأمون]

بمناسبة المونديال البورصة عاملة تنزيلات

[حسن الخاطر]

و الله السوق يسكر ابرك
احسن من الانهيار الي هوة فية دة

[مضارب دوسري]

للأسف ضربوا الوطني
ننتظر دعمه عند ال18.75 والدعم الشهري 18.48

[كلمة طيبة]

مافي سوق يضرب مسافه من 12680
الى القاع 12095 ويكسر القاع

عشان خاطر 50 او 100 نقطه ويرتد بعدها

واقعيا عند كسر اي قاع يكون على اقل شي 300 نقطه من القاع السابق وعقب نشوف الترتيب له نوايا تعميق او ارتداد

نركز على الوطني في حال كسر 18.75 غير طيب

واذا تماسك عندها فهو بيعطي بريق امل في قادم الايام

من الارقام المتوقعه هي مستويات ما بين 11500_11700
اذا اعطى قوه عندها بيكون زين وتمام

واذا ما قدر وقتها نبدا ترجيح هدف نموذج الكوب والعروه وهو 11000 فوقه او تحته ب 100

قربنا من ال 300 نقطة

[محمد مأمون]

الوضع كارثي لازم بورصة قطر تشرح سبب الانهيار من حقنا نعرف سبب الانهيار

[Al-Mezan]

صفر يا بومبارك وين رحت :eek3:

[alkaldi]

شرايكم في ازدان وهل الوقت مناسب للدخول؟


اذا ما رتد اليوم وبفوه خلاص نسلم الرايه وننتظر مستويات 11700_11500
مسلمين الرايه اخوي من بداية 10
الله المستعان وما في شكله ارتداد ولا حتى امل او التفكير في الارتداد
ضعنا في زحمة البورصه

[حسن الخاطر]

هوة الناس الي بتبيع دية عندهم اخبار او تسريبات و احنا ما ندري ؟؟؟
السوق نازل 2%

[كلمة طيبة]

https://www5.0zz0.com/2022/11/21/07/652555796.jpg (https://www.0zz0.com)

تحديث.. بريك اواي بما ان الكسر 12111 صار مدها 50 نقطة زيادة شوف الخط. وكلها خير

قصدك 500 مش 50 يبدو في صفر وقع بالغلط

[مضارب دوسري]

خلاص الحين نتمنى زيادة الهبوط وضرب الدعوم
احسن من ارتداد يكون وضعه يمكن اي ويمكن لا

[ابومبارك]

صفر يا بومبارك وين رحت :eek3:

صفر ليته ماصفر هههههههه

[معماري قطري]

نشوف من يبيع اليوم شكلهم الأجانب بقوة يقولون خلوا سوقكم يفيدكم وكاس العالم يفيدكم مثل ما سووا الخليجيين بالضبط

[ابومبارك]

مب سهله بلدنا ههههههههه

[حسن الخاطر]

نشوف من يبيع اليوم شكلهم الأجانب بقوة يقولون خلوا سوقكم يفيدكم وكاس العالم يفيدكم مثل ما سووا الخليجيين بالضبط

ما هوة ما الوضع دة يخوف اي حد عاوز يدخل فى السوق
و يكون عاوز يهرب

[معماري قطري]

المضحك إن ولا مؤشر في العالم ساقط مثل سقوط مؤشرنا .. باتلثم لو طلعت خارج قطر حتى محد يعرف اني قطري

[معماري قطري]

ما هوة ما الوضع دة يخوف اي حد عاوز يدخل فى السوق
و يكون عاوز يهرب

طول ما فيه ناس موجودين ويشترون اعرف ان السوق مغري وبيرتد وفرصة للي يشتري وهو نازل .. اللي أشوفه الإرتداد قريب والتوزيع قرب والخسارة تتحقق لو بعتوا

[كلمة طيبة]

المضحك إن ولا مؤشر في العالم ساقط مثل سقوط مؤشرنا .. باتلثم لو طلعت خارج قطر حتى محد يعرف اني قطري

اضحك الله سنك. هههههه

[Al-Mezan]

ان شاء الله ما يخلونه اليوم باقي 48 دقيقة

[ابو جود]

العافيه هي المكسب

[حسن الخاطر]

طول ما فيه ناس موجودين ويشترون اعرف ان السوق مغري وبيرتد وفرصة للي يشتري وهو نازل .. اللي أشوفه الإرتداد قريب والتوزيع قرب والخسارة تتحقق لو بعتوا

متى بيرتد اخوى معماري
كل يوم نقول بكرة بكرة
و الوضع من اسوء الي اسوء

[ابو جود]

إستبشروا .. ميسي اليوم راح يعيد لكم النشاط والحياه للبورصه

[حكاية عطر]

لا حول ولا قوة الا بالله

وينه الهاررررف ينزل هرررفه ، نبي انشوف هرفاته

الله المستعان يالطيبين وانا ما كذبت عليكم ولا خدعتكم من شهرين كلامي واضح الله يوفق الطيبين فقط

[معماري قطري]

متى بيرتد اخوى معماري
كل يوم نقول بكرة بكرة
و الوضع من اسوء الي اسوء

الله أعلم بس الوضع غريب كلش وباديته محافظنا من زمان هي اللي خربت السوق ببيعها بدون اهتمام

[vip1982]

هل احد ينصح نعزز ونعدل سعرنا في الريان؟

[حكاية عطر]

اي سهم اعطى تأكيد على وقف الخساره فهو خروج بدون تردد ولا تهاون نهائيًا

اللي ما يبي يخرج هذا وضعه انه عنده كاش للتعديل وشرط ان لا يكون هذا الكاش هااااامش ابتعدوا عنه نصيحة لوجه الله عزوجل في علاه فهو يمثل المنشار بالضبط

اتمنى للطيبين التوفيق من كل قلبي والله يزيد الهارف هرفه

[مضارب دوسري]

اتمنى يزيد الهبوط وما يسوون حركة ميك اب للمزاد
خلاص نبي نضرب الدعوم 11700_11500
المفصليه لوضع المؤشر ولانها تصادف دعوم مفصليه ايضا للقياديات الوطني والمصرف وصناعات وايضا الريان

ما نبي تقليص بارد

[q6ri_]

من مزعل الاجارة

[alkaldi]

يارب صبرك وفرجك
اذا كان في هذا الامر خير لنا فصبرنا واعد لنا ما خسرنا
وان كان في هذا الامر شر لنا فاصرفه عنا وهوه علينا توابعه
وربي يرزق الجميع ان شاء الله قريب

[alkaldi]

اتمنى يزيد الهبوط وما يسوون حركة ميك اب للمزاد
خلاص نبي نضرب الدعوم 11700_11500
المفصليه لوضع المؤشر ولانها تصادف دعوم مفصليه ايضا للقياديات الوطني والمصرف وصناعات وايضا الريان

ما نبي تقليص بارد

ما عندهم اي مشكله اخوي مضارب
لين الحين كاس العالم باديه وصفارة المباراه النهائيه بعيد
يعني عندهم وقت للنزول اكثر
الله المستعان

[مستثمر درويش]

معقولة نزول بهذا الشكل واكبر حدث رياضي في العالم في قطر طيب أحترموا المناسبة والبورصة واجهة الاقتصاد شوفوا الصفحات الاقتصادية شو نزلواعلى تويترالبورصة القطرية نزول 2 بالمئة مع بداية كأس العالم

[vip1982]

تبين معك الشركات المحترمة اللي تشتري عشان تخفف الهبوط, اما شركة مثل بنك الريان قاعد يبيع المطلعين فيه والسهم نازل

[ابومبارك]

بل المناعي نازل على المت داون لا ومدخلينه في المؤشر بعد

[مضارب دوسري]

بل المناعي نازل على المت داون لا ومدخلينه في المؤشر بعد


قلت لك ذاك اليوم سعره المستحق حول ال8

بس انت قلت ابي بس التوزيع ومستثمر

[شبيب]

‏ورد_الآن

‏مؤشر بورصة_قطر يفقد مستوى 12 ألف نقطة ويستعيد مستويات يوليو 2022

‏

[mohamed9933]

لاتوجد اي ايجابية نهائيًا
الواحد يلحق ع اللي عنده ويكيش ويطلع من سوقهم والله ان ريال ما استثمر في هذي المهزلة

الحمدلله بعت بخسارة 70٪ من رأس المال بداية السوق
ولو ان استمريت بغباء الثقة ببورصة قطر كان الحين خسرت كل رأس المال

[مستثمر درويش]

للأسف يا فرحة بعض الشامتين بالبورصة القطرية

[كلمة طيبة]

261 نقطة بجلسة واحدة هبوط ، الى الله المشتكى ، الله يعوض كل خسران ، هذا هو السوق ربح وخسارة

[حسن الخاطر]

الله يعوض كل خسران ان شاء الله
صراحة السوق عمل عدم الثقة فى نفوسنا
و الاحباط سالب 1000

[كلمة طيبة]

قامكو اسد

[ابومبارك]

الحمدلله بعت بخسارة 70ظھ من رأس المال بداية السوق
ولو ان استمريت بغباء الثقة ببورصة قطر كان الحين خسرت كل رأس المال

كثير 70%
الله يعوضك خير ان شاء الله
انتظر وشوف يمكن ينزل زياده وتاخذ من تحت
على الاقل تعوض

[معماري قطري]

بل المناعي نازل على المت داون لا ومدخلينه في المؤشر بعد


كنا نقول المناعي نعناعي ألحين قلب شاي حمر

[alkaldi]

يااخي ماشاء الله على بلدنا
وحش والله هذا والمؤشر نازل ماسك سعره وبعد طلوع شوي
شلون لو الموشر طالع كان ولع
شكله بيكون الحصان الاسود

[alkaldi]

كنا نقول المناعي نعناعي ألحين قلب شاي حمر

ههههههههههه

[ابومبارك]

قامكو اسد

رفعوه تكه الحين عشان بكره يهبدون فيه ولا تسمى رفعه

[شذى الورد]

انتظروه عند 11100 تقريباً.

[ابومبارك]

المناعي لو كسر ال 7 هذا الاسبوع يامحلاه

[محمد مأمون]

قطر وعمان كسر ادنى 52 اسبوع اكتر سهم كاسر خاطري ومابملك فيه ابدا

[كلمة طيبة]

قطر وعمان كسر ادنى 52 اسبوع اكتر سهم كاسر خاطري ومابملك فيه ابدا

الدولبة كسرت بعد ، وتعور القلب

[Abjalsulaiti]

هذا اخرت بيع المكشوف ومبادرة جهاز قطر للاستثمار صانع سوق

شغل السستم وخله يبيع عشوائي ويدمر السوق بكبره

[ابومبارك]

هذا اخرت بيع المكشوف ومبادرة جهاز قطر للاستثمار صانع سوق

شغل السستم وخله يبيع عشوائي ويدمر السوق بكبره

صدقت من دخلوه والسوق نزول في نزول
الظاهر يبون ينزلونه لين الارقام القديمه عشان يكوشون
وعقبها يرفعونه لهم

[mohamed9933]

كثير 70%
الله يعوضك خير ان شاء الله
انتظر وشوف يمكن ينزل زياده وتاخذ من تحت
على الاقل تعوض

الله يعوضنا مكان ثاني لكن والله ما استثمر في هذي البورصة حتى لو فيها ضمانات من الامم المتحدة
هنيئًا لكل من عاجبه الوضع ولكن بيده مليارات يتحكم بها كيفما يشاء بإسم محافظ وطنية

[كلمة طيبة]

عاللي اشوفه اذا بسكر الوطني عال 18.5 ممكن نشوف نزول في المؤشر قريب 3% يعني هبوط فوق 300 نقطة

[فرع الشقاوة]

لا حول ولا قوة الا بالله

[عبدالعزيز 9]

لاحول ولاقوه الا بالله

[vip1982]

حسبي الله ونعم الوكيل, الله لا يسامح اللي كان السبب, أكره اللوم وتحميل المسؤولية للغير, لكن الله يشهد سعيت للحلال والاسهم النقية فقط, ولكن الله قدر لحكمة لايعلمها إلاهو

[مضارب دوسري]

انتظروه عند 11100 تقريباً.

خلص الكلام
شذى الورد منوووووووووووره يا استاذتي :)

[بوبدرvip]

سبحان الله وبحمده

[mohamed9933]

حسبي الله ونعم الوكيل, الله لا يسامح اللي كان السبب, أكره اللوم وتحميل المسؤولية للغير, لكن الله يشهد سعيت للحلال والاسهم النقية فقط, ولكن الله قدر لحكمة لايعلمها إلاهو

حسبي الله ونعم الوكيل تكفي
لكن تأكد ان الوضع مش طبيعي
مش معقول*تسييل*وبعدها*هبوط*قوي
مش معقول وضع المتفرج اللي صاير
مش معقول اذا تتحول لمستثمر تخسر فلسوك كلها
مش معقول يا تدخل في الاسهم اللي احنا فيها والا تخسر
مش معقول انعدام الشفافية
ممكن تكون في مخاطر استثماربة في سوق الاسهم لكن مش بهذا الوضع
كسر لدعوم لكل الاسهم
كسر دعوم للمؤشر
كسر الله عظام المستبب

[roma27]

انتظروه عند 11100 تقريباً.

الكلمه امانه يا اختي حرام في ناس بتبيع بعد كلامك

[مضارب دوسري]

الكلمه امانه يا اختي حرام في ناس بتبيع بعد كلامك

ماقالت شي غلط ياخوي روما

فعلا السوق احد دعومه حول ال11000

صحيح فيه دعوم حول ال11700_11500 بسس ممكن ما تكون قويه

[شذى الورد]

النور نورك اخوي مضارب

[roma27]

ماقالت شي غلط ياخوي روما

فعلا السوق احد دعومه حول ال11000

صحيح فيه دعوم حول ال11700_11500 بسس ممكن ما تكون قويه

طيب اذا بعنا وعكس التوقعات ال ذكرتها

[شذى الورد]

هلا اخوي روما
انا قلت رأيي في المؤشر بناء على معطيات انا اشوفها
كل محلل يقول رايه وهو مجرد اجتهاد ممكن يصيب وممكن يخيب
اعذروني اذا المشاركة كدرت خاطركم ..

[roma27]

هلا اخوي روما
انا قلت رأيي في المؤشر بناء على معطيات انا اشوفها
كل محلل يقول رايه وهو مجرد اجتهاد ممكن يصيب وممكن يخيب
اعذروني اذا المشاركة كدرت خاطركم ..

لا والله قلتي رايك وانتي حره فيه اسمحلي اذا اخطاءت

[شذى الورد]

مسموح اخوي ،،، وان شاء الله يرتفع ونفرح كلنا .

[roma27]

مسموح اخوي ،،، وان شاء الله يرتفع ونفرح كلنا .

ان شاء الله

[مضارب دوسري]

طيب اذا بعنا وعكس التوقعات ال ذكرتها

مستويات وقف الخساره اعتقد خلاص الحين محد يقدر يقول اوقف خسارتك تجاوزناها

كانت من 7 اسابيع عند كسر 11715 اول وقف
ثاني وقف كان 12416
ثالث وقف كان بالاغلاق تحت 12200

والوقف الاخير هو القاع اللي كنا عاقدين عليه امال 12095 وما ضبطت

ما بعد ذلك مستحيل يجي شخص يقول لشخص ازقف خسارتك لان القاع غير معلوم اذا قريب او بعيد

[roma27]

مستويات وقف الخساره اعتقد خلاص الحين محد يقدر يقول اوقف خسارتك تجاوزناها

كانت من 7 اسابيع عند كسر 11715 اول وقف
ثاني وقف كان 12416
ثالث وقف كان بالاغلاق تحت 12200

والوقف الاخير هو القاع اللي كنا عاقدين عليه امال 12095 وما ضبطت

ما بعد ذلك مستحيل يجي شخص يقول لشخص ازقف خسارتك لان القاع غير معلوم اذا قريب او بعيد

جزاك الله خيرا بس نفقد بعد 700نقطه كثير هذا ال ذكرته اخت شذى الورد والعلم عند الله الخوف ان اذا من قراء تحليلها ان يوصل المؤشر 11100نقطه وباع وحدث العكس ارتفع المؤشر ولم يصل إلى هذه النقطه على العموم ان شاء الله الله يعوض الجميع هذا مجرد رأي قد يخطأ وقد يصيب

[مضارب دوسري]

ويجزاك بمثله
شوف ياخوي السوق ارقام وكل شخص مسؤول عن قراراته الشخصيه

لو مثلا سوقنا عند ال14000 وقلت لك بيع ممكن تقول لو بعت وارتفع السوق شنو بسوي !

ونفس الشي عند تحديد القيعان وقيعان مثل ال11000 اعتقد ناس كثر توقعوها منذ فتره

المشكله ايش!؟
ان الواحد مو قادر ياخذ راحته بذكر الاهداف السفليه مثل ما ياخذ راحته بذكر الاهداف العلويه
لو اقولك السوق يبي ال16000 مع انه عالشي غير منطقي بتقولي صح وكفو واقتصادنا و و و و اسباب ايجابيه كثيره

بس لما يجي احد ويعطي على العوق ويذكر قاع محتمل نجد البعض يزعل ... لذلك نجد ضحايا كثر فالسوق ياخوي والسبب الناس ما تتقبل اي شي سلبي


لو اضحك على احد واحط قمه من راسي الكل بيدافع عني حتى لو كلامي فاضي

ولو اكتب قاع محتمل تجد الكثيرين يتخذون موقف سلبي من هذا الشخص واذا ما ضبطت معاه اوووووه خذ شماته من هني لين السنه الجايه

هذي كلها اسباب فعليه لويادة عدد المتعلقين في السوق ان بعض اعضاء شبكة الاسهم فالسنوات الاخيره يهاجمون اي شي يذكر السوق بسلبيه حتى ولو كان صدق وواقع
ويرفعون اي شي يكون فيه ذكر قمم حتى ولو كان الكلام فارغ

لذلك الكثير ترك فكرة تحليل ومساعدة الغير وصار يشتغل بروحه... لان الناس تبي الايجابي فقط والبشاير